(الجزء الثانى من رواية لسه اجمل يوم مجاش )
ويسو وميووووش
عارفه انهم وحشوكو كتيييييير طبعآ.. طب فاكرين احر حاجة كانت بينهم ايه ؟!
اتخانقو ووسام دوخ مى ع م صالحته ولففها حوالين نفسها لحد ما قالت الله حق .
المهم من غير كلام كتير اكيد كلكم حافظين الجزء الاول حتة حتة ، هما دلوقتى فمكاااااان جميل وشاعرى
وسام موقف العربية بتاعته فوق حته كده عاليه ، ومى نايمة فوق الكبوت وباصه للسما وهو بردو قاعد جمبها
عاملين بالظبط زى كليب بتمون كدهون
وقاعدين بيبصو للنجوم وبيحلموو.. هيييييييييييح
مى: هنعمل خطوبة كبييرة اوى ، كل الناس لازم تحكى عن يوم خطوبتنا ده
لازم يكون ف حجات متعملتش مع حد تانى ،واحنا كمان نلبس دبل محدش لبسها قبل كده
ولازم مندخلش القاعة داخلة عاديه ،
وسام:(قطعها) اومال ندخل ازاى يعنى ؟ بنجرى !!
مى: بقولك ايه ! انت تسيبنى اخطط ليوم خطوبتنا ده براحتى ، مش كفايه انى وافقت عليك بالعافيه
وسام: لا وليه بالعافيه احنا فيها (بيعمل نفسه بيقوم)
مى: ايه يابنى بهزر.. كل حاجة قفش كده ده انت غريب
وسام: طيب ياستى بالمناسبة انا كنت هقولك ع اقتراح
مى: اقتراح ايه ؟
وسام: هو مش اقتراح ، هو حاجة كده هتكون افضل لينا يعنى
مى:ايه يا ويسو قلقتنى
وسام: احنا نكتب كتاب ع طول ، عشان بعد كده لما اخرج معاكى ابيع الشقه بتاعتى ونختار واحدة تانية .. او لو اتأخرنا فيوم واحنا بنجيب حجات شقتنا تكونى ساعتها مراتى
لان بصراحة الخروج الكتير حتى لو كنا مخطوبين هيجيب لك الكلام
مى:(فرحت اوى وباسته فخده) ياخراااااااااااااشى! حمش حمشنه يا نااااااااس
وسام: يامجنونة يابنت العاقلين اتلمى احنا فالشارع
مى: (بتبصله بصه حب جمييله) للدرجة دى بتحبنى وبتغير عليا ؟
وسام: لا هتجوزك شفقه ياهبله طبعا بحبك وبموت فيكى كمان
هو ايه الى كان خلى قدرى اتجوز واحدة مناخوليا زيك غير انى بحبها
مى: حبيبي يا ويييييييس اموت فيك بئى
وسام: طب يلا بينا بئى
مى: ليه بئى
وسام: عشان كفايه كدا بئى .. يلا يا مشمش يلا يا حبيبى
مى:(عملت نفسها مبوزة) طيب طيب
ومشيو وهما مزقططين ووسام طلع مى لحد شقتها .. ودخلها بايده جوه شقتها وقفل وراه ودخل شقته
__________________________
الصبح بقى وسام قايم من النوم وبيستعد يروح لشغله ،لقى باباه صاحى ع غير العادة وواضح كمان انه صاحى من بدرى .
وسام: صباح الخير يابابا (بيبوس ايده)
الاب: صباح النور يابنى ..
وسام: صاحى ليه من بدرى كده يابابا ؟
الاب: والله كنت قلقان شويه وصدرى ماسك عليا قلت بلاش اصحى والدتك واعمللى كوباية ينسون
وسام: طب انا هعملك الينسون مع القهوة بتاعتى يا بوب .. ماشى
الاب: مانا خلاص عملته وشربته كمان ، اجهز انت عشان شغلك
وسام: حاضر يابابا
الاب: صحيح يا وسام ، ليلى بنت عمتك جاية انهاردة فرحلة الساعه 7
وسام: مانا عارف يابابا توصل بالسلامة ، ان شاء الله هروح اجيبها من المطار
الاب: طيب يابنى اسيبك انا
وسام : ماشى يابابا
وسام جهز ونزل للشغل ... وقبل ماينزل طبعآ كالعادة .. طتب كبمتين فورقه للبت مى وحطه تحت عقب الباب ونزل ..
__________________________
وبعد كام ساعه فشغل وسام .. انتو طبعا فاكرين ان منى واخدة اجازة للجواز
بس كانت ف مفجأة لوسام هيتلقاها ع ايد شريف دلوقت!
شريف:الواد ويسو الى مجنن البنااااااااااات
وسام:(بيكتب حاجة ع جهاز قدامه) نعم ياسيدى
شريف:ايه اخبارك انت والوتكة !
وسام: انت ياد يا هباب انت قولتلك ميت مرة متقولش عليها وتكة .. دى هتبقى مراتى يا برج التخلف
شريف: خلاص ياعم متنزوقش.. المهم ايه اخبارك معاها ؟
وسام: الحمدلله ماشى الحال اهو هنحدد معاد كتب الكتاب ممكن بعد 10 ايام كده
شريف: ايووووووة كده يا ويسوووووو كده انت صاحبى وحبيبى وجدعنه
وسام: يلا شد حيلك عشان نشوفغ فرح مين الى هيكون قبل التانى ، انا ومى الاول ولا انت وامنية
شريف: متفكرنيش .. لسه قافشين ع بعض من شويه
وسام: ليه بس !
شريف: الهانم .. خرجت امبارح وراحت سينما مع ابن خالتها من غير ماتقولى ولما اكلمها تقولى ده زى اخويا يا كوكو متكبرش الحكاية
كوكو ايه وبتاع ايه يا شيخة ابو شكلك
وسام: مممم لا معاك حق .. بس هى لو كانت قالتلك مانت كنت مش هتوافق بردو
شريف: طبعآ
وسام: لا مش طبعآ لازم تبقى سايبلها مساحة من الحرية عشان متتخنقوش من بعض بدرى بدرى
شريف: ههع هع انا لازم اوريها العين الحمرا والخضرا والبرتقانى عشان تخاف منى
مش كفاية من ساعه ارتباطنا مبكلمش قطة فالشارع
وسام: لا يا شيخ احسن انها مربياك ايه رائيك بقى
شريف: طيب ياعم اما نشوف الست مى المستكاوى هتعمل ايه معاك
وسام: كل خير ان شاء الله
شريف: صحيح قولتلك ان البت منى شكلها كده مش هتيجى تانى الشغل
وسام: ايه ده ؟! ازاى
شريف: اه والله مبلغه بتطويل الاجازة وبيقولو احتمال متجيش تانى
وسام: مع انها كانت مصرة متسبش الشغل
شريف: يلا احسن يارب متجيش خالص .. يارب تموت اساسا ويجيبولنا واحدة وتكة كده زى الفل تطرى الجو
وسام: والهى وهما بيعينوها امنية تقفشك تطين عيشتك ويلا بقى ياض عشان نكمل شغل ..
شريف: هههههههههههه
__________________________
فالطيارة ..
الى جاية من المانيا للقاهرة .. كانت ليلى بنت عمة وسام جاية
ليلى دى بنت وحيدة لعمة وسام ، ومجاتش القاهرة من 3 سنين تقريبآ
حضرت وفاة مامتها ودفنتها وسافرت تانى لانها كانت بتعمل ماجيستير ومضطرة تروح تكمله ..
واخدت الماجيستير وحاليآ فى بدايات الدكتوراه ، لكن خالها عاصم ابو وسام اصر انها تنزل عليهم لانها مينفعش تقعد فبيت باباها لوحدها لان باباها متوفى من زمان ومامتها من 3 سنين .
ليلى بعد الحاح وافقت .. واهى فالطريق.
وسعات الصدفه بتبقى احلى من الف ميعاد ..
دنيا خطيبة وسام القديمة .. هى كمان كانت راجعه تقعد فترة مع اهلها لانها من ساعه م سافرت .. منزلتش ولامرة
والحظ ان مقاعدهم جت جمب بعض ..
ليلى: (كانت حاطة هيد فون وفاتحة الاب)
دنيا: ممكن بعد اذنك تحركى الاب شويه كده عشان هنام
ليلى : اوك حاضر
دنيا: ميرسى ليكى
ليلى:(بتبص باستغراب) ايه ده ! دنيا !!
ازاى جمبى وماخدتش بالى
دنيا: استنى ... ليلى بنت عمة وسام
ليلى ازيك
دنيا: عاملة ايه ياليلى ..
ليلى الحمدلله ، تمام وانتى
دنيا: بفضل الله تمام
ليلى : ايه الى وداكى المانيا يابنتى ؟
دنيا: ابدآ(اتربكت) شغل
ليلى: اها ربنا معاكى .. انا كمان خلصت الماجستير وناقشته ونجحت فيه والحمدلله
دنيا: مبررروك ياقمر عقبال الدكتوراه
ليلى: سورى من ساعه م نزلت فوفاة ماما وانا مقصرة فحقكم مش بسال عليكم
اخبارك انتى ووسام ايه ..
دنيا: وسام!(عيونها دمعت) احنا سيبنا بعض من زمان اوى يا ليلى
ليلى : ايه !! ازاى كده ده انتو بتموتو فبعض .. انا فاكرة ساعة وفاة ماما انكم كنتو بتحضروا فشقتكم
دنيا:(بتبص الناحية التانية) محصلش نصيب
ليلى:(اتكسفت) مممممم سورى يا دندن ربنا يديكى الاحسن وهو كمان ..
دنيا: ميرسى يا ليلى
ليلى : بس وشك تعبان اوى وخسانه وضعفانه جدآ ، ولا انا عشان بقالى كتير مش شوفتك
دنيا: لا عادى .. ضغط الشغل
ليلى : دونا هاتى رقمك عشان اكلمك ، انا هقعد عند خالو فترة
لازم اشوفك اوك
دنيا: ان شاء الله
وصلت الطيارة ونزلو الركاب ووسام مستنى ليلى فقاعه الانتظار ..
واول ماشاف ليلى ولسه بيشاور ... لمح دنيا !!
وسام وقف وسكت كده وبعد مسك نفسه عادى وعمل نفسه كأنها زى اى حد ...
ليلى : وييييييييييس حبيبي (بتسلم عليه )
وسام: حمدلله عالسلامة ياقمر
دنيا شافت وسام ارتبكت جدآ وبعدين حاولت تبين العكس ... اصلها لسه بتحبه
ليلى : ايه يا وسام مش هتسلم ع دنيا ؟1 انتو كنتو مخطوبين وفركشتو مش قاتلين لبعض قتيل
وسام بيمد ايده وبيسلم ع ايد دنيا المتلجه وعيونهم جت فعيون بعض بس وسام دور وشه بعيد فساعتها بعد ماقال ... حمدلله عالسلامة .
فالوقت ده كانت مى بتجهز تروح من الشغل ومرة واحدة ..
مى : ااااااااى !!
منة: ف ايه ؟
مى : حاسة انى خدت ع قفايا مرة واحدة ع خوانه
منة وغادة والباقى : هههههههههههه طب يلا ياختى
وسام ركب ليلى معاه من غير م يلتفت ناحية دنيا ... فالوقت الى كانت دنيا بترافبه من بعيد .. وعيونها فيها دموع
وبتشم مكان سلامه لايدها
_______________________
فالطريق وبعد سؤال عن الاحوال ، وايه الاخبار والدنيا ايه ..وصلو للعمارة وطالعين ..
وكانو بيهزرو سوا عالسلم ، كانت مى جت وغيرت وقاعده بتتشات فالصالة عالاب وسمعت الصوت .
ايه ده !
ده صوت وسام .. وبيضحك مع واحدة ست ..
قامت جرى وبصت من العين السحرية لاقته فعلا بيحطلها الشنط وعم سليمان مطلع الباقى وهى بتضحك مع وسام وبتضرب كف ع كف ..
خرجت مى زى المجنونة ومنكوشة وبفردة شبشب واحدة !!
مى : الله الله ... يعنى انت تحل م بفرحنا امبارح ، وجايبلى العروسة عالجاهز انهاردة !!!
ليست هناك تعليقات:
إرسال تعليق