الحمدلله ،، مى بدأت توقف ع رجلها كويس وبتاخد العلاج وبقت زى الفل .
وسام بقى كان زهق من التطويل عن كده وحابب يدخل فالجد ، طلب من مى تاخد معاد من باباها عشان يتقدم ويقرروا معاد الخطوبة .
وفعلا..
مى بتاخد معاد اخر الاسبوع يكون وسام جهز نفسه هو وباباه ومامته عشان يروحو يطلبو ايد مى .. وطبعآ معاهم ليلى .
مى عروسة !
ههههههههه عارفه ان معظمكم مش مصدق ده .. اخيرآ الجنان ربنا هداه ووافقت ع حد يشكمها وهيبقالها بيت
من الصبح مرات باباها بعتت ع عزومة بيتى من الى هى من مطعم مشهور للاكلات البيتى ، وبعتت كمان لمحل حلويات فاخر .
ماهى بردو صاحبة مامتها الله يرحمها ولازم تحل محلها فيوم زى ده ..
وبابا مى بيلبس الطقم الى هو وبيجهز ، سهر عند مى جوه بتظبطها بميكاب خفيف وتسريحة شعر هاديه وسيمبل عشان تبقى بنوتة قمورة كده
وامنية كمان مسابتش مى فاليوم ده .. كانت معاهم بتظبطها .
اما وسام ..
اخيرآ عريس وابتدى يحس بأمل فالدنيا وانها مش بتوقف ع حد ، وقدر يحب من جديد ويفرح ..
بدلة جديدة جااااااامدة جدآ . جابها هو وشريف سوا
وبيجهز والانسة ليلى اختارتله البرفيوم وحطتهوله .
اما بقى مامة العريس الى كانت الفرحة مش سيعاها ، بتلبس وهى طايرة من السعادة كأنها هى العروسة
هو بابا العريس كان تعبان شوية .. لكن بردو محسسش حد بالتعب ده واكن بيجهز وهو مبسوط .
شريف: انا عاجى معاكم !
وسام: عاجى معاكم فين ؟ (بيسرح شعره ) عند مى !
اه طبعآ انت اخويا
شريف: اصلا من غير ماتوافق انا جاى هيهيهيهي
وسام: هيهيهيهيهي
ليلى : انتو لسه بترغو! يلا العروسة مستنية (بتشد وسام من ايده )
وسام: استنى ياليلى (بيلف ) ايه رائيك تمام
ليلى : والله العظيم قمررر يابخت البت مى بيك
شريف: شوفتى الكرافته دى يا ليلى انا الى جايبهاله ، ذوقى عالله يتمر
الام: حلوة اوى ياشريف عقبال فرحك يابنى ..
وسام: طب يلا بينا بقى
شريف: مش عارف مرتبك ليه ياعمونا .. محسسنى انك اول مرة تخطب !
ليلى : طب يلا يلا
نزلو ورايحين يركبو العربية .. عم سليمان شافهم .
عم سليمان: خير يااستاذ وسام .. رايح تتجوز ولا ايه ؟
شريف: ايوة ياعم سليمان زغردله يلا
عم سليمان: الف بركة والله ربنا يتملك ع خير
الام: لسه خطوبة ياسليمان .. ادعيله (بتركب العربية)
عم سليمان: ربنا يسعده ويباركله ويهنيه
انطلق الجميع اهل العريس ... ع بيت بابا العروسة
ولما وصلو ..
مع ان الموضوع من زمان .. ووسام دخل البيت ده قبل كده
وعارف مى من زمان .. بس كان مخطوف معذور .. عريس ياناس
(عقبالكم )
قعدو ا ورحبو بيهم بابا مى ومراته وسهر وجوزها ..
كانت جوه بقى امنية شغالة تقولها ازاى تدخل بصنية الحجات .. من غير م تستعبط وهى مش عايزة تدخل كده
!
مى : بقولك ايه جو فاتن حمامة ده مبياكلش معايا
امنية: يابنتى هو بيبقى كده ده العادى اومال هتدخلى ازاى ؟
مى: عادى .. مساء الخير يا جماعة
يلا اقرو الفاتحة !
امنية : هههههههههه لا انا انادى اختك احسن ..
راحت امنية تشاور لسهر تطلعلها ، وجت لها ودخلو عند مى .
امنية: مش عايزة تدخل بصنية المشروب ..
سهر: يامى انتى العروسة ادخلى وانتى باصة فالارض .. وحطيها واقعدى
ايه مش صعبة
مى: قلت لا
واحدة فيكم تجيب الصنية الاول والتانية تشيل التانية وورايا
شاورتلهم ييجو وراها بصباعها !
امنية كانت متغاظة منها اووووووووى
بس كانت بتضحك .
دخلت مى عليهم ... ووراها البنات .
وقالت : العروسة جااااااااااااات !
وسام بصلها وممسكش نفسه من الضحك ، واماته سكتت وميلت فالارض
اما ليلى فهى فصلت ضحك وغمزت لوسام .
بابا وسام: اهلا يا عروسة ، تعالى اقعدى
بابا مى : (اتكسف من دخلتها دى ) تعالى يامى اقعدى يابنتى
مى : انا جبتلكم سهر وامنية من السرفس ففندق كبير يجيبو الحجات هههههههه
داخلين امنية وسهر بالحجات وحطوها وقعدوا .
بابا مى : هههه انت يابنى واثق من الى بتعمله فنفسك ، لو اتدبست انا ماليش دعوة !
كلهم : هههههههههههه
شريف: هى بس عندها كام صموله فدماغها عايزة تتفك وتتركب بس خير ان شاء الله
مى : اتلم يا شريف احسنلك
وسام: لالالا ياشريف دى مى ست العاقلين .. (بيغمز لشريف)
مى: وانت كمان .. طيب اصلا انت خلاص اتدبست هتتجوزنى وهوريك
ليلى : دى مش جوازة بقى ده انتقام
كلهم بيضحكو والحمدلله القاعده عدت لطيفه ، اتفقو ع معاد كتب الكتاب والفرح ان شاء الله
والحجات الى هيجيبها وسام والحجات الى عايزاها مى
وكان اتفاق مريح للكل .. واتقرت فاتحة مى وعقبال كل البنات .. وكانت مبسوطة اووووى
اما وسام فهو بجد .. كان اسعد عريس فاليوم ده
========•••==========
وتانى يوم فالشغل ..
الكل كان بيبارك لوسام ، ومديره وصى البوفية بفتح حاجة سافعه ع حسابه بمناسبه خطوبه وسام .
ووسام شيكولاته ووزعها ع الكل وقال ان اول م يحجز القاعه لكتب الكتاب .. الكل معزوم .
بس وسط الهيصة والفرحة دى ، بينطلق صارووووووخ!
متتخضوش .. دى بنت جديدة هتستلم مكان منى
الانسة " شيرين "
بنت زى القمررر وشبه البنات اللبنانية كده ، انهاردة اول يوم ليها فالشغل ..
اكيد اتوزع عليها شيكولا وبيبسى زى الكل .. عارفين مين الى ودالها الحجات دى ؟!
عمكم شريف !
وسام : (بيشاور لزميله من بعيد وهو ع مكتبه ) الله يبارك فيك عقبالك يا حبيبى
شريف: ويس واد يا ويييييس
وسام: نعم
شريف: ايه الصاروخ ده اساحبى ! حرام كده والله
وسام: صاروخ ايه ؟
شريف: شيرين هييييييييييييييح
وسام: زميلتنا الجديدة ؟!
شريف: هاااااااااااااااح
وسام: الى اختشو ماتو يااخى .. انت مش خاطب يا زفت انت
شريف: ايوة خاطب ده ايه داخله يعنى
وسام: المفروض ماتشوفش غير خطيبتك يا سى حمار انت
شريف: بس دى لا يمكن متتشافش اساحبى ، بص كده (بيبص ناحيتها وبيخلى وسام يبص وهى قاعده ع مكتبها )
حتة عسلية والمصحف قاعده عالمكتب ..
وسام: يارب يعدى شغلك ع خير ومتترفدش ياشريف
شريف: طب والله لو رفدونى لاشتغلكم ساعى هنا ، المهم مفارقش القمر ده.دول احسن حاجة عملوها انهم بعد منى الى شبه قعر الحلة يجيبو صندوق الحلويات ده
وسام: (بيبص عليها ) طب والله جمالها مصطنع ..
شريف: مين دى الى جمالها مصطنع يامولاااااانااااا
وسام: نص كيلو اسمنت ع خلقتها ولينسز وشكل شعرها ده بردو باروكة ووو...
شريف: ايه هتطلع عزت ابن عمتى فالاخر يعنى ؟! بقولك ايه خليك فنفسك وفخطوبتك لمى وخلينى انا فالمانجا
وسام: هقول ايه بس .. روح ياشيخ ربنا يهديك .. او يهدك
شريف: طيب ياخويا (سايبه ورايح مكتبه)
وسام: بس حرام عليك ع فكرة
شريع طوح ايده يعنى كلامه مش مهم .. استغرب عليه وسام ورجع لشغله .
وبعد شوية .. جاتله مكالمة من مى ..
وسام: الو يابيبى
مى : بيبى .. انت امتى هتخلص ؟
وسام: ع 6 يا مشمش
مى: تيب .. عثان عايزين نلفلف ع القاعات لانى بجد عايزة يوم محصلش لكتب كتابنا ده وده هيحتاج شغل كتير كتير كتير
وسام: هههه حاضر ياستى اخلص واعدى عليكى
=====•••=====
وهما ماشيين خلاص من الشغل ..
شريف عمل حتة موقف مع وسام كان هيطققه .
شريف: ماتوصلنى يا وسام
وسام: رايح والله لمى عشان نحجز قاعه للخطوبة
شريف: (شغال يبص حواليه مستني شيرين تخرج ) مممم معلش طب لاول البنزينة
وسام: خلاص تعالى اركب
شيرين طلعت ..
شريف: شيرين .. ياشيرين !
شيرين : ايوة
شريف: تعالى نوصلك انا ووسام بلاش تاخدى تاكس
وسام : (فسره ) الله يخربيتك يا شريف الزفت
شيرين: لا انا طريقى بعيد .. ميرسى (سابته ومشيت)
وسام: (استنى بعد ما بعدت ) طب وحياة امك ماهتركب عشان الحركة دى (بيشغل العربية )
شريف: ليه بس يا ويسو .. ويسو وييييييييييييييس!
مشى وسام وهو متدايق شوية من شريف ، وبعدها فك عشان المشوار الى هو رايحة ده لازم يكون فاكك
وصل لمى وبدأو يلفلفو ع قاعات كويسة وشيك ..
شافو كذا واحدة ومافيش واحدة كانت عاجبة مى ، مع ان كلهم شايفهم مناسبين وسام .
لكن دى مى ... لااااااااازم تطلع القطط الفطسانة فأى حاجة .
وسام: يابنتى والله كلهم كويسين ..
مى : لااااااا اسمع كلامى انت بس .. ان م خليت خطوبتنا دى محصلتش
وسام: عارف انك هتودينى فداهية بجنانك ده
مى : سلم نفسك ومتستعجلش .. انت فأيد امينة
وسام: طب يلا يا امينة
===========•••========
بعد م روحو .. وبلييييل اوى .
الوقت بتاع العشاق ده ، اتصلت مى بوسام ..
مى : نمت ؟
وسام: لسه مش نمت
مى : تعرف ان جاتلى فكرة فظيعة ماخدتش بالى منها
وسام: ايه هى ؟
مى : انا عندى واحدة صاحبتى اسمها مريم بتشتغل ديزاينر للافراح ، البنت دى بقى هى الى
هتعملنا الفرح الجاااامد الى محدش عمله وهى الى هتقولنا ع الافكار الجهنمية
ده غير انها بتشتغل تبع لقاعه ففندق كبير فده فحد ذاته اشطا يعنى
وسام: اه فعلا فحد ذاته اشطا (بيبتدى ينام )
مى: يالهوووى يا ويسو عليا كده وانا بدخل القاعه وانت فايدى .. هشترى فستان محدش جابه وهعمل تسريحة شعر .. الفنانات نفسهم معملوهاش
وسام : (بصوت نيمان ) بمناسبة تسريحة الشعر ، انا اصلا كنت بنام وانتى فوقتينى بالجملة دى
انا مش بفرض عليكى ولكن انا عايزك تعملى الموضوع بحب تمام
عايزك من يوم خطوبتنا .. يكون اول يوم ليكى وانتى محجبة
مى : محجبة !
انا كنت عايزة ...
وسام: بيبى اسمعينى ... يوم خطوبتنا هكتب كتابى عليكى ، يعنى قدام ربنا مراتى
يعنى الذنب مبقتش تشيليه وحدك ، بقيت اشيله معاكى
وانا بصراحة مش حمل ذنوب .. ده الواحد بيتمنى رضا ربنا فكل لحظة
مى : (هتبتدى تتدايق) مممممم
وسام: لا ممم ولا بتاع ، انتى هتكونى قمر بالحجاب والكل هيتفاجئ بيكى .. وهيبقى حاجة مختلفه زى مانتى عايزة
لكن بصراحة انك تفضلى بشعرك لحد جوزانا برغم انك هتبقى ع ذمتى
ده مش هسمح بيه ..
مى : انا كنت عايزة البسه بعدين عشان لما نروح هونى مون بعد الفرح ابقى براحتى وبعد كده البسه
وسام: ليه هو المحجبات مبيعرفوش يعملو هونى مون ولا ايه ؟ الى بتقوليه ده اسمه تلاكيك
انا سبتك براحتك فترة
وقلت فنفسى هتيجى فيوم تفاجئنى وتلبسه لانى من زمان طالبه منك ..
لكن واضح انى لازم الفت انتباهك
مى : بس ده مكانش اتفاق من الاول
وسام: انا شايف فنبرتك اعتراض ومحاولة لتغيير رائيى
مى : بصراحة اه
وسام: وانا معنديش غير الى قلته ياكده يابلاش خالص
مى : يعنى ايه بلاش خالص ؟
وسام: يعنى مدام من اولها فطلب بسيط زى ده لسه بتجادلى ف اومال لما نتجوز هيبقى كل حاجة كده
مى : ايه عايز تبقيها الجوازة يا وسام ؟
وسام: مش قصدى ...
مى : (قاطعته ) لا قصدك (بنرفزة ) ع فكرة بقى انا مبتهددش والى انت عايز تعمله اعمله وانا موافقاك جدآآ حتى لو نفركش
مش معنى انى ع طول باجى اصالحك تبيع وتشترى فيا
لا فوق ... انا مى !!
وسام: تانى الاسلوب ابن اللذين ده
مى :..... (سكوت )
وسام: ماشى يامى .. اعملى الى يريحك سلام (قفل السكة )
مى نزلت الفون من ع ودنها ... وسكتت وفجأة مسكت المخدة وصرخت فيها واشتغلت ضرب فيها وقالت
" انا مبتكسرش يا وسام ... انا مش دنيا ! "
...واتحسدوا من عيونكم المدورة
ليست هناك تعليقات:
إرسال تعليق