ليلى : وسام صحيح .. عندى سؤال قبل م تغير ... مُلح عليا من امبارح
وسام: لازم لازم دلوقت ؟
ليلى : ايوة
وسام: اتفضلى
ليلى : ليه خطبت مى دى ؟ واشمعنا هى
وسام : (بص حواليه وقلع النضارة وحطها فجيبه) عشان ف حاجة بتقول
لما بتحب حد اووى... اتأكد انك وقعت فمصيبة كبيرة اوووووووى
ومى مصيبتى الى مقدرش اطلع منها !
ليلى :طيب ودنيا ؟!
وسام: (لسه قلبه بيرتعش لما يسمع اسمها ) ده مش سؤال بقى !
ليلى : انا عارفه انى سخيفه ، بس بجد عايزة اعرف ..
)دخل وقعد ع كرسى فالاودة ) عايزة تعرفى ليه سيبنا بعض مش كده ؟: وسام
ليلى : انا واثقة انكم لسه بتحبو بعض ... او عالاقل هى
وسام: لو هى لسه بتحبنى ، مكانتش سابتنى !
ليلى : هى الى سابتك !
وسام: ايوة .. صعب ع اى راجل انه يقول انه اتساب .. بس فحكايتى انا ودنيا لازم اوضح ده ... لانى مقصرتش فحقها يوم
ليلى : طب مسألتهاش ليه ايه السبب
وسام: مسألتش .. ومحاولتش اسأل
بصراحة كان صعب عليا انى افرض نفسى عليها ، مدرام قلعت شبكتى وهدت كل الى بنيناه سوا
ومبقاش فارق معاها اى حاجة .. يبقى صعب يرجع احساسى تانى ليها
يبقى البعد اسلم حل .
ليلى : (كشرت ) يدايقك لو كنت لسه ع علاقه بيها ؟
وسام: لا .. ايه الى يدايقنى لو ليكى علاقه بأى حد فالدنيا
ليلى : اىحد !
وسام: اها ، دنيا بالنسبة لى شخص غريب بقابله فالشارع وانا معدى .. لا يهمنى اعرفها مين ولا حياتها ايه
يدوب بعدى الشارع ،،وبنسى شكلها بمجرد م بلف ضهرى
ليلى : ممممممم .. انا اسفه انى فتحت الموضوع ده .. بس الفضول كان هيموتنى
مامة وسام دخلت وقطعت كلامهم ..
الام: انت لسه مغيرتش يا وسام ؟ طيب يلا بقى غير عشان السفرا جهزت
وسام: حاضر يا امى .. عن اذنك يا لولا
ليلى :
وهما قاعدين بيتعشو سوا ..
وسام: م تفكرى يا لولا .. واعملى الدكتوراه هنا
ليلى : مممممم والله يا وسام انا مش عارفه ، بس انا اتعودت ع هناك
الام: متخليكى يا ليلى ، ده حتى تونسينى انا وخالك
انتى عارفه ان وسام هيتجوز قريب وهنبقى انا وخالك لوحدنا
ليلى : صحيح يا وسام شقتك فين بقى ؟
وسام: انا لسه هبيع القديمة واشترى واحدة تانيه ..
ليلى : ممممم عايز تمحى كل حاجة قديمة ولا عشان مى مش حابه تتجوز فمكان اختارته واحدة غيرها
وسام: ههههههه عارفه ياليلى انتى مكانش لازم تعملى ماجيسيتر ف سيكولوجيه الطفل انتى تعملى فالمخابرات
فالموساد
ايه يابنتى وكيل نيابة !
ليلى : هههههههههه ، انا فيا الخصلة دى بعشق الاستفسارات
الاب: (بيضحك ) طيب كلى ولا عاملة دايت ؟
ليلى : انا فعلا يا خالو عاملة دايت .. بس ميمنعش ان البيتزا بتاعت طنط هااااااااايله
الام: ربنا يخليكى يا ليلى .. ده بقى خالك الى بيعمل دايت
وسام: اه صحيح يابابا انا بلاحظ انك مش بتاكل كويس
الاب: والله كده احسن .. بينى وبينك لما بتقل فالعشا بتتعبنى معدتى
وسام: دا حضرتك غدا وعشا اكلك ضعيف ، طب تحب نعملك تشيك طيب عند اى دكتور نطمن عليك ؟
الاب: يا حبيبى ربنا يخليك ليا ، حكم السن بقى يا وسام .. انا عندى 62 سنة يابنى اكيد اكلتى مش زى اكلتى
الام: لا بس بقيت تمسك معدتك كتير يا عاصم
وسام: لالالالا كده هتقلقونى .. احنا نروح لدكتور ويطمنا مافيهاش مشكله يعنى
الاب: يابنى مش لازم
وسام: يابابا الله يرضى عليك لو سمحت خدنى ع اد عقلى ونروح نكشف ..
ليلى : خلاص بقى يا خالو روح عادى .. فالمانيا بيعملو تشيك اب اى اسرة كل 3 شهور
دى حاجة للاطمئنان
الاب: خلاص ماشى .. بس يلا كلو بقى
وسام: انا شبعت الحمدلله
الام: يابنى كمل اكلك ..
وسام: لا خلاص شبعت ، اصل عندى مشوار مع شريف فرح واحد زميلنا يدوب الحق البس
الام: طيب يا حبيبى
===========•••==========
قام وسام خد شاور وبيلبس .. واتهيأ وأترستأ ورن جرس الباب ..
وسام: خليكى ياماما .. ده اكيد شريف .
وسام بيفتح الباب لقى مى ... هى الى بترن الجرس
وسام: مى ! خير
مى : ومالك كأنك شوفت سلعوه فوشك يعنى
وسام: لا عادى
مى : بص بقى يابن الحلال .. انا هقولك ع شوية حجات كده
بس متاخدهمش فصالحك .. وتحسبهم من نقط ضعفى
انا وانت لما بنبقى متخاصمين .. لا باكل ولا بنام ولا بترزع ع بعضى
اعمل ايه ؟
م الى تحب وسام لازم تشرب .. وانت عارف كده وبتضغط ع الحتة دى
وسام: ( ابتسم وابتدى يهدى من نبرة صوته ) طيب انتى عارفه انتى مزعلانى ليه ؟ ينفع تعاملى واحدة قريبتى كده
وانتى بعدين هتكونى من العيلة دى
مش عايز حد يكرهك يا روحى
مى : (ابتسمت لما كلمها كده ) بس انت مستفز وهى كمان .. متضحكش مع حد كده
انت ليا انا وبس
تضحك معايا وتحزن معايا
قدرك كده .. هتعمل ايه
قعدت 25 سنة لا عايزة احب ولا اتحب .. ولما جيت انت حياتى
قررت اقفل باب قلبى عليك واكتب عليك ممنوع اللمس .. يبقى تستحمل جنانى بقى
وسام: (سند عالباب وربع ايده ) طب انتى عايزة ايه دلوقت ؟
مى : رقم 1 عايزة انك تصالحنى رقم 2 عايزاك تقولى متشيك ورايح فين ؟
وسام: رقم 1 هصالحك لو صلحتى الموقف مع ليلى رقم 2 رايح فرح صاحبى
وانتى اخرتينى وزمان شريف قرب يتحنط تحت
مى : طب دقيقة البس واجى معاك
وسام: يا بنتى اخدك فين ؟
اولا مينفعش عشان محدش يتكلم عليا انا وانتى ويشوفوكى ناو ويرجعو يشوفوكى ففرحنا يتكلمو بقى كانو يعرفو بعض وكده
وانا محبش حد يتكلم ع مراتى كده
مى : (خدت نفس عميق وطلعته وهى مبسوطة ومسكت كرفتته وهى بتتكلم ) عارف كلمة مراتى دى هى الى بتصبرنى ع الزلط الى قبله
بس ولا يهمك
انا ميهمنيش الناس ، انا لما حبيتك مخدتش راى ناس عشان دلوقت يهمونى
5دقايق .. ع بال ما نت تلبس الشوز وتسرح شعرك هكون لبست وجهزت ومستنياك
وسام: المفروض انى وافقت ؟
مى : مالكش اختيار تانى .. اصل انا لازقة امريكانى مش هسيبك .. وان كان ع ليلى سيبهالى
هصالحها
بس والله عشان خاطرك انت عارف انا لا بصالح حد ولا تلات
وسام: هيهيهيهي يا كمية الشربات الى فقلب الكلام
مى : هههههههههه بقيت تتكلم زى شريف شرفنطح ههههههه
وسام: هنلبس مقفول وتحاولى تلمى الكدش ده ومافيش ميكاب تمام
لحد م ربنا يهديكى وتلبسى الحجاب
مى : م قولنا هنلبسه بعد الفرح .. انت بترغى كتير كده ليه
اوعى بقى متعطلنيش
سابته ودخلت شقتها .. وهو دخل وهو مبسوط وبيدندن
خلص الى فاضل ليه عشان يجهز وهى لبست طقم كلاسيك شيك مووووت ومقفول وعملت شعرها حلو وكانت اول مرة تلبس سلسله مكتوب عليها وسام
ودى كانت مفجأة لوسام جامدة اوووووووى
انكشها ونزلو لقو شريف فوشهم ..
شريف: ايه ده ؟ مى جايه
مى : (خبطة بهزار فوشه بايدها ) عندك مانع
شريف: ياما ! لا ياختى
يلا اترمى ورا وانا جمب وسام
مى : لا يابابا انت ورا وانا جمب ويسو حبيبى
وسام: بـــــس ! معلش يا ميوش خليكى انتى ورا عشان شكلها ميبقاش ملفت وخليه هو جنبى
شريف: يعنى هما الناس مش هيلتفت مظرهم انها مش مقلوبه جمبك ، ومش هياخدو بالهم من اسم وسام الى معلقاه زى فاترينة الشرايط الكاسيت
وسام: ههههههه طب اخلصو اركبو
مى : اتغاظ عشان امنية مش بتعملك كده
شريف: اه والله .. ده كتير امنية تلبسنى بحاجة فوشى لكن تلبسلى حاجة لا
طلع وسام عالفرح .. واصرت مى تدخل مأنكشاه .. كـــــــــل الى فالقاعة اصحاب وسام وشريف الى من ايام الجامعة والى من الشغل
كلهم استغربو ع وسام والبنوتة الى فدراعه ، بس كلهم خمنو انها خطيبته
وسام قعد مى ع ترابيزة وطلب منها بشياكة يروح يسلم ع اصحابة ..
مى قعدت ع الترابيزة حسب تعليمات وسام .. تقعد مؤدبة ومتعملش اى حركات ولا مصايب ومش تقوم من مكانها
طول م كان وسام بيسلم ع اصحابة وواقف معاهم .. كان بيبص من وقت للتانى عليها
وعنيه بتبقى مبتسمه ليها
ومى كانت بتبقى فرحانه اووووى .. عالرغم من ان الفرح مليان بنات امورة ، الا انه مش شايف غيرها
ولما جت الرقصة السلو للعرسان .. طلبت منه مى بالحااح شديد انها ترقص معاه عالبيست مع الناس الى بترقص حوالين العرايس ..
بس هو فالاول رفض جامد .. وبعدين طبعآ الزن امر من السحر وافق
قامو رقصو وساعتها كانت عيونه بتقول احلى كلام .. وهى مركزة اووووووى ونسيو كل حاجة حواليهم
وقالها كلمة واحدة وهو حاضنها وبيهمس فودانها :
انتى دنيتى
مى كانت هتدوخ وابتسمت وانتو عارفين ان اقل حاجة منه بتفرحها وعيونها بتدمع
الفرح خلص .. ووسام روح شريف وهما راجعين فالطريق جت لمى فكرة مجنونة !
هى معقولة هتعدى يوم كده من غير جنان ؟!
مى : ويسو اقف هنا ثوانى
وسام: ده مطعم ؟ ايه عايزة تاكلى ؟
مى : لالا تعالى بس
وسام: ادينى جيت
نزلو .. وراحت مى لصاحب المطعم ..
مى : ممكن لوسمحت طلب
الراجل: اؤمرى يا مدام
مى : ممكن ناخد الموتوسيكلات الدليفرى ال 2 دول نوصلك طلب انا وخطيبى ونديك اى ضمان اننا هنرجع الموتوسيكلات تانى !
الراجل حس انها مجنونة ومعرفش يرد .. اكن فالوقت ده وسام بيشدها ع جنب
وسام: لا ده انتى مجنونة رسمى .. ايه الى انتى بتقوليه ده
والله عايز اكشف ع قواكى العقليه ؟
مى : هو ليه لازم كل حاجة مجنونة تفرح تبقى هبل وايه الجنان ده والناس تحسبانى من السرايا الصفرا
وسام: عشان ده ميعقلش يا مى ؟
مى : والنبى عشان خاطرى مش هيحصل حاجة .. نفسى اسوق موتوسيكل واعمل نفسى عاملة دليفرى
من وانا فاعدادى مسوقتش موتوسيكل ، كنت بسوق موتوسيكل عمو
وسام: حاضر ابقى اشتريلك موتوسيكل وسوقيه ، يلا بينا يابنت العاقلين
مى : والله م همشى غير لما اعمل كده
وسام : مـــى!
طبعآ بعد الشخطة دى مى اقنعته ان مغامرة حلوة وهيفتكروها بعدين ، وسام بيعشق مى بسبب جنانها وانها بتطلع برة حالاته المعتاده .
وافق الغلبان وراحو استسمحو الراجل صاحب المطعم .. وسابوله بطاقاتهم وفوناتهم الغالية بعد م اقنعوه انهم تلفزيون وانهم هيدوه مبلغ قصاد كده
لبسو الاتنين اليونيفورم ووسام مش ماسك نفسه من الضحك ، وخدو الاوردرات والعناوين وهما بيركبو ..
وسام: خدى بالك من نفسك
مى : متخافش .. مش لازم كل حاجة مجنونة تنتهى بنهاية سودا .. شيلو السواد ده بقى
وسام: طيب ياختى هههههههه انطلقى
طلعو وطلعت مى بأقصى سرعه ووسام بيسابقها وهى تسابقه ويضحكو جامد
ويضحك ع شكلها .. والحظ ان الاوردرات كانت فاماكن قريبه من بعض بناء ع طلبهم .. وصلو الاوردرات وهما راجعين
مى بتجرى بالموتو سيكل وتقف عليه وتضحك
وسام: والله بشك انك بنت اساسا (بصوت عالى )
مى : ومين قالك انى بنت ههههههاهاهاها (بتبص عليه ومش واخدة بالها من الطريق )
وسام: (بيضحك وبيبص قدامه ) حاسبى يا مى !!!
ليست هناك تعليقات:
إرسال تعليق