شيرين: ربنا يخليك يا وسام، ها عجبتك الشقه ... انت ومى؟
وسام: والله انا كنت عايزك عشان كده .. هى مى مش مبسوطة بيها
شيرين: انا كنت حاسة (عوجت بوقها)
وسام: بس انا لسه بصلى استخارة وبشوف
شيرين: عالعموم خد وقتك خالص انا مش مستعجلة .. انا هقوم اشوف الشغل وبعدين نكمل كلامنا فالبريك (قايمة وماشية )
وسام: (مرة واحدة وهى مدياه ضهرها)
ليه مقولتيش انك كنتى متجوزة فالشقه دى ياشيرين!!
شيرين وقفت مرة واحدة وكأن اتدلق عليها مية ساقعه ؟!
شيرين رجعت تانى عند مكتب وسام وهى وشها الوان ..
شيرين: (بصوت واطى ) وانت عرفت منين انى كنت متجوزة ؟ وكمان فالشقه دى
وسام: انا طبعآ ماليش حق انى اتدخل فحياتك الشخصية ، بس انتى عرضتى شقتك عليا للبيع
زى م انا كنت صريح معاكى من البداية وقولتلك ان شقتى لو هتشتريها انها مقفولة ومحدش سكن فيها
يبقى انتى كمان كان المفروض تبقى صريحة معايا
شيرين: طب انا عايزة اعرف انت عرفت منين
وسام: (طلع من جيب شنطة اللاب صورة ) واضح انك لما كنتى بتشيلى حاجتك..اثناء نقل العفش
وقعت دى عند سور البلكونة
(صورة زفاف ليها ومعاها راجل كبير نوعآ ما )
شيرين: (خدتها منه وهى مكسوفه خالص ) اه .
وسام: ممكن اعرف ليه خبيتى ؟ ده حلال ربنا
ليه مقولتيش.. ده مكانش هينزل من الشقه قدامى يعنى لو عرفت انك كنتى ساكنة فيها
شيرين:(مرة واحدة بنرفزة ) مقولتش عشان عايزة انسي!
وسام سكت ومنطقش ب ولا كلمة ..
شيرين: انا واحدة يا وسام .. يوم م لبست الفستان الابيض
مفرحتش
زى البنات!
بالعكس ..كنت بمثل تمثليه
الراجل الى فالصورة ده (طلعتها وعيونها احمرت ) الى هو جوزى
متجوزنى للوجاهه الاجتماعيه بس
مجرد جواز كده وخلاص .. واحد اكبر منى ب25 سنة بالظبط
وكل م يتجوز واحدة من طبقته الاجتماعيه بتسيبه وبيتطلقو والسبب مش معروف
انا بقى كنت بالنسبة له لقطه عمرى م هسيبه وهو كمان بردو كده
غنى جدآ فوق م تتصور.. شافنى وجرى ورايا فالوقت الى كنت فيه مرتبطة بحد ومتفقين عالجواز
وسام: (بيسمع وهو مصتنت جدآ لكلامها )
شيرين: عارف انت لما يبقى كل الناس جايه عليك عشان شايفين انه عريس ممتاز
وانى هبلة عشان بتعلق بواحد مش هيعملى ربع الى هيعمله المليونير ده
كل الى بعد كده مقدرش اوصفه لك.. وجع وقرف وذل
استحملت كتير
جوازة والسلام
رغم ان كل فلوسه وحياته دى مكانتش بتسعدنى ، كنت خلاص سبت حلمى الوحيد انى اتجوز الى بحبه
وبقيت حرم المليونير فلان..
لغاية م ربنا عوضنى بحاجة يمكن تفرحنى شويه
وسام: خلفتى ؟!
شيرين : (بتمسح دموعها وبتبسم) ملحقش افرح بيه
يوم م فجاته انى حامل ضربنى وبهدلنى قدام الناس وطردنى فنص الليل بيبجامه وحافيه
عشان هو مش بيخلف!
وسام : (تعبيرات وشه اتغيرت وصعبت عليه جدآ )
شيرين: انت طبعآ هتسأل.. هو مكانش بيخلف فعلا؟
هقولك لا كان بيخلف .. بس هو كان عايز يخلص منى عشان فيه صيده جديدة قدامه
وسام: ياساتر يارب يستحيل يكون فيه بنى آدم كده
ازاى يفرط ف ابنه ؟ حتة منه لمجرد نزوة تانيه
اعوذ بالله من الناس دى
شيرين: رفعت قضية عليه .. وربنا اراد ان ابنى يعيش رغم الضرب والاهانة
وعملت تحليل DNA
واثبت انه ابنه وانا حامل مستنتش الولادة
والمحكمة حكمت بطلاقى واخدت الشقه عشان كانت باسمى ..واخدت حجات كتير منه
وسام: (باين عليه التأثر) وابنك ؟
شيرين: ابنى مات !
بعد م ولدت ب اسبوع مات
وكأن ربنا كان بيخلصنى من كل حاجة من ريحة الراجل ده
وسام : (طلع منديل واداهولها ) طيب اهدى
شيرين: الفلوس الى معايا فالبنك الكتير الى قولتلك عليها ،فلوس هو حاططها باسمى
من يوم جوازنا
لما فوقت من الى انا فيه .. قررت انى اخلص من اى حاجة بتفكرنى بالايام دى
ابيع الشقه
وكل حاجة متعلقه بيه، حرقت كل صوره معايا
معرفش ازاى دى نستها ولا ايه ؟
وقدمت فالشغل هنا عشان ابتدى من جديد
حتى الشخص الى كنت بحبه لما دورت تانى عليه..سافر ومحدش عارف طريقه
وسام: متعرفيش الخير فين ياشيرين ، انا آسف انى اضطريتك تتكلمى عن حاجة فاتت كانت ...
شيرين : (قاطعته) متقولش كده يا وسام.. انت بالذات حاجة خاصة عندى
تعرف الى عايز تعرفه عنى وقت م تحب
وسام: ربنا يخليكى ياشيرين احنا اخوات طبعآ، متعرفيش الخير فين يا شيرين
يمكن ربنا عمل كل ده عشان يبدلك بالاخير منه
شيرين: دوشتك بقصتى الممله دى ، بس عايزة اطلب منك طلب
وسام: اتفضلى
شيرين: ممكن محدش ابدآ يعرف بالكلام ده
وسام: طبعآ
شيرين: وسام كنت عايزة اقولك حاجة مهمة
وسام: قولى
شيرين: فعلا انا معرفش الخير فين .. وانت كمان متعرفش الخير فين بردو
(مشيت راح منادى عليها)
وسام: شيرين!... (قام من ع مكتبه)
انا اسف.. مش هقدر اخد الشقه بتاعتك
شيرين: عشان الى قولتهولك؟
وسام: لا والله مش كده.. تعرفى ان انا كمان مرتاحتش.. وبعدين فال وحش انى اتجوز فيها بعد كل الى حصل فيها ده
شيرين : (بضيقه) عندك حق
وسام: اما بالنسبه للمبلغ الى دفعتيه فالمستشفى، ف انا اول م ابيع شقتى هردوهولك
شيرين: متقولش كده.. انت لسه قايل
احنا اخوات
وسام رجع لمكتبه بيفكر ف الى اتقال والكلام بيتعاد فذهنه ..
اد ايه الناس مش زى م بنشوفها من برة اوى ... ف ناس بتلبس اقنعه عشان تخبى وشوش مشوهه من جوه !
====•••======
بعد فترة كده..كانت
فيه خطه بتتعمل
من جانب الانسة امنية والانسه غادة ان الاستاذ سامح يوقع ف حب ... منة
امنية : مش ملاحظين يابنات ان سامح متغير اليومين دول ؟
غادة: مممممم بقى بياخد باله من لبسه .. واخدة بالك انت من الشعر والدقن
مى: لا يا جوماعه سامح امور لوحده من زومان
منة بتفكر فكلامهم وبتبص ناحيته وهو معدى فالطرقه..
منة: فعلا شكله احلو
غادة: ههع .. العب العب (بتسقف ع ايدها)
منة: طب انا هقوم اشوفهم هيتغدوا ايه
مى: غريبة يا منة تروحى تساليهم .. م هما بيسالونا ع طول
منة : (بسهوكة ) مجاتش من مرة يعنى
غادة: روحى يانحنوحة
امنية: شكل الصنارة غمزت
غادة: طبعآ يابنتى .. منة زوقيها انتى وهى تتفاعل ومالكيش انتى دعوه
مى: انتو بتظبطو منة مع ممدوح ولا سامح
غادة: ايه يامى غباء الابل ده ؟! خبطت فقفايا دى ع فكرة
ماهو ممدوح خاطبنى ولاانا مش عجباكى
مى: اووووووووه سورى مش كنت افتكرت يا غدغود اصلكم مخطوبين من زومان بئى
غادة: اه ياختى متفكرينيش .. ده ابو الهول قرب ينطق
وممدوح لسه معملش خطوة واحدة
امنية: ياستى يكفى انه متغيرش معاكى .. ولا بيوعدك ومتلاقيش واثقه انه مهما حصل بيحبك، وغلبان
مش زى واحد
بطل يتصل بيا نهائى ..
او يتطمن عليا
ولما اكلمه انا بليل .. الاقيه ويت!
مى : اوبس!! ويت
لالالالا ده انتى لازم تشوفى الموضوع ده ايه
امنية: (بتتكلم بخنقه) والله خايفه يكون الى فبالى
مش عارفه ساعتها ممكن اموت
انا بجد بحب شريف اوى
غادة: خايفه يكون يعنى ....
امنية: بس ياغادة بعد الشر .. شريف بيحبنى
وعمره م هيبص لغيرى
هو وعدنى ان بعدى مافيش حد.. وانه كان غبى لما كان بيصاحب زمان قبل م يلاقينى
غادة: والله الواحد نفسه يشوف حد عدل فالاساتذة الى احنا مخطوبين لهم دول
ان كان شريف ولا ممدوح ولا وسام..
مى : لا يا موزة ! نونونو وسام طلعيه من الحسبه
ده سيدهم كلهم
مش زى الرجالة ال سنكايح بتوعكم
غادة: لا واضح ان مش منة بس الى نحنونة.. دى الاخت مى كمان دخلت فالحسبة
(بتبص ناحية الباب)
هى البت منة هتبات عندهم
صبرنى يارب عالشله دى
مى : (فونها رن ) ويسووووووو
سولااااااام يابناويت
امنية: رايحة فين يابت
مى: هنزل لويسو عشان هنشوف شقه جديدة ! ادعووووووووولى (نازله عالسلم)
غادة: ربنا معاكى يا ختى
=============
مى نزلت لقت وسام مستنيها ..
مى: حبيبى يا ويس وحشتنى بقى وكتا
وسام: وانتى كمان وحشتينى اكتر.. مستعدة؟
مى: مستعدة لايه ياحبى
وسام: نشوف شقتنا الى انتى عايزاها.. زى م بتحلمى بيها بالظبط
مى: شوقتنى ..يلا بينااااااا
طلع وسام بالعربية واغانى حب وبتاع .. لحد م وصلو لمكان الشقه ..
طلعهم البواب والسمسار يتفرجو ..
مى: (مذهوله من جمالها من اول م دخلت) وااااااااااااااااااااااو يا ويسو
وسام: انتى لسه شوفتى حاجة .. ادخلى جوه واتفرجى براحتك
مى بتلف فيها وهى مبسوطة وبتجرى ووسام بيضحك عليها.
مى: يا نهار ابيض! ايه الجمال ده
لاقيتها ازاى دى يا وسومى ؟!
وسام: (عقد حواجبه استنكار) وسومك! مش مهم ماعلينا
سمسار موصيه بقالى فترة وقولتله بالظبط انتى عايزة ايه وجبهالى
مى: دى متتسابش .. بص بص تعالى (بتشده من ايده)
هنا اودتنا .. عشان واسعه وفيها الباث رووم الخاص بيها
وسام: اها
مى: هى الشغل بتاع الدهانات تحفه .. بس انا كنت عايزة بوستر كبير ليا انا وانت بتحط هنا
وسام: (مبتسم) حاضر
مى: وتعالى كده (بتشده لاوضه تانيه)
وهنا اوضه كادى
وسام: كادى مين؟
مى: كادى بنتنا ياحبيبى
وسام: كادى !! لما تيجى ان شاء الله نشوف كادى واوشك كمان وافعال المقاربه دى
مى: هنعملها بينكات ف بيستاج هتبقى تحفه
وبوستر بردو هنا ليا وانا حامل فيها
وسام: طب ده انا هحطه ازاى قبل م تيجى الانسه كادى دى
مى: ولا يهمك .. لما نتجوز واحمل فيها صورنى واعملها...يلا يلا
وسام : كل حاجة عندك ليها حل انتى مافيش مشكله
مى: وهنا... الليفنج روم
وهنا اودة مكتب ليك عشان كادى وعاصم يلعبو بعيد عن بابى وهو بيشتغل او لو قاعد بيقرا حاجة يعنى عشان بابى عبقرينو زمانه
وسام: (باستغراب وبسمة ع وشه) عاصم؟
مى: ايون، مش انت قلت ان عمو عايز يسمى عاصم
خلى بالك انا مش بنسي حاجة انا
وسام (بهمس ) طب تعرفى لولا وجود البواب كنت عملت حاجة متهورة دلوقتى
مى : (حطت ايدها ع بوقها قال مخضوضة ) طب امشى ياعمو البواب امشى
وسام: ههههههههه يامجنونة
مى: بس دى شكلها غالى اوى .. والمنطقه كمان
والبرج الى مبنيه فيه
وسام: الحمدلله ف مشترى لشقتى بسعر كويس جدآ هنجيب منها الشقه دى بأذن الله وكمان هنجيب كل الحجات والموبيليا المودرن الى انتى عايزاها
مى: كل ده عشانى يا وسام ؟ (بتتكلم بحب ورقه ع غير العادة)
وسام: ان مكنتش اسعد الى هتبقى كل دنيتى
حبيبتى .. ومراتى ومامت عاصم
مى: وكادى (مدت شفتها الى تحت)
وسام: وكادى ياستى .. هسعد مين؟
انا ماليش فالدنيا غيرك انتى وبابا وماما
وربنا يقدرنى واعمل كل حاجة انتو عايزينها يا روح قلبى
مى: يالهوووووووى (غمضت عيونها) طب اسكت عشان مش هعمل حساب لا لبوابين ولا نجاريين بعد كده
وهعمل انا حركة متهورة لوحدى
وسام: ههههههههه انتى هتقوليلى .. ها؟
تمام خلاص نكتب العقد
مى: دلوقتى حالا
===========
وسام خلاص... هياخد الشقه وهيبتدى بقى ف تحضيرها عشان الزفاف
وبالمناسبة دى بيروحو لمطعم اليوم الوسامى ، الى بيحب وسام يروحو لما يكون مبسوط ..
وهما بيتعشو سوا ، وبتأكله مى فبوقه
والكمان بتعزف مع البيانو لحن هااااااايل.. لحن تانجو
الى بيحبه وسام!
مى: معزوفه الملوك
فاكر؟
وسام: طبعآ
مى: من يومها وانا بخلى الميوزك الى من النوع دى تكلم روحى زى م انت بتقول كده ، بسمع منها كتيييير
وسام: هى لغه راقيه جدآ ع فكرة
مى: فاكر لما قولتلك انك برنس .. هههه
لو اعرف ان الدنيا هتلف واجى معاك فنفس المكان وانا وانت لسه حاجزين عشنا الصغير وبنحضر للزفاف
وسام: ده عشان ربنا بيحبنى يا مشمش، كتبلى تكونى معايا
مى: انا بحبك وبحب ربنا اوى عشان عوضنى بيك
(بتبص ناحية البيست)
تيجى نرقص؟
وسام: يلا
وسام ومى مسكو ايدين بعض وبدآو يرقصو وعيونهم بتقول كلام فرحة جواهم
الابتسامة مش غايبه عن وشوشهم خااالص.. مى اتعلمت وبقت هايله فالرقصه دى
ووسام فرحان بيها وكان مبسوط اوى معاها وهما بيعيدو ذكرى يوم حلو عاشوه سوا..
وبعد العشا رجع كل حد فيهم شقته بعد م وسام اتطمن ع مى ودخلت تنام ..
وتانى يوم
كان وسام مع شريف بياكلو فالبريك سوا .. اصل شيرين كانت غايبه اليوم ده !
وسام: عارف بجد حاسس ان ربنا كان شايل حاجة ليا حلوة لما مش اتجوزت دنيا وخطبت مى عشان تكون مراتى
شريف : (بياكل وسرحان شويه) ممممم
وسام: الفرحة الى ببقى فيها مع مى، مستحيل اكون حستها مع دنيا فيوم
انا مبحبش المقارنات
بس فعلا ربنا بيعملنا الخير دايمآ واحنا المستعجلين
شريف: (ساكت مش بيهزر زى عادته)
وسام: من وانا بجيب الشبكة للشقه.. للمشاوير الى هتبتدى بتاعت العفش وخلافه
كل دى حجات مخليانى طاير فالسما ..
شريف : (بيهز راسه) اكيد
وسام: مالك ياشريف؟ انت مش معايا خالص ع فكرة
ايه مالك لا اسكت الله لك حسآ؟
شريف : (بصله وركز جامد وقال )
انا مش هكمل يا وسام !!!!
ليست هناك تعليقات:
إرسال تعليق