•••========== •••========•••
"بابا انا متأكد من رحمة ربنا وهتطلع كويس بمشيئة الله "
كانت كلمات وسام دى بلسم ع قلب باباه .. قبل م يدخل العملية بدقايق .سلم عليهم وتوكل عالله
شريف
ليلى
ومامت وسام ... ووسام .
كلهم واقفين مستنين معاد طلوع بابا وسام من العمليات .الرضا بالى ربنا يجيبه دى احسن حاجة
وسام مش قلقان طول ماهو واقف بيستغفر وبيقرا الى حافظة من القرآن فسره ، شريف جاب له عصير ليه هو ومامته عشان يهدو وكده .
شريف: والله هيبقى زى الفل ويقوم زى الحصان .. ابوك ده راجل من زمن السمنه البلدى وشرب اللبن طازة عالصبح
ناس صحتهم عافيه . مش احنا يا راجل شوية برد بنترحل عالقرافه عدل
وسام: (بيبصله بنص ابتسامة ) الله المستعان
ليلى: يارب ياخالو تقوم بالسلامة يارب
الام: هو بس يقوم ويدخل شقته تانى ينورها والله وانا اعمل الى ميتعملش
وسام: انا حاسس ان بابا هيبقى كويس وتعدى ع خير ، عندى حسن ظن بالله
الام: ونعم بالله
=====•••=====•••
التليفزيون شغال يوشششش
ومحدش صاحى يشوفه ! اصل مى نايمة بعد الفجر حضرتها ونامت قدام التلفزيون وسابته يدش لوحدة
فونها شغال رن ورا بعض وبردو هى مش سامعه خاااااااالص كأنها نايمة فمية.
امنية كانت بترن عليها ضرورى ، عشان سهر اتصلت بيها امبارح تعرف حصل ايه بينها وبين وسام وامنية قالتلها.
لكن عشان سهر عقلانية عنها اتصلت تعتذر لوسام على تصرفها السخيف .. وكانت بتحاول تفهم منه سوء التفاهم والحلقة المفقودة ل مى
وبعد م عرفت سهر كل حاجة وان بابا وسام هيعمل عمليه الصبح... اتصلت ب مى فوق ال 20 ميسد .. بدون جدوى !
اضطرت سهر تخلى جوزها يوديها لشاليه بتاعهم ف اسكندريه فورآ.
الباب بيخبط والجرس ...
مافيييييييش اى رد فعل . سهر قلقت اوى
بس بعد م ايديها ورمت من الرن والتخبيط.. فتحت مى !
مى: ايوة مييييييييين
سهر: افتحى يامى ايه ده
مى: مين سهر (فتحت) ادخلى ادخلى (بتعمل فعنيها وبتحاول تفوق
سهر: طبعآ نايمة ولا ع بالك
مى : (ببرود ) طيب الشاليه شاليهك انا هدخل اكمل نوم بقى
سهر : تعالى هنا
مى: ايييييييه ياسهر
سهر:نايمة هنا ومرتاحة وكويسة وحماكى ف أودة العمليات
مى: ايه
=========•••========
الدكتور طلع ووشه كويس ..
وسام: ايه يا دكتور الاخبار
شريف: طمنا يا دكتور الله يطمنك
الدكتور: الحمدلله استئصلنا الورم ووالدك زى الفل والعملية عدت ع خير
الام: ي مانت كريم يارب .. احمدك يارب واشكر فضلك
ليلى: الحمدلله
وسام: الحمدلله كما ينبغى لجلال وجهك ولعظيم سلطانك
بعد ربع ساعه دخلو للاودة الى اتنقل فيها بابا وسام .. وكان قاعد هادى ووشه راضى ومبتسم
وسام: (بيبوس ايد باباه ووراسه ) حمدلله ع سلامتك يابابا
الاب: الحمدلله
وسام: والله فرحان اوى (عنيه دمعت )
الام: حمدلله ع سلامتك ياعاصم ، كلنا من غيرك ولا حاجة والله
ليلى: ايوة يا طنط
شريف: حمدلله عالسلامة ياعم عاصم شدة وزالت بقى خلاص
وهما بيتكلمو دخلت طقطقة شوز حريمى وبوكية ورد ... شيرين
======•••======
مى: (قاعده ع الكرسى مذهوله ) انا معرفش كل ده
سهر: عشان غبية ومبتفهميش
مى: بس هو ... هو سابنى ياسهر
سهر: سابك ايه ؟ بقولك ابوه كان بيموت ..ولااح يتصرف ليكى وليه
والطبيعى هيحل مشكلة باباه الاول وبعدين انتى ، ماهو لو مكانش ليه خير ف باباه مش هيكون ليه فيكى
مى: ايه ده ؟! ده انا طلعت زبالة اوى
سهر: وخلى بالك .. انتى لسه فالبدايات معاهم
متخليهمش يكرهوكى
لازم تبطلى انانيتك وحبك لنفسك وتفكرى صح
مى: (بتتكلم بطفوله ) يعنى اعمل ايه يعنى
سهر: تبطلى تسرع وعصبيه وتفهمى الى قدامك
ايه فاهمة الجواز ايه ؟ حب وخروج وكلام حلو ونحنحة بس
لا الجواز مسؤليه
مسؤلية راجل انتى كل حياته وهو كل حياتك .. تسمعيه وتوقفى جمبه
مى: بس ده جه امبارح هنا قالى كلام وحش اوى
سهر: حقه! يتعصب ويديكى بأقدم شوز عنده وتبقى مبسوطة
مى: نعم!!
سهر: ماهو التخلف فتفكيرك ده لازم ينضف، اومال وافقتى تتجوزيه ليه ها؟
عشان هو واد امور وكلهم متغاظين منك وانتى بس الى هتتجوزيه
وابن ناس وهيخرجك ومستحمل جنانك
لو شايفه ان ده الجواز يبقى تسيبو بعض احسن
مى: ع فكرة بقى انتى جاية عليا اوى
سهر: عشان غلطانه يامى
مى: تانى هتقولى غلطانة، ده بيحن لخطيبته القديمة ياسهر ولسه بتكلمه
سهر: عندك دليل ب ده
مى: ايوة
سهر: يبقى الاول تقفى جمبه لغاية م يعديها وبعدها تعاتبيه بحب واحترام وتشوفى وجهه نظره لكن الى بتعمليه ده اسمه معيله
مى : (سكتت وبصت فالارض وعيونها دمعت ) هو مبقاش بيحبنى
سهر: لا لسه بيحبك بس وسام مخنوق لازم تكونى اول من يقف جمبه
مش يحتاجلك وميلاقكيش
متخليش حد يتكلم عنك وحش
يلا قومى عشان ايهاب قال هيلف لفه وييجى يرجعنا .. خلينا نلحقه
======•••=====
ليلى : تعبتى نفسك يا استاذة شيرين والله
شيرين: هو صحيح انا زميلة جديدة بس وسام مقداره عندى كبير اوى (بتبصله بحب)
وسام: ربنا يخليكى ياشيرين
الاب: شكرا ليكى يابنتى
الام: (بتقول بهمس) مجاتش من مرات ابننا
خرج وسام برة يطلب حاجة لشرين بعد م سمع كلام مامته
وخرجت وراه شرين
شرين: وسام !
وسام: نعم
شرين: انا دفعت باقى الحساب بتاع المستشفى
وسام : (وشه اتغير )
شرين: ايه وشك اتغير كده ليه ؟ اولا احنا اتفقنا اننا اخوات
ثانيآ اعتبرة من حساب الشقة وهو كله يجمع فالاخر
وسام: شرين انا مش عارف...
شرين: انت فعلا مش عارف يا وسام (بصة حب)
وسام: مش عارف ايه ؟ انا كنت بقصد انى مش عارف اشكرك ازاى وانك وقفتى جمبى
شرين: احم.. مانا بقصد كده برضو انك مش هتعرف لان الاخوات مش بيشكرو بعض ولا حاجة
شريف خرج كانت الغيرة بتلح عليه يخرج يشوف اتأخرو كده ليه
شريف: ايه ياجماعة مالكم واقفين كده ليه
شرين: لا انا داخلة جوه عند عمو اهو
وسام: خليك معاهم ياشريف انا هروح اطلب حاجة وجاى
شريف الفار لعب فعبه وبدآ يتدايق من تصرفات شرين وان وسام بدآ يديها وش عادى بعد م كان مصدر وش جبس ليها .
========•••=====
مى وسهر فالطريق..
مى: تفتكرى اجيب ورد واجيبله الساعه الفقرية دى واروح ولااا
لسه سهر هترد
مى: لالالالا مش هجيب غير ورد لعمو .. انا مش عايزة اصالحه اصلا
سهر: يووه عليكى يامى شكلك هتعميها
ع بال م يوصلو ..
كانت شرين مشيت من هناك وابتدوا كام حد من زمايلهم فالشغل ييجو يزورو بابا وسام .
وسام: والله م كان ليه لزوم الى انتو عاملينه ده كله
زميل 1: يابنى اصلا انت متتكلمش نسمع بالصدفة انك اخدت انهاردة اجازة عشان عمى هيعمل عمليه
زميل2: ده واد ندل متعبروش
شريف: لا كان جاب ميكرفون وقال يا ولاد الحلال ابويا هيعمل عمليه فالى يقدر يكرمش حمسيناية يبقى الله يكرمه بصراحة
زميل 1: هههههههههه
زميل2: مانت ندل برضو زييه عارف ومقولتش يقول ايه دلوقتى مبنعرفش فالواجب
بابا وسام بيسمع وبيبتسم بتعب وبالعافيه ..
شريف: بقولك ايه ياعم انت وهو وقتكو خلص .. يلا شربتو العصير غورو بقى
ليلى : بس يا شريف هههههه
زميل 1: طب بالعند فيك لا
ع فكرة يا وسام بقية الزملا جايين بكرة لما عمو يروح البيت
النيرس دخلت عليهم وهما بيتكلمو ..
النيرس: لو سمحتم كل الموجودين يتفضلو برة عشان يرتاح المريض
كلهم خرجو ووسام سلم عليه . وبعد م سمع وسام التعليمات من الدكتور ان انهاردة يسيبو المريض مع المرافق وهو هيطلع بكرة
اخد بعضه وسام و قال ل ليلى متروحش لصاحبتها تانى وتنام فشقتهم عادى وهو هيروح يبات عند شريف انهاردة .
شريف طلع ع بيته ووسام قاله هيروح يجيب حاجة من شقته الاول وبعد كده هيروح لشريف..
.. كانت مى وصلت القاهرة .
واتصلت بشريف ..
مى: انت لما حاصل ده كله مع وسام مقولتليش ليه
شريف: هو انت اديتى فرصة لحد داخلة زى المترليوس وررك وررك ورا بعض
مى: طيب انتو فين دلوقتى
شريف: انا روحت ووسام روح ينام (مقالش انه هيبات عنده )
مى: وعمو عاصم
شريف: كويس الحمدلله عمل العملية بس الدكتور منع الزيارة ومعاه طنط بس
خلاص استريحتى عايزة حاجة تانى
مى: خلاص روح انت
ادورت مى لاختها .
مى: ممنوعه الزيارة
سهر: هاتى بوكيه ورد واكتبى اسمك عليه وسيبيه ليه يدخل لعمو بس اسمك عملتى الاصول
مى: طويب
جابو الورد وراحو المستشفى وخلت النيرس تحطه للمريض فاودته ..
الام: ده من مى مرات ابنك
الاب : (بصوت تعبان ) فيها الخير
الام: فيها الخير ده ايه ؟ الا م جت تسأل عنك ولا وقفت مع ابنك فشدته
ياخويا بلا خيبه
الاب: انتى متعرفيش ايه الى حاصل بينهم ياستى
الام: طيب خليك انت دايمآ مدافع عنها كده وجاى ع ابنك
الاب: ابنك بيحبها متتكلميش عنها كده قدامه عشان ميدايقش
الام: طب والله انا حاسة ان ابنك فايض بيه منها
الاب: ربنا يهدى سرهم ويهديهم لبعض
=====•••=====
وسام ..
بعد تعب وارهاق واعصاب متوترة قرر يناااااااام ويقفل موبايله شوية بعيدآ عن الصداع والضغط العصبى
حقه!
ماهو بقاله 3 ايام مش بينام ..
شريف هيأ له الجو وسابه لوحده فالاودة .
مى راحت شقتها وبعدين قررت تروح تخبط ع وسام لانها افتكرت ان هو وليلى جوه وحدهم .
ليلى : ايوة جاية
مى : (ايوة ياختى تعالى افتحى ياعينك يا جبايرك )
ليلى : مى .. تعالى
مى: فين وسام لو سمحتى
ليلى : وسام مش هنا
مى: والله ، شريف قالى انه هنا
يا وسام
ليلى : ايه ده فيه ايه ؟ والله مش هنا
كان هنا ومشى يبات عند شريف
مى: انتو هتلاعبونى ولا ايه ؟
ليلى : نلاعبك ايه ؟ مالك بتتكلمى كده ليه يامى
مى: والله بعد كده كل واحد هيتعامل المعاملة الى تناسبه
ليلى : مش فاهمه حاجة
مى : يستحسن بردو بعدين تفهمى ، بس احب اهنيكى ع ان مخططك ماشى مظبوط ونجحتى والحمدلله
يلا زغردى وفرقى الشربات
ليلى : مخطط ايه ؟ ايه الى انتى بتقوليه ده
انتى سخنة ولا حاجة
مى: لا مش سخنة ياليلى وعيب اوى الحركات دى
انتى مترضيش حد يعمل معاكى كده
ولو بتحبى حد وخلاص اتخطبتو مش هترضى ابدآ حد يفرق بينكم بالطريقه الرخيصة دى
ليلى : طب ممكن تدخلى نتكلم جوه انا قاعده وحدى .. وتفهمينى ف ايه ؟
مى: اوك ، هدخل
دخلت مى واول م دخلت شافت الدبدوب بتاعها بس هى متعرفش انه بتاعها ..
مى: هى كلمة واحدة .. لما هو لسه بيحبها
خطبنى انا ليه
وسابها ليه من الاول
ليلى : الى هى مين طيب
مى: دنيا ! هو ف غيرها
ليلى : دنيا! مين قال كده
وهو لو عايز يسيبك ويتجوزها هى كان عمل ده كله ليه
مى: وهو ايه الى عمله غير انه سابنى فعز محنتى عشان بيتلككلى
(بتبص للدوبدوب ) وتلاقيه جايبلها الدبدوب ده هدية صلح من بعد الفراق
ليلى : هههههههههه الدبدوب ده بتاعك ياهبله
مى: ايه !
فجأة وشها اتغير وابتسمت وجريت ع الدبدوب وحضنته وقعدت تبوس ف ..
ليلى : (بتبص باستغراب ليها )فعلا وسام اتجوز طفله .. مش اكتر !
======•••====
ليست هناك تعليقات:
إرسال تعليق