•••========== •••========•••
مى: هى كلمة واحدة .. لما هو لسه بيحبها
خطبنى انا ليه
وسابها ليه من الاول
ليلى : الى هى مين طيب
مى: دنيا ! هو ف غيرها
ليلى : دنيا! مين قال كده
وهو لو عايز يسيبك ويتجوزها هى كان عمل ده كله ليه
مى: وهو ايه الى عمله غير انه سابنى فعز محنتى عشان بيتلككلى
(بتبص للدوبدوب ) وتلاقيه جايبلها الدبدوب ده هدية صلح من بعد الفراق
ليلى : هههههههههه الدبدوب ده بتاعك ياهبله
مى: ايه !
فجأة وشها اتغير وابتسمت وجريت ع الدبدوب وحضنته وقعدت تبوس ف ..
ليلى : فعلا وسام اتجوز طفله .. مش اكتر !
مى شغاله تبوس فالدبدوب وليلى بتضرب كف ع كف ومستغربالها ..
مى : (اخدت من الى بتعمله ) ايه الهبل الى انا ف ده ؟
ايوة نرجع لموضوعنا
ليلى: الى هو ايه يامى عشان انتى بجد غريبة
مى: انتى ليه بتقربى بين دنيا ووسام وعايزاهم يرجعو لبعض
ليلى: يانهار ابيض!! انا
والله ابدآ مش حصل وعمرى م فكرت فكدا
مى: اومال تفسري بأية مكالماتك معاها يوم خطوبتنا وكده وهى عارفه كل تحركاتنا وعارفه كل حاجة عن وسام ومش بعيد تكونى بتخليه يكلمها كمان
ليلى: يكلمها !
مى: بقولك ايه هنقضى الليله استغراب كل م اقول كلمه تكرريها ورايا
ردى وجاوبينى
ليلى: ع فكرة بقى تسرعك ده مش كويس خالص ليكى لانك ممكن تبوظى علاقتك بوسام وبالى حواليكى
اولا دنيا صديقه ليا من اول م اتخطبو هى ووسام زمان ، وبعدين انا سافرت وانقطعت الصلة شوية
لدرجة انى معرفتش انهم انفصلو
قابلتها صدفه فالطيارة وانا جايه .. حبيت ابقى اسأل عليها وبس
لكن احب اطمنك اوى كمان لا وسام هيرجع لدنيا
ولا دنيا عمرها هتتجوز وسام
مى: ياسلام!! وجبتى الثقة دى منين
ليلى: دى حكاية اظن مالكيش دخل فيها ، لكن الى اقدر اوضحهولك ان وسام فعلا بيحبك
يكفى عمره م عمل لحد الى عملهولك .. وغير كده لما جبت سيرة دنيا فمرة اتكلم انها بالنسبة له شخص عادى
مش فحسبانه
اما بالنسبة لها هى .. فربنا معاها ويديها الخير لانها بصراحة لا عايزة تهدم حياتك ولا تتوجد فحياة وسام تانى
يكفى الى هى فيه
مى: يعنى وسام عمره م كلمها؟
ليلى: ممكن افهم انتى بتفهمى الكلام ازاى؟ بقولك لايمكن
اولا وسام ملتزم يعنى عمره م هيعمل كده
مشكلتك يامى بتبصى لوسام من برة .. شايفه مظهر مع ان الجوهر احلى بكتير
مى سكتت وبتسمع ليلى وحست ان كلامها صح
ليلى: انتى عارفه لو بتفهمى وسام بجد ؟ مكنتيش عملتى البوليكة دى كلها
لان هتبقى واثقه فالراجل الى شيلك اسمه وعارفاه اكتر من نفسك
مى: انا بحب وسام اوى وبغير عليه خالص
وممكن اقطع اى حد ياخده منى
ليلى: وهو مين الى قالك انى اتكلمت مع دنيا يوم خطوبتكم .. انتى كنتى جوه
مى: منة صاحبتى هى الى فتحت عينى ع حجات معرفهاش
ليلى : ابتسمت بسخرية ) تسمحيلى اقولك انك عاملة نفسك لفه الدنيا دى وحطاها فجيبك وانتى بجد بينضحك عليكى بسهوله
مى: ليه بقى ؟!
ليلى: بس متتنرفزيش كده .. اولا اعملى بمثل م شاتمك الا الى مبلغك
شوفتى كلام منة خلاكى تتخانقى مع خطيبك وتفهمينى غلط وتزعلينا كلنا منك
طب وايه مصلحتها ف كده بعد م تفسخى من وسام
مى (سكتت بتفكر ف كلامها ) قصدك ان ...
ليلى: انا مش قصدى حاجة .. ممكن تكون قايله بسماحة نية
بس مش لازم خالص تسخنك كده ..ممكن توصلك معلومة بهدوء عن كده
مى: لالالالالالا ده انا طلعت بقرة كبييييييرة
ليلى : ههههههههههههههه
مى: بتضحكى ؟! انا ناسيه ان منة بتحب وسام ااااااااااااااااااعااااااا
ليلى: لا واضح انك بجد سورى يعنى .. مغفله !
مى: بقولك بقيرة كبيييييييييرة ومن غير ديل كمان
ليلى: هههههههه يخربيتك فصلتينى
مى: انا يامنة كبريت تضحكى عليا كنتى هتخلينى امسك وسام واضربه بالنار
ليلى: بصى... فيه كتير بيبقى نيته من جواه وحشة وعامل صاحب
احنا بقى مش كل الى نسمعه نصدقه.. صدقى قلبك يامى
ممكن وسام يعمل كده ولالا
مى: انا قلت طهق منى .. (بتتكلم بطفوله)
ليلى: طب وهيطهق منك ليه انتو لسه فالاول يابنتى
ع فكرة وسام نعمة .. لو مش حافظتى عليها هتندمى
مش عشان هو ابن خالى ..وحياة ربنا مافيش زييه تانى فالزمن ده
وخلى بالك العين عليه كتييييير لازم تاخدى بالك منه اكتر من كده
مى: مانا عارفه ان كل البنات الرخمة الى حواليه باصينلى فيه الهى يتعمو البعدا
ليلى : وهو اختارك انتى خلاص .. لازم تثبتى انك احسنهم وتسعديه .. مش تنكدى عليه
مى: انا خايفه اروح اصالحة ميرضاش.. ده اخر مرة كان هيبلعنى وقالى ياخسارة .. ياخسارة لما انا كنت هعيط خلاص
ليلى: انسى بقى الى فات وابتدى من جديد وفكرى صح وغيرى كل الى مش بيحبه وسام فيكى خلينا نشوفه مبتسم تانى
مى: يعنى انتى عايزانا سوا ؟؟
ليلى: وانا هكره تكونو سوا ليه طيب ؟ وسام اخويا وهحبله الخير
وهو بيحبك هنعمل ايه
مى: (قامت جريت ع ليلى واشتغلت فيها بوس ) انا بجد حبيتك اوى انهاردة
قبل كده لا
ليلى: هههههههههه ولايهمك ياستى
مى: طب انا هروح اصالحه واجيلك تانى ماشى ، اخد الدبدوب معايا ؟
ليلى: لا خليه عشان هو يدهولك
مى: ماشى .. باااااااااااى
ليلى باى : (فسرها ) مش عارفه عبيطة ولا غلبانة ولا ايه بس ...
======•••========
مى رايحة بيت شريف الى لسه عارفه عنوانه من امنية ..
مكسوفه ع قلقانه وخايفه من رد فعل وسام
بس راحت ومتوكلة عالله
شريف: ايوة جاااااااااااااااااااااااى
مى : ايه ايوة جاى دى بتبيع شاى فقطر
شريف: عمتى مى ! ايه الطلة البهية دى
مى: فين وسام
شريف: استنى ادورلك عليه فبوقى (بيتريق)
مى: خف غتاتة وقول وسام فين ، بجد عايزاه ضرورى
شريف: اقولك عشان تكملى نكد ع اهله ، هو مش ناقص الله يسترك
مى: لا والله انا جاية اصالحه
شريف: تصالحية بجد!!
شريف: لا جاية اشوف خلقتك عشان انت وحشتنى
شريف: ايه تصديره السنان دى ؟! طب ياختى اتنيلى ادخلى
مع انه قالى انا عايزة انام ولو الدنيا ولعت مصحيهوش
مى: عشان خاطرى شيري
شريف: شيري ! ماشى ياختى هدخل اصحيه
دخل شريف يصحى وسام الى مصدق ينام .. ولسه بيفوق دخلت مى فبيوت ناس غريبة بدون استئذان الاوضه وهو نايم!
مى: انا جييييييييت
وسام وشريف بصوا وهما متنحين وساكتين
شريف: طب انا اخد امى وابويا ونشوف لنا مكان تانى نترزع فيه ولا ايه مش فاهم
ايه النطاعه الى انتى فيها دى
مى: والله م فيه نطع غيرك .. اطلع يلا برة راجل ومراته وبيصالحو بعض.. ايه حشرك
شريف: بقى كده!
مى: والنبى والنبى عثان خاتر امنية
شريف: لا كده انا هلزق هنا ايه رأيك
مى: يوووووه ياشريف
وسام: ثوانى ياشريف بعد اذنك اما نشوف عايزه ايه
شريف: كده يا وسام! ماشى اوسام اسنكرى
انا ماشى
عايز حاجة قول جزر ع طول
مشى شريف وسابهم وحدهم
وسام: خير
مى: (بتلعب فالطرحه وباصه فالارض ) طب بص انا غلطانه ماشى وعارفه انى كنت غبية وكده
بس الصلح خير وصالحنى
وسام: اتثبت انا من الكلمتين دول
مى: لا مش تثبيت ولا حاجة هو انت مسمار
بص الاول انا مكنتش عارفه انك بتجيب فلوس وان عمو تعب
وبعدين بردو اى حد مكانى ...
وسام: اى حد مكانك هيسمع ... وبعدين يتكلم
يسمع (بيشاور ع ودانها )
مى: ماهو انا كنت فحجز ومخنوقه
وسام: مينفعش يا مى .. مش كل مرة تبقى مشكلة تافهه تكبريها وتعمل حوار
من لا شئ
اسمعى الاول وبعدين احكمى.. مش تطلعينى ندل وحلاص
انا عمرى م كنت ندل مع حد ، والغريب بيلاقينى فضهره قبل القريب
وانتى مراتى
يعنى افديكى بأى حاجة ولا حاجة تمسك
مى: ماهو انا ...
وسام: انتى فهمك ع اده لازم تتغيرى لانى بجد مبقتش مستحمل ، احنا مرتبطين عشان نكمل بعض
مش نكد مشاكل كل شويه كده انا هموت قبل الفرح حرام مش كده
مى: (بتعض شفتها من الكسوف ) انا عارفه انى بجد غبيه
وسام: ثم ايه حوار ليلى ودنيا ده ؟ انتى عبيطة يابت
مى: (ابتسمت وبصت فالارض) ماهو منة بصراحة يعنى قالت
وسام: منة !! طيب منة تقول وانتى وراها ع طول.. مافيش دماغ
مافيش مخ يفكر
مى: مقدرتش ياويسو كنت هموت، الى تاخدك منى اقتلها
وسام: ده مش حب يامى ده امتلاك وبس
الى بيحب بيغير ماشى، لكن بيسمع وبيفهم وقبل ده كله بيبقى عنده ثقة بالشخص الى سلمه قلبه
لكن انتى منة تقول تجرى عايزة تفسخى .. غادة تقول تجرى عايزة تطلقى
مش كده والله .. ماهو احنا ياما هنتعرض فحياتنا .. ان مكنتيش تشبه امى وامك ف المعيشة ازاى استحملو وازاى كانو عاقلين وربونا كويس
مش هتعرفى تخلى بيتنا زى مانا عايز
كأنى اديت مفتاح كل حاجة فحياتى لطفلة وبقولها اتصرفى
مى : اصل انا معنديش ماما تقولى ، ولما وعيت عالدنيا لاقتها مش فيها
معلش
بس انا هتعلم وهبقى زى م انت عايز والله اوعدك (عيونها دمعو )
وسام: انا عايز بعد كده اشوف مى تانية خالص .. اه بحب شقاوتك ودلعك عليا
بس ف وقت احب تكونى شخصيه انبهر بتفكيرها ، انبهر بعقلها
مش تسرع وعصبيه وهمجيه
عايز لما اهرب من الدنيا اجيلك انتى ارتاح
عايز لما يبقى قدامى مشكله ابقى عارف ان حلها عندك
عايز لما اتعب اعرف ان مى هتشلنى .. عايز لما اقع الاقيكى انتى بتقومينى
فهمانى ؟
مى: ايوة .. اوعدك من دلوقتى هتلاقى مى تانية خالص زى مانت عايز بالظبط
وهتنبسط وتنشكح بيا عالاآآآآآخر
وسام: نسأل الله ذلك
شريف داخل ومعاه عصير ..
شريف: العصيييييييير جه ، اصل فتحناها جنينة اسماك
خلاص فقلت اعمل بلقمتى
وسام: ههههههههه
مى: جدع ياخويا يلا انقشع عشان لسه مخلصناش كلام
شريف: لا ياعمتى خلاص وقتك خلص ، الراجل عايز ينام بقاله 3 ايام
مى: لااااااااااااااا هو مش هينام هو هيقوم معايا
وسام: والله ولا اقدر تعبان وعايز انام
مى: طب روح نام فشقتكم ، بس تبقى جمبى
وسام: وليلى طيب يابنتى
مى: ليلى ! خليها تبات معايا انهاردة واهى تونسنى
احنا مش خلاص كلنا قرايب وعادى
وسام: والله مش هقدر ، انا قعدت اسمعك عشان متزعليش
لكن انا مسقط عالاخر
مى: (مدت شفتها يعنى زعلانه) طويب
انا هروح .. بس لما تصحى كلمنى ماثى
وسام: حاضر .. يلا عشان تروحى وكلمينى لما توصللى
مى: حاتر (باسته فخده ) خد بوسه
شريف: اخص ع كده بتبوسيه عينى عينك كده
مى: ده جوزى يا غراب انت
شريف: غراب! طب يلا ياختى معطلكيش (بيقومها )
مى: ااااااه اوعى .. انا همشى عشان ويسو حبيبى بس ينام
ع فكرة انا رحت لعمو ومنعونى ادخل وبعت ورد
وسام: طيب ياحبيبتى ماشى هو بكرة هيطلع ويروح البيت
مى: ييجى بالسلامة.. هستناه بقى
شريف: يلااااااااااااا عايزين ننام
مى: وانتو هتنامو دلوقت ..لسه الساعه 7 يابنى!
شريف: احنا بنصلى العشا وننام .. يلا بيتك بيتك بيتك
مى مشيت وسلمت عليهم وكانت مبسوطة اوى ..عشان صالحت حبيبها خلاص.
وروحت ضربت صوحبية مع ليلى وخلتها تبات معاها .. وسهرو بليل يحكوو اسرار وحكايات
وهى البنات بتبطل رغى !
=========•••========
الستاير بتتشد ... والشمس بتنور البيت
وعمو عاصم مبسوط انه رجع بيته بالسلامة ، كلهم حواليه ومبسوطين برجوعه
وكانت مى موجودة واول مرة تدخل المطبخ وتجيب وصفه من عالنت وتعمل بصعوبة وهى بتقرا من اللاب وبتسمع سهر فالفون عن اكلة
شوربة خضار وفراخ مسلوقه
معلش ماهى مش بتعرف تطبخ ... ع اد م قدرت ظبطها وحطتهم ف طبق شيك وكانت مجهزاهم لحماها عشان ياكل من ايديها لاول مرة !
وعدت الحمدلله فتجمع من زمايل وسام والى متجوز جاب مراته ولا لا جه لوحده وعملو الواجب ومشيو ..
مشيت مى وراحت شقتها وبعد نص ساعه !
خبطت كتيييييير عالباب ..
ليلى : فيه ايه يامى ؟
مى: النور عندى ضرب مرة واحدة كنت بحط فيشة الكاتيل راحت ضربت وعملت قفله، بنادى ع عم سليمان مش سامع
خلى وسام ييجى يشوفهالى
ليلى: حاضر
جه وسام وطلع مع مى
وسام: متقلقيش قفله عادية بس استنى اخلى عم سليمان يبصلك ع لوحة الكهربا من تحت..
اتصل بعم سليمان وابتدوا يظبطو قصاد بعض هو فوق وسليمان تحت لحد مرجع النور
وسام: اهو ياستى اى خدمة تانى (جاى يخرج)
مى : (قفلت الباب بالمفتاح ورمت المفتاح بعيد ناحية البلكونه ) انا قلبى اليك ميال ولا فيش غيرك ع البال
انت وبس الى حبيبى
وسام: ايه ده ف ايه ؟ افتحى يابت الباب
مى : (واقفه عند السفرا وبتغنى ) بتبصلى كده ليه والمكر جوه عنيك
كل العيون حواليك .. ساحرها سحر عنيك
وسام: ايه مشهد فيلم ابن حميدو ده .. افتحى الباب يا مناخوليا
مى : (بتقرب عليه ) حبيبى انت يا فليسوف ، يابونضارات عينهم منى
وسام: عيب ياحميدة !! قصدى عيب يا مى افتحى الباب
مى : حبيبى يااسمر
احبك يااسمر... ابيض .. اخضر
وسام: (بيبعد لورا ووقع ع فوتيه ) اتجننتى يابت ولا ايه الله يخربيتك
مى : (ميلت عليه ) اقولك ع سر
وسام: اه
مى : انا الى بوظت النور ومتفقه مع عم سليمان نياهاهاها
وسام: اقولك انا ع حاجة
مى: قول
وسام: اقسم بالله انتى هبلة
مى: متفرقش ! هاهاهاهاها وقد حانت اللحظة
ليست هناك تعليقات:
إرسال تعليق