روايةツ
نوتيلآ ❥❥
الفصل (40
， `·，`·，`·，`·，`·，`·，`·，`·，`·，`·，`·
بالملايات...
لمى واحمد واقفين قدام سليم الى منكس راسه فالارض وهو قاعد ع مكتبه .
هو فى موقف لايحسد عليه اطلاقآ
مش بس جارته
ومتربيه معاهم
مش بس يعرف اهلها
دى تبقى اخت مراته !!
سليم لحد دلوقتي بيستوعب هل دى حقيقه الى شافها دى ولا لأ ؟
لمى بتعيط اوى وواضح عليها الخوف ،اما احمد فهو متوتر جدا
وبيبص حواليه كل شوية ..
قام سليم يكلم لمى ولمى كانت خايفه منه
سليم : اقول لاهلك ايه ؟ ( بعصبيه) اقولهم ايه !!!
احمد: يافندم احنا متجوزين
سليم: اخرس انت ! مش عايز اسمع صوت نهائى
ردى يا مدام
اقول ايه
لمى ( بتحاول تمسك ايد سليم تبوسها) سليم .سليم بلاش عشانى
عشان خاطر اسيا
احنا والله متجوزين
نجيبلك الورق العرفى شوفه
اضربنى موتنى امسح بيا الارض ،بس مشينى من هنا ابوس ايدك
سليم( بيسحب ايده منها) انا لا هضربك ولا اشتم ولا اعمل اى حاجه
انا اصلا ماليش اى حاجه عليكى
انتى عارفه انتى حطتينى انا واهلك واختك فموقف شكله ازاى؟!
المفروض تكونوا فالحجز دلوقتي والصبح تتعرضوا عالنيابه
وانا لحد دلوقتي مش قادر ارميكم هناك
رغم ان العاطفه مالهاش دعوة بالقانون
( مسكها من دراعها بحدة) فالكلية معلمونيش لما تلاقى اخت مراتك
وتعتبر اختك الصغيرة
فموقف بنت مشبوهه بالظبط
سيبها ومتطبقش القانون الى بيتطبق ع غيرها
سابها ورحعت تعيط تانى
احمد،: حضرة الظابط ، انا والله راجل محترم
بشتغل مهندس وليا عيله
انا ممكن اجيبلك عقد جوازنا العرفى عشان تعرف انها مش علاقه سيئة زى م انت فاكر
سليم( استغرب جدا) ليك ايه ياخويا ؟ ليك عيلة
يعنى متجوز ومخلف
( بيبص ل لمى ) اومال انتى دورك ايه فحياته عايز افهم !!
مجرد بيرستيود بعقد عرفى؟
ايه القرف الى وصلتينا ليه ده
ايه القرف ده يا شيخه
سكت وقعد ع مكتبها يحك فدماغه زى المجنون ،وقالهم
سليم( لاحمد) اسمع ! انت تقول بالظبط فين العقود الزفت العرفى
وتجيبهم هنا
احمد ( مرتبك) احم ...مش هينفع انا شايلهم
فعلبة فالبيت وقافل عليها
سليم( بزعيق وصوت عالى) مش شغلى !! تسخر جن يجيبها
المهم اشوفهم
احمد: طب حض ..حضرتك كده المدام هتعرف
سليم ( بيبص ل لمى ) المدام !! ماهى هتعرف
هو انا هسيبك
احنا بس نشوف العقد العرفى
وهتتجوزها رسمى
احمد( اتخض ) رسمى !
سليم: يا الا وحياة الهندسة بتاعتك هلبسك قضية وكده كده فضيحه
هاه ....تختار ايه ؟
احمد سكت وبص فالارض ولمى بصتله باحتقار وتفت فالارض
دليل ع حقارته فعيونها .
احمد قال لعسكرى ع عنوان شقته وكلم مراته وقالها ع مكان الورق وانها تديه للعسكرى
كل ده ولمى مرجعتش البيت ..
سليم امر يجيبوا متعلقاتهم من العوامه
باباها بيكلمها فون ، ومش بترد
سليم باصص لفونها وهو بيرن ب اسي ...ولبست هدومها من تانى هى واحمد مع ان ده مش من القانون بس سليم
مش عارف يتصرف ازاى .
راح عندها مطرح ماهى محتجز عليها فمكتبه وقعد جمبها ،هى بتدارى
عيونها عنه بخزى
سليم: ليه عملتى كده فنفسك ، شايفاه هو انتى بالنسبة له ايه؟
رغم انى ماسكه متلبس
مش مهم عنده شكلك ولان مستقبلك ضاع لو حد غيرى مسككم
لا المهم مراته وولاده !
ميعرفوش
لمى بتعيط وهى موطية راسها فالارض
سليم: انا مش فاهم بنت زيك تعمل فنفسها كده ليه ؟ ايه يجبرك
تكسرى فرحتك وفرحة والدك ووالدتك مع راجل بالشكل ده
هو لو انتى تهميه مش هيقيم معاكى علاقته الزوجية فعوامه مشبوهه
جايلى عنها اخبارية يالمى!
لو تهميه اصلا يعلن جوازك فالنور ومش مهم اى حد
عارفه انتى بالنسبة له ايه
بنت ليل بالاجرة ...بس بدل الاجرة بعقد اهبل بينضحك عليكوا
انه اسمه جواز
لكن الجواز هو شرع الله وسنته ورسوله
كل الاختراعات دى عرفى ومسيار ومتعه
كلها اختراعات هبلة ك تسميه معنى الزنا ( ضغط ع كلمه زنا ليها وهى فاهماه وبتبكى بحرقه)
بس بشياكه فثوب الجواز ...
عيطى ...يمكن يغسل من ذنوبك ومن الى هيحصل لاهلك لما يعرفوا
لمى: لا ياسليم وحياة اختى عندك ،بلاش البيت
سليم( بعنف بس موطى صوته) لا لازم يعرفوا ،لازم يفوقوا كانوا فين
انا مش عارف انتى ازاى اخت اسيا
قام وقعد ع مكتبه يعمل اتصالاته ...
`·，`·，`·，`·，`·，`·，`·，`·，`·，`·，`·
العقد العرفى جه وشافه سليم واتاكد منه ، كلم
بابا لمى خلاص الصبح طلع وميعرفش بنته فين
جه ع ملا وشه ،الراجل وهو بيسمع من سليم
كان نفسه الارض تتشق وتبلعه ، مش عارف حتى يرفع عينه
فجوز بنته
وسليم بيتكلم ومش عارف يحط عينه فعين حماه
وكل ده بسبب طيش لمى ..
افرج عن لمى بضمان شخصى من والدها لان اثبت فالمحضر انها متزوجه.
واحمد افرج عنه بضمان شخصى من زميل له ومش عايز ينطق ولا كلمه ..
وقبل م يمشى ويروح اخده سليم ع بيت رأفت بابا اسيا
وبعتوا جابوا مأذون وعقد عليها شرعى !
مامت اسيا واسيا ولمى والاب ،كلهم فموقف من سواده عايزين يحسوا انه حلم
صعب جدا احساس العار والخزى وكمان شر الغفله مكانوش عاملين حسابها ..
عفانا الله وإياكم يارب .
بعد م اتكتب الكتاب وقبل م يمشى المأذون ،،
رأفت بابا لمى : ثوانى ياسيدنا ...طلقها !
احمد: ايه
سليم: خلصنا ...طلقها ودلوقتي
احمد بص ل لمى الى مطاقتش تبص ل وشه ودخلت اوضتها مع اسيا
سليم: انت لسه هتفكر ؟
احمد: لا حاضر ( بص ل لمى) انتى طالق !
المأذون فنفس الساعة الى اكتب قسيمة جواز احمد ولمى اتكتبت قسيمة طلاقهم
يعنى المحكمة هتوثق جواز وطلاق لمى فنفس الوقت !!
وتكون اول بنت فالسبعه تعمل كده
ولا تلبس فستان ابيض
ولا يزغردولها
ولا يكونلها بيت
ولا تلبس دبلةفالنور
حتى اقتراحها ف اغنية منازل الى كانت صاحبته ..مش هيتعمل لها ..!
احمد مضى عالقسايم ومشى ..ودخل رأفت ع اخره اوضة لمى واسيا
زى الطور الهايج من الغضب
ومسك لمى ضرب وتلطيش وكان اول مرة يعملها واسيا بتحاول تحجز بينهم
وسليم جرى مسكه ..
الاب: فضحتينى ! فضحتينى
وطلعت مربتكيش
يابنت الكلب
يابنت الكلب
اورى وشى للناس ازاى
احط عينى فعين جوز اختك الى ماسكك متلبسه فحضن واحد ازاى
( بيضرب فيها جامد)
ازاى ازاااى
سليم( بيمسكه ويطلعه) الضرب مش حل ياعمى ،اهدا خلاص الى حصل حصل
وداويناه
الاب: بعد ايه ياسليم ...بعد ايه يابنى
بعد العار الى ركبتهولى طول عمرى
مستغفلانى كل الوقت ده
الام( معيطه) خلاص يا رأفت ، لو سمحت ياسليم خده هديه برة
طلعوا سوا ولمى بتعيط بحرقه فحضن اسيا
قعد الاب عالكرسي وسليم بيهديه
سليم: خلاص ياعمى ، كلام فاللى فات مش هينفع
خلينا ف الى جاى
الاب: الى جاى ...( بصوت عالى موجه ناحية اوضتها) من هنا ورايح
مش هتشوف عتبه البيت
متطلعش من اوضتها حتى
لا تشوفنى ولا اشوفها
هو الحمام وحتة اللقمه وبق الميه ومالهاش عندى اكتر من كده
سليم: اهدى ياعمى عشان خاطرى انا مقدر حالتك
رأفت: والله الشيطان مصورلى اقوم اقتلها واخلص منها ( قايم وسليم مسكه)
سليم: لا حول ولاقوة الا بالله ،صلى عالنبي طيب
بالله عليك
متخليش غضبك يهيألك حاجه تندم عليها
اقعد بس
قعد خمس ثوانى وبص ل سليم
رأفت: يابنى ...لو عايز ( جواه بيتقطع) لو عايز
تسيب اختها وتطلقها من حقك
ومش هلومك
سليم( استغرب) اطلقها !! لا طبعا
واسيا ايه ذنبها
ياعمى
وبعدين هى لسه طفلة وطايشه
ان شاءالله ربنا يهديها ويجيبها سليمه يارب
الراجل فرح بكلمتين سليم وكانهم اثلجوا صدروا بعد النار الى نشبتها
فيه لمى وعمايلها
ولسه ليها عواقب
وربنا يستر ..
`·，`·，`·，`·，`·，`·，`·，`·，`·，`·，`·
فمكالمة غير متوقعه..
من مدير وصاحب الشركة الى كانت بتشتغل نشوى فيها ،بيبارك لها عالخطوبة
وبيفاجئها بان عريسها الاستاذ عثمان يبقوا قرايب ..
نشوى اوحرجت من تهنئة مديرها ليها فالفون ،واخدت شيكولاتات وراحت الشركة
توزع بمناسبة خطوبتها وتشوف صحابها القدام
وتشكر المدير عالتهنئة وكمان ....تعرف حسام انها موقعتش ولسه بتعيش حياتها..
صاحب الشركة:ازاى ميقولكيش الواد ده ،انا ياستى
والدتى ووالدته ولاد خالات
نشوى: لا والله مقاليش ...بس بالنسبة لى كانت مفجاة حلوة اوى
صاحب الشركة : انا لما عرفت انبسطت جدا ،قولتله ياعثمان
نشوى دى جوهرة
اشتغلت فالشركة شوف كام سنه
ولا حد اشتكى منها
ولاعملت مشكله مع حد
نشوى: ربنا يخليك يافندم والله فرحتنى بمكالمتك اوى
صاحب الشركة : انتى تستاهلى كل خير يانشوى
دخلوا زميلاتها وسلامات وترحيب فظيع وفرحوا بخطوبتها
لما عرفوا من الفيس بوك
لكن حسام معرفش لانها عملته حظر من كل حاجه ولا حتى سمع .
خرجت قعدت وسطهم تحكى وتتحاكى عن عثمان وفرحتها والموضوع جه
ازاى
حسام اصلا مكانش فالمكتب لما جت ،كان مستاذن نص ساعة وجه
لقاها ف وشه
منورة عن زمان
مغيرة طريقه لبسها ،زى م هى محتشمه بس مودرن اكتر
وفرحانه وابتسامتها مش مفارقاها ...سلم عادى عشان محدش ياخد باله
اخدت قعدتها وقايمه مشى ،بعد م سمع حسام كل حكاياتها
عن خطيبها ومدى سعادتها بيه ..
نزلت وماشية وحسام عمل نفسه نسى حاجه يجيبها ونزل وراها ، زمايلهم فسروا
ده ع انه غيران عشان اتخطبت وميعرفوش الحقيقه .
نزل ولحقها
حسام : نشوى ...يانشوى
نشوى اتدورت ووقفت : افندم
حسام: ازيك
نشوى: تمام الحمدلله
حسام: مبروك
نشوى: م انت قولتلى فوق
حسام : ازاى ده حصل ؟ هو معلش يعنى
هو انتى عملتى عملية ولا حاجه
انا اسف بس...
نشوى : ( بتتكلم بثقه) لا عادى انت بتتأسف
على ايه
انت طول الوقت كنت كده ، بتسالنى بتسالنى
وانا اجاوب
طول الوقت فارض نفسك عليا وافتكرتك بتحبنى
انا بس كنت حاجه مستفزاك غموضها عشان كده قربتلى
ولما انكشف السر بعدت!
لا ياحسام معملتش عملية
انا الحمدلله صاغ سليم وزى الفل ومش فيا حاجه
كنت فاهمة غلط لصغر سنى بس
حسام( رفع حواجبه) انتى لسه بنت يعنى !
نشوى: لسه ولا مش لسه ميخصكش
يخص خطيبى وهيبقى جوزى ان شاءالله
حسام: ( بندم) فعلا عندك حق ، مبروك مرة تانيه
نشوى: يبارك فيك ...عندى طلب ليك بس
حاول انك تحب الى قدامك صح
عشان طريقتك فالحب كانت غلط ياحسام ...
مشيت وهى مبتسمه وحاسة انها اخيرا اخدت حقها وشفت
غليلها منه لما سابهافنص الطريق .
`·，`·，`·，`·，`·，`·，`·，`·，`·，`·，`·
زعيق وصوت عالى لاول مرة يطلع من آسيا ، ولمين
لجوزها !!
آسيا: انت ازاى تعمل كده ، وقتها معرفتش اتكلم معاك
ازاى تجرجر اختى فنص الليل بالملايه
سليم( بعصبيه) اختك انا مسكتها متلبسه بعد اخباريه
يا اسيا
انتى مستوعبه ده
اسيا: هما مش قالولك انهم متجوزين
كانت لازمتها ايه الفضايح
تاخدهم عريانين والقسم كله يتفرج ع اختى
وتعرف بابا وماما
لما انت كان عندك الفكرة من الاول انك تجوزهم شرعى
كنت جوزتهم وخلاص
وسيبتها هى تشوف هتعمل ايه
لكن بالطريقة دى انت فضحتها وفضحتنا كلنا
سليم : انا الى فضحتها !! يعنى عمايل اختك مش هى الى فضحتها
لما تتجوز راجل اكبر منها بضعف عمرها
وتاخده من مراته وولاده
وتتقابل معاه فمكان مشبوه
وتغفل ابوها وامها كل دى مش فضايح
آسيا( بصوت عالى ) ياسيدى هى حره ..هى حره
سليم: لا مش حرة ، واكيد انتى كنتى عارفه
مدام بتدافعى باستماته كده
اسيا سكتت ومردتش
سليم: عماله تزعقى وترفعى صوتك فوشى وانا السبب
انى الم الى اختك عملته بس حفاظا ع كرامتك وكرامة باباكى ومامتك
آسيا: برضو مكانش لك الحق ابدا تنزلها عريانه وتركبها البوكس
انت عارف ده كسرها ازاى وكسر اهلى
سليم: اومال عايزانى اعمل ايه لما امسكها متلبسه فحضن
واحد فعوامه مشبوهه وقوتى معايا وشايفينها
اقولهم معلش دى اخت المدام هنسيبها تغير وتيجى براحتها عالقسم
ولا اقولكم احنا نسيبهم يكملوا الى كانوا فيه ونمشى من سكات !!
انتى عارفه انا كنت عامل ازاى لما شوفتها ومش مصدق
آسيا: انت بتتريق!! انت عارف ان فيه مليون طريقه غير الطريقه
الى خدتهم بيها دى
سليم: مفيش عاطفه فوق القانون ...القانون ميعرفش دى قريبتى
ولا مش قريبتى
اختك سكتها غلط وتصرفاتها غلط وكان لازم تتعاقب
وكان لازم يعرفوا اهلك بالى حصل عشان يشدوا عليها شوية
لان واضح انهم سايبين الحبل عالغارب لحد م فلت
آسيا: انت بتتهم بابا وماما انهم مش مربينها مش كده ؟ ومش مربينى انا
كمان مانا اختها
سليم: آسيا متحوليش مشكله اختك لمشكلة معاكى
آسيا: المشكلة منك من الاول عشان اتصرفت غلط
سليم: اتصرفت غلط فشغلى ؟!
فواجبي
اسيا: واجبك انك تفضح اهل مراتك وتكسر عينهم
سليم: انا الى عملت كده ولا اختك الى كانت السبب
اسيا: اختك اختك اختك ، خلاص ياسليم خلاص
زى م انت شايف
انا مش قادرة اقعد هنا
سليم : يعنى ايه؟
آسيا: يعنى لازم اكون مع لمى هناك لانى خايفه جدا لحسن
بابا يعمل فيها حاجه بعد الى حصل
انا همشى واروح لبيت بابا كام يوم
يمكن الامور تهدى ...والاعصاب ترتاح
ونعرف نبص لعيون بعض من تانى .
دخلت تحضر شنطتها وسليم واقف مذهول من تصرفاتها معاه
ومن طريقتها فقلب التربيزة فوق دماغه !
`·，`·，`·，`·，`·，`·，`·，`·，`·，`·，`·
بتلف طرحتها قدام المراية ، وبتحط كام لمسة كده من الميكاب
وخلاص خارجه
ودخلت عليها ...سمارى
سمارى : انتى يابت ..بتعملى ايه
وجدان:للمرة المليون نازلة ياستى ( بتبرطم) هو مبقاش طرش
وبس بقى زهايمر كمان
سمارى ( ضربتها بالعكاز )على صوتك سمعينى بتقولى ايه
وجدان: بقول هنزل بقى لان انس مستنينى تحت
سمارى : وكمان انس يا مسدوحه
وجدان: والله قايلالك يا ستى وقايله لبابا ، انى رايحه
ليارا جت من شهر العسل اباركلها فشقتها
انا وانس
سمارى: طيب ياختى
وجدان: قوليلى ياستى اخد لها شيكولاته وايه عشان محتارة انا وانس
سمارى( ضربتها بالعكاز متعصبه) ياختى بدل م انتى محتارة
انتى والصايع بتاعك تجيبوا ايه
فكروا تحصلوها
الا كل بنات البيت اتجوزوا وجابوا بال ٦و٨ عيال وانتى لسه
ان شالله تتوكسى
وجدان: نفسي اعرف مين فبنات العمارة الى خلفت ٦ دى
ده هى مريم الى خلفت فينا ومعاها مزغود واحد صغير تنح شبه ابوه
( انس بيرن) طب انا نازلة ياستى
سمارى : غورى غورى اجرى ان سالله م ترجعى
نزلت وجدان قابلت انس عالموتوسيكل بتاعه
انس: اركب يا موز
وجدان: الله كنت هموت من زمان واركب موستركل
انس: موستركل ! عارف انى اتدبست فواحده معاقه وعهد الله
اركبي ياحجه
وجدان ركبت وطلع بيها جرى وهى وقفت تضحك وساندة عليه ، وصلوا لمنطقه
سكن يارا
نزلت بعد م اشتروا فالطريق شيكولاته وبوبونيرة شيك
وطلعوا
ياسين: يا اهلا وسهلا ..اتفضلوا
دخل انس سلم ع ياسين ويارا ووجدان اخدت يارا بالحضن
واستقبلوهم فأوضة الضيوف.
وجدان : ايه يابت الحلاوة دى ، بس اسمريتى يا يورا
يارا: اه عشان البحر فالغردقه
ياسين( بيبص ليارا) هى فكل حاجه قمر
انس( بيميل ع وجدان) ده هيغتصبها قدامنا
وجدان( بتكتم الضحكه)
يارا: تعالى يا ويچا نجيب الحاجه الساقعه سوا
مشيوا البنات
ياسين: مكانش له لازمه التعب الى انتوا عاملينه ده
انس: ازاى بس يعنى ده حتى انتوا ان شاءالله خير والف الف مبروك
ياسين راح فالضحك
انس: بس انت عامل نظام حلو فشقتك ،والله ادتنى كام فكرة اعملها فشقتى
ياسين: طب تعالى افرجك عليها
قاموا سوا يشوف انس الشقه،وعند البنات
وجدان: ايه الاخبار يا ملون
يارا: ههههه مش هتبطلى ملون بتاعتك دى
وجدان: وابطل ليه ،انتى الوحيدة فينا الملونه فينا وبلوندايا
يارا: وانتى السكر السمارة الى فينا برضو
وجدان( بغرور) طبعا يابنتى انا احلاكم اصلا اساسا
يارا بتضحك: تصورى زعلانه من لمى واسيا اوى
لحد دلوقتي مجوش يباركولى هنا
وجدان: اسيا ولمى مين سيبيهم فحالهم
يارا: ليه فيه ايه ؟
وجدان حكت كل الى حصل ل يارا وكأن نزل ع يارا لوح تلج
واقفه مش عارفه تنطق
كل الى طالع عليها
يانهار ابيض !
وجدان: بس ياستى والحجه اسيا الى بنقول عليها عاقله
سابت البيت لسليم قال ايه عشان قبض ع لمى كده
يارا: طب ده شغله اصلا يعنى غصب عنه ،الحق ع لمى متلومهوش هو
وجدان: ازاى بقى قلبتلك التربيزة ع نافوخه وحكتلى الى حصل
زعقت وبهدلته
ولا كانها اسيا الى نعرفها
يارا: ياخبر ابيض ايه الى حصلها دى
وجدان: معرفش بحس انها اتبدلت بعد الجواز
مش معانا هى زى م هى معانا
بس مع سليم
تحسي انها بالنسبة لها جوازه والسلام
يارا: تعرفى يابت يا ويچا ،بحس من طريقتها والكلام الى بتحكيه مابينها وبين
سليم
انها لسه بتحب اياد
وجدان: لا يا بت ده موضوع وراح لحاله خلاص
يارا: طب وحياة ربنا ركزى كده ،اسيا مكانتش كده خالص مع اياد
كانت بتقعد ترغى معاه بالساعات
وتحكيله كل حاجه
وتحتويه فمشاكله
والضحك والهزار
لكن مع سليم قارنى كده ...تلاقى حياتهم مملة ورتيبه
مش دى اسيا الى نعرفها
وجدان: م يمكن سليم هو الى ممل بشنبه الغتيت ده
يارا: لا مش حاسه ،لانه لو مقصر كانت قالت او بان عليها
وكمان خدى بالك
بتزعق فيه وبتسيبله البيت بدل م تحط لسانها فبوقها وتسكت
المفروض تتكسف جدا بعد الى حصا
وجدان: لا والحق يتقال بصى شهامته ، عم رأفت قاله لو عايز تطلق اسيا
انا بحلك من اى وعد
قاله لا وكمان مبينش ان لمى وحشه قاله عادى عيله وبكرة تعرف غلطها
يارا ( اتنهدت) ضايقتينى والله
تبارك جاتلى هى وطنط عزة مامتها
مع ماما واخواتى وبابا
ومريم بتكلمنى ع طول مع انى بحس انها هى كمان مكسورة ومش زى الاول
وجدان: اه والله يابنتى ، مشندل حالها الهى يحلبوه مع جاموسه عامشه
ويجرجره مترو انفاق الخلفاوى
عيل سئيل ورزيل ودخلته علينا دخلة رجل معزة بالظبط
مبرتاحلوش نهااائى
يارا بتضحك ودخل ياسين وانس عليهم
ياسين: وده المطبخ ياسيدى
انس: استنى ياعم دول اتلموا ع بعض والحاجه الساقعه هتبقى سحور
ياسين: هههههه انت بتقول فيها
يورا حياتى
يارا: نعم يا حبيبي
ياسين: عشوة حلوة من الايدين القمر دى
يارا: عيونى
انس: بت يا وجدان ممعكيش كامنجا نعزف ،والله جوز بلابل
عايز اعيط
كلهم: ههههههههههه
يارا: ربع ساعه وهنجيب العشا
وجدان: استنى اساعدك اصلى عارفاكى لسه متعلمه الطبيخ جديد
ياسين: متتعبيش نفسك يا وجدان طيب
انس: لا حاسب ده الشيف وجدان ،هتدوق احلى اكل
واحتمال بعد العشا تروح يارا معانا ع بيت ابوها
ياسين( بيضحك) يارا لو عملت ميه ساقعه ع قلبي زى العسل
انس: طب انا همشى عشان المكان بقى كله سمنه
وجدان مسكته ميمشيش وياسين ويارا خلصانين ع نفسهم ضحك من انس.
#نوتيلا
#لنورإسماعيل
`·，`·，`·，`·，`·，`·，`·，`·，`·，`·，`·
" ازيك ياعمرو "
عمرو : انا استغربت لما لاقيت اتصالك
تبارك: ليه ؟
عمرو : يعنى انا مسافر من فترة كبيرة ،قولت خلاص يعنى
هى خدت قرارها
تبارك سكتت
عمرو : الو
تبارك: ايوة ياعمرو ، انا عملت استخارات كتير ع الى
اتفقنا عليه
والنتيجة انى ..مش عايزة اتطلق منك
عمرو ساكت
تبارك: انت سامعنى
عمرو: اه سامعك
تبارك: طيب مردتش عليا
عمرو : مش عارف ارد ب ايه يا تبارك
تبارك: ليه مش عارف
عمرو: عشان استنيتك كتير اوى ، ومجتيش
ودلوقتي مبقتش عارف افرح ولا ازعل
افرح عشان خلاص انتى مش عايزة تسيبينى
ولا ازعل عشان بطلت احس بيكى
تبارك سمعت اخر كلمه وكشرت بخوف
عمرو : مش عارف يا تبارك اقولك ايه
تبارك: مش عارف ليه ؟ انا بقولك انى بحبك
وعايزاك ياعمرو
عايز تعرفى ايه اكتر من كده
عمرو : وكأنك بتمنى عليا بوجودك يا تبارك
وقت م تختارى انتى
وقت م تعوزى انتى
وانا تحت امرك
تبارك: انتى مش قولتلى ليكى قرارك
عمرو: بس اتاخرتى اوى اوى ،عارفه استنيتك
اد ايه لحد م مليت
تبارك : مكانش بايدى ياعمرو ،ولاهى بقت كده اقربلك تبعد وتقربلى
ابعد
عمرو سكت ...
تبارك : ( عيونها مدمعه) يعنى فات الاوان خلاص
عمرو : انا عايز بس يكون عندك نص الصبر الى كان عندى
لما كنت عندك فمصر وجمبك
تبارك : ماشى ياعمرو ..زى م انت عايز
عمرو : الى هو ايه انا عايزه
تبارك سكتت
عمرو: تبارك ،،، انا بجد بحبك
وهعيش واموت وانا بحبك
وعمرى م هطلب من ربنا يكونلى حد غيرك
الفكرة بس ..هى الصبر
تبارك: فهمتك ياعمرو وعندك حق
عمرو: ماشى يا تبارك ،انا هقفل لانى فدوامى
دلوقت
ونبقى نتكلم بعدين
قفلت وهى زعلانه اوى ، خايفه تكون وصلت متأخر
بس يكفى كلمة بحبك طلعت من قلبه لقلبها عدل
حسستها بالامان
ان لسه ليها فيه شويه ❤
`·，`·，`·，`·，`·，`·，`·，`·，`·，`·，`·
اللواء: فيه ايه يا سليم
سليم: لو سمحت يا سيادة اللواء انا عايز اتنقل من ادارة الاداب
لانى بجد قرفت وتعبت
اللواء: طب اهدى بس ...انت عندنا مكسب ياسليم
وظابط كوفئ عن غيرك
كان فى لواء تانى قاعد مع رئيس سليم فالادارة
اللواء ٢: انت فالاداب ياسليم ؟ لالالا انا محتاجك معايا
سليم: ياريت يافندم لانى جبت اخرى اى ادارة
غير الاداب
وكنت بفكر استقيل
اللواء٢:فى واحدة من اياهم عملتلك مشكلة مع المدام ولا ايه
سليم ابتسم غصب عنه مجامله
اللواء١:يااااه مش للدرجة دى يعنى الداخليه تخسر
كتير لو انت سبتها
سليم: ربنا يخليك يافندم
اللواء٢:لا خلاص كده سليم يتنقل عندى فى ادارة
المكافحه
اللواء١:خلاص ياسليم انا هبتدى فى اجراءات نقلك
من بكرة
سليم: تسلم يافندم
اللواء٢:هو شكله اعصابه تعبانه ، خليه ياخد كام يوم اجازة كده
لحد م اجراءات نقله تنتهى
امروله ب اجازة وكان محتاجها ، قرر ميقعدش فشقته
وحده الفترة دى
كان عايز يحسن من حالته الفترة الاخيرة
فكر يروح فين
ولقى نفسه بيحضر شنطته وعالفيوم وسط الطبيعه
الهادية والبحيرات والخضرة
عن وجع القلب والمشاكل والمتهمين
اسيا من يومها شبه مخصماه ومش بتكلمه حتى تطمن عليه
ولاهو
معرفش حد انه مسافر خالص...غير بالصدفه
مريم !
هو فالاوتيل بيكلمها سكايب
سليم: وفين مراد دلوقتي
مريم: معرفش من امبارح بات عند ناس صحابه بيفولى
بينه وبينهم شغل وبيسهروا للصبح عليه
سليم: ( استغرب) لا بس خدى بالك معاه شويه
ازاى سايبك انتى والولد وحدكم كده
مش كفاية مش بلدك ومتعرفيش حد
افرض انتى تعبتى ولا مروان دلوقتى يبقى ايه الحل
مريم: ان شاءالله ربنا مش هيجيب حاجه وحشه
المهم
انت مش فشقتك مش نظام بيتكم ده
بيبص وراه وبيضحك
سليم: انا ف اوتيل
مريم: ايه طالع اجازة وقررت تعمل انت والسوس شهر عسل
سليم: لا اسيا فبيت باباها عشان لمى تعبانه شوية
انا هنا وحدى ومحدش يعرف
مريم( بتضحك) يامجنون ! روحت فين
سليم: الفيوم ،اتخنقت وقولت اغير جو
مريم : كويس برضو انت محتاج ده ،اخرج كده
واتحرك براحتك وشم هوا
سليم : حاضر ...( لاحظ لون شعرها الجديد) انتى صبغتى شعرك
مريم (بكسوف) اه
سليم: حلو اوى ع فكرة ...مغيرك للاحلى
مريم: ربنا يخليك يارب،معجبش مراد قالى م الاجانب
حوالينا اهم
سليم: ده معجبوش ،قوليله خليك فالمكرونه والصوص
بتوعك
مريم بتضحك وصحى مروان قامت جابته
مريم: قول لخالو ازيك
قوله السلام عليكم
سليم: ياروح قلبي عالعسل
مريم: كل مادى بياخد شبهك ياسليم
سليم: اه مانا شايف ...حتى المساحه الفاضية تحت مناخيره
للشنب
مريم: ههههههههههه ، عارف حاجه
سليم: ايه
مريم: كلكم خالتو وانس والبنات وحشتونى
بس انت بالذات مفتقداك بشكل بشششع
سليم : وانتى كمان والله ، نفسب اشوفك جمبي هنا
مش ع شاشه
نتكلم ونضحك سوا
احكيلك على الى مضايقنى
وتحكيلى
ونسهر سوا
مريم : ونجوع ندخل نعمل اكل سوا وتساعدنى تغسل
عليا الاطباق الى تتوسخ
سليم: ولما ييجى فيلم حلو نقوم نعمل فشار بالملح
ول انس بالشيكولاته
مريم : ياااااه رجعتنى لايام حلوة مشوفتش احلى منها
ياسليم
سليم : ياريتها ترجع تانى
مريم: ليه هو انا مش جايلكم تانى ،ع فرح انس هاجى
ولما ربنا يكرمكم ب بيبي هاجى
ولما وجدان كمان تخلف
سليم: عارفه مش عايزك تروحى وتيجى ..عايزك
تقعدى جمبي هنا متتحركيش
حاسس انى محتاجلك اوى
مريم: سليم انت فيه حاجه مضيقاك مش كده
سليم ابتسم ابتسامه مكسورة عشان يخبي ومتشلش
همه فالغربه وهى تعتبر لوحدها
سليم: لا يا كلمش انا كويس ،انا بس بقولك كده
عشان وحشانى
مريم: يارب دايما كويس واتطمن عنك بالخير
سكتوا وهما باصين لبعض وبس وبعد كده سليم اتكلم
سليم: ثم ان تعالى هنا يابت ،انتى طول عمرك كنت بتدعى
ربنا م يحرم قلبي منك
انتى مكنتيش متوضيه ولا ايه فالدعوات دى
مريم ( بتضحك اوى ) هههههههههههه لا والله ببقى متوضيه
وبعدين ماهو انا قلبي متحرمش منك لحظة
اهو
زى م انتى فيه فمكانك
ابتسم برضا وبدا يلاعب بايدة الشاشه بصوابعه
كأنه بيلاعب مروان وهو يبصله ومريم تضحك
واخدوا الليلة يتكلموا سوا ،يهربوا من وحدة روحهم
لبعض ..
`·，`·，`·，`·，`·，`·，`·，`·，`·，`·，`·
استنونا يوم الاحد الجاى ان شاء الله
#نوتيلا
#نورإسماعيل
نوتيلآ ❥❥
الفصل (40
， `·，`·，`·，`·，`·，`·，`·，`·，`·，`·，`·
بالملايات...
لمى واحمد واقفين قدام سليم الى منكس راسه فالارض وهو قاعد ع مكتبه .
هو فى موقف لايحسد عليه اطلاقآ
مش بس جارته
ومتربيه معاهم
مش بس يعرف اهلها
دى تبقى اخت مراته !!
سليم لحد دلوقتي بيستوعب هل دى حقيقه الى شافها دى ولا لأ ؟
لمى بتعيط اوى وواضح عليها الخوف ،اما احمد فهو متوتر جدا
وبيبص حواليه كل شوية ..
قام سليم يكلم لمى ولمى كانت خايفه منه
سليم : اقول لاهلك ايه ؟ ( بعصبيه) اقولهم ايه !!!
احمد: يافندم احنا متجوزين
سليم: اخرس انت ! مش عايز اسمع صوت نهائى
ردى يا مدام
اقول ايه
لمى ( بتحاول تمسك ايد سليم تبوسها) سليم .سليم بلاش عشانى
عشان خاطر اسيا
احنا والله متجوزين
نجيبلك الورق العرفى شوفه
اضربنى موتنى امسح بيا الارض ،بس مشينى من هنا ابوس ايدك
سليم( بيسحب ايده منها) انا لا هضربك ولا اشتم ولا اعمل اى حاجه
انا اصلا ماليش اى حاجه عليكى
انتى عارفه انتى حطتينى انا واهلك واختك فموقف شكله ازاى؟!
المفروض تكونوا فالحجز دلوقتي والصبح تتعرضوا عالنيابه
وانا لحد دلوقتي مش قادر ارميكم هناك
رغم ان العاطفه مالهاش دعوة بالقانون
( مسكها من دراعها بحدة) فالكلية معلمونيش لما تلاقى اخت مراتك
وتعتبر اختك الصغيرة
فموقف بنت مشبوهه بالظبط
سيبها ومتطبقش القانون الى بيتطبق ع غيرها
سابها ورحعت تعيط تانى
احمد،: حضرة الظابط ، انا والله راجل محترم
بشتغل مهندس وليا عيله
انا ممكن اجيبلك عقد جوازنا العرفى عشان تعرف انها مش علاقه سيئة زى م انت فاكر
سليم( استغرب جدا) ليك ايه ياخويا ؟ ليك عيلة
يعنى متجوز ومخلف
( بيبص ل لمى ) اومال انتى دورك ايه فحياته عايز افهم !!
مجرد بيرستيود بعقد عرفى؟
ايه القرف الى وصلتينا ليه ده
ايه القرف ده يا شيخه
سكت وقعد ع مكتبها يحك فدماغه زى المجنون ،وقالهم
سليم( لاحمد) اسمع ! انت تقول بالظبط فين العقود الزفت العرفى
وتجيبهم هنا
احمد ( مرتبك) احم ...مش هينفع انا شايلهم
فعلبة فالبيت وقافل عليها
سليم( بزعيق وصوت عالى) مش شغلى !! تسخر جن يجيبها
المهم اشوفهم
احمد: طب حض ..حضرتك كده المدام هتعرف
سليم ( بيبص ل لمى ) المدام !! ماهى هتعرف
هو انا هسيبك
احنا بس نشوف العقد العرفى
وهتتجوزها رسمى
احمد( اتخض ) رسمى !
سليم: يا الا وحياة الهندسة بتاعتك هلبسك قضية وكده كده فضيحه
هاه ....تختار ايه ؟
احمد سكت وبص فالارض ولمى بصتله باحتقار وتفت فالارض
دليل ع حقارته فعيونها .
احمد قال لعسكرى ع عنوان شقته وكلم مراته وقالها ع مكان الورق وانها تديه للعسكرى
كل ده ولمى مرجعتش البيت ..
سليم امر يجيبوا متعلقاتهم من العوامه
باباها بيكلمها فون ، ومش بترد
سليم باصص لفونها وهو بيرن ب اسي ...ولبست هدومها من تانى هى واحمد مع ان ده مش من القانون بس سليم
مش عارف يتصرف ازاى .
راح عندها مطرح ماهى محتجز عليها فمكتبه وقعد جمبها ،هى بتدارى
عيونها عنه بخزى
سليم: ليه عملتى كده فنفسك ، شايفاه هو انتى بالنسبة له ايه؟
رغم انى ماسكه متلبس
مش مهم عنده شكلك ولان مستقبلك ضاع لو حد غيرى مسككم
لا المهم مراته وولاده !
ميعرفوش
لمى بتعيط وهى موطية راسها فالارض
سليم: انا مش فاهم بنت زيك تعمل فنفسها كده ليه ؟ ايه يجبرك
تكسرى فرحتك وفرحة والدك ووالدتك مع راجل بالشكل ده
هو لو انتى تهميه مش هيقيم معاكى علاقته الزوجية فعوامه مشبوهه
جايلى عنها اخبارية يالمى!
لو تهميه اصلا يعلن جوازك فالنور ومش مهم اى حد
عارفه انتى بالنسبة له ايه
بنت ليل بالاجرة ...بس بدل الاجرة بعقد اهبل بينضحك عليكوا
انه اسمه جواز
لكن الجواز هو شرع الله وسنته ورسوله
كل الاختراعات دى عرفى ومسيار ومتعه
كلها اختراعات هبلة ك تسميه معنى الزنا ( ضغط ع كلمه زنا ليها وهى فاهماه وبتبكى بحرقه)
بس بشياكه فثوب الجواز ...
عيطى ...يمكن يغسل من ذنوبك ومن الى هيحصل لاهلك لما يعرفوا
لمى: لا ياسليم وحياة اختى عندك ،بلاش البيت
سليم( بعنف بس موطى صوته) لا لازم يعرفوا ،لازم يفوقوا كانوا فين
انا مش عارف انتى ازاى اخت اسيا
قام وقعد ع مكتبه يعمل اتصالاته ...
`·，`·，`·，`·，`·，`·，`·，`·，`·，`·，`·
العقد العرفى جه وشافه سليم واتاكد منه ، كلم
بابا لمى خلاص الصبح طلع وميعرفش بنته فين
جه ع ملا وشه ،الراجل وهو بيسمع من سليم
كان نفسه الارض تتشق وتبلعه ، مش عارف حتى يرفع عينه
فجوز بنته
وسليم بيتكلم ومش عارف يحط عينه فعين حماه
وكل ده بسبب طيش لمى ..
افرج عن لمى بضمان شخصى من والدها لان اثبت فالمحضر انها متزوجه.
واحمد افرج عنه بضمان شخصى من زميل له ومش عايز ينطق ولا كلمه ..
وقبل م يمشى ويروح اخده سليم ع بيت رأفت بابا اسيا
وبعتوا جابوا مأذون وعقد عليها شرعى !
مامت اسيا واسيا ولمى والاب ،كلهم فموقف من سواده عايزين يحسوا انه حلم
صعب جدا احساس العار والخزى وكمان شر الغفله مكانوش عاملين حسابها ..
عفانا الله وإياكم يارب .
بعد م اتكتب الكتاب وقبل م يمشى المأذون ،،
رأفت بابا لمى : ثوانى ياسيدنا ...طلقها !
احمد: ايه
سليم: خلصنا ...طلقها ودلوقتي
احمد بص ل لمى الى مطاقتش تبص ل وشه ودخلت اوضتها مع اسيا
سليم: انت لسه هتفكر ؟
احمد: لا حاضر ( بص ل لمى) انتى طالق !
المأذون فنفس الساعة الى اكتب قسيمة جواز احمد ولمى اتكتبت قسيمة طلاقهم
يعنى المحكمة هتوثق جواز وطلاق لمى فنفس الوقت !!
وتكون اول بنت فالسبعه تعمل كده
ولا تلبس فستان ابيض
ولا يزغردولها
ولا يكونلها بيت
ولا تلبس دبلةفالنور
حتى اقتراحها ف اغنية منازل الى كانت صاحبته ..مش هيتعمل لها ..!
احمد مضى عالقسايم ومشى ..ودخل رأفت ع اخره اوضة لمى واسيا
زى الطور الهايج من الغضب
ومسك لمى ضرب وتلطيش وكان اول مرة يعملها واسيا بتحاول تحجز بينهم
وسليم جرى مسكه ..
الاب: فضحتينى ! فضحتينى
وطلعت مربتكيش
يابنت الكلب
يابنت الكلب
اورى وشى للناس ازاى
احط عينى فعين جوز اختك الى ماسكك متلبسه فحضن واحد ازاى
( بيضرب فيها جامد)
ازاى ازاااى
سليم( بيمسكه ويطلعه) الضرب مش حل ياعمى ،اهدا خلاص الى حصل حصل
وداويناه
الاب: بعد ايه ياسليم ...بعد ايه يابنى
بعد العار الى ركبتهولى طول عمرى
مستغفلانى كل الوقت ده
الام( معيطه) خلاص يا رأفت ، لو سمحت ياسليم خده هديه برة
طلعوا سوا ولمى بتعيط بحرقه فحضن اسيا
قعد الاب عالكرسي وسليم بيهديه
سليم: خلاص ياعمى ، كلام فاللى فات مش هينفع
خلينا ف الى جاى
الاب: الى جاى ...( بصوت عالى موجه ناحية اوضتها) من هنا ورايح
مش هتشوف عتبه البيت
متطلعش من اوضتها حتى
لا تشوفنى ولا اشوفها
هو الحمام وحتة اللقمه وبق الميه ومالهاش عندى اكتر من كده
سليم: اهدى ياعمى عشان خاطرى انا مقدر حالتك
رأفت: والله الشيطان مصورلى اقوم اقتلها واخلص منها ( قايم وسليم مسكه)
سليم: لا حول ولاقوة الا بالله ،صلى عالنبي طيب
بالله عليك
متخليش غضبك يهيألك حاجه تندم عليها
اقعد بس
قعد خمس ثوانى وبص ل سليم
رأفت: يابنى ...لو عايز ( جواه بيتقطع) لو عايز
تسيب اختها وتطلقها من حقك
ومش هلومك
سليم( استغرب) اطلقها !! لا طبعا
واسيا ايه ذنبها
ياعمى
وبعدين هى لسه طفلة وطايشه
ان شاءالله ربنا يهديها ويجيبها سليمه يارب
الراجل فرح بكلمتين سليم وكانهم اثلجوا صدروا بعد النار الى نشبتها
فيه لمى وعمايلها
ولسه ليها عواقب
وربنا يستر ..
`·，`·，`·，`·，`·，`·，`·，`·，`·，`·，`·
فمكالمة غير متوقعه..
من مدير وصاحب الشركة الى كانت بتشتغل نشوى فيها ،بيبارك لها عالخطوبة
وبيفاجئها بان عريسها الاستاذ عثمان يبقوا قرايب ..
نشوى اوحرجت من تهنئة مديرها ليها فالفون ،واخدت شيكولاتات وراحت الشركة
توزع بمناسبة خطوبتها وتشوف صحابها القدام
وتشكر المدير عالتهنئة وكمان ....تعرف حسام انها موقعتش ولسه بتعيش حياتها..
صاحب الشركة:ازاى ميقولكيش الواد ده ،انا ياستى
والدتى ووالدته ولاد خالات
نشوى: لا والله مقاليش ...بس بالنسبة لى كانت مفجاة حلوة اوى
صاحب الشركة : انا لما عرفت انبسطت جدا ،قولتله ياعثمان
نشوى دى جوهرة
اشتغلت فالشركة شوف كام سنه
ولا حد اشتكى منها
ولاعملت مشكله مع حد
نشوى: ربنا يخليك يافندم والله فرحتنى بمكالمتك اوى
صاحب الشركة : انتى تستاهلى كل خير يانشوى
دخلوا زميلاتها وسلامات وترحيب فظيع وفرحوا بخطوبتها
لما عرفوا من الفيس بوك
لكن حسام معرفش لانها عملته حظر من كل حاجه ولا حتى سمع .
خرجت قعدت وسطهم تحكى وتتحاكى عن عثمان وفرحتها والموضوع جه
ازاى
حسام اصلا مكانش فالمكتب لما جت ،كان مستاذن نص ساعة وجه
لقاها ف وشه
منورة عن زمان
مغيرة طريقه لبسها ،زى م هى محتشمه بس مودرن اكتر
وفرحانه وابتسامتها مش مفارقاها ...سلم عادى عشان محدش ياخد باله
اخدت قعدتها وقايمه مشى ،بعد م سمع حسام كل حكاياتها
عن خطيبها ومدى سعادتها بيه ..
نزلت وماشية وحسام عمل نفسه نسى حاجه يجيبها ونزل وراها ، زمايلهم فسروا
ده ع انه غيران عشان اتخطبت وميعرفوش الحقيقه .
نزل ولحقها
حسام : نشوى ...يانشوى
نشوى اتدورت ووقفت : افندم
حسام: ازيك
نشوى: تمام الحمدلله
حسام: مبروك
نشوى: م انت قولتلى فوق
حسام : ازاى ده حصل ؟ هو معلش يعنى
هو انتى عملتى عملية ولا حاجه
انا اسف بس...
نشوى : ( بتتكلم بثقه) لا عادى انت بتتأسف
على ايه
انت طول الوقت كنت كده ، بتسالنى بتسالنى
وانا اجاوب
طول الوقت فارض نفسك عليا وافتكرتك بتحبنى
انا بس كنت حاجه مستفزاك غموضها عشان كده قربتلى
ولما انكشف السر بعدت!
لا ياحسام معملتش عملية
انا الحمدلله صاغ سليم وزى الفل ومش فيا حاجه
كنت فاهمة غلط لصغر سنى بس
حسام( رفع حواجبه) انتى لسه بنت يعنى !
نشوى: لسه ولا مش لسه ميخصكش
يخص خطيبى وهيبقى جوزى ان شاءالله
حسام: ( بندم) فعلا عندك حق ، مبروك مرة تانيه
نشوى: يبارك فيك ...عندى طلب ليك بس
حاول انك تحب الى قدامك صح
عشان طريقتك فالحب كانت غلط ياحسام ...
مشيت وهى مبتسمه وحاسة انها اخيرا اخدت حقها وشفت
غليلها منه لما سابهافنص الطريق .
`·，`·，`·，`·，`·，`·，`·，`·，`·，`·，`·
زعيق وصوت عالى لاول مرة يطلع من آسيا ، ولمين
لجوزها !!
آسيا: انت ازاى تعمل كده ، وقتها معرفتش اتكلم معاك
ازاى تجرجر اختى فنص الليل بالملايه
سليم( بعصبيه) اختك انا مسكتها متلبسه بعد اخباريه
يا اسيا
انتى مستوعبه ده
اسيا: هما مش قالولك انهم متجوزين
كانت لازمتها ايه الفضايح
تاخدهم عريانين والقسم كله يتفرج ع اختى
وتعرف بابا وماما
لما انت كان عندك الفكرة من الاول انك تجوزهم شرعى
كنت جوزتهم وخلاص
وسيبتها هى تشوف هتعمل ايه
لكن بالطريقة دى انت فضحتها وفضحتنا كلنا
سليم : انا الى فضحتها !! يعنى عمايل اختك مش هى الى فضحتها
لما تتجوز راجل اكبر منها بضعف عمرها
وتاخده من مراته وولاده
وتتقابل معاه فمكان مشبوه
وتغفل ابوها وامها كل دى مش فضايح
آسيا( بصوت عالى ) ياسيدى هى حره ..هى حره
سليم: لا مش حرة ، واكيد انتى كنتى عارفه
مدام بتدافعى باستماته كده
اسيا سكتت ومردتش
سليم: عماله تزعقى وترفعى صوتك فوشى وانا السبب
انى الم الى اختك عملته بس حفاظا ع كرامتك وكرامة باباكى ومامتك
آسيا: برضو مكانش لك الحق ابدا تنزلها عريانه وتركبها البوكس
انت عارف ده كسرها ازاى وكسر اهلى
سليم: اومال عايزانى اعمل ايه لما امسكها متلبسه فحضن
واحد فعوامه مشبوهه وقوتى معايا وشايفينها
اقولهم معلش دى اخت المدام هنسيبها تغير وتيجى براحتها عالقسم
ولا اقولكم احنا نسيبهم يكملوا الى كانوا فيه ونمشى من سكات !!
انتى عارفه انا كنت عامل ازاى لما شوفتها ومش مصدق
آسيا: انت بتتريق!! انت عارف ان فيه مليون طريقه غير الطريقه
الى خدتهم بيها دى
سليم: مفيش عاطفه فوق القانون ...القانون ميعرفش دى قريبتى
ولا مش قريبتى
اختك سكتها غلط وتصرفاتها غلط وكان لازم تتعاقب
وكان لازم يعرفوا اهلك بالى حصل عشان يشدوا عليها شوية
لان واضح انهم سايبين الحبل عالغارب لحد م فلت
آسيا: انت بتتهم بابا وماما انهم مش مربينها مش كده ؟ ومش مربينى انا
كمان مانا اختها
سليم: آسيا متحوليش مشكله اختك لمشكلة معاكى
آسيا: المشكلة منك من الاول عشان اتصرفت غلط
سليم: اتصرفت غلط فشغلى ؟!
فواجبي
اسيا: واجبك انك تفضح اهل مراتك وتكسر عينهم
سليم: انا الى عملت كده ولا اختك الى كانت السبب
اسيا: اختك اختك اختك ، خلاص ياسليم خلاص
زى م انت شايف
انا مش قادرة اقعد هنا
سليم : يعنى ايه؟
آسيا: يعنى لازم اكون مع لمى هناك لانى خايفه جدا لحسن
بابا يعمل فيها حاجه بعد الى حصل
انا همشى واروح لبيت بابا كام يوم
يمكن الامور تهدى ...والاعصاب ترتاح
ونعرف نبص لعيون بعض من تانى .
دخلت تحضر شنطتها وسليم واقف مذهول من تصرفاتها معاه
ومن طريقتها فقلب التربيزة فوق دماغه !
`·，`·，`·，`·，`·，`·，`·，`·，`·，`·，`·
بتلف طرحتها قدام المراية ، وبتحط كام لمسة كده من الميكاب
وخلاص خارجه
ودخلت عليها ...سمارى
سمارى : انتى يابت ..بتعملى ايه
وجدان:للمرة المليون نازلة ياستى ( بتبرطم) هو مبقاش طرش
وبس بقى زهايمر كمان
سمارى ( ضربتها بالعكاز )على صوتك سمعينى بتقولى ايه
وجدان: بقول هنزل بقى لان انس مستنينى تحت
سمارى : وكمان انس يا مسدوحه
وجدان: والله قايلالك يا ستى وقايله لبابا ، انى رايحه
ليارا جت من شهر العسل اباركلها فشقتها
انا وانس
سمارى: طيب ياختى
وجدان: قوليلى ياستى اخد لها شيكولاته وايه عشان محتارة انا وانس
سمارى( ضربتها بالعكاز متعصبه) ياختى بدل م انتى محتارة
انتى والصايع بتاعك تجيبوا ايه
فكروا تحصلوها
الا كل بنات البيت اتجوزوا وجابوا بال ٦و٨ عيال وانتى لسه
ان شالله تتوكسى
وجدان: نفسي اعرف مين فبنات العمارة الى خلفت ٦ دى
ده هى مريم الى خلفت فينا ومعاها مزغود واحد صغير تنح شبه ابوه
( انس بيرن) طب انا نازلة ياستى
سمارى : غورى غورى اجرى ان سالله م ترجعى
نزلت وجدان قابلت انس عالموتوسيكل بتاعه
انس: اركب يا موز
وجدان: الله كنت هموت من زمان واركب موستركل
انس: موستركل ! عارف انى اتدبست فواحده معاقه وعهد الله
اركبي ياحجه
وجدان ركبت وطلع بيها جرى وهى وقفت تضحك وساندة عليه ، وصلوا لمنطقه
سكن يارا
نزلت بعد م اشتروا فالطريق شيكولاته وبوبونيرة شيك
وطلعوا
ياسين: يا اهلا وسهلا ..اتفضلوا
دخل انس سلم ع ياسين ويارا ووجدان اخدت يارا بالحضن
واستقبلوهم فأوضة الضيوف.
وجدان : ايه يابت الحلاوة دى ، بس اسمريتى يا يورا
يارا: اه عشان البحر فالغردقه
ياسين( بيبص ليارا) هى فكل حاجه قمر
انس( بيميل ع وجدان) ده هيغتصبها قدامنا
وجدان( بتكتم الضحكه)
يارا: تعالى يا ويچا نجيب الحاجه الساقعه سوا
مشيوا البنات
ياسين: مكانش له لازمه التعب الى انتوا عاملينه ده
انس: ازاى بس يعنى ده حتى انتوا ان شاءالله خير والف الف مبروك
ياسين راح فالضحك
انس: بس انت عامل نظام حلو فشقتك ،والله ادتنى كام فكرة اعملها فشقتى
ياسين: طب تعالى افرجك عليها
قاموا سوا يشوف انس الشقه،وعند البنات
وجدان: ايه الاخبار يا ملون
يارا: ههههه مش هتبطلى ملون بتاعتك دى
وجدان: وابطل ليه ،انتى الوحيدة فينا الملونه فينا وبلوندايا
يارا: وانتى السكر السمارة الى فينا برضو
وجدان( بغرور) طبعا يابنتى انا احلاكم اصلا اساسا
يارا بتضحك: تصورى زعلانه من لمى واسيا اوى
لحد دلوقتي مجوش يباركولى هنا
وجدان: اسيا ولمى مين سيبيهم فحالهم
يارا: ليه فيه ايه ؟
وجدان حكت كل الى حصل ل يارا وكأن نزل ع يارا لوح تلج
واقفه مش عارفه تنطق
كل الى طالع عليها
يانهار ابيض !
وجدان: بس ياستى والحجه اسيا الى بنقول عليها عاقله
سابت البيت لسليم قال ايه عشان قبض ع لمى كده
يارا: طب ده شغله اصلا يعنى غصب عنه ،الحق ع لمى متلومهوش هو
وجدان: ازاى بقى قلبتلك التربيزة ع نافوخه وحكتلى الى حصل
زعقت وبهدلته
ولا كانها اسيا الى نعرفها
يارا: ياخبر ابيض ايه الى حصلها دى
وجدان: معرفش بحس انها اتبدلت بعد الجواز
مش معانا هى زى م هى معانا
بس مع سليم
تحسي انها بالنسبة لها جوازه والسلام
يارا: تعرفى يابت يا ويچا ،بحس من طريقتها والكلام الى بتحكيه مابينها وبين
سليم
انها لسه بتحب اياد
وجدان: لا يا بت ده موضوع وراح لحاله خلاص
يارا: طب وحياة ربنا ركزى كده ،اسيا مكانتش كده خالص مع اياد
كانت بتقعد ترغى معاه بالساعات
وتحكيله كل حاجه
وتحتويه فمشاكله
والضحك والهزار
لكن مع سليم قارنى كده ...تلاقى حياتهم مملة ورتيبه
مش دى اسيا الى نعرفها
وجدان: م يمكن سليم هو الى ممل بشنبه الغتيت ده
يارا: لا مش حاسه ،لانه لو مقصر كانت قالت او بان عليها
وكمان خدى بالك
بتزعق فيه وبتسيبله البيت بدل م تحط لسانها فبوقها وتسكت
المفروض تتكسف جدا بعد الى حصا
وجدان: لا والحق يتقال بصى شهامته ، عم رأفت قاله لو عايز تطلق اسيا
انا بحلك من اى وعد
قاله لا وكمان مبينش ان لمى وحشه قاله عادى عيله وبكرة تعرف غلطها
يارا ( اتنهدت) ضايقتينى والله
تبارك جاتلى هى وطنط عزة مامتها
مع ماما واخواتى وبابا
ومريم بتكلمنى ع طول مع انى بحس انها هى كمان مكسورة ومش زى الاول
وجدان: اه والله يابنتى ، مشندل حالها الهى يحلبوه مع جاموسه عامشه
ويجرجره مترو انفاق الخلفاوى
عيل سئيل ورزيل ودخلته علينا دخلة رجل معزة بالظبط
مبرتاحلوش نهااائى
يارا بتضحك ودخل ياسين وانس عليهم
ياسين: وده المطبخ ياسيدى
انس: استنى ياعم دول اتلموا ع بعض والحاجه الساقعه هتبقى سحور
ياسين: هههههه انت بتقول فيها
يورا حياتى
يارا: نعم يا حبيبي
ياسين: عشوة حلوة من الايدين القمر دى
يارا: عيونى
انس: بت يا وجدان ممعكيش كامنجا نعزف ،والله جوز بلابل
عايز اعيط
كلهم: ههههههههههه
يارا: ربع ساعه وهنجيب العشا
وجدان: استنى اساعدك اصلى عارفاكى لسه متعلمه الطبيخ جديد
ياسين: متتعبيش نفسك يا وجدان طيب
انس: لا حاسب ده الشيف وجدان ،هتدوق احلى اكل
واحتمال بعد العشا تروح يارا معانا ع بيت ابوها
ياسين( بيضحك) يارا لو عملت ميه ساقعه ع قلبي زى العسل
انس: طب انا همشى عشان المكان بقى كله سمنه
وجدان مسكته ميمشيش وياسين ويارا خلصانين ع نفسهم ضحك من انس.
#نوتيلا
#لنورإسماعيل
`·，`·，`·，`·，`·，`·，`·，`·，`·，`·，`·
" ازيك ياعمرو "
عمرو : انا استغربت لما لاقيت اتصالك
تبارك: ليه ؟
عمرو : يعنى انا مسافر من فترة كبيرة ،قولت خلاص يعنى
هى خدت قرارها
تبارك سكتت
عمرو : الو
تبارك: ايوة ياعمرو ، انا عملت استخارات كتير ع الى
اتفقنا عليه
والنتيجة انى ..مش عايزة اتطلق منك
عمرو ساكت
تبارك: انت سامعنى
عمرو: اه سامعك
تبارك: طيب مردتش عليا
عمرو : مش عارف ارد ب ايه يا تبارك
تبارك: ليه مش عارف
عمرو: عشان استنيتك كتير اوى ، ومجتيش
ودلوقتي مبقتش عارف افرح ولا ازعل
افرح عشان خلاص انتى مش عايزة تسيبينى
ولا ازعل عشان بطلت احس بيكى
تبارك سمعت اخر كلمه وكشرت بخوف
عمرو : مش عارف يا تبارك اقولك ايه
تبارك: مش عارف ليه ؟ انا بقولك انى بحبك
وعايزاك ياعمرو
عايز تعرفى ايه اكتر من كده
عمرو : وكأنك بتمنى عليا بوجودك يا تبارك
وقت م تختارى انتى
وقت م تعوزى انتى
وانا تحت امرك
تبارك: انتى مش قولتلى ليكى قرارك
عمرو: بس اتاخرتى اوى اوى ،عارفه استنيتك
اد ايه لحد م مليت
تبارك : مكانش بايدى ياعمرو ،ولاهى بقت كده اقربلك تبعد وتقربلى
ابعد
عمرو سكت ...
تبارك : ( عيونها مدمعه) يعنى فات الاوان خلاص
عمرو : انا عايز بس يكون عندك نص الصبر الى كان عندى
لما كنت عندك فمصر وجمبك
تبارك : ماشى ياعمرو ..زى م انت عايز
عمرو : الى هو ايه انا عايزه
تبارك سكتت
عمرو: تبارك ،،، انا بجد بحبك
وهعيش واموت وانا بحبك
وعمرى م هطلب من ربنا يكونلى حد غيرك
الفكرة بس ..هى الصبر
تبارك: فهمتك ياعمرو وعندك حق
عمرو: ماشى يا تبارك ،انا هقفل لانى فدوامى
دلوقت
ونبقى نتكلم بعدين
قفلت وهى زعلانه اوى ، خايفه تكون وصلت متأخر
بس يكفى كلمة بحبك طلعت من قلبه لقلبها عدل
حسستها بالامان
ان لسه ليها فيه شويه ❤
`·，`·，`·，`·，`·，`·，`·，`·，`·，`·，`·
اللواء: فيه ايه يا سليم
سليم: لو سمحت يا سيادة اللواء انا عايز اتنقل من ادارة الاداب
لانى بجد قرفت وتعبت
اللواء: طب اهدى بس ...انت عندنا مكسب ياسليم
وظابط كوفئ عن غيرك
كان فى لواء تانى قاعد مع رئيس سليم فالادارة
اللواء ٢: انت فالاداب ياسليم ؟ لالالا انا محتاجك معايا
سليم: ياريت يافندم لانى جبت اخرى اى ادارة
غير الاداب
وكنت بفكر استقيل
اللواء٢:فى واحدة من اياهم عملتلك مشكلة مع المدام ولا ايه
سليم ابتسم غصب عنه مجامله
اللواء١:يااااه مش للدرجة دى يعنى الداخليه تخسر
كتير لو انت سبتها
سليم: ربنا يخليك يافندم
اللواء٢:لا خلاص كده سليم يتنقل عندى فى ادارة
المكافحه
اللواء١:خلاص ياسليم انا هبتدى فى اجراءات نقلك
من بكرة
سليم: تسلم يافندم
اللواء٢:هو شكله اعصابه تعبانه ، خليه ياخد كام يوم اجازة كده
لحد م اجراءات نقله تنتهى
امروله ب اجازة وكان محتاجها ، قرر ميقعدش فشقته
وحده الفترة دى
كان عايز يحسن من حالته الفترة الاخيرة
فكر يروح فين
ولقى نفسه بيحضر شنطته وعالفيوم وسط الطبيعه
الهادية والبحيرات والخضرة
عن وجع القلب والمشاكل والمتهمين
اسيا من يومها شبه مخصماه ومش بتكلمه حتى تطمن عليه
ولاهو
معرفش حد انه مسافر خالص...غير بالصدفه
مريم !
هو فالاوتيل بيكلمها سكايب
سليم: وفين مراد دلوقتي
مريم: معرفش من امبارح بات عند ناس صحابه بيفولى
بينه وبينهم شغل وبيسهروا للصبح عليه
سليم: ( استغرب) لا بس خدى بالك معاه شويه
ازاى سايبك انتى والولد وحدكم كده
مش كفاية مش بلدك ومتعرفيش حد
افرض انتى تعبتى ولا مروان دلوقتى يبقى ايه الحل
مريم: ان شاءالله ربنا مش هيجيب حاجه وحشه
المهم
انت مش فشقتك مش نظام بيتكم ده
بيبص وراه وبيضحك
سليم: انا ف اوتيل
مريم: ايه طالع اجازة وقررت تعمل انت والسوس شهر عسل
سليم: لا اسيا فبيت باباها عشان لمى تعبانه شوية
انا هنا وحدى ومحدش يعرف
مريم( بتضحك) يامجنون ! روحت فين
سليم: الفيوم ،اتخنقت وقولت اغير جو
مريم : كويس برضو انت محتاج ده ،اخرج كده
واتحرك براحتك وشم هوا
سليم : حاضر ...( لاحظ لون شعرها الجديد) انتى صبغتى شعرك
مريم (بكسوف) اه
سليم: حلو اوى ع فكرة ...مغيرك للاحلى
مريم: ربنا يخليك يارب،معجبش مراد قالى م الاجانب
حوالينا اهم
سليم: ده معجبوش ،قوليله خليك فالمكرونه والصوص
بتوعك
مريم بتضحك وصحى مروان قامت جابته
مريم: قول لخالو ازيك
قوله السلام عليكم
سليم: ياروح قلبي عالعسل
مريم: كل مادى بياخد شبهك ياسليم
سليم: اه مانا شايف ...حتى المساحه الفاضية تحت مناخيره
للشنب
مريم: ههههههههههه ، عارف حاجه
سليم: ايه
مريم: كلكم خالتو وانس والبنات وحشتونى
بس انت بالذات مفتقداك بشكل بشششع
سليم : وانتى كمان والله ، نفسب اشوفك جمبي هنا
مش ع شاشه
نتكلم ونضحك سوا
احكيلك على الى مضايقنى
وتحكيلى
ونسهر سوا
مريم : ونجوع ندخل نعمل اكل سوا وتساعدنى تغسل
عليا الاطباق الى تتوسخ
سليم: ولما ييجى فيلم حلو نقوم نعمل فشار بالملح
ول انس بالشيكولاته
مريم : ياااااه رجعتنى لايام حلوة مشوفتش احلى منها
ياسليم
سليم : ياريتها ترجع تانى
مريم: ليه هو انا مش جايلكم تانى ،ع فرح انس هاجى
ولما ربنا يكرمكم ب بيبي هاجى
ولما وجدان كمان تخلف
سليم: عارفه مش عايزك تروحى وتيجى ..عايزك
تقعدى جمبي هنا متتحركيش
حاسس انى محتاجلك اوى
مريم: سليم انت فيه حاجه مضيقاك مش كده
سليم ابتسم ابتسامه مكسورة عشان يخبي ومتشلش
همه فالغربه وهى تعتبر لوحدها
سليم: لا يا كلمش انا كويس ،انا بس بقولك كده
عشان وحشانى
مريم: يارب دايما كويس واتطمن عنك بالخير
سكتوا وهما باصين لبعض وبس وبعد كده سليم اتكلم
سليم: ثم ان تعالى هنا يابت ،انتى طول عمرك كنت بتدعى
ربنا م يحرم قلبي منك
انتى مكنتيش متوضيه ولا ايه فالدعوات دى
مريم ( بتضحك اوى ) هههههههههههه لا والله ببقى متوضيه
وبعدين ماهو انا قلبي متحرمش منك لحظة
اهو
زى م انتى فيه فمكانك
ابتسم برضا وبدا يلاعب بايدة الشاشه بصوابعه
كأنه بيلاعب مروان وهو يبصله ومريم تضحك
واخدوا الليلة يتكلموا سوا ،يهربوا من وحدة روحهم
لبعض ..
`·，`·，`·，`·，`·，`·，`·，`·，`·，`·，`·
استنونا يوم الاحد الجاى ان شاء الله
#نوتيلا
#نورإسماعيل
ليست هناك تعليقات:
إرسال تعليق