الام: ايه يابنى ف ايه (بخضة)
وسام: مراتى فالقسم !!
كلهم مع بعض: القسم!!!!
ليلى : ليه فيه ايه
وسام: خبطت ست تقريبا وخدوها عالقسم (نازل)
ليلى: انا جاية معاك استنانى (قامت تلبس)
وسام: لالالا مينفعش ده قسم عشان ميبقاش انتى وهى معايا تتبهدلو
نزل وسام وبأقصى سرعه عالقسم الى ف مى !
وهو فالطريق اتصل بشريف يحصله عشان ميبقاش وحده ، متدايق اوى ومتعصب وع اخره.
وصل هناك وطلع بسرعه لقى مى قاعده ع جنب ع مقعد خشب كده وخايفه وماسكة شنطنها واول م لقت وسام نادته ع طول..
مى: (معيطة والميكاب بايظ ) وساااااااام ااااااااعاااااااا انا موتت ناااس
وسام: موتتى مين بس اصبرى افهم ؟، احكى ايه الى حصل
مى: انا كنت سايقة ماشى ، وبعد كده كنت بغنى ومبسوطة .. اصل انا جبتلك هدية وكنت فرحانه وعايزة اوريهاااااااااالاااااااااا
وسام: طب اهدى وكملى (مسك ايديها الاتنين يهديها)
مى: وكنت بجيب ريموت ال ام بى سرى وقع تحت الكرسى ببص لاقيت ست وكلب فوشى وغميت عنيا وخبطتهم !
معرفتش افرمـــــــــــــل!
وسام: خبطتى ال 2؟
مى: ايوا والشاب الضخم الى هناك ده كان معاهم وجه وفتح باب عربيتى وخرجنى بالعافيه وشدنى من هدومى
وسام: (بدآ يتنرفز ) عمل ايه ؟!
مى: شدنى وقالى اخرجى ياانسة انتى وزعق فيا وراح مسكنى وزقنى اركب الناحية التانية رحت انا ضربته وقولتله متمدش ايدك
، راح هو دخلنى بالعافية الناحية التانية وقعد الست ورا هى والكـــــــــــــلب ! (بتعيط بس بهبل )
وسام: ده (بيشاور ناحيته) الى مد ايده عليكى
راح وسام والعفاريت بتتنطط حواليه3
وسام : (مسكه من ساقه القميص ) بتمد ايدك عليها ليييييييييه !
الشاب: وانت مين انت كمان (بينزل ايده ) اوعى كده
وسام: (بيخبطه فوشه) انا جوز الى انت ضربتها دى ، بتستعبط انت
بتمد ايدك ع واحدة ست ! ده انا هطلع عنيك انهاردة
دى مراتى يابن .....
الشاب: مراتك واحدة مش محترمة عشان تدوس امى والكلب بتاعها وعايزة تجرى
وسام: تصدق انك بنى ادم حيوان والله احلف ابيتك جمب امك ، مين قالك ان بعد م خبطتهم هتجرى يابنى ادم
الشاب: بقولك ايه انا مش ناقص صداع وحياة ماما الى بين الحيا والموت دى لبيتلك المدام فالحجز انهاردة
وسام: انت بتهددنى ياروح امك (بيمسك فيه )
مى : (ضحكة بلهاء ) هيههيهي وسام هيبات فالحجز معايا
شريف وصل وسمع الصوت فخطوتين بقى هو الى قدام الواد !
شريف: عنك انت يا ويس .. الاشكال دى انا عارفها كويس، ف ايه ياض يا حمار انت
الشاب: اه انتو شله بلططجية باينلكم
العسكرى : بـــــــــس انت وهو ، حضرة الظابط جه
الظابط جه ووسعهم من بعض وقعد ووقفو قصادة ..
الظابط: ايه ف ايه ؟
الشاب: حضرتك المدام دى خبطت والدتى والكلب بتاعنا ، الكلب مات ومامتى فالمستشفى ومش عارف فيها ايه
انا جبتها قبل م تهرب يافندم
وسام: لو سمحت ياحضرة الظابط عايز اعمل محضر بأن الاستاذ اتعدى ع مراتى بالضرب
الظابط : واحدة واحدة عشان افهم .. فين المدام الى عملت الحادثه
مى جاية وهى خايفه وبرضو حاضنه شنطتها قربت راح وقف جمبها وسام عشان متخافش..
مى: ا..أانا يا فندم
الظابط: ايه الى حصل بالظبط
========•••======
عند وسام فالبيت بقى .. القلق مسيطر
الام: جيب العواقب سليمة يارب
ليلى : انا بتصل محدش منهم بيرد عليا (ماسكه الفون )
الاب: لا حول ولا قوة الا بالله
ليلى : انا من الاول قلت مى مصيبه وبتجر مصايب وراها ، مالو وسام ب ده كله بس
الام: احنا يابنتى منعرفش حاجة لحد دلوقت ..
ليلى: مش معايا رقم شريف كنت خليته يروح عندهم .. اكيد وسام محتاجه
الاب: انا معايا رقمه ، استنى اروح اجيبهولك
بابا وسام قايم يجيب الفون جاله مغص شديد جرى بسرعه عالحمام .. وكان بيتألم جامد وقامو جريو عليه مخضوضين لما سمعو صوته بيرجع !
الام: عاصم !! ايه ياعاصم
ليلى : خالو (بتمسكه وبتحاول تقومه ) قوم يا خالو .. الف سلامة عليك
الام دمعت عيونها وجابتله فوطه وحدته ودته اوضته ..
ليلى : انا مش عارفه اعمل حاجة سخنة ولا لأ عشان معدته دى
الام واقفه ساكته ومش متحركة وعيونها بتدمع وحلاص .. قلق ع خوف
ربنا يصبرها
=======•••======
الظابط : (بعد ما سمع مى والشاب ) مممم .. هنفتح محضر وهناخد فيه الكلام الى اتقال ده
الشاب: حضرتك انا عايز تعويض عن الكلب الى مات ده ، ده كلب جريت دان عارف يعنى ايه نوعه جريت دان !!
يعنى ب 3000 جنية وماما بتحبه جدآ
شريف: ياحبيب امك !
الظابط: بــس ! (بيخبط ع المكتب )
وسام: وانا بردو لسه عايز اعمل محضر بالتعدى يافندم، ده ضرب مراتى
الشاب: انا مضربتهاش
مى: لا ضربتنى
الشاب: انا ضربتك ولا انتى الى ضربتى بالشلوت وقعدتى تخبطى فيا
مى : ايوة اومال اسيبك تضربنى
الظابط: اسكتو منك ليها . هيتفتح محضر بالحادث ..مش عشان الكلب ، عشان الست الى فالمستشفى دى لحد م نعرف حالتها هتستقر ع ايه ولو علاجها طال ل اكتر من 21 يوم .. هنضطر نحجز المدام
وسام بص لمى كده وهو قلقان ..
الشاب: طيب حضرتك والكلب ؟
الظابط: الكلب تقدرو تساوو الحكاية مابينكم وتشوفو اذا كنتو تحلوها ودى ، لكن هى مافيش اى خطأ جنائي عليها
المهم دلوقتى حالة والدتك .. مش الكلب
(بيبص لوسام ) عايز تعمل محضر عندك الامين النبطشى برة اتفضل روح اعمله
الظابط خرجهم برة المكتب وراح وسام عمل محضر ضد الشاب ده بالتعدى ع مراته ..
شريف: ايوة هى دلوقتى هتتحبس عشان كلب !
وسام: انت مسمعتش الظابط بيقول عشان الست دى
شريف: طب انا اجيب محامى ولا ايه ؟
وسام: مش عارف اتصرف.. نستنى لما تفوق الست دى
مى: طب التعويض الى طالبه الهيلف ده ؟!
وسام: انا مشحط ممعيش سيولة نهائى والله العظيم ، الخطوبة طلعت عنين اهلى
مى: (كشرت ) يعنى خساررة فيا يا ويسووو
شريف: والله م وقت دلع احنا فقسم ، اهدى شوية ياعمتى
وسام: مش قصدى انا بقولك بس
مى: وانا مش معايا برضو المبلغ ده ، روح لبابا ع قلبه اد كده خد منه الفلوس
شريف: طب استنو اروح انا اتكلم معاه الحيطة ده يمكن يتنازل
وسام: متتكلمش مع حد انا هروح اتصرف واجيب فلوس وخليك انت مع مى لحد م تفوق الست وانا هكون ع اتصال معاكم
مى: هتسيبنى ؟!
وسام: هروح يامى اجيب فلوس تعويض الزفت الكلب ده عشان نخرجك من الورطة الى انتى فيها دى
شريف: خلاص روح انت ومتقلقش ..
=====•••=====
ليلى بتمسح عرق خالها وقاعده جنبه مخضوضه ..
الام: انت من بكرة تروح المستشفى تتحجز ، مينفعش نستنى اكتر من كده
ليلى : يستحسن برضو .. شكل الموضوع بيتدهور معاه
بابا وسام مسك منديل وكح فيه وحطه جمبه ... ليلى بتبص لاقت المنديل ف دم!
قامت من الاودة بسرعه وعيطت برة عشان متنهارش مامت وسام قدامه .
فالوقت ده وسام كان وصل وبيفتح الباب ....
وسام : (اتخض ) ايه ده ؟ مالك ياليلى
ليلى : خالو تعبان اوى يا وسام .. رجع من شوية ، رجع دم يا وسام
وسام: دم !! (اتخض وجرى ع اودة باباه ) بابا بابا مالك يا حبيبى ؟
الاب: مافيش يا حبيبى ، مى فين ؟ وعملت ايه فمشكلتها
وسام: سيبك من مى دلوقت .. قوم قوم معايا
الاب: يابنى اروح فين انا مش قادر
وسام: عشان خاطرى يابابا ، ماما لو سمحتى غيرى هدوم بابا وانا مستنى برة
الام: هتروحو فين يابنى ؟
وسام: هنروح مستشفى الدكتور اسامة دلوقت عشان يعمل العملية فأقرب وقت
الام: ماشى يابنى حاضر
اتلهى وسام فباباه ونسى مى ! كان ماسك نفسه بالعافية من المنظر الى شاف فيه باباه وانه مرمى كده لا حول له ولا قوة .
غير باباه ونزل معاه ومعاهم ليلى وطلعو عالمستشفى ..
دخلو الاستقبال وطلعو الاوراق بتاعت حجزه هنا بامر الطبيب المعالج ، وفعلا اتحجز وف انتظار الكشف المبدئى ..
كان الريسيبشانيست بيتكلم مع وسام ..
الاستقبال: مبلغ لو سمحت حضرتك تحت الحساب .. عشان يقدرو الدكاترة يبصو عالمريض
وسام: طب ممكن حضرتك تدينى ساعه ادبر اى مبلغ وارجع ..
الاستقبال : مافيش مشكلة حضرتك
وسام: بس لو سمحت اول م يوصل الدكتور اسامة ياريت تبلغه بأن حالة والدى وصلت
الاستقبال: حاضر
وسام قال ل ليلى هيروح يتصرف ففلوس وخليها هى معاه لحد يرجع ..
ومابين دوامة وسام مابين مى الى فالقسم وباباه الى فالمستشفى .. محتاااااااااس
وسام مش جاى فتفكيره حد نهائى ، المرتب بتاعه لسه منزللش عالفيزا وبرضو مش هيكفى الورطتين ، والسيوله الى كانت معاه راحت ع الشبكة وحفله الخطوبه .. ومافيش قدامه غير الشقه التمليك بتاعته المقفولة .
ومينفعش يكسر وديعه باباه فالبنك عشان مبلغ بسيط زى كده .
دماغه اتشلت عن التفكير .. حتى شريف شحات بيصرف فلوسه اول بأول ومافيش معاه اى حاجة
وهو مش بيحب السلف.. طب هيعمل ايه؟
=======•••======
مى : وسام اتأخر!
شريف: الغايب موبايله معاه ، استنى اتصل بيه طيب
وشريف بيتصل جه تقرير المستشفى بان الست محصلش ليها اى حاجة وكويسة هى اغمى عليها من الخضة .عشان ست كبيرة
يعنى طلعت حادثة فشنك !
الشاب: والضرر النفسى الى حصل لوالدتى ده هعمل ف ايه ؟ انتو عارفين يعنى تموتو باركر ! الكلب بتاعها
شريف: والله مكانش قصدنا نموت باركر افندى وبعدين خلاص قلنا هنتهبب ونديك تعويض ، اخرس بقى عشان صوتك مزعج وروح اطمن ع امك
يلا يا قلب امك
الشاب: والله لادفعكو التمن .. والله لاوريكم
شريف: ياعم اجرى
مى: انا مش معايا غير 500 جنية ومش معايا تانى اصلا لاخر الشهر
شريف: ماهو فاضل 4 ايام ع اخر الشهر طيب
مى: طب شوف اى فلوس ندفعها خلينى امشى من هنا انا اتخقت
شريف: بيتصل ع وسام ... (عوج بوقه ) موبايله مقفول !
مى: نعم <
======•••========
فصالة شقة شيك ، مكيفه .
كان قاعد وسام محرج جدآآآ،، كان عند مديرة فالشغل . الوحيد الى جه ع دماغه ساعتها
مع انه عمره م عملها
بس هو فموقف لا يحسد عليه ، ال 2 فيوم واحد ..وهو لوحده شايل الكارثتين .
المدير بتاعه جاى وجايب مبلغ ..
المدير: اتفضل يا وسام .. (بيديله 5000 الاف جنيه )
وسام: يافندم انا متشكر جدآآ والله انا متأسف جاى فالوقت ده ووو
المدير: وسام انت زى اخويا الصغير ، ولازم نوقف جمبك
بعد كده اى حاجة تعوزها متتردش لحد م تيجى .. انت فاهم
وسام: والله يافندم لولا الخطوبة وكده .. انا عمرى م وقعت فمطب زى كده
المدير: ولا يهمك كلنا بتحصانا مواقف زى دى .. يلا روح شوف هتعمل ايه
وسام: انا مش عارف اشكر حضرتك ازاى ، صدقنى اول م ينزل المرتب ..
المدير: يابنى اسكت .. يلا عشان تلحق مراتك
وسام سلم ع مديره وطلع الاول عالمستشفى ... دفع 2000 جنية واتطمن ع باباه بعد م كشف عليه دكتور اسامة وبدأو يجهزوه عشان يقررو امتى العملية وبدأت حالة باباه تستقر الحمدلله واطمنت ليلى وطمنت .. مامته .
ليلى : مى خرجت ولا ايه ؟
وسام: مى !! (اتخض وافتكر ) يانهار ابيض .. طب ياليلى انا هروح بسرعة ليها خليكى وارجع اخدك
ليلى : لا روح انت انا هاخد تاكسى
وسام: والله دماغى متدربكة متلخبط عالاخر
ليلى: الله يكون فعونك ولا يهمك .. يلا روح وطمنى
بيبص وسام ففونه لقى فاصل شحن
=====•••=======
فالوقت ده كان شريف اتصل بامنية وقالها عالى حصل وانهم عايزين 3000 جنية حالا وامنية اتصرفت من باباها وجت ودفعت الفلوس
واتقفل الموضوع ودى واديهم خارجين من القسم ..
لقو وسام فوشهم ..
وسام: (بياخد نفسه بالعافيه ) ايه يا شريف
شريف: انت فين يا وسام من الصبح
وسام: الموبايل شحنه قاطع والمصحف ..
مى خرجت من الباب هى وامنية ..
شريف: امنية جابت الفلوس ودفعناها للزفت بتاع الكلب ده وامه كويسة مافيهاش تعويرة حتى .. وخلاص خلصت بعد م اتنيل سكت بعد م لهف ال 3000 جنية يعنى كان عامل بوليكا عشان الكلب مش عشان امه
وعمل هو كمان محضر بأنك انت اتعديت عليه وانا راضيت المواقف وخليت محضرك ضده يسقط قصاد محضره .. وخلاص اتعشت
انت كنت فين ده كله ؟!
مى خارجه لاقت وسام ودت وشها الناحية التانية ومشيت ع طول مسك ايدها ..
وسام: ايه مش شايفانى ؟
مى: عن اذنك (بتفلت ايدها من ايده )
وسام: والله انا فمصايب من ساعه ماسبتكم ف ايه ؟
مى: خلاص اوعى لو سمحت من قدامى
امنية : ايه يا وسام ازاى تسيبها فظرف زى ده ؟
وسام: ماسبتهاش والله / غصب عنى هى مش راضيه تسمع
مى: طب خلاص انتهينا ممكن تسيبنى امشى
وسام: مى استنى
مى: ابعد عنى !! (بزعيق قدام القسم )
وسام سابها وفضل باصصلها وساكت ومى مشيت وخدت امنية معاها وشريف ساكت راح طلع من جيبه ال 3000 جنيه ووراهم لشريف.
وسام: انا كنت جاى ادفعلها الفلوس .. عشان انا مش ندل !
ليست هناك تعليقات:
إرسال تعليق