=====•••••=====••••===
امل ومصطفى...قصة حب بدأت تطلع للنور امل بتقضى
اليوم والشغل الى وراها وتنيم سيف وبعدها تفتح الفيس، ومصطفى بقى يخلص شغله ويرجع
البيت يفتح الفيس قبل م ياكل حتى..
.عشان
يتكلم مع امل الموضوع لسه فاوله معاهم،يدوب سلامات ويطمنو ع بعض وعملو ايه فيومهم
انهاردة وبس. بس هما مكتفين بكدا ومش عايزين اكتر..
.بس
القدر اكيد ليه حكايه معاهم ومش هيسيبهم كدا! بدأو يتعودو ع بعض.
.وبدأت
امل متفتحش غير عشان مصطفى ومصطفى ميكلمش حد غير امل . حتى بقيه اصدقاؤه مبقاش
يهتم غير بوجود امل مصطفى حب يدخل لحياة امل ويعرف الى ميعرفوش عنها بطريقه جميله
ومهذبة، مصطفى اخترع لعبه اسئله وكل واحد يسأل التانى سؤال والتانى يجاوب بصراحة
بكدا يقربو لبعض اكتر ويفهمو بعض ويلاقو كلام يحك
وه سوا ويتعلقو بيه لليوم التانى
!! اما امل...
بقت تسمع اغانى رومانسيه وتسرح معاها بالساعات
،وجمالها بان عن الاول..بقت بتضحك وتخرج تفسح ابنها مع ايمن اخوها وترجع..بقت
متنامش خالص زعلانة ولا شايله هم...م خلاص مصطفى جه وملى عليها الدنيا ...
امل مقالتش لياسمين غير كلام بسيط م الى بيحصل
بينها وبين مصطفى، مش عشان تخبى! بس عشان لايصه اليومين دول فمشاكلها مع يونس
وغرقانة لشوشتها. ياسمين بدأ الشك يبقى يقين عندها من ناحيه اميرة بنت عم يونس
وتحس ان كان ف حب قديم م بينهم قبل جوازها..بس بردو لحد دلوقت متأكدتش ياسمين
بتاخد بالها من بعض حاجات اكدتلها ده ؛ زى مثلا مكالمته التليفونيه ع بنت عمه
يوميآ ،بيروحلها كتير اوقات، وغير كل ده هو الى قوم لها محامى عشان الطلاق!!
ياسمين كل م تواجه يونس هو يراوغ عليها
وميريحهاش فالاجابة وده الى بيقلقها اكتر، لحد م فيوم سمعت مكالمة بينهم ! ياسمين
رايحة تنادى عليه من مكتبه الى فالفيلا عشان الغدا وسمعت ..
.
يونس:ازاى يعنى يا اميرة مستنيكى تخلصى العده ويتجوزك؟ ايه؟ لالالالالا طبعآ
مينفعش انتى عارفه انى من زمان مستنى اليوم ده ييجى لالالا اسمعى انتى قوليلهم انك
فكرة الجواز دى لاغياها لحد مانا اتصرف
دخلت ياسمين عليه مرة واحدة لاقته قاعد ببرود
متحركش ولا اتخض انها سمعت!
يونس: ف ايه..مافيش استئذان قبل م تدخلى؟
ياسمين: استأذن عليك وانت بتحب فواحدة تانيه؟
بتخونى يايونس عاوز تتجوز اميرة صح ومستنى عدتها تخلص
يونس: (برود متناهى) ياماما وطى صوتك ميصحش
الخدم يسمعونا
ياسمين:
اوطى صوتى! ده انا لسه هعلى واعلى يابيه
يونس: ايه الى مدايقك دلوقت؟
ياسمين: يابرودك يابرودك انت ايه تلاجه؟
انا
كنت شاكة م الاول انك عايز تتجوزها رد عليا
يونس: اه
ياسمين: ايه البرود ده!! وكمان بتقولها لى وانا
مش هديك الفرصه دى..مش كفايه مستحمله عيشتك
يونس: عيشه ايه ياماما! العيشه دى انتى مكنتيش
تحلمى بيها من الاساس متنسيش نفسك واتكلمى كويس
ياسمين: بقى كده! طلقنى
يونس: هههههههههههههههه
ياسمين:
بتضحك!!! بقولك طلقنى (متنرفزة)
يونس:
لا مش هطلق يا ياسمين
ياسمين: انا هخليك تطلقنى وابقى شوف يونس: ايه
بالعافيه؟؟
ياسمين: لا بالقانون
يونس: خليه ينفعك القانون لكن انا طلاق مش
هطلق..انتى عايزانى اطلقك وادفع المليون جنيه مؤخر!! بتحلمى يا امى (سابها وخرج
برة)
ياسمين:
ماشى يايونس هوريك قعدت علارض تعيط ياسمين.. مكانتش عاملة حساب كل ده...بس كما
تدين تدان !!
================================
رحاب
ست كويسه جدآ. لا بتشتكى ولا بتتعب من حاجة، راضيه بقليلها وربنا بيديها ع اد
نيتها الطيبة. علاء اتعلق بيها فعلا وبطل تفكير فياسمين خالص وبقى يفكر فانه ازاى
يسعد مراته وبس! والدة رحاب قلقانة حبتين من عدم وجود خلفه وهما خلاص داخلين ع سنة
سوا ويا بعض متجوزين.
..لكن
رحاب سايباها ع ربنا وبتدعى فصلاتها ليل ونهار ربنا يكرمها بالطفل الى يملى حياتها
وتربيه عالدين والاخلاق الكويسه. علاء بيحاول بأقصى جهده الاهتمام بيها وبالبيت.
.رغم
وجوده فالمعمل لحد الضهر وبييجى يتغدى وينام وينزل شيفت بليل للصيدليه بتاعته، الا
ان رحاب بتحمد ربنا وتشكر فضله ع عيشتها دى ومش متدايقه خالص.
بس بقالها فترة بتاعنى من مغص معين فبطنها
وبتاخدله مسكنات، رحاب مرضيتش تقلق علاء عليها وتقوله ع تعبها ده وقالت ان مع
الوقت والمسكنات هيروح ، هى قصدها متزودوش هم ع همه وشغله وتعبه وتتحمل هى مسئوليه
نفسها . المغص بيزيد وبييجى فاوقات متقطعه م اليوم..لحد ليلة كانت نايمة فيها جمب
علاء وقامت دخلت الحمام وطولت جوه. علاء لاحظ عدم وجودها وانها طولت ..فقام يدور
عليها جوه. بينادى عليها مش بترد قلق وخبط برضه مش بترد!! علاء دفع الباب لقاها
واقعه فالارض ...وبتنزف!!
============================
علاء اتخض من منظر رحاب ووقعتها علارض والدم الى
نزفاه كتير ...حاول يفوقها، اظاهر جالها هبوط!
علاء:
رحاب...رحاب..قومى يا ماما قومى مالك يا نورعينى مالك؟
رحاب: اأأه
علاء: طب قومى وانا هلبس وننزل نكشف عليكى حالا
رحاب: لا ننزل ايه دلوقتى ده احنا قربنا
عالفجر..انا اسفه انى صحيتك مكنتش عايزاك تعرف
علاء:مكنتيش عايزانى اعرف!! طب قومى ونتكلم
بعدين
علاء شال رحاب لحد السرير ويدوب استنى الصبح
يطلع وفطرها ونزلو ع اقرب مستشفى كويسه فيها دكتور نساوولادة معرفته.
الطبيب: انتى بتعانى من النزيف ده من امتى يا
مدام رحاب؟
رحاب: انا بقالى فترة بيجينى مغص كده من وقت
للتانى بس باخد له مسكنات ..لكن النزيف دى تانى مرة فنفس الشهر !
علاء:(بصلها بصة وهو متدايق انه ميعرفش ان كل ده
حاصل مع مراته) كل ده يارحاب!!
الطبيب: بصى انتى هتعملى الاشاعات دى والتحاليل
وتجينى العيادة اوك
رحاب: حاضر
علاء: هو ف حاجة خطيرة يادكتور يعنى؟
الطبيب: لا ان شاءالله خير ،احنا بس هنطمن
عالرحم ممكن يكون تفكير فالحمل ولا حاجة أثر عليها
علاء:
ربنا يعمل الصالح...شكرآ يادكتور تعبناك معانا
الطبيب: ع ايه يا دكتور علاء تحت امرك فأى
وقت...الف سلامة عالمدام
علاء مشى واتدايق ان رحاب بتخبى عنه، لكن رحاب
مكانتش عايزة تقلقه بيها وكانت حاسه انه تعب وهيعدى وربنا هيسترها بعدها. روحها
البيت وهو متدايق ...
علاء:
كنتى مستنيه ايه عشان تقوليلى
رحاب: متكبرش الموضوع ..دى مجرد اضطربات فحالتى
النفسيه مش اكتر زى م قال الدكتور
علاء: مأكبرش الموضوع!! انتى مراتى يارحاب يعنى
لو مخفتش عليكى هخاف ع مين ؟مين ليا فالدنيا اغلى منك يا حبيبتى
رحاب:
تسلملى يااحن زوج فالدنيا ..اطمن وسيبها عالله وربنا هيجيب العواقب سليمة
انشاءالله
علاء:
انتى هتنزلى معايا المعمل وانا هدى تحاليلك لدكتور زميل متخصص يقوم بالحاجات دى
وهشرف عالنتيجة عشان اتطمن عليكى رحاب: طب وشغلك؟
علاء: سسسسسس معنديش اغلى منك.
.
رحاب: بعد الكلمة دى انا مش خايفه من حاجة ابدآ (بتحضنه اوى وهى فرحانه...)
امل عند ابراهيم بتزورهم هى وسيف ابنها..ماشاء
الله كبر وبقى ينطق بعض الكلمات بس بالعافيه!! مكمل ضحكة امل الى مصطفى بدأ فيها
ومخليها مبسوطة ، هبة مرات اخوها عايزة تعمل عيد ميلاد بناتها مع بعض عشان بين عيد
ميلاد الكبيرة والصغيرة اسبوع بس! صدفه حلوة خلتهم يجمعو عيد ميلاد الاتنين سوا
وميزعلوش حد .
.
هبة: يابت ازاى ابنك تم 3 سنين من شهر وانتى مش بتعمليله عيد ميلاد؟
امل:
والله ماليش فالحاجات دى..اعملو انتو للبنات يفرحو وينبسطو
ابراهيم: طب انا عندى فكرة ..نعمل عيد ميلاد ال
3 سوا سيف وامل وريم مع بعض عشان لما يكبرو ويتفرجو عالصور تبقالهم ذكرى حلوة ،
وكمان اول عيد ميلاد لسيوفه يكون خاله ابراهيم هو الى عمله...مش كده ياسوفه؟
سيف:
(بيضحك ويتكلم بالعافيه) ثح يا الاهيم
ابراهيم:
الاهيم!! مافيش خالو حتى طب يابن امل ههههه
أمل:
بس انا مش عايزة اكلفكو
هبة: بس يابت انتى بطلى هباله...دول كلهم اخوات
واهو نفرح شويه ونفرحهم معانا
امل كانت رايحة لاخوها عشان تشوف مصطفى من
بعيد...اصله واحشها اوى . ولما شافها معديه ومعاها سيف ابتسم ابيتسامة حلوة
اووووى
وبصلها جامد كأنة بيسلم بعنيه..هى من كسوفها بصت ناحيته مرة ورجعت بصت قدامها .
==========================
ياسمين بتعيش اسود ايام حياتها، يونس عاملها زى
البيت الوقف ومش مرسيها ع حال ..لا مطلقها ولا هو معاها!
ياسمين: انتى مش هتطلقنى بقى وتريحنى يااخى من
عيشتك دى
يونس: قولتلك طلاق مش هطلق اوك
ياسمين: انت عايز ايه بالظبط..فهمنى
يونس: مش عايز حاجة..انتى الى عايزة يا
سمسم(ببرووووووود)
ياسمين: انا مش هقبل لغايه ماتتجوز عليا يا
محترم وتجيبهالى ضرة فالبيت كمان دى حاجة انا مش هسمح بيها انت فاهم ولما انت
بتحبها اوى كده يااخى ماتجوزتهاش ليه من زمان وريحتنى ومتجوزتنيش؟
يونس: اصل ساعتها كان عمى عايزها تتجوز وكيل
النيابه ده..وفنفس الوقت انا كنت بشتغل مع بابا ومش فاضى ..زى م تقولى لسه ببدء
البزنس بتاعى
ياسمين: عشان كده اتجوزتنى وانت عندك 40 سنة
يونس: وانتى وافقتى ..وبعتى حب عمرك عشان فلوسى!
اوعى تكونى فاهمة انى مش عارف انك حبيتى فلوسى عشان كده بعتى الجربوع بتاعك ..ولا
انك اختارتينى عشان بتحبينى مثلا ! هههه تؤتؤتؤتؤ انا اتجوزتك عشان اعيش شبابى الى
معشتوش بيكى..وانتى اتجوزتينى عشان تعيشى الى معشتهوش فحياتك..جواز مصالح يعنى
..خالصين يا شاطرة
ياسمين:
ياحيواااااااااان والله لاندمك(مسكت فازة تخبطة بيها)
يونس: بتعملى ايه بس بتعملى ايه ..سيبي لحسن
تعورك
ياسمين: طب ع فكرة بقى انا لسه بحب الجربوع
بتاعى الى احسن منك ومن 10 من امثالك وبروح اشوفه من فترة للتانيه وخد الكبيرة بقى
يايونس افندى...انا قتلت ابنك عارف يعنى ايه قتلته نزلت ابننا الى كنت حامل ف
يونس:
يابنت الكلب!!(مسكها وضربها جامد وعورها فوشها) هطلع عينك يازبالة ياربايه الشوارع
هعرفك مقامك وطلاق مش هطلقك وهعرفك ان الله حق
ياسمين وقعت عالارض وعيطت كتير بعد م اتعورت
جامد وتعبت ومش عارفه تستنجد بحد ! مهما اشتكت هيلوموها عشان وقفت قدام
الكل..واختارته!!
========================= ا
امل
مقالتش لمصطفى ع عيد الميلاد الى هيتعمل اخر الاسبوع لابنها عند ابراهيم!! بتتكلم
معاه فيس ومبسوطين زى كل يوم..
امل: بسمع اغنيه لحليم..وانت
مصطفى: لا انا بسمع لعمرو..خلصت فيك كل الكلام
تيررارار يامعلم القلب الغرام تيررا
امل:
هههه رومانسى اوى بقى
مصطفى: انتى شايفه ايه
امل: انا شايفه انى انام...عندى مشوار الصبح
مصطفى: رايحة فين
.
امل: يعنى رايحة اشوف شغل
مصطفى: لا معندناش ستات يشتغلو ياهانم
امل: ههههه والله...
مصطفى: مش يمكن ربنا يبعتلك الى تكونى ملكة قلبه
وبيته وحياته كلها ومتحتاجيش للشغل
امل:
وده فين بقى..الحمدلله انا رضيت بنصيبى كده ،كفايه عليا سيف
مصطفى:(كشر وشاور ع نفسه ههه بس طبعآ هى مش
شايفاه) ربنا يبعتلك الى ف الصالح ويكون ابن حلال يارب
امل:
امين..تصبح ع خير بقى
مصطفى: وانتى من اهله...امل
امل: نعم
مصطفى: مافيش...اصل بحب اسمك
اووووى ♡♡♡
امل
ضحكت وقفلت الاب وحضنته ونامت وحلمت بمصطفى قدامها بيلبسها دبلة فايدها وبيشيل سيف
وبيضحكو كلهم. امل صحيت من النوم وهى مبسووووطة وفرحانة هتبتدى يوم جديد .
.
شافت الشغل فكذا مكان منفعش..ده غير ان امجد اتصل بيها وقالها مينفعش تشتغل
واخواتها موجودين..
.
امجد: انتى ياستى لما نموت اشتغلى ...احنا مش بنبعتلك طلباتك انتى وابنك واخوكى
ابراهيم وابوكى عندك فيهم الخير
امل: بس انا مش هفضل طول عمرى كده...ابراهيم
عنده بنات وانت وهتتجوز فيوم ويبقالك بيت
امجد: امل(بيقاطعها) مش هقعد اقنع فيكى وخلاص
وهتعملى الى قولته عالعموم ..انا مش عارف اخوكى ازاى سابك تنزلى تشوفى شغل امل:
ابراهيم ميعرفش ولا ابوك
...ايمن
بس
امجد:
وايمن عيل جزمة ان سايب اخته تنزل وتتمرمط..شغل مش هينفع وهكمل معاكى بعدين بس
عشان معايا شغل ناو ..سلام
امل:
اوك
امل سكتت ومش عارفه تسمع الكلام ولا تدور رغم ان
ملاقتش شغل مناسب..بس هى عارفه ان كمان ابراهيم مش هيوافق، هى قررت تصلى استخارة
وبعدها تقرر
..
المهم... جه يوم العيد ميلاد..
.امل
مقالتش لمصطفى عليه ولا حاجة مهما كان امل تقيله ومش اى حاجة بتقولها ولا بتبين
انها بتحبه لسه.. الناس اتجمعو وهيطفو الشمع.. امل كل شويه تبص عالباب مستنياه
ومجاش ع امل يكون ابراهيم عزمة ولا حاجة !
وهما هيبتدوا يطفو الشمع...دخل ومعاه 3 علب
كبيرة
مصطفى: لا استنو...كل سنة وانتو طيبين ياجماعة !!
=======================
امل فرحت وابتسمت والاطفال استنو وطلع ابراهيم
يسلم عليه ويرحب بيه ودخل معاهم وجه حظة انه يبقى جمب امل وابنها وهما بيطفو
الشمع! بعد م طفو الشمع وغنو الاولاد كلهم سوا ، ممكن تكون امل بنت ابراهيم هى الى
بتتكلم كويس فيهم عندها 5 سنين لكن سيف بيغنى مكسر وريم لسه مش بتتكلم بس كل شوبه
تدب صبعها فالتورتة وتلحس الكريمة ومامتها تبعدها ادى مصطفى لكل طفل فيهم هديته
..ادى
لامل الصغيرة علبه وفتحتها طلعت جواها عروسه بتغنى وادى لريم مامتها فتحتها طلعت
دبدوبه صغيرة
. ام
عريس الحفلة الاستاذ سيف ...له هدية من نوع خاااااااص .
..
مصطفى: هدية سيف انا ماشترتهاش
ابراهيم: اومال
مصطفى: من يوم م عزمتنى من 3 ايام لحد قبل م اجى
وانا شغال عليها.(فتح مصطفى العلبه طلع حصان خشب صغير جميل بيروح وييجى ومكتوب
عليه سيف، امل شافته وفرحت خالص وجرى عليه سيف راح مصطفى ركبه فوقه وقعد يبوس فيه
امل: تعبت نفسك ليه بس...تلاقى اخد منك شغل جامد
ده
مصطفى:(بيبص جامد فعيون امل شبه سرح ونسى ان
اخوها واقف) تعبكم راحة ..انتى متعرفيش سيف بالنسبة لى ايه
امل:
مش تقول شكرآ لعمو مصطفى (بتكلم سيف)
سيف: ثوكن اوتفى
مصطفى: ثوكن انت يا حبيب اوتفى ..هات بوسة يلا
امل سابت سيف مع مصطفى وسابت هبة وابراهيم
يشكروه عالهدايا وراحت تجيبله حتة من التورتة قبل م يخلصوها الاطفال المعزومة.
بتقدمله الطبق ومكانش حد معاه غير سيف قاعد فحضنه وهو قاعد فالانتريه جوه!
امل: اتفضل
مصطفى: لا انا عايز الى احلى من التورتة
امل: (ابتسمت عشان بيتكلم بصوت واطى) وايه احلى
من التورتة؟
مصطفى:هقولك بليل
امل
اتكسفت خالص وقلبها قعد يدق بسرعة، راحت شالت شويه اطباق من الى فضيت وبدل م
توديها المطبخ...من التوهه دخلت لاودة الاطفال بتاعت البنات!! هبة دخلت وراها وهى
بتضحك..
هبة: مالك يابت ياامل..تايهه ولا ايه
امل: ها...لا ده انا كنت
..
هبة: كنتى ايه هو هنا المطبخ؟
امل: ممممم خلاص بقى ياهبة دماغى مدووشه م العيد
ميلاد...معلش ماخدتش بالى
هبة: هههههههههه ولا يهمك ياختى
امل طلعت وكل م تطلع وتدخل ترمى نظرة لمصطفى الى
مشالش عينه من عليها ...والى كمان خلى اخوها ابراهيم يلاحظ!!
===========================
انهاردة عيد ميلاد مامت سارة... نزلت سارة
تجيبلها هدية من المول..ومعاها امجد. اختارو كذا حاجة واثناء م بيختارو لفت نظر
سارة جلباب كويتى غامق وشيك اوى وييجى طول امجد.
.اخدته
من ايده وجريت شافت المقاس وجابتهوله هدية!
امجد فرح بهديتها الى من غير مناسبه، وابتدا يحس
طبعآ متأخر انها ف اعجاب من ناحيتها بيه..فقرر يرد الهدية فساعتها!
وهما بيلفو وبيختارو لمامتها هدية مناسبه ليها،
امجد لفت نظره طرحة خليجى سودة وشيك اوى . ساب سارة بتختار وراح ناحيه المحل
واشتراها ورجع لسارة تانى
..
سارة: انت كنت فين؟
امجد: لاقيتى حاجة؟
سارة: مش عارفه اختار ايه؟؟
امجد: تعالى عند المرايه دى كده ياسارة
مسكها من ايدها ووقفها قدام المرايه ,... ولبسها
الطرحة ولفها ع وشها سارة لفت وبصتله وهى لابسه الطرحة وبتضحك..وحاطة ايدها فوق
ايده الى ماسك بيها الطرحة
سارة: ايه ده...جميله اوى
امجد: ايه رائيك؟
سارة: جميلة خالص
امجد: كده احلى..متقلعيهاش بقى سارة ابتسمت اوى
وعملت بدماغها اشارة انها موافقه ومرضيتش تقلعها رغم انها لابسه ضيق لفتها ودبستها
...عشان الى لبسهلها امجد
==========================
ياسمين محبوسة.. ومش عارفه تعمل ايه ، اخد منها
الفون والمفاتيح بتاعت العربيه ومخلى الخدم حراس عليها.. ومبقاش يقعد فالبيت كمان.
ياسمين فكرت تقول لحد من اهلها عالى بيحصل وتطلق وتخلص بقى...بس افتكرت ان باباها
عيان وراقد فالسرير بقاله فترة ومامتها مش هتستحمل حاجة زى كده ..
ففكرت فمصطفى تقوله .. مصطفى انهاردة كان محضر
لامل مفجأة بعد العيد ميلاد ، لكن ياسمين خربت الموضوع برسالتها عالفيس انه ييجى
يلحقها بسرعة..وفعلا راحلها البيت ..
مصطفى: يعنى ايه حاصل معاكى ده كله وانتى مش
قايله؟
ايه يقول مالكيش اهل؟
ياسمين: انتو كلكو هتلومونى لما اقولكم وتقعدو
تقولو كان اختيارك من الاول
مصطفى: نلومك وبعدها نفضل جمبك ونقف وراكى ولا
تقعدى كده زى الكلبه فبيته..طب والله العظيم لافرجه هعمل معاه ايه انا مستنيه لحد
م ييجى ومش همشى انشالله اقعد شهر هنا ..هوريه بقى وراكى رجالة ولالاء !
علاء ورحاب عند الدكتور بيشوفو نتيجة الاشعة
والتحاليل الى عملتها..
الطبيب: ممممممممم طيب مبدئيآ انا بكلم دكاترة
يعنى فاهمين انا هقول ايه
علاء: ف ايه يا دكتور؟
الطبيب: بصى يادكتور علاء هو ف ورم فالرحم !
رحاب: ورم؟
الطبيب: لازم نعمل عينة الاول نشوفه حميد ولا
خبيث وبعدها ناخد الاجراءات اللازمة
علاء مسك ايدين رحاب وهى قاعده قدامة وبص
للدكتور بعيون كلها دموع.. : طب احنا هنعمل العينة دى دلوقت وهنجيب النتيجة
لحضرتك.. اوك
الطبيب: علاء اصبر الدنيا مطارتش
علاء: لا انا هوديها المعمل الى انا بشتغل ف
النتايج بتطلع بسرعه عشان عايزة اطمن
الطبيب: انشاءالله هنطمن..اوك لو النتيجة هتطلع
فساعتين..انا فاتح العيادة لبعد نص الليل عندى حالات ولادة انهاردة...مستنيك
يادكتور
علاء:
اوك يادكتور .. خرجت رحاب وماسكها جامد علاء وباس ايدها فالشارع وحاسس انه مش خير
، بس سبحان الله رحاب نفسها العيانة !! صابرة جدآآآ
رحاب: المؤمن مبتلى يا علاء..ان الله اذا احب
عبدآ ابتلاه
علاء: ونعم بالله ربنا يارب يجيب العواقب سليمة
يارب
رحاب: انا هدخل اعمل العينة دلوقت...اذكر الله وادعيلى
علاء:
مش بنساكى ياحبيبتى ..ربنا معاكى يارب طلعت رحاب واستنو النتيجة ع اعصابهم .
..رحاب
هادية ومش مبينه انها هى كمان خايفه..لكن علاء مش قاعد ع حيله خالص، رايح جاى م
الصبح.. طلع الدكتور زميل علاء ومعاه النتيجة! علاء: خير يادكتور طمنا؟!
==============================
#أمل_بكرة
#بقلمى_نوراسماعيل
استنونا
فحلقه بليل س 10 J
ليست هناك تعليقات:
إرسال تعليق