☻☻☻أمــل بــكــرة☻☻☻ الحـلـقـة ال20 (((((((((الاخيــــــرة)))))))))))

 ======•••=======

 علاء: انا بقى حكيت كل الى قالتهولك لشيخ لانى اليوم ده لا كنت عارف انام ولا اكل ولا اركز فاى حاجة

 رحاب: حسيت بيك ان فيك حاجة غريبة يومها ومرضتش اسالك كنت مستنيه انت الى تقولى، وقالك ايه سيدنا الشيخ؟

 علاء:(بعد تردد) قالى انى...بحبكم انتو الاتنين!!

 رحاب: احم..احنا ال 2!! ازاى يعنى؟

 علاء: قالى كده والله معرفش..انا محبتش اخبى عنك حاجة اهو وقولتلك عالى حصل

 رحاب: بس القلب بيحب واحد بس..

. علاء: هو انتى زعلتى منى ؟ بصى انسى انا اصلا مبحبش غيرك ومش عايز غيرك يا حبيبتى..انا هنزل بقى

 علاء نزل ورحاب معملتش اى رد فعل من كلامه، هى خدت عهد ع نفسها انها تتعامل بعقلانيه معاه عشان يحكيلها كل حاجة بعد كده

ميبقاش مخبى وتكتشف بعدين زى م حصل قبل كده...بس هتعمل ايه بقى بعد الكلام الى قاله ده ؟.......... الله اعلم

===========================

امل بتكلم ياسمين فالفون وهى بتعيط وبتحكيلها عاللى حصل..

 ياسمين: ضربة تاخدك ياامجد! متزعليش منى عشان اخوكى بس بصراحة بنى ادم مستفز..يعنى هو الى وزير يعنى ..عالاقل مشبرء نفسه هو فالكويت وجايب عريبة وجايب بيت ..وجاى عملكو انتو هنا فيها عبده المزنوق..ياشيخة بلا قرف وقال بيعيب ع مصطفى ! ده مصطفى برقبته

امل: انتى عارفة لو حتى رفضو بس بذوق مكنش قلبى وجعنى كده ..انا متدايقه عشان الزفت ده بهدله قدامهم كلهم

 ياسمين: هو امجد اخوكى ده هيورد ع جنة! استنى عليا والنبى لازوق عليه سارة

امل: وهى سارة مالها بيه؟

 ياسمين: مالها بيه! هو وسارة ف بينهم حب قال ونحانيح وكده وبتحكيلى هى كل حاجة

امل: والله! سارة خسارة فشكله..والله هتتعب لو اتجوزته

 ياسمين:استنى انا هشحنهالك الحقنة التمام من ناحيته وهى عليها الباقى ..هى اصلا متعبيه من ناحيته وبتخاف من طبعه واسلوبة ، انا بقى هقولها وهى هتجبلك حقك متخافيش

 امل: طب ثوانى يا ياسمين..مصطفى معايا عالويت ! الحمدلله فتح فونة من امبارح

 ياسمين: طيب انا هقفل ..سلام

 امل: ايوة يا حبيبى

مصطفى: ازيك ياامل

 امل: انت كويس دلوقت

 مصطفى:(صوته مجروح اوى وبان عليه الحزن) ولا عمرى هبقى كويس من غيرك هما مش عارفين انى مش هعيش غير ليكى ..يدوب كان حلمى ع ادى ونكون سوا ..ليه بس كده بيعقدوها

امل:(بتسمع كلامه ودموعها ع خدها زى المطر) والله م هسيبك لو فيها موتى

 مصطفى: بعد الشر عنك ياروحى ..متقوليش الكلمة دى تانى

 امل: ماهو يا يسيبونى فحالى واعيش بقى زى م الناس عايشه..يا هموتلهم روحى

مصطفى: طب وانا؟ مفكرتيش فمصطفى حبيبك؟ مفكرتيش فسيف ؟

 امل: انا بعمل كده عشانك انت وسيف..خلاص مبقاليش غيركو ولا ليا فالاساس غيركو

 مصطفى: امل انا مش هسيبك حتى لو طلت اخطفك من بيتكم ويبقى يورينى نفسه امجد بيه..(سكت وسرح شوية) بس ع فكرة حتى دى مش هقدر اعملها عشان مكسرش فرحتك..ده انتى ست البنات يا امل. متتجوزيش ابدآ كده

امل: كل مادا بحس ان ربنا كان شايلى خير الى هو انت يامصطفى..ربنا يخليك ليا

 مصطفى: ويخليكى ليا ويجمعنى بيكى بحلاله

 امل: متخافش ربنا معانا..واخويا ابراهيم مش هيسيبنا

 مصطفى: ربنا فوق الكل...قولى يارب يا امل امل: يارب امل مسكت الفون قعدت تبوس فيه وهى بتعيط ، حتى مصطفى قفل وضم الفون ع صدره وهو متدايق ...ربنا عنده الحل ليهم الى يرجعلهم فرحة وشهم من تانى

 رحاب بيدور فدماغها كذا حوار.. مرة

 علاء:بحبكم انتو ال 2 مرة

ام شروق بنت عمها: استعدى لليوم الى هيتجوز ف عشان يخلف مامتها: علاء لو وحش كان اتلكك لك بعد العمليه وطلقك واتجوز

 ياسمين: كان بينا حب الدنيا بس مقدرناش نكون سوا عشان نصيب..حدوتة معظم البنات فمصر

وبعدين قعدت تكلم نفسها من جواها وهى قاعده فالبلكونة وسرحانة.. : لو ياسمين وحشة مكانتش رجعتنى لعلاء..كانت حاولت تكرهنى ف عشان هى الى تكون معاه وام شروق نبهتنى لان علاء راجل وواجبى ناحيته انى اقبله فاى حالة ليه حتى لو هيتجوز فيها عليا!! هو نفسه اكيد يبقى اب بس مش بيوضح عشان شعور ى ناحيته ميتغيرش ولا يبقى بينا مشاكل.. فنفس الوقت .. انا برتاح لياسمين وبحبها ومبزعلش منها ولا عمرى حسيت انها انسانة سودة من جواها..حتى لو كانت حبيبة جوزى القديمة من قبلى..فانا بحس انها قريبة منى  وعلاء حب يعرفنى انهاردة انو بيحبنا احنا ال 2..

.يعنى حتى الشيخ لمس جواه حب فقلبه ليها وليا..مش انا بس انا مش هفضل فتشويش كده! انا لازم اخد قرار علاء رجع بليل كانت رحاب نايمة وحطاله العشا بتاعه عالسفرا..وحطا جمبه ورقه انه ميصحهاش عشان مش هتنفع ترد عليه

.. علاء راح صحاها فعلا..عشان مش فاهم حاجة

علاء: رحاب...رحاب..مش هتردى عليا ليه مش فاهم؟

 رحاب قامت اتعدلت وكتبتله ع ورقة انها مصليه استخارة ومش هينفع ترد عليه لحد الصبح!!

 علاء:(بيكلم نفسه بعد م كتبت رحاب ونامت) استخارة!!

 هى بتستخير ربنا تسيبنى ولا ايه؟ ربنا يستر معاكى يارحاب

 =============================

 سارة عرفت كل حاجة حصلت من امجد لامل اخته...

 زعلت جامد واتدايقت ع امل ..لكن اكتر زعلت ع نفسها!! عشان ده تانى اختيار غلط ليها بتتصل بامجد...واهو رد

 امجد: اهلا سارة...اخبارك

سارة: تمام...عامل ايه؟(باسلوب وحش)

امجد: تمام..ايه صوتك متغير يعنى

 سارة: عملتو ايه مع عريس امل

؟ امجد: عريس امل؟ انتى مين قالك ان امل جالها عريس؟

 سارة: الى قالى قالى بقى...عملتو ايه معاه

 امجد: اترفض...وبعدين احنا هناخد المكالمة ع امل وبس ولا ايه؟

 سارة: لا ازاى!!(بسخرية) هو انت من امتى ف حد بيهمك غير نفسك

 امجد: ايه الطريقة الى بتكلمينى بيها دى ياسارة متاخدى بالك

 سارة: اخد بالى! عايزنى اخد بالى ؟ وانت مبتاخدش بالك من مشاعر الى قدامك ليه

؟ ليه محسسنا انك انت الى بايدك تجرح اى حد وتحب اى حد وتحبب اى حد فيك هو انت ايه؟ مش بتشوف غير نفسك ..اوف بقى منك ومن عمايلك..ايه بتقلل من الى قدامك ليه دايمآ؟ ليه كلنا ولاد ناس ع فكرة ..ومتربيين ..مانا اتولدت ففيلا وانت اتولدت ابن عطار ! ها ابن عطار مش ابن وزير ولا حاجة ..ومع ذلك كنت بتعامل معاك عادى وع وشك اعجب بيك قال

 امجد: انتى اكيد اتجننتى فدماغك عشان تكلمينى كده(بغيظ وبزعيق)

 سارة: لا عقلت! عقلت يا بشمهندس امجد..وفوقت من تانى وهم اعيشه فحياتى وع فكرة عايزة اقولك كلمة اخيرة ومش عايزة اعرفك تانى بعدها كنت مستعده لما ترجع اقولك كلمة ، بس دلوقتى هقولك عكسها تمامآ ومش زعلانة : انا مش بحبك !! سامع ياانانى ولا عايزة احبك ولا عايزة اشوفك تانى لانك جبت اخرى منك .

. امجد:(قفل فوشها عشان كبريائه محبش يسمع منها باقى كلامها) غورى فداهية هى ناقصاكى ... قفل وكسر فالدنيا الى قدامه واتعصب ...وخرج من الاودة نزل ع تحت وميعرفوش رايح فين

 .. ايمن ميل ع اخته امل وقالها: ههيهيهيهيهي ذنب ناااس بتخلصه ناس

 ========================

 رحاب بعد 3 ايام من صلاتها للاستخارة..

.. وعدى كمان بعدها كام يوم من التفكير. رحاب مش معتمدة ع حلم، هى معتمدة عالتيسير فالامر الى سألت ربنا فيه.. حاسة انها بدأت تتوصل لقرار.. راحت لوالدتها تاخد رائيها... الام: ايه؟ انتى اتجننتى؟

 رحاب: لا ياماما ده مش جنان

 الام: لما تجيبى لنفسك ضره ده يبقى جنان...لما تجوزى جوزك بنفسك يبقى جنان ..مالك يارحاب ؟

 الناس بتكبر تعقل وانتى مالك

 رحاب: مش انتى قولتى ان علاء مسيره فيوم هيدور ع الخلفه..وانا مبخلفش..يبقى هييجى اليوم الى يحصل ف حاجة من 2 يا افضل ع ذمته ويتجوز عليا، ي اما يطلقنى ..

الام: يابنتى لما يبقى يعمل كده يبقالها حلال يحلها

 رحاب: ماما انا بختارله حد يريحه ويريحنى انا كمان ، ياسمين انا صحيح عرفتها من فترة بسيطة، بس ماشوفتش منها حاجة وحشة ..يكفى انها رجعتنى لعلاء ومخدتش زيارتى ليها حجة ترجع بيها لعلاء تانى أو تكرهنى فيه..امى ، علاء عايز يبقى اب ..وانا كمان نفسى اسمع كلمة ماما ياسمين لو خلفت من علاء مش هتبقى ضرتى وده ابن ضرتى..هتبقى صاحبتى وهو زى ابنى كمان ..ونبقى احنا ال 3 مبسوطين سوا ..مش احسن م يبقى دماغه فيها او تحصل حاجة تانى من ورا ضهرى ...لما انا الى ادور اللعبة احسن م تتعمل لعبة من ورا ضهرى

 الام: بس هو مقالش انه عايز يتجوز

 رحاب: ماما انا جيت ابلغك قرارى ..لانى خلاص استخيرت الله فالامر وهمش

ى ف مامت رحاب متدايقة من قرار بنتها المفاجئ..ليه قررت كده والقرار الغريب ده ازاى تاخده. كل ست مبتحبش حد يشركها فجوزها...ودى رايحة تجوزه بنفسها!! ترجع وتقول هى حياتها وهى حرة فيها...وزى م استخارت ربنا وارتاحت ..يبقى فقرارها راحتها حتى لو الى حواليها مش شايفين كده..

 ========================

ابراهيم وهبة... بعد تفكير جامد دام لايام فموضوع مصطفى وامل، قرر ابراهيم انه اخيرآ يساعدها بقى ويقف جمبها زى م وعدها ... المرة الاولى مقدرش يعمل حاجة ...لكن المرة دى هيعمل ابراهيم راح بيت باباه ..وقعد شويه مع والدته وبعدين قال لامل تيجى معاه هى وسيف عاوزها فمشوار.. طبعآ هادم الملزات ومفرق الجماعات مش موجود..بيحضر نفسه عشان راجع السعودية بخيبه امل المرة دى .. اصل احنا مقولناش هو كان نازل ليه؟ هو كان نازل عشان يفاتح ابوه يخطب سارة ..بس بعد الدوش الساقع الى خده ع دماغه منها قرر لا يفاتح حد ولا يخطب حد..يسافر وينقل نفسه من الشركة ويشوف شغل فمكان تانى .

.وده احسن امل نزلت مع اخوها وسيف معاها ومش فاهمة رايحة فين.

. امل: هو احنا رايحين فين يا ابراهيم

؟ ابراهيم: بصى هنعدى عالبيت الاول عندى..هبة بتلبس البنات هنعدى ناخدهم وننزل نتفسح شوية..انهاردة عندى اجازة

 امل: والله م ليا نفس لاى حاجة ياابراهيم... ابراهيم: اطلعى من الى انتى ف ياامل بقى

..هنخرج وننبسط ونسيبها عالله وربك يحلها .. وصلو البيت... دخلت امل لاقت ايمن اخوها موجود ..وياسمين كمان. وهبة وبناتها لابسين ومتشيكين ...وبعدين خرج مصطفى من الصالون !! ايه ده؟ ف ايه؟

 امل: ف ايه انا مش فاهمة حاجة ...هو كلنا هنخرج سوا ولا ايه

ياسمين: تعالى تعالى ..انا جبتلك حاجة ومتحكيش كتير تنفذى بالله خدتها ياسمين ولبستها فستان اشترتهولها جديد امل مش فاهمة ياجماعة ف ايه ..بس الواضح ان الكل فرحان ومبسوط يعنى وده الجو العام فالبيت خرجت امل بعد م لبست ومكيجتها ياسمين وهبة ...قعدت فالصالون مع مصطفى وايمن وابراهيم.. امل لسه جاية تسأل هو ف ايه؟ دخل مأذون ومامت مصطفى وعلاء!! علاء جه كمان ياترى ف ايه؟ ابراهيم مرتب من يومين انه هو الى هيكتب كتاب امل ويجوزها لمصطفى وعرف مصطفى وطلب منه يجيب شاهد من ناحيته ويجيب والدته كمان ع بيته..مصطفى مصدقش نفسه بس وعد ابراهيم انه مش هيجيب سيرة لامل اما هبة جهزت الشربات وكلمت ياسمين ونزلو اشترو الفستان سوا ..وبردو نبهت عليها...متجبش سيرة لامل ع اى حــــــاجة مصطفى مكسوف اوى ..قرب ابراهيم ناحية اخته وقالها مبروك ياعروسة امل هتبتدى تبتسم ابتسامة كلها دموع ..قام وقف ايمن اخوها جمبها وحضنها وقالها: ابراهيم هو الى هيجوزك لدرش مبروك يااحلى امل واحن اخت امل بتعيط دموع الفرحة ومش ماسكة نفسها .

.ايه ده ؟ حلمى اتحقق وهتجوز حبيبى؟! انا فحلم ولا ايه حضنت اخواتها الشباب جامد..

.جريت عليها ياسمين وخدتها من حضنهم وباستها وهى بتضحك اوى وبردو عيونها فيها دموع..اصلها فرحانة لصاحبة عمرها... واختها علاء مبتسم اوى وبارك لمصطفى وامل قبل م الشيخ م يبدء..

 علاء:(باصص لامل): شوفى درش صاحبى من امتى !! معرفش ان انتى البنت الى بيحبها مصطفى ياامل..يااه الدنيا بجد صغيرة

امل: ربنا يخليك ياعلا ء..والله يعنى مش عارفة اتكلم من الفرحة والمفاجأة فنفس الوقت

مصطفى: اناجبت دكتور علاء يشهد ع كتب كتابنا ياامل زى م ابراهيم م طلب علاء: احنا اخوات يا درش بقى مافيش القاب

ابراهيم: واحنا الشاهد الى من ناحيتنا حضر الاستاذ محمود اخو المدام وابن خالتى بردو

 مصطفى : اهلا وسهلا بيه شرفتنا والله

 محمود: الف مبروك يا عريس

 أمل: داانت مرتب كل حاجة بقى؟!

 (لابراهيم) ابراهيم: عيييييييب دى جوازة اموله ابتدى الشيخ وحط مصطفى ايده فايد ابراهيم..

 الشيخ: الحمدلله، والصلاة والسلام ع سيدنا محمد و ع آل سيدنا محمد .. نبيآ مباركآ وع اله وصحبه اجمعين .. قول يا سيد ابراهيم زوجتك موكلتى السيدة /امل عبدالباقى .ع كتاب الله وسنة رسوله ... ابتدى الشيخ وامل ماسكة ايدين ياسمين الى تلجو من الفرحة ..دموعها مش مبطله وهى بتسمع المأذون ومصطفى وابراهيم بيرددو وراه ..فلبها طاير من الفرحة بعد م رفع المأذون المنديل ..عليت هبة بالزغرودة جابت اخر الشارع ..وياسمين كمان قعدت تزغرد رغم ان باباها متوفى من فترة بسيطة.

..بس دى امل وفرحة امل الى الكل مستنيها وكمان فرحانة لمصطفى..اخوها الكبير وابن خالتها المأذون بيكتب فالعقود وعلاء ومحمود بيمضو عالقسيمة ...مصطفى عاوز يهنى عروسته بس مكسوف ابراهيم: روح قول مبروك لمراتك...روح ياض متتكسفش مصطفى جرى ع امل كأنة م صدق ومسك ايدها وباسهم كتير اوى اوى ،و قالها

: مبروك ياعروستى ...يامراتى ياروحى يا كل حاجة فيا

 امل: دموعها بتنزل وضحكتها مش مفارقاها : الله يبارك فيك ياحبيبى

 مصطفى: طب ليه العياط طيب، احنا مش بقينا مع بعض خلاص؟ مش ده اليوم الى احنا استنيناه من زمان  

امل: قلبى هيوقف من الفرحة

 والله..مش مصدقة نفسى والله

 مصطفى: بعد الشر عن قلبك يا حتة من قلبى

.. ياسمين جريت عليهم...: يلا بقى يا عرسان هنرقصكو

 مصطفى: يابت ياهبلة رقص اي

ه ياسمين: بص بقولك ايه ده يوم من العمر وكنتو مستنينو من زمان، معلش تخلى عن المثالية ياعم الحج(وشغلت الاغانى)

 علاء بيبص ع ياسمين جامد وحاسس بينه وبين نفسه انها وحشته..وحشته ضحكتها وشقاوتها وتنطيطها..يااااااه من زمان مشفهاش كده اما مامت مصطفى.. اخيرآ ربنا هداها وعرفت مصلحة ابنها فين؟

 مع البنت الى يختارها طبعآ ..عشان مهما كان هو هيتحمل نتيجة اختياره لو طلع وحش...لكن هى مش هتتحمل ذنبه لو اختارتله هى واحدة م اسعدتهوش الاغانى اشتغلت وايمن وياسمين اتفقو سوا يرقصو العرسان وهما معاهم عشان ميتكسفوش.. امل ومصطفى بيرقصوا سوا..ابراهيم بيبص عليهم وبيسرق بوسة خطف من خد مراته الى خططت معاه لده كله...وهبة بتضحك ام مصطفى زغردت وقعدت تسقف ..وايمن قاعد مع محمود اخو هبة وشغالين ينمو عالعرسان حتى سيف حاسس بفرحة مامته وبيرقص مع بنات خاله ال 2 ههههههههههه

 اما ياسمين!! بصت لعلاء من غير م تقصد ورجعت بصت لامل ومصطفى وهما فرحانين سوا ..ونزلت دمعه من عيونها.. المرة دى دمعة حزن ع حالها الى وصلتله ..بس حمدت ربنا ..هى عارفه ان ده قدرها وهى لازم ترضى مصطفى وامل تعبو وقعدوا يحكو سوا ..

مصطفى : انتى عارفة انى حلمت من يومين انى بجرى وبقع بجرى وبقع وبعدين لاقيتك وسط نار خطفتك وشيلتك ومشيت بيكى امل: وده معناه ايه؟ مصطفى: انا خفت فالاول ..بس بعد كده جالى اتصال ابراهيم وقالى عالى هيعملو فورآ وافقت وحسيت ان ده تفسير الحلم بتاعى امل اتكسفت راح هو مسك ايدها جامد وبص فعيونها كالعادة وهو هيمان اوى اما الباقى ... رقصو وغنو وهيصو..وبعدين جه ناحيتهم ابراهيم يتفق مع مصطفى انه يستنى عليه لحد م يمهد لوالده ع جواز اخته عشان ميزعلش منه مهما كان هو باباه ولازم يرضى عنه ..وبعدها هترجع ع بيته مصطفى: بس انا هعمل فرح يا ابراهيم

 امل: لا افراح ايه . مينفعش ليا افراح..هو ممكن البس فستان ويزفونا بالعربيات شوية وبعدين نروح مصطفى: فستان وبعدين نروح!! لا الاقتراحات دى خليها لاى حد تانى ..ف فرح ياستى انا متعمليش فرح..واظن ان انتى كمان متعملكيش فرح ولا ايه؟(بغيره بس بحب) ام مصطفى: وبعدين عشان نفرح بيه احنا كمان ياام سيف..واخواته يشوفو اخوهم وهو عريس

ابراهيم: خلاص الى تشوفوه..بس سيبنى يومين وبعدين ربنا يسهل العسير ونعملكو الفرح...الف مبروك يا درش ايمن: الف مبروك ياجوز اختى ...ايوة بقى العبى ياالعاب ياسمين: عقبالك يا واد ياايمن ايمن: فحياتك يا خالتى ياسمين..بس مش دلوقتى خالص انا هتخرج وادخل النيابة الاول وبعدين افكر هههههه علاء: احسن حاجة الطموح ياايمن .. امل: ياجماعة ده احسن يوم فحياتى والله...انا من فرحتى خايفة اهبل بالكلام ياسمين: لسه الايام الحلوة جاية وربنا هيكرمك ياامل عشان انتى طيبة وكويسة امل: ويارب اطمن عليكى يارب ويسعدك ياياسمين يابنت عمرى الله عالفرحة!! لما تيجى بعد تعب ..بس يارب ربنا يكملهالهم للاخر

=============================

ياسمين رجعت البيت وهى طول الطريق شاغلها علاء...شكله وهو بيضحك وسكوته وموقفه الحلو انهاردة شياكته وكلامه وهزاره ...حتى لما كان بيسرح مع حد بالكلام كانت بتدوب فيه بس هى وعدت رحاب ان مالهاش دعوة بيه تانى ..ووعدت نفسها انها هتشيله من دماغها وتحاول تبتدى صفحة جديدة فحياتها بقى.. نامت ياسمين وهى بتفتكر كل حاجة كانت بينها وبين علاء حتى لو كانت خلاص ...عدت هى كانت عايزة تنام مبسوطة هى كمان.. صحيت بتجهز نفسها تروح المدرسة..اصلها مراقبة عالامتحانات الشهادة الاعدادية.. فونها رن ...وكانت رحاب ياسمين: ازيك يا رحاب رحاب: صباح الخير ياياسمين ياسمين: صباح النور رحاب: ارجو مكونش صحيتك؟ ياسمين: لا انا صاحية ونازله عالمدرسة رحاب: طيب هترجعى امتى ياسمين: ع 1 الضهر انشاءالله رحاب: طيب انا عازمة نفسى ع فنجان قهوة عندك انهاردة بعد المغرب ياسمين: ياسلاام..تشرفى اهلا وسهلا ياسمين اتشقلب حالها بعد المكالمة دى !! ياترى ف ايه اللهم اجعله خير ...تكون عرفت بكتب كتاب امل وانى كنت هناك انا وعلاء.؟ ياخبر بفلوس فعلا جت معاد الزيارة ..ورحاب جت وقاعده مع ياسمين فالصالون وبيشربو المشروب .. وبعد اطمئنانهم ع بعض رحاب: ياستى انا مبحبش القلق..اكيد انتى عايزة تعرفى سر زيارتى؟ ياسمين: انتى تيجى فاى وقت ازى رحاب: تسلمى يارب يا حبيبتى ..انا بصراحة جايبالك عريس وعايزة اخطبك ليه ياسمين: (بينها وبين نفسها.. جايبالى عريس يا رحاب انا مش عايزة اتجوز ) مممم بس انا مش عايزة اتجوز رحاب: طيب مش تعرفى العريس يمكن توافقى؟ ياسمين: مش حابة اعرف لان المبدأ مرفوض رحاب: وان كنت بخطبك لعلاء!!

 ياسمين فالاول فرحت وبعدين مسكت نفسها!! خافت تكون رحاب بتعمل فيها مقلب او عايزة تشوف رد فعلها لسه بتحب جوزها ولا ايه؟ اصل مافيش ست بتخطب ست لجوزها يعنى!! ده جنان ياسمين: ده هزار ولا جد يارحاب؟ رحاب: لا بجد...ها قولتى ايه؟ ياسمين: (خايفة من رحاب وبتحسب الكلمة قبل م تطلعها) رائيي ف ايه ..لا طبعآ هو انتى بتختبرينى؟ رحاب: لا والله مش اختبار..انا قررت ده بعد تفكير طويل وصلاة وحاجات كتير ياسمين: رحاب ده مش منطقى..تجوزينى جوزك؟! طب ليه؟ رحاب: بصى يا ياسمين..انا وعلاء زوجين مافيش مننا، علاء عمره م زعلنى ولا دايقني فحياته..بالظبط هو الزوج المثالى الى تحلم بيه اى بنت ياسمين: والله كلها مبررات هايلة لطلبك انك تجوزينى ليه..عارفه يارحاب لولا انك ست متدينة كان زمانى قلت انتى ضاربة حاجة قبل م تيجى رحاب: ضاربه حاجة!!هههههههههه لا ياستى انا بكامل قوايا العقليه ياسمين: بس انا مش فاهماكى بجد..يعنى ايه جايه تجوزينى جوزك وتطلبينى ليه؟ رحاب: بصى ياستى..انا هريحك، انا وعلاء ربنا مش مقدرلنا الخلفه من بعض ...وانا مش معترضه ع قدره..فنفس الوقت هو راح لشيخ يوم ماانتى روحتيله وقاله انه بيحبنى انا وانتى ودى حاله نادرآ م بتحصل ..ده غير انك انتى كمان لسه جواكى حاجه منه وانا ده لمسته فكلام كتير مابينا...انا عايزة اسمع كلمه ماما ...وعلاء عايز يسمع بابا وانتى لسه بتحبى علاء وكويسة معايا ..وهو كمان بيحبنا انا وانتى علاء ياما عمل حاجات تسعدنى ..وعملك انتى كمان ..يكفى انه مسبنيش بعد م عرف انى مش هخلف ابدآ رغم انه يقدر ،جه الوقت بقى نرد له جزء من السعادة دى ياسمين:(سرحت ودماغها لفت اوووى) ماهو مافيش حد بالمثاليه دى بصراحة..الى تجمعنى بعلاء..مراته!! اقرصينى عشان شكلى بحلم رحاب: ههههههههههههه لا مش بتحلمى ولا حاجة ...ها موافقه ياسمين: طب هو الى قالك تطلبينى ليه؟ رحاب: لا..انا عملت كل ده ليه لانه هو عمره م هيعمل ولا يحسسنى بعجزى..لكنه مش عارف انى كده هكون مرتاحه وانا بختار شريكته..وشريكتى فنفس الوقت ياسمين: انا مش عارفة اشكرك ولا احضنك ولا اعمل ايه..ده ولا الافلام الهندى رحاب: ههههههههههه وهو احنا ليه لما نمشى حياتنا ببساطة بنسميها هندى!! مينفعش نسعد بعض ونبقى مصرى هههههههه ياسمين: لا ينفع وهاتى حضن بسرعة ( حضنتها جامد وهى فرحانه) تعرفى انتى عمرك م هتبقى ضرتى ..انتى اختى الرابعة

 رحاب: ليه مين اختك التالته غير ولاء؟

 ياسمين: امل حبيتى واختى

رحاب: انا عارفه انى اخترت صح .. وبكده انا كملت بيتى مهدتيتوش J

 امل العروسه نزلت فيومين مع هبة مرات اخوها ومصطفى طبعآ..تجيب حاجات ليها زى هدوم جديدة وتحف وحاجات فبيتها الجديد بتروح توديها شقه مصطفى..او شقتهم هما ال 2 ولما امجد ولا باباها بيسألو رايحة فين بتقول رايحة لهبة تقعد معاها شوية.. ولما جه الوقت الى ابراهيم قرر ف يقول لباباه ع جواز امل ومصطفى ...راحله المحل بتاع العطارة بتاعه..وخلى امل تروح تحضر شنطها وكل الى محتجاه من حاجتها فالبيت عشان هيودوه عالبيت.. راح معاها مصطفى وايمن وماسبوهاش..اما ابراهيم راح يخلص مهمته الصعبه ابراهيم راح لباباه ..وقرى ايه الكرسى قبل م يدخل عليه ويفاتحه عشان ربنا يهديه .. ابراهيم: ازيك يا حج..عامل ايه الاب: اهلا ياابراهيم عامل ايه يابنى ..وازى مراتك وبناتك ابراهيم: بيسلمو عليك وبيبوسو ايديك... ايه الاخبار؟ الاب: اهو ماشى الحال..انت عارف قعدة البيت بتتعبنى بقلت انزل من وقت للتانى كده ابراهيم: احسن حاجة يا حج والله، ربنا يديك الصحة(ابراهيم متوتر ومش عارف يدخل ازاى وشغال يقلب ايده فبعض) بقولك ياحج الاب: خير ابراهيم: انت هتفضل راكن البت امل جمبك ولا ايه؟ الاب: والله يابنى ..انا مش معترض ع جوازها ..بس ابنها لما يكبر يكبر مع واحد مش ابوه ويتعامل منه معاملة بطالة ..واول م جوز امه يخلف منها هو يتعامل معاملة وحشة ..وهى ساعتها مش هتنطق مع جوزها نص كلمة ابراهيم: بس يابا الراجل كويس وعارفينه من زمان..وبيموت فسيف والله وهيشيل امل فعنيه..يابويا انا ليا بيت وبكرة امجد يتجوز وبعده ايمن ..وانت ربنا يديك الصحة انت وامى ..مش هيفضل ليها حد الغلبانة دى نطمن عليها معاه الاب: يابنى مافيش واحدة فالعيلة اتجوزت بعد م جوزها مات ابراهيم: يابابا مش لازم نمشى ع قواعد العيله كل واحد وظروفه، وبنتنا لقت الى يقدرها الاب: يعنى هو اتقدملها تانى يعنى..فاتحك فالموضوع بعد م مشى ؟ ابراهيم:(حس بتفاؤل بعد الكلمة دى) ايوة ولسه عايزها بردو حتى بعد الى عمله امجد معاه الاب: طب يابنى انت شايف ان نتكل عالله ونديله اختك يعنى؟ بس انا خايف عالواد والله ابراهيم: متخافش يا حج..بس انا عايز اقولك ع حاجة تخلص ضميرى الاب: ايه؟ ابراهيم: انا كتبت كتاب امل لمصطفى !!(ابراهيم طبعآ تخيل ان كل حاجة فالمحل هتتحول فوق دماغه وهيطرد وهيبقى يومه مش فايت) بس فوجأ برد فعل ابوه!! الاب: (زعل )كنت حاسس يا ابن الكلب ...د انتو ولادى ، المفروض اقوم عليك ما خليش ليك بس عارف!..اليوم الى جه فيه ومشى وقعدت اختك تعيط ، بليل قعدت اعيد حساباتى وحسيت انى ظلمتها اوى ..من يوم م اتولدت وهى مظلومة معايا ، لما شوفتها بتصرخ وبتقطع هدومها عدى قدامى شريط ذكريات كده فجوازتها ولما اترملت وفتربيتها وشدتى عليها ...امل اتظلمت ..قلت فنفسى الواد ده لو طلبها تانى هوافق بس مجاش..وبعدها بايام كده اختك رجعت تفرح تانى وتخرج وتطلع مبسوطة ..عرفت ان ف حاجة مخبينها عليا ابراهيم: (مبتسم بس خايف) انا مكنتش هخبى ولا هى احناكنا هنقولك بس عشان كنا خايفين ترفض تانى وتكسر فرحتها تانى..انت ع عينى وراسى يابا وانا عمرى م اتخطاك..بس والله كان نفسى افرحها الاب: وتحطنى قدام الامر الواقع صح ابراهيم: لا والله..يابابا انت طول م امجد بعيد عنك انت بتبقى تمام يقعد جمبك ويبخ بختين من سمه انت تتحول علينا الاب: يا واد يابن الكلب اتعدل فكلامك..ولا عشان كبرت وخلفت كبرت عليا ياروح امك ابراهيم: لا يابويا هفضل تحت رجلك طول عمرى..ها هتباركلها بقى خليها تمشى وانت راض عنها الاب: هعمل ايه ليكو يا ولاد عبدالباقى ..تعالى نروح ابراهيم:تعالى يا حج نروح .. الحمدلله الموضوع عدى ع خير لاول مرة محصلش حاجة!! فعلا الى تخاف منه مايجيش احسن منه ..يارب يتم الفرحة ع خير بقى فنفس الوقت الى كان حاصل ف كده مع ابراهيم وابوه... امل طلعت تلم حاجتها وحاجة سيف..ومصصفى مستنى مع ايمن تحت بتلم فالحاجة امل وبتحط فالشنط ، بيدخل عليها امجد.. امجد: اومال مسافرة ولا ايه امل: حاجة زى كده امجد: ازاى يعنى ...هتهربى مع حبيب القلب ههههههههههههه امل: ابعد عنى ياامجد لو سمحت امجد: وان مبعدتش هتدينى بمنشار فدماغى يا بتاعه الاسطى ههههههههههههههههه امل: بقولك ايه انت بنى ادم مستفز...وانا مش هرد عليك عشان مش عاوزة اتخانق امجد: م تخلصى وتقولى واخده هدومك ورايحة فين يابت امل: بته لما تبتك انا مش جارية عندك عشان تكلمنى كده وفوسط الخناقه الى هتبتدى... مصطفى قلبه اتوغوش من ناحية امل...ققال لايمن يطلعو يشوفوها عشان طولت ليكون امجد عملها حاجة .. امجد: انا هشوف مين عالباب وارجعلك ياعاشقه النجار ههههههههههههه امل:(بينها وبين نفسها) غور ياشيخ اووووف منك امجد: ايوة ..م معاك المفتاح ياايمن (شاف ان مصطفى واقف عالسلم) ايه الى جاب البتاع ده هنا ايمن: م تحترم نفسك ياامجد بقى مصطفى: البتاع ده ياسيدى جاى خايف ع حاجة ليه فالبيت عندكو امجد: لا والله مجبناش حاجة فبيتنا من معرضك الحقيقة..الا بقى لو جاى تصلح الشباك المكسور مصطفى: يخربيت عسلك يا اخى ..ايه ده ..لالالالالالالالالالالالالالا الى اقصده ملكى فالبيت اكبر واسمى من ان عقلك يتخيله امجد: والله..طب وسع عشان هقفل الباب ، ادخل ياياايمن( بيقفل الباب) امل واقفة وراه هتبدى تلطم وحاطة ايدها ع قلبها ...استر يارب ايه الى طلعك يا مصطفى بس؟! مصطفى:(زق الباب فوشه بغيظ) عايز مراتى!! امجد: طب روح يابابا دور عليها فالعمارة الى جمبنا(باستخفاف منه) مصطفى: خلصتى ياامل ولا لسه امل: حاضر اهو امجد: ايه ده؟ ايه الطعامة دى ؟ جاى تخطفها من قدام الباب كده..ولا هتهربو بس قدامنا ونعمل نفسنا مش شايفين مصطفى: هو البعيد اطرش!! امل مراتى وانا جاى اخدها واشوف لتكون اذيتها ولا حاجة امجد: نعم ياخويا!! نعم يااسطى ..انت ضارب ايه عالصبح ياحليتها(بيقلع تيشرته وهيتخانق) ايمن: (بسرعه وقف وسطهم وزق امجد لورا) ايوه جوزها ياامجد امجد: انت هتستعبط انت كمان..ولا غور من هنا بدل م اعملها معاك مصطفى: انا واقفلك ياامجد وورينى الرجولة بس الى ع حق..(مسكه من الفانلة بتاعته وقرب وشه ليه) قسمآ بالله لولا انك اخوها كنت سيحت دمك دلوقت لان اشكالك كبيرهم الحركتين دول ..لكن انا بقى ابن سوق وايدى دى خدت ع تلطيش صبيانى لما راح منها الاحساس اطلعك من هنا عالقصر العينى عدل امجد رايح يضربه وامل بتصوت لانهم قدام الباب!! كان طالع الحج عبدالباقى ومعاه ابراهيم...جرى ابراهيم يبعدهم عن بعض بسرعة .. الاب: امجد!! سيبه ..(بحزن)ده جوز اختك امجد: جوز مين يابويا المعفن ده الاب: عيب عليك..ايوة جوزها. وخلاص بقى.عيب الى انت عامله ده الناس طلعت فالشارع ع صوتكم امجد وقف وسهم كأن اتدلق عليه جردل ميه ساقعه وبقى هو الكتكوت المبلول المرة دى دخل الاب ودخل مصطفى معاه وفهم الحكاية كلها منهم. هو فالاول زعل طبعآ بس اتفهم الموضوع ووافق عليه ..هو بس زعل فالاول عشان خبو عليه لكن فالاول والاخر دى بنته ودى سعادتها الى هى اختارتها وهو كبر وفعلا كلام ابراهيم صح..لو هو وامهم اتوفو مش هيفضلها حد اما امجد فكان هيولع فنفسه... مش عارف يعمل ايه ..سمع ان الفرح حددوه وكان متغاظ ومصطفى فرحان وامل وهما بيبوسو ايد ابو امل ..قام اخد بعضه وحط هدومه فالشنطة وطلع وميعرفوش راح فين.. باين هيسافر ويغور..مش مستحمل هما يفرحو وهو لا.

 رحاب فاتحت علاء فموضوع جوازه من ياسمين.. هو كان ليه نفس رد الفعل بتاع ياسمين فالاول ..بس بعد كده فهم الموضوع انه جد مش هزار علاء: وحد قالك انى عايز ابقى الحج متولى ؟ رحاب: انت احسن من الحج متولى ، وخلى بالك ده قرار هيسعدنا كلنا مش انت لوحدك..ها قلت ايه علاء: (فرحان من جواه لانه بجد عايز رحاب وياسمين معاه)اقول ايه ومراتى بتخطبلى ؟ ياسمين: انت بتحب ياسمين وبتحبنى..أّذا ايه فيها لو احنا ال 2 نبقى معاك ونضرب كذا عصفور بحجر..تتجوز حبيبتك الاولى واكون انا معاك حبيبتك التانيه بردو تخلف وتبقى اب وانا ميبقاش ف مشاكل خايفه منها تحصل ولا ييجى فيوم ضرة ليا تطلع عينى علاء: هقول ايه بس..انا عمرى م تصورت اتجوز 2 يا رحاب (مستغربها وفرحان ان رحاب الى عملت كده برضاها) رحاب: متقولش حاجة ...وافق بالامر ههههههههه وحدد يوم تكتبو الكتاب وتيجى ياسمين تعيش معانا هنا علاء وافق وراح فعلا اتقدم لياسمين الفرحة مكانتش سايعة ياسمين ابدآ...جت معاه رحاب، ياسمين الى اتطلقت من يونس عشان هيتجوز عليها وافقت انها تكون زوجة تانيه ..بس المرة دى لحبيبها اتكتب الكتاب فعلا ...بس كان ليها شرط ! انها تروح بيت علاء بعد فرح امل وهى هتحضره عشان ال 2 يبدأو حياتهم الجديدة سوا

 ==================================

الفرح انهاردة مصطفى عريس امل عروسة وكمان علاء وياسمين كمان عرايس...بس معملوش طبعآ فرح هما حاضرين مع العرايس وكأن ده كمان فرحهم الفرح اشتغل والكل مبسوط وفرحان ...ياسمين طلبت تلبس فستان سواريه فالفرح وعلاء وافق بس اشترط عليها بعد م الفرح هتلتزم بالنقاب زى رحاب وهى وافقت.. ام مصطفى ومامت امل كانو فرحانين ، وامل ومصطفى مكانتش سيعاهم الفرحة ابدآآ كلهم بيرقصو سوا عالبيست ع اغنية مفرحة ، عاملين دايرة حوالين العرايس وشغالين رقص وغنى فالقاعة .. واخيـــــــــــــــــرآ حلمهم اتحقق بعد تعب ومشاكل وجهوها ال 2 سوا امل ومصطفى بيرقصو عالرقصة السلو رحاب قومت علاء مع ياسمين يفرحها من نفسها انها عروسة، بصراحة علاء كان نفسه بس خاف ع شعور رحاب .. رقصو كلهم ..وهما جمب بعض ومبسوطين ..علاء ميل ع مصطفى وقاله فودنه( مش كنا بنرتب لليوم ده من زمان نكون احنا ال 4 سوا؟) مصطفى: هو محصلش بالظبط يعنى..بس اسمه حصل واحنا ال 4 سوا علاء حاضن ياسمين ومبسوط وفرحان انها بقت مراته، وياسمين عرفت قدر علاء وقيمته ومش هتضيعه من ايدها ابدآ وهتبقى اخت لرحاب امل عيونها بتدمع من الفرح والكل فرحانين ومبسوطين جدآآآآآآآآآآ وجم عالكوشه 

...بعد م ايمن طلب من المصور يصورهم كلهم صورة جماعيه مع العرسان .

. جت قاعدة ياسمين جمب امل وبصو لبعض وضحكو وحضنو بعض امل: حلمى اتحقق ياياسمين ياسمين: حلمنا احنا ال 2 اتحقق ياامل

 المصور: يلا كلو يضحك

  " Say cheeeeeeees

 اتلقطت الصورة وبقت احلى ذكرى لايام جاية جميلة فيها امل لبكرة خلى دايمآ عندك حسن ظن بالله وامل فالله وفبكرة ...اصبر هتقع مرة او مرتين بس بعد كده ربنا هيجبر خاطرك وهتوصل لحلمك مهما كان الصعوبات قدامك...اصلك دعيت ربنا واتمنيت ومدام سيبتها عالقادر...ظنك بيه مش هيخيب

 ((((((((((((((((((((((((((((( النهايـــــــــــــــــــــــــــة)))))))))))))))))

نقابلكم فروايات جاية ان شاء .. ومتنسوش ان دايمآ فيه بكرة احلى

دمتم سالمين
#نوراسماعيل