ღ•انــا ابقـى مرات حضرته !•ღ الحلقة التاسعة عشر ( الجزء الثانى من لسه اجمل يوم مجاش )

وسام: مالك ياشريف؟ انت مش معايا خالص ع فكرة
ايه مالك لا اسكت الله لك حسآ؟

شريف : (بصله وركز جامد وقال )

انا مش هكمل يا وسام !!!!  

وسام: (بطل اكل) مش عايز تكمل ايه بالظبط؟

شريف: مش عايز اكمل مع امنية، انا هفسخ الخطوبة

وسام: طب افهم ليه يعنى؟ هو حصل بينك وبينها حاجة طيب ولا ايه

شريف: لا محصلش.. بس انا مش حابب اعيش فدور المنافق ده كتير
ابقى معاها ومش معاها ومش طايق اكون معاها

وسام: (بنرفزة ) ليه يعنى كان حد غصبك ع حاجة، مش دى الى كنت هتموت عليها
فاكر كلامك عنها
هى الى نضفتنى .. هى الى علمتنى احب حب نضيف
هى احلى حاجة فحياتى

شريف: (قاطعه )ماشى كل ده كلام زى الشهد .. عداك العيب
وفجأة فوقت ع انى مبحبهاش ومش عايزها معايا
ومش هى البنت الى بتسعدنى
وبالعربى بقى .. انا بحب واحدة تانيه

وسام: انت ندل ياد انت ياد ،اولا ده منتهى الغباء الى انت بتعمله ده
تسيب واحدة عشان التانية 
عشان اريحك انت لابتحب دى ولا دى
لان الى بيحب حد مش هيقعد يتنقل وسط فروع الشجرة زى القرود

شريف: وسام متغلطش! دى حياتى وانا حر فيها
هو انت لما كنت حبيت مى المجنونة الى مش ستايلك اساسآ حد كان فتح بوقه

وسام: وهو انا كنت جيت ع حق حد لما ارتبط ب مى يابنى انت

شريف: وانا مش هاجى عحقها، الكلام ده لو كنت اتجوزتها وبعدين خُنتها مع واحدة تانية
لكن انا عشان صريح معاها هسيبها تشوف حياتها واحنا لسه عالبر
وانا كمان اعمل الى يريحنى

وسام: ومين بقى الحلوة الجديدة؟ شيرين صح؟

شريف: اه شيرين مالها

وسام: ع فكرة عمرى م هبطل اقولك انك غبى .. انت تعرف شيرين دى عشان تحبها يابنى ادم

شريف: عارف انك مسميها بلاستك ومصطنعه وبنت 60 لذين
بس انا بقى عجبانى وبحبها

وسام: يابنى افهم مش مشكلة شكل 
اعرف حياتها الاول وبعدين قرر هتبقى معاها ولا لاء
متبقاش عامل زى الجردل تتكفى ع وشك وانت مش فاهم حاجة

شيريف: ايه يعنى مالها شرين بنت عادية زى اى بنت
وستايلها بحبه جدآ ومبسوط لما بكون بكلمها ولما بخرج معاها كمان
وهى مش ممانعه ده دليل ع انها بتحبنى وبتبادلنى نفس الشعور

وسام: خلااااااااص تعبت من الكلام معاك
اعمل الى يريحك، دى حياتك وانت حرفيها
تخطب تفسخ براحتك
انا حبيت انصحك عشان احنا مش بس اصحاب.. احنا اخوات ياشريف

شريف: انا عارف ، بس انا هبقى مرتاح كده

وسام: طب وهتقولها ازى ؟

شريف: مع الوقت هفكر واشوف 

وسام: (كمل اكل ) لا حول ولاقوة الا بالله

===========•••======

بعد يوم طويل ..

من اللف ع محلات الموبليا الاستيل والمودرن موضه السنه، كانت رجلين العرسان
مى ووسام اشتكت

وفالاخر اشتروا كام حاجة بسيطة .. لو وسام كان زمانه خلص حاجته من زمان
لكن ربنا قدرله بوجود مى الى ليها افكار مش ع حد ف أى حاجة..يشرب بقى 

المهم ..رجع كل حد فيهم شقته،كان عند وسام شبه الكل نايم
بس ليلى تقريبآ لا

وسام خبط الباب ع اودة نوم باباه ومامته وبيستأذن الدخول..

وسام: (بصوت واطى ) السلام عليكم .. ازيك يا امى

الام: ازيك ياحبيبى .. لسه جاى من برة؟

وسام: اه كنا بنجيب حجات انا ومى لشقتنا

الام: طيب ياحبيبى ربنا يسعد ايامك

وسام: بابا عامل ايه انهاردة ؟ معلش مقدرتش اكون معاه فجلسه الكيماوى انهاردة

الام: باباك كويس يابنى نحمد الله ونشكره هو تعب زى كل مرة طبعآ بس متقلقش ليلى كانت معانا

وسام: انا اسف عارف انى مقصر اليومين دول عشان بجهز فشقتى ومعاد الزفاف قرب وانتو عارفين ..

الام: ولا يهمك ياحبيبى ، ربنا معاكك ويتم لك ع خير

وسام: طيب ياامى نامى انتى .. عايزة حاجة منى

الام: عايزة سلامتك ياحبيبى ..

وسام: تصبحى ع خير

الام: وانت من اهله

خرج وسام وراح اودته .. غير هدومه ..بس مش كان جايله نوم
راح قام وخبط الباب ع ليلى ..

بس كانت ليلى معاها فون 

ليلى : (الباب بيخبط ) ممممم طيب نتكلم تانى اوك

-----: ايه هتنامى

ليلى: لا هقعد اذاكر شوية .. خد بالك من نفسك (بتعلى صوتها ادخل )

-------: وانتى كمان خديلى بالك من نفسك .. تصبحى ع خير

دخل وسام وهى بتحط الفون جمبها ومبتسمه .. 

وسام : (بيبص عالفون ومبتسم ) ايه يا لولا قلقتك ولا حاجة

ليلى: لا ياجميل تعالى .. كنت بذاكر 
ايه لسه جاى ؟

وسام: اه من شوية

ليلى: محستش لما جيت يعنى

وسام: مممم (ضحك ضحكة خفيفه) يمكن كنتى مشغولة فحاجة ف مخدتيش بالك 

ليلى : هههههههه لالالالا عادى مافيش

وسام: انا مش جايلى نوم .قلت اقعد ادردش معاكى شويه

ليلى: ياسلام! وسام بحاله عايز يدردش معايا يا اهلا وسهلادى الاوضه والكتب والمذكرات والاقلام نورو

وسام: ايه البكش ده كله يابنتى اتعلمتيه فين

ليلى: والله يا وسام انا ببقى فالحالة دى لما بيبقى مودى رايق

وسام: وايه الى مروق مود الجميل بقى

ليلى : (اتنهدت وسرحت ) ممم.. موضوع قديم
يمكن مبدتاش
ومنتهاش
ومش عارفاله

وسام: (نزل قعد جمبها عالارض ) لالالا واضح انه موضوع كبير يا لولو .. مطلعتيش ساهله 

ليلى: (بصاله بابتسامه) يعنى هو مينفعش احب زى الناس يا وسام

وسام: لا طبعآ تحبى وتتحبى انت قمر ياليلى

ليلى: بس القصة بتاعتى غريبه شويه ..يعنى ابتدت بصدفه
خدت شويه ايام
افترقنا عشان انا عايزة اكمل دراسه وعندى طومح وعايزة اوصلله

وسام: وهو ؟

ليلى: هو عايز يفضل مكانه .. ف مصر
اه بيشتغل وعنده طموح يكبر ويبقاله شغله الخاص وبيسعى وبيحاول بكل الى فوسعه
بس انا مش حابه كده
هو ليه دماغ وانا دماغ

اه كنت مبسوطة معاه اوى .. وليه ذكريات معايا بعشقها
بس هى الدنيا كده
ع اد م بنفرح .. لازم لحظة فراق
ستارة نهاية تنزل .. ونقول اهو بكرة نقول كانت ذكرى وعيشنالها يومين

وسام: وككمان عمرو دياب.. ده انتى طلعتى صندوق الدنيا مليان حواديت
وانا الى كنت فاكر انك دراسه وبس
مالكيش فالكلام ده

ليلى : تبقى كدابه الى تقولك انا بشتغل وميهمنيش احب
انا بحب دراستى ومش عايزة احب

انا مبسوطة وحدى.. انا لوحدى كائن سعيد
دى اكتر واحدة بتبقى بتموت من جواها كل يوم بسبب قصة حب مالهاش نهاية خلتها كده

وسام: طيب وبتتكلمو دلوقت ليه؟ طالما انتو نهيتو الموضوع زمان

ليلى: انا نهيت الموضوع زمان قبل م اسافر عشان اكمل الماجيستير ف المانيا
وكان كلامى واضح
ونسيته.. او عملت نفسي ناسيه
وهو كمان
فجأة لاقيته جايب نمرتى وبيحاول يرجع ود انا مش عايزة اوصله

وسام: طيب م تقوليله

ليلى: المصيبة انى كل م بحاول المح له.. بحس انى انا الى محتاجاله اكتر منه
بسكت واتخرس ومبعرفش اتكلم لاخر المكالمة
بس ان شاء الله هقابله قريب
وهحاول افهمه كل حاجة .. عشان نوفر ع روحنا التعب ده

وسام: والله محدش يعرف مصلحتك اكتر منك
وزى ماانتى ابتدى حاجة ، لازم تنهيها عشان لو كل الدنيا قالتلك سيبيه وانتى مش عاوزة
انتى اكيد هترجعيله لانه مكانش بارادتك

ليلى: بالظبط كده

وسام: طيب انا هقوم اعمل كوفى ميكس .. تشربى معايا

ليلى: اوك يا ويس .. اعمللى وتعالى احكيلى عملت ايه انت والبت مى انهاردة

خرج عمل كوفى ميكس وسام ليه هو وليلى وابتدو كلام عنه وعن مى وعن مشاريع شقتهم 
والكلام مخلصش لحد مسقطو ع نفسهم خااااااالص ع صلاة الفجر
نزل صلى .. ورجع نااااااام

==========•••========

كام يوم كده ..

وكانو مى ووسام ف كارفور بيشترو النجف اللاباجورات والحجات الازمة لشقتهم، وبيعملو شوبينج فنفس الوقت.

مى: دى اجمل ياويسو صح ؟

وسام: اه ... لازم نلتزم بالذوق واحد فالالوان عشان ميبقاش بيت العمدة مليان انوار

مى: ههههههههههه متخافش انا هخلى بيتنا ده احلى بيت فالقاهرة
وع رأى الفنانة سعاد حسنى 

وسام: اه مالها الفنانة سعاد حسنى الله يرحمها 

مى: بيت صوغنن فوق جزيرة لوحدنا
والحياة بقى لونها بمبى وانا جمبك وانت جمبى 

وسام: (ميل ع ودانها بهدوء) هيبقى لونها بمبى وبنفسجى وفحلقى اصبرى انتى بس

مى: هههههههههه يا ويسو يا جامد

وسام: طب اتلمى ولمى ضحكتك احنا نعتبر فالشارع

مى: (بيزوقها وهى بتضحك ) هههههههه

سابو محل وطلعو محل تانى كان ف حجات برضو وبيتفرجو وبيختارو وبيشترو ومرة واحدة حد نده عليهم

امنية : مـــــــى!! يامى !

مى بتلف لاقت امنية واختها جايين من بعيد ..

مى: مووووووونى  

جت وسلمت عليهم ..

امنية: ايه بتختارو اكسسوريز للبيت ؟

مى: اه عقبالك انتى وشريف 

امنية: (سمعتها وكشرت وغيرت الموضوع ) انا بجيب شوية حجات لرضوى اختى بردو

وسام: طب خلاص نتمشى كلنا سوا

امنية : انتو فاضلكم كتير هتشتروه للشقه

مى: اسكتى يابت يامونى وسام وصى ع اودة نوم اخترناها من كتالوج محل كبير يعرفه وسام
رهيييييبة .. تركى 

امنية: واااااااو هو اصلا التركى موضه

مى: واوضة الاطفال مقولكيش .. نظام جديد مش هحرقهولك لما تيجى عندنا بجد هتنبهرى بكل حاجة موجودة فالشقه

امنية: انتى هتقوليلى .. دى شقة ميوش يعنى لازم تكون خارقه للعادة 

وسام: تعالو ندخل هنا نتفرج يابنات

مى: اوك حبيبى

كانو بيتفرجو فمحل فدور قبل الارضى الى فيه المطاعم والكافيهات ..

وبعد م خلصو جوله المشتريات والشوبينج .. نزلو تحت لمطعم ياكلو فيه..

وسام: تعالو يا جماعة ناكل كلنا هنا 

امنية: لالا كل انت ومى انا همشى بقى 

وسام: يابنتى اسمعى الكلام هناكل كلنا (وهو بيتكلم بيبص ع المطعم من جوه لقى ع تربيزة بعيدة شريف قاعد !! هو وشيرين بياكلو)

وقف تنح للحظات وبعدين غير كلامه ..

وسام: ولا اقولكم ناكل فمكان تانى ..

مى: لا ناكل هنا انا ميتة من الجوع يا ويسو .. وبعدين برة وهنا واحد

رضوى: مش اونكل شريف الى قاعد هناك ده ياابلة امنية؟

كلهم بصو مع بعض !!

مى: يانهاره اسود ! ده بياكل مع شرايين هانم

امنية عيونها برئت وباصه عليهم ومبتتحركش ..

وسام: يلا ياامنية وبعدين ابقو اتكلمو 
امنية : (شالت ايد وسام بعنف من غير م تحس ورايحة عليهم ) لا لازم دلوقت

راحت عندهم ووقفت قدام التربيزة وفالوقت ده شريف كان ماسك ايدين شيرين وبيكلمها بهمس وهيماااان..
وفجأة شرين اخدت بالها من امنية انها واقفه قصادهم .

شريف: (قام وقف ) امنية !

امنية: قمت ليه ؟ م تخليك قاعد شوية
آنس الهانم فوحدتها ، وسمعها اسطواناتك

شرين: طيب ياامنية ...

امنية: انتى تخرسى خالص (بزعيق والكل انتبه )
ايه ده يااستاذ شريف ؟ ها
ده شئ مالوش اجابه

شريف : (ببجاحة) عايزة ايه ياامنية ؟ زى مانتى شايفه كده
قاعد مع شيرين
وبناكل

امنية: والله! ده انا كنت فاكراه حلم 
يعنى انت قاعد مع شرين وبتاكلو .. وانا سايبنى بالشهرين لا اتصال ولا كلام
ولا عارف عنى حاجة ولا عارفه عنك حاجة 
واتصل الاقيك ويت وبعدها تقفل فونك
واقول معلش 
يمكن مشغول
يمكن متغير وهيرجع تانى 

شريف: (بيتكلم بغلاسة) بقولك ايه الفيلم الحمضان ده هاتى اخره الله يسترك

امنية: كمان ليك عين تستعبط وتستظرف يااقذر واحد شفته فحياتى
افتكرت انك اتصلحت ورضيت بيك رغم انك زبالة
وكل الناس حذرتنى منك ومع ذلك كملت وحبيتك
وفالاخر تروح تتلم ع واحدة زبالة زيك

شيرين: (قامت من مكانها) لو سمحتى انا مسمحلكيش

امنية: انتى لو محترمة متقبليش تكونى ع علاقة بيه وهو مرتبط ياانسة يا محترمة
لكن هقول ايه 
كل واحد بيتلم ع شكله.. والطيبون للطيبات والخبيثون للخبيثات زى م قال ربنا

مى جريت ومسكت شيرين من دراعها ..
مى: انتى بنى ادمه حمارة وغبية ومن يوم م شفتك وانا حاسة انك مش مظبوطة 
عايزة تخطفى خطيبها ياحراميه

وسام : (جه عليهم وشريف شافه) خلاااااااص يامى يلا بينا ملناش دعوة

مى: ماليش دعوة ازاى دى صحبتى 

وسام: هو فرح وعايزة توجبى فيه .. يلا يامى هى كلمة واحدة

شريف: بقى انت الى جبت امنية يا وسام عشان تشوفنى مع شرين هنا

وسام: لا طبعآ وانا اعرف انتو هنا منين يا شريف

شريف: عالعموم بقى مش مهم .. ماهى مسيرها كانت هتعرف.. بس مش لازم تطلعنى زبالة كده يا وسام يا اخويا

وسام: والله مانا انت مش عايز تفهم ليه

امنية: خلاااااااااص هى خلصت ع كده ..(مسكت كاس العصير الى قدام شرين ) سورى اصلى بجد عطشانة اوى

ولا اقولك اشربيه انتى 

(دبقته فوق دماغها )

شيرين: اااااااااه ايه ده يامجنونة انتى

امنية: اشربى ياعروسة مبروك عليكى ، يلا يامى

مى: شطورة ياامنية.. اقف بيها فالشمس هتنشف ع طول ياسكر (لشريف)

طلعت لاول المطعم ونادت شريف امنية ..

امنية: شريف!! خد دى 
(قلعت دبلتها وحدفتها عليه قدام الناس ) 

كان وسام سابهم ومستنيهم برة لما عملت امنية الحركة دى وطلعوله ..

مى : انتى كويسة يابت

رضوى: ابلة امنية انتى بتعيطى ؟

امنية: لا خااالص (بتمسح دموعها) انا تمام اوى .. يمكن دى اكتر مرة كنت مبسوطة فيها (بتضحك والدموع فعنيها)
والله العظيم انا كويسة خالص

وسام: (وهو متدايق) طب يلا بينا .. اركبو

امنية: انتى هتروحنى يا وسام ؟

وسام: اه هوصلكم الاول .. ليه ؟ عايزة تروحى حتة

امنية: لا ده سؤال عادى .. يلا بينا

وهو ماشى بالعربية .. 

امنية: ممكن تستنى هنا يا وسام

وسام: عايزة تقعدى عالكورنيش؟

امنية: مخنوقه ومش عايزة اروح البيت كده

وسام: حاضر

نزلو يقعدو عالكورنيش، وهما قاعدين قامت امنية فتحت شنطتها وقعدت تتفرج ع صورة لشريف حطاها فمحفظتها راح الهوا مطيرها نايحة العربيات 

قامت هى ناحية العربيات تجيبها .. وقفها وسام

وسام: خلاص سيبيها هتجيبها ازى .. يلا بينا ياجماعه

امنية : (معيطة ) لا هجيبها ياوسام

وسام: (يابنتى مينفعش 

امنية: معلش سابونى براحتى .. هاروح اجيبها قبل م تبعد اكتر من كده

راحت امنية ومكانش قصدها الصورة.. ع اد م كانت عايزة ...
تموت !!