(قبل
الاخيرة )
=======•••=======
الام: الارملة يا واد! الى معاها عيل ع كتفها يا
واد
!
مصطفى: ايوة ف ايه؟
قامت
منفوضه من مكانها واتكلمت بصوت عالى وبغيظ: الام: حد الله لا يحصل ولا يكون
مصطفى:
ليه يا امى حد الله لا يحصل ولا يكون ! فيها ايه لما اتجوز امل عجبانى وبنت ناس
وغلبانة وطيبة
الام:وارملة وع كتفها عيل ياعين امك ، هو انت
ناقص هم ؟ مش كفاية همك كمان هتربى عيل مش ابنك وتتجوز واحدة انت مش اول فرحتها!!
مصطفى: بقولك ايه ياامى بلا اول فرحتها بلا اول
زفتتها ، حرام عليكى بقى اذا كانت عجبانى وهى دى الى اختارها قلبى
الام: اختيارك غلط..م البنات كتير وع قفا مين
يشيل الحلوة والطويلة والرفيعة والى عليها جمال ولا الملايكة ، مالقتش غير دى !!
(بتبص للسما) بقى ياربى اصبر اصبر ع فرحتك ويوم م افرح بيك تفرحنى فرحة نص كم زى
دى
مصطفى: فرحة نص كم!! عشان كانت متجوزة قبل كده
ومعاها عيل بقت كخة! ميتبصالهاش ومين قالك انى لو خدت بنت من الى اختارتيهم لى
مكنتش هشد شعرى منها واعيش اسود حياتى معاها عشان مش عجبانى امى.. هو انا ليه
مكتوب عليا انفذ الى انتى عاوزاه ،انتى تؤمرى وانا انفذ.. اقعد من المدرسة ومتقدمش
فكليات..حاضر! مع انى كنت جايب مجموع طب..كنت هبقى دكتور لكن فضلت مصلحتكم ع
مصلحتى ، امسك يا مصطفى ورشة ابوك..حاضر! وبقيت اسطى مصطفى مش الدكتور مصطفى .
ودلوقتى متجوزش الى انتى عايزاها ..بس المرة دى مش هقول حاضر عارفة ليه؟ عشان
عايزها وهاخدها ومش هتجوز غيرها ، وهتجوزها برضاكى يا امى مش غصب عنك ...انا نازل
الام:
استنى يا واد هتروح فين؟
مصطفى:
مخنوق ولو قعدت اكتر من كده هنفجر
الام: بنت عبدالباقى جننتك خلاص، مبقتش طايق امك
وعاوز تهج ..استنى يا واد انا بكلمك
مصطفى: سلام يا امى سلام
نزل مصطفى وهو متدايق من الى حصل بينه وبين
والدته، هيروح فين وهو متدايق كده؟!
================================
علاء..
لسه ماشى من بيت بابا رحاب، دى المرة ال 5 الى ييجى فيها عشان يصلح رحاب ويرجعها
البيت لكن هى بترفض ومصرة عالطلاق وساعات مش بتقابلة كمان. بعد م مشى مامت رحاب مش
راضيها الموضوع..وخصوصآ موقف رحاب من علاء
.
الام: يابنتى وبعدهالك؟ هتفضلى كده؟ طلاق وهو مش عايز يطلق..وانتى يابنتى بتحبيه
وانا عارفه..متكبريش الموضوع يارحاب خلاص بقى .. رحاب: بس ياماما حاسة انى مجروحة
اوى
الام:
يابنتى انتى متطلعة فدينك...غلطة ميقصودهاش ، هو كان بيحب واحدة زمان وخلاص م كل
الشباب كده..اخوكى اهو عرف بنات بعدد شعر راسه ..هل مش هيتجوز ابدآ يعنى
.
رحاب: ياماما انا بحبه اوى وبغير عليه..مقدرش اشوف مشاعره دى مش ليا ، بحبه اوى
والله(بتعيط)
الام:
طيب ومدام بتحبيه ، عايزة تسيبيه ليه؟
رحاب: عشان كرامتى، هو خلاص بيحبها هى خلاص بقى
يتجوزها هى ..انا كده كده مش هخلفله البيبى الى عايزه حتى لو متكلمش .. الام:
ارجعيله يارحاب...حرام عليكى انتى هتموتى الف مرة لو سبتيه..وبعدين مين قالك انه
هيتجوزها ؟! لو هيتجوزها مكانش جالك اكتر من مرة يصلحك، مكانش تعب كده وحالة
اتدهور ده يابنتى شكله يصعب عليكى والله..علاء لو وحش كان اول م عملتى العمليه
اتلكك لك وطلقك واتجوز حبيبته دى ايه الى يمنعه؟
رحاب:(
رحاب طقت لها فكرة )
ماما انا هعمل مشوار
الام: رايحة فين؟
رحاب:
هقولك بعدين ...عن اذنك ياامى رحاب قامت تلبس ونزلت. رايحة فين وهتعمل ايه؟! الله
اعلم
مصطفى عند علاء فالصيدليه. من زهقه معرفش يروح
فين ويتكلم مع مين ..لقى علاء فوشه راحله، مقدرش يشتكيله من الى حصل مع امه عشان
مهما كان ميجبش سيرة امل مع علاء .مهما كانت هى لسه مش مراته وممكن الكلام ده
يجرحها لو عرفت ..فقرر يقعد معاه بدل م يشكيله مصطفى ، شكاله علاء! مصطفى اقترح
عليه يحاول مليون مرة انه يصلح رحاب حتى لو رفضت وميستسلمش بالطلاق لان رحاب
متتعوضش، حتى لو كان اعترفله انه من ساعة العزا وهو ياسمين مش مفارقة باله!!
=============================
رحاب راحت لياسمين.. ياسمين استغربت الزيارة
المفاجئة دى لكن رحبت بيها بردو عشان ضيفه.. قبل م تبتدى رحاب بالكلام ياسمين
سبقتها..
ياسمين: انا اسفة ليكى بجد...انا مكنتش اقصد انى
اكلم علاء ولا عارفه انه طالع والله ، لاقيت نفسى بقوله وانا مش شايفه حد
قدامى..مكانش قصدى اجرحك والله...وع فكرة انا مكنتش هعرفك انى اعرف علاء جوزك لانى
انا وهو حكايتنا خلصت من زمان
رحاب:
انا مش هنا عشان الومك..انا هنا عشان عايزة اعرف منك
ياسمين: ايه؟ اتفضلى
رحاب: عايزة
اعرف علاء منك
ياسمين: (باندهاش) عايزة تعرفى علاء منى!! ده
جوزك انتى وبقالكم سنة مع بعض يعنى انتى الى تعرفيه عنى مش انا
رحاب: بس اتضح انك انتى الى تعرفيه اكتر...
ياسمين: بصى يارحاب..علاء ده حب عمرى من وانا بضفاير ومعرفش يعنى ايه حب وعيت ع
الدنيا لاقيته قدامى..انا وعلاء كان بينا قصة محدش شاف زييها ولا عاشها ، هو كان
كل حاجة فحياتى .
.
رحاب: اومال متجوزتوش ليه؟ وسبتو بعض امتى؟ معلش لو بتطفل عليكى
ياسمين:
بالعكس انا بس خايفة تدايقى من كلامى عنه ليكى ، بصى حدوتة معظم البنات
فمصر..البنت تكبر وتدخل الجامعة والعرسان تكتر عليها . كل مرة ترفض عشان مستنيه
حبيبها يعنى..لحد م ييجى العريس المناسب الى اهلها شايفينه لقطه ومش هييجى زييه ..هما
مغصبونيش بس كانو شايفين انه الاصلح، جوزى السابق كان من عيلة كلاس جدآ..ومعاه
شركات وبزنس ودنيا كان اخو صاحبتى فالكليه ..مكنش ينفع ارفض فاتخطبتله ومن ساعتها
وانا وعلاء منفصلين ..لان طبعآ الحدوتة بتنتهى عشان الحبيب ظروفه بتمنعه من
الارتباط والحبيبة بتتجوز العريس الى شايفينه مناسب وبيفضل فلبها متعلق بحبيبها
وبس..
رحاب:
يعنى انتو متقابلتوش بعد جوازك ولا..
ياسمين: ابدآ ولا مرة اتكلمنا...ع فكرة يارحاب
انا اعرف علاء كويس واخلاصه للى مرتبط بيها ..علاء عمره م احتك بيا ولا انا حتى
..انا هقولك ع حاجة محدش يعرفها ابدآ غير انا وعلاء حكتلها ع المرة الى راحتله
فيها واغمى عليها وطلبت منه يسامحها.. رحاب بتسمع بهدوء وصبر شديد ..غيرانة بس
بدأت تفهم جوزها الى ظالماه اكتر ياسمين: انتى عارفة لما قولتله بحب اشوفك قالى
ايه ؟
رحاب: لا
ياسمين: انا مكنتش اعرفك...انتى كنتى بالنسبة لى
واحدة مرات حبيبى وخلاص قالى انا بحب مراتى وبحافظ عليها ومش عايز اشوفك تانى لو
سمحتى علاء بيحبك يارحاب والله، انا عارفة علاء لما بيحب بيبقى عامل ازاى ..كان
ممكن يخونك بمجرد رجوعى ليه لكن هو حافظ عليكى فغيابك وجرحنى عارفة رغم كرهى لجوزى
وحتى ابنى منه نزلته عشان ميبقاليش حاجة تفكرنى بيه ومجروحة ..بس جرح علاء ليا كان
اكتر لما عرفت انه بقى يحبك ونسينى
رحاب: انتى عارفه ان من ساعة العزا وانا عند بيت
بابا وسايبة البيت!
ياسمين: بتهرجى!! يالهوى بقالك شهرين سايبه
البيت؟ لا يارحاب ارجعيله ..انتى معاكى كنز انا ضيعته بايدى وانتى لسه معاكى
الفرصة تكونو سوا ...علاء مافيش زيه تانى صدقينى ارجعى لبيتك وحياتك ..سامحيه هو
مكانش قصده يتخض عليا ده عادى لاى اتنين بينهم عشرة مش حب ...خليكى فاهمة عشرة مش
حب وانا وعد منى علاء مش هيشوفنى ابدآ ، انا هفضل فشغلى وحياتى الى ربنا اختارهالى
وخلاص كده
رحاب
نزلت وكلام ياسمين مأثر فيها جامد...ايه ده؟ واحدة مكانها مكنتش قالت كده كانت
اصطادت فالمية العكرة واتقربت لحبيبها ع حساب اى حاجة لكن هى عرفتها حب علاء ليها
وانه راجل مافيش زيه !! لكن ياسمين داست ع قلبها عشان ترجع رحاب لعلاء ومفكرتش
فنفسها المرة دى...هى لسه بتحبه!! بس اذته كتير وجه الوقت الى تعمله حاجة تسعده زى
ماهو طول عمره بيسعدها...وعمره م أذاها!!
مصطفى وامل بيتكلمو فالفون.. قالها عالى حصل
بينه وبين مامته ..امل زعلت وحست انها اتقفلت فوشها من تانى..بس هو بيهون عليها مصطفى:
انا محبتش اخبى عليكى...بس ارجوكى متزعليش عشان خاطرى ياروحى
امل: هتسوى ايه الدنيا لو انت مش معايا يامصطفى
؟
لو
احنا مكملناش سوا؟ والله كل م بحس انها هتفرج بتتعقد تانى
مصطفى: حبيبتى ان شاءالله ربنا معانا...سيبك من
كلام امى دلوقتى انا هعرف اتصرف معاها وهتوافق وهى الى هتختار الشبكة معانا
كمان..انا عايز اقولك ع مفجأة
امل: ايه؟
مصطفى: تؤتؤتؤ...مش هقولك
امل: لا عشان خاطرى
مصطفى:
لا متثبتنيش لو سمحتى، انتى عارفة ان خاطرك غالى
امل: يعنى مش هتقول؟
مصطفى: نو امل: يعنى نو!! طب انا بقى مخصماك ومش
هكلمك تانى
مصطفى:ولا اقدر والنيعمة...طب خلاص هقولك بس
متقوليش لحد وسياح وزغاريد ههههههههه
امل: هههههههه لا متخافش
مصطفى: انا جاى بكرة بليل عندكو اقعد فالصالون
واطلب ايدك يامطلعه عينى وروحى وقلب
ى
امل: بجد!! والله مصطفى: وهكلم ابراهيم عشان يعرف قبل م اجى امل: (زغردت ومسكت
نفسها)
مصطفى: طب انا هقفل بقى عشان شكلك سيحتى اهو
شوفتى
دخل امجد وايمن عليها وهى بتزغرد قفلت الفون
بسرعة.. امجد وايمن مع بعض:ف ايه؟ بتزعردى ليه؟
امل:(وشها جايب 100 لون) ها...ده ده واحدة
صاحبتى هتتجوز
ايمن: وانتى الى بتزغرطلها يا امل!
امجد: باين اتلطشتى ع كبر ولا ايه حكايتك ، يلا
بينا يابنى
امجد خد اخوه وطلعو ...امل شغاله تطلع فهدومها
وتمسك سيف وتبوس فيه...وتشوف هتلبس ايه ؟!
=========================
علاء
داخل البيت بعد يوم شغل طويل .. لقى البيت كله ضلمة وف شموع عالسفرا واكل وموسيقى
هادية..
علاء:
ايه ده؟! مين هنا
رحاب فتحت النور: انا ياحبيبى (جريت وحضنته)
وحشتنى يا لولو
علاء:(حضنها
وهو بيضحك) لو لو! حبيبة لولو وقلب لولو (شالها بين دراعة) ايه الى عملاه ده
ياهانم! جو رومانسى وحركات ها...بتصالحينى
رحاب: ايوة بصالحك عندك مانع؟
علاء:
اه عندى
رحاب: ايه هو بالظبط يادكتور؟
علاء:
هقولك...بس الاول انزلك وناكل الاكل الجميل الى انتى عملاه ده ...وبعد كده نقعد
نلعب جيمين بلايشتيشن ولو غلبتك مش هقولك... لو غلبتينى هقولك
رحاب: كده...طب حضر نفسك للاعتراف يا استاذ
(مبتسمه ولفا ايدها حولين رقبته)
علاء: ممممممم شكلك اتدبست ياعلاااااااااء...
رحاب: ايوة
علاء: وكمان بتردى!! طب تعالى ..
علاء جرى ورا رحاب فالشقه ولما مسكها قعد يضرب
فيها بهزار عشان بعدت عنه ده كله...وبعدها قعدو يضحكو واتعشوا ولعبو
بلايستيشن
سوا ونامو مبسوطين احلى حاجة فالدنيا التسامح...عشان تمشى الامور بصورة طبيعية
وميبقاش ف تعقيدات =============================
مصطفى
اتصل بابراهيم واخد منه معاد انه هيزورهم انهاردة فالبيت لامر مهم وعاوزة يبقى
حاضر هبة وابراهيم خمنو الى الموضوع الى جاى ف مصطفى والى عندهم شك من ناحيته
بقالهم فترة.. ابراهيم بلغ باباه ان عندهم ضيف انهاردة جاى ...وفعلا الامور
اترتبت.. عم عبدالباقى مستنى الضيف وامجد وابراهيم .. هبة جت معاه وفرحت لامل بعد
م امل قالتلها انه جاى عشانها .. امل كانت بتزوقها هبة ولبستها وكأنها بتعيش من
تانى مرحلة انها عروسة جديدة وجايلها عريس.
..مرحلة
معشتهاش وكان نفسها تعيشها وفعلا عاشتها مع حبيبها ...
حتى سيف كان فرحان ولبسته امل طقم جديد ودخلته
جوه عند الضيف وهو اول م دخل...قعد فحضن عمو مصطفى ايمن حس كده ان مصطفى جاى عريس
لامل ...حضنها وباسها وقالها هى تدخل الحاجة الساقعة.. دخلت امل الحاجة الساقعة
وكانت امورة جدآ...مصطفى كان متوتر ..عرق جامد لان اول مرة يتحط فالموقف ده .
..لابس
بدله شيك وزى القمر وقاعد ابراهيم ومراته وايمن ومامتهم كانو حاسين بالى مصطفى جاى
عشانه. لكن امجد وباباه لسه...بس بدأو يحسو ...
============================
مصطفى من غير
لف ولا دوران ..وعشان بدأ الجميع يعرف ويستشف انه جاى ليه ويبقى شكله بايخ. بعد م
اتكلم شوية مع امجد وابراهيم، وهزر شويه مع ايمن وسيف بدأ يدخل فالموضوع .
مصطفى: عمى من غير لف ولا دوران ولا تطويل
فقعدتى وزيارتى طبعآ..انا جاى اطلب ايد امل ..
عم عبدالباقى: (سكت وكشر وبص لامجد وبس ) تخطب
امل؟
مصطفى: ايوة
امجد: وجاى وحدك!! ايه هى عشان كانت متجوزة قبل
كده اى حد يعدى لوحدة يطلب ايدها !! مش ف اصول ولا ايه
ابراهيم: امجد ميقصدش يا درش بس ده اسلوبه عامة
.
.
مصطفى: والله يابشمهندس انا قلت اشوف الدنيا فيها ايه ولو فيه قبول هجيب الحاجة
واعمامى واهلى كلهم يطلبوها ونفرح كلنا...أمل دى برنسيسة مش اى واحدة
امجد: وانت معاك ايه مؤهل بقى؟(بسخريه)
مصطفى:
انا... 0وشه احمر وحس انه بيسخر منه) معايا ثانوية عامة..بس هكمل ان شاءالله
امجد: اااااااه هتكمل(ابتسامة سخرية)
ابراهيم: (بص لاخوه بصة وحشه) يااهلا بيك يا
مصطفى وبنسبك انت شرفتينا والله
عبدالباقى
: (بص لابراهيم بصة اسكت يعنى عشان هو قاعد) بس امل يابنى مش هتتجوز !! امل واقفة
برة بتسمع هى وهبة وامها وبعدين كشرت لما سمعت ابوها ..
مصطفى: ليه ياعمى ؟ ايه المانع
الاب: انت عارف انها كانت متجوزة ابن اخويا الله
يرحمه وجابت منه سيف ماشاءالله عليه عنده 3 سنين دلوقتى ..وطالما ف واحدة فعيلتنا
سبقلها الجواز يبقى يستحسن تتكسر ع ولا دها وتربيهم..عيب يابنى الى انت جاى تقوله
ده
مصطفى:(عنيه فثوانى ملت دموع واحمرت وساب من ايده
البيبسى) اعتبر ده رفض ياعمى ولا ايه
امجد: لا اعتبره نهاية الزيارة السعيدة يااسطى
!!
ابراهيم: امجد!! انت مبتعرفش تكون محترم مع ضيفك
عن كده ا
مجد:
والله انا بشرحله ابوك عايز يقول ايه عشان هو مش فاهم..اصله بثانوية عامة ههههه
ابراهيم: انت قليل الادب ع فكرة
الاب: امجد! ابراهيم! ايه موت انا وبتتخانقو
قصادى وفوجود ضيف
مصطفى
قام وكأنة مدلوق عليه جردل ميه ساقعه ولم حاجته حتى مكانش عارف يمشى من الكسوف و
الاحباط واستأذن وخرج لقى امل فوشه جه يكلمها بصتله وانهارت فالعياط ابراهيم قام
مع مصطفى يوصله لتحت .
..
امل فاض بيها واشتغلت صريخ ...
امل: ليه عملتو كده؟ ليه عملتو كده ؟؟؟
سيف شاف مامته بتعيط وتصرخ راح عيط هو كمان
اخدته جدته لجوه
امجد: ف ايه يابت؟ انتى هتزعقى هكسر دماغك..جواز
ايه ياام جواز ! انتى اتجوزتيها مرة وخلاص ع كده ، ياختى اتكسفى ع دمك عايزة
تتجوزى تانى ومعاكى عيل ..ايه لسه نونو وعايزة تعيشى المراهقة من تانى
امل: روح ياشيخ الهى يتنكد عليك ياامجد يابن امى
وابويا الهى ربنا ينتقم منك(بتعيط وبتلطم وبتقطع هدومها وطرحتها)
ايمن: انت ازاى تكلم واحد فبيتنا بالطريقة دى ،
هو السفر علمك عدم الزوق !!
امجد: غور ياض من هنا ياض ..
ايمن: م تنزل عالارض بلاش النفخة دى ياعم
الحج..الى انت بتتريق عليه ده ارجل منك
امجد: اخرس ياض بدل م اعملها معاك (مسك فاخوه)
ايمن: طب لو راجل ورينى نفسك..وانا بقى موافق ان
امل تتجوزه طلع ابوهم الى حركته بقت ضعيفة كتير عن زمان ومبقاش يقدر عليهم ..
الاب:
امجد لم دورك مع اخواتك بلاش فضايح عايز تضرب اخوك فالبيت كمان
امجد: مش سامع قلة الادب...لا والتانيه بتقطعلى
هدومها وبتعملى شويتين هندى فكرانى هسح بالدمعتين وابعت اجيب المأذون
ابراهيم طلع عالكلام بعد م وصل مصطفى وهو محروق
دمه والعفاريت ركباه
ابراهيم: انت امتى هتسرتجل ياض ها ا
مجد:
لما انت تسترجل الاول ياعم قورنى هههه البيه عارف ان الست اخته بتحب الاسطى الى
فاتح قدامه وجاى وشغال يرحب بيه وقال ايه هيوافق
ابراهيم:
انت هتموت كده ياض سماوى وقليل الادب ، طب والله العظيم انت م اتربيت
الاب:
ويعنى انت الى اتربيت يا ابراهيم عشان تشتم اخوك قصادى ..وكمان عارف ان اختك ع
علاقة بواحد امل طلعت منهارة بعد م هبة خدتها جوه الاوضه
امل: مافيش بينى وبينه حاجة ...والله ليه بتعملو
كده معاي
ا
الاب: اتخرسى يابت وخشى اوضتك...هو انا معرفتش اربيكى ولا ايه
امل: انت معرفتش تربى امجد الى جرح مصطفى وهو
ضيف عندنا معرفتش تربى واحد طايح فينا كانه بيقسم رزقنا من فوق السما ..
ابوها
رايح ناحيتها يضربها حاشة ابراهيم..
.
امل: عملتلكو ايه تبهدلونى كده...والله م هسكت تانى ، ده جاى طالب الحلال ياناس هو
عايز حاجة عيب لا سمح الله!! انا مش فاهمة امتى هتفرحونى زى بقية الناس م بتعمل مع
بناتها ..اتجوزت وخلفت واترملت وحزنت وشيلت الهم بدرى ...ومستكترين عليا انى افرح
مرة فحياتى هبة: ادخلى ياامل واستهدى بالله
امجد:لا سيبيها تدينا محاضرة شويه الست المحترمة
الكومل المؤدبة الى بتعرف الشباب وتكلمهم ...م كنتى بالمرة اتجوزتيه من ورانا
(بسخرية) والله كتر خيرك ياشيخة انه جه لحد هنا ..تعبتى الاسطى الحقيقة
الاب: امل انا مش هحاسبك عالى بتقوليه ده ...لكن
حسابى معاكى بعدين
ابراهيم:ياابويا
ارجوك..متجنيش عليها فالاول والاخر
الاب: واناجنيت عليها ياابراهيم لما جوزتها ابن
عمك!ليه كنت اعرف انه هيموت ويسيبها فعز شبابها
ابراهيم:ياابويا
مش كده..بس انت عارف انها مكانتش عايزاه وحياتها كانت شبه مستحيلة ومع ذلك استحملت
، ده الى فسنها لحد دلوقت متجوزتش..ياجدعان حرام عليك
و
امجد:بقولك ايه ياحامى الحمى ده عيل زبالة نجار ومش معاه مؤهل يعنى نسب يعر من الاخر
..
ابراهيم: طب مانا معايا دبلوم يابشمهندس امجد!!
ومش مؤهل زى اخواتك ولا زيك اتبرى من اخوك بالمرة عشان يعر
الاب:خلص الكلام..امل هتتكسر ع ابنها تربيه
..ومافيش جواز تانى ليها
امل: بس ده ظلم والله حرام...يارب خدنى وارتاح
يارب (بتبكى)
ابراهيم:(راح
ياخد هبة وميل ع امل) اصبرى...مش هتخلى عنك المرة دى ..والله م هسيبك(وطبطب عليها
)
امل سمعت كلام ابراهيم اخوها وسكتت ع امل انه يعمل حاجة.. كل تفكيرها دلوقت، مصطفى
عامل ايه؟ نفسها تطمن عليه بعد الدوش البارد الى اخده
=========================
مصطفى
رجع البيت بيبكى عشان اتبهدل..وعشان حلمه ضاع امة كانت صاحية وحست من اول م اتشيك
ولبس البدله انه رايح يتقدم...قلب الام طبعآ
الام:رفضوك نسب الهنا!! هما الى بيرفضو (بسخريه)
بنتهم نص كم وبيرفضو وليهم عين...ماقولتلك م الاول دى جوازة بايظة ونسب منيل ب 60
نيله..احسن عشان روحت وانا مش موافقه وضربت بكلامى الحيط (بتستفزه)
مصطفى:(من
غلبه طلع فيها كل الى شايله) امـــــــــــــــــــى ارحمينى ابوس ايدك ...ايوة
اترفضت ومش هتجوزها ارتحتى؟ مبسوطة ؟ مبسوطة وكبيرك مجروح وراجع قفاه مقمر عيش
...ادينى جيت ومتجوزتهاش
الام: عشان تعرف انى غضبانة عالجوازة...يلا بركة
جت منهم
مصطفى: هو انا مش ابنك؟ هو انتى مش حاسة بالنار
الى جوايا ؟ دول بهدلونى عايرونى بانى اسطى نجار ..عايرونى انى مسواش فسوق الرجالة
بصله ولا انول شرف النسب ...اقولك ع حاجة تفرحك زيادة (دموعه بتنزل ع وشه) طردونى
!!
الام:(قلبها حن) ياحبيبى يابنى
مصطفى:(جرى
ع حضنها واستخبى فيه) موجوع ياما اااااااااااااااه
الام:
ولا يهمك ياعين امك...ده انت كبيرى واول فرحتى يا واد ، ماعاش الى يكسر قلبك ولا
يعايرك ده انت زينة الناس...بس ياحبيبى بس مصطفى عيط بحرقة فحضن امه . والغريب ان
امه كمان عيطت معاه..حست بوجع ابنها وعرفت اد ايه...هو فعلا مرتبط بأمل..وبيحبها
========================
كل
الى حاصل ده!! ورحاب وعلاء فدنيا تانيه خاااااااااااالص رحاب صحيت الصبح قبل علاء
وحضرتله الفطار ، وهدوم الشغل زى م متعودة تعمل وصحته
علاء: ده ايه الرضا الى انا ف بقالى كام يوم ده!
شهر عسل جديد ياناس (بيبوس خدها) صباح الفل
رحاب: صباح النور يا حبيبى وهما قاعدين
بيفطرو...
علاء: بس بجد يا روبا..ايه الى غيرك وفجأة
ورجعك؟
انا مش بقصد..انا قصدى ايه السبب؟
رحاب: ياسمين
علاء:
نعم!! ياسمين؟
حصل
ايه
رحاب: حكتلى وحكتلها
علاء: حكتلك ايه وحكيتيلها ايه(جواه ياسمين رجعت
رحاب ليا...مش متفائل)
رحاب: هقولك...بس كل حكتله رحاب عالحوار كله
والى حصل يوم م اغمى عليها فالصيدليه
...وبعدين
علاء سمع منها للاخر وقرر يعترفلها بحاجة من بدرررررررررررى جواه وعايز يشيلها من
ع صدره
علاء:
انا بقى حكيت كل الى قالتهولك لشيخ لانى اليوم ده لا كنت عارف انام ولا اكل ولا
اركز فاى حاجة
رحاب: حسيت بيك ان فيك حاجة غريبة يومها ومرضتش
اسالك كنت مستنيه انت الى تقولى، وقالك ايه سيدنا الشيخ؟
علاء:(بعد
تردد) قالى انى...بحبكم انتو الاتنين!!
#أمل_بكرة
#بقلمى_نوراسماعيل
ليست هناك تعليقات:
إرسال تعليق