===•••===•••====
مصطفى:
"انابحبك"
ا ن
ا ب ح ب ك
امل
اتكسفت خالص ووشها احمر اوووووووووووى مردتش ومرة واحدة!
أمل: طب انا هقفل سيف صحى !
مصطفى: لا سيف مصحيش، متتهربيش باامل ارجوكى
امل: هنكمل بكرة معلش يامصطفى
مصطفى:
طب وفيها ايه لو اتكلمنا انهاردة...امل...امل انا بحبك متعمليش معايا كده
امل
شغالة تكلم نفسها: يالهوووووى هموت دلوقت !!اول مرة حد يقولى بحبك :) ، انا كنت
حاسة انه بيحبنى بس عمرى م حسيت كده هعمل ايه ياربى ..
أمل بتكتبله: معلش نكمل بكرة عشان خاطرى
مصطفى: اوك عشان خاطرك بس
امل: تصبح ع خير
مصطفى: ارجو مكونش زعلتك...وانتى من اهلة ياامل
حياتى
امل كانت مزقططة اووووى بس هتعمل ايه وطريقه
الكلام بعد كده هتكون ازاى ؟
مدام بيحبها يبقى مستعد يتجوزها ! ولا ايييه؟؟
حضنت سيف وقعدت تبوس فكف ايده ونامت وهى مبتسمة
، حاسة انها شايفه مصطفى قدامها وهو بيقولها غريبة انها تنام بعد ماسمعت
الكلمة
من حبيبها!! بس ف ناس كده من كتر الفرحة بيحتاجو ينامو يكملو فرحتهم بعيد عن
الواقع...فالحلم!!
علاء امبارح جرى ع بيت باباه ودخل اوضته وحبس
نفسه فيها بيلوم نفسه عالى حصل وحس نفسه ارتكب معصية وكمان حس انه خان رحاب حتى لو
بالمشاعر!!
المفروض اى حاجة يحسها حب او شوق يبقى لمراته
وبس..
.محبش
يقعد فالصيدليه وهو متوتر كده.
..ولا
حب يروح شقته وهو حاسس بالذنب ناحية رحاب..
مامته
استغربته اوى.
.سألته
ماله بس هو رد بكلمة واحدة
" ادعيلى ياامى ربنا يسامحنى"
مامتة
معرفتش ماله بس دعتله ربنا يهديله الحال عشان هو ابن بار وكويس ويستاهل دعواها..
.
بعد م نزل من عند بيت باباه رجع ع بيته لقى رحاب عملاله عشى ومستنياه .
.
رحاب الحمدلله بقت احسن بعد العمليه وربنا اخد بيدها وبقت افضل دخل علاء لقى رحاب
عاملة ده كلة ومستنياه.
.حس
بالذنب اكتر وابتسم فوشها وباس كف ايدها ودماغها وقعد اتعشى معاها من غير ولا كلمة
وساكت وباصص فطبقه ! طول الليل علاء صاحى وباصص للسقف منمش خالص من التفكير
..لا
هو عارف ينقل صيدليته لحتة متعرفهاش ياسمين عشان تبعد عنه وعن حياتة الى بدأت
تستقر بعد الى حصل فيهاـ ولا هو عارف يعمل ايه ويخليها مش تجيله تانى .
..بس
هو مش بيقدر ! فاق ع المفجأة ...انه لسه بيحبها!! بس هو مش فاهم اومال حبة لرحاب
ده ايه؟؟
معقولة شخص يحب 2 ولا هو الوحيد الى عنده قلبين
!!
اكيد لا علاء التفكير هيجننه وطلع عليه النهار
زى ماهو طول الليل، طلع النهار صلى ولبس ونزل الشغل قعد ف.
كان بنص دماغ طول النهار وزمايله كانو ملاحظين..
.وجه
عند صلاة العصر راح المسجد الى جنب المعمل صلى وقعد بقرا قرآن وهو بيقرا بكى ..
لمحة شيخ المسجد جه ناحيته وطبطب عليه.
..
الشيخ: ماك يابنى، ماضاقت الا م فرجت
علاء: تعبان اوى ياسيدنا الشيخ...اوى
الشيخ:
ارمى الهموم ع رب الهموم وسيب تكالك عالمولى عز وجل
علاء:
ونعم بالله الشيخ: انازى والدك..احكيلى مالك يمكن اقدر اساعدك
علاء: ياسيدنا الشيخ انا مشكلتى ممكن تكون تافهه
بس قلبالى كيانى والله ا
لشيخ:
خير يابنى حتى لو تافهه لازم حد يسمعك عشان يدلك عالصواب
علاء: انا من 10 سنين كنت بحب واحدة زميلتى من
ثانوى...حبيتها طول مانا فالمدرسة والجامعة كمان الواحدة دى لسبب او لاخر مقدرناش
نكون سوا ونتجوز واتجوزت، انا بقى عودت نفسى شويه بشويه انساها وافكر فمستقبلى
..اتخرجت واشتغلت وربنا فتح عليا من وسع
الشيخ: ربنا يزيدك يابنى
علاء: وربنا تم نعمتة عليا بملاك ..ملاك ايه!!
الحور العين الى فالجنة معايا عالارض
الشيخ:
الله اكبر
علاء: اتجوزت واحدة ياسيدنا الشيخ الادب
والاخلاق والجمال والحسب والنسب والتدين اقسم بالله مافى بنت زيها ...الاول
اتجوزتها لخلقها بعد الجواز حبتها بجد واتعلقت بيها...زوجتى ياسيدنا بقالنا سنة
سوا عمرنا م اتخانقنا ولا نكدنا ع بعض ،حتى لو اتناقشنا نقاش لازم نقفله واحنا
راضيين سوا ومقتنعين
الشيخ: ربنا يفتح عليكم ويتمها عليكم بالبنين
والبنات
علاء:
الحمدلله ع كل شئ، انا ربنا مكرمنيش باولاد ياسيدنا الشيخ ...وربنا اراد كده لانها
عملت عمليه زوجتى بعدها ربنا مش هيقدر لنا بالخلفه
الشيخ: معلش يابنى...ربنا يجازيك ويجازيها
وفميزان حسناتكو
علاء: المهم ياسيدنا الشيخ..حياتى بدأت تتعدل
وارجع اتكيف عليها وارضى بنصيبى ، البنت الى كانت حبيبتى ظهرت..بتجيلى مكان شغلى
وهى احيانا منهارة واحيانا بتعيط واحيانا تشوفنى من بعيد وتمشى
الشيخ: وزجها..هى مش متزوجة يابنى انت قلت؟
علاء: معرفش بقى ياسيدنا الشيخ...المصيبة فانى
تعبت وفعلا عرفت نفسى انى لسه بحبها لما انهارت عندى امبارح فالعياط واغمى
عليها...مقدرتش اشوفها بالحالة دى ، نسيت انى متجوز وانها سابتنى لاقتنى ياسيدنا
الشيخ ببكى معاها وضميت راسها لصدرى (بيبكى)
الشيخ:
لا حول ولاقوة الا بالله ...لا اله الا الله..بص يابنى " ليكن لكم فرسول الله
اسوة حسنة" صدق رسول الله صلى الله عليه وسلم
علاء:
عليه افضل الصلاة والسلام
الشيخ: رسولنا الكريم كان متزوج اكثر من
زوجة..ولكنه كان بيفضل فالمحبة السيدة عائشة رضى الله عنها.. ده مش معناه ان بقية
زوجاته لم يكن يحبهن ويفضلهن، بل بالعكس هو كان بيفضل الجميع ويحبهن حب جما...ولكن
السيدة عائشة كانت اقربهم لقلبه ، وده مش بايده يابنى ..الرسول كان دائمآ يرد
د"
اللهم لا تؤاخذنى فيما لا املك"
وهو قلبه هو مش مالكه عشان يتحكم ف كونك بتحب
زوجتك ده فعلا انت بتحب زوجتك...الكمال لله وحده وزوجتك ماشاء الله من كلامك
انسانة خلوقة ومهذبة وبتعرف فدينها وفمعاملة زوجها الحسنة عشان كده انت بتحبها
ولكن...انت لسه بتحب البنت القديمة دى بردو
علاء: بحب 2 ياسيدنا الشيخ؟؟؟
الشيخ: احنا قلنا بدرجات متفاوتة يابنى ،ف فرق
بين حب العشرة وحب العاطفة .. الفتاة القديمة دى حبك الاول الحقيقى اما زوجتك حب
العشرة والمودة والرحمة الذى انزلها الله بينكم... نصيحتى ليك يابنى...تبعد عن هذة
الفتاة لانها متزوجة..عارف لومكانتش متزوجة كنت نصحتك بأنك تتزوجها
علاء: ايه!! بس انا مستحيل اتجوز ع مراتى مستحيل
الشيخ: عشان تحصن نفسك من الفتنه والوقوع فى
معصية يابنى لانك بالشكل ده ممكن هذة الفتاة توقعك فى محذور ما..
علاء: طب اعمل ايه دلوقت؟
الشيخ: لما تجيلك تانى قدملها النصيحة بان تطيع
الله فزوجها واولادها وان تتركك وشأنك واظهر ليها عدم الاهتمام بها من بعدها
ستبتعد عنك ...وربنا عنده الخير يابنى
علاء:
شكرآ ياسيدنا الشيخ جزاك الله خير الشيخ: ربنا معاك يابنى مشى علاء وكلام الشيخ
بيلف فدماغه...واداله دفعة وحس انه ارتاح كتيييييييير لان مش بايده انه
يحبها...لكن بايده يبعدها عنه وعن طريقه..
.
====================
امل
خايفه تفتح فيس.. امل مش عايزة تزودهم وكأنها بتتقل ..بس مش عارفه بعد م قالها انه
بيحبها هتعمل ايه؟ المهم... فتحت الفيس لاقته بعتلها
مسج" كل ده وانتى بعيد...طب انا معرفش انى
غلطت كده انى قولتلك انى بحبك"
ردت وقالت: انت مغلطتش ولا حاجة بس انت فاجئتنى
مصطفى رد فساعتها كانه كان مستنيها تفتح: فجأتك
ايه؟! ده انا بحبك من ايام الهكسوس ياشيخة والناس كلها واخدة بالها وانتى كمان
عارفه متعمليش نفسك عبيطة
امل :(بتضحك جامد) هو انت نايم عالفيس؟
؟
مصطفى: ايوة مستنيكى والاب معايا فالمعرض اهو...
امل:
طيب ياسيدى
مصطفى: امل
امل: نعم
مصطفى: انا بالنسبة لك ايه
امل:
منكرش يامصطفى انى مشدودة ناحيتك وحاسه ...
مصطفى:(قطعها فالكلام) ايوة
امل: بص هو انا مش عارفه ...هو ان طيب
مصطفى كان نقل رقمها من ياسمين من وراها واتصل
بيها وهى بتتكلم ... لاقت رقم غريب وقالت الو..رد وقال كلمة واحدة وهو متنرفز...بس
بحب " هى كلمة واحدة...بتحبنى ولالاء؟؟!
"
========================
امل استغربت
وعرفت صوته، ايه ده!! جاب رقمها منين؟ ومعاه من امتى؟
أمل: مصطفى؟
مصطفى: ايوة
مصطفى...ردى
عليا يا امل بكلمة واحدة...بتحبينى ولالاء؟
امل: يامصطفى انت جبت رقمى ازاى ومعاك من امتى ؟
مصطفى: ياامل حرام عليكى تعبتينى ...خدته من ورا
ياسمين استريحتى؟
قولى
بقى
امل:
طب براحة طيب هى بتيجى كده قفش
مصطفى: اومال بتيجى ازاى..انا بقالى سنين صابر
لحد م شيبت والله
امل:
طيب جاوبنى ع شوية اسئلة وانا اقولك
مصطفى:يادى
النيلة!! طيب ياستى حاضر تحت امرك ..ايه الاسئلة؟
امل:(بتكتم الضحكة) اول سؤال..انت عارف انت داخل
ع ايه؟
مصطفى:
ايوة...الحلال باذن الله
امل:
هتكونلى سند وضهر وحماية من كل لى شوفته فدنيتى؟
مصطفى:
طبعآ...داانتى روحى ده انا اموت روحى عشان خاطرك..داانتى حلم اتمنيته طول عمرى
واول م يبقى معايا هحرسه برموشى أمل: ربنا مش هيجيب موت باذن الله بعد الشر
عنك..طيب...هتكون لسيف اب حنين عليه وتعوضه ابوه الى مشفهوش؟
مصطفى:سيف ده ابنى...انتى متعرفيش انا بحبه ازاى
! وحتى لما ربنا يكرمنى منك باولاد هيكون هو اغلاهم برضه يكفى انه ابنك ومنك
...ويتيم وهيبقالى بيت فالجنة اذا احسنت تربيته
أمل:(ابتسمت اوووووووى لا نها حست بكلامه صادق مش
كلام وخلاص) ربنا يخليك يارب
مصطفى:
ها خلصت الاسئلة؟
امل: ايوة
مصطفى: طب ايه؟ انطقيها بقى ابوس ايدك
أمل: ايوة
مصطفى: ايوة ايه هو انا فاهم حاجة
امل: مش كان سؤالك بحبك ولالاء؟ وانا بقولك ايوة
مصطفى: لا اسمع معلش
امل:هههههه ... بحبك يامصطفى
مصطفى: يانهار ازرق عليك وع يومك الى مش فايت
يامصطفى قوليها تانى وحياة سيف
أمل: ههههههههه مش هقدر طلعت بالعافيه
مصطفى: طب والله هيغمى عليا...بالله عليكى
لاانتى قايلاها تانى
امل: ايوة بحبك يامصطفى..وخلاص بقى متكسفنيش
مصطفى: وانا بموت فيكى وبعشقك..تراب رجلك انا
بحبك ، والله لاخليكى ملكة زمانك ياامل ياروح مصطفى وعقل مصطفى وكل مصطفى وقلبه
كده عارفه قلبه ؟
امل: طب اقفل بقى ونكمل فيس...وابقى امسح رقمى
مش هينفع تكلمنى تانى معلش لحد م نتخطب حتى عالاقل
مصطفى: لا مش هقفل ومش همسح وهكلمك وهنخرج
وهنعمل كل حاجة معملنهاش واتحرمنا منها فحياتنا ...خلاص ياامل بقيتى ليا ياروح
قلبى
امل: انا والله م قادرة استحمل...طيب معلش
استحملنى هنقفل ولما اخد نفسى من الى انت بتقوله ده هنرجع نتكلم
مصطفى:سلامتك يانن عيونى ... ولا اقدر ارفضلك
طلب...اصلا لازم اتعود على كده لان بعد الجواز هسمع الكلام بردو هههههههههه
امل ضحكت وقفلت وقعدت ترقص وتغنى وكانت هطير من
الفرحة ..عيونها دمعو من الفرحة ونزلت سجدت لربنا ع انها شافت اليوم ده فحياتها
وعاشتو بعد م فقدت الامل...هتفرح وتعيش وتنبسط ربنا مش بينسى حد ابدآ...وحنين
عالكل سبحانه وتعالى
=======================
علاء فشغله فالصيدليه...ياسمين بقالها كام يوم
مجاتش من ساعة اخر مرة..
علاء بيفكر ومستنيها تخيلو!!
هو مش مستنيها مشتاق مثلا!
لاء هو عايز يقطع عرق ويسيح دمه ويخلص بقى..
سبحان الله دخلت ولابسه كويس شويه بس بردو شكلها
تعبان واول م شافته ابتسمت ورايحة تكلمه..
علاء: عايزة ايه ياياسمين؟
ياسمين: مش عاوزة حاجة ياعلاء...انا باجى اشوفك
وامشى عشان ابقى كويسه مش اكتر
علاء: والله!! انا بقى مجيتك دى بتقلبلى كيانى
خالص
ياسمين: ياسلام!! ليه يعنى مش مرغوب فوجودى
علاء: يابنت الناس انتى عايزة ايه؟ انا متجوز
وبحب مراتى وبحافظ عليها فغيابها وانتى كمان متجوزة وحافظى ع جوزك بقى لو سمحتى
ومتعمليش مشاكل وتودينا فداهي
ة
ياسمين: ايه ده ايه ده ايه ده للدرجة دى انا محطمة حياتك وقلقاك وتعباك ومطيرة
النوم من عينك وبخليك تخون الست السينيوريتة بتاعتك جلالة الهانم بحالها
علاء: ياستى مراتى وبحبها وبحافظ عليها زى م
بتحافظ عليا ، اظن دى حاجة متخصكيش ..فوقى ياياسمين حكايتنا خلصت وانتى الى
قفلتيها بنفسك مش انا ! عايزة ايه بقى
ياسمين: مش عايزة حاجة ياعلاء..والله م عايزة
حاجة وانا غلطانة انى جيت ومش هتشوف وشى تانى والله وع فكرة انا مش قصدى اخرب بيتك
..اصلى عارفه ان الخراب وحش وربنا يخليكو لبعض يا سيدى وياخدنى انا مشيت وهى بتعيط
لدرجة انها خبطت فراجل داخل يشترى دوا .
.علاء
باصص لها وصعبت عليه بردو..نفسه الشعور الى جواه ناحيتها ده ينتهى بقى وتختفى من
حياته ويعرف يعيش.. فعلا ياسمين مش عايزة تخرب عليه ولا تاخده من مراته..هى بس
بتحب تشوفه وبس بدليل ع كده انها مقالتش انها اتطلقت!! ياترى الايام مخبيه ايه؟
===========================
ابراهيم اخو امل ومراته قاعدين فالبلكونة
سهرانين سوا بيحكو.
.
بيبص كده ابراهيم ع مصطفى لقاه مبسوط ورايح جاى يغنى وحتى وهو بيشتغل بيغنى وحاله
متشقلب خالص...ياترى ايه الحكايه؟
ابراهيم:
مش عارف ليه حاسس بحاجة كده ياام امل
هبة: حاسس ايه
ابراهيم:
الواد مصطفى كده فى نظرات ليه للبت امل اختى وبيسألنى عليها ع طول لما اسلم عليه
وانا ماشى وساعة العيد ميلاد مشالش عينه من عليه
ا
هبة: والله ياابراهيم انا كمان لاحظت...اختك امل فالعيد ميلاد مكانتش ع بعضها خالص
وكانت تايهه كده..ده حتى بقت تهتم بروحها وتلبس الوان فاتحة وتحط ميكياج خفيف وبقت
تخرج تتفسح هى وسيف لوحدها
ابراهيم: تفتكرى يكون.
.
هبة: بيحبو بعض؟ مش عارفه بس ايش وصلهم لبعض طيب
ابراهيم: متنسيش ان ياسمين انتيمة امل قريبة
مصطفى
هبة:
بس ياخويا هما سوا من زمان يعنى لو ف حاجة كانت من زمان بقى مش ع كبر كده
ابراهيم: اهو ياخبر بفلوس...
هبة: عالعموم ياريت مصطفى جدع واصيل وابن ناس
ومحترم واختك مش هتلاقى احسن منه
ابراهيم:
انتى شوفتيه قاعد عندنا فالصالون ياهبة انتى كمان!1 مين يتجوز واحدة ارملة ومعاها
عيل فالزمان ده؟ الا اذا كان ارمل ولا مطلق لكن واحد زى ده اول فرحته لا يمكن
هبة: ياخويا ربك بيدبرها من فوق سابع سما...والى
ليه نصيب فحاجة بيشوفها ..سيبها عالمولى ابراهيم: ونعم بالله ابراهيم نفسه شكوكة
تطلع صح ومصطفى يكون عايز
امل :9 وساعتها هو الى هيجوزها بنفسه..اهو يبقى
وقف جمبها فحاجة فحياتها وعمل لها حاجة تسعدها
===========================
علاء
فشقته بيذاكر حاجة فكتبه فالمكتب فقضيه ماسكها شغلاه.
.
مامتة بعتتله كتبه من بيت باباه عشان زاحمين مكان ، واخوه ومراته نازلين زيارة وعايزين
يوسعه الاودة ليهم.
.
رحاب اخدت الكتب والشيتات من اخو علاء
..وجات
ترصهم فالمكتب لقت اربع ورقات كده متدبسين فبعض..مكتوبين بخط ايد علاء عنوانهم
"
الى زهرة الياسمين"...!!
الى كان مألفهم زمان فياسمين.. رحاب مسكتها
وقعدت تقراها وكل ده وعلاء جوه فالمكتب.. قرتها كلها واتغيرت.. مهما كان هى ست
وبتغير اتدايقت عشان علاء خبى عليها..وعشان لسه محتفظ بيها،ورددت مع نفسها
"الله
يسامحك ياعلاء"
ياترى هتعمل معاه ايه؟؟
#بقلمى_نوراسماعيل
#امل
بكرة
استنونا
بليل الساعه 11
ليست هناك تعليقات:
إرسال تعليق