الشبكة !
مافيش احلى من فرحتها ، ساعة لما بيشتروها 2 بيحبو بعض عشان يشبكو بعض بقى للابد
هى والفستان والبدله
حاجة كده فرحتها متتوصفش .
وسام واخد مى ومعاهم ليلى اصرت مى تاخدها معاها وسهر وشريف لمحل دهب مشهوووور .. عشان ينقو الشبكة .
مكانش هامم مى الشبكة ع اد الدبل .. الكلبش الابدى الصغنن !
مى : لو سمحت عايزة دبل متلبستش .. متجابتش ..حاجة واو الواااو
وسام: ولما متلبستش ومتجابتش .. هتبقى موجودة ازاى يافالحة
مى : شششش هو فاهم
صاحب المحل : ف دبل ماسى ستايلها جديد جدآآ ..لسه واصلة امبارح، هى بومبيه عادية جدآ بس الاسم بارز من برة ، اسم العريس واسم العروسة
وسام: لا بس انا عايزها فضة
مى : ومالو لما تلبس دهب يا ويسووو ! (بتدلع )
وسام: الدهب حرام للرجاله يا حبيبت ويسو
صاحب المحل : متخافش ... طلبك موجود
اهم حاجة انتو تبقو مبسوطين ..
الراجل جاب الدبل وكان شكلهم روعة ! الكل طار عقلهم بيهم ، اول مرة يشوفو النوع ده
ليلى : واااااااااااو جنان
مى : احنا اول عرسان تلبسهم ؟
صاحب المحل: بقول لحضرتك لسه جايين امبارح .. ع فكرة الدهب ماسى عشان غالى مش اى محل بيتعامل معاه
وسام: (ماسك اللوحة بيتفرج عليهم ) هما شكلهم قيم فعلا ..
سهر: ذوقهم شيك خالص ، ربنا يسعدكم
صاحب المحل : ها هتختارو انهى شكل ؟
مى ووسام كانو بيبصو ع لوحة الدبل البناتى واختارو الدبلة مع بعض حطو ايدهم مع بعض عليها وضحكو سوا ههههههه وبعد كده فلوحة الفضيات .. اختارو غير بعض .. بس اختيار ميوش هو الى مشى
صاحب المحل : الاسماء هتتبقى بارزة من برة والتاريخ من جوه
وسام: تمام ..
صاحب المحل : الاسماء ايه
ال 2 مع بعض : وسام ومى !
وبصو لبعض وميلو راسهم ع بعض كده بضحكة خفيفه ..
وبعد كده جه دور الشبكة ... سهر وليلى كانو بيساعدو مى تختار
ووسام كان مستنيها وكل م تاخد رائيه يقولها الى انتى عايزاه هاتيه ..
مى : ممممم مش بحب الدهب اصلا ،
سهر: طب يجيبلك شبكة ايه ؟ خشب !
شريف: هههههه لا حلوة يا مدام سهر دى ، انا رائيي تجيبى طقم مثلا يعنى كوليه وخاتم وانسيال
مى : تصدق ياض ياشريف اول مرة تقول حاجة عدله
شريف: ياض ! الله يحفظك ياختى
وهى بتنقى عجبها طقم جاااااامد جدى .. خدت رأى وسام بس معجبهوش عشان مأفور شوية وهو بيحب الحجات السيمبل .. وبعدين جت عنيه ع نيكليس تحفففه !
وسام: طب ايه رئيك فالى معروض هناك ده ؟
مى : فين ؟
صاحب المحل : هاته يابنى
جابوة ولبسته مى عجبهم اوى عليها .. وخلاص استقرت عليه بعد معاناه من البحث الشبكة جت ب 55 الف جنية !
لكن ليلى كان فونها شغال رن رن من الصبح فخرجت ترد .. كانت دنيا بتتصل .
ليلى : سورى يا دندن مش كنت سامعه
دنيا: ولا يهمك ، انا لاقيت منك مسج قلت اكلمك
ليلى : اه يا حبيبتى مانا عارفه انك كنتى امبارح بتودى اخر اشعاتك للدكتور بتاعك .. ها قالك ايه ؟
دنيا: قالى الحمدلله انى اتحسنت .. وقريب هبطل الكيماوى الحمدلله وانى استمر ع متابعاتى ف المانيا عادى
ليلى : طيب الحمدلله يا حبيبتى
وهما بيتكلمو بعد م اختارت مى الشبكة زغردت سهر بصوت عالى . ..
دنيا: ايه ده ! انتى ففرح ؟!
ليلى : ها ! (مش عارفه ترد بأية ) لا ده.. ده وسام
دنيا: وسام بيتجوز !!!!
ليلى : لا ده بيختار شبكته ... كتب كتابه بعد يومين!
دنيا: شبكته ! هيكتب كتاب كمان (نزلت دمعه من خدودها وهى بتتكلم)
ليلى : معلش يا دودى ده نصيب
دنيا: يا حبيبتى عادى ده حقه ، ربنا يتمله ع خير
ليلى : عقبالك يا دودا
دنيا: ربنا يخليكى (مقدرتش تكمل كلام ) معلش هقفل يا ليلى بس التشارج هيفصل .
ليلى : اوك ياقمر .. باى
قفلت ليلى وحست انها عكت .. بس هتعمل ايه ! هى جت كده .
=====•••=====
وبعد م اتعملو الدبل وكانت فرحانة بيهم اووووى مى ومش مستنية ليوم الخطوبة عشان يتلبسو .. اما بقى وسام كان مبسووط اوى عشان هى مبسوطة .. وعشان هيتجوز البنت الى بيحبها وكان حظة احسن من ناس كتير .
وبعد الشبكة .. مريم كانت فانتظارهم لان هى الى هتختار نوعيه الفستان ل مى ولونه ولفه الطرحه وبدله وسام .. والناس كمان هيلبسو ايه ؟!
اومال ... دى خطوبة وسام ومى
وبعد رحلة من البحث والتفكير والفرجة الى تعاون فيها الكل .. قررت مريم الاتى ..
مريم : هتلبسى فستان بلو تركى .. وتاج صغنون ملكى ع راسك وميكاب هادى
ولفة الطرحة انا هشرف عليهم بنفسى
العريس بدله ويست وود سودا وقميص ابيض وكرافت بلو هادى ، بما ان العريس لابس نضارة نظر ..
وسام: ههه ومش هينفع يقلعها (بيبتسم بخجل )
شريف: اه يضبش ع طول
مى: بس ياض ده احلى حاجة فيه نضارته (بتبص بحب)
شريف: خلاص متعمليش فيها شادية فصغيرة عالحب
مى: شادية فعينك !
مريم : هههههههه خلاص نضارة فريم ابيض .عريض
وسام: معنديش .. بس اوك
ليلى : عشان الخطوبة ياعريس
مريم: الدعوات ع شكل كيوبيد ملاك الحب وهنكتب فالانفتشن ان البنات يلتزمو اللون الفضى والشباب البدل السودا وخصوصآ اصدقاء العروسين
شريف: كمان هتلبسونا ع مزاجكم ! ده مش فرح ده
مى : مش عاجبك متجيش شششششش
شريف: ايه ياختى ! ده انا اجى وانتى لا. انا ليا فوسام اكتر منك يا قطة
وسام: بس بقى خلينا نشوف بقية الترتيبات
مريم: هتملو اسماء المدعويين هنا ، الجيرب بقى يا وسام انت هتجيبه هدية ع ذوقك بس يكون ف ورد ازرقات تمام!
وسام: تمام
مريم: الساعه 12 الضهر هيبتدى الفرح .. هنكون كلنا فاليخت من 10 والعرسان من قبل كده ان امكن عشان التظبيطات
هتملو التشست ده بالاغانى الى عايزينها
شريف: اكتب اغنية هنروح المولد والنبى يا وسام
وسام: مولد ! حاضر اقعد ساكت بقى
شريف: هو انت بتسكت ابن اختك ياض
مريم : (بصت لشريف كده ورجعت كملت ) هنعمل كام حاجة كده فالفرح بعد بكرة تيجو عشان ادربكم عليها .. يعنى قبل الفرح بيوم .
شريف: تدريب! ده فرح ايه ده ياخواتى
ليلى : يابنى افهم .. فكل البلاد المتقدمة بيبقى الفرح زى كده تدريبات وتحضيرات
شريف: هى مسرحية ! ده انا والبت امنية دخلنا ولعناها ولا اتدربنا ولا حاجة
مى : يابنى احنا حاجة وانتو حاجة ، انت عايز تجيب فرحنا لفرح اى حد
شريف: انتى تطولى يا هبله
مى: امشى
مريم : خلاص اوك عرفتو هتحجزو ايه وهتعملو ايه ؟! عالعموم
هيبقى فرح هايل ان شاء الله Congratulations
مى : ميرسى يا مريوم عقبالك
وسام: شكرآ يا مريم ليكى
سلمو عليها وطلعو ع محلات الفساتين ... كانت بتختار مى الفستان زى م قالت مريم .. بلو تركى !
لفو وتختار وتلبس والى مايبقاش حلو .. والى واسع والى طويل
لحد م لاقت الفستان الجااااامد ! اختارته ولبسته وطلعت بيه وشافها وسام وفرح وصورتها ليلى وسهر ونزلت الصورة عالفيس فالحال وكتبت " ده فستانى .. لولولولولولولى ! "
وبعدها جاب وسام بدلته والكرفته ، وراح يختار شمبرلنضارته الجديد ..
روحو كلهم وهما ف منتهى السعادة .. بس برضو كانت فرحة وسام ناقصة !
لسه بيفكر فباباه وعايز يتطمن عليه ، بس محسش مى عشان مينكدش عليها فيوم زى ده .
==========•••========
دنيا بعد م قفلت مع ليلى .. سرحت جاااااامد وهى ماسكة مخدة كيوت بينك مكتوب عليها دنيا ووسام كانو عاملينها فالخطوبة وفضلت شايلاها دنيا عند بيت باباها ومأخدتهاش..
كان كل حاجة بينهم بتعدى قدام عنيها زى شريط السينما ، صوته
وضحكته
كلمة قالها حلوة.. فهدية جبهالها
مفجأة انه خلاص هيتجوز مكانتش سهلة عليها ابدآ، مع ان هى الى طلبت ده ... بس القول غير الفعل!
وبعدين طلعت فوق كرسى وجابت صندوق محطوط فأخر رف فالدولاب من فوق وفتحته وطلعت بوكس صغيرة اووى ومنها حافظة كارت ميمورى !
حطته فالفون وقعدت تلقب فيه لحد م وصلت لريكورد صوتى ... لمكالمة لوسام معاها!
كانت دنيا بتحب تعمل ريكورد لمكالماته وتسمعها بعد م يقفلو او لما يكونو متخاصمين .. بتحب تسمع كلامه اوى كل وقت لدرجة انها بتحفظهم.
كل مكالمته من يوم م اتخطبو لحد ما سابو بعض معاها ، اينعم هو مكانش بيحب حكاية المكالمات دى فالفون وكان بيكلمها قليل لما بيتطمن عليها وميطولش فالمكالمة ، بس كانو عندها بالدنيا وما فيها
شغلت واحد منهم وسمعته .. وكان ساعتها قرا بيت شعر فيه اسمها وكانت الحتة الى بتسمعها من المكالمة كالاتى :
"يبكى الحبيب فدنيا الحب باكية .. والطير من حزنه تبكى اغانيه
وبان قطر الندى من كل نرجسه كأن الدمع والازهار تواريه "
شايفه فالشعر بيقول دنيا الحب
دنيا: ايوة ..
وسام: كأنه عارفك انك دنيا الحب .. لفت نظرى قلت اقولهولك
دنيا: ميرسى ليك اوى يا وسام
وسام: هفضل احب كسوفك ده ع طول لحد م نعجز ونكرمش ونجوز ولادنا .. هفضل احب كسوفك منى
قفلت دنيا وهى فعيونها دموع وباست الفون ونامت مرة واحدة ع مخدتها ودمعتها نزلت عليها وقالت ..
" وانا هفضل طول عمرى احبك .. والله !!
ليست هناك تعليقات:
إرسال تعليق