======•••========
وفنهاية يوم قبل الحنة
ليلى بتتكلم فون مع الى بالى بالكم ، وبتطمن ع خالها بعد م اخد الدوا
وبتبص بصة عالعريس من فتحة بابه الصغيرة
ومع صوت فيروز الساحر ، وفنجان لاتيه
واباجورة واحدة منورة .
كان وسام بيتكلم فالفون مع عروسته ... آخر فون قبل الحنه والفرح
مى: انا رحت شقه بابا وسيت خلاص الشقه الى قدامك عشان اطلع من عند بابا
واعمل الحنه هناك كمان .. مش كده احسن
وسام: احسن ياعمرى
مى: فرحانة اوى يا ويسو .. يالهووووووى يومين وابقى معاك للابد
وسام: والله ما مصدق انك خلاص هتكونى معايا
مى: ايوة
وسام: فيتى
مى: ايوة
وسام: معايا
مى: ايوة
وسام: نفسى اغمض عينى وافتحها
مى: تلاقى ايه ؟
وسام: (اخد نفس جامد وابتسم وغمض عنيه ) الاقيكى قدامى بالفستان وزى القمر طبعآ
وبشيللك الطرحه
وبقولك .. نورتى مملكتك يا ملكة قلبى وعمرى وحياتى
مى : (غمضت عيونها وراحت فدنيا تانيه خااااالص) مممممم، كمل
وسام: (بصوت حنين) مش عارف ساعتها ممكن من كتر الفرحه ، احس انى بحلم
واخدك كده من ايدك
واهمس بودانك..
مى: ايوة .. هتقولى ايه
سهر خبطت الباب ع مى ودخلت ...
سهر: مى !
مى : (اتخضت ورمتها بالمخده) ايه !! مش شايفانى بتكلم
سهر: هههههه طب خلاص خلاص ، كنت بسألك هتودى السارى للمكوجى دلوقت ولا بكرة الصبح قبل م تيجى الماكيرة يابت؟
مى: هولع فيه السارى ، اطلعى برة دلوقتى
سهر: ههههه طيب يا ست مى (مشيت وقفلت الباب)
وسام: سارى ايه ؟ مش السارى ده لبس البنات فالهند؟
مى: ايون ! اصل انا كنت هعملهالك مفجأة بكرة
انا هلبس سارى احمر زى البنات فالهند
وامنية وسهر ومنة وغادة جابو برضو ساري زيي بس الوان مختلفه
وهنمشيها حنه هندى هيهيهيهي (ضحكة بلهاء)
وسام: ههههه طب كويس ياروحى
فكرة حلوة .. تغيير
مى: بجد! عجبتك
وسام: اه والله .. بقولك ايه صحيح
مى: نعم يابيبى
وسام: مبحبش الحنه الكتير والاوفر.. يعنى متعمليش كل حته فيكى كأنك كنتى عند خطاط
مى: ههههههههه لا انا جايه بنت من اسوان بتشتغل فستنر كبير بيرسمو حنة سودا تحفه
هعملها رقيقه متقلقش يا حبيبى
وسام: اوك ياقمرى ، شطور ميوش بيسمع الكلام
احبك وانت بتسمع كلامى كده
مى: وانت هتعمل ايه فحنتك يا ويسو ياقلبى ؟!
وسام: لا انا مش هعمل حنه ولا حاجة .. انا هاروح سبا كده الواد شريف حاجزلى فيه
انا وهو وعماد وياسر وابن عمى
مى: اها
وسام: وبعدين هنقضى السهرة فمكان بردو حاجزة ياسر صاحبى تربيزة فيه قال عايزين يهيصولى فيه
وكده
انتى عارفه انا مبحبش كده .. بس وافقتهم عشان ميزعلوش
مى: يا ويسو ياحبيبى .. دى حنتك يعنى مرة فالعمر
افرح وزقطط وشيل الربوش من ع دماغك ابوس ضوافر عنيك
وسام: ايه ضوافر عنيا دى يا جزمة
مى: هههههههه يعنى انشكح كده وانبسط يا وسام
وسام: حاضر ياختى هنشكح، مش كفايه انك انتى هتنشكحى براحتك
مى: هموووووووت واشوف فرحنا والزفه الفرعونى الى هتعملهالنا مريم
يانهااااااارى مش عارفه انام من الفرحه والله
وسام: ان شاء الله هتعدى ع خير وهيبقى فرح جميل والناس هتنبسط وكلنا هنفرح
مى: يارب (سكتت ورجعت اتكلمت) ايوة صحيح انت كنت بتقول ايه بعد م تهمس بودانى ؟
وسام: ها ؟! ههههههههه اقولك بعد بكرة بقى لايف من غير فونات والجو ده
مى: ع فكرة انت رخم بارد بايخ موت بقى
وسام: ههههههههههههه/ طب يلا عشان تنامى لان هتصحى بدرى ووراكى حجات وعشان تبقى امورة فحنتك كده
ياقمرى
مى: لاااااااااااا خلينا شويه
وسام: انتى يابنت ! اسمعى كلام بابى
مى : (بصوت بيبى ) حاتر يابابى هنام اهو .. تثبح ع خير بئى وكتا
وسام: وانتى من اهلى بقى وكده
قفلو العرسان وف استقبال صباح يوم الحنه ... ع زغاريد فالشقتين
وهيصة وزمبليطة .
=======•••==========
دوشة وربكة وسماعات وديجهات .. وبنات كتييييير
والمطبخ مزحوم بالناس الى بتجيب اوردرات الاكل الجاهز البيتى والجاتوه والساليزونات الازم للحنه
ومرات بابا مى واقفه ع رجل كأنها بنتها بالظبط ، والبنات بيبتدو ييجو المعزومين ورا بعض
ونشارة خشب معمولة تحت قدام العمارة بتاعتهم ع شكل بحر وسمك ومكتوب فيها مى ووسام
الاغانى مسمعه العمارة والشارع كله ...
امنية من اودة مى وهى بتظبط مكياجها ، لسهر وهى بتظبط مع مرات باباها
اما غادة فهى مع الفيديو مان
الى صور تفاصيل مكان مى واودة نومها ولعبها وهى صغيرة وصورها وكل حد منهم قال حاجة لمى اهداء فالفيديو.. لتصوير التحضيرات
حتى منه كانت مبسوطة ومستنيه البنت بتاعت الحنه ، وبتجهز المكان عشان البنات الى هتقعد
اصل مافيش كراسى ولا حاجة
دى حنة هندى، يعنى عالارض كلهم
ورقص فالنص وعمايل حنه
طب نسيب العروسة .. ونروح للعريس بتاعنا
الى بيجهز بدلته الجديدة فالدولاب .. والسكارف والنضارة بردو الجديدة.
والى بيبص ع اودته الى يمكن فضيت نوعآ ما، كتبه كلها راحت ع شقته وحاجته الخاصه
مافيش غير كام طقم فالدولاب .. وكام تريننج بيتى
وكله جديد فجديد هناك فشقته .
بيبص ع مكتبه الى كان بيقعد عليه ، والبلكونه وسهره فيها . كل ده خلاص آخر يوم ليه انهاردة وبعدين هييجى ضيف هنا .
احلى شعور فالدنيا لما تبقى سايب بيت بابا الى اتربيت وعيشت فيه احلى الذكريات وتروح ع مملكتك الخاصه بيك للابد.. مع شريك حياتك
الانسه ليلى بقى .. كانت فالكوافير من بدرى ، بتجهز للحنه الى هتحضرها عند مى
بس مش جابت سارى
لكن قررت انها تحضر بشعرها لانه وسط البنات .. فبتظبطه بلوك جديد.
=============•••==========
الساعة 7 جت !
كـــــــــــل حاجة جهزت .. عند العروسة وكله ع مايرام .
طلعت العروسه واشتغلت رقص مع صحباتها والفيديو معاهم ، الاول رقص عادى وبعدين ع حركات اتفقو عليها هما ال 4
رقص هندى والبنات حواليهم بتعلى التسقيفه ليهم ... نص ساعه !
وشرفت لولا
دخلت ورمت الطرحه الى حطاها ع دماغها ورقصت واكتشفوها وهما بيرقصو ومسكتها مى وحضنتها ورقصت معاها . والورد ينزل عالبنات من بنات خالة مى .
نطييييييييييير للعريس.
شريف: البس يااااااااااض البس (بيلبسه)
وسام: انا مش بلبس الحجات دى يا زفت انت
ياسر: لا انت انهاردة متتكلمش ، كلها سعات يا معلم وتدخل القفص وتسمع كلام المدام فقط
وسام: عيييييييب اخوك مسيطى ياض
شريف: اهو الى بيقولك مسيطر ده .. اتفرج عليه بعد شهر ان م جه الشغل بالبيجامه وقالك اصل نمت عالسلم امبارح
ووسطى بيوجعنى
من نومة امبارح
وسام: انا متأكد ياشريف لو مكنتش اشتغلت معانا كان هيبقى مستقبلك باهر ف وسط العوالم وكباريهات شارع الهرم
الشباب: ههههههههههههههه
شريف: طب يلا ده العبد لله مظبطلك يوم هتحلف بيه طول حياتك ..
دخلت مامته عليهم بعد م لبس وكان امور خالص..
الام: الله اكبر عليك يا حبيبى (حضنته وبتبوسه)
وسام: يارب يخليكى ليا يا امى انتى وبابا يارب
مش ناوية تروحى ل مى شوية طيب يمكن تنبسطى هناك
الام: واسيب بابا لمين ؟ وبعدين انا ماليش فالهيصة يا حبيبى ..
انبسطو انتو وافرحو . ربنا يتم لك ع خير يا بنى
شريف: ايوة ياعم ماما تحبك ومى تحبك واى بنت تشوف خلقتك تحبك
حتى الدبان بيحبك .. وانا مافيش قطة تنونو عليا حتى
ياسر: عشان هو وسام مش شريف ياسي شريف
شريف: وهو شريف كان سفاح قبل كده ولا ايه ؟
وسام: طب خلاص هههههه يلا بينا عشان منتأخرش
=======•••==========
" ده جمالك الله يزيده العقده اتفكت ع ايده .. واليوم الى لقاك فيه قلبى بقى يوم عيده
ومعاك بقى احلى بداية ولا هحلم غير وانت معايا ... من قلبى بحبك وكلامى من جوايا
تيرارارا ... تيرارار"
ده تامر حسنى .. كانت اغنيته الجديدة بتلف فالشقه ومجلجله والبنات بتسقف وبتغنى معاها البنات فالحنه ويمكن مكانش ف مكان حد يشوف حد من الزنقه مع ان الشقه واسعه بس الناس كانت كتير اوى .
امنية: شغلو طبله يا بنات خلى مى ترقص هنا
ليلى : اه يلا يا مى رقصك عجبنى يوم الخطوبة
مى: كده ! طب ده انا هوريكى احلى شغل (بتنادى ع كاميرا مان) تعالى ياعم هنا صور
تسقيفه يابنت
البنات : (بيسقفو ويزغردو )
========•••=========
ميه ... وتدليك ومساج
وماسكات وميوزك هاديه .
كل ده كان ف انتظار العريس وسام بك
دخل هو واصحابه ال سبا واستعدوا وكل حد استلمو حد
بس التوصيه كانت عليه هو اكتر ..
بدآ يسترخى وكان مبسوووط اوى
شريف: ايه رائيك يا ويس
وسام: مزاااااااااااااااااااج
ياسر : هههههههههههه وسام سافر يا جدعان
شريف: عشان اقولك ، هتطلع من هنا كل النشاط والحيوية كأنك جمل شوف جمل
وسام: ههههههههههههه
شريف: (بيبص للمدلك) عايزينك والنبى الله يخليك تتوصى بيه اصله عريس .. ومعدى بعيد عنك ال 40
وسام: ههههههههههه اخرس يالا
ياسر: ياراجل هو فيه حد زى وسام عاصم ، ع فكرة ميبانش عليه 31 سنه
وسام: اهو شوفت
ياسر: ممكن 32،33 هههههه
وسام: طب اخرسو يا كلاب بقى هههههههه
شريف: الواحد حاسس انه بقاله كتير مستحماش هيييييييييييح عالزراعية يارب اقابل حبيبى
حد من الشباب: ع فكرة انت دماغ ياشريف
شريف: ياراجل فكك هناخد ايه من الدنيا يعنى .. نسيب الزعل للناس الفاضيه
تفتكر امنية ممكن تعبرنى لما اروح معاك الحنه ياض شوية كده
وسام: امنية ؟! لا
شريف: اخص الله يكسفك (قام من مكانه وضربه ع ضهره وجرى )
وسام : (قام منفوض من الضربه) اااااه .. طيب ماشى
فضلو يجرو ورا بعض لغايه م وقعو فالبيسين بالجاكوزى
وسط باقى اصحابهم .
==========•••========
ليلى : بصى يا حنان ، ترسميلى حاجة سيمبل كده ع كف ايدى الشمال . وبس
مى: يابت م تخليها ترسملك حرف المُز
ليلى : (خبطتها فدراعها) بس يابت
منة: وانا وانا عايزة ترسميلى فراشه عند رقبتى يا حنان
حنان: حاضر .. هعمل لكل واحدة فيكم الى انتو عايزينو بس عشان الحق العروسة طيب
مى: لالالالالالالالا خلينى فالاخر بعد م تخلصيهم عشان تفضيلى يا اوزة
حنان: وهو كذلك
امنية : (بتميل ع ودانها ) عارفه ..كان نفسي ارسم حنه واكتب فيها شريف بالعربى
زى مانتى هتعملى لوسام
بس يا خسارة
مى: سيبك منه .. ده حيوان شريف ده ايه الى تكتبيه
قوليلى صحيح .. عملتى ايه فموضوع العريس الى جالك
امنية: مانتى عارفه يامى مش هقدر
مى: انتى خرة بس شريف ده لا ينفع زوج ولا زفت وكل هيدخلك بواحدة شكل.. والله انتى الكسبانه
امنية: ياريت كان الواحد جواه زرار.. يدوس عليه يمسح كل حاجة
مشاعره وذكرياته
وكل حاجة
ويقدر يبتدى من جديد
غادة: شوفتو يابنات (بتوريهم رسمه ورده ع دراعها بالحنه السودا ) حلوة ؟!
مى: قمر ياضوضو
غادة: تفتكروا هتعجب الموكوس ممدوح
مى: وهو هيشوفها ازاى اساسآ ياعبيطةا
غادة: يلا احسن ، انا هتفرج عليها لوحدى ..
مى: نياهاهاها ..
=========•••=========
وسام بيرقص !
بردو مهديش شريف غير لما خلاه يرقص معاه هو واصحابه ،وفعلا كان واحد تانى خالص
تحسو كده انه بجد فرحان عشان هيتجوز اخيرآ.. وهيستقر
المكان الى راحو محترم وفيه ولاد ناس واغانى كويسه وراقيه ورقصو وهيصو واتعشو ..
شريف : (بيطلع من جيبه سيجارة شكلها غريب ) خد ولع وانفخ يا عرييييييس
وسام: ايه ولع وانفخ دى ياض ؟ شايفنى من المطاريد بتوع الجبل
وبعدين انا مش بشرب سجاير
شريف: دى مش سيجارة ، دى صاروخ الحظ
وسام: اه صاروخ، زى ناسى معينه كده كانت اسمها صاروخ
شريف: (بيشرب راح كح ) يااخى حرام عليك كنت هموت عالسيرة
وسام: هههههههههههه
واحد من الشباب: واد يا شطان انت سيب وسام فحاله ومتشربوش حاجة انهاردة
شريف: والله هيندم .. ده انت تاخد نفس وتطيييييير
وسام: لا مش عايز اطير عايز افضل عالارض انا
(بيبص فالساعه )
مش يلا بينا اروح اقعد شويه مع مى فالحنه عندهم
شريف: هنروح لمى ! (اتخض وطفى السيجارة ) طيب انا تمام كده
(بيظبط نفسه)
وسام: والله الى بالى بالك م هتبص فوشك
شريف: تراهننى ؟
وسام: لا الرهان حرام بس انا بقولك
شريف: طب يلا بينا وشوف بنفسك يا وسام يا سنكرى
راحو كل الشباب لحنه البنات والهيصة الى هلى من اول الشارع سامعينها والزغاريد ..
وسام وهو طالع عالسلم كان شريف بيزفه من وراه وباقى الشباب بيردو الاغنية وراه ..
مى اول م شافته جريت عليه وحضنته وهو باس دماغها وايديها قدام الناس .والبنات هيصو والى اتغمز ع ان وسام امور ومُز اصل كانو مش كل البنات شافوه قبل كده
والى قال انه احلى من مى .. بس ولا يهمها هو بيموت فيها اصلا .
راحت ليلى جرتهم ال 2 وحزمت مى ووقفتهم فالنص ولفو حواليهم ورقصوهم بالعافيه ، قعدت مى تشجع فيه وهو مكسوف
وشريف من ناحية وليلى من ناحية لحد م عمل حركتين معاها وكان عاجبه اوى السارى عليه وكان بيبصلها بصة حلوة اوى الكل لاحظها .
وبعدين شغلت غادة اغنيه هندى ورقصت مى وصحباتها عليها وراح شريف قعد يقلدهم والبنات والستات تضحك ووسام دخل فالهيصة وبقى زيهم وبيعمل اى هبل .. من كتر الضحكة والفرحة كانو هيتحسدوا.
وبعدين خد وسام مى ع جنب ..وراح بدل الدبله من اليمين للشمال فايدين مى وهى كمان بدلتها ليه وزغردو
كل ده وشريف بيحاول مع امنية لكن امنية مصدراله الطرشة خااااالص .
وبعدين وسام وهو ماشى بقى ..
وسام: كملى ياحبيبتى مع اصحابك ، جاية معايا ياليلى ولا ايه ؟
ليلى : اه
غادة: لا خليكى ياليلى
مى: يووووه يالولا خليكى
ليلى: معلش يابنات انا من بدرى هنا
مى: طب خليكى عشان انا هرسم دلوقتى الحنه بتاعتى .. عشان تتفرجى عليها
ليلى: ابقى اشوفها وانا بباركلك الصباحية ياعروسه (باستها )
ووسط كلامهم كان شريف لازق لامنية ..
شريف: يعنى هتفضل كتير منفض كده يا جميل
امنية: (بصتله بعدم اعتناء ورجعت بصت للعرسان)
شريف: ايه مش سامعه ؟
امنية: مش لما يبقى ف حد بيتكلم اصلا
شريف: والله
وسام كان شايفهم حاول يخفف الموقف..
وسام: يلا يا عندليب يلا .. سلام يا حبيبتى
تصبحو ع خير يابنات
البنات لازقين للباب ورجعو تانى ودخلت العروسة ومشيت ليلى مع الشباب ووسام .
اصر شريف يوصل وسام هو لبيتهم سايق هو بيه ..
وطول الطريق بيسوق بطريقه متهورة وشغال يعمل كلكس وهما بيضحكو عليه ..
شريف: ياعريسسسسسس
وسام: يابنى الناس بتبص علينا الله يهديك
شريف: م يبصو مش معانا عريس ولا ايه .. (بيبص من ناحية الشباك) الله يبارك فيك اخويا
يلا هيصة .. هيصة
ليلى: ههههههههههههه
وصلو لشقة ويسو تعبانين وهلكانين خاااااالص بعد م سلمو عالشباب وكل حد فيهم اصر انه يروح بمعرفته ومش يوصله العريس
عشان ميتعبش .
'طلعو ودخلو فوق ولسه بيدخلو من باب الشقه وهما بيحكو الى حاصل وبيضحكو ....
========•••======
حنان: ايه رائيك كده ؟ اهيه اسم وسام ع دراعك وسط ورد
مى: تحففففففه .. بصو كده يابنات
سهر: لا الفراشة الى عالضهر دى هى الى رهيبة
مى: اسكتو ده انا هلعلع كده .. ده انا هروشه
======•••=======
صوت عياط جامد جاى من اوضه بابا وسام ..
وسام دخل مخضوض هو ليلى .
وسام: فيه ايه ؟ فيه ايه ؟!
الام: باباك يا وسام من الصبح بيرجع وتعبان ودلوقتى اغمى عليه وشغاله بتصل بالدكتور مقفول ومش عارفه اتصرف (بتعيط)
وسام: وانتى مكلمتنيش من الصبح ليه ياماما
الام: يا حبيبى انت فحنتك وو
وسام: حنة وزفت ايه (بعصبيه) بابا.. باباااا
ليلى : (مكشرة ومخضوضة) البسى انتى يا طنط بسرعه نطلع عالمستشفى
==========•••========
غادة: (بتبوس مى ) طب انا همشى لانى اتأخرت زمان ابويا اتبرى منى اساسآ
مى: طيب ياحووبى باى بقى .. بكرة من بدرى تيجى عشان نروح البيوتى مع بعض كلنا مش هستنى حد انا
غادة: ماشى يا موزة باى
امنية: انا خدت اذن بابا ابات وياكى يابت
مى: حبيبتشى انتشى
=======••=========
وسام شايل باباه ع ايده ونازل بيه فالاسانسير ..
واول م وصلو العربية ..
وسام: سوقى انتى ياليلى ، اركبى يامام ورا
مامته بتعيط وبتبص ع باباه ..وهو ماسك نفسه بس متعصب جدآ
ووصلو المستشفى
لسوء الحظ لقو الاسانسير هياخد وقت ع بال م ينزل من فوق فأخد وسام باباه بسرعه وطلع عالسلم لحد الدور ال خامس !!
=======••======
حنان: بصى كده الفروع دى شيك صح ؟
مى: واااااااو تحفه .. هتعملى فرجلى التانيه كده برضو
حنان: لا واحدة بس سيمبل بتبقى كويسة ،
سهر: الفراشه الى ورا هى الى تحفه بجد تسلم ايدك يا حنان
مى: يلا كملى يا حنان اسم ويسو حبيبى بقى
وهما بيتكلمو عدى واحد من ولاد سهر وخبط طبق الحنه وقعه على سارى مى !
مى: ععععاااااااا ايه ده !!!
سهر: معلش يا مى ، انت يا ولد
مى: السارى باظ ورجلى باظت .. ينفع كده ياسهر
امنية : استنو حصل خير حصل خير
======•••========
وسام: حضرتك انا معايا حالة بابا طارئة بيرجع وتعبان واغمى عليه
الريسيبشان: طيب اتفضل فالغرفه دى (بينادى عالنيرس ) نيرس بسرعه خدى المريض وشوفى دكتور يدخل ليه
خدوه الممرضات ع نقال لجوه ووراه كذا دكتور وقفلو الاوضه واستنوبرة
بعد شوية ...
=======•••=======
مى : (بتغسل رجلها ) يعنى ينفع كده والله حرام .. كلى بقى اسود منه لله ابنك ياشيخه
منه: مش معقوله بجد الصبح حلقك يتكسر ودلوقت الحنه تبهدلك
امنية: هى شكلها عين .. خلاص حصل خير انا هعملك سيرش عالنت اشوف ايه ممكن يطلعها متقلقيش
مى: اوووووف بقى .. يا ويسو تعالى شوف الى جرااالى !
======•••======
الدكتور طالع ووشه كئيب ..
الام: ايه يا دكتور ؟
الدكتور: هو واضح ان الكيماوى كان تقيل ع معدته ووو...
ليلى : (ضمت مرات خالها اوى )
الدكتور: احنا حاولنا لكن .. للاسف
وسام: (قاطعه) دكتور بابا ماله ؟!
الدكتور: (متردد) هو ... ربنا اختاره يا وسام
البقاء لله
الام: لأ لأ (دخلت تجرى وخبطت فكتف وسام المتخشب كأنه صنم )
ياعاااااااصم !!
ليلى دخلت وراها
ووسام واقف مش حاسس بالزمان ولا المكان ..صرخه عاليه من مامته من جوه
دمعه بتنزل من عين واحدة من وسام
ومش فالدنيا اصلا
وفسره وهو مذهووول (ابويا مات !! )
=====••=====
ليست هناك تعليقات:
إرسال تعليق