ღ•انــا ابقـى مرات حضرته !•ღ الحلقة الثامنة ( الجزء الثانى من لسه اجمل يوم مجاش )

شيرين!
تلك الصاروخ الديناميكى زى ما قال شيريف، اخدت بالها من الكورس الى القاه وسام جدآ ومن كل كلمة فيه.
واخدت بالها من حاجة مهمة جدآآ، انه بيحب الاكلات الى فيها شيكولا!

اصله وهو بيشرح كان بيقول انه اكتر مرة عميل عصبه فمكالمة للخدمة حب ينسى الى حصل ويغير من موده .. اكل شيكولا وسمع مزيكا بيحبها عشان يقدر يكمل بقية اليوم.

وخدت شيرين الحتة دى نقطة لصالحها ، وابتدى المشوار:..

شيرين: (ماسكة علبه شيك فايدها ) صباح الخير يا وسام

وسام: صباح النور

شيرين: انا حبيت انهاردة نفطر سوا من عمايل ايدى 

شريف ناقرها من اول م قامت من ع مكتبها ، وقام وراها عند وسام..

شريف: ازيك يا شيرين

شيرين: اهلا ياشريف
شيريف: ايه الى فالعلبه ده ..ها ؟ سبوع ابن اختك؟!

شيرين: (بترد بغلاسة ) نكته سخيفه ع فكرة
ده برفترول انا عملاه بايدى وعرفت من الكورس ان وسام بيحب الشيكولا
فقلت نفطر سوا

شريف: ايوا بقى ، ايوا بقى ! بروفترول وحركات كان ف واحدة قبلك بتفطرنا محشى كرنب.. كان اسمها رمضان 

شرين: هههههه اسمها رمضان ازاى يعنى 

وسام: ميرسى يااستاذة شيرين، اتفضلو افطرو انتو انا ماليش نفس

شيرين: استاذة شيرين ! هو احنا مش زمايل عادى ولا ايه
ليه بتقولى يااستاذة .. مانت بتقول لشريف يا شريف عادى 

وسام: شريف صاحبى ( بيبصلها وهو مخنوق منها )

شرين: وهو مينفعش نكون اصحاب ولا ايه ؟

وسام: ( التفت لجهازة وحط الهيد فون ) انا عندى شغل ، مرة تانية نبقى نفطر سوا يااستاذة 

شيرين اعتبرت رد وسام قله ذوق منه ! وكانت هتطق فالوقت الى شيريف افندى عينه مش متشاله من عليها .. فقررت تغير خطتها 
والهدف واحد !

=========•••=========

وهو طالع من شغله زى كل يوم .. لقى مى فوشه !

وسام: مى .. انت هنا من بدرى

مى : لا انا عارفه انك بتخلص دلوقت فقلت الحقك ع طول كده

شيرين خارجه وبصت لقت وسام معاه واحدة .. خمنت ان دى خطيبته

وسام: فيكى الخير والله ، انا مهلوووووك وعايز اشم هوا مع حد 

مى : لا وانا عاملالك مفجأة بنت لذين ..
مى استلفت الموتوسيكل بتاع سامح قصاد عربيتها شوية نوع من الخروج عن المألو ف والجنان برضو وعايزة تفرفش وسام .

وسام: انتى جيتى من الشغل سايقه موتوسيكل!

مى : اه

وسام: وانت محجبة ! طب ده ينفع؟

مى: اولا انا لابسة لبس واسع ومحترم ويليق بركوب الدراجة البخارية 

وسام : الدراجة البخاريه ! مممم وبعدين 

قاطعتهم شيرين وجت ناحيتهم ..
شيرين: هااااااى اكيد انتى خطيبة وسام ؟!

مى بصتلها كده وقالت فسرها : مين السحليه دى )

مى : ايوة انا 

شيرين: ماشاء الله زى القمر ، لا يا وسام عرفت تنقى لايقين ع بعض

مى: مين دى يا وسام ..زميلة ابتدائى ولا حاجة 

وسام: (مسك نفسه من الضحك ) هههه لا دى زميلتنا الجديدة مكان منى .. الاستاذة شيرين

مى : ممكان منى ! سبحان الله 
اهلا وسهلا (بغلاسة )

شيرين: سورى بس كنت حابة اسئلك ع حاجة 

مى : افندم (بتناكة وشبكت ايدها فدراع وسام )

شيرين: انتى محجبة جديد صح

مى: اها
شيرين: اصل الطرحة مش ملفوفة بشياكة خالص .. شكلها رخم اوى ع وشك
انا عندى واحدة صاحبتى عندها كوافير ف قسم محجبات .. بتعلم طرق اللفات الجديدة .. بجد هتفيدك ( بابتسامة رخمة )

مى: ( بتتكلم بتريقه وصوت مضحك ) والله ! مع ان وسام لما شافنى قالى يخربيت جمالك .. ايه القمر ده
مافيش حد بيعمل طرحة زيك
وانا كنت عايزة اقلعها وازغرد جواها من الفرحة  ، 

انا بقى انصحك انك تغيرى قصة شعرك .. عند صاحبتك بردو
اصلها قصة من سنة 90 بتاعت يلا يا اصحاب بينا نشهر بينا نفرح 

شيرين اتغاظت اووووووووى من كلامها : 
شيرين: اوك هشوف (هزت راسها بغلاسها ) nice to met you

مى : me to

مشيت شيرين .. قامت التفتت مى لوسام 

م : مين باربى دى ؟! 
وسام: زى م قولتلك ، بنت سخيفه كده يلا ربنا يصلح حالها

مى : بس شوفت حرقتلك دمها يابيبى ، قال انا وحشة فالطرحة قال
والله هى شبه ممثلات مسلسل الجرئ والجميلات بتاع زمان ده .. يخربيت تقل دمها 
وسام: خلاص بقى سيبك منها ... هنروح فين ؟!

مى: (عملت بايدها مسدس وحصته فصدر وسام ) سلم نفسك ومتسألش 

وسام رفع ايده وضحك وركب الموتوسيكل وهى وراه وانطلقو الى حسب المكان الى قالت عليه مى ..

وصلو هناك وكانت فاستقبالهم " مريم " الديزاينر لفرحهم " وصاحبة مى كمان .

مى: هااااااااااى مريومة (بنحضنها )

مريم: ايه ده (بوش جميل ومبسوطة ) ايه القمر ده مبرووك

مى : ع ايه ؟
مريم: عالحجاب 

مى : اه ميرسى ربنا يخليكى .. (بتعرفها ع وسام ) وسام خطيبى فخدمة فودافون يعنى لو عايزة اى استسفار ببلاش ههه ،

مريم صاحبتى يا ويسو ديزاينر

وسام: اهلا وسهلا ..

مريم: اهلا بيكم .. اولا مبروك عالخطوبة .. ثانيآ عقبال الفرح الى انا بردو هعمله 

مى : مش لما نشوفك هتعرفى تعملى حاجة جامدة ولالاء

مريم: بصو هعملكم حاجة وااااااااااااو والناس كلها هتقول ماشوفناش احلى من الفرح ده 

وسام: خير ان شاء الله الله المستعان 

مريم: مالو العريس مش فاكك ليه ، انا عارفة ان الارتباط بمى مش سهل .... هههههههه

مى : مريم بقولك ايه متغلسيش بيحبنى وبيموت فيا كومان .. انبطى بقى 

وسام: لا عادى والله 

مريم: هههه اوك يا ستى ربنا يخليكم لبعض .. دى القاعة الى انا بشتغل تبعها تمام

ال2 مع بعض : تمام

مريم: بس مى بتقول انها حابة تعمل حاجة جديدة خروج عن المألوف 

وسام: بس مش اوى يعنى لانى انا مبحبش الاوفر

مريم: هو واضح كده ان العريس عاقل جدآ هيرتبط بيكى يا شعنونة 

مى : اسكتى ده انا هجننه !

مريم: ههههههه اوك
(بتفكر ) ممممممم طب ثوانى اعمل تليفون وارجعلكم ..

راحت مريم وجت ..

مريم: لاقتها !

وسام ومى : ايه؟!

مريم: فرح .. بالنهار .. مش فقاعة
يخت فالنيل، اغانى وموسيقى هادية !

ها ايه رائيكم !

مى ووسام بصو لبعض .. ومعرفوش يردو 

مريم: يبقى موافقين .. ندخل ع المرحلة التانية بقى ..
وسام: هو لسه ف مرحلة تانية ؟!

مريم: استنى يا عريس... ده هيبقى فرح جنااااااان !! 

وسام: مم مش صاحبة مى ... اكيد هيبقى مورستان 

=======•••======

شريف وامنية كانو سوا خارجين .. بيغيروا جو 
وفنفس الوقت بتبص امنية ع فساتين عشان تختار واحد تحضر بيه فرح مى ..

شريف: يعنى مكفكيش لف ع كل المحلات دى 

امنية: كل الحجات موضة وكل حاجة بس معجبتنيش

شريف: ممم .. طب انا مليت
امنية: خلاص تعالى ناكل فحتة 

راحو مطعم ...

امنية: ايه ياشريف ساكت ليه ؟ غريبة يعنى 

شريف: مافيش باكل، يعنى أكل ولا اتكلم ؟

امنية: لا ياسيدى كل .. بس انت مافيش حاجة بتوقفك عن الرغى يعنى 

شريف: قررت انهاردة ياستى اتقك من الرغى شوية 

امنية: مالك ياشريف بتتكلم كده ليه ؟

شريف: مافيش .. الاكل طعمه وحش

امنية: طب اطلب حاجة تانية 

شريف: لا... خلصى انتى اكل ويلا عشان نمشى 

امنية استغربت شريف فموده الغريب ده ... بس كملت اكل وهى ساكته لانها مش عايزة تتخانق !

=========•••======

كام يوم بيعدو ع ترتيبات الخطوبة وبيعملو كل تعليمات مريم بالحرف .. دى حجات غيرت من مود وسام شوية 
بس مى بتفكر فحاجة تسعده اكتر من كده .

استنت وقت يكون ف مع شريف برة فالبلياردو زى م قلها قبل ما يخرج .. ولبست واتشيكت وخبطت ع باب شقة وسام .

ليلى: مى ! تعالى 

مى: ازيك ياليلى ، عمو هنا؟

ليلى : اه .. ادخلى 

مى: طيب انا هقعد هنا وانتى نادية 

ليلى: اوك

نادت خالها من جوه .. بعد ماجت مامة وسام يلمت عليها ..

الاب: اهلا اهلا يا مى يابنتى 

مى : ازيك ياعمو اخبار صحتك ايه ؟

الاب: الحمدلله .. نحمده ونشكر فضله

مى: طويب.. انا عايزة حضرتك فمشوار مهم
تلبس وتتشيك عشان منتأخرش

الاب: خير يابنتى 

مى: متستعجلش ياعمو 

الام: ههههه يمكن عايزاك فحاجة ضرورى ياعاصم 

الاب: حاضر .. ادينى 5 دقايق البس وجايلك

ليلى بتميل عليها بخبث : هو ف ايه ؟

مى بتغمزلها يعنى اصبرى ..

مى خدت بابا وسام وانكشته ونزلت بيه واول مركبو عربيتها ...

مى : اخر مرة رحت سينما امتى ياعمو ؟

الاب: سينما ؟!

مى: اخر مرة رحت ملاهى امتى ياعمو ؟

الاب: ملاهى !
انت موديانى فين بس

مى: اخر مرة ركبت فلوكة فالنيل امتى ياعمو ؟

الاب: ههههههههههه

مى: اخر مرة اتصورت مع مزة امتى ياعمو ؟

الاب: حيلك عليا يابنتى ههههههه

مى: سلم نفسك ياعمو ... يلاااااااااااااا

طلعت مى بأقصى سرعة وخدت بابا وسام وطلعو ع سينما فيلم كوميدى اجنبى ومنها عالملاهى ركبته وضحكته وخلته ينبسط من قلبه، وبعدين اخدته واكلو فمطعم اكلات خفيفة عشانه وهى اتظاهرت انها بردو بتاكل الحجات دى عشان ميحسش بنقص.. وبعد كده ركبو مركب فالنيل وفضلت توقف فوقيها وتتصور وتتصور معاه وهو يضحك ويطبطب عليها ... وبعدين نزلو وقعدت تحكيلو عليها هى وصغيرة ومقالبها فولاد عمها وسهر اختها وانها كانت شقيه ازاى .. وانهم كانو مسمينها سوكة عشان مبتلمش شعرها ابدآ  

بابا وسام مكانش بيقفل بُقه من الضحك .. والوقت عدى وهو مبسوط وكانت مى مبسوطة انها شايفاه بيضحك.. وبعد كده روحو وطلعو فوق .. كان وسام جه وبيرن ع مى بس هى كانت قفلاه عشان محدش يعرف هما كانو فين ولا يعكنن عليهم ..

داخل البيت بابا وسام ومى وراه وهما لسه بيضحكو .. لقوهم مستنينهم !

وسام: كنتو فين ؟!

الاب: (بيقول وهو مبتسم ) البنت دى اوعاك تسيبها ... ربنا يخليكو لبعض
رجعتنى 30 سنةوراه 

الام: ( عوشها شبح ابتسامة ) انتو كنتو بتعملو ايه برة قلقتونا ؟

مى: ابدآ.. خرجت انا وعمو وعملنا كل حركات 2 مراهقين بيحبو بعض وغسلت قلبه من الهموم وجينا .. بس !

ليلى :وسام فعلا كان لازم يرتبط بواحدة رايحة منها زيك كده 

وسام: (ابتسم وباس راس باباه وبعدين بص لمى ) شقلبتى حالى يابنت اللذين !

بحبك