ღ•انــا ابقـى مرات حضرته !•ღ الحلقة الثلاثون والاخيرة ( الجزء الثانى من لسه اجمل يوم مجاش )

منة: عارفة انك بتحبها (فعيونها دموع) وعارفه انك مش قادر تنساهاومتسألنيش عرفت ازاى
بس انا مش قادرة احب غيرك
بجد المرة دى انا بحب بجد مش زى كل مرة
ومش عارفه اسيطر ع قلبى 

سامح: (ابتسم ومسك ايدها ) انتى عرفتى ان انا هنا منين

منة: مش مهم .. دلوقتى انا الى بقولك بدل م انت الى تقولى

سامح: .. تتجوزينى يا منة ؟!

منة : ها!!!
ع طول كده ؟ داانت حتى مقولتش انك بتحبنى ،وكنت لسه بتوصل ..

سامح: (قطعها) كنت لسه بوصل الى كانت حبيبتى ، انتى عندك تجارب فشلت
وانا عندى تجربة وفشلت
هنقوم ونكمل سوا

منة: سوا 

سامح: انا عارفك، زميلتى 4 سنين كليه
وسنتين شغل
بناكل وبنشرب كل يوم سوا
وبنقابل بعض اكتر من الناس الى فبيتنا
كفايه بقى ووقوف ع حيطة الذكريات كتير 

منة: ايوا صح.. انا عايزة اقولك حاجة ...

سامح: بصى احنا هنقول حجات كتير اوى من انهاردة ، خلاص يامنة
كأن ربنا بيدينى اشارة انك ليا وانى ليكى 
من انهاردة كلامنا هيكتر وكل حاجة فحياتنا هتتغير .. تحبى اجى اتقدم امتى ؟

منة: ايه ؟! انا مش مصدقة 
طيب فكر شويه
البنات بيقولو عليا شخصيتى ضعيفه وفيا عيوب وحشة و...

سامح: هههههه انتى بتحكيلى عن واحدة معرفهاش ولا ايه ؟!
انتى منة 
فاهمة يعنى ايه ؟ وبعدين انتى كويسة جدآ ومش شخصيتك ضعيفه ولا حاجة انتى بس طيبة وده احلى مافيكى 

منة : سامح...انا مبسوطة اوى

سامح: ولسة يامنة ... الى جاى احسن

========•••=========•••=====

ويسو وميوش.. 
رجعو بالسلامة من الهونى مون ... وابتدو يرجعو لقواعدهم القديمة بقى 
بس المرة دى وهما فشقتهم 
سوا ...مش جيران 

بيجهزوا ورايحين خطوبة ... منة وسامح 

مى: (بتحط ميكاب ) هكشف الاول عند الدكتور يا ويسو ولا نخليها بكرة ؟

وسام: (فحمام الاوضه بيحلق دقنه) لا يابيبى بكرة عشان اتأخرنا انهاردة

مى: واخيرآآآآآآآ منة بوتجاز هتتخطب وتتجوز ! طب والله لو الواحد عارف من زمان كان لزقهم لبعض وخلص 

وسام خلص حلاقه دقنه وطلع يكمل لبسه ..

وسام: ميوش ناولينى جاكيت البدلة من الدولاب

مى: اتفضل حبيبى 

وسام: جزاكى الله خير ياحبيبة قلبى (بص فوشها) مى !

مى : نحم 

وسام: ليه ميكاب ؟ انا مش منبه مافيش ميكاب بعد كده 

مى: (بتدلع بصوت طفولى ) م اثل يا روحى ده فرح وكلنا فرحانين وهييييييييه وكده

وسام: بلا هييييه بلا بتاع .. الميكاب يتشال فورآ
فاهمة !
متخلنيش اتعصب عليكى

مى: يووووووووه يا ويسو انهاردة وبس بقى 

وسام: مش فاهم انتى بتحطيه ليه اساسآ، محتاجة تحلوى مثلا ؟!
زى القمر والله من غير حاجة 
وانا جوزك وبموت فيكى كده .. هو غضب لربنا وخلاص

مى: طب خلاص همسحه ولا تزعل نفسويتك ..

مى بتشيل الميكاب وبتبص عليه وهو بيكمل لبسه وكانت مكشرة زى الاطفال وبعدين ابتسمت وطقت فبالها فكرة !

مى: طب بص احط بس ماسكارا وجلوس خفيف بس طيب 

وسام: ولا اى حاجة ، عايزك تغسلى وشك وتلفى طرحتك وخلاص
عشان اتأخرنا

مى: طيب وحياتى وحياتى وحياتى .. ماسكرا بس والنبى 

وسام: لازم الحاح يجرالك حاجة لو مرجعتنيش فكلامى .. طيب المرة دى بس وماسكرا بس 
هاتى كده

مسك منها الماسكارا وفتحها وابتدى يحطلها منها ، مننكرش ان مى كانت مبسوطة اووووووى وهو بيعمل كده
اصل مافيش راجل يفكر يعمل كده لمراته او يهتم بالتفاصيل الصغيرة دى ، لكن ع اد م وسام مش حابب ده
حاول يكون لطيف بس عشان هما رايحين مناسبه .. ويخليها تبقى رايحة وهى مبسوطة 

مى : (وسام بيحط الماسكارا) انا بحبك بقى بقى 

وسام: استنى متتحركيش... تمام كده؟

مى: واااااااااو انت كنت شغال يا واد انت فبيوتى سنتر قبل كده ؟

وسام: طب يلا عشان اتخرنا اوى ..

مى: انا خلاص فنشت وانت؟

وسام: انا تمام (عمل ايده كأنها اميرة ) يلا يا اميرتى 

مى: يلا يا اميرى ...

ونسيبهم يحضروا الخطوبة وينبسطو 

..وبعدها بفترة كده ..

وسام ومى عند مامته .. كانو معزومين عالغدا وبيقضو بقية اليوم ..

مى: والنبى تقنعيه يا ماما .. قال عصماء قال 

وسام: وهو يعنى ايه كادى يا مرووشه .. عالاقل عصماء انا حلمت بيه وبابا عايزنى اسميه وقلت الكلام ده مليون مرة قبل كده 
من قبل م نعرف انك حامل اصلا

الام: بس الاسم تقيل يا وسام اوى ... عشان البت متتعقدش

مى: حاولى تقنعيه يا ماما بقى لانى بجد مش هسمى بنتى الاسم ده
ده اسم صعب اوى وبكرة تتعقد فمدرستها بسببه
من تريقه زمايلها عليه

وسام: والله حرام عليكى .. ده هيبقى اسمها مميز جدآ
عصماء وسام عاصم !
طب اسم موسيقى والله 

مى: لاااااااااا والله لو اصريت عليه لاخلفها واهرب بيها برة البلد اسميها وارجع بس كده هه

وسام: مجنونة وتعمليها يامى .. هقول ايه

الام: طيب نقسم البلد نصين .. تسموها عصماء فالشهادة زى رغبه المرحوم باباك
وتنادولها ... تنادو ...
اسمها ايه يامى .. معلش نسيت

وسام: اهو .. اذا كان جدتها مش عارفه تنطقه .!

مى: كادى يا ماما .. كااااااادى 

الام: طب ماتسيبكم من الاسم ده وده ودورو ع واحد حلو كده يكون سهل وانتو الاتنين عايزينو

مى: مممم طب اى حاجة غير عصماء دى، انا موافقه ع الاقتراح ده جدآ
اهم حاجة نبعد عن الاسم المعقرب ده 


وسام: يعنى طيب والحلم ؟!

الام: يابنى مى عندها حق .. البت بكرة تتعقد
وبصراحة الاسم وحش وتقيل وصعب.. هههههههه

وسام: ههههههههه .. طب انا مش فبالى حاجة والله ، خلاص لما تيجى معاد ولادتها يبقى يحلها ربنا

مى: ربنا يستر من افكارك انت والاسماء بتاعتك

وسام: اولا انا ذوقى حلو ف أى حاجة بدليل انى اختارتك انتى .. ثانيآ بأذن الله هنشوف اسم حلو بس هى تيجى بالسلامة

مى: يارب 

وسام: بس بذمتك ايه رائيك فالكورة المتنقله دى ؟! (بيشاور ع مى )

مى: كورة فعينك! الكورة دى اميرة بتشيل برنسيسة صغنونة .. باذن الله تيجى واحنا نطلع عينك 

وسام: ااااااه يا خوفى 

الام: ههههههه ربنا يسعدكم وتقومى بالسلامة يا بنتى متخافيش
ولادة الطفل الاولانى مافيش اسهل منها

مى: ربنا يستر بقى يا ماما (عيونها دمعت شويه وسرحت )

وسام: (بيبصلها راح مسح دمعه كانت خلاص هتنزل ) طب ودى مش ماما بردو ؟!

مى: (بتبصله باندهاش )

وسام: ايوة متبصليش كده ؟ انتى جه فبالك ان كان نفسك ماما تكون وياكى وانتى بتولدى
ان شاء الله ربنا معاناالاول ثم انا وماما وباباكى وطنط سميرة وسهر وولادها كلنا حواليكى يا حبيبة قلبى (حضنها )

مى: انت ازاى بتعرف الحاجة قبل م اقولها ؟ يخربيتك بتقرا افكارى 

وسام: يابنتى انتى انا .. انااااااا جوايا كده
هو انا لسه هقولك دلوقتى 

مى : (بصتله بحب وافتكرت ان مامته قاعده ) طيب مش هنمشى عشان ماما شكلها بتنام (بتغمزله)

وسام: انا كمان بقول البيت مالو واحشنى كده ليه 

الام: يا ولاد مانتو قاعدين مونسينى ... وباتو فاوضتك يا وسام القديمة 

مى: اصل ياطنط ...(بتدور ع تلكيكة ) سبت الغاز مفتوح 
يلا بينا الشقه بتولع

الام: ها !! كلام ايه ده يابنتى

وسام: (بيضحك ع مى وهى قايمه وبتشده ) طيب يامام نشوف حوار الشقه ده ، هنجيلك تانى ياحبيبتى (بيبوس ايدها )

مى: يلا يلا 

وسام: حاضر ياستى .. هروح اشوف الحريقه دى ياماما بعد اذنك

الام: هههه روح ياخويا .. ربنا يسعدكم 

وبعد م يروحو .. وبليل وسط الهدووووء الساحر وصوت القرآن الى مالى الشقه .

وسام نايم فسابع نومه .. ومى بتتفرج ع التى فى وبتبص ع بطنها وبتمشى ايدها عليها وبتبص ع وسام وبتقول بصوت هاامس جدآ بعد م طبعت بوسه ع جبينه 

" ربنا يخليكم ليا "

#بقلم_نوراسماعيل

========•••========••

انت مسمعتش المقوله الى بتقول .. الرجوع لعلاقة قديمة زى تذكرتين سينما لفيلم انت شفته قبل كده ؟!يعنى نهاية محفوظة ومعروفه من قبل العرض.

شريف لما سمع الكلام ده من امنية بجد اتهز اوووووى ومعرفش ينطق..

امنية: والله انا بجد هتجوز .. مش عارفه انت ليه مش مصدق
خلاص ياشريف انا دلوقتى مخطوبة لراجل تانى ، وشوية وهبقى ع ذمته
ممكن متكلمنيش تانى 

شريف: انتى لو مش عايزة تكلمينى مكونتيش رديتى عليا من الاول 
ده لو مش عايزة 
لكن انتى عمرك م نسيتى ولسه بتحبينى 

امنية: كفايه بقى ارجوك (متدايقه) انا بتكلم بالعافيه ياشريف
م كنت معاك
وفايدك .. وانت ضيعتنى 

شريف: كفايه يا امنية .. ضيعنا كتير بقى .. 
ارجوكى حاولى افسخى خطوبتك وتعالى نرجع

امنية: اسفه ياشريف .. مش هينفع
مش هجرح انسان مالوش ذنب عشان ارجعلك 
انت اصلا عمرك م اشتريتنى عشان اشتريك دلوقت

شريف: يعنى ايه طيب..

امنية: لو زى م انت بتقول لسه فاكرلى حجات حلوة .. ارجوك متهدمش حياتى
وانا هغير تليفوناتى 
وسيبنى لحياتى بقى 

شريف قفل السكة وهى بتتكلم ... وسرح وبكى لاول مرة فحياته
لما عرف ان كانت فيه نعمة معاه .. وخلاص ضاعت 

امنية لما شريف قفل الفون مرة واحدة .. ماستغربتش 
عيطت كتييييير وقوام مسحت دموعها .. لما دخلت اختها الصغيرة تقولها ان باباها ومامتها عايزينها ضرورى ..

بتخرج امنية بعد م غسلت وشها وراحت لهم ..وكانت دول الكلمتين الى سمعتهم من اول م دخلت

مامتها : اسمعى ياامنية .. خالك بيقول كتب كتابك الخميس الجاى وابوكى موافق ، انتى ايه رائيك

امنية ابتسمت ابتسامة كلها حزن وقعدت عالكرسى .. وقالت
" موافقه "

==========•••==========

5 سنين يعدو ...

بحلوهم ومرهم .. بالحجات الكويسة والوحشة
بس انا مش هجرى بيكم بالاحداث من غير م اعرفكم حصل ايه طبعآ فيهم ..

نبتدى ب امنية ... الى اتجوزت فعلا ابن خالها وعاشت معاه سنتين بحالهم 
وخلفت بيبى زى القمر ... سمته مدثر! الاسم الى اتفقت عليه زمان هى وشريف..بس ولا تعرفو فالقرة الجاية !

اما شريف .. لسه زى ماهو من بنت لبنت
ومن علاقة لعلاقه
ولسه جواه امنية لانها حبه الحقيقى الوحيد .. 
وحتى وهو بيسرق بصة عليها من بعيد من شغلها
وحتى لو فمرة من المرات بتزور مى وكان جاى وشافها عالسلم ..

الفراق عمره م كان سهل .. كل حاجة بتتنسي الا الذكريات 

.....

اما بقى منة وسامح .. ف هما اتخطبو فترة كبييييرة ع بال م عمل سامح حلمه ف ان يبقاله شركة لوحده
وطبعآ معاه منه ... وبعدين اتجوزو وبقو مبسوطين اووووى سوا ومستنين اول بيبى 

ليلى ...

سجلت الدكتوراه ... ولسه عايشة فالمانيا بس ع تواصل ب مى ووسام ودنيا فمصر، 

فالخباثة ومتقولوش لحد؟

ليلى فعلاقه حب مع واحد زميلها من بداية الماجيستير لحد الدكتوراه 
من سوريا
ومبسووووطة اوى معاه .. وقريبآ ف اخبار حلوة عنها 

غادة وممدوح ...

لسه مخطوبين حتى الان 
لا غادة عاجبها ممدوح .. بس متمسكة بيه
وممدوح ماشى ع سحلفه وكل سنه بيتقد يدوب خطوة..
وربنا معاهم بقى هو احنا فاضينلهم .

اما دنيا 
وماما وسام
ووسام وميوش فعنعرف بقية قصتهم ... فاللى جاى ..

وسام فالشغل بتاعه .. وبنص دماغ .
اه ده انا مقولتش ليكم

انهاردة عيد ميلااااااااااد.. بتو9و9و9ول 

بتول بنت وسام ومى .. واقولكم ع حاجة تانى .. 

اتولدت بتول فنفس اليوم بتاع عيد ميلاد باباها .. او بالاحرى قبلها بيومين ووسام سجلها زيه

1/1 

هتتم 5 سنين خلاص ووسام طبعآ مشغول عشان اول السنة الجديدة فشغله عروض ، ومى مش نازلة من ع ودانه . عشان عيد ميلاد بنته وعيد ميلاده برضو 

وسام: حااااااضر يا مى حااااااضر مش ناسي والله 

مى: واوعى تنسى الساليزونات .. والسويسرول اوك

وسام: يامى انا فالشغل ارحمينى .. يعنى هنسي حجات عيد ميلاد بنتى 
هو ده اول عيد ميلاد يعنى 

مى: طيب انا تممت عليك اهو .. عالله تكون فيه حاجة ناقصه

وسام: ابقى بيتينى عالسلم .. سلام بقى 

شريف جاى عليه وف ايديه كوكا ..

شريف: لااااااايص ولا كأنك ابو العروسة 

وسام: مى كل عيد ميلاد لبتول ، توجع دماغى كده .. لا والمرة دى 
كمان جايبالى ناس يحتفلو بيها فرقة اطفال كده 
وودتها الكوافير قال 

شريف: ههههههه مش امها مى ! لازم يبقى فيه الغير معقول طبعآ نسمعه

وسام: اقولها يابنتى البنت شعرها يبوظ كده
هو حلو وطويل لوحده 
تقولى ملكش انت دعوة .. انا هخلى بنتى اجمل بنوتة فمصر 

شريف: ياعم تعيش وتتربى فعزك هو انت عندك كام بتول 

وسام: مممممم بتول .. روح قلب بابا
بعشقها بنت اللذين

شريف: لا وهى حتة منك .. كأنها وقعت منك سبحان الله..حتى عيد ميلادكم زى بعض قولى انت هتتم كام صحيح
حاجة وسبعين صح

وسام: اخرس يالا ، عالاقل انا حاجة سبعين ومتجوز ومعايا بنوتة لكن انت لسه سنكوح

شريف: اوباااا انا بتهزق ولا ايه هههههه..عالعموم ياعم ربنا يخليهالك وتشوفها عروسه يارب

وسام: ماتشوفهاش لما اقولها بلاش ع حاجة او مش لازم دى يا بيتى ! تقولى خلاص يابابى والله المستعان 

شريف: ههههههههههه طبعآ ابوها مين .. عبقرينو الزمن الجميل

وسام: هى الساعه كام فايدك ؟

شريف: 6 
وسام: طيب انا هاخد ال 3 سعات دول اذن عشان اجيب الحجات بتاعة العيد ميلاد
اوعى متجيش

شريف: ياسلام !! ده انا الى هاجى ارقصها معايا .. انت ناسى انها عروستى ولا ايه

وسام: ربنا يباركلى فيك يا حبيبى ..

قام وسام ومشى وراح يجيب بقية حجات العيد ميلاد ..وطالع بيفتح الباب ..

كان البيت مليان هيصة زمبليطة ومى بتتكلم فون .

مى: يا دنيا مش عايزة تأخير اوك .. متنسيش تقولى لعمرو ييجى معاكى متبقيش بايخة

دنيا: والله عمرو عنده شغل يابنتى ، انا جاية اهو خلاص بلبس 
اهم حاجة بيتى خلصت

مى: بيتى زى القمر اهيه .. واهو باباها جه .. البطئ (بتميل ع وسام ) جبت الحجات

وسام: جبتهم .. مين ؟

مى: دنيا

وسام: طب سلمى عليها ، انا هدخل اخد دوش والبس

مى: (باسته فخده) اوك ياروحى 

شويه والكل اتجمع ... كان وسام بيعدل صورة مامته الى كان نفسه اوى تكون معاهم .وبيردد " الله يرحمك يا امى انت وبابا "

وجاى ع الاطفال وبتول الى بتلعب معاهم .. والحضور كله موجود 
امنية وابنها لوحدهم 
لانها انفصلت عن جوزها واخدت ابنها وناو عايشه مع ابنها ولابنها وبس.. بعد م تعبت فعلاقتها مع جوزها لانها مقدرتش تحبه بجد
وفضلت الانفصال باحترام .. بس عشان الولد !
وبتشتغل فشركة حاسبات خاصه 

ومنة وسامح جم ودنيا وكلهم موجودين ...وشريف طالع والاغانى شغاله .

وسام: بيتى ! حبيبة باباى (بيحضنها )

بتول: (عاملة كيرلى شعرها مع انه ناعم وطويل) بابى بابى حبيبى 

وسام: كل سنة وانتى طيوبة يا روح بابى يا حبيبة بابى 
يا عيون بابى 
ايه التسريحة دى يا بتول ؟

بتول: ايه ياباى مامى بتقول انها حوووووة(سابته وجريت لاصحابها) 

وسام: حووووة! يامى 

مى: ايه رائيك يا قلبى فمراتك الموزة ! (بتلف وبتوريله نفسها)

وسام: استنى بس .. تانى الكدش ده.
لما انا كنت بكرهك وانتى عملاه تعمليه لبتول 
شكلها وحش 

مى: لااااااا خالص والله قمر .. بص عليها كده وسط اصحابها قمرايه.. وبعدين ايه بكرهك دى

وسام: قمرايه!! انتو هتموتونى والله

مى: (بتحضنه )ربنا يخليك لينا يا ويسو يارب 

جه معاد انهم يطفو الشمع .. وبتول بتتوسط البيبهات اصحابها
وكانت مى جايبلها فستان شبه الكلايكة كده وملبساها تاج صوغنن وممسكاها عصايه سحريه قال.

وخلاص طفو الشمع .. وشريف م صدق شاف امنية وبيحاول يتكلم معاها.

شريف: كل سنة وانتى طيبة يا امنية .. اجيبلك حتة تورتة ؟

امنية : (ابتسمت) لا ميرسى

شريف: طيب حتة شيكولاطة !

امنية: شكولاطة! (بتتريق عليه) ههههه لا مش عايزة 

شريف: طيب اجيبلك حتة منى .. انا عارف انى احلى من فالحفله ! نياهاهاها

امنية: ياسلااااام! لا ياسيدة متشكرة 

شريف: طب انا بقى عايز حتة منك (راح جرى واخد مدثر وشاله يلعب معاه )

امنية: هههههههه بالراحه عليه ياشريف

غادة بتبص علي شريف وامنية 
وبترجع تدى بصة ع ممدوح

غادة: والنبى انا حاسة انهم هيرجعو لبعض وابقى قول غادة قالت 

ممدوح: ها ! (بياكل جاتوه) بتقولى حاجة ياحبيبتى

غادة: (بصتله بقرف) كل ياخويا كل لا ولا حاجة بلا نيلة 
(فسرها )
الى طالع عليك تاكل تاكل .. ولا بتتقدم ولا بتتنيل ولا احنا متجوزين فعمرنا بلا وكسه !

دنيا : كل سنة وانتى طيبة يابتول (بتديها هديه ) دى الكادو بتاعتك 

مى: ميرسى يا دنيا تعبتى نفسك ليه بس

دنيا: انا معملتش حاجة بيتى دى حبيبتى 

سهر: حبيبة خالتو كادى ! يووووه قصدى بتول
لسه معلق فدماغى اسم كادى الى كنتى عايزة تسمية يا مى ، بس اختيار اسم بتول ده تحففففه 
انا بحب الاسم ده جدآ

مى: نعمل ايه ياستى .. اختيار باباها

وسام: لا متقوليش باباها .. احنا عملنا قرعه وانا اخترت مرتين وانتى 3 مرات ويطلع بتول .. حصل ولا لا ؟

مى: حصل ياقلبى انا 

بتول جاية بتجرى عليهم ..

بتول: بابى .. بابى 

وسام: نعم يابابى 

بتول: انا كنت ب أجرى بالعربية الى تنت مونى كيبهالى وبعدين خبتت فواد عبيت كتا

وسام (نازل ع ركبته ليها) واد عبيت ! وبعدين يا روحى 

بتول: وبعدين قالى حاثبى يابت ! قولتلو مث واختا بالى اعملك ايه يعنى 

وسام: هههههههه (طلع لوسام) تعالى ياست مى اسمعى بنتك

سهر: فيه ايه ؟

وسام: هى مش بنت مى .. والحكاية مش بتخلص 

كلهم : ههههههههههههه

مى : كل سنة وبنوتك وانت طيبين وكلنا مع بعض وميحرمناش من بعض 

وسام: يارب ياروح قلبى (باسها فخدها وميل يبوس بتول )

والحكاية بتكرر ووسام ومى مش هيخلصو .. طول م فى الى زى وسام ومى 

هيبقى فيه حب .. حتى لو عدينا بشوية مشاكل
لازم نتمسك ببعض
عشان فالنهاية .. كل كابل يليق ع بعضه

مستحيييييييل ينفصلو ومع نهاية قصة اشهر كابل ووسام ومى 

نقولكم سلام وع لقاء برواية جديدة 

دمتم سالمين وسعداء 
((((((((((((النهـــــايــــــــة))))))))))