روايةツ
نوتيلآ ❥❥
الفصل (46
， `·，`·，`·，`·，`·，`·，`·，`·，`·，`·，`·
ماشية تفكر والافكار عامله فدماغها دوشة
وفجأة
اسيا !!!
سمعت اسمها بيتنده من صوت عمرها م هتنساه ابدا ، وقفت اتخشبت فمكانها
من غير ولا حركه
إياد: ادينى رجعتلك يا اسيا ...
رجعتلك بعد م عرفت انك خلصتى دراسة ودبلومه
وفالماچيستير كمان
اسيا دموعها نزلت من غير م تلتفت وراها ، ده حقيقي !!
إياد: واتجوزتى سليم كمان ( ضحك بسخرية) ونسيتينى _!!!
هو ده العهد
ياخسارة
بتلف اسيا بالراحه لاقت اياد قصاد عنيها !!
مفيش كام شبر بينهم
شكله اتغير ، مربي دقن خفيفه ومكبر شعره
وبشرته اسمرت شوية .
اسيا: اياد !!
اياد : مفجأة انى ارجع ؟ مكنتيش حاطه امل خالص انى ارجع
ولا مكنتيش عايزانى ارجع
اسيا( عيونها فيها دموع) ازاى بتقول كده
ازاى بتتهمنى بكده
اياد: اومال تسمي الى عملتيه والتغيرات الجذرية الى حصلت فحياتك
دى ايه يا مدام سليم !
عدوا اتنين بصوا لهم فالشارع
اسيا: اياد مش هتنفع وقفتنا كده
اياد: خلاص تعالى نروح اى مكان نتكلم
اسيا: مش هينفع يا اياد ..مش هينفع
اياد: ليه مش هينفع ، انا غبت عنك سنتين وشوية
وكانى سايبك امبارح
اسيا: افهم انا مقفى صعب ، انا ست متجوزة
اياد بيبصلها باستياء
اسيا: انا مش حرة عشان اروح معاك اى مكان فاى وقت
او استقبلك الاستقبال الى انت مستنيه
اياد : وانتى مكنتيش مستنياه !!
اسيا بتمسح دموعها
اياد : انا قتيلك انهاردة ! هنروح مكان وهتكلم معاكى
لانى عايز ده ومعنديش اى كلام تانى
وواقف مكانى ومش هتحرك
اسيا مش عارفه تعمل ايه، واضح انه مصمم بجد !
طب هتعمل ايه وهى المفروض انها ست متجوزة
والخطوة محسوبة عليها .
`·，`·，`·，`·，`·，`·，`·，`·，`·，`·，`·
فمطعم قدام البحر مباشرة ، كان سليم بيتغدى
عشان يلحق يرجع مكتبه
وبيتكلم فون هو ومريم ، بعد م خلص اكل
وواقف قدام البحر ع طول
سليم : يعنى بجد هو كويس معاكى ولا انتى بتقولى كده وخلاص
عشان كالعادة تدارى
مريم: لا بجد ، مبقاش يزعق
وبقى يبات هنا عاى ومش بيتاخر برة
وبيهتم بمروان
وبيا
سليم ( سكت ثوان واتكلم) وهو انا هعوز ايه اكتر من انك ترتاحى
فحياتك سواء معايا او مع غيرى
مريم : طيب نبرة الحزن الى فصوتك دى ليه
سليم: الحزن مش هيسبنى غير لما ارتاح
مريم : بعد الشر عنك من الحزن والهم ، طب م تريح نفسك
عشان خاطرى
سليم: وارتاح ازاى وقلبي موجوع
مريم سكتت وكلامه كان بيقطع فيها
سليم : انتى عارفه يا مريم ...والدى لما مات محستش بانى
يتيم ، اد اليتم الى بحسه فبعدك عنى
مريم : اوعى تقول كده ، واوعى تحس انك وحيد
حتى لو كنت مش جمبك ..فانا حضنك وبيتك ❤
سليم : انتى فعلا حضنى وملجأى الوحيد ( مسح عيونه)
مريم : انا معرفش ايه حكمة ربنا ف انى انا وانت نعرف بحقيقة مشاعرنا
بعد م كل حد فينا بقاله حياه مع حد تانى
سليم ساكت وسامعها
مريم: بس مش جايز ده علشان ندى فرصة تانية
ليهم
مراد واسيا
يمكن يتصلحوا وحياتنا تمشى
سليم ( باستنكار) حياتنا هتمشى من غير روح
اجساد وبس!
مريم: مش يمكن بالتعود نقدر
سليم: نقدر على ايه ؟ نحبهم!
اه ده لو كان عندنا قلوب تانيه فاليمين
مريم سكتت لانه عنده حق
سليم: انا عن نفسي مقصرتش لحظة معاها ولحد دلوقتى
محترم جدا معاها رغم انى صابر بمعجزة
واحد غيرى كان مسح بيها البلاط بعد كل الى سمعه
حاولت كتير معاها اقرب وهى بتبعد ، عايزانى اديها فرصة تانية ع ايه
ه واحدة باردة ومعندهاش مشاعر
اسيا وهى قاسية بجد
اسم ع مسمى
قاسية تقتل حته منها عشان تحسب بعقلها حسابات تأكدلك انها غبيه
مريم: خلاص طلقها ومتعذبش نفسك ولا تعذبها اكتر من كده
خليها تشوف حياتها وانت تشوف حياتك
مدام علاقتكم ادمرت للحد ده
سليم: مش بالسهولة الى انتى فاكرها دى ، الطلاق راحه ليها
وهى مريحتنيش
بقالى شهووور منعزل عنها
وجاية تسالنى انت متغير ليه
وحياة عدم راحتى فانى اشوف طفل من صلبي
وحياة قدرتها انها تموت حتة منى
مش هريحها وهسيبها متعلقه لا هى طايلة ارض من سما
مريم: تخيل انى بتقطع وانا سامعاك بتتكلم كده
عن واحدةاكتر من صاحبتى
اكتر من نصى التانى
اختى بجد
وانها تكون اذتك انت ! انت يالى بعتبركم انت ومروان اغلى
من النفس الى بتنفسه
تعبانه بسببكم
ياريتها واحدة منعرفهاش
كانت تهون
كان الجرح هيبقى واحد ، بدل م هو جرحين ..
سليم : خلاص يا مريم ...خلاص
زى م قولتلك انا ليا ربنا
وعلى فكرة لا انا اول الموجوعين ولا اخرهم
ومين فالدنيا دى كان مع حبيبه ونهايتهم كانت سعيدة
ونهايتهم كانت اصلا سوا
يمكن الحلو الى فحياتى شوفته لما بس كنتى معايا فنفس البيت
فنفس المكان
بقاسمك يوم بتفاصيله اكتر من اخوكى ابن امك وابوكى
وانا هكتفى بيه واعيش
عيشت سنين فاهم حبك فقلبي بنوة وابوة
لكن لما فوقت ع حقيقته
مزعلتش
هفضل احبك مهما حصل
حتى لو موتت وربنا مش كاتبك زوجة ليا
ولا كاتب لى منك اولاد
عارفه ليه منك وبس عايز ولادى يا مريم ؟
مريم ( متأثرة اوى ) ليه؟
سليم: عشان طول حياتى ، مش هتمنى غيرك
سكنى ومكانى
وسكن ولادى
زى م سكنتى ابوهم عمر بحاله وملكتى كل حته فيه
هيسكنوكى وتسكنيهم
عشان انتى احسن ام فالدنيا
كفاية عشان راحة ابنك ...ضحيتى براحتك ..
مريم سمعته ونزلت الفون بعد م قفل هو ، حزينه جدا
وجع ساكنها هى وهو
ومش عارفين اخرتها ايه ؟
بيدفع سليم الشيك وماشى ، طلع من المطعم وركب عربيته
ويدوب مشى وعربيته بعدت الا ونزل من تاكسى
اياد واسيا ...ولمى !
دخلوا وقعدوا التلاته ع تربيزة واحدة .،
اسيا بتبص حواليها لان اول مرة تخرج مع راجل من غير م سليم يعرف
وخايفه يشوفها .
لمى : قول يا اياد الى عندك عشان زى م انت شايف الموضوع موتر جدا
ومحدش فينا مستحمل
اياد : انتى بتبصى حواليكى ليه ؟ ع فكرة لو قابلنا حضرة الظابط
هقوله هى من حقى انا
وبتاعتى انا
ومالوش اى حق عليكى
لمى : والنبي ياحماعة نصلى عالنبي الاول ،وبعدين يا اياد صحصح
لكلامك يا بابا
يعنى ايه مالوش حق عليها
ده جوزها
جوزها ..( بتهز راسها) وصلاك الفكرة !
اياد: مش من حق حد يخطف حاجه من حق حد تانى
واختك حقى
انا موتت وحييت
وكنت هتسجن
واخدت قروض
وجبت شقة،وفتحت بدل المشروع اتنين
وسفيت تراب الشوارع عشانها
واخرتها هربت عشان متسحنش ومستقبلى يضيع
وفالاخر ارجع الاقى المدام عايشه حياتها
بتشتغل
وبتدرس ماشاء الله ومتجوزة سيادة العقيد
لمى : استنى بس متتعصبش علينا كده روق اعصابك ،
انت زى م انت غامض وهتفضل غامض
م تقولنا حصل ايه معاك
وسافرت ف ايه وجيت ف ايه
وجيت ازاى ومتسجنتش
متخدناش ع مشمنا كده زى المقبوض عليهم
اياد: حاضر ياست لمى هقولك ، الحكاية انى بعد م سافرت
واتحدفت فبلد لوحدى زى الكلب معرفش فيها حد
كان اخويا بس الى بيواصلنى عشان خايف يكون مباحث
الاموال العامة بتتابعنى ويعرفوا مكانى حتى لو برة مصر
روحت ليبيا ، اشتغلت فواعلى
عارفه يعنى ايه فواعلى
كنت بشيل التراب والزلط والرمل ع كتافى طالع نازل ليل نهار
باوامر وبالشتايم قصاد ملاليم كنت بحوشها ومطفحش اللقمة
عشان ابعتها لقسط شقتنا ( بيضحك بسخرية) شقتنا!
لمى ( بشغف) كمل بس وبعدين قطم فيها براحتك
اياد: مفيش فضلت ع حالى كده ، ليلى كام ساعة نوم
والاكل عبارة عن لقم ناشفه وكوباية شاى
كل الى كان بيصبرنى هى صورتها فخيالى ( بيبص لاسيا وهى باصه
فالارض)
اقول بكرة تتعدل وارجعلها ، بكرة ربنا يكون عند حسن ظنى
وارجعلها ونفرح سوا
ده انا عملت كل ده عشانها
اصلى واسجد والح فدعائى ، يارب زيح غمتى وارجع لها
وارجع لاهلى
يارب خلصنى من قهرة غربتى لوحدى معرفش ايه الى جاى فحياتى
ع امل ان فرحتى الوحيدة هى اسيا !
وربنا اخيرا استجاب دعواتى ، حصلت معجزة ولا فالافلام
وع فكرة احنا حياتنا كلها اصلا افلام
كل حاجه بقت تتحقق ومفيش مستحيل خلاص
لمى: يخربيت رغى امك ، يابنى احكى ع طول وخلصنا
البت خايفه جوزها يشوفها
اياد: حاضر يالمى ، هحكى ع طول
كان لابويا ابن عم مش متجوز وكبير فالسن ، بخيل وعلى قلبه اد كده
مالوش علاقه بحد فالعيله لانه حاسس ان الكل طمعان فيه
عايش لوحده ومحدش بيسال عليه
لحد م فيوم مات ومحدش من الجيران حس الا لما ريحته طلعت !
اسيا اتأثرت من الحكاية وكشرت بحزن ولمى لسه عند شغفها كأنها
بتسمع حدوتة مش معاناة واحد هربان ورجع!
اياد: طبعا العيلة كلها ورثت ، وابويا واخوه كان ليهم الورث الاكبر
مبلغ محدش يقدر يتخيله كان من نصيب ابويا
كان لسه فى مهلة لتسديد قروضى
دفعهملى وخد ورقه مخالصة وسقط من عليا الحكم وكلمونى ...( بيبص
لاسيا باستفزاز) وجيت .
اسيا رفعت عيونها له
اسيا: وعرفت منين انى اتجوزت سليم ؟
اياد: اول م جيت جريت عالاكونت بتاعى افتحه ، اعرف عنك اى حاجه
عشان اجيلك ع نار واقولك انا رجعت يا حبيبتى
رجعت وهنتحوز ومفيش قلق ولا تعب تانى فحياتنا
ببص ع صفحتك ، اتغيرت ل متزوجه !
من العقيد سليم وجيه ؟
انا مصدقتش نفسي لانى والله العظيم جبت اختى تقرا وقالتلى
نفس الى قريته
نزلت فبياناتك وصورك الى بتنزليها
ماشاء الله عايشة حياتك
ومأسسة لنفسك حياه وعايشه
وخروج وصور واعياد ميلاد ( خبط عالتربيزة بعنف) وانا ميت!!
لمى اتفزعت من خبطته
اسيا: لو سمحت يا اياد اتحكم فى انفعلاتك
اياد: اتحكم ف ايه ؟ حطى نفسك مكانى
شوفى لو انتى مكانى تتصرفى ازاى
هتعملى ايه؟؟!
لمى: بص ياعم الحج من غير تخبيط وهرش فالنافوخ
عشان والله هى م ناقصة حالة من اليلا فستين داهية
نروحها اكتر من الى احنا رايحنها
اهدى وصلى عالنبي كده
حضرتك سيادتك سعادتك قولتلها فالمطار بعضمه لسانك
عيشى حياتك
وانا مش راجع ل ولا ٢٠سنه كمان
كنت عايزها ايه ؟
تترهبن !!
اياد: كل الى غيبتهم سنتين وكام شهر ! سنتين ياناس
مش عارفه تصبر لوحدها سنتين
حتى عالاقل تقدير للحب الكبير الى بينا
وبعدين اسيا مش الشخص الى متسربع ع ارتباط عشان تنسانى كده
وترتبط ع طول..
اسيا: اياد اسمع لكل الاطراف مش لنفسك وبس ، بعد انت م مشيت
انا مكنتش عارفه اعيش
مكنتش عارفه اتنفس
حاولت اطلع من الى انا فيه معرفتش، لحد م ربنا هدانى لفكرة الدراسه
والشغل عشان الهى نفسى
لكن انا مكنتش عايزة ارتباط ولا نيلة
اياد: وتسمى جوازك من حضرة الظابط ايه ؟ وايشمعنا هو
وبقالكم سنه سوا
واكيد كان فى خطوبة
ده انتى مضيعتيش وقت بقى
اسيا: ع فكرة اسلوبك لو فضل مستفز كده انا همشى
لمى : يووووه اصبروا ممكن ! وكل واحد يتكلم بهدوء كده احنا
مش فحلبة مصارعة
وصلوا افكاركم بهدوء لان والله عايزاكم تاخدوا بالكم اننا فمطعم
وشبه صوتكم مسموع
اسيا: اياد ....اقسملك بربي انى اتجوزت سليم بالعقل
عشان بابا كان عايزنى اطلع من حالتى
والعرسان كانوا كتير
قولت بدل الزن اختار افضلهم واخلص ...وحياة ربنا بعقلى بس
اياد: انتى معرفتيش ليه تقولى لباباكى ومامتك اى حجه
انا مش هتجوز
انا عاوزة اكمل دراستى
اى حاجه لحد م يزهقوا ويبطلوا يضغطوا عليكى
اسيا: ولحد امتى ؟
اياد ( ابتسم باستهزاء) تصدقى عندك حق !!
ده مفيش امل اصلا انى ارجع
كان اياد ده كلب وغار
( عيونه فيها دموع) وعذابي انا !
وحلمى انا
وتعب قلبي انا
طظ
مليون طظ
اصلا انا كنت لك ايه عشان تستحملى عشانى
ويبقى عندك يدوب امل ولو واحد فالميه انى ارجعلك
انتى لو حبيتى بجد مكنتيش عملتى كده
اسيا ابتدت تعيط ومدارية عيونها بمناديل
لمى : ع فكرة بقى هى فعلا روحها راحت معاك بعد م انت مشيت
ومبقتش اسيا الى نعرفها
وجوازتها بتبوظ عشان لسه بتحبك
اسيا( شالت المنديل م ع عنيها ومعيطه اوى) بس يالمى
لمى: لا مش بس ، اسيا كانت حامل ومحدش عارف ب ده غيرى
ونزلت البيبي عشان مش بتحب سليم
وحاسة ان جوازتها غلطه
وانت اصلا مكنتش رجعت ولا نعرف انت راجع ولا لا
اسيا: خلاص يالمى !
لمى: وفكل يوم من بعد م مشيت بتدبل وبتتسحب مننا
اقول كمان يا اياد
اياد بيبصلها بعطف لانه بيحبها ومش بتهون عليه
لمى: شغال فيها من الصبح زى الجزار فدبيحه تسلخ وتقطع
وكانها مش بتحس
لو سمحت فكر شوية وخلى عندك دم ووجه لنفسك انت ربع
الاسئلة الى وجهتهالها
لو انت مكانها واتجوزت اى جوازة والسلام
هتقبل تعيش من غير اولاد
هتتعمل مع مراتك كانها غريبة
لا طبعا ...عشان انتوا الرجاله بتبدلونا زى الشرابات
لكن احنا بنفضل عالوعد
اوفيا لحبكم لحد م نموت
اياد: انتى بتتكلمى كده كانى راجع وشابك فدراعى مراتى وولادى
انا اهو زى م انا
كل الى فيا لاسيا
والى فاضل جوايا لاسيا وبس
وغربتى غربة سنين ودموعى الى مبطلتش كانى مهاجر ومش راجع
كانت عشان اسيا وبس
لمى: ياسيدى انت واحد فالمليون ، هتعرف منين هى
اياد : من قلبها !
قلبها يالمى ،، اذا كنت صادق فحبها وهتفضل هى وبس
ولالا
سكتوا كلهم لثوانى ، اسيا بتمسح دموعها
بعد م مكياچها باظ
لمى اخدتها للحمام تغسل وشها ...رجعوا ملاقوش اياد !
وزى م ظهر اختفى، وشكل كده كل الى فات فحكايتهم
حكاية
والى جاى لحكايتهم حكاية تانية خالص ..
#نوتيلا
#لنورإسماعيل
·，`·，`·，`·，`·，`·，`·，`·，`·，`·，`·
وجدان ماسكة دراع البلايشتين ومتحمسه جدا وانس كمان
مركزين اوى فاللعبه الى بيلعبوها ..
وجدان : هاه !! هااانت ( بتلعب بتركيز )
خلاص اهوه ايووووة
( جابت جون وبتتنطط عالكنبه)
انس: ده ايه الحظ ده
وجدان : وهتغسل انت المواعين يا معلم هيييييه
انس( ضربها ع قفاها) لا احنا قولنا بعد دور كورة
دور بلياردو
وجدان : لا يا حبيب امك وخالتك والمجمتع والناس
متفقناش ع بلياردو
انس: اه عشان بغلبك فيها مش كده
وجدان: لا هنحمرء! قوم عالمواعين يلااا( بتزوقه ناحية المطبخ)
طالعه خالة انس من جوه بتضحك عليهم
الخالة: المواعين اتغسلوا خلاص والمطبخ كله اتشطب
وجدان: ليه كده ياخالتو
انس( ساحبها من ياقة البيچاما معلقها لفوق بايد واحدة) يابت
الرفضى ينفع كده
اهى خالتو الى غسلتهم
عشان ساعة بتحايل ع الى خلفك قومى شطبى المطبخ
تقوليلى نلعب دور كورة سوا واللعب عالمواعين
شايفه اخر دلعك الماسخ
وجدان ( بتتمسكن) خلاص يا كبير حصل خير ، بس لو سمحتى
ياخالتو ملكيش دعوة تانى بشغل البيت
شغل البيت ده من اختصاصى انا
الخالة: الله ! اومال هقعد هانم انا ولا ايه
انس( بيبوس ايدها) هانم وست الهوانم يا بلبله
اومال انا متجوز البت دى ليه
مش عشان تغسل وتمرش وتلمع الجزم
وجدان( ضربته فصدره) اتلم عشان فى اوضة بتلمنا بليل
وبتبقى لوحدك
خاف ع روحك
انس: خاف ياعيد ...يامى يامى يامى
الخالة ( بتضحك ) يا واد بطل مناكفه فيها
وجدان: طب خالتو عملت المواعين وخلصتك من الحكم الى عليك
دلوقتى احكم عليك ب ايه انااا؟
انس : لما مفيش احكام ، هتخترعى انتى
الخالة : انا اقولكم ، فيه غسيل عايز يتلم ويتطبق جوه
وفى العشا هيتحضر
وجدان: اشطا عليكى يالبنى ، يبقى انت يابرنس الغسيل
وانا احضر العشا عشان انت لما بتدخل المطبخ بتقلبه
انس: قلب منفعتك يالى متربتيش ...ماشى ياختى هلم الغسيل
وبالمرة اعاكس الموزة الى جت سكنت فالعمارة قصادنا جديد
( طلعلهالسانه)
وجدان: شكل الجنونة هتطلع ولا اييييه
الخالة : لا من غير جنونة ولا حاجه ، يلا كل واحد ع شغله
راحت وجدان للمطبخ وحضرت العشا ، كان فعلا لم انس الغسيل
وقعد يرتبه ويطبقه ويرصه مع خالته
جابت العشا وجدان واتعشوا ، وكالعادة مخليش العشا
من الهزار والمناكفه .
بعد العشا دخلت خالتهم تتفرج عالفيلم الابيض واسود
فاوضتها بعد م دخلوا التليفزيون عندها
وجاب انس شاشه Lcd
وخلاها فى اوضة نومه
وقاعدين بيتفرجوا الاتنين ع فيلم اجنبي وبيأزوزوا لب وبياكلوا
سودانى محمص..
وجدان : يا خلاثى ولدت نونو صغنن
انس: ( بيضحك وبيبصلها)
وجدان: بتبص ليه ياض؟!
انس: اصل ايه الاستعجاب ان الممثلة فالفيلم تخلف
نونو صغنن
ايه المفجأة!
وجدان: افهم ياحمار من غير ديل ، انا بحب اتفرج عالبيبهات
وشكل البيبهات
وملامحهم
ع فكرة ( بتركز ف انس ووشه) انت فيك شبه كبير منهم
انس: قصدك انى بيبي ( بيتف القشر فوشها وضربته) كل ده
وبيبي !
ده بيبي ايه الى اد خزان الميه ده
وجدان بتضحك اوى
انس: والله تعبانه فدماغك يا وجدان وعارف ان ربنا ابتلانى
وجدان: والله انت الى حمار ...
سكتوا وبيتابعوا
وجدان: بقولك يا نوستى
انس مركز ومش بيرد
وجدان: حتتى ! انت يا ولا
انس: نعم يابت الجزمة كل شوية تقطعينى مركز
وجدان: بقولك ايه ؟ هو انا مش اتأخرت فالحمل ؟!
انس ساب اللب وبيبصلها بازدراء
انس: اتأخرتى ف ايه ياروح النونة !
احنا مبقالناش شهرين
حمل ايه الى اتأخرتى فيه
د احنا لسه مغيرناش البيچامات
وجدان: لا والله الموضوع ده شاغلنى اوى وعايزة اكشف
انس: الموضوع شاغلك مسافة شهرين ! خلاص سليم
يروح معلق مراته فمرمى عام لضرب النار
ويشلوحهابالرصاص
وجدان: هههههه اسمع بس والله قلقانه
انس قفل الفيلم ومركز معاها
انس: عارف انا انك مش هتعدى ليلتك يابنت الوارمه
طيب هتكشفى على ايه
وجدان: عالنونو! اشوفه راح فين
انس: فمشوار وزمانه راجع مش هيغيب
وجدان : ههههههه يا انس بتكلم جد، عايزة اجيب نونو وافرح بابا
وستى وخالتو لبنى
انس: يا مخلولة يالى هربانه منك انتى ...طيب هتكشفى عالنونو
مش المفروض نقوم بانتاجه الاول
وجدان ( بتتكلم بطفولية) كل ده ومقومناش بالانتاج !
انس: لا ...تعالى اوريكى المصنع شغال ازاى جايز عيب
فالكتالوج
وجدان ( بتضحك) طب والله انت قليل الادب
انس( بيحضنها وبيطفى نور الاباجورة) وسافل ومش متربي
كمان
استعنا بالله عالشقا ...
·，`·，`·，`·，`·，`·，`·，`·，`·，`·，`·
"بخ!"
نشوى ( اتخضت ) يالاهوى عالخضايض ...كل مرة كده
عثمان : دورت عليكى تحت ملاقتكيش قولت اكيد هنا بتأكل الارانب
بتوعها
خلصتى
نشوى : اه ..
عثمان : طب تعالى بسرعة بسرعة عشان فيه مفجأة حلوة خالص
نشوى : لالالا التنطيط والجرى ده مش هينفع
عثمان: تعالى بس
نشوى : اهدى كده وبالراحه عشان انت عندك مفجأة
وانا كمان عندى مفجأة مهمة خالص
عثمان : احلى من مفجأتى ؟ مظنش
نشوى : تراهيننى ؟؟
عثمان : مممم شوقتينى اعرفها
نشوى : لا قول انت الاول
عثمان : طيب تعالى بصى من سور السطوح
بصت لاقت العربية الى وراها صورتها هيشتيرها راكنه تحت
نشوى : اشترتها الله
عثمان : وكتبت العقد انهاردة ، يلا تعالى انزلى غيرى هدومك
وافسحك اول واحدة فيها
ونعدى بالمرة ع اخواتك وعمى وطنط ونفسحهم معانا
نشوى ( بدلع ) كويس برضو اننا هنروحلهم ، عشان يعرفوا مفجاتى معاك
بالمرة احسن من التليفون
عثمان : الله ..هى مش مفجاة ليا لوحدى
نشوى : لا لينا كلنا
عثمان : طب م تقولى مستنيه ايه ؟!
نشوى قربت جمب ودنه وقالتله
نشوى : عايزه ولد ولا بنت
عثمان ابتسم وبص ليها وبص لبطنها
عثمان ( بفرحه) انتى حامل ؟ بجد !
نشوى هزت راسها اه
عثمان رايح يشيلها من فرحته
نشوى : لالالا من هنا ورايح كله بشويش عشان البيبي
عثمان ( مسك ايدها ودماغها وباسهم) ياعمرى الف الف مبروك
نازلين ودخلوا شقتهم
عثمان : طب ايه كده مش هينفع نركب العربية نتفسح ولا ايه
نشوى: لا نركب ونتفسح وكل حاجه ...بس بشويييش
بصلها بابتسامه ومش سيعاه الفرحه ، اما هى دخلت وبصت فالمراية
لبطنها الى لسه مظهرش عليها حمل وبصت للسما وقالت
نشوى: احمدك يارب من هنا للسما ...
#نوتيلا
#نورإسماعيل
·，`·，`·，`·，`·，`·，`·，`·，`·，`·，`·
وفليلة من الليالى الى بتعدى ع مراد ومريم فبيتهم مع مروان ..
مراد كان بيتكلم فالفون بقاله اكتر من ساعة وواضح انه موضوع
مش حابب ان مريم تعرفه لانه قافل البلكونه عليه ..
كانت مريم بتتصفح حجات ع اكونتاتها عالسوشيال عموما
فجأة ظهرت مسج من سليم باعتلها
سليم: صاحية ؟
مريم: ايوة
سليم : بتعملى ايه
مريم : ولا حاجه ، قاعدة وزهقانه
سليم: وفين مراد
مريم: جوة بيتكلم فالفون ، وانت بتعمل ايه
سليم: بسمع ام كلثوم
مريم بعتت ايموچى مبتسم وكتبت وراه
مريم: بتسمع لها ايه
سليم: مخطرتش ع بالك يوم يا مسهرنى
مريم ابتسمت وبعتت له
مريم: ايه المزاج ده كله
سليم : ولا مزاج ولا حاجه ، اهى حاجه بتهون عالواحد الى شايفه
ليل ونهار
مريم : ربنا يكون فعونك يارب
سليم : وحشتينى يا مريم
مريم سكتت ومش بتكتب
سليم: هو مينفعش نصحى فيوم من النوم ويطلع كل الى احنا فيه
ده حلم
وانك لسه هنا وفالبيت
وجمبي
مريم: ياريت ...بس مش كل حاجه بنتمناها بتبقى حقيقه
ياسليم
سليم: عندك حق
مريم : ( حبت تغير الموضوع) طب وانت قاعد كده وبتسمع
يامسهرنى
بتسرح ف ايه
سليم: ياااااااه ...بسرح فبيت انا بحبه
بحبه بكل جزء فيه بكل حيطانه وموبليته واثاثاته
مليان دفا وامان وعيال
ادخل كده الاقيكى مستنيانى
وولاد وبنات بيجروا عليا كلهم وفصوت واحد
بابا..بابا...بابا
جبتلنا حاجه حلوة معاك
اطلع لهم حجاتهم ويتخانقوا سوا عليها ، تخرجى انتى من المطبخ
وكانى شايفك فكل مرة احلى من المرة الى قبلها
بلهفه تسلمى عليا وتحضنينى
وتضحكى معاياع نقار العيال
واخدك ع جنب واطلعلك الحجات الى بتحبيها عشان محدش منهم
يشوفها
وتفرحى بيهم فرحة تكونى فيها اصغر منهم وتنطى فحضنى زى م معودك
واضمك لقلبي عشان اتدفى بحنانك الى مش بيكفينى
مريم بتقرا الكلام وحسته فقلبها اوى وتخيلته معاه
ميلت باست الحروف بشوق .
افتكرت الى هى فيه وقالت انها تنهى الحوار عشان قلبه
هو ميتعبش اكتر من كده
مريم : طيب يا سولى هقفل لانى دايخه اوى معرفش مالى من الصبح
سليم : سلامتك يانورعينى مالك !
اللهفه كانت ناطقه من وسط حروفه ، رغم ان مريم مفهاش حاجه
بس حستها
مريم : مفيش يمكن مش نايمة كويس
سليم: طيب ياكلموش ، ارتاحى
واشربي عصير ولا كلى حاجه مسكرة ممكن ضغط واطى
وارتاحى ع اد م تقدرى
ربنا يطمنى عليكى يارب دايما
قفلت مريم وهى ضامه الفون لصدرها بحب فظيع ، قامت تشوف
مراد
مريم: خلصت فونك
مراد: اه بس هبلغ حد معايا فالشغل ب اى ميل مهم وجاى
مريم حبت تمثل ع مراد انها دايخه وتشوف رد فعله
مريم ( مسكت دماغها) اه !! حاسة انى دايخه اوى
مراد مخدش باله
مريم : مراد ...يا مراد بقولك دايخه
مراد ( انتبه لها) دايخه ! لا اوعى تكونى حامل وتعمليها
الواد لسه صغير
مريم ابتسمت باستهزاء
مريم: لا مش حامل متقلقش
مشيت من قدامه وفدماغها كلام سليم ، وقدام عنيها واقع مش حباه
والحيرة اكبر مشكلة فحياتها ..
·，`·，`·，`·，`·，`·，`·，`·，`·，`·，`·
فى تجمع لاول مرة من فترة بيجمع وجدان ويارا ونشوى
ولمى وآسيا عند تبارك ..
والحدث : تبارك مسافرة لجوزها وقاعدين وياها لحد م تحضر
نفسها وتطلع عالمطار من شقتها !
وجدان ( دبت ع صدرها) اياد !!
اياد ازاى
اياد ازاى يا جدعان !! طب وحياة ستى سمارى ولا ان شاء الله
اعدمها
الواد ده مكتوب فبطاقته
اسمه والعنوان والنوع عفريت علبه
نشوى بتضحك
يارا : انا اتفاجئت زيك وقولت لنفسى راجع ليه ده
اسيا: لا وراجع يحاسبنى ويستجوبنى وانا مش عارفه
اعمل ايه واثبتله ازاى ان مفيش فايدى حاجه
يارا: طبعا مفيش فايدك حاجه ، انتى ست متجوزة وبتحترمى جوزك
وخلاص قدركم كده بقى
حد قاله يسافر ويسيبك
نشوى : ويعنى هو يا يارا كان سافر عشان مين
وجدان : دقيقه بس ياخالتى ام بقلولة انتى وياست يالى لسه هتبقللى
اياد بح يا جدعان
سافر عشانها
سافر عشانى
سافر عند القمر
الموضوع منتهى ، دى واحدة ع ذمة واحد وانت جيت وعرفت
خلاص نفضها سيرة بقى
لمى : المشكلة انها قلقانه من يومها
اسيا: قلقانه ومش عارفه ارتب اى حاجه فحياتى ومتلخبطة
ومخنوقه علاخر
وجدان : ليه بس ؟
تبارك جت لابسة ومستعدة وقاعدة معاهم
تبارك: بصراحه يا اسيا ،احنا كلنا اخواتك
انتى لسه بتحبيه ؟
بيبصولها وهى ساكته ، رفعت عيونها لتبارك
اسيا: النفضة الى مسكتنى لما سمعت صوته كأن لمسنى فرع
كهربا
تأكدلى انى ....لسه بحبه
وجدان ( لطمت) احيه !!! وايووووه
يارا: يووووه عالمصايب هو احنا ناقصين ياربي
نشوى: لا يا اسيا ، بصى حبك مش هيعمل حاجه لما بيتك يتخرب
كده كده اياد اخد منك موقف وخلاص
ربنا معاه بقى ويسهلله ببنت الحلال
لكن انتى بصى ع الى هيحصلك من ورا التفكير ده
وجدان: طبعا ، سليم لو شم خبر هيطربق دنيتهم
لمى : اووووف بقى ، طب وهى يا بنات
يعنى ايه طيب
يارا: هى زى م شافت اياد تنسى اصلا اليوم ده كأنه محصلش
وتكمل حياتها عادى
وجدان: اه تكمل حياتهاعادى ، والمرة الجاية يطلعلها من حنفية المطبخ
انا والله م اعرفها الحكاوى دى
يعنى ربنا رزقنا بشوية مصايب انما ايه
لوز اللوز
واحد وبسم الله ماشاء الله ميتخيرش عن البومة السودة المنحولة
فالشؤم والتباته والغتاته الاستاذ زفت مراد
والتانى لو شغال فسيرك فنمرة خفة اليد مش هيعمل فينا
العمايل دى
بيظهر ويختفى ع حسب الجو زى الحرباية
تبارك : طب يلا بينا ونكمل كلامنا فالمطار ، سفيان بيرن تحت
نزلوا كلهم مع سفيان وحملوا شنط تبارك وطلعوا عالمطار ،قعدوا
وكملوا نفس الحكايات ع اياد واسيا
الطيارة وصلت ولازم تقوم تبارك
ودعوها كلهم بحرارة ...دموعهم سبقت الكلام
والاحضان حرارتها وصلت للمكان كله.
مشيت تبارك وهما لسه خارجين من بوابة المطار
دماغ يارا لفت ...وفجاة هوب !!
وقعت اغمى عليها ..
اتلهوا فيها الاربع بنات وسفيان ، جابوا تاكس و عالمستشفى
اتصلت اسيا بياسين وحصلهم هناك .
تم الكشف الدقيق عليها بعد م عرفوا حالتها بالكامل
حامل فالشهر الخامس
كانت مريضة كانسر واتعالجت بعد معاناة سنين
وبعد الكشف ، طلع الدكتور ل ياسين والبنات وهما ع اعصابهم
ياسين :( بلهفه خوف) خير يا دكتور ، طمنى مالها ؟!
الدكتورسكت رفع عينه له وقاله ...
·，`·，`·，`·，`·，`·，`·，`·，`·，`·，`·
استنونا الاربعاء ان شاء الله
#نوتيلا
#نورإسماعيل
( تابعوا وكونو بالقرب الفصول الاخيرة )
نوتيلآ ❥❥
الفصل (46
， `·，`·，`·，`·，`·，`·，`·，`·，`·，`·，`·
ماشية تفكر والافكار عامله فدماغها دوشة
وفجأة
اسيا !!!
سمعت اسمها بيتنده من صوت عمرها م هتنساه ابدا ، وقفت اتخشبت فمكانها
من غير ولا حركه
إياد: ادينى رجعتلك يا اسيا ...
رجعتلك بعد م عرفت انك خلصتى دراسة ودبلومه
وفالماچيستير كمان
اسيا دموعها نزلت من غير م تلتفت وراها ، ده حقيقي !!
إياد: واتجوزتى سليم كمان ( ضحك بسخرية) ونسيتينى _!!!
هو ده العهد
ياخسارة
بتلف اسيا بالراحه لاقت اياد قصاد عنيها !!
مفيش كام شبر بينهم
شكله اتغير ، مربي دقن خفيفه ومكبر شعره
وبشرته اسمرت شوية .
اسيا: اياد !!
اياد : مفجأة انى ارجع ؟ مكنتيش حاطه امل خالص انى ارجع
ولا مكنتيش عايزانى ارجع
اسيا( عيونها فيها دموع) ازاى بتقول كده
ازاى بتتهمنى بكده
اياد: اومال تسمي الى عملتيه والتغيرات الجذرية الى حصلت فحياتك
دى ايه يا مدام سليم !
عدوا اتنين بصوا لهم فالشارع
اسيا: اياد مش هتنفع وقفتنا كده
اياد: خلاص تعالى نروح اى مكان نتكلم
اسيا: مش هينفع يا اياد ..مش هينفع
اياد: ليه مش هينفع ، انا غبت عنك سنتين وشوية
وكانى سايبك امبارح
اسيا: افهم انا مقفى صعب ، انا ست متجوزة
اياد بيبصلها باستياء
اسيا: انا مش حرة عشان اروح معاك اى مكان فاى وقت
او استقبلك الاستقبال الى انت مستنيه
اياد : وانتى مكنتيش مستنياه !!
اسيا بتمسح دموعها
اياد : انا قتيلك انهاردة ! هنروح مكان وهتكلم معاكى
لانى عايز ده ومعنديش اى كلام تانى
وواقف مكانى ومش هتحرك
اسيا مش عارفه تعمل ايه، واضح انه مصمم بجد !
طب هتعمل ايه وهى المفروض انها ست متجوزة
والخطوة محسوبة عليها .
`·，`·，`·，`·，`·，`·，`·，`·，`·，`·，`·
فمطعم قدام البحر مباشرة ، كان سليم بيتغدى
عشان يلحق يرجع مكتبه
وبيتكلم فون هو ومريم ، بعد م خلص اكل
وواقف قدام البحر ع طول
سليم : يعنى بجد هو كويس معاكى ولا انتى بتقولى كده وخلاص
عشان كالعادة تدارى
مريم: لا بجد ، مبقاش يزعق
وبقى يبات هنا عاى ومش بيتاخر برة
وبيهتم بمروان
وبيا
سليم ( سكت ثوان واتكلم) وهو انا هعوز ايه اكتر من انك ترتاحى
فحياتك سواء معايا او مع غيرى
مريم : طيب نبرة الحزن الى فصوتك دى ليه
سليم: الحزن مش هيسبنى غير لما ارتاح
مريم : بعد الشر عنك من الحزن والهم ، طب م تريح نفسك
عشان خاطرى
سليم: وارتاح ازاى وقلبي موجوع
مريم سكتت وكلامه كان بيقطع فيها
سليم : انتى عارفه يا مريم ...والدى لما مات محستش بانى
يتيم ، اد اليتم الى بحسه فبعدك عنى
مريم : اوعى تقول كده ، واوعى تحس انك وحيد
حتى لو كنت مش جمبك ..فانا حضنك وبيتك ❤
سليم : انتى فعلا حضنى وملجأى الوحيد ( مسح عيونه)
مريم : انا معرفش ايه حكمة ربنا ف انى انا وانت نعرف بحقيقة مشاعرنا
بعد م كل حد فينا بقاله حياه مع حد تانى
سليم ساكت وسامعها
مريم: بس مش جايز ده علشان ندى فرصة تانية
ليهم
مراد واسيا
يمكن يتصلحوا وحياتنا تمشى
سليم ( باستنكار) حياتنا هتمشى من غير روح
اجساد وبس!
مريم: مش يمكن بالتعود نقدر
سليم: نقدر على ايه ؟ نحبهم!
اه ده لو كان عندنا قلوب تانيه فاليمين
مريم سكتت لانه عنده حق
سليم: انا عن نفسي مقصرتش لحظة معاها ولحد دلوقتى
محترم جدا معاها رغم انى صابر بمعجزة
واحد غيرى كان مسح بيها البلاط بعد كل الى سمعه
حاولت كتير معاها اقرب وهى بتبعد ، عايزانى اديها فرصة تانية ع ايه
ه واحدة باردة ومعندهاش مشاعر
اسيا وهى قاسية بجد
اسم ع مسمى
قاسية تقتل حته منها عشان تحسب بعقلها حسابات تأكدلك انها غبيه
مريم: خلاص طلقها ومتعذبش نفسك ولا تعذبها اكتر من كده
خليها تشوف حياتها وانت تشوف حياتك
مدام علاقتكم ادمرت للحد ده
سليم: مش بالسهولة الى انتى فاكرها دى ، الطلاق راحه ليها
وهى مريحتنيش
بقالى شهووور منعزل عنها
وجاية تسالنى انت متغير ليه
وحياة عدم راحتى فانى اشوف طفل من صلبي
وحياة قدرتها انها تموت حتة منى
مش هريحها وهسيبها متعلقه لا هى طايلة ارض من سما
مريم: تخيل انى بتقطع وانا سامعاك بتتكلم كده
عن واحدةاكتر من صاحبتى
اكتر من نصى التانى
اختى بجد
وانها تكون اذتك انت ! انت يالى بعتبركم انت ومروان اغلى
من النفس الى بتنفسه
تعبانه بسببكم
ياريتها واحدة منعرفهاش
كانت تهون
كان الجرح هيبقى واحد ، بدل م هو جرحين ..
سليم : خلاص يا مريم ...خلاص
زى م قولتلك انا ليا ربنا
وعلى فكرة لا انا اول الموجوعين ولا اخرهم
ومين فالدنيا دى كان مع حبيبه ونهايتهم كانت سعيدة
ونهايتهم كانت اصلا سوا
يمكن الحلو الى فحياتى شوفته لما بس كنتى معايا فنفس البيت
فنفس المكان
بقاسمك يوم بتفاصيله اكتر من اخوكى ابن امك وابوكى
وانا هكتفى بيه واعيش
عيشت سنين فاهم حبك فقلبي بنوة وابوة
لكن لما فوقت ع حقيقته
مزعلتش
هفضل احبك مهما حصل
حتى لو موتت وربنا مش كاتبك زوجة ليا
ولا كاتب لى منك اولاد
عارفه ليه منك وبس عايز ولادى يا مريم ؟
مريم ( متأثرة اوى ) ليه؟
سليم: عشان طول حياتى ، مش هتمنى غيرك
سكنى ومكانى
وسكن ولادى
زى م سكنتى ابوهم عمر بحاله وملكتى كل حته فيه
هيسكنوكى وتسكنيهم
عشان انتى احسن ام فالدنيا
كفاية عشان راحة ابنك ...ضحيتى براحتك ..
مريم سمعته ونزلت الفون بعد م قفل هو ، حزينه جدا
وجع ساكنها هى وهو
ومش عارفين اخرتها ايه ؟
بيدفع سليم الشيك وماشى ، طلع من المطعم وركب عربيته
ويدوب مشى وعربيته بعدت الا ونزل من تاكسى
اياد واسيا ...ولمى !
دخلوا وقعدوا التلاته ع تربيزة واحدة .،
اسيا بتبص حواليها لان اول مرة تخرج مع راجل من غير م سليم يعرف
وخايفه يشوفها .
لمى : قول يا اياد الى عندك عشان زى م انت شايف الموضوع موتر جدا
ومحدش فينا مستحمل
اياد : انتى بتبصى حواليكى ليه ؟ ع فكرة لو قابلنا حضرة الظابط
هقوله هى من حقى انا
وبتاعتى انا
ومالوش اى حق عليكى
لمى : والنبي ياحماعة نصلى عالنبي الاول ،وبعدين يا اياد صحصح
لكلامك يا بابا
يعنى ايه مالوش حق عليها
ده جوزها
جوزها ..( بتهز راسها) وصلاك الفكرة !
اياد: مش من حق حد يخطف حاجه من حق حد تانى
واختك حقى
انا موتت وحييت
وكنت هتسجن
واخدت قروض
وجبت شقة،وفتحت بدل المشروع اتنين
وسفيت تراب الشوارع عشانها
واخرتها هربت عشان متسحنش ومستقبلى يضيع
وفالاخر ارجع الاقى المدام عايشه حياتها
بتشتغل
وبتدرس ماشاء الله ومتجوزة سيادة العقيد
لمى : استنى بس متتعصبش علينا كده روق اعصابك ،
انت زى م انت غامض وهتفضل غامض
م تقولنا حصل ايه معاك
وسافرت ف ايه وجيت ف ايه
وجيت ازاى ومتسجنتش
متخدناش ع مشمنا كده زى المقبوض عليهم
اياد: حاضر ياست لمى هقولك ، الحكاية انى بعد م سافرت
واتحدفت فبلد لوحدى زى الكلب معرفش فيها حد
كان اخويا بس الى بيواصلنى عشان خايف يكون مباحث
الاموال العامة بتتابعنى ويعرفوا مكانى حتى لو برة مصر
روحت ليبيا ، اشتغلت فواعلى
عارفه يعنى ايه فواعلى
كنت بشيل التراب والزلط والرمل ع كتافى طالع نازل ليل نهار
باوامر وبالشتايم قصاد ملاليم كنت بحوشها ومطفحش اللقمة
عشان ابعتها لقسط شقتنا ( بيضحك بسخرية) شقتنا!
لمى ( بشغف) كمل بس وبعدين قطم فيها براحتك
اياد: مفيش فضلت ع حالى كده ، ليلى كام ساعة نوم
والاكل عبارة عن لقم ناشفه وكوباية شاى
كل الى كان بيصبرنى هى صورتها فخيالى ( بيبص لاسيا وهى باصه
فالارض)
اقول بكرة تتعدل وارجعلها ، بكرة ربنا يكون عند حسن ظنى
وارجعلها ونفرح سوا
ده انا عملت كل ده عشانها
اصلى واسجد والح فدعائى ، يارب زيح غمتى وارجع لها
وارجع لاهلى
يارب خلصنى من قهرة غربتى لوحدى معرفش ايه الى جاى فحياتى
ع امل ان فرحتى الوحيدة هى اسيا !
وربنا اخيرا استجاب دعواتى ، حصلت معجزة ولا فالافلام
وع فكرة احنا حياتنا كلها اصلا افلام
كل حاجه بقت تتحقق ومفيش مستحيل خلاص
لمى: يخربيت رغى امك ، يابنى احكى ع طول وخلصنا
البت خايفه جوزها يشوفها
اياد: حاضر يالمى ، هحكى ع طول
كان لابويا ابن عم مش متجوز وكبير فالسن ، بخيل وعلى قلبه اد كده
مالوش علاقه بحد فالعيله لانه حاسس ان الكل طمعان فيه
عايش لوحده ومحدش بيسال عليه
لحد م فيوم مات ومحدش من الجيران حس الا لما ريحته طلعت !
اسيا اتأثرت من الحكاية وكشرت بحزن ولمى لسه عند شغفها كأنها
بتسمع حدوتة مش معاناة واحد هربان ورجع!
اياد: طبعا العيلة كلها ورثت ، وابويا واخوه كان ليهم الورث الاكبر
مبلغ محدش يقدر يتخيله كان من نصيب ابويا
كان لسه فى مهلة لتسديد قروضى
دفعهملى وخد ورقه مخالصة وسقط من عليا الحكم وكلمونى ...( بيبص
لاسيا باستفزاز) وجيت .
اسيا رفعت عيونها له
اسيا: وعرفت منين انى اتجوزت سليم ؟
اياد: اول م جيت جريت عالاكونت بتاعى افتحه ، اعرف عنك اى حاجه
عشان اجيلك ع نار واقولك انا رجعت يا حبيبتى
رجعت وهنتحوز ومفيش قلق ولا تعب تانى فحياتنا
ببص ع صفحتك ، اتغيرت ل متزوجه !
من العقيد سليم وجيه ؟
انا مصدقتش نفسي لانى والله العظيم جبت اختى تقرا وقالتلى
نفس الى قريته
نزلت فبياناتك وصورك الى بتنزليها
ماشاء الله عايشة حياتك
ومأسسة لنفسك حياه وعايشه
وخروج وصور واعياد ميلاد ( خبط عالتربيزة بعنف) وانا ميت!!
لمى اتفزعت من خبطته
اسيا: لو سمحت يا اياد اتحكم فى انفعلاتك
اياد: اتحكم ف ايه ؟ حطى نفسك مكانى
شوفى لو انتى مكانى تتصرفى ازاى
هتعملى ايه؟؟!
لمى: بص ياعم الحج من غير تخبيط وهرش فالنافوخ
عشان والله هى م ناقصة حالة من اليلا فستين داهية
نروحها اكتر من الى احنا رايحنها
اهدى وصلى عالنبي كده
حضرتك سيادتك سعادتك قولتلها فالمطار بعضمه لسانك
عيشى حياتك
وانا مش راجع ل ولا ٢٠سنه كمان
كنت عايزها ايه ؟
تترهبن !!
اياد: كل الى غيبتهم سنتين وكام شهر ! سنتين ياناس
مش عارفه تصبر لوحدها سنتين
حتى عالاقل تقدير للحب الكبير الى بينا
وبعدين اسيا مش الشخص الى متسربع ع ارتباط عشان تنسانى كده
وترتبط ع طول..
اسيا: اياد اسمع لكل الاطراف مش لنفسك وبس ، بعد انت م مشيت
انا مكنتش عارفه اعيش
مكنتش عارفه اتنفس
حاولت اطلع من الى انا فيه معرفتش، لحد م ربنا هدانى لفكرة الدراسه
والشغل عشان الهى نفسى
لكن انا مكنتش عايزة ارتباط ولا نيلة
اياد: وتسمى جوازك من حضرة الظابط ايه ؟ وايشمعنا هو
وبقالكم سنه سوا
واكيد كان فى خطوبة
ده انتى مضيعتيش وقت بقى
اسيا: ع فكرة اسلوبك لو فضل مستفز كده انا همشى
لمى : يووووه اصبروا ممكن ! وكل واحد يتكلم بهدوء كده احنا
مش فحلبة مصارعة
وصلوا افكاركم بهدوء لان والله عايزاكم تاخدوا بالكم اننا فمطعم
وشبه صوتكم مسموع
اسيا: اياد ....اقسملك بربي انى اتجوزت سليم بالعقل
عشان بابا كان عايزنى اطلع من حالتى
والعرسان كانوا كتير
قولت بدل الزن اختار افضلهم واخلص ...وحياة ربنا بعقلى بس
اياد: انتى معرفتيش ليه تقولى لباباكى ومامتك اى حجه
انا مش هتجوز
انا عاوزة اكمل دراستى
اى حاجه لحد م يزهقوا ويبطلوا يضغطوا عليكى
اسيا: ولحد امتى ؟
اياد ( ابتسم باستهزاء) تصدقى عندك حق !!
ده مفيش امل اصلا انى ارجع
كان اياد ده كلب وغار
( عيونه فيها دموع) وعذابي انا !
وحلمى انا
وتعب قلبي انا
طظ
مليون طظ
اصلا انا كنت لك ايه عشان تستحملى عشانى
ويبقى عندك يدوب امل ولو واحد فالميه انى ارجعلك
انتى لو حبيتى بجد مكنتيش عملتى كده
اسيا ابتدت تعيط ومدارية عيونها بمناديل
لمى : ع فكرة بقى هى فعلا روحها راحت معاك بعد م انت مشيت
ومبقتش اسيا الى نعرفها
وجوازتها بتبوظ عشان لسه بتحبك
اسيا( شالت المنديل م ع عنيها ومعيطه اوى) بس يالمى
لمى: لا مش بس ، اسيا كانت حامل ومحدش عارف ب ده غيرى
ونزلت البيبي عشان مش بتحب سليم
وحاسة ان جوازتها غلطه
وانت اصلا مكنتش رجعت ولا نعرف انت راجع ولا لا
اسيا: خلاص يالمى !
لمى: وفكل يوم من بعد م مشيت بتدبل وبتتسحب مننا
اقول كمان يا اياد
اياد بيبصلها بعطف لانه بيحبها ومش بتهون عليه
لمى: شغال فيها من الصبح زى الجزار فدبيحه تسلخ وتقطع
وكانها مش بتحس
لو سمحت فكر شوية وخلى عندك دم ووجه لنفسك انت ربع
الاسئلة الى وجهتهالها
لو انت مكانها واتجوزت اى جوازة والسلام
هتقبل تعيش من غير اولاد
هتتعمل مع مراتك كانها غريبة
لا طبعا ...عشان انتوا الرجاله بتبدلونا زى الشرابات
لكن احنا بنفضل عالوعد
اوفيا لحبكم لحد م نموت
اياد: انتى بتتكلمى كده كانى راجع وشابك فدراعى مراتى وولادى
انا اهو زى م انا
كل الى فيا لاسيا
والى فاضل جوايا لاسيا وبس
وغربتى غربة سنين ودموعى الى مبطلتش كانى مهاجر ومش راجع
كانت عشان اسيا وبس
لمى: ياسيدى انت واحد فالمليون ، هتعرف منين هى
اياد : من قلبها !
قلبها يالمى ،، اذا كنت صادق فحبها وهتفضل هى وبس
ولالا
سكتوا كلهم لثوانى ، اسيا بتمسح دموعها
بعد م مكياچها باظ
لمى اخدتها للحمام تغسل وشها ...رجعوا ملاقوش اياد !
وزى م ظهر اختفى، وشكل كده كل الى فات فحكايتهم
حكاية
والى جاى لحكايتهم حكاية تانية خالص ..
#نوتيلا
#لنورإسماعيل
·，`·，`·，`·，`·，`·，`·，`·，`·，`·，`·
وجدان ماسكة دراع البلايشتين ومتحمسه جدا وانس كمان
مركزين اوى فاللعبه الى بيلعبوها ..
وجدان : هاه !! هااانت ( بتلعب بتركيز )
خلاص اهوه ايووووة
( جابت جون وبتتنطط عالكنبه)
انس: ده ايه الحظ ده
وجدان : وهتغسل انت المواعين يا معلم هيييييه
انس( ضربها ع قفاها) لا احنا قولنا بعد دور كورة
دور بلياردو
وجدان : لا يا حبيب امك وخالتك والمجمتع والناس
متفقناش ع بلياردو
انس: اه عشان بغلبك فيها مش كده
وجدان: لا هنحمرء! قوم عالمواعين يلااا( بتزوقه ناحية المطبخ)
طالعه خالة انس من جوه بتضحك عليهم
الخالة: المواعين اتغسلوا خلاص والمطبخ كله اتشطب
وجدان: ليه كده ياخالتو
انس( ساحبها من ياقة البيچاما معلقها لفوق بايد واحدة) يابت
الرفضى ينفع كده
اهى خالتو الى غسلتهم
عشان ساعة بتحايل ع الى خلفك قومى شطبى المطبخ
تقوليلى نلعب دور كورة سوا واللعب عالمواعين
شايفه اخر دلعك الماسخ
وجدان ( بتتمسكن) خلاص يا كبير حصل خير ، بس لو سمحتى
ياخالتو ملكيش دعوة تانى بشغل البيت
شغل البيت ده من اختصاصى انا
الخالة: الله ! اومال هقعد هانم انا ولا ايه
انس( بيبوس ايدها) هانم وست الهوانم يا بلبله
اومال انا متجوز البت دى ليه
مش عشان تغسل وتمرش وتلمع الجزم
وجدان( ضربته فصدره) اتلم عشان فى اوضة بتلمنا بليل
وبتبقى لوحدك
خاف ع روحك
انس: خاف ياعيد ...يامى يامى يامى
الخالة ( بتضحك ) يا واد بطل مناكفه فيها
وجدان: طب خالتو عملت المواعين وخلصتك من الحكم الى عليك
دلوقتى احكم عليك ب ايه انااا؟
انس : لما مفيش احكام ، هتخترعى انتى
الخالة : انا اقولكم ، فيه غسيل عايز يتلم ويتطبق جوه
وفى العشا هيتحضر
وجدان: اشطا عليكى يالبنى ، يبقى انت يابرنس الغسيل
وانا احضر العشا عشان انت لما بتدخل المطبخ بتقلبه
انس: قلب منفعتك يالى متربتيش ...ماشى ياختى هلم الغسيل
وبالمرة اعاكس الموزة الى جت سكنت فالعمارة قصادنا جديد
( طلعلهالسانه)
وجدان: شكل الجنونة هتطلع ولا اييييه
الخالة : لا من غير جنونة ولا حاجه ، يلا كل واحد ع شغله
راحت وجدان للمطبخ وحضرت العشا ، كان فعلا لم انس الغسيل
وقعد يرتبه ويطبقه ويرصه مع خالته
جابت العشا وجدان واتعشوا ، وكالعادة مخليش العشا
من الهزار والمناكفه .
بعد العشا دخلت خالتهم تتفرج عالفيلم الابيض واسود
فاوضتها بعد م دخلوا التليفزيون عندها
وجاب انس شاشه Lcd
وخلاها فى اوضة نومه
وقاعدين بيتفرجوا الاتنين ع فيلم اجنبي وبيأزوزوا لب وبياكلوا
سودانى محمص..
وجدان : يا خلاثى ولدت نونو صغنن
انس: ( بيضحك وبيبصلها)
وجدان: بتبص ليه ياض؟!
انس: اصل ايه الاستعجاب ان الممثلة فالفيلم تخلف
نونو صغنن
ايه المفجأة!
وجدان: افهم ياحمار من غير ديل ، انا بحب اتفرج عالبيبهات
وشكل البيبهات
وملامحهم
ع فكرة ( بتركز ف انس ووشه) انت فيك شبه كبير منهم
انس: قصدك انى بيبي ( بيتف القشر فوشها وضربته) كل ده
وبيبي !
ده بيبي ايه الى اد خزان الميه ده
وجدان بتضحك اوى
انس: والله تعبانه فدماغك يا وجدان وعارف ان ربنا ابتلانى
وجدان: والله انت الى حمار ...
سكتوا وبيتابعوا
وجدان: بقولك يا نوستى
انس مركز ومش بيرد
وجدان: حتتى ! انت يا ولا
انس: نعم يابت الجزمة كل شوية تقطعينى مركز
وجدان: بقولك ايه ؟ هو انا مش اتأخرت فالحمل ؟!
انس ساب اللب وبيبصلها بازدراء
انس: اتأخرتى ف ايه ياروح النونة !
احنا مبقالناش شهرين
حمل ايه الى اتأخرتى فيه
د احنا لسه مغيرناش البيچامات
وجدان: لا والله الموضوع ده شاغلنى اوى وعايزة اكشف
انس: الموضوع شاغلك مسافة شهرين ! خلاص سليم
يروح معلق مراته فمرمى عام لضرب النار
ويشلوحهابالرصاص
وجدان: هههههه اسمع بس والله قلقانه
انس قفل الفيلم ومركز معاها
انس: عارف انا انك مش هتعدى ليلتك يابنت الوارمه
طيب هتكشفى على ايه
وجدان: عالنونو! اشوفه راح فين
انس: فمشوار وزمانه راجع مش هيغيب
وجدان : ههههههه يا انس بتكلم جد، عايزة اجيب نونو وافرح بابا
وستى وخالتو لبنى
انس: يا مخلولة يالى هربانه منك انتى ...طيب هتكشفى عالنونو
مش المفروض نقوم بانتاجه الاول
وجدان ( بتتكلم بطفولية) كل ده ومقومناش بالانتاج !
انس: لا ...تعالى اوريكى المصنع شغال ازاى جايز عيب
فالكتالوج
وجدان ( بتضحك) طب والله انت قليل الادب
انس( بيحضنها وبيطفى نور الاباجورة) وسافل ومش متربي
كمان
استعنا بالله عالشقا ...
·，`·，`·，`·，`·，`·，`·，`·，`·，`·，`·
"بخ!"
نشوى ( اتخضت ) يالاهوى عالخضايض ...كل مرة كده
عثمان : دورت عليكى تحت ملاقتكيش قولت اكيد هنا بتأكل الارانب
بتوعها
خلصتى
نشوى : اه ..
عثمان : طب تعالى بسرعة بسرعة عشان فيه مفجأة حلوة خالص
نشوى : لالالا التنطيط والجرى ده مش هينفع
عثمان: تعالى بس
نشوى : اهدى كده وبالراحه عشان انت عندك مفجأة
وانا كمان عندى مفجأة مهمة خالص
عثمان : احلى من مفجأتى ؟ مظنش
نشوى : تراهيننى ؟؟
عثمان : مممم شوقتينى اعرفها
نشوى : لا قول انت الاول
عثمان : طيب تعالى بصى من سور السطوح
بصت لاقت العربية الى وراها صورتها هيشتيرها راكنه تحت
نشوى : اشترتها الله
عثمان : وكتبت العقد انهاردة ، يلا تعالى انزلى غيرى هدومك
وافسحك اول واحدة فيها
ونعدى بالمرة ع اخواتك وعمى وطنط ونفسحهم معانا
نشوى ( بدلع ) كويس برضو اننا هنروحلهم ، عشان يعرفوا مفجاتى معاك
بالمرة احسن من التليفون
عثمان : الله ..هى مش مفجاة ليا لوحدى
نشوى : لا لينا كلنا
عثمان : طب م تقولى مستنيه ايه ؟!
نشوى قربت جمب ودنه وقالتله
نشوى : عايزه ولد ولا بنت
عثمان ابتسم وبص ليها وبص لبطنها
عثمان ( بفرحه) انتى حامل ؟ بجد !
نشوى هزت راسها اه
عثمان رايح يشيلها من فرحته
نشوى : لالالا من هنا ورايح كله بشويش عشان البيبي
عثمان ( مسك ايدها ودماغها وباسهم) ياعمرى الف الف مبروك
نازلين ودخلوا شقتهم
عثمان : طب ايه كده مش هينفع نركب العربية نتفسح ولا ايه
نشوى: لا نركب ونتفسح وكل حاجه ...بس بشويييش
بصلها بابتسامه ومش سيعاه الفرحه ، اما هى دخلت وبصت فالمراية
لبطنها الى لسه مظهرش عليها حمل وبصت للسما وقالت
نشوى: احمدك يارب من هنا للسما ...
#نوتيلا
#نورإسماعيل
·，`·，`·，`·，`·，`·，`·，`·，`·，`·，`·
وفليلة من الليالى الى بتعدى ع مراد ومريم فبيتهم مع مروان ..
مراد كان بيتكلم فالفون بقاله اكتر من ساعة وواضح انه موضوع
مش حابب ان مريم تعرفه لانه قافل البلكونه عليه ..
كانت مريم بتتصفح حجات ع اكونتاتها عالسوشيال عموما
فجأة ظهرت مسج من سليم باعتلها
سليم: صاحية ؟
مريم: ايوة
سليم : بتعملى ايه
مريم : ولا حاجه ، قاعدة وزهقانه
سليم: وفين مراد
مريم: جوة بيتكلم فالفون ، وانت بتعمل ايه
سليم: بسمع ام كلثوم
مريم بعتت ايموچى مبتسم وكتبت وراه
مريم: بتسمع لها ايه
سليم: مخطرتش ع بالك يوم يا مسهرنى
مريم ابتسمت وبعتت له
مريم: ايه المزاج ده كله
سليم : ولا مزاج ولا حاجه ، اهى حاجه بتهون عالواحد الى شايفه
ليل ونهار
مريم : ربنا يكون فعونك يارب
سليم : وحشتينى يا مريم
مريم سكتت ومش بتكتب
سليم: هو مينفعش نصحى فيوم من النوم ويطلع كل الى احنا فيه
ده حلم
وانك لسه هنا وفالبيت
وجمبي
مريم: ياريت ...بس مش كل حاجه بنتمناها بتبقى حقيقه
ياسليم
سليم: عندك حق
مريم : ( حبت تغير الموضوع) طب وانت قاعد كده وبتسمع
يامسهرنى
بتسرح ف ايه
سليم: ياااااااه ...بسرح فبيت انا بحبه
بحبه بكل جزء فيه بكل حيطانه وموبليته واثاثاته
مليان دفا وامان وعيال
ادخل كده الاقيكى مستنيانى
وولاد وبنات بيجروا عليا كلهم وفصوت واحد
بابا..بابا...بابا
جبتلنا حاجه حلوة معاك
اطلع لهم حجاتهم ويتخانقوا سوا عليها ، تخرجى انتى من المطبخ
وكانى شايفك فكل مرة احلى من المرة الى قبلها
بلهفه تسلمى عليا وتحضنينى
وتضحكى معاياع نقار العيال
واخدك ع جنب واطلعلك الحجات الى بتحبيها عشان محدش منهم
يشوفها
وتفرحى بيهم فرحة تكونى فيها اصغر منهم وتنطى فحضنى زى م معودك
واضمك لقلبي عشان اتدفى بحنانك الى مش بيكفينى
مريم بتقرا الكلام وحسته فقلبها اوى وتخيلته معاه
ميلت باست الحروف بشوق .
افتكرت الى هى فيه وقالت انها تنهى الحوار عشان قلبه
هو ميتعبش اكتر من كده
مريم : طيب يا سولى هقفل لانى دايخه اوى معرفش مالى من الصبح
سليم : سلامتك يانورعينى مالك !
اللهفه كانت ناطقه من وسط حروفه ، رغم ان مريم مفهاش حاجه
بس حستها
مريم : مفيش يمكن مش نايمة كويس
سليم: طيب ياكلموش ، ارتاحى
واشربي عصير ولا كلى حاجه مسكرة ممكن ضغط واطى
وارتاحى ع اد م تقدرى
ربنا يطمنى عليكى يارب دايما
قفلت مريم وهى ضامه الفون لصدرها بحب فظيع ، قامت تشوف
مراد
مريم: خلصت فونك
مراد: اه بس هبلغ حد معايا فالشغل ب اى ميل مهم وجاى
مريم حبت تمثل ع مراد انها دايخه وتشوف رد فعله
مريم ( مسكت دماغها) اه !! حاسة انى دايخه اوى
مراد مخدش باله
مريم : مراد ...يا مراد بقولك دايخه
مراد ( انتبه لها) دايخه ! لا اوعى تكونى حامل وتعمليها
الواد لسه صغير
مريم ابتسمت باستهزاء
مريم: لا مش حامل متقلقش
مشيت من قدامه وفدماغها كلام سليم ، وقدام عنيها واقع مش حباه
والحيرة اكبر مشكلة فحياتها ..
·，`·，`·，`·，`·，`·，`·，`·，`·，`·，`·
فى تجمع لاول مرة من فترة بيجمع وجدان ويارا ونشوى
ولمى وآسيا عند تبارك ..
والحدث : تبارك مسافرة لجوزها وقاعدين وياها لحد م تحضر
نفسها وتطلع عالمطار من شقتها !
وجدان ( دبت ع صدرها) اياد !!
اياد ازاى
اياد ازاى يا جدعان !! طب وحياة ستى سمارى ولا ان شاء الله
اعدمها
الواد ده مكتوب فبطاقته
اسمه والعنوان والنوع عفريت علبه
نشوى بتضحك
يارا : انا اتفاجئت زيك وقولت لنفسى راجع ليه ده
اسيا: لا وراجع يحاسبنى ويستجوبنى وانا مش عارفه
اعمل ايه واثبتله ازاى ان مفيش فايدى حاجه
يارا: طبعا مفيش فايدك حاجه ، انتى ست متجوزة وبتحترمى جوزك
وخلاص قدركم كده بقى
حد قاله يسافر ويسيبك
نشوى : ويعنى هو يا يارا كان سافر عشان مين
وجدان : دقيقه بس ياخالتى ام بقلولة انتى وياست يالى لسه هتبقللى
اياد بح يا جدعان
سافر عشانها
سافر عشانى
سافر عند القمر
الموضوع منتهى ، دى واحدة ع ذمة واحد وانت جيت وعرفت
خلاص نفضها سيرة بقى
لمى : المشكلة انها قلقانه من يومها
اسيا: قلقانه ومش عارفه ارتب اى حاجه فحياتى ومتلخبطة
ومخنوقه علاخر
وجدان : ليه بس ؟
تبارك جت لابسة ومستعدة وقاعدة معاهم
تبارك: بصراحه يا اسيا ،احنا كلنا اخواتك
انتى لسه بتحبيه ؟
بيبصولها وهى ساكته ، رفعت عيونها لتبارك
اسيا: النفضة الى مسكتنى لما سمعت صوته كأن لمسنى فرع
كهربا
تأكدلى انى ....لسه بحبه
وجدان ( لطمت) احيه !!! وايووووه
يارا: يووووه عالمصايب هو احنا ناقصين ياربي
نشوى: لا يا اسيا ، بصى حبك مش هيعمل حاجه لما بيتك يتخرب
كده كده اياد اخد منك موقف وخلاص
ربنا معاه بقى ويسهلله ببنت الحلال
لكن انتى بصى ع الى هيحصلك من ورا التفكير ده
وجدان: طبعا ، سليم لو شم خبر هيطربق دنيتهم
لمى : اووووف بقى ، طب وهى يا بنات
يعنى ايه طيب
يارا: هى زى م شافت اياد تنسى اصلا اليوم ده كأنه محصلش
وتكمل حياتها عادى
وجدان: اه تكمل حياتهاعادى ، والمرة الجاية يطلعلها من حنفية المطبخ
انا والله م اعرفها الحكاوى دى
يعنى ربنا رزقنا بشوية مصايب انما ايه
لوز اللوز
واحد وبسم الله ماشاء الله ميتخيرش عن البومة السودة المنحولة
فالشؤم والتباته والغتاته الاستاذ زفت مراد
والتانى لو شغال فسيرك فنمرة خفة اليد مش هيعمل فينا
العمايل دى
بيظهر ويختفى ع حسب الجو زى الحرباية
تبارك : طب يلا بينا ونكمل كلامنا فالمطار ، سفيان بيرن تحت
نزلوا كلهم مع سفيان وحملوا شنط تبارك وطلعوا عالمطار ،قعدوا
وكملوا نفس الحكايات ع اياد واسيا
الطيارة وصلت ولازم تقوم تبارك
ودعوها كلهم بحرارة ...دموعهم سبقت الكلام
والاحضان حرارتها وصلت للمكان كله.
مشيت تبارك وهما لسه خارجين من بوابة المطار
دماغ يارا لفت ...وفجاة هوب !!
وقعت اغمى عليها ..
اتلهوا فيها الاربع بنات وسفيان ، جابوا تاكس و عالمستشفى
اتصلت اسيا بياسين وحصلهم هناك .
تم الكشف الدقيق عليها بعد م عرفوا حالتها بالكامل
حامل فالشهر الخامس
كانت مريضة كانسر واتعالجت بعد معاناة سنين
وبعد الكشف ، طلع الدكتور ل ياسين والبنات وهما ع اعصابهم
ياسين :( بلهفه خوف) خير يا دكتور ، طمنى مالها ؟!
الدكتورسكت رفع عينه له وقاله ...
·，`·，`·，`·，`·，`·，`·，`·，`·，`·，`·
استنونا الاربعاء ان شاء الله
#نوتيلا
#نورإسماعيل
( تابعوا وكونو بالقرب الفصول الاخيرة )
ليست هناك تعليقات:
إرسال تعليق