===========•••==========
رحاب قرت الشعر وطبقت الورق وحطته فالدرج جمب
السرير ودخلت تقول لعلاء انها هتنام...بس كانت مكشرة
رحاب:انا
هنام ياعلاء ...عايز حاجة ؟
علاء:اه ياحبيبتى لو سمحتى مج نسكافيه كمان عشان
هسهر اذاكر كام حاجة كده
رحاب:
حاضر
دخلت رحاب عملت النسكافيه وجابته ...
علاء: مالك يا رحاب؟(لاحظ انها مكشرة واسلوبها
متغير)
رحاب: مافيش سلامتك...تصبح ع خير
علاء: لا والله فيكى حاجة! هو انا مش عارفك..ف
ايه زعلتك بحاجة من غير م اقصد؟
رحاب:
مافيش ياعلاء(عيونها دمعت)
علاء: يانهار ابيض!! بتعيطى كمان! لا والله فيكى
حاجة ..مالك يابابا تعبانة من حاجة ؟ زعلتك ؟ف حاجة عند ماما ورامى فالبيت؟
رحاب:(بصتله
جامد اوى وهى مدمعه) انت مقولتليش ليه؟
علاء:
ع ايه؟
راحت
جابت الورق وادتهوله ..علاء مسكه وقراه وعرفه راح خبط ع دماغه بيه..
علاء:
مين جابه هنا الورق ده؟
رحاب:
اخوك جابه مع بقية الكتب(زعلانة)
علاء:
انا مقولتش عشان الموضوع ده شيلته من دماغى وكانت مراهقة وراحت لحالها خلاص يعنى
مالوش اى اهمية عندى
رحاب:
علاء...لو مالوش اهمية مكنتش احتفظت بيه لحد دلوقت وسط كتبك المهمة ،ومكنتش كتبت
بحبك ياياسمين من تحت وتاريخ م كتبت الشعر فيها (عيطت)
علاء: يالهوووووووووى يارب اموت طيب عشان خليتك
تعيطى كده ، والله م اقصد وحياة رحاب عندى مش فبالى دى حكاية قديمة كده وراحت
لحالها والله
رحاب: يعنى انت مبتحبهاش دلوقتى؟
علاء:
طب ردى انتى..لو بحبها هتجوزك ليه ...وآدى ياستى الورق اهو (قطعة ع مليون حته) ولا
القمر يزعل نفسه
رحاب:(ابتسمت بس فعيونها دموع وعلاء مسحها
بايده) طب خلاص مصدقاك ...عشان انا كمان بحبك اوى اكتر من نفسى والله ، يبقى انت
اكيد زيي
علاء: واكتر منك كمان...مرة تانيه بقى لما تبقى
زعلانة تقوليلى ع طول انتى فاهمة ولا اتعصب عليكى هههههههـ ، ...ايوة اجمل ضحكة
فالدنيا للملاك بتاعى
علاء صالح رحاب ورحاب بدماغها الكبيرة ولحبها
لعلاء عدت الحكاية ...ويارب تعدى الحكايه ع طول !
========================
امل عند ياسمين بتزورها فبيت باباها وبتطمن ع
احوالها...
امل: سبحان الله ياياسمين، تلف تلف الدنيا ونرجع
انا وانتى لبيت ابونا من تانى ..بس انا ارملة وانتى متطلقه ..الايام دى عمر م فى
حد هيفهمها ابدآ ، حد فينا كان عارف هيحصله كده
ياسمين:
ياختى...ولا هتتفهم ..انتى مجبتيش ليه معاكى سيف؟ وحشنى
امل: سبته مع امى شويه كان نايم مرضتش اصحيه
واجيبه، المهم ايه يابنتى مش تاكلى كده خسيتى وواوحشيتى خالص مش تاخدى بالك من
نفسك كده
ياسمين: يعنى هو انا هاكل واحلو واجيب نفسية
منين ...صح لاقيتى شغل؟
امل:
رافضين فالبيت والله ..
ياسمين: انا لاقيت
امل: طب كويس فين؟
ياسمين: فمدرسة اعدادى بنات...مدرسة رياضة
بالحصة ، عارفة فين ؟ قبل شارع ابراهيم اخوكى بشويه هستلم اول الدراسة انشاءالله
امل:
ااااااااااه عارفاها..طب كويس فاضل اسبوعين خلاص ،اهو ابتدى بقى اطلعى من مود الغم
والحزن والقرف الى انتى فيه
ياسمين: ياستى مش عايزة حاجة من الدنيا
خلاص..(بتبصلها وهى بتبسم) بس انتى الى احلويتى وبقينا نلبس اخر موضه وفواتح ونحط
مكياج ياعم ياعم
امل:
ههههههههه والله قلت اغير شويه ، هكبت نفسى لامتى ياياسمين يعنى
ياسمين: انا عارفه ياختى!! خصوصآ لو بنحب مثلا
واحد اسمه صاصاهههههههه
امل:
يخربيتك امك تسمعك(بترد الباب عليهم)...هو باين؟
ياسمين:
عليكو انتو الاتنين بصراحة..هو مع نفسة وليل نهار يغنى لعمرو دياب وانتى احلويتى
واصبحتى اكثر جمالا هههههههههه
امل: ادعيلنا ياياسمين والنبى ، نفسى ربنا يجبر
بخاطرى المرة دى
ياسمين: ربنا يسهلكو يارب بقى وتتجوزو...وتحصل
حاجة تفرحنا كلنا بقى
امل: طب وانتى؟
ياسمين: انا هفرح لفرحكو ياامل...انا مش عايزة
حاجة تانى خلاص...حتى املى الوحيد راح ومبقاش عندى امل يرجع
امل:
ربنا يسعدك ياياسمين يابنت حوا وادم ويعوضك خير
ياسمين: ويديمنا اصحاب وحبايب ياحبيبتى يارب
خدت
قعدتها امل ونازلة من عندها لاقت مصطفى فوشها! داخل من باب العمارة
امل:
ايه ده! مصطفى
مصطفى: مقولتيش انك جاية انهاردة يعنى عند
ياسمين؟
امل: هههه جرى ايه هنبقى سى السيد من دلوقتى ولا
ايه؟
مصطفى: لاياستى لا سى السيد ولا حاجة انا بحب
اطمن عليك ياامول مش اكتر..وكويس انى شوفتك عشان اقولك
امل:
تقولى ايه؟
مصطفى:
سمعتى اغنية حماقى الجديدة" حاجة مستخبية" (مسك ايدها وحطها ع قلبه)
سمعتيه وهو بيقول .." ف جوه قلبى حاجة مستخبية..كل م اجى اقولها فجأة مش
بقدر".
.
امل: طب مانت قولت خلاص(مكسوفة من مسكه ايده لايدها) وهات ايدى عشان اعصابى راحت
مصطفى:(رفع
ايدها من على قلبه وباس كف ايدها من جوه وهو باصص فعيونها اوى وهيماااااااان) حاضر
امل: يالهووووووووى والله رجلى مش حاسة
بيها..اوعى كده(شالت ايدها) محدش باس ايدى قبل كده ده انت رخم(مشيت وهى بتضحك)
مصطفى
باصصلها وهو مبتسم وبيردد بصوت واطى كلامها: محدش باس ايدى قبل كده!! اومال كانت
متجوزة ازاى دى ياربى ؟! ( بيعلى
صوته
ليها وهى خارجة من باب العمارة) ده انا هوريكى بس نتجوز ياامل هههههههههههههههه
امجد بيكلم سارة فالفون قبل م ينام..
.
امجد: تفتكرى انا مشدودلك ليه؟
سارة: معرفش...سؤال ماجوبكش عليه بصراحة..مع انى
مش جميلة وعادية
امجد: ممممممم مش شرط الجمال...ف حاجة فروحك
شدتنى ليكى كده
سارة: ربنا يخليك، بس بردو متستعجلش فحكمك ع
مشاعرك من ناحيتى دلوقت... اصبر لحد م تتأكد فترة كده عشان متندمش ع قرار خدته
فيوم من الايام
امجد:
طيب هو انتى مش معجبة بيا يعنى؟
ساره: عارف يا امجد ...غرورك ده واسلوبك لو
اتغير ؟ هتبقى احسن من كده بكتير ..لانك شخصية كويسه بس عايزة تظبيط
امجد: طب وفين الغرور فكده؟ بسالك سؤال
سارة: بردو متجيش كده...عالعموم انا هنام دلوقت
ونبقى نكمل كلامنا بكرة فالشركة بقى
امجد: اوك...بس حبيت اعرفك انى قريب هنزل
القاهرة ...ابقى فكرى لو حابة تنزلى معايا يعنى
سارة: اوك ..تصبح ع خير
امجد:
وانت من اهله
سارة امجد عاجبها كتير...بس عشان بتحبه لازم
تواجهه بعيوبه..هى اتعلمت من تجربتها الاولا نيه ومش حابة تغلط نفس الغلطة لمجرد
اختيار غلط تانى !!! لازم تفكر مرة و2 وبعدين تاخد قرارها..
.
============================
الدراسة فتحت
... وياسمين بدأت تروح شغلها ،الى حد ما كويسة ومبسوطة وبدأت تطلع من الجو الى هى
فيه. اتعرفت ع زمايل جداد..والطالبات بدأو يتعودو عليها ويحبوها.. وفيوم كانت
طالعة بسرعة مستأذنة من الحصة الرابعة عشان باباها تعب مرة واحدة ومامتها كلمتها
تيجى بسرعة. ياسمين طالعة بسرعة ومش واخده بالها، كانت قدامها ست منقبة لابسة
اسدال طويل من غير ماتقصد داست ع طرف اسدالها وهى بتجرى تركب التاكسى.
..الست
اتشنكلت وقعت!!
وهدومها اتوسخت فالطينة الى قدام المدرسة مطرح م
كان راشش العامل بالخرطوم
!
ياسمين: انا اسفة والله م اقصد ، انتى تمام؟
رحاب: خلاص حصل خير..انا بس كنت رايحة لقريبتى
هنا بس هدومى كلها اتوسخت خالص
ياسمين:
تعالى اتفضلى حضرتك انا مدرسة هنا...ممكن تيجى معايا معلش اصلح غلطى ده..اصل مش
هينفع تمشى كده فالشارع
رحاب:لا خلاص انا هاخد تاكس لحد هناك ياسمين لا
تعالى بس نصلح هدومك كلها باظت انا اسفه
ياسمين خدت رحاب وهى متعرفش انها مرات علاء
طبعآ..ودخلتها المدرسة تانى لاودة الاقتصاد المنزلى وقفلت عليها وطلبت تقلع الاسدال
توديه مغسله قريبه وتكويه ع بال م تجيبلها هى اى حاجة تلبسها من تفصيلات الطالبات
الدفعات القديمة الموجوده فالمخزن عشان تلبسها .. رحاب كشفت وشها! بدأت تتعرف
عليها ياسمين...حست انها شافت الوش الجميل ده قبل كده بس فيييين؟
ياسمين: انا اسفه والله كنت طالعة اروح لبيتنا
اصل بابا تعبان وكنت رايحة اجيبله دكتور
رحاب:
ولا يهمك
..
ياسمين: انتى من المنطقه دى ؟
رحاب:
لا كنت بزور بنت عمى بس بقالى كتير ماشوفتهاش، ونزلنى التاكس قبل الشارع عشان كنت
هشتريلها شوية حاجات لاولادها
ياسمين:
ياريتك م نزلتى م التاكس ههههههههههههه
رحاب: خلاص حصل خير...يمكن ربنا عمل كده عشان
اتعرف ع حضرتك
ياسمين:
ده انا الى ليا الشرف اتعرف ع ست محترمة زيك والله..(بتمد ايدها ليها) انا ياسمين
مدرسة رياضيات هنا وحضرتك
رحاب: مدام رحاب
ياسمين: مش عارفة ان حاسة احنا شوفنا بعض قبل
كده
رحاب: وانا كمان شبهك مش غريب عليا..عالعموم
فرصة سعيده انى اتعرفت عليكى
ياسمين: وانا كمان سعيده اوى ..ليكى حق تلبسى
النقاب انتى زى القمر بصراح
ة
رحاب: تسلمى يارب ده من ذوقك(فونها رن وبتطلعه من الشنطة ترد) ايوة ياعلاء! لا لسه
موصلتش....طيب لما اروح هكلمك ياحبيبى ...لا اله الا الله
ياسمين سمعت اسم علاء!! ايه ده دى مرات
علاء...ايوة افتكرت شافتها فالفرح ، وامل كمان قالتلها ان مرات علاء اسمها رحاب
وبنت عمها ساكنة فعمارة ابراهيم اخوها!! الى عزمتهم الدنيا صغيرة اوى ...يااااااه
للدرجة دى لسه الزمن مخبى انها تشوف مرات علاء..لاء وكمان تتعامل معاها وتبقى ست
ذوق بالشكل ده ؟! ولسه فيها الدنيا..وياما هيحصل
ياسمين:(عملت نفسها معرفتش حاجة) الاسدال 10
دقايق ويجيبه العامل متقلقيش
رحاب: ان شاءالله هتعبك متأسفه ...
جه الاسدال ولبسته رحاب وهتمشى هى ورحاب خلاص
طالعين من المدرسة..
رحاب: هاتى نمرتك اتصل بيكى اشوف الوالد عامل
ايه
ياسمين: وحضرتك تتعبى نفسك ليه بس
رحاب:ليه
بس تحرمينى من ثواب السؤال ع مريض ؟ وبعدين ليه منعتبرش دى بداية صداقه ! .لو انتى
بقى مش عايزة ..ثم كمان لازم اطمن ع والدك عشان اعرف اطمن عليكى برضه..كفايه انى
عطلتك انك تروحيلهم
ياسمين: برضو!! ده انا الى اسفه
ياسمين كتبتلها الرقم وخدو ارقام بعض وركبت
تاكسى ومشيت وهى مش عارفة لما هتتصل بيها هتتعامل معاهاازاى ..الست الذوق الى
اتعرفت عليها وكانت السبب فحدوث فصل بايخ فيها..ولا مرات حبيبها الوحيد؟
================================
رحاب وصلت عند بنت عمها وقاعدين مع بعض.. رحاب
بتلاعب ولاد بنت عمها ورايحة خالص فاللعب معاهم وجابتلهم هدايا كتيييييرفرحانين
بيها .. ام شروق لاحظت ده ع رحاب وزعلانة عليها ان ربنا مقدرلهاش الخلفة..بس دى
حكمة ربنا.
. ام
شروق: عاملة ايه مع الدكتور علاء يارحاب؟
رحاب: الحمدلله كويسين..ففضل ونعمة من الله
ام
شروق: يعنى متغيرش معاكى ولا حاجة بعد العملي
ه
رحاب: لا خالص..ده معاملته ع طول معايا طبيعية جدآ وبيحبنى اوى ام شروق: بس اكيد
هييجى يوم ويشتاق للخلفه..ولا ايه؟
رحاب:(سهمت
كده ) يعنى ايه؟ ممكن يطلقنى؟ ام شروق: انا مقولتش كده..بس مافيش راجل بيصبر
عالموضوع ده بالذات..هيصبر انهاردة ..بكرة..شهر سنة طب وبعدين؟ هيزهق كل م يشوف
الى حواليه من سنة وبيتقاله يابابا وهو لا..ثم كمان هو عنده القدرة الى تخليه اب
رحاب: بس هو بيحبنى(عيونها مرتبكة)
ام شروق: بس بردو ممكن يتجوز عليكى عشان الخلفة
مش اكترويفضل معاكى عشا بيحبك
رحاب: ايوة...صح..(عيونها دمعت) انا مش انانانية
بس انا مش هقدر اشوفه مع واحدة تانيه خالص، هو من حقه يكون اب..بس انا مش بايدى
طيب
ام شروق: لازم تستعدى لليوم ده...علاء مش الراجل
المثالى الى جاى من السما! اكيد هيبقى ف طبع الرجالة العادى وهو انه يفكر فنفسة
ويجيب مولود يحمل اسمة وتبقاله الصيدليه وكل م يملك..
رحاب فكرت فكلام بنت عمها وفاقت ع حاجات كتير
مكانش واخده بالها منها... الكلام خلى رحاب تفكر بطريقة وحشة فالبدايه..بس بعد كده
سابتها عالله واحتسبت كل شئ لوجهه هو يدبرها من عنده.
==============================
امجد جه مصر.. سارة منزلتش معاه
..والى
حد معاه بتحد فالعلاقة مابينهم لانها بتخاف من طباعه شوية مهما كانت بتحبه..
طبعآ مجية امجد دى..قلبت الموازين عند امل
وقلقتها جامد..لانها لسه بتخاف منه للاسف. وفمرة كانت بتكلم مصطفى فالفون ودخل
عليها الاودة ع غفلة راحت اتخضت وارتبكت وقفلت معاه ع طول.
امجد: ايه متكملى تليفونك؟
امل:
لا ماهى قفلت اصلا امجد: مين دى؟
امل: ياسمين...عاوز حاجة ياامجد؟
امجد: لا عادى كنت داخل اقعد معاكى شوية..اصلك
لا بتقعدى معانا ولا حاجة ..وليل نهار لازقة الفون فودنك والاب فحضنك هههههههه
وبقيتى بتاعت فيس قال
امل: امجد...لو هتقعد تستفز فيا كده وتدايقنى ع
طول زى زمان ..انا ممكن اروح شقه سيف اقعد فيها لحد م انت تمشى ونمنع المشاكل خالص
امجد: ف ايه ايه المعاملة دى؟ كل ده عشان داخل
اقعد معاكى ..بتعملى كده لايمن ولابراهيم؟
امل: ايمن وابراهيم محدش فيهم اذانى
امجد: وانا بقى اذيتك ف ايه انشاء الله
امل: لا ماهو مش هينفع اقعد فتحقيق كده ع
طول..انا هاخد بعضى واروح شقة ابنى لحد مانت تمشى
باباهم دخل عالزعيق: فيه ايه مالكم ..انتو ايه
قط وفار كده حتى وانتو كبار وعندكو عيال
امجد:
معرفش مالها يابابا بتعاملنى معاملة زفت كده من ساعة م جيت ولا كأنى غايب بقالى
سنتين عنها
امل: بابا بعد اذنك انا هروح شقة سيف لحد م امجد
يمشى..اعصابى مبقتش تستحمل قرف امجد تانى زى زمان
الاب:
بس بس عيب الكلام ده..ده بيت ابوكى وكلكم هنا واحد ..وانت ياامجد ابعد عنها مدام
مش بتستحملو لبعض كلمة حتى وانتو عندكو عيال وكبرتو..خلى اجازتك دى تعدى ع خير
امجد خرج من الاودة لكن مش عاجبه حال
امل وحاسس انها مخبية حاجة..بس ياترى هيسكت ولا
هيحشر مناخيره كالعادة بعدها بكام يوم .
.
ياسمين بتتصل بامل وهى بتعيط:...أمل بابا مات ياأمل..مات !!
:'(
===========================
رحاب
عرفت ان بابا ياسمين توفى،فقررت تروح تعزيها. هى عرفت عنوان بيتها لما كلمتها اول
مرة تطمن ع باباها..واهى بتلبس ورايحة . دخل علاء عليها وهى بتلبس وهو كمان كان
نازل الصيدليه الشيفت بتاع بليل
.
علاء: لابسة ورايحة فين؟
رحاب:
رايحة اعزى واحدة صاحبتى باباها اتوفى
علاء: طيب استنى اوصلك وبعدين اطلع عالصيدليه ..
رحاب: اوك
نزلو وركبو التاكس وقالت رحاب عالعنوان..علاء
عارف ان ده شارع ياسمين..معقولة الى فدماغه صح؟! وصلو ونزلو مصطفى كان هو الى ع
باب الصوان شاف علاء واستغرب...عرف منين؟
علاء: هى صاحبتك دى اسمها ايه؟
رحاب: ياسمين
علاء:(ارتبك
لانه ميعرفش الصلة جت ازاى بس قال فنفسه مش هيسأل دلوقتى) اوك اطلعى انتى وانا
هقعد 10 دقايق عشان يظهر ان صاحبتك دى قريبة واحد صاحبى اهو قاعد هعزيه
رحاب: اوك
طلعت
رحاب عند الستات...وسلم علاء ع مصطفى وهما الاتنين فحالة اندهاش فظيع
علاء: البقاء لله
مصطفى: سبحان من له الدوام..انت عرفت منين؟
علاء: من رحاب مراتى...صاحبة ياسمين!!
مصطفى: صاحبة مين؟
علاء:
انا معرفش انا زيي زيك بالظبط..معرفش الصحوبية دى جت امتى ولا امتى خدو ع بعض
وياترى رحاب عارفة ان دى ياسمين حبيبتى الاولانية وياسمين عارفة ان دى مراتى؟!
دماغى هتتشل
مصطفى:
ياعم لو ف حاجة كان بان ع مراتك ولا ايه ، اصبر لغاية م تروحو وهى تقولك
علاء: جوزها فين انا مش شايفه فالى قاعدين
مصطفى جوز مين؟
علاء:
جوز ياسمين
مصطفى:
ياسمين خلعته فالمحكمة من فترة طويلة
علاء:ايه!!
مصطفى: اه والله
علاء
افتكر ان حتى ياسمين لما كانت بتيجيله كانت متطلقه بس مقالتش. وده دليل ع انها مش
عايزة خراب..هى كانت صادقه فمشاعرها وندمانة عاللى عملته فيه زمان.
فوق عند الستات.... رحاب قاعده وسط الستات ومامت
ياسمين وياسمين وولاء اخت ياسمين مافيش غير العياط والسكات.. امل جمب ياسمين
ماسبتهاش من ساعة الى حصل..لا هى ولا مصطفى . امل استغربت وجود ست منقبة
ميعرفوهاش..ولما جت تسلم ع ياسمين وتعزيها ياسمين طلعت عارفاها..بس امل محبتش تعرف
من ياسمين مين دى .هى ف ايه ولا ف ايه!! علاء رن ع رحاب عشان تنزل ويلحق يوصلها
للبيت قبل م يطلع عالصيدليه.. رحاب جاية تقوم عشان تمشى قامت ياسمين عشان توصلها
للباب هى وامل ..بس ياسمين فحالة وحشة اوى ..اصل باباها مش اول حاجة عزيزة عليها
تخسرها ...بس للاسف دى الخسارة الى قطمت ضهرها!! مصطفى واخد علاء لجوه البيت عشان
ياخد رحاب بدل م تطلع برة عند الصوان الرجالة
..
مصطفى بيشوف السكة لعلاء وهو طالع..علاء مكانش قصده يشوف ياسمين ولا ياسمين كانت
عارفة انها هتشوفه.
.لكن
ياسمين كانت طالعة توصل رحاب عند الباب وفوجئت بعلاء قدامها راحت من غير م تحس
بصتله وقالتله
"
بابا مات وانكسر ضهرى ياعلاء !"
وقعت ياسمين من طولها
علاء جرى عليها من غير م يحس يشيلها وهو مخضوض
امل صرخت واتخضت عليها رحاب بتبص لجوزها ومستغرباه...
هى
دى ياسمين الى كنت بتحبها .. مصطفى بيحاول يشيل ياسمين مع علاء من الارض
امل
عرفت ان الست دى رحاب مرات علاء!
بجد مشهد رائع بيجمع الابطال الخمسة مع بعض وكل
واحد ليه رد فعل مختلف عن التانى . لو ف كاميرا بتصورهم مكانش هيبقى بالحرفية دى
...بجد
مشهد يبكى
اى حد يشوفه اسعفو ياسمين وحطوها فسريرها
جوه..رحاب مخبية الدموع انها عرفت الحقيقة، مش بس عرفت حبيبة جوزها القديمة..لاء
وكمان لهفته عليها وخضته من غير م يحس انها واقفه دى تفسر انه لسه بيحبها اصل الست
بتحس واحساسها مش بيخيب ابدآ امل واقفة مع ياسمين والجماعة ومحرجة من مرات علاء
لان هى عارفه الى هيحصل انهاردة اول م يروحو مصطفى عمال يضرب اخماس فاسداس ..لا
فاهم حاجة ولا عارف حاجة والموقف مش ناقص شدة اكتر من كده...ربنا يستر
=========================
علاء روح رحاب من غير م ينطق ولا كلمة وبعد كده
راح عالصيدليه وهو بيفكر...هيعمل ايه مع رحاب؟
الى كان بيداريه خلاص بان عليه ومن غير ما يقصد
اذاها فمشاعرها وهى واقفة ..وهى الى طول عمرها محافظة عليه وكويسة معاه وشايفه
راحته. علاء فموقف ميتحسدش عليه..ياترى هيعمل ايه؟؟
روح كانت هى صاحية بس عملت نفسها نايمة..وكانت
عاملة العشا ومغطياه عالسفرا دخل يشوفها نايمة ولالاء..بيبص فووشها وهى نايمة لقى
الدموع نازلة من عنيها ع خدها وهى نايمة..مسحهم ومشى من الاودة هيموته الندم لدرجة
هو كمان اتدايق ومكالش وقعد فاودة المكتب وقفل ع نفسة الباب الصبح صبح وهو ولا هى
نامو
..هى
قامت من سريرها وعملتله الفطار وحطته ونادته بس من غير م تحط عينها فعينه حتى علاء
مخنوق من الى هو ف وقرر يفتح الموضوع معاها عشان يرتاح.
.
علاء: ف ايه؟؟ انا عارف انى غلطت بس..
رحاب:(قطعته فالكلام) انت مغلطتش..انت بتحب ودى
حاجة غصب عنك..انا الى مش عارفه وضعى ايه معاك دلوقتى؟
علاء:
ازاى ده انتى مراتى حبيبتى الى مقدرش استغنى عنها لحظة
رحاب: وهى؟ وياسمين تبقى ايه؟
علاء انا شفتك بعينى وانت مخضوض عليها..شفت
طريقتها فكلامها معاك اد ايه شكتلك من تعبها عشان انت بس الى بتحس بيها، عشان انت
حبيبها ..علاء انا مخنوقه ومعرفش انا وضعى ايه طيب..ارجوك ريحنى(هتبتدى تعيط)
علاء:طب
عشان خاطرى من غير عياط..والله انا م مستحمل ياريتنى لا رحت معاكى ولا شوفتها
ياريت كل ده كان محصلش
رحاب: ليه ياريت..الحمدلله انى شوفتك
وحسيتك..كنت حاسة وعارفة ان ف حاجة فحياتك انت مخبيها عليا ..حاجة غريية
معرفهاش..يوم م حلفت انك ناسيها صدقتك...او عملت روحى مصدقة عشان المركب تمشى ..بس
الحب الاول مش بيتنسى ياعلاء..عشان انت حبى الاول وانا عارفه انا بقول ايه
كويس(بتخبى وشها بايدها)
علاء: انا مغلطش يارحاب انى كنت بحب زمان..انا
معرفش انك هتكونى فحياتى ولا انى هتجوزك عشان محبش ياستى انا مش عارف انتى
بتحاكمينى ع ايه
رحاب:
مانا عارفه انها مش غلطتك..بس هى غلطتى انا لحد دلوقت انى اقعد وانت بتحب واحدة
تانيه من زمان وانا مجرد زوجة كويسة وخلاص..علاء مبقاش بينا الحاجة الى افضل فبيتك
عشانها..لا بينا اولاد،،،،، ولا حتى بتحبنى ..
علاء: والله بحبك...يارحاب استنى رحاب
مشيت وسابت ايدها من ايده وراحت و لمت هدومها
ومشيت ع بيت باباها...علاء قاعد مكانه ومش عارف يتصرف ازاى ..هو حاول يمنعها
متمشيش بس هى اصرت..هيعمل ايه فالمصيبة الى هو فيها دى ؟
عدى الاربعين...وكمان كام يوم مصطفى قبل وفاة
جوز خالته ..كان هيتقدم لامل ويفاتح مامته فالموضوع. بس جت حالة الوفاه...عطلت
الدنيا لكن دلوقتى مصطفى مستعد عالاقل يتقدم ويفاتح مامته وبعدها يبقى يتجوز يكون
عدت فترة عشان خالته متزعلش.. وقاعد كده هو ومامتة فقاعده حلوة واخواته موجودين.
.راح
طلب منهم يخرجو عشان عايز مامته فموضوع مهم.
مصطفى:ايه ياامى مش ناوية تجوزينى ولا ايه؟
الام: ايدى ع كتفك..ده انا ياما اتحايلت عليك
اخطبلك وانت يابنى كبرت..وانا كمان كبرت وعايزة افرح بيك قبل م احصل ابوك وجوز
خالتك
مصطفى: طيب ياستى هتفرحى بيا..وع فكرة انا ناويت
اخطب الام:طب وخالتك
مصطفى:
ياامى ..عدى شهرين يعنى افتكر كويس طيب وبعدين الموضوع ده فبالى من قبل جوز خالتى
م يموت..وبصراحة موته عطلتها ..(بيتريق)
الام: ياواد اتلم..هههه ودى مين الى انت مسروع
عليها دى
؟
مصطفى: بنت حلال وكويسة وزى القمر...امل بنت عم عبدالباقى..اخت ابراهيم
الام:
امل صاحبة ياسمين!!
مصطفى:
اه الام: الارملة يا واد! الى معاها عيل ع كتفها يا واد!
مصطفى: ايوة ف ايه؟
قامت منفوضه من مكانها واتكلمت بصوت عالى وبغيظ:
الام: حد الله لا يحصل ولا يكون
#امل_بكرة
#بقلمى_نوراسماعيل
============•••••============
ليست هناك تعليقات:
إرسال تعليق