بعد التحقيق مع وسام وشريف ،
رجع وسام البيت وهو مخنوق ومتدايق لانه اتظلم فحاجة مالوش يد فيها
وهو داخل كان ع وشه باين الحزن .. استقبلته مامته من ع الباب.
الام: ايه يا حبيبى جاى بدرى انهاردة
وسام: (ابتسامة سخريه) مافيش ياماما حاجة عادى
الام: لا انت فيك حاجة يا وسام ! هو انا هتوه عنك يابنى
وسام: (عمل بأيده لفوق يعنى مافيش فايده)
الام: يووه؟!
دخل وسام عند باباه الاوضه ..
وسام: ازيك يا بابا ، عامل ايه انهاردة
الاب: الحمدلله يابنى فنعمه
وسام: يارب دايمآ فالخير
الاب: مالك يا وسام يابنى
الام: جاى بدرى من شغله ومكشر ومش عايز يتكلم
وسام: مش كده يا امى مش عايز اشيلكم همى
الام: ماتتكلم يا وسام قلقتنى
الاب: بالراحة عليه يا ام وسام
وسام: مافيش يا امى .. اخدت جيزه 3 ايام من الشغل
قاعدلكم (ابتسم)
الام : (خبطت ع صدرها) يالهوى!! ليه
وسام: عادى يا ماما هرجع بعد 3ايام الشغل هما بس هيتخصمو من مرتب الشهر ده
وانا والله مش ناقص
الاب: طب وايه السبب يابنى ؟ عملت مشكله فالشغل
وسام: والله يابابا ماليش يد فحاجة ، شريف الله يسامحه
الام: طب ادخل خد دش وغير هدومك وانا هحضر الاكل تكون ليلى جت عشان نتغدى
متحطش فدماغك
وسام: كله عالله .. عن اذنك يا بابا(بيبوس ايده)
=========•••=========
وتانى يوم ..
امنية رجعت الشغل بعد غياب فترة بس بقت احسن شويه ..وكلهم مبسوطين انها قامت وبقت اقوى.
غادة: ايوة بقى يا مونى فوقى وصحصحى .. الحياة مش هتقف ع راجل يابنتى
امنية: فعلا! ع اد م حبيته بجد اوووووى ع اد م كرهته
وان شاء الله هثبتله انى من غيره هعيش وابقى احسن
مى: اصلا شكل ربنا خد حقك يابت يا مونى
امنية: ليه ؟
مى: حصلت مشكله معاه وواخد جيزة شهر من الشركة ، والكلب جر ويسو حبيب قلبي فالرجلين واخد هو كمان 3 ايام
منة : غريبة! ايه الى حصل معاهم
مى: ويسو بالعافيه قاللى الكلمتين دول بليل ، وقالى بعدين هيفهمنى
بس انا بعد الشغل هروح له البيت اقعد معاه شويه واشوف ف ايه وهرجعلكم بتفاصيل جاااااااامدة
غادة: ربك يمهل ولا يهمل
منة:(بحقد) بس يارب وسام يقولك الحقيقه
مى: ليه وهو وسام بيكدب يا منة ولا ايه ؟
منة: لا .. مش قصدى بس ممكن يكدب كدب ابيض لو الموضوع ليه علاقه بست يعنى
غادة : (خدت بالها من تسخين منة ع مى ) منة منة منة ! روحى للعيال جوه قولى لسامح يجى بسرعه جهازى حصله وش
منة: طيب (قامت)
مى: (بتبص بغيظ ل منة) هى منة مش هتبطل دور الانبوبة المنفسه فحياتى ولا ايه ؟
بتحولنى فثانية وحياة ربنا
امنية: متحطيش فبالك اكيد مش قصدها
مى: ولا قصدها ! انا بليل هعرف كل حاجة من ويسو
لا يكون ليه علاقه بواحدة ست فعلا .. اصل وسام عمره م عمل مشاكل فشغله
غريبه دى
غادة: متخليش دماغك تروح وتيجى ..ياخبر بفلوس
مى: بعد شويه هيبقى ببلاش..
خلصت مى الشغل وطلعت ع شقة وسام ..
وسام : (بيفتح الباب) تعالى يا مى
مى: ايه يا ويسو يا حبيبى قلقتنى عليك
وسام: ادخلى طيب ..
دخلت وقعدت ..ووسام بدأ يحكيلها الى حصل ..
مى: شراين!! عليها وعاليوم الى شوفناها فيه بوشها الى يقطع الخميرة من البيت ده
هى السبب
وسام: بصي ولا فدماغى طبعآ حركاتها دى
مى: عشان كنت جبتها من شعرها ، طب والله الا انت دى عندك انت ستوب
قال بتحبك قال
طب ايه رائيك فمرة اجيلك الشغل واجيبها من زورها خطافه الرجالة دى
وسام: ههههههه ارتاحى انا بهدلتها وهزقتها ومش هشوف وشها ولا هتشوف وشى تانى
مى: ليه ماتت ! ربنا ياخدها يارب
وسام: لا ياسر زميلى كلمنى انهاردة وقالى انها استقالت خلاص من الشركة
مى: طب والله لحقت نفسها ، عشان لو فمرة شوفتها هعدى عليها بعربيتى رايح جاى اسفلت بسحنتها الى نصها بويا دى الشارع
وسام : هههههههههه
(بيضحك ع رد فعل مى ، الى اتحول من جنان لغيره عادية خلتها تتكلم بعقل ومتتجننش عليه لما تسمع الحقيقة
والى حسسه انها بجد اتغيرت وفهمت دماغه
وده شجعه ع انه لو حصل معاه ايه بره .. هييجى يحكيهولها من غير خوف من المشاكل والخنان والتسرع)
وهما بيتكلمو فون ليلى المحطوط عالتربيزة قدامهم رن !
للمعلومة :..
فون ليلى نفس عدة فون مى ونفس الرينج تون تقريبآ...
عشان كده مى مسكته واتلخبطت وردت
مى : (فتحت وبترد) ثوانى يا ويسو ... ايوة ياد عايز ايه
جت ليلى من جوه بسرعه ودخلت الاوضه ..
ليلى: مى ! ده فونى ياقمر مش فونك
اتلخبطى
مى نزلت الفون من ع ودانها وهى مستغربه جدآ..
مى: اه صحيح .. بس اصل
طب خديه ياليلى مخدتش بالى افتكرته فونى
خدت ليلى الفون ومشيت ومى مسوحه خااااااالص وسرحانه وبتضحك ضحكة هبل بصوت واطى
مى: هيهيهيهيهي يا حلاوة يا ولااااااد
وسام: ف ايه يابت ؟
مى: ها! كل خير يابرنس
كمل بقى كنت بتقول ايه ؟
وسام: لا بجد مالك
مى: استنى بس عشان ف شوية ضحك فزورى اضحكهم (هههههههههههههههههههه هع هع هاااااااااا)
وسام: الفيوز ضربت من تانى ولا ايه يا معتوهه
ايه شويه ضحك فزورى دى .. احنا مش بنتكلم كلام جد دلوقتى
مى: لا اصل ف حجات دخلت ف حجات .. وربنا يستررررر
وسام: (قام وقف ) قومى يابت روحى ع شقتك
قومى
مى : (مقومها وسام من دراعها ولسه بتضحك) هههههههههههههه طيب
اخويا
هترجهع امتى الشغل
وسام: بعد بكرة ياختى (فتح الباب)
روحى نامى يامى يارب يكملك بعقلك لحد الفرح
مى: (رايحة وبتفتح بابها) هههههههههه يارب يسمع منك
=======•••=========
اسبوع كده ...
ورجع وسام شغله عادى والحمدلله ، بعد م ربنا زاح الغربان من طريقه
اذا كانت شيرين ولا غيرها
بس الى حد ما مفتقد شريف ..بس كلنا عارفين عزة نفس وسام
وشريف اساء له اكتر من مرة .. فقرر انه ميعتذرش ليه برغم صحوبيتهم الجامدة..
بس سيبكم من ده كله .. مش ده المهم.
انهاردة عيد ميلاد ميوش ال 26
تفتكرو هيعدى ازااااااااااى .. تعالو نشوف
عند مى .. اخدوا نص اليوم شغل ..وباقى اليوم احتفال بعيد ميلاد ميوش فكافيه ع طريقتهم الخاصة..
بيطفو التورته ..
امنية: (بتبوس مى ) كل سنة وانتى طيبة يا ميوش
مى: (مكشرة شوية) وانتى طيبة يا مونى
غادة: خدى يابت هديتك اهيه .. عالله يتمر
منة: اتفضلى يا مى.. انا جبتلك هدية كيوت يارب تعجبك
مى: ثانكس يا بناويت خالص
غادة: انتى مكشرة ليه يابت
امنية: ف حد يكشر يوم عيد ميلاده ؟! اتمنى امنية يلا
مى: كان نفسي وسام يبقى معايا، بس طول اليوم مشغول مشغول
وبقالى يومين بفكر فيه ان خلاص عيد ميلادى قرب وهو مطنش
المح مش نافع
ناقص اقوله فيس تو فيس بقى
منة : يا حراااااام ازاى يعمل كده
مى: والنبى يامنة متقعديش تنفخى فيا زى كل مرة لحسن بجد المرة دى انا مش ناقصه
ده انا شوية واطير من كتر النفخ
منة: انفخ فيكى !! وانا مالى ياختى
انا زعلت عليكى مش اكتر
غادة: عادى يابنتى يمكن مشغول او مش فاكر
الرجالة مش بيهتمو بالتفاصيل الصغيرة دى زيينا كده .. تعالى شوفى الاستاذ ممدوح بتاعى
مش فاكر اسمى حتى
مى: لا بس ده اول عيد ميلاد معاه .. المفروض يهتم عن كده
انا عارفه انه كان معاه مشكله فشغله
وباباه تعبان.. بس خلاص يعنى مش هنوقف الدنيا
امنية: بصى الغايب حجته معاه .. لسه اليوم مخلصش
غادة: بقولكم ايه .. يلا قطعى التورتة ياختى عايز اكل تورتة انا واستمخخ عشان جعانه
امنية: طفسة من يومك يا موزتى
غادة: واكتر يا حتتى امووووووووه
==========•••=========
وسام وليلى فالطريق لمكان ما..
وسام: وانتى عرفتى منين المحل ده
ليلى : (ابتسمت) عارف الحد الى حكتلك عنه ..ودانى ليه فمرة
وقالى فيوم هعملك سيربرايز جامدة وافاجئك لما آجى اطلب ايدك
وهتكون فكرتى من المحل ده
وسام: يارب تعجبها .. ادينى بعمل حجات عمرى م تخيلت اعملها
ولا عملتها مع حد .. بس عشان اسعدها
ليلى: اهم حاجة انت ماشى فالخطة الى اتفقنا عليها؟
وسام: تماااااام يا معلمى
========•••=======
مى : (ماسكة فونها) بردو مبيرودش
ي اما يكنسل
اوووووووووف بقى
منة: م تسيبك منه ، م احنا معاكى اهو عايزة ايه تانى
مى: لا طبعآ .. بس يعنى انا كنت عايزة معايا بئى اووووووف
غادة: كفايه اوف اوف يابنتى بقى حرام عليكى
طب والله الحياة من غير رجالة عناااااااااب
امنية: اه والله .. عالاقل تبقى براحتك مش مستنية حاجة من حد
مى: انتو ال2 جوز اغبيا .. بقول عايزاااااااه معايااااااااااا
غادة: طب ياختى كلميه وهاتيه بالعافيه وهو مش فاكرك اصلا
مى: (مسكت فونها تانى وبترن طلعت الفوتو بتاعته لما ترن الى عملاهاله) هرن ياختى وهقرفه فعيشته واحسسه بالذنب
ده انا كنت مستنية اليوم ده بفارغ الصبر ورسماله حجات جه هو احبطنى (مدت شفتها وبعدين باست صورته)
منة: بتبوسيه وهو مزعلك
مى: (باصه للصورة ) استنى عليا بس اشوفه
هغزه فنضارته الى فرحان بيها دى
ياخلااسى قمر يا ناس هيجننى !
امنية: مى لسعت اكتر من لسعانها
غادة: ربنا يشفى
======••======
وسام : (ماسك الفون وباصص له)
ليلى: مى ؟
وسام: اه
ليلى: هو قرب يخلص خلاص.. رد عليها وبين انك اتخنقت من مكالماتها وانك مشغول
بس بالراحة عشان متعملش مشكله معاك.. اوك
وسام : ماشى (فتح ع مى ) ايوة يامى
مى: فينك ؟ 75 ميسد عليك ومافيش رد
وسام: 75 !! ده هما5 رنات
مى: طيب ياعمنا ميسد واحد فينك ؟ (بنرفزة)
وسام: فمشوار برة مع ناس.. فيه حاجة؟
مى: لا مافيش .. (متغاااااظة ) سلام
وسام: سلام (بيضحك)
ليلى: ايه؟
وسام: هتطق منى انا عارف ... ندل انا صح؟!
ليلى: هههههه اوى
الراجل جهز الهدية المطلوبه .. ووهتبدء خطة ليلى .
الراجل: تمام كده ياباشا؟
وسام: (باصص ومذهووووووووول)
ليلى: واااااااو تجنن..يلا بينا بقى نبدء الشغل
=========•••=========
غادة: انتى هتفضلى تهزيلنا فرجلك وشوية وتطلعى نار من بوقك م خلاص فكك زى م قالت منة
مى: دى اول مرة يكلمنى فيها كده .. والله لوريك يا وسام
اهئ اهئ اهؤ
منة: انا بقولك انتى مش بتسمعى كلامى
امنية: لا متقوليلهاش يا منة وخليكى ساكته
مى: طيب بس لو اعرف ليه بيعاملنى كده ؟ ده انا حتى مش مزعلاه وكويسه معاه بقالى فترة
غادة: هما الرجالة كده .. عاملين زى المية
لا لون ولا طعم ولا ريحة ومنقدرش نعيش من غيرهم
منة: بصى انتى كلميه وزعقى فيه وقوليله انك مش مستنياه ولا حاجة
مى: ايوة صح
غادة: بلاش يا مى
مى : لا استنو (بتتصل بيه تانى)
الو
وسام: ايوة يامى، انتى فين صحيح
ايه الصوت الى حواليكى ده
مى: انا فستار باكس.. بص كنت هقولك حاجة
وسام: ثوانى يامى طيب واكلمك لانى بجد مشغول سلام سلام
مى : اووووووووووووه قفل!!!
بردو
البنات: ههههههههههههههه
غادة: خلاص يامى بقى
منة: فين ايام مى لما كانت محدش يقدر يعمل معاها كده.. محدش يعاملها كده اصلا
مى: انا جوايا طاقه مخليانى عايزة اروحله طايرة كده اروح اديله بوكس فعينه عشان المعاملة دى
امنية بتبص برة المحل كده..
امنية: ايه ده ؟!
بالونات طايرة بالهليوم لفوق كل بالونه مكتوب عليها
كل
سنة
وانتى
طيبة
يامى
ومشبوكين فعربية خشب حلوة كده كلها ورررررررد احمر وجواها بوكية معمول بالشيكولاته وبس !
غادة: الله ! ايه يابنات ده
قامت مى وقفت عند الباب وشوية شبابا وبنات من القاعدين ..
وطلعو برة المحل .. فالوقت الى كانت ليلى واقفه بعيد بعربية وسام .. لانهم وصلو لحد الكافيه بالعربية عادى
بس بعد كده نزل وسام .. وكمل مواصله تانيه ..
مى : (بتقرب ناحية العربية وبتمسك الورد وبوكيه الشيكولاته وبالونات طايرة)مين عمللى كل ده
امنية: اكيد وسام
منة: هو وسام فاكرها اصلا
مى: (بتضحك) انا بجد بحلم ايه الجمال ده
مين عملى كده
طلع وسام مرة واحدة من جوه العربية الخشب وقالها !
وسام: انا!
انا يامشمش
يااحلى مشمش... كل سنة وانتى طيبة
عمرى م انساكى يا هبله ... ده اول عيد ميلاد ليكى معايا
وان شاء الله كل سنة هعملك عيد ميلاد محصلش
يا اجمل مجنوووونة فالدنيا
مى : (صوتت بصوت عالى وف ناس كانت بتصورهم من الشباب والبنات الى بيتفرجو وليلى واقفه بتضحك)
اااااااااااااااااااااااااا
خرج وحضنته جاااااااااامد ولف بيها والناس سقفت وصفرت والبنات هيصو ليهم اووووووى
وبعد م لف بيها اوى ويسو
وسام: كل سنة وانتى حبيبتى
(بيبوسها فجبينها)
مى: انا بحـــــــــــــــــــــبك
الشباب واصحاب مى : ايووووووووووووووة بقى
غادة: الناس هتنزلهم فيس ياجدعان بكرة الكلام ده
امنية: ويوتيوب وحياتك هههههههههه
ليلى من بعيد) ربنا يسعدكم ... ويسعدنى )
====================
ليست هناك تعليقات:
إرسال تعليق