روايةツ
نوتيلآ ❥❥
الفصل (45
， `·，`·，`·，`·，`·，`·，`·，`·，`·，`·，`·
بعد فرح انس بكام يوم ..
نزل مراد من روما ، بارك لانس فالفون لانه سافر ع طول للهونى مون بتاعه
هو ووجدان
وقعد يومين كمان مع اهله مامته وباباه ...
وعزم ع انه ياخد مريم وماشى .، لكن بعد الى سمعه سليم من مريم
والى اتفقوا عليه وصارحوا بيه بعض
تفتكر هيمشوا بسهولة ؟!
مراد : يعنى ايه مش هتيجى معايا مريم ؟
سليم: وتيجى معاك ليه ؟ عشان تسيبها بالايام لوحدها هى وابنها متسألش عنهم
ولاتعرف عنهم حاجه؟
ولاعشان تضمن خدمتك كلها ع اتم وجه وتدور انت برة ع مزاجك!
ولاعشان يبان شكلك قدام اهلك ان بيتك ماشى تمام ومفيش اى حاجه
عشان الست مراتك بتاخد منك ع دماغها وساكته وانت بتعمل كل الى نفسك فيه
حتى الخيانه !!
مراد مستغرب ان مريم حكت كل الى بيحصل وبيبص باستغراب ليها وليهم ..
ام سليم: اسمع يابنى ، بنتنا مش من الشارع عشان تسافر وراك اخر الدنيا
تبهدلها وتمرمطها
مراد: انا مبهدلتهاش ياطنط ، وان كان فى بعض مشاكل بينى وبينها
فكل المتجوزين كده يعنى عادى
بس انا بحب مريم وبحب ابنى ومقدرش استغنى عنهم
سليم: ولما بتحبها بتخونها ليه ؟
مراد: هى فهمت غلط ومستنتش تسمعنى ، ده كان مجرد لون لان كنا بنعمل دهانات
جديده فالمحل
سليم بص لمريم الى ساكته وباصه فالارض، مروان ع كتف مراد شايله وهو قاعد
سليم: هى مش مرتاحه يا مراد ، وانا شايف ان لازم حل
والا زى م دخلتوا بالمعرف تخرجوا بالمعروف
مراد بص لمريم : انتى بجد مش مرتاحه معايا ؟
مريم: انت بقالك فترة لاتطاق معايا يا مراد وتاعبنى اوى وبتهملنى كتير انا ومروان
مراد( بهدوء) طيب شغل ياحبيبتى غصب عنى
مريم : معلش يا مراد انا مش عايزة ارجع معاك
مراد بصلهم كلهم وطلب يكلمها ع انفراد ، قاموا سليم ومامته وسابوهم لوحدهم
بكل توسل كان مراد بيكلمها ورجع لاسلوبه الحلو معاها زى زمان اول جوازهم..:
مراد : انتى مش عايزة ترجعى معايا ؟ انتى خلاص كرهتينى
مريم( بصاله بحزن) انت بقيت تعاملنى وحش وعلى طول شايفنى وحشه
وسايبنى لوحدى وكمان بتخونى
مراد: برضو مصممه انى بخونك ! بقولك فهمتى غلط
طب وحياة مروان فهمتى غلط
مريم: طيب ومدة ايدك عليا ؟ انا مقولتش ليهم ع فكرة لا الا كانوا بجد طلقونى منك
مراد: انا اسف وحقك عليا بكون فعلا مش فوعيي بس انتى دايما تستفزينى
مريم سكتت
مراد: انتى عايزة تسيبنى ؟ وتخلى مروان يتربي بعيد عنى
زى م انتى اتربيتى واتحرمتى من باباكى وهو عايش يامريم؟
ترضيها دى
مريم فكرت ف ابنها وعرف مراد بأثر عليها بنقطه ضعفها
مراد: اوعدك هكون احسن من الاول ، واى حاجه بتضايقك هبطلها
بس سماح المرة دى عشان خاطر مروان
مريم سكتت وبتفكر ، لكن متعرفش ان سليم لاول مرة يكون واقف يشوفهم
من ورا الحيط بنص عين
وقلبه وجعه اوى لما مريم لانت ومراد خدها فحضنه وباسها !
دخل جوه ونده عليهم مراد
مراد: سليم انا بجد كان عليا شوية ضغط الفترة الى فاتت بس خلاص انا وعدتها
انى مش هعمل اى حاجه تضايقها تانى
سليم ( ماسك نفسه بالعافيه وباصص لمريم) ربنا يهدى النفوس
مراد: طيب ، انا هروح اسلم ع ماما وبابا واخواتى وراجع ، تكون هى حضرت نفسها
هى ومروان
عن اذنكم
نزل من البيت، ودخل سليم الاوضة ومريم بترتب شنطتها هى ومروان ..
بكل حزن وخطوات هادية وهى واقفه مدياله ضهرها ..
سليم ( بحزن وعيون دامعه) هتمشى؟!
وافقتى ترجعيله؟
مريم ( بتمسح دمعه من عيونها وهى بترتب برضو ومش بصاله) عشان ابنى
سليم بعنف مسكها من دراعها ولفها له
سليم: ابنك هيتربي معايا احسن من ابوه الى سايبه ومش سائل فيه !
مريم ( هتعيط) سليم انا مش عايزة اشوف مروان بيعيش نفس الى انا عيشته
سليم: انتى اتربيتى معانا احسن من لو كنتى مع باباكى يا مريم
هو بيضغط عليكى عشان ترجعى معاه
احنا فيها
لما يرجع قوليله انا خدت قرار بالطلاق خلاص
مريم : يا سليم ...ياسليم انا مش هقدر
سليم( بيهزها من دراعها بعصبيه) مش هتقدرى عشان سلبيه ! ضعيفه
خدى قرار مرة وبطلى تخافى
مريم: انت عارف انت عايز تتجوزنى ع مين ؟ ع اختى
واسيا كمان
علاقتى بيها هتبقى ازاى بعد الى هيحصل
سليم: اسيا انا هطلقها لان علاقتنا بايظة لوحدها بيكى او من غيرك
انا بحبك ...فاهمة يعنى ازاى بحبك
مريم بصاله ودموعها بتنزل
سليم: مش عارفه بحبك يعنى ايه ؟ مش شايفه حالتى ايه
بحبك من زمااان اوى
من قبل وجود اسيا ومراد فحياتنا ومكناش انا وانتى عارفين
انتى عارفه دلوقتى عايزة ايه ؟
ترجعى لحياتك من تانى لجوزك وبيتك وابنك
وكأن مفيش حد قلبه وروحه فيكى
وكأنى لما قولتلك انى بحبك كان حلم من احلامك بيا وعادى صحيتى من النوم
مريم: غصب عنى مش قادرة ياسليم
سليم( بيبص لعيونها اوى ) مريم انتى بتحبينى ؟!
بتحبينى ك سليم
ك واحد عايز يبقى شريك حياتك وجوزك وابو ولادك
مش ابوكى ولا اخوكى ولا صاحبك ؟
مريم : ايوة بحبك !
انا عرفت انى بحبك وبموت فيك من قبل م انت تعرف
من يوم فرحك ع اختى
من اول م شوفتك عريس
قلبي اتحرك ومعرفتش ليه كنت بعيط وقتها
قولت يمكن عشان هتفارقنى مثلا
بس رديت وقولت انك مش هتفارقنى مهما حصل فحياتك
طيب يمكن عشان مش هبقى اول اهتماماتك زى م عودتنى !
وبرضو محستش ده ابدا
اتاكدت من وقتها وفكل يوم لحد انهاردة ...انى بحبك
مسك ايدها اوى وكأنه هيكسرهم من ضغطته عليهم وهو مميل بيدمع
من غير صوت
سليم: طيب مش عايزة تبقى ليا ليه؟
مريم: انا تايهه ياسليم ! تايهه وخايفه
خايفه ع ابنى
وتايهه لانك لو كنت متجوز اى واحدة فالدنيا غير اسيا كان الوضع اختلف
سليم: يعنى ايه ؟ يعنى خلاص
عرفتى انى بحبك وانتى بتحبينى وهنكمل حياتنا معاهم وقلوبنا بتتوجع
كل يوم عشان مش مع بعض
مريم قعدت عالسرير وسكتت وهى حاطه راسها وسط كفوفها وبتعيط
سليم باصصلها وجاى يطبطب عليها مع نفسه!
وقالها
سليم: خلاص ...انا مش هضغط عليكى
الى انتى شايفاه اعمليه
ربنا يسعدك فحياتك ...وانا ليا ربنا
سابها وخرج من الاوضه وهى عياطها بقى انهيار وبصوت عالى .
， `·，`·，`·，`·，`·，`·，`·，`·，`·，`·，`·
بقرية الياسمين السياحية فالغردقة ، كان انوس وويچا بيعيشوا احلى ايام حياتهم
من الدايڤينج للحفلات
للسفارى
للشوبينج
وكله تصوير تصوير ، مسابوش لحظة فيومهم من غير م يستمتعوا
بيها
يمكن وجدان مكانتش بتمشى كتير ، من كتر تنطيطها وفرحتها
وتلت اربع الوقت انس شايلها ع ضهره وبيتمشوا .
والجلاس بوت ، كانت مبسوووطة اوى وجدان من منظر السمك
والشعب المرجانية تحت البحر وكأنها معاهم
وشكل القروش الصغيرة
وخوفها ورعبها وهى ماسكه ف انس ..
اما عن رحلات اليخوت فهى كات فقمة انبساطها وهى بتهيص مع
الاجانب من كل بلد
مع الاغانى والاكلات البحرية ، ولما تتجنن هى وانس يلبسوا ميوهاتهم
هى بالمايوه الشرعى وهو عادى
وينطوا فالبحر والمركب ماشية ويتنافسوا مين بيغطس تحت المية
اطول.
حفلات شواء ورقص فالجبل فمنطقه الهضبه بعد منطقه السقاله،
ويوم هنا ويوم سفارى عالبيتش باجى
وركوب خيل وجمال ..
كان وقتهم كله برة ،، ساعات النوم كانت محدودة عشان يستمتعوا
بكل دقيقه هما فيها سوا
لكن وسط كل الانبساط ده ، وجدان كان قاطع فيها فراق باباها
لاول مرة !!
وجدان : بوب !! وحشتنى وحشتنى وحشتنى
الاب: اه يابكاشه ،معقولة تكونى مع عريسك واجى ع بالك
حتى ولا اوحشك ؟
وجدان: طب وحياة انوس عندى وحشتنى اوى ومش عارفه
ازاى انا مشيت وسيبتك
بقولك ايه يارؤوف انا جايلك
افتحلى الباب ..بلا شهر عسل بلا كلام فارغ ياراجل !
الاب: هههههههههههههه بطلى عبط يا بت
ربنا يسعدك ياحبيبتى ويمن عليكم الرحمن بالذرية
الصالحه وافرح بيهم يارب قبل م اموت
وجدان( حست بعياط) بس يا رؤوف بطل الكلام ده ، طب وربنا اعيط
ان شاء الله هتعيش وتشوفهم وتشيلهم ع ايدك
وتذاكرلهم زى م كنت بتعملى ليه
وتجوزهم ان شاء الله
الاب: ولما انا اعمل كل ده انتى هتعملى ايه ؟
وجدان: لا انا هتفرغ لانوس حبيبي ، عشان اجيبلك انتاج جديد
الاب( بيضحك اوى) اه ياقليله الادب انتى
سمارى: البت وجدان دى ؟ اديهالى
الاب: خدى جدتك عايزة تكلمك
سمارى: بت يا وجدان ، ازيك يا مسدوحه
والله وحشتينى ووحشنى نقارك
وجدان: ستى حبيبتى ازيك ياسمسمة طب والله
ليكى وحشة اكتر من قرص العجوة
سمارى: كده يابت تمشى وتسيبينا لوحدنا ، وبعدين
تعالى هنا
مشيتى يوم فرحك وسيبتى مواعين اد كده فالمطبخ
واتدبس ابوكى فيهم
وجدان( عوجت بوقها) مواعين!!
انس طالع من الحمام وحضن وجدان ع طول وبيبوس فيها
وجدان( بتضحك بدلع) طب ستى هكلمك تانى
سمارى: استنى يابت رايحه فين ؟ يعنى كلمتى ابوكى ساعة
وانا يدوب دقيقتين
اومال فين الصايع بتاعك
انس بيبوس فيها برضو حاضنها وهى مش عارفه تتكلم ، انس سمع
سمارى واخد الفون من ع ودن وجدان
انس: الصايع بتاعها مبقاش صايع خلاص
لقى الى تلمه
اتهدى بقى ياتيته وتصبحى ع خير الكتاكيت نامت
قفل فوشها السكه
وجدان: ايه ده ! قفلت فوشها
انس: تولع ....تعالى انتى عايزك فموضوع بلا سمارى
بلا سفارى
شالها ع كتفه زى شنطه السفر وهى خلصانه من الضحك .
#نوتيلا
#نورإسماعيل
， `·，`·，`·，`·，`·，`·，`·，`·，`·，`·，`·
فعيد ميلاد لياسين ...
قررت يارا تعمله فكافيه برة ك تغيير ، عزمت نشوى وجوزها
واسيا وسليم
ولمى وسفيان
وتبارك وعمرو ...طبعا واخواتها واخوات باسين ووالدتها ووالدته ووالدها
ووالده .
سليم اعتذر لان فعلا عنده شغل بسبب انه ماسك قضية مهمة وحساسه اليومين
دول
اما عن سفيان فهو مشغول فتوضيب المكتبه ومش فاضى فجت لمى مع اسيا
لوحدهم .
اتعشوا كلهم سوا ع تربيزة طويلة ، كانوا مفتقدين وجدان وخفت دمها كالعادة
ومريم طبعا
بس كعادتهم عشان ميحسوش ان حد فيهم مش معاهم يتصورا فيديو
انهم فاكرينهم وعايزينهم معاهم .
بعد العشا بشوية ،جت التورتة
عليها صورة ياسين ، اليوم كله كان من تخطيط يارا
وياسين عرف قبل النزول للاحتفال بساعة
الفرحه مكانتش سيعاه ، وكان باين عليهم ان قصتهم ناجحه ومفيش
اى حاجه تشوبها
من ضحكتهم سوا وفهمهم لبعض وكل حد فيهم بيسعد التانى ع اد م يقدر.
حتى نشوى وعثمان كانوا منسجمين سوا فالكلام معاهم ، او ع انفراد لبعض
باين ع نشوى التغير الجذرى وتحسن حالتها ٣٦٠درجه
تبارك وعمرو ... اكتر كابل هادى وفنفسه اوى ، كلامهم مش كتير
لكن الهارمونى بينهم عالية اوى
تبارك رجعتلها ضحكتها بعد رجوع سفيان وعمرو ليها من تانى ، وعمرو
بتبقى احلى اوقاته الى بيقضيها جمب تبارك وخصوصا لو كانت مبسوطة .
وفالتجمعات ...بتحلى الدردشة والسمر !
آسيا: يعنى هتسافرى انتى كمان
تبارك: اه عمرو هيسبقى ويحضرلى ورقى واحصله
يارا: هتعيشوا هناك خلاص
تبارك: اه ...عمرو شايف ان وجودى جمبه هناك هو محتاجله اوى
وانا كمان
لمى: يابنات كلكم بتسافروا ليه ورا بعض كده ( كلضمت زى الاطفال)
نشوى: لا مش كلنا انا ويارا معاكى اهو
عثمان: لكن ياعمرو اعتقدر السفر. والعيشه برة وتحكمات الكفيل والشغل
صعبه مش كده
عمرو: هى صعبه اه بس الحمدلله الواحد حاطط ربنا قدام
عنيه طول الوقت
وبيسهلها معاه
ياسين: معروف ان الغربة حاجه بشعه طبعا ، زائد انك لوحدك
عمرو: هى ابشع حاجه ممكن تتخيلها انك عايش مع ناس بيعتبروا انك آله
لاهمم انك انسان
عادى زيهم
طيب تعبان طيب عندك ظرف
لا المهم الشغل والمصارى الى بيدفعوهالك
عثمان: المصارى ههههه بقيت واخد لكنتهم
عمرو:( بيضحك) مين عاشر القوم
لمى وهما بيتكلموا كلهم ويضحكوا لمحت حد من بعيد ، ست
قاعدة ع تربيزة عليها اتنين ستات تانيين ..
قامت لمى تتحقق لاقتها نسمه مرات احمد !
اسيا: رايحه فين
لمى: ثوانى يا اسيا
لمى راحت عند تربيزة نسمه وكلمتها رغم ان نسمة مش واخدة بالها
عشان بتتكلم مع الى جنبها
لمى : هو انا ينفع اعتذرلك كذا مرة وكل مرة ممكن القدر يخلينى اشوفك
فيها
قامت نسمه ل لمى ، نسمة اتغيرت فطريقة لبسها
وشكلها تماما
بقت مهتمه وامورة جدا
نسمة: لمى !
لمى: لو فى حاجه اكبر من الاعتذار كنت عملتها ، انا عارفه ان المسج
مش كافيه
ومش حاجه اصلا
بس انا كنت متأكدة انك مش هتحبي تشوفينى
ولاتسمعى صوتى
بس انتى ليكى فرقبتى اعتذار ولازم يتقالك
نسمة ( بعيون راضيه) بالعكس انا الى عايزة اشكرك !
لمى استغربت وفتحت بوئها كالعادة
نسمة: ايوة انتى مستغربة ، انتى رجعتيلى جوزى احمد
انتى وعتينى ع حجات مكنتش اعرفها
عارفه لما عرفت بالى عملتوه فيا انتوا الاتنين
انا اول حد لومته هو نفسى ، ايه الى ممكن اكون قصرت فيه عشان
احمد يتجوز عليا !
وكان عندك حق
كان لازم اهتم بيه ومحسسوش اننا خلاص كبرنا والعمر راح
لا مراحش
لازم نتدلع سوا ولازم نفرح سوا
مفيش فرحه بتعرف سن
ولا اولاد ولا اى حاجه تنسينى انى اكون ست فعيون جوزى
احمد بقى حد تانى عن الاول ، مبقاش شايف غيرى
بقى يحكى ويتكلم معايا
وبقينا نسافر ونخرج ونتفسح سوا
مبقتش انساه لا فعيد ميلاد ولا عيد جواز ولا اى مناسبه
بصيت لنفسي وقولت انى مكبرتش عشان ابقى بمريلة المطبخ
وجلاليب بيتى وايشارب طول الليل والنهار
غيرت نفسي من جوه قبل برة
والفضل يرجع لربنا الى خلاكى تيجى حياتنا عشان تفوقينا كلنا
لمى : وسامحتيه بعد كل الى حصل؟
نسمة : ده ابو ولادى ، عمر بحاله راح وياه
اول واحد قلبي يعرف الحب معاه
انا محتاجله احتياج اكبر من انى مسمحوش ع اول
غلطة يرتكبها فحقى
لمى : ازاى جبتى القوة دى كلها ؟
نسمة: علشان بحبه وبحب بيتى وولادى
ومش عايزة اى حاجه تحصل تفرق البيت ده عن بعضه
واتغيرت وغيرت نفسي
لان الغلط كان منى من البداية قبل م يكون غلطه
لمى ( ابتسمت) انا بجد معرفتكيش، انتى اتغيرتى اوى
ومش عارفه اقولك ايه ع كلامك ده
يعنى بجد انتوا كويسين وبيتكم زى م هو ؟
نسمة( مبتسمه) الحمدلله
لمى : انتى فرحتينى اوى ...اوى بجد
دلوقتى بس هنام مرتاحه
كان نفسي اتطمن عليكوا انتى والولاد باى شكل
نسمة : ربنا يهدى سرك انتى كمان
لمى: انا الحمدلله ، ربنا ادانى فرصة تانية ابدء فيها من جديد
مع حد نضيف اوى
عشان اعيش زى كل بنت عيشة يرضى عنها ربنا وترضى اهلى
نسمة: ربنا يسعدك ان شاء الله ، زى م رجعتى من غير م تقصدى
السعادة تانى تدخل بيتنا
لمى ( فتحت دراعاتها) طيب ممكن حضن بقى
حضنوا بعض بمسامحه هايله ، وزى م بيتقال
رب ضارة نافعه
ل نسمه وجوزها وولادها ....وكمان ل لمى
عشان تتعلم درس متنساهوش
وتقدر قيمة حد حبها بجد من قلبه ..!
， `·，`·，`·，`·，`·，`·，`·，`·，`·，`·，`·
"اخبار النونو ايه ؟"
يارا: اسكتى يابت يا مريم الحمل ده طلع حاجه فظيعه
مريم: طبعا ، حاجه سوكر بعيد عنك
فحمل مروان مكنتش بطيق نفسي ولا الناس ولا اى حد
حتى مراد ههههههه
يارا: الله يكون فعون ياسين بصراحه وانا ليل نهار ارش برفيوم
فالمكان واسبراى وحاسه ان المكان ريحته وحشه
وهو يقولى شككتينى فنفسي
مريم: يابنتى انا كنت بكره كل حاجه الاكل والشرب والاستحمام
والبرفيوم والناس والحياه
يارا: ( بتضحك) اه صحيح اخبارك مع مراد ايه ، حاسة انه بقى احسن معاكى
مريم ( سرحت) عارفه انى مستغربة تغييره ده ، ولاول مرة اكون مش حباه
يارا: ليه ؟ انتى طول الوقت كنتى بتشتكى معاملته الوحشة معاكى
يمكن لما طنط وسليم شدوا عليه اتعدل
مريم تمتمت مع نفسها بهدوء وقالت : سليم!
يارا: وعلى ذكر سليم واسيا ، مش ملاحظة اسيا بقت بعيدة كده عننا
مريم: والله انتوا الى معاها اكتر منى انتوا ادرى
يارا: معرفش حاسة ان فيها حاجه ومش عايز تقول
بتبان جامدة
م انتى عارفاها
مريم ( بحزن) اه ...دى اختى حفظاها
يارا: طيب سليم مش بيقول حاجه لطنط طيب ؟
مريم: اخر واحد فالدنيا يحكى او يشتكى هو سليم ( عيونها دمعت) ربنا
يكون فعونه يارب
يارا: عارفه انا وياسين كنا لسه بنحكى ان ممكن زعل اسيا الى بيبان عليها ده
وسكوت سليم بسبب الخلفه
عشان لحد دلوقت مخلفوش!
يكون فى مشكله عند حد منهم
مريم باندفاع ومخدتش بالها
مريم: مين قال انهم مخلفوش او عند حد منهم مشكله ، ماهو ....
يارا: ماهو ايه؟
مريم(اخدت بالها) ماهو كل شئ بايد ربنا يعنى ، وبعدين هما لسه تامين سنة
جواز عادى مش مشكله
يارا: ربنا يعدلها ليهم من عنده
مراد بيرن لمريم ع فونها
مريم: طيب يا يورا هستاذنك نازلة انا ومارو ومراد نحتفل بعيد ميلاد مارو
يارا: ياخلاثى كل سنه وهو طيب
قوليله انت محجوز يا واد لبننوتى
مريم: هاتيها بس شقرا زيك واحنا موافقين
يارا: هههههه ماشى ، مش هعطلك بقى
سهرة سعيدة
مريم: ميرسى يا حبي ، سلمى ع ياسين
باى باى
قفلت مريم واخدت مروان ونزلت تحتفل بعيد ميلاد مروان الى كانت هتموت
وييجى وهما فمصر عشان تحتفل بيه وسطهم
ورغم ان مراد فعلا بدأ يغير من افعاله معاها ، الا انها فكل لحظة
سعيدة او لا
كانت مفتقدة سليم .
#نوتيلا
#نورإسماعيل
`·，`·，`·，`·，`·，`·，`·，`·，`·，`·，`·
فلفل الوان بيتقطع ، وبصة كده على الموجود عالنار
نشوى رجعت من شغلها ، ع طول ع تحضير العشا عشان بعدها
تاخد الدوش التمام وتستنى عثمان !
وهى شغاله فالمطبخ وبتدندن مع نفسها ....دخل عثمان سمعها
بتدندن سابها براحتها خالص وواقف بيسمعها
وهى ولا حاسة بيه ..
نشوى : اخب اعيشلك عمرى كله من البداية ، من يوم م شافك قلبي
تايه مش معايا
حاوطها من وسطها بايده وهى مدياله ضهرها ، واتخضت!
نشوى: خضتنى يا عثمان حرام عليك
عثمان: لالالا ارجعى للهيام تانى كده ، كنتى بتقولى ايه
نشوى لفت له وحاوطت بايدها رقبته وهى ماسكه ادوات مطبخها
نشوى( بدلع) كنت بقول
احب بعدك قولى مين وانت لو مرت سنين
فالقلب ليك اجمل حنين
يا ارق حلم تشوفه عينى
عثمان: الله الله ، ايه الكلام الحلو ده
والاكل الى ريحته تفتح النفس ، لا مش هقدر ع كل ده انا
نشوى : طب يلا غير وشوف وراك ايه وانا ١٠ دقايق واحضر السفرة
للعشا
عثمان: لا تعالى بس اوريكى حاجه
نشوى: لا استنى الاكل عالنار
عثمان: وطى النار وتعالى
بيشدها من ايدها برة المطبخ ، فتح اللاب توب بتاعه وجاب صورة عربية حلوة
اوى
نشوى: الله حلوة اوى
عثمان: وانا كمان اول م شوفتها عجبتنى
نشوى : دى عربية مين
عثمان : دى عربية بتاعت واحد صاحبي ، فكر يبعها لانه هيجدد
من اول م اشتراها كانت عجبانى اوى بصراحه
ولما فكر يبعها انا جه فبالى اخدها انا منه
نشوى( بحنان) طب وانت معاك فلوسها ؟
عثمان: هو انا اتفقت معاه انا هدفعله مقدم وابقى اقسط ، بس هو عاوز مقدم كبير
وانا معنديش غير تلتين بس
نشوى سكتت
عثمان : انا هحاول استلف الباقى او اتصرف ، لان مدام عجبتك انتى كمان
مبدهاش اخدها قبل م يبعها لحد تانى
وبصراحه هو عامل ليا انا تخفيض عشان صاحبه
نشوى: انت عايزها اوى يعنى ؟
عثمان: جدا ...وبفكر اجيب الباقى منين
نشوى : طب استنى
قامت نشوى وجابت علبة الدهب بتاعتها وجت
نشوى ( بتديله العلبة) اتفضل
عثمان: ايه ده ! لا طبعا مش همد ايدى ع دهبك
نشوى: استنى بس متتحمقش كده ، اسمعنى
العربية دى مش لينا
يعنى حاجه هنستفاد بيها احنا الاتنين
طيب خلاص خد شبكتى عالدهب بتاعى من وانا صغيرة
ع الى بابا جابهولى
بيعهم
وادفع المقدم بالكامل
وهاتها
عثمان: نشوى انا قولت لا ، شيلى الدهب بتاعك
قبل م تعصبينى
نشوى: عشان خاطرى طيب ، انا هعمل ايه بكل الدهب ده
عثمان: متعمليش خليه معاكى
نشوى: يعنى يكون معايا الحل واسيبك تستلف برصو
عثمان : يوووه ( سابها ودخل)
نشوى دخلت وراه الاوضه ، هو متضايق
عثمان: حسستينى انى بقولك عشان تتصرفيلى انتى
نشوى: والله ايدا محسبتهاش كده خالص ، بس الحياة مشاركه
والعربية دظى لينا احنا الاتنين
هتروح شغلك وهتودينى انا كمان شغلى بيها
هنتفسح بيها
هنفسح ولادنا ان شاء الله
كل حاجه سوا يبقى ليه مكونش شريكة فيها
عثمان سكت وبصلها وهى بتتكلم
نشوى: انا مش فاهمة انت عامل فيها فرق ليه ؟
احنا مش واحد ياعثمان
معقول هنبص لكلام فارغ
عثمان: طب لو هاخدهم هيبقى بشرط
نشوى: ايه
عثمان: اولا هنبيع ع اد الى باقى للمقدم بس مش كلهم
وثانيا هكتبها باسمك( حط ايده ع بوقها) ومتتكلميش ولا كلمه
نشوى مسكت ايده الى ع بوقها وباستهم ،ومسكتها وابتسمت
عثمان: ربنا يخليكى ليا يا نشوى
نشوى: عثمان انت مش عارف انت عملتلى ايه ، انت قدمتلى حاجات كتير
وفرحتنى ومليت حياتى
انا مهما عملت مش هعرف اردلك حاجه قصاد الى قدمتهولى
عثمان: فين ده وهو انا عملت حاجه ليكى ، نفسي والله على اد م اقدر افرحك
نشوى: انا فرحتى هى انت
حضنها وميل عليها يبوسها وخلاص استسلمت افتكرت الاكل !
نشوى: الاكل اتحرق !
جريت من قدامه بسرعه
عثمان: ( بغيظ) الاكل اتحرق ! انا الى بتحرق
نشوى يانشوى
مش هسيبك لو المطبخ كله اتحرق والله م اسيبك ..
`·，`·，`·，`·，`·，`·，`·，`·，`·，`·，`·
على اغانى ام كلثوم ...
وبالذات اغنية ودارت الايام ، لانه عاشق لاحساس الست
ام كلثوم
وجه مقطع
قابلني والأشواق في عنيه
سلم وخد ايدي في ايديه
وهمس لي قاللي الحق عليه
نسيت ساعتها بعدنا ليه
فين دموع عيني اللي ما نامت ليالي
بابتسامه من عيونوا نسّاهالي
وكأن فى رعشة ملكت قلب سليم بتفكره بكل دقه بتدق لمريم
بافتقاد شديد ليها
قام وجاب كل الصور ...
صور ورقية فوتوغرافيه وصور عالفون
وهى فاللفة ...وهى بتحبي
وهى فالمشايه
اول عيد ميلاد ليها
وهى فالمصيف بالمايوه وصغننه وكتكوته فيه
اول يوم مدرسة بالمريله
صورها معاه ومع انس ومع صحباتها البنات
اعياد ميلاد او اعياد فطر واضحى
شم نسيم فسحه خروجه ...او رحلة
صورها فثانوية عامه وهى آنسه وبطلت الضفاير ، وهى اول مرة تتحجب
صوره بتضحك
صورة ملخبط لها وشها بالايس كريم هو وانس
صوره بياكلوا سا مكرونة اسباجتى وبيضحكوا ع مناظرهم
وبعد كده صورهم عالفون فالخروجات والفسح ، والرحلات
وعالبحر
وفخطوبته الاولى ،وففرحها هى
وفرحه هو
وفرح انس ...
غرقان مع كل صورة ، مع كل ضحكه
مع لمعه عيونها وهى باصه للكاميرا او باصه بعيد ..
قلبه بيدق بلهفه لانها وحشته اوى ، وعلى اخر صورة
ففرح انس
هو شايل مروان وهى مأنكشاه بغلاسه واتخدت لهم صورة ...ميل باسها بشوف
فشاشة الموبايل.
وباب اوضته خبط ..قام واتعدل من عالسرير
وقفل الاغانى
سليم : ادخل
اسيا: ( بضيق) سليم هو انت هتفضل فالبيت كانك مش قاعد
او كانى مش معاك لحد امتى ؟
سليم: وايشمعنا السؤال ده جه ع بالك دلوقتى
اسيا: يعنى الاول قولت انك بتشخر وعايز تنام لوحدك
وانا قولت اسيبك ع راحتك
لكن مش كمان متجاهل وجودى فتحضير الاكل واللبس
والحمام
وحجاتك الشخصية والعادية
ومتجاهلنى انا شخصيا
سليم: (باصصلها وماسك نفسه) انتى ايه الى مزعلك مش فاهم
اسيا: مش فاهم ايه ؟ انت بتتعامل ع انى مش موجودة
انا سيبتك براحتك يمكن انت عايز كده
رجلى اتكسرت وقعدت شهر ونص عند بابا
وجيت ولا كانى غبت عنك
موجودة زى مش موجودة
اقدر افهم انا فحياتك ايه ؟
سليم قام من مكانه وقف قدامها عند الباب
سليم: مش لما اعرف انا الاول فحياتك ايه؟
اسيا ارتبكت واستغربت السؤال
سليم: مش فاهمه ؟ اعيد تانى
انا ايه فحياتك يا اسيا
اسيا سكتت وبصاله
سليم : انتى بجد ممكن حد يشغل بالك غير نفسك
اسيا: طبعا انا طول الوقت شاغلنى الى حواليا اكتر من نفسي
بابا وماما ولمى والبنات و
سليم( بحزن ) وانا !
وانا بشغل حيز اد ايه من تفكيرك
انتى لو بجد انا مهم عندك ...كنتى فكرتى عالاقل يبقالى طفل
( بيبص بعيون تحذيرية تخوف) وتعرفى ايه الى مأخر الحمل لحد دلوقتى
اسيا ارتبكت جدا لدرجه انها عرقت وبان عليها بس ثبتت قصاده
اسيا: كل حاجه بايد ربنا ، وبعدين لو سمحتى
هو مين الى بيتكلم
هو الطفل ده انا هجيبه لوحدى ؟
انت من امتى منعزل فالاوضة دى لوحدك
ومفيش اى كلام بينا
سألت نفسك بقالنا اد ايه ...بعاد!
بقالك انت اد ايه مجتش جنبي ؟!
مقربتش ناحيتى
عارف كام شهر يا حضرة الظابط !!
سليم باصص لها بعيونه انها السبب من غير م ينطق ولا كلمة
سليم: وعملتى ايه انتى عشان تقربي البعد ده وتهدى الحاجز
اسيا: ومين بنى الحاجز ؟
سليم: ومين السبب فيه؟
اسيا ( باستغراب) قصدك انى السبب فيه ؟؟!
سليم : اسيا ...انا معنديش اى كلام اقوله
ليكى عارفه ليه ؟
عشان ببساطة حتى غلطك مش معترفه بيه
عايز انام ..ممكن ؟!
اسيا وقفت قدام الباب لثوان ومشيت راحت اوضتها وقفل سليم وراها الباب
بهدوء كالعادة .
`·，`·，`·，`·，`·，`·，`·，`·，`·，`·，`·
وبعد ايام ..
كانت خارجه من الجامعه عادى ، خلصت محاضراتها الى بتاخدها
عشان بدأت فالماچيستير
وفطريقها للشغل فالمصحه كالعادة ، بس اتثبتت هناك ك اخصائية مش
مجرد تدريب.
اسيا كلام سليم فدماغها طول الوقت
معاملته القاسية المتغيرة ، عرفتها انه قبل كده كان حنون وكويس جدا
بس معرفتش تستغل ده ابدا
كان كل انشغالها بالى حواليها ونسيته هو
عايزة تعرف لسه باقى امل عشان ترجعه ليها زى م كان ؟
فوسط تفكير طول
اليوم بتاعها بيوشك عالنهاية ، قامت تروح وخارجه من المصحه
ماشية تفكر والافكار عامله فدماغها دوشة
وفجأة
اسيا !!!
سمعت اسمها بيتنده من صوت عمرها م هتنساه ابدا ، وقفت اتخشبت فمكانها
من غير ولا حركه
إياد: ادينى رجعتلك يا اسيا ...
رجعتلك بعد م عرفت انك خلصتى دراسة ودبلومه
وفالماچيستير كمان
اسيا دموعها نزلت من غير م تلتفت وراها ، ده حقيقي !!
إياد: واتجوزتى سليم كمان ( ضحك بسخرية) ونسيتينى _!!!
هو ده العهد
ياخسارة
`·，`·，`·，`·，`·，`·，`·，`·，`·，`·，`·
استنونا بكرة ان شاء الله
#نوتيلا
#نورإسماعيل
( تابعوا وكونو بالقرب الفصول الاخيرة )
نوتيلآ ❥❥
الفصل (45
， `·，`·，`·，`·，`·，`·，`·，`·，`·，`·，`·
بعد فرح انس بكام يوم ..
نزل مراد من روما ، بارك لانس فالفون لانه سافر ع طول للهونى مون بتاعه
هو ووجدان
وقعد يومين كمان مع اهله مامته وباباه ...
وعزم ع انه ياخد مريم وماشى .، لكن بعد الى سمعه سليم من مريم
والى اتفقوا عليه وصارحوا بيه بعض
تفتكر هيمشوا بسهولة ؟!
مراد : يعنى ايه مش هتيجى معايا مريم ؟
سليم: وتيجى معاك ليه ؟ عشان تسيبها بالايام لوحدها هى وابنها متسألش عنهم
ولاتعرف عنهم حاجه؟
ولاعشان تضمن خدمتك كلها ع اتم وجه وتدور انت برة ع مزاجك!
ولاعشان يبان شكلك قدام اهلك ان بيتك ماشى تمام ومفيش اى حاجه
عشان الست مراتك بتاخد منك ع دماغها وساكته وانت بتعمل كل الى نفسك فيه
حتى الخيانه !!
مراد مستغرب ان مريم حكت كل الى بيحصل وبيبص باستغراب ليها وليهم ..
ام سليم: اسمع يابنى ، بنتنا مش من الشارع عشان تسافر وراك اخر الدنيا
تبهدلها وتمرمطها
مراد: انا مبهدلتهاش ياطنط ، وان كان فى بعض مشاكل بينى وبينها
فكل المتجوزين كده يعنى عادى
بس انا بحب مريم وبحب ابنى ومقدرش استغنى عنهم
سليم: ولما بتحبها بتخونها ليه ؟
مراد: هى فهمت غلط ومستنتش تسمعنى ، ده كان مجرد لون لان كنا بنعمل دهانات
جديده فالمحل
سليم بص لمريم الى ساكته وباصه فالارض، مروان ع كتف مراد شايله وهو قاعد
سليم: هى مش مرتاحه يا مراد ، وانا شايف ان لازم حل
والا زى م دخلتوا بالمعرف تخرجوا بالمعروف
مراد بص لمريم : انتى بجد مش مرتاحه معايا ؟
مريم: انت بقالك فترة لاتطاق معايا يا مراد وتاعبنى اوى وبتهملنى كتير انا ومروان
مراد( بهدوء) طيب شغل ياحبيبتى غصب عنى
مريم : معلش يا مراد انا مش عايزة ارجع معاك
مراد بصلهم كلهم وطلب يكلمها ع انفراد ، قاموا سليم ومامته وسابوهم لوحدهم
بكل توسل كان مراد بيكلمها ورجع لاسلوبه الحلو معاها زى زمان اول جوازهم..:
مراد : انتى مش عايزة ترجعى معايا ؟ انتى خلاص كرهتينى
مريم( بصاله بحزن) انت بقيت تعاملنى وحش وعلى طول شايفنى وحشه
وسايبنى لوحدى وكمان بتخونى
مراد: برضو مصممه انى بخونك ! بقولك فهمتى غلط
طب وحياة مروان فهمتى غلط
مريم: طيب ومدة ايدك عليا ؟ انا مقولتش ليهم ع فكرة لا الا كانوا بجد طلقونى منك
مراد: انا اسف وحقك عليا بكون فعلا مش فوعيي بس انتى دايما تستفزينى
مريم سكتت
مراد: انتى عايزة تسيبنى ؟ وتخلى مروان يتربي بعيد عنى
زى م انتى اتربيتى واتحرمتى من باباكى وهو عايش يامريم؟
ترضيها دى
مريم فكرت ف ابنها وعرف مراد بأثر عليها بنقطه ضعفها
مراد: اوعدك هكون احسن من الاول ، واى حاجه بتضايقك هبطلها
بس سماح المرة دى عشان خاطر مروان
مريم سكتت وبتفكر ، لكن متعرفش ان سليم لاول مرة يكون واقف يشوفهم
من ورا الحيط بنص عين
وقلبه وجعه اوى لما مريم لانت ومراد خدها فحضنه وباسها !
دخل جوه ونده عليهم مراد
مراد: سليم انا بجد كان عليا شوية ضغط الفترة الى فاتت بس خلاص انا وعدتها
انى مش هعمل اى حاجه تضايقها تانى
سليم ( ماسك نفسه بالعافيه وباصص لمريم) ربنا يهدى النفوس
مراد: طيب ، انا هروح اسلم ع ماما وبابا واخواتى وراجع ، تكون هى حضرت نفسها
هى ومروان
عن اذنكم
نزل من البيت، ودخل سليم الاوضة ومريم بترتب شنطتها هى ومروان ..
بكل حزن وخطوات هادية وهى واقفه مدياله ضهرها ..
سليم ( بحزن وعيون دامعه) هتمشى؟!
وافقتى ترجعيله؟
مريم ( بتمسح دمعه من عيونها وهى بترتب برضو ومش بصاله) عشان ابنى
سليم بعنف مسكها من دراعها ولفها له
سليم: ابنك هيتربي معايا احسن من ابوه الى سايبه ومش سائل فيه !
مريم ( هتعيط) سليم انا مش عايزة اشوف مروان بيعيش نفس الى انا عيشته
سليم: انتى اتربيتى معانا احسن من لو كنتى مع باباكى يا مريم
هو بيضغط عليكى عشان ترجعى معاه
احنا فيها
لما يرجع قوليله انا خدت قرار بالطلاق خلاص
مريم : يا سليم ...ياسليم انا مش هقدر
سليم( بيهزها من دراعها بعصبيه) مش هتقدرى عشان سلبيه ! ضعيفه
خدى قرار مرة وبطلى تخافى
مريم: انت عارف انت عايز تتجوزنى ع مين ؟ ع اختى
واسيا كمان
علاقتى بيها هتبقى ازاى بعد الى هيحصل
سليم: اسيا انا هطلقها لان علاقتنا بايظة لوحدها بيكى او من غيرك
انا بحبك ...فاهمة يعنى ازاى بحبك
مريم بصاله ودموعها بتنزل
سليم: مش عارفه بحبك يعنى ايه ؟ مش شايفه حالتى ايه
بحبك من زمااان اوى
من قبل وجود اسيا ومراد فحياتنا ومكناش انا وانتى عارفين
انتى عارفه دلوقتى عايزة ايه ؟
ترجعى لحياتك من تانى لجوزك وبيتك وابنك
وكأن مفيش حد قلبه وروحه فيكى
وكأنى لما قولتلك انى بحبك كان حلم من احلامك بيا وعادى صحيتى من النوم
مريم: غصب عنى مش قادرة ياسليم
سليم( بيبص لعيونها اوى ) مريم انتى بتحبينى ؟!
بتحبينى ك سليم
ك واحد عايز يبقى شريك حياتك وجوزك وابو ولادك
مش ابوكى ولا اخوكى ولا صاحبك ؟
مريم : ايوة بحبك !
انا عرفت انى بحبك وبموت فيك من قبل م انت تعرف
من يوم فرحك ع اختى
من اول م شوفتك عريس
قلبي اتحرك ومعرفتش ليه كنت بعيط وقتها
قولت يمكن عشان هتفارقنى مثلا
بس رديت وقولت انك مش هتفارقنى مهما حصل فحياتك
طيب يمكن عشان مش هبقى اول اهتماماتك زى م عودتنى !
وبرضو محستش ده ابدا
اتاكدت من وقتها وفكل يوم لحد انهاردة ...انى بحبك
مسك ايدها اوى وكأنه هيكسرهم من ضغطته عليهم وهو مميل بيدمع
من غير صوت
سليم: طيب مش عايزة تبقى ليا ليه؟
مريم: انا تايهه ياسليم ! تايهه وخايفه
خايفه ع ابنى
وتايهه لانك لو كنت متجوز اى واحدة فالدنيا غير اسيا كان الوضع اختلف
سليم: يعنى ايه ؟ يعنى خلاص
عرفتى انى بحبك وانتى بتحبينى وهنكمل حياتنا معاهم وقلوبنا بتتوجع
كل يوم عشان مش مع بعض
مريم قعدت عالسرير وسكتت وهى حاطه راسها وسط كفوفها وبتعيط
سليم باصصلها وجاى يطبطب عليها مع نفسه!
وقالها
سليم: خلاص ...انا مش هضغط عليكى
الى انتى شايفاه اعمليه
ربنا يسعدك فحياتك ...وانا ليا ربنا
سابها وخرج من الاوضه وهى عياطها بقى انهيار وبصوت عالى .
， `·，`·，`·，`·，`·，`·，`·，`·，`·，`·，`·
بقرية الياسمين السياحية فالغردقة ، كان انوس وويچا بيعيشوا احلى ايام حياتهم
من الدايڤينج للحفلات
للسفارى
للشوبينج
وكله تصوير تصوير ، مسابوش لحظة فيومهم من غير م يستمتعوا
بيها
يمكن وجدان مكانتش بتمشى كتير ، من كتر تنطيطها وفرحتها
وتلت اربع الوقت انس شايلها ع ضهره وبيتمشوا .
والجلاس بوت ، كانت مبسوووطة اوى وجدان من منظر السمك
والشعب المرجانية تحت البحر وكأنها معاهم
وشكل القروش الصغيرة
وخوفها ورعبها وهى ماسكه ف انس ..
اما عن رحلات اليخوت فهى كات فقمة انبساطها وهى بتهيص مع
الاجانب من كل بلد
مع الاغانى والاكلات البحرية ، ولما تتجنن هى وانس يلبسوا ميوهاتهم
هى بالمايوه الشرعى وهو عادى
وينطوا فالبحر والمركب ماشية ويتنافسوا مين بيغطس تحت المية
اطول.
حفلات شواء ورقص فالجبل فمنطقه الهضبه بعد منطقه السقاله،
ويوم هنا ويوم سفارى عالبيتش باجى
وركوب خيل وجمال ..
كان وقتهم كله برة ،، ساعات النوم كانت محدودة عشان يستمتعوا
بكل دقيقه هما فيها سوا
لكن وسط كل الانبساط ده ، وجدان كان قاطع فيها فراق باباها
لاول مرة !!
وجدان : بوب !! وحشتنى وحشتنى وحشتنى
الاب: اه يابكاشه ،معقولة تكونى مع عريسك واجى ع بالك
حتى ولا اوحشك ؟
وجدان: طب وحياة انوس عندى وحشتنى اوى ومش عارفه
ازاى انا مشيت وسيبتك
بقولك ايه يارؤوف انا جايلك
افتحلى الباب ..بلا شهر عسل بلا كلام فارغ ياراجل !
الاب: هههههههههههههه بطلى عبط يا بت
ربنا يسعدك ياحبيبتى ويمن عليكم الرحمن بالذرية
الصالحه وافرح بيهم يارب قبل م اموت
وجدان( حست بعياط) بس يا رؤوف بطل الكلام ده ، طب وربنا اعيط
ان شاء الله هتعيش وتشوفهم وتشيلهم ع ايدك
وتذاكرلهم زى م كنت بتعملى ليه
وتجوزهم ان شاء الله
الاب: ولما انا اعمل كل ده انتى هتعملى ايه ؟
وجدان: لا انا هتفرغ لانوس حبيبي ، عشان اجيبلك انتاج جديد
الاب( بيضحك اوى) اه ياقليله الادب انتى
سمارى: البت وجدان دى ؟ اديهالى
الاب: خدى جدتك عايزة تكلمك
سمارى: بت يا وجدان ، ازيك يا مسدوحه
والله وحشتينى ووحشنى نقارك
وجدان: ستى حبيبتى ازيك ياسمسمة طب والله
ليكى وحشة اكتر من قرص العجوة
سمارى: كده يابت تمشى وتسيبينا لوحدنا ، وبعدين
تعالى هنا
مشيتى يوم فرحك وسيبتى مواعين اد كده فالمطبخ
واتدبس ابوكى فيهم
وجدان( عوجت بوقها) مواعين!!
انس طالع من الحمام وحضن وجدان ع طول وبيبوس فيها
وجدان( بتضحك بدلع) طب ستى هكلمك تانى
سمارى: استنى يابت رايحه فين ؟ يعنى كلمتى ابوكى ساعة
وانا يدوب دقيقتين
اومال فين الصايع بتاعك
انس بيبوس فيها برضو حاضنها وهى مش عارفه تتكلم ، انس سمع
سمارى واخد الفون من ع ودن وجدان
انس: الصايع بتاعها مبقاش صايع خلاص
لقى الى تلمه
اتهدى بقى ياتيته وتصبحى ع خير الكتاكيت نامت
قفل فوشها السكه
وجدان: ايه ده ! قفلت فوشها
انس: تولع ....تعالى انتى عايزك فموضوع بلا سمارى
بلا سفارى
شالها ع كتفه زى شنطه السفر وهى خلصانه من الضحك .
#نوتيلا
#نورإسماعيل
， `·，`·，`·，`·，`·，`·，`·，`·，`·，`·，`·
فعيد ميلاد لياسين ...
قررت يارا تعمله فكافيه برة ك تغيير ، عزمت نشوى وجوزها
واسيا وسليم
ولمى وسفيان
وتبارك وعمرو ...طبعا واخواتها واخوات باسين ووالدتها ووالدته ووالدها
ووالده .
سليم اعتذر لان فعلا عنده شغل بسبب انه ماسك قضية مهمة وحساسه اليومين
دول
اما عن سفيان فهو مشغول فتوضيب المكتبه ومش فاضى فجت لمى مع اسيا
لوحدهم .
اتعشوا كلهم سوا ع تربيزة طويلة ، كانوا مفتقدين وجدان وخفت دمها كالعادة
ومريم طبعا
بس كعادتهم عشان ميحسوش ان حد فيهم مش معاهم يتصورا فيديو
انهم فاكرينهم وعايزينهم معاهم .
بعد العشا بشوية ،جت التورتة
عليها صورة ياسين ، اليوم كله كان من تخطيط يارا
وياسين عرف قبل النزول للاحتفال بساعة
الفرحه مكانتش سيعاه ، وكان باين عليهم ان قصتهم ناجحه ومفيش
اى حاجه تشوبها
من ضحكتهم سوا وفهمهم لبعض وكل حد فيهم بيسعد التانى ع اد م يقدر.
حتى نشوى وعثمان كانوا منسجمين سوا فالكلام معاهم ، او ع انفراد لبعض
باين ع نشوى التغير الجذرى وتحسن حالتها ٣٦٠درجه
تبارك وعمرو ... اكتر كابل هادى وفنفسه اوى ، كلامهم مش كتير
لكن الهارمونى بينهم عالية اوى
تبارك رجعتلها ضحكتها بعد رجوع سفيان وعمرو ليها من تانى ، وعمرو
بتبقى احلى اوقاته الى بيقضيها جمب تبارك وخصوصا لو كانت مبسوطة .
وفالتجمعات ...بتحلى الدردشة والسمر !
آسيا: يعنى هتسافرى انتى كمان
تبارك: اه عمرو هيسبقى ويحضرلى ورقى واحصله
يارا: هتعيشوا هناك خلاص
تبارك: اه ...عمرو شايف ان وجودى جمبه هناك هو محتاجله اوى
وانا كمان
لمى: يابنات كلكم بتسافروا ليه ورا بعض كده ( كلضمت زى الاطفال)
نشوى: لا مش كلنا انا ويارا معاكى اهو
عثمان: لكن ياعمرو اعتقدر السفر. والعيشه برة وتحكمات الكفيل والشغل
صعبه مش كده
عمرو: هى صعبه اه بس الحمدلله الواحد حاطط ربنا قدام
عنيه طول الوقت
وبيسهلها معاه
ياسين: معروف ان الغربة حاجه بشعه طبعا ، زائد انك لوحدك
عمرو: هى ابشع حاجه ممكن تتخيلها انك عايش مع ناس بيعتبروا انك آله
لاهمم انك انسان
عادى زيهم
طيب تعبان طيب عندك ظرف
لا المهم الشغل والمصارى الى بيدفعوهالك
عثمان: المصارى ههههه بقيت واخد لكنتهم
عمرو:( بيضحك) مين عاشر القوم
لمى وهما بيتكلموا كلهم ويضحكوا لمحت حد من بعيد ، ست
قاعدة ع تربيزة عليها اتنين ستات تانيين ..
قامت لمى تتحقق لاقتها نسمه مرات احمد !
اسيا: رايحه فين
لمى: ثوانى يا اسيا
لمى راحت عند تربيزة نسمه وكلمتها رغم ان نسمة مش واخدة بالها
عشان بتتكلم مع الى جنبها
لمى : هو انا ينفع اعتذرلك كذا مرة وكل مرة ممكن القدر يخلينى اشوفك
فيها
قامت نسمه ل لمى ، نسمة اتغيرت فطريقة لبسها
وشكلها تماما
بقت مهتمه وامورة جدا
نسمة: لمى !
لمى: لو فى حاجه اكبر من الاعتذار كنت عملتها ، انا عارفه ان المسج
مش كافيه
ومش حاجه اصلا
بس انا كنت متأكدة انك مش هتحبي تشوفينى
ولاتسمعى صوتى
بس انتى ليكى فرقبتى اعتذار ولازم يتقالك
نسمة ( بعيون راضيه) بالعكس انا الى عايزة اشكرك !
لمى استغربت وفتحت بوئها كالعادة
نسمة: ايوة انتى مستغربة ، انتى رجعتيلى جوزى احمد
انتى وعتينى ع حجات مكنتش اعرفها
عارفه لما عرفت بالى عملتوه فيا انتوا الاتنين
انا اول حد لومته هو نفسى ، ايه الى ممكن اكون قصرت فيه عشان
احمد يتجوز عليا !
وكان عندك حق
كان لازم اهتم بيه ومحسسوش اننا خلاص كبرنا والعمر راح
لا مراحش
لازم نتدلع سوا ولازم نفرح سوا
مفيش فرحه بتعرف سن
ولا اولاد ولا اى حاجه تنسينى انى اكون ست فعيون جوزى
احمد بقى حد تانى عن الاول ، مبقاش شايف غيرى
بقى يحكى ويتكلم معايا
وبقينا نسافر ونخرج ونتفسح سوا
مبقتش انساه لا فعيد ميلاد ولا عيد جواز ولا اى مناسبه
بصيت لنفسي وقولت انى مكبرتش عشان ابقى بمريلة المطبخ
وجلاليب بيتى وايشارب طول الليل والنهار
غيرت نفسي من جوه قبل برة
والفضل يرجع لربنا الى خلاكى تيجى حياتنا عشان تفوقينا كلنا
لمى : وسامحتيه بعد كل الى حصل؟
نسمة : ده ابو ولادى ، عمر بحاله راح وياه
اول واحد قلبي يعرف الحب معاه
انا محتاجله احتياج اكبر من انى مسمحوش ع اول
غلطة يرتكبها فحقى
لمى : ازاى جبتى القوة دى كلها ؟
نسمة: علشان بحبه وبحب بيتى وولادى
ومش عايزة اى حاجه تحصل تفرق البيت ده عن بعضه
واتغيرت وغيرت نفسي
لان الغلط كان منى من البداية قبل م يكون غلطه
لمى ( ابتسمت) انا بجد معرفتكيش، انتى اتغيرتى اوى
ومش عارفه اقولك ايه ع كلامك ده
يعنى بجد انتوا كويسين وبيتكم زى م هو ؟
نسمة( مبتسمه) الحمدلله
لمى : انتى فرحتينى اوى ...اوى بجد
دلوقتى بس هنام مرتاحه
كان نفسي اتطمن عليكوا انتى والولاد باى شكل
نسمة : ربنا يهدى سرك انتى كمان
لمى: انا الحمدلله ، ربنا ادانى فرصة تانية ابدء فيها من جديد
مع حد نضيف اوى
عشان اعيش زى كل بنت عيشة يرضى عنها ربنا وترضى اهلى
نسمة: ربنا يسعدك ان شاء الله ، زى م رجعتى من غير م تقصدى
السعادة تانى تدخل بيتنا
لمى ( فتحت دراعاتها) طيب ممكن حضن بقى
حضنوا بعض بمسامحه هايله ، وزى م بيتقال
رب ضارة نافعه
ل نسمه وجوزها وولادها ....وكمان ل لمى
عشان تتعلم درس متنساهوش
وتقدر قيمة حد حبها بجد من قلبه ..!
， `·，`·，`·，`·，`·，`·，`·，`·，`·，`·，`·
"اخبار النونو ايه ؟"
يارا: اسكتى يابت يا مريم الحمل ده طلع حاجه فظيعه
مريم: طبعا ، حاجه سوكر بعيد عنك
فحمل مروان مكنتش بطيق نفسي ولا الناس ولا اى حد
حتى مراد ههههههه
يارا: الله يكون فعون ياسين بصراحه وانا ليل نهار ارش برفيوم
فالمكان واسبراى وحاسه ان المكان ريحته وحشه
وهو يقولى شككتينى فنفسي
مريم: يابنتى انا كنت بكره كل حاجه الاكل والشرب والاستحمام
والبرفيوم والناس والحياه
يارا: ( بتضحك) اه صحيح اخبارك مع مراد ايه ، حاسة انه بقى احسن معاكى
مريم ( سرحت) عارفه انى مستغربة تغييره ده ، ولاول مرة اكون مش حباه
يارا: ليه ؟ انتى طول الوقت كنتى بتشتكى معاملته الوحشة معاكى
يمكن لما طنط وسليم شدوا عليه اتعدل
مريم تمتمت مع نفسها بهدوء وقالت : سليم!
يارا: وعلى ذكر سليم واسيا ، مش ملاحظة اسيا بقت بعيدة كده عننا
مريم: والله انتوا الى معاها اكتر منى انتوا ادرى
يارا: معرفش حاسة ان فيها حاجه ومش عايز تقول
بتبان جامدة
م انتى عارفاها
مريم ( بحزن) اه ...دى اختى حفظاها
يارا: طيب سليم مش بيقول حاجه لطنط طيب ؟
مريم: اخر واحد فالدنيا يحكى او يشتكى هو سليم ( عيونها دمعت) ربنا
يكون فعونه يارب
يارا: عارفه انا وياسين كنا لسه بنحكى ان ممكن زعل اسيا الى بيبان عليها ده
وسكوت سليم بسبب الخلفه
عشان لحد دلوقت مخلفوش!
يكون فى مشكله عند حد منهم
مريم باندفاع ومخدتش بالها
مريم: مين قال انهم مخلفوش او عند حد منهم مشكله ، ماهو ....
يارا: ماهو ايه؟
مريم(اخدت بالها) ماهو كل شئ بايد ربنا يعنى ، وبعدين هما لسه تامين سنة
جواز عادى مش مشكله
يارا: ربنا يعدلها ليهم من عنده
مراد بيرن لمريم ع فونها
مريم: طيب يا يورا هستاذنك نازلة انا ومارو ومراد نحتفل بعيد ميلاد مارو
يارا: ياخلاثى كل سنه وهو طيب
قوليله انت محجوز يا واد لبننوتى
مريم: هاتيها بس شقرا زيك واحنا موافقين
يارا: هههههه ماشى ، مش هعطلك بقى
سهرة سعيدة
مريم: ميرسى يا حبي ، سلمى ع ياسين
باى باى
قفلت مريم واخدت مروان ونزلت تحتفل بعيد ميلاد مروان الى كانت هتموت
وييجى وهما فمصر عشان تحتفل بيه وسطهم
ورغم ان مراد فعلا بدأ يغير من افعاله معاها ، الا انها فكل لحظة
سعيدة او لا
كانت مفتقدة سليم .
#نوتيلا
#نورإسماعيل
`·，`·，`·，`·，`·，`·，`·，`·，`·，`·，`·
فلفل الوان بيتقطع ، وبصة كده على الموجود عالنار
نشوى رجعت من شغلها ، ع طول ع تحضير العشا عشان بعدها
تاخد الدوش التمام وتستنى عثمان !
وهى شغاله فالمطبخ وبتدندن مع نفسها ....دخل عثمان سمعها
بتدندن سابها براحتها خالص وواقف بيسمعها
وهى ولا حاسة بيه ..
نشوى : اخب اعيشلك عمرى كله من البداية ، من يوم م شافك قلبي
تايه مش معايا
حاوطها من وسطها بايده وهى مدياله ضهرها ، واتخضت!
نشوى: خضتنى يا عثمان حرام عليك
عثمان: لالالا ارجعى للهيام تانى كده ، كنتى بتقولى ايه
نشوى لفت له وحاوطت بايدها رقبته وهى ماسكه ادوات مطبخها
نشوى( بدلع) كنت بقول
احب بعدك قولى مين وانت لو مرت سنين
فالقلب ليك اجمل حنين
يا ارق حلم تشوفه عينى
عثمان: الله الله ، ايه الكلام الحلو ده
والاكل الى ريحته تفتح النفس ، لا مش هقدر ع كل ده انا
نشوى : طب يلا غير وشوف وراك ايه وانا ١٠ دقايق واحضر السفرة
للعشا
عثمان: لا تعالى بس اوريكى حاجه
نشوى: لا استنى الاكل عالنار
عثمان: وطى النار وتعالى
بيشدها من ايدها برة المطبخ ، فتح اللاب توب بتاعه وجاب صورة عربية حلوة
اوى
نشوى: الله حلوة اوى
عثمان: وانا كمان اول م شوفتها عجبتنى
نشوى : دى عربية مين
عثمان : دى عربية بتاعت واحد صاحبي ، فكر يبعها لانه هيجدد
من اول م اشتراها كانت عجبانى اوى بصراحه
ولما فكر يبعها انا جه فبالى اخدها انا منه
نشوى( بحنان) طب وانت معاك فلوسها ؟
عثمان: هو انا اتفقت معاه انا هدفعله مقدم وابقى اقسط ، بس هو عاوز مقدم كبير
وانا معنديش غير تلتين بس
نشوى سكتت
عثمان : انا هحاول استلف الباقى او اتصرف ، لان مدام عجبتك انتى كمان
مبدهاش اخدها قبل م يبعها لحد تانى
وبصراحه هو عامل ليا انا تخفيض عشان صاحبه
نشوى: انت عايزها اوى يعنى ؟
عثمان: جدا ...وبفكر اجيب الباقى منين
نشوى : طب استنى
قامت نشوى وجابت علبة الدهب بتاعتها وجت
نشوى ( بتديله العلبة) اتفضل
عثمان: ايه ده ! لا طبعا مش همد ايدى ع دهبك
نشوى: استنى بس متتحمقش كده ، اسمعنى
العربية دى مش لينا
يعنى حاجه هنستفاد بيها احنا الاتنين
طيب خلاص خد شبكتى عالدهب بتاعى من وانا صغيرة
ع الى بابا جابهولى
بيعهم
وادفع المقدم بالكامل
وهاتها
عثمان: نشوى انا قولت لا ، شيلى الدهب بتاعك
قبل م تعصبينى
نشوى: عشان خاطرى طيب ، انا هعمل ايه بكل الدهب ده
عثمان: متعمليش خليه معاكى
نشوى: يعنى يكون معايا الحل واسيبك تستلف برصو
عثمان : يوووه ( سابها ودخل)
نشوى دخلت وراه الاوضه ، هو متضايق
عثمان: حسستينى انى بقولك عشان تتصرفيلى انتى
نشوى: والله ايدا محسبتهاش كده خالص ، بس الحياة مشاركه
والعربية دظى لينا احنا الاتنين
هتروح شغلك وهتودينى انا كمان شغلى بيها
هنتفسح بيها
هنفسح ولادنا ان شاء الله
كل حاجه سوا يبقى ليه مكونش شريكة فيها
عثمان سكت وبصلها وهى بتتكلم
نشوى: انا مش فاهمة انت عامل فيها فرق ليه ؟
احنا مش واحد ياعثمان
معقول هنبص لكلام فارغ
عثمان: طب لو هاخدهم هيبقى بشرط
نشوى: ايه
عثمان: اولا هنبيع ع اد الى باقى للمقدم بس مش كلهم
وثانيا هكتبها باسمك( حط ايده ع بوقها) ومتتكلميش ولا كلمه
نشوى مسكت ايده الى ع بوقها وباستهم ،ومسكتها وابتسمت
عثمان: ربنا يخليكى ليا يا نشوى
نشوى: عثمان انت مش عارف انت عملتلى ايه ، انت قدمتلى حاجات كتير
وفرحتنى ومليت حياتى
انا مهما عملت مش هعرف اردلك حاجه قصاد الى قدمتهولى
عثمان: فين ده وهو انا عملت حاجه ليكى ، نفسي والله على اد م اقدر افرحك
نشوى: انا فرحتى هى انت
حضنها وميل عليها يبوسها وخلاص استسلمت افتكرت الاكل !
نشوى: الاكل اتحرق !
جريت من قدامه بسرعه
عثمان: ( بغيظ) الاكل اتحرق ! انا الى بتحرق
نشوى يانشوى
مش هسيبك لو المطبخ كله اتحرق والله م اسيبك ..
`·，`·，`·，`·，`·，`·，`·，`·，`·，`·，`·
على اغانى ام كلثوم ...
وبالذات اغنية ودارت الايام ، لانه عاشق لاحساس الست
ام كلثوم
وجه مقطع
قابلني والأشواق في عنيه
سلم وخد ايدي في ايديه
وهمس لي قاللي الحق عليه
نسيت ساعتها بعدنا ليه
فين دموع عيني اللي ما نامت ليالي
بابتسامه من عيونوا نسّاهالي
وكأن فى رعشة ملكت قلب سليم بتفكره بكل دقه بتدق لمريم
بافتقاد شديد ليها
قام وجاب كل الصور ...
صور ورقية فوتوغرافيه وصور عالفون
وهى فاللفة ...وهى بتحبي
وهى فالمشايه
اول عيد ميلاد ليها
وهى فالمصيف بالمايوه وصغننه وكتكوته فيه
اول يوم مدرسة بالمريله
صورها معاه ومع انس ومع صحباتها البنات
اعياد ميلاد او اعياد فطر واضحى
شم نسيم فسحه خروجه ...او رحلة
صورها فثانوية عامه وهى آنسه وبطلت الضفاير ، وهى اول مرة تتحجب
صوره بتضحك
صورة ملخبط لها وشها بالايس كريم هو وانس
صوره بياكلوا سا مكرونة اسباجتى وبيضحكوا ع مناظرهم
وبعد كده صورهم عالفون فالخروجات والفسح ، والرحلات
وعالبحر
وفخطوبته الاولى ،وففرحها هى
وفرحه هو
وفرح انس ...
غرقان مع كل صورة ، مع كل ضحكه
مع لمعه عيونها وهى باصه للكاميرا او باصه بعيد ..
قلبه بيدق بلهفه لانها وحشته اوى ، وعلى اخر صورة
ففرح انس
هو شايل مروان وهى مأنكشاه بغلاسه واتخدت لهم صورة ...ميل باسها بشوف
فشاشة الموبايل.
وباب اوضته خبط ..قام واتعدل من عالسرير
وقفل الاغانى
سليم : ادخل
اسيا: ( بضيق) سليم هو انت هتفضل فالبيت كانك مش قاعد
او كانى مش معاك لحد امتى ؟
سليم: وايشمعنا السؤال ده جه ع بالك دلوقتى
اسيا: يعنى الاول قولت انك بتشخر وعايز تنام لوحدك
وانا قولت اسيبك ع راحتك
لكن مش كمان متجاهل وجودى فتحضير الاكل واللبس
والحمام
وحجاتك الشخصية والعادية
ومتجاهلنى انا شخصيا
سليم: (باصصلها وماسك نفسه) انتى ايه الى مزعلك مش فاهم
اسيا: مش فاهم ايه ؟ انت بتتعامل ع انى مش موجودة
انا سيبتك براحتك يمكن انت عايز كده
رجلى اتكسرت وقعدت شهر ونص عند بابا
وجيت ولا كانى غبت عنك
موجودة زى مش موجودة
اقدر افهم انا فحياتك ايه ؟
سليم قام من مكانه وقف قدامها عند الباب
سليم: مش لما اعرف انا الاول فحياتك ايه؟
اسيا ارتبكت واستغربت السؤال
سليم: مش فاهمه ؟ اعيد تانى
انا ايه فحياتك يا اسيا
اسيا سكتت وبصاله
سليم : انتى بجد ممكن حد يشغل بالك غير نفسك
اسيا: طبعا انا طول الوقت شاغلنى الى حواليا اكتر من نفسي
بابا وماما ولمى والبنات و
سليم( بحزن ) وانا !
وانا بشغل حيز اد ايه من تفكيرك
انتى لو بجد انا مهم عندك ...كنتى فكرتى عالاقل يبقالى طفل
( بيبص بعيون تحذيرية تخوف) وتعرفى ايه الى مأخر الحمل لحد دلوقتى
اسيا ارتبكت جدا لدرجه انها عرقت وبان عليها بس ثبتت قصاده
اسيا: كل حاجه بايد ربنا ، وبعدين لو سمحتى
هو مين الى بيتكلم
هو الطفل ده انا هجيبه لوحدى ؟
انت من امتى منعزل فالاوضة دى لوحدك
ومفيش اى كلام بينا
سألت نفسك بقالنا اد ايه ...بعاد!
بقالك انت اد ايه مجتش جنبي ؟!
مقربتش ناحيتى
عارف كام شهر يا حضرة الظابط !!
سليم باصص لها بعيونه انها السبب من غير م ينطق ولا كلمة
سليم: وعملتى ايه انتى عشان تقربي البعد ده وتهدى الحاجز
اسيا: ومين بنى الحاجز ؟
سليم: ومين السبب فيه؟
اسيا ( باستغراب) قصدك انى السبب فيه ؟؟!
سليم : اسيا ...انا معنديش اى كلام اقوله
ليكى عارفه ليه ؟
عشان ببساطة حتى غلطك مش معترفه بيه
عايز انام ..ممكن ؟!
اسيا وقفت قدام الباب لثوان ومشيت راحت اوضتها وقفل سليم وراها الباب
بهدوء كالعادة .
`·，`·，`·，`·，`·，`·，`·，`·，`·，`·，`·
وبعد ايام ..
كانت خارجه من الجامعه عادى ، خلصت محاضراتها الى بتاخدها
عشان بدأت فالماچيستير
وفطريقها للشغل فالمصحه كالعادة ، بس اتثبتت هناك ك اخصائية مش
مجرد تدريب.
اسيا كلام سليم فدماغها طول الوقت
معاملته القاسية المتغيرة ، عرفتها انه قبل كده كان حنون وكويس جدا
بس معرفتش تستغل ده ابدا
كان كل انشغالها بالى حواليها ونسيته هو
عايزة تعرف لسه باقى امل عشان ترجعه ليها زى م كان ؟
فوسط تفكير طول
اليوم بتاعها بيوشك عالنهاية ، قامت تروح وخارجه من المصحه
ماشية تفكر والافكار عامله فدماغها دوشة
وفجأة
اسيا !!!
سمعت اسمها بيتنده من صوت عمرها م هتنساه ابدا ، وقفت اتخشبت فمكانها
من غير ولا حركه
إياد: ادينى رجعتلك يا اسيا ...
رجعتلك بعد م عرفت انك خلصتى دراسة ودبلومه
وفالماچيستير كمان
اسيا دموعها نزلت من غير م تلتفت وراها ، ده حقيقي !!
إياد: واتجوزتى سليم كمان ( ضحك بسخرية) ونسيتينى _!!!
هو ده العهد
ياخسارة
`·，`·，`·，`·，`·，`·，`·，`·，`·，`·，`·
استنونا بكرة ان شاء الله
#نوتيلا
#نورإسماعيل
( تابعوا وكونو بالقرب الفصول الاخيرة )
ليست هناك تعليقات:
إرسال تعليق