وسام: والله انا فمصايب من ساعه ماسبتكم ف ايه ؟
مى: خلاص اوعى لو سمحت من قدامى
امنية : ايه يا وسام ازاى تسيبها فظرف زى ده ؟
وسام: ماسبتهاش والله / غصب عنى هى مش راضيه تسمع
مى: طب خلاص انتهينا ممكن تسيبنى امشى
وسام: مى استنى
مى: ابعد عنى !! (بزعيق قدام القسم )
وسام سابها وفضل باصصلها وساكت ومى مشيت وخدت امنية معاها وشريف ساكت راح طلع من جيبه ال 3000 جنيه ووراهم لشريف.
وسام: انا كنت جاى ادفعلها الفلوس .. عشان انا مش ندل !
شريف: طب خلاص يا وسام سيبها تهدى وبعدين ابقى اتكلم معاها
وسام: لا تهدا ولا متهداش ، انا مش فاضى لدلع مى انا فيا الى مكفينى
شريف: قولى انت مالك فيه ايه ؟ واتأخرت كده ليه
وسام: تعالى نمشى من هنا واقولك
======•••===•••=====
من وجهه نظر مى وسام غلطان ، وندل وسابها فعز محنتها!
لكن مينفعش نحكم عالامور بسطحية من غير مانفهم الموضوع ككل مش يمكن غلط الحكم من البداية . وبالفعل هو ده الى حصل
هى مليون غلطانه
صحيت مى ع رن المنبة زى كل يوم ، بس انهاردة كانت اجازة عندهم فالمكتب عشان سامح وممدوح مسافرين يجيبو اجهزة وحجات للمكتب فقررو البنات ياخدوه اجازة . قفلت المنبة وصحصت كده
حطت الكاتيل وجهزت مج النسكافيه وخدت الشاور بتاعها .. واتصلت ب امنية .
مى: صباحووو
امنية: صباحو يا مزة
مى: انهاردة اجازة وانا مخنوقه مش هقضيه فالبيت ، تيجى نعمل اى حاجة ؟
امنية: اصلا انا لسه كنت هتصل بيكى . البت منة عازمانا كلنا عندها فالبيت عالغدا ونقضى اليوم هناك
مى: اشطات .. هنروح امتى
امنية: اجهزى انتى وعدى عليا انا وغادة
مى: عالصبح كده جو المصالح ده ! ماشى ياستى هلبس واعدى عليكم
امنية: اوكشات .. سلاموز يا موزتى
مى: باى باى ياهارتى
قامت مى وقعدت تنقى من لبسها تلبس ايه ، وجهزت الهدوم ولبست واتحضرت ونازلة .
=========•••=======
شريف قاعد قدام وسام الى حاطط دماغه عالمكتب وشايل همووووم الدنيا فوق كتافه .
شريف: انت هتسدد فلوس المدير منين ؟ لما انت مستنى تبيع الشقة الاول عشان عملية باباك لحد م تكسر الوديعه
وسام: (مد شفته يعنى مش عارف ) والله مانا عارف، معاش بابا مش هيكفى
وانت عارف البير وغطاه ..كله جه مع بعضه
شريف: طيب انا اديت ال 5000 الاف جنية للمدير بتوع امبارح انهاردة الصبح
وسام : (بيرفع راسه من عالمكتب ) ليه كده ؟!
شريف: ايه الى ليه كده ؟ هو احنا مش صحاب واخوات ولا ايه ، وبعدين انت عمرك م سبتنى فزنقه
ومش هنسى ان لما جيت اخطب انت دفعت حجز القاعه هدية ليا
وسام: ياشريف انت بتستعبط ؟! الفلوس دى عشان جوازك من امنية
شريف: سيبك من جوازى من امنية دلوقت .. المهم امتى عم عاصم هيعمل العملية ؟
وسام: انا وديت ماما ليه الصبح ، هتبقى مرافقه ليه
انت عارف دى مستشفى خاص يعنى بفلوسنا
شريف: اااه طبعآ نجيب الى نجيبه فيها مش بندفع
وسام: بيقولو لما حالته تستقر خالص والسكر والضغط يتظبطو هيعملوها ، هما بصراحة لما روحت الصبح لاقيت المعاملة ممتازة هناك ليه .. اطمنت وجيت، بس لسه عايزين مبلغ تانى
شريف: ربنا يقومه بالسلامة وهتعدى ع خير وهتفرج والله
وسام: يارب
وهما بيتكلمو جت شيرين وماسكة مجات نسكافيه ..
شيرين: انا قلت مدام غلاسة بغلاسة وانتو محدش فيكم بيصبح حتى .. آجى انا واشرب معاكم نسكافيه
وسام: (بص للمج وخده منها ) جه فوقته بصراحة..شكرآ ياشيرين
شيرين فرحت اووى ، اول مرة وسام يديها وش من ساعه م جت
شريف: طلبتهولى زيادة سكر ؟
شيرين: اه .. اهو المج بتاعك (بتبص لوسام ) مالك يا وسام شكلك تعبان ومرهق
وسام: الحمدلله .. انا تمام
شيرين: ع فكرة يعنى انا سمعت من الزملاء ان منى الى كانت قبلى كانت صاحبتكم اوى
ف يعنى لو مش يدايقك تعتبرنى زيهيا
شريف: لا واكتر كمان ، منى مين وبتاع مين ياشيخة !
وسام: (بيشرب ومش باصصلها) كلكم اخواتنا ياشيرين
شريف جاله فون من امنية ..
شريف: اااااااه مش وقتك خالص
شيرين: لو خطيبتك قوم رد عشان انت بجد رخم معاها
شريف: والله عشان خاطرك انتى بس
قام شريف وساب شيرين قاعده مع وسام الى بيشرب وهو فدنيا تانية
شيرين: ع فكرة انت ممكن تحكى معايا الى انت ف.. وانا هقدر اساعدك
جربنى مش هتخسر حاجة
وسام: (رفع عينه بصلها لقى ف فعيونها توسل ليه وانكسار ) والله ياشيرين انا بعمل بالحكمة الى بتقول ان كلنا عندنا هموم.. فمحدش ناقص هم غيره
شيرين: بس انا عايزة اشيله معاك .. (عدلت طريقه كلامها ) اختك ياسيدى مينفعش
وسام: عايز ابيع شقتى ! فالحال وبسعر كويس
عندك مشترى ؟!
شيرين: فين دى
========•••======
البنات عند منة مشغلين اللاب وبيرقصو ع اغانى كده .. حتى مى مش مأثر فيها خصام وسام لاول مرة
منة : ماما بتقول الاكل 10 دقايق ويجهز
غادة: ايووووووة بحب الورق عنب الى بتعمله طنط جدآآآ
مى: قولتلها ع سلطة الطحينة يابت
منة: كله جاهز متخافيش، بس حتة فصل يامى .. كل ده يحصل معاكى ليلة امبارح
مى: اسكتى ليلة منيله ليها العجب
غادة: ههههه كنتى هتبقى سوابق يابت
مى: الحمدلله .. لولا شريف وامنية كان زمانى متسوحه
منة: ليه يابنتى ووسام كان فين ؟
مى: وسام ! (ضحكة سخريه ) وسام اول م عرف انى ممكن اتحجز لو الست خدت علاج 21 يوم كت ! فص ملح وداب
وقال ايه جاى بعد م طلعت ويقولى ايه مش شايفانى ( بتريقه ع كلامه )
منة : (فرحت جواها ) ايه ده !! معقوله
ده لسه معداش يومين ع خطوبتكم .. طب يستنى اول شهر وبعدين تبان طباعه الزبالة
غادة: لا يامى مش معقول يكون كده، وسام مش الراجل الزبالة يعنى
م احنا عارفينه
مى: والله اسألى امنية هو ده الى حصل
امنية: انا بصراحة استغربت انه عمل كده .. بس خلاص يا جماعه هى طلعت وخلاص
مى: بت ياامنية الفلوس بتاعت باباكى هاخدهم من بابى واجيبهملك ماشى
امنية: بس يابت انتى بطلى هبل .. وبعدين انا لسه مكلمة شريف بيقولى الفلوس هو هيدهالى مالكيش انتى دعوة بقى
مى: بصراحة اول مرة اعرف ان شريف جدع كده .. مش زيي اخدت اكبر مقلب فحياتى !
منة: والله انتى فيها
غادة وامنية اتدايقو من تسخين مى ع وسام وهما عارفين ان منة بتحبه راحو غيرو الموضوع قبل م تطق الفكرة فدماغ المجنونة مى ..
غادة: بقولكم ايه احنا جايين نتغدى وننبسط ونلعب سوا .. محدش يجيب سيرة حد فيهم والنبى خلينا نعيش يوم سناجل
بلا ممدوح بلا شريف بلا وسام
امنية: فعلا ع رئيك يابت يا دودو .. يلا نعيش يوم من ايام زمان قبل الصداع ده هههههههه
==========•••========
شيرين: طيب بص .. انا عندى شقه بتاعتى هنا .. قريبة من الشغل
وسام: هنا فين ؟
شيرين: فحى البشاير .. هنا ف 6 اكتوبر
تعالى بعد الشغل شوفها لو عجبتك مش هنختلف .. وانا اشوف شقتك دى ونريح بعض فالسعر
وسام: طيب انتى هتقعدى فين لما تديهالى
شيرين: انا قاعده مع اهلى يا وسام، ومتخافش معايا مبلغ كبير فالبنك باسمى
قصاد صفقه عملتها زمان هه (بتقول بسخريه )
وسام: مش فاهم .. ازاى شقتك وقاعده مع اهلك..هما جابوهالك نوع من التأمين لمستقبلك يعنى ؟
شيرين : احم ! حاجة زى كده
وسام: طب تمام .. بس انا عايز طلب
شيرين: اؤمرنى
وسام: تقولى سعرها بالظبط هيقولك ايه لما تتفصل مش عشان احنا زمايل وانا فمشكلة تظلمى نفسك
شيرين: ياريت يا وسام تشيل الحساسية دى من كلامك شوية .. الشقه وصاحبة الشقه تحت امرك
وسام: (اتكسف من طريقه كلامها وعدل النضارة وهز راسه وسكت )
شريف كان جه ع كلمة شيرين الاخيرة دى
شريف: شقه مين وصاحبتها الى تحت امره دول
شيرين: موضوع بينى وبين وسام ملكش دعوة
وسام اتدخل وقااطعها بسرعه قبل م شريف يفهم غلط
وسام: مافيش مواضيع ولا حاجة ياشريف .. شرين هتبيع ليا شقتها هنا ف حى البشاير قصاد شقتى والفرق هتلتزم بيه عشان عمليه بابا وخلاص .. هو ده الموضوع
شريف: اه بس شقتك اغلى واحسن بكتير من شقه فحى جديد زى البشاير ده انت بتاعتك فالتجمع يابنى تجيب ملايين
شيرين: م قالك انى هدفع الفرق انت مش بتفهم ولا ايه . وهى فرصة يبقى جمب شغله ومعاه فلوس كمان وشقته مراحتش بخسارة ويرجع يدور ع شقه صح
شريف: (بيتكلم بغيرة ) ايوة عشان يلحق يتجوز هو ومى فيها .. عملتى الصح ياشيرين
شيرين: (اتحرجت من تلميح شريف ) طيب انا هقوم اشوف شغلى
شريف بيبص لها كده وهز راسه مستغرب ورجع لمكتبه هو كمان .. وسابو وسام فتفكيره وهمومه .
=======•••========
ع الساعه 10 بليل ..
كانو مشيو البنات من عند منة بعد وقت من الضحك واللعب والروشنة ، بس مى فضلت موجودة وقالت انها هتبيت عندها لانها مش عايزة ترجع الشقه بتاعتها انهاردة .
منة و مى قاعدين فالاوضه بتاعت منة بيحكو وسهرانين ..
منة: اصلا ساعه خطوبتكم حصلت حاجة غريبة كده بس انا مرضتش احكيلك عليها
مى : ايه هى ؟
منة: وانتى جوة بتجهزى .. ليلى دى بنت عمته كانت بتتكلم فالفون وقالت دنيا !
اه انا فاكرة .. حتى قالت معلش يادينا قسمة ونصيب وكده
مش دنيا ده اسم خطيبة وسام الاولا نية
مى اتدايقت واتعدلت كده واهتمت بالكلام ..
مى: ايوة اسمها هبابة ، والزفته ليلى دى صاحبتها اوى ياختى
ده من اول يوم شافتنى ف قعدت تتكلم عنى وحش وتقول دنيا الاخلاق والادب ..
منة: اظاهر انها عايزة ترجعهم لبعض من تانى .. وشكل وسام اخد الموضوع بجد
والدليل اهو .. مستحملش يوقف جمبك ف مشكلة صغننه زى كده
وسابك
ومفكرش انهاردة يسأل عنك حتى
مى وشها احمر وكانت بتغلى من جوه 3
منة: ماهو اصل العمايل دى كلها بتقول انه زهق منك .. ولقى انك مش مريحاه وعايز يرجع للقديمة بقى
قال وانتى الى بتسعديه وبتدوريله ع هدية وكده وهو مستنى يزحلقك ويرجع لحطيبته
مى: (مرة واحدة ) ااااااااااااااااااه بس يا منة خلاص عشان والله لو فوشى لاولع ف هو وليلى وفدنيا دى
منة: هو اصلا مقالكيش ليه سابو بعض ، فاكرة زمان لما حكتيلنا انه قالك مش عارف ليه
ايه مش عارف ليه دى .. اومال سابها ليه بعد م كانو هيتجوزو خلاص
مى : كده! ماشى يا وسام
منة: انا نيمانه بقى يا مى .. شوفى انتى بقى هتعملى ايه ماشى
اصل مش مى الى تتسك ع قفاها وتسكت
مى: ماشى ماشى .. نامى انتى يا منة عشان خلتى النار تغلى جوايا
منة: تصبحى ع خير يا مشمش (بتغيظها بدلع وسام ليها )
مى: متقوليش مشمش دى بتاعت الزفت .. بلا مشمش بلا بطيخ
انا هوريك يا وسام .. هوريكم كلكم
==========•••=======
وسام بعد يوم جامد مشحون ع آخره .. وبعد م عدى ع باباه واطمن عليه . روح هو وليلى البيت
بعد م ليلى اتلككت تبات عند صاحبة ليها قديمة من زمان مش شافتها .. عشان خالها ومراته مش موجودين فالبيت
وميصحش تروح تبات هى ووسام لوحدهم.
وسام قاعد لوحده فالشقه .. فالبلكونه ومخنوق وبيستغفر ربنا وبيفكر .. بص كده ع شقة مى واستغرب انها حتى مهانش عليها تكلمه ولا تعرف ليه حصل كده .
ومش عارف هى عارفه ولا لا بالى هو ف
بس لمح ان نور شقتها كله مضلم .. وان عربيتها مش تحت ..
اعتقد انها ممكن تكون عند اختها او باباها .. ماهو اتعود انها كل مشكله تتعرضلها .. بتهرب منها وده العادى
ولما صحى الصبح ..
جهز ونازل ع شغله وبردو عربيتها مش تحت ..محطش فباله .
فالوقت ده كانت مى صحيت وجهزت وطلعت ع شاليه باباها ف اسكندريه .. وقالت انها مخنوقه شوية وعايزة تفكر لوحدها وتاخد قرار.
كل ده ووسام ولا عارف حاجة خالص.
بعد م رجع من الشغل ..راح لباباه والدكتور قاله ان عملية باباه الصبح هتتعمل ان شاء الله
كان خايف وقلقان بس مسك نفسه قدام باباه . وطمنه وبعدين روح وساب مامته بردو
رجع وليلى كلمته انها هتفضل كمان انهاردة لحد م خالها يطلع بالسلامة .
بيبص بردو عالشقه مضلمة
ولما ملاقاش العربية بردو !! اتدايق واتصل بسهر
وسام: انا اسف ياسهر انى بكلمك كده من غير مناسبة
سهر: وسام احنا اخوات .. خير فيه حاجة
وسام: مى عندك مش كده؟
سهر: لا مى مش عندى .. هى مش قالتلك انها ف اسكندريه
وسام: اسكندرية !
سهر: هى قالتلى انها قالتلك .. هو انتو متخانقين ولا ايه
وسام: معلش بس.. ف اسكندريه من امتى يا سهر
سهر: انهاردة الصبح راحت شاليه بابا
وسام: اومال باتت امبارح فين لما هى راحت انهاردة
سهر: مش عارفه والله (مكسوفه منه ) هى مش باتت فشقتها كمان ؟
وسام: ااه
شهر: طب اسال امنية ولا غادة .. اكيد عارفين
لان مكانتش عند بابا .لان بابا كان عندى هنا هو وطنط امبارح
وسام : (الدم بيغلى فعروقه ) ماشى .. سلام ياسهر
سهر: طب شوف وطمنى
وسام: حاضر
وسام كلم امنية وعرف منها انها باتت عند منة امبارح .. والصبح راحت اسكندرية ومجاتش الشغل .
اتصل بسهر وطمنها وخد عنوان الشاليه هناك ... وطيران ع اسكندريه من غير تفكير !
وهو فالطريق كان حالته لا يرثى لها .. بس كان بيهدى نفسه ع اد م يقدر
واول م وصل وخبط وفتحت هى ..
اتفاجئت !
مى: وسام !
وسام: (وشه متغير ومخنوق منها ) لو مش عارفه يعنى ايه جواز ؟؟1
انا اعلمهولك
ولا انتى متدلعه ... يبقى مش بالشكل ده، مش وقته خالص اصلا
مى: ايه ده ف ايه . انت جاى تحاسبنى !
وسام: ايوة احاسبك ! ولا نسيتى ان انا جوزك
مى: لا متجوزناش (بتريقه )لسه يدوب كتب كتاب
وسام: اسمك ع ذمتى (بنرفزة )
مى : (خافت منه ) ابعد عنى وشوف انت بتعمل ايه فدنيتك يابتاع دنيا وليلى
وسام: بتاع دنيا وليلى !
انتى انسانة مستهترة ، ومعندكيش دم .. ومش بتقدرى
وكنت غلطان لما حسيت انك ممكن تكونى زوجة ليا فيوم من الايام وتبقى ام لاولادى
اسمعى يابنت الناس .. انا فيا الى مكفينى ومش فاضى لدلعك البايخ الى مالوش طعم ده
مش هتتخمدى فشقتك تتصلى الو
ايوة يا زفت يالى اسمك جوزى انا هتنيل عند صاحبتى
عشان اكون انا عارف مش طيشه فحياتك والسلام
حتى لو كنا متزفتين متخانقين ف حاجة اسمها اصول يابنت الاصول
مى : (واقفه وخايفه منه ومبرئة )
وسام : (ماسكه من ايدها بشده ) هتطلعى ع اسكندرية معنديش مانع
بس بأذنى
ايه مافيش حد مالى عينك ؟ صوتك من دماغك ويلعن ابو الدنيا والى فيها
مى: أذنك !! ده ليه ان شاء الله
وسام: عشان انا جووووووزك ... فاهمة
ولو محدش قالك يعنى ايه احترام زوج وازاى تعامليه انا هعلمك
واسلوب حياتك وطفولتك دى انا هخليكى تبطليهم
يا كده .. ي اما لايكلف الله نفسآ الا وسعها
مى: يعنى ايه ؟ يعنى تسيبنى مش كده
لا يا حبيبى انا الى هسيبك لدنيا اشبع بيها وخلى ليلى تنجح فالمخطط الى هى عاملاه
والف مبروك مقدمآ بس اوعى لما تحصل ها حاجة وتسيبها وتجرى زى م عملت معايا
وسام : (بعصبية وصوت عالى ) انا تعبت ! ارحميـــــــــــنى
انتى مبتحسيش
والله تعبت ومش قادر
مى: مانا هريحك من تعبى قريب
وسام: مافيش فايدة فيكى .. يا خسارة كل وقت افتكرت فيه
انك بتحسى بيا
ياخسارة
مشى وسابها عالباب وركب عربيته ومشى وهى بتبصله ورزعت الباب وراه وقعدت فالارض ..مش عارفه تعمل ايه
ليست هناك تعليقات:
إرسال تعليق