رضوى: ابلة امنية انتى بتعيطى ؟
امنية: لا خااالص (بتمسح دموعها) انا تمام اوى .. يمكن دى اكتر مرة كنت مبسوطة فيها (بتضحك والدموع فعنيها)
والله العظيم انا كويسة خالص
وسام: (وهو متدايق) طب يلا بينا .. اركبو
امنية: انتى هتروحنى يا وسام ؟
وسام: اه هوصلكم الاول .. ليه ؟ عايزة تروحى حتة
امنية: لا ده سؤال عادى .. يلا بينا
وهو ماشى بالعربية ..
امنية: ممكن تستنى هنا يا وسام
وسام: عايزة تقعدى عالكورنيش؟
امنية: مخنوقه ومش عايزة اروح البيت كده
وسام: حاضر
نزلو يقعدو عالكورنيش، وهما قاعدين قامت امنية فتحت شنطتها وقعدت تتفرج ع صورة لشريف حطاها فمحفظتها راح الهوا مطيرها نايحة العربيات
قامت هى ناحية العربيات تجيبها .. وقفها وسام
وسام: خلاص سيبيها هتجيبها ازى .. يلا بينا ياجماعه
امنية : (معيطة ) لا هجيبها ياوسام
وسام: (يابنتى مينفعش
امنية: معلش سابونى براحتى .. هاروح اجيبها قبل م تبعد اكتر من كده
راحت امنية ومكانش قصدها الصورة.. ع اد م كانت عايزة ...
تموت !!
وعملت نفسها بتجيب الصورة .. وهى فالحقيقه كانت مستنيه اى عربية تيجى تصدمها وتخلص.
وسام راح ناحيتها بسرعة هو ومى لانهم شايفنها من بعيد ،
وسام: انتى ايه بتعمليه ده ؟ اتفضلى يلا بينا اروحك
امنية: (منهارة) سيبونى اموووووت انا عايزة امووووت
مى: (بصوت عالى ) تعالى هنا .. مين ده الى تموتى عشانه . ده حتة شوز ولا يسوى البسه فرجلى اسبوعين!
والله انتى الكسبانه مليون مرة كمان
كده احسن. ان شاء الله بكرة ربنا يكرمك بواحد يعرف قيمتك ويحبك وميخونكيش خالص
امنية: انا مش عايزة اتنيل تانى !! كفاية مرة
وسام: خلاص ياامنية يلا بينا لان تقريبآ الناس بتتفرج علينا
امنية ركبت العربية وهى منهارة من العياط ومش متخيله الى شافته ولا الاحساس الى عاشته انهاردة
كان نفسها تنام وتصحى ع انه كابوس ، بس يا خسارة
دى حقيقة !
مى اخدت امنية وطلعتها بنفسها لفوق ودخلت واطمنت عليها ومتكلموش كلمة مع حد
كانت رضوى بتحكى الى حصل لمامتها ..
لكن مى كانت جمب امنية .. بتمسح دموعها بايديها وبتنيمها فسريرها ، وبتطبطب عليها
حتى الصور الى فالاوضه بتاعتها الخاصه بشريف.. طلعت وخلعتهم وخدتهم معاها
وهدت لها النور وقفلت الاوضه ... ومشيت
ووصت اهلها محدش يكلمها انهاردة عن اى حاجة لحد م تهدا.
ونزلت لوسام الى كان مستنيها تحت.. وبجد كان زعلان عليها
رغم ان السبب صديق عمره ، بس هى بنت.. واتظلمت!
========•••======
وتانى يوم ع طول مى م استنتش واخدت امنية عندها فشقتها عشان تحاول تفك شوية .
قعدت معاها اول يوم وبعدين بقت تنزل الشغل عادى وتسيبها فالشقه.. نوم متوااااااااصل مش بتصحى
مش عايزة تشوف حاجة ، بتهرب من حقيقه اليوم عشان يخلص وييجى الى بعده
وهى لسه نايمة بردو
وفالمكتب .. كان الحوار ده :..
غادة: والله صعبانه عليا اوى مونى ، مين يصدق ان كل ده يحصل
مى: ( بتشتغل ) هى كان قلبها حاسس من الاول
منة: اساسآ شريف والى زيه مالهمش امان (بتلقح ع مى ووسام )
مى: فعلا .. ربنا يهد كل حد زيه .. ويهده
ويهد الى بيفكر يخرب مابين 2 بيحبو بعض
غادة: اللهم امين .. يوقع كده تنقطم رقبته
دخلو سامح وممدوح عليهم ..
سامح: ياساتر يارب ، ده مين الى بتدعو عليه عالصبح ده
غادة: اهو واحد وخلاص.. جبت السى ديهات ؟
ممدوح: جبناها اهيه (بيديهالها)
منة: قلبى معاكى يا مونى اد ايه حاجة صعبة عالواحدة
انها تنخدع فحد بتحبه .. ولا ايه رائيك ياسامح؟
سامح: (بيحط ورق جوه فولدر ) اه طبعآ، يلا ربنا يكرمها بالاحسن منه
منة: ع فكرة انت جدع ياسامح لانك مش ارتبطت لحد دلوقتى ، الارتباط وجع دماغ بصراحة
سامح: ليه بتقولى كده يامنه ؟ (سرح فالجملة الجايه) ده الارتباط احلى حاجة فالدنيا
بيبقى ف حد تطمنى عليه ويطمن عليكى
حد واخد باله من نفسه عشان فحياة التانى
غادة: الله الله ده الاستاذ سامح بقى شاعر وبيقول كلام يوزن دهب اهو
مى: شكله بيحب (بتغمز لغادة)
منة: ايه ده ؟! الكلام ده صحيح
سامح: هو كل من قال كلمتين كويسين عن الحب .. يبقى بيحب
مش يمكن حب ولا طالش
ممدوح: مثلا
سامح: وبعدين انا معنديش وقت احب.. انا بفكر اسافر ع فكرة
منة: رايح فين مش كفاية غياب امنية .. انت كمان هتغيب
سامح: لا مش اغيب .. امشى خالص
اسافر برة مصر
مى: ممممم واضح ان الاخ سامح عمل خميرة حلوة من المكتب ورايح يستثمر فلوسه فسويسرا
ممدوح: ههههههه حلوة دى
سامح: والله ي اخت مى منكرش انى عايز ابتدى بداية عمليه فبلد جديدة
وحاجة تانيه بستئنف فيها حياتى
غادة: سيبنا الحب وقلبناها محاكم وقضايا واستئناف
منة: طب والناس الى هنا .. الى بيحبوك (بسهوكة)
سامح: انا بفكر.. مش اخدت قرار خلاص يعنى
مى: ياسيدى عالعموم كل حد عايز يعمل حاجة يعملها وميقلبش دماغنا احنا مش ناقصين
خرجو سامح وممدوح من الاوضه ..
غادة : اقطع دراعى ان مكان سامح بيحب
مى: ممم وانا شاكة فكده برضو يابت يا ضوضو
غادة: ههع هع عيب يا ميمو
منة: ياسلاام! طب اكيد يعنى
بيحبنى انا طبعآ
غادة ومى بصو لبعض كده باستهزاء من كلام منة !
غادة: اه اه .. يلا نشتغل يا جماعة واحنا عاملين زى موظفين الحكومة كده
شوية واجيب بامية اقمعها
مى: اوك يا طنط بامية..اشتغلوااا
غادة: اوكشات
========•••=======
بابا وسام ... ابتدى جسمه يضعف من الكيماوى
والادويه
وشعره كمان ابتدا يوقع
مامت وسام كانت بتديله الدوا وقعدوا يتكلمو سوا ..
الام: بالشفا يارب
الاب: تسلمى ياام وسام .. تعبتكم معايا
الام: احنا كلنا هنا لراحتك انت ياعاصم .. اهم حاجة ربنا يكمل شفاك ع خير
الاب: هى ليلى فين ؟
الام: راحت الجامعه بتاعتها .. مش عارفه تستعين بحد من دكاترتها فحاجة مش فهماها فالرسالة بتاعتها
الاب: اه
الام: زمانها جايه .. عايز منها حاجة؟
الاب: لا بتطمن عليها ... نفسي اطمن عليها هى كمان قبل ...
الام: بعد الشر عليك ، ان شاء الله ربنا هيطول فعمرك وتجوز وسام وتجوزها
وتفرح بولادهم ياعاصم
الاب: يارب .. هو وسام المعاد الى قايل عليه لابو مى بتاع زفافهم امتى ؟
الام: فاضل شهر ونص ع فرحهم .. ليه ياخويا
الاب: بتطمن عليه ، مبلحقش اشوفه اليومين دول
ولا اتكلم معاه
الام: بيجهز ياخويا فشقته عقبال شقة ليلى ان شاء الله
بييجى كل يوم مهلوك
ويدخل ينام
الاب: كان الله فعونه .. الواد ده شقى كتير فحياته
الام: اه والله ربنا يسعده .. صعبان عليا
كل م يفرح يطلعله فالخرابة عفريت
الاب: (اذان العصر بيدن) ساعدينى اروح الحمام اتوضا للصلاة
الام: حاضر
راح اتوضا ورجعت وبتدية المصليه ..
الام: (مسكت قلبها مرة واحدة) اللهم اجعله خير يارب
الاب: مالك
الام: قلبى انقبض مرة واحدة كده مش عارفه
الاب: جيب العواقب سليمة يارب
========•••========
فترة خصام اول مرة تحصل !
مابين شريف ووسام من ساعة م اتصاحبو .. وقت طوييل عدى وهما لا بيسألو عن بعض
ولا بيكلمو بعض فالشغل حتى .
وفمرة استثنائية ..
كان وسام فالطرقه راجع من ال w c
ووقفته شرين..
شرين: ايه يا وسام ؟ مالك
مش بتكلمنى لا انا ولا شريف ولا بتصبح.. هو حصل حاجة منى دايقتك
وسام: (بيحاول يقفل عشان يمشى ) مافيش عن اذنك
شيرين: كل ده عشان هرتبط بشريف يا وسام ؟ هو حرام عليا يعنى
وسام : (رجع لها) وهو ده ينفع يعنى ؟ اذا كنتى انتى مقبلتيش جوزك يتجوز حد تانى او يعرف حد غيرك ورفعتى قضيه وسيبتيه
اومال هى الى كانت بتحب خطيبها وبترسم خطة لجوازهم وتيجى انتى ...
شرين: (قطعته) يعنى انا كنت ضربته ع ايده لما جه وقالى انه بيحبنى وانه عايز يرتبط بيا انا
وسام: حتى لو قال .. انتى مش ممكن توافقيه
يابنت الناس متبنيش سعادتك ع تعاسه غيرك
عمرك م هتكونى مبسوطة كده
انا هسألك سؤال وتجاوبينى وبعدها انا مش عايز منكم اى حاجة
شيرين: اتفضل
وسام: انتى بتحبى شريف ؟
شرين: (ارتبكت) مع الوقت ...
وسام: مع الوقت ايه ؟ ها
يعنى مش بتحبيه وخدتيه من خطيبته..
شرين: انا ماخدتش حد من حد .. ويعنى كنت عملت ايه لما الى بحبه منطقش
خلاص شريف ينفع !!
المناقشة بتبتدى تسخن... والصوت هيعلى فالطرقه
وعمنا شريف كان طالع من تحت ووقف عالسلم لما سمعهم ... بيتصنت
وسام لما سمع اخر جمله ارتبك.. هو مش غبى هو عارف انها بتحبه
وسام: متغيريش الموضوع
شرين: لا هو ده الموضوع ، قعدت احب فشخص 4 سنين وفجأة مشى من حياتى واتجوزت غيره بالغصب والضرب
شريف واقف عالسلم بعيد سامع وشايف راح اتفاجئ بالكلمة : (اتجوزت !! )
شيرين: ولما حاولت ارجعله ملاقتوش.. بس لاقيتك انت يا وسام
انت الى لو جبت اى حد هيقولى حتة وانقسمت نصين من حبيبى ده
الشكل... الشخصية
حتى صوتك
حتى ارتباكك لما اقولك حاجة
كل حاجة فيك هو ... تعرف انى عارفه انه مالوش تؤام كنت صدقت انك اخوه
وسام: انتى مجنونة ! انتى لازم تتعالجى
الى بتقوليه ده هبل
شيرين: هبل عشان بحبك !
وسام: وشريف الى خلتيه يفسخ خطوبته واتسببتى فانهيار عصبى لخطيبته
وحالة عامة من النكد ده يبقى ايه
شيرين: اهو اى حاجة اعيش بيها حياتى وابتديها مع شاب فسنى بدل العجوز المكحكح الى خلى حياتى جحيم
وبيحبنى
وسام: كل مرة يعنى هترتبطى فيها ، لازم يكون فيها مصلحة
مينفعش نمشى الحياة ساهلة زى ماهى كده
شريف: (بصوت واطى) عجوز مكحكح.. كل مرة ترتبطى ؟!
ده انا طشط بقى ؟
شيرين: (هتبدى تعيط) ارجوك يا وسام سيبنى فحالى فعيشتى الى انا حباها تكون كده
وان كان ع صاحبك فهو مبيحبش خطيبته لانه من اول م شافنى وهو هيموت عليا
اوعى تكون فاكر انى مش فاهمة !
الست بتحس بالراجل الى بيحبها بجد
بس الى مش فاهماه بجد... اعمل اكتر من كده ايه عشان تحبنى انا يا وسام
مى فيها زيادة عنى
وسام: لولا ياشيخة ان ربنا نزل فكتابه الكريةم " ليس عالمريض حرج" كنت رزعتك قلم فوقتك من جنانك ده
وشطانك الى مسلسل عقلك ودماغك للدرجة دى
شرين: انا مش زعلانه اضربنى !! اضربنى بس خليك معايا
انا بحبك اكتر من مى والله
وسام: اييييييييييه انتى مبيد حشرى .. كل علاقه عاوزة تفشكليها
لمجرد قصتين فحياتك فشلو .. مى مراتى يستحيل اشوف غيرها مهما حصل
وانا الاول كنت مش مرتاح لك ولما عرفت قصتك صعبتى عليا
لكن اتضح لى دلوقتى انك افعى كل الى يقرب منك عايزة تسميه
شيرين: وسام! انا مش هعمل حساب لمكان شغل ولا ناس وهقولك
تقبل عرضى ف انى ابقى مراتك
ولو يوم واحد؟!... ارجوك
وسام: والله بجد انتى فعلا مجنونة ، والواحد يشفق عليكى
وع المتخلف الى مصدقك وهيتنيل ويتوحل ويتجوزك
شيرين: بقولك ايه ؟! ملكش دعوة بشريف
اوعى تقوله حاجة
شريف جه من بعيد بهدوووء وفجأة قال ..
شريف: الجردل جه!!
وسام وشرين اتفجأو بيه .!
شريف: يعنى انتى طلعتى متجوزة .. ومكحكح ومش عارف ايه
والى زاد وغطى بتحبى صاحبى عشان شبه حبيبك
وطلعتى مجنونة ومناخوليا
شيرين: بقولك ايه انت كمان .. انت مش حاجة فحياتى عشان تقاضينى
شريف: لا ازاى ؟ انا جردل
انا مغفل
ازاى مش حاجة فحياتك
هيهيهيهي ، انا ضحكت ع نص بنات مصر
تيجى واحدة زيك تضحك عليا
شيرين: انا مضحكتش عليك يا شريف ، انا الى مسمعتش ظروفى وكنت بترشقلى فكل مكان اروحه
شريف: بقى انا بحبك وانتى بتحبيه وهو بيحب واحدة تانيه وشغالين دوخينى بالمونة ورا بعض
وسام: احنا زودناها والزملاء بيتفرجو علينا .. خلاص قفلو عالموضوع وبعدين نتكلم
شريف: لا استنى يا ساحبى ! انت دورك جاى
وسام: بقولك ايه ياشريف .. انا مش ناقص جنانك وحياة ابوك
شريف: تعالى يا انسة شيرين كده
خدها من ايدها ودخلها جوه ..
يا اساتذة يا زملاء يا موظفين .. خدو بالكم معايا لو سمحتم
الموظفين انتبهو !!
شريف: معلش يعنى .. كنت عايز اقولكم حاجة عن الانسة شيرين
جه السوبر فايزر من بعيد..
سوبر فايزر: سكران ياشريف ولا ايه ؟ اتفضل معايا
شريف: لا والله مش سكران .. كنت عايز انعنش جو الشغل وافرفش الزملاء
واقدم فقرة عن الاستاذة شيرين كعب الغزال هههههههه
سوبر فايزر: كده!! طب تعالى معايا انت متحول للتحقيق
شريف: اصل انت مش فاهم حضرتك ..ههههههه اصل انا ووسام كنا بنتخانق ع شيرين وكده
مين بيحبها اكتر
الموظفين بدأو يهمسو لبعض بالكلام ..
وسام: ايه ياشريف السخافه الى انت بتقولها ده ، انت اكيد لسعت ولا جرالك حاجة
شيرين: انت متخلف ع فكرة ..(مشيت بسرعه وخدت شنطتها وطلعت وسابت الشغل)
الديركتور: ايه ده ايه ده ! ايه الى بيحصل هنا ده
السوبر فايزر : استاذ وسام واستاذ شريف ! اتفضلو انتو الاتنين متحولين للتحقيق
وسام: حضرتك انا بجد ماليش اى طرف فالموضوع ده
السوبر فايزر: خلاص يا وسام اتفضل قول فالتحقيق الكلام ده
الديركتور: ايه .. قلبناها من شركة لخاطبه ولا ايه
2 من الموظفين يتخانقو ع زميلتهم هنا؟
فالشغل
دى بقت سويقه مش شركة محترمة
اتفضل يا استاذ يا محترم منك ليه ..
شريف ووسام اتاخد لمكتب المدير وهيتحقق معاه بسبب تصرفه ده.. ، وشيرين مشيت من غير استئذان ولا اى حاجة
وممكن ترسي ع فصل
ربنا يستررررر
جميلة تسلم ايدك (لبنى )
ردحذف