ليلى:يعنى كنت بذاكر وكده ، بس الصوت مش غريب
---------: مانا عارف انك هتعرفى ع طول
ليلى : (عملت ايموشن استغراب ) والله بحاول اجمع
---------: طب جمعى ، بس ع فكرة الاتصال ده بقاله اسبوع بيلح ع دماغى ولسه دلوقت واخد قرار
ليلى : ع فكرة عرفتك .. بس خايفه اكون استنتجت غلط
----------: لا استنتجتى صح مش غلط ، عاملة ايه
ليلى : (عرفته ) يانهااار ابيض!! ازيك
من يوم الخطوبة كنت مستنيه المكالمة دى
--------: انا الى مصدقتش انى شوفتك يوم الخطوبة بجد!
ليلى: الدنيا صغيرى اوى.. عاملة ايه انت واخبارك
-------: انتى الى هتحكى انتى عاملة ايه من 3 سنين لحد دلوقت
دول 3 سنين ياليلى
اتنهدت ليلى وبدأت تلعب فشعرها وانبسطت اوى وهتبدآ تحكى ...
ليلى: فعلا 3 سنين ، يااااااه تعرف انى طول ال 3 سنين دول رغم انى كنت بدرس
ومشغوله،بس كل حاجة بينا رغم انها كانت صغيره لسه فبالى
-----: دى اصلا الفترة الى انا عايش عليها لحد دلوقتى
فاكرة الجيبة الفاتحة (ضحك ضحكة خفيفة)
ليلى: ههههههههه كنت اول يوم الون فيه بعد وفاة ماما وجيت انت عمتهالى بمية الشارع طين هههههههه
-------: كل حاجة حلوة معاكى بفتكرها، بس مش بنسى ابدآ اول مرة اتعرفت عليكى بسبب غلطتى انى من غير م اقصد
بهدلت هدومك وانا سايق
ليلى : مممم ذكريات ، انت عامل ايه فحياتك وكدة
-----: الحمدلله بشتغل كويس ومبسوط بشتغل حاجة بحبها
دى بقى ياستى حياتى العملية
انما العاطفيه .. صفر
ليلى: (بتغير الموضوع) انت جبت رقمى منين بقا؟
-------: من الفيس، انا من فترة للتانيه بدور عنك بحاول الاقى ليكى اى حاجة
وبعدين لما شفتك فالخطوبه .. حاولت ادور عليكى تانى وكان عندى امل جامد معرفش ليه
ولاقيتك الحمدلله
ليلى : يااااااااااه للدرجة دى
-----: نفسي اشوفك تانى
ليلى: سيب الامور تيجى براحتها ، انا هسيبك بقى عشان اكمل الى كنت بعمله..بذاكر وكده
-----: طيب تصبحى ع خير
ليلى: وانت من اهله
اكيد ف سرحان طويل بعد المكالمة دى ، بس الى جوه ليلى دلوقت مش قلوب وعصافير
والا مكانتش قطعت الوصل زمان !
هو مين ؟ هتعرفو لوحدكم..
========
ليلى بتحاول ترجع بالذكريات ، ووسام ومى فكافيه
بيحاول يشرح لها الى مش فاهماه عنه
وسام: يا مى يا حبيبتى مش كل حاجة بفرضها عليكى انتى جبتى الكلمة دى منين ؟
مى: اول م اكون مش عايزة حاجة تروح انت تصمم اننا ننفذها حتى لو انا رافضاها، بس دى هتبقى شقتى
وانا الى لازم اكون مرتاحه فيها وهى مش مريحة خالص
وسام: (بيفكر فكلامها) حقك وانا عارف ، بس انا لازم عشان اكمل بقى مجايب حجات شقتنا ع اكمل وجه لازم مبلغ جامد
شقتى الى فالتجمع غاليه هدخلها فشقه شرين والفرق هيكون كتير عشان نجيب الموبيليا والحجات الازمه
مى: يا وسام اناااا... مش عايزة اتقل عليك و كده بس الشقه مش عجبانى خالص
بس.. هه
وسام : (سرح وهز راسه ) الله المستعان يا مى.اشربي التشوكليت
مى: مش هناخدها ؟
وسام: (اتنهد ) حاضر افكر واشوف
مى: يارب بعد م تفكر تلاقى انك بتكرهها بقى ، وانا هكلم بابى وصحباتى ع انهم يشوفو شقه تكون كويسه وقريبه وسعرها حنين
وسام: متكلميش حد، انا هتصرف
اتأكدى يامى انى مش هعمل حاجة غير لما تكونى انتى مرتاحة فالاول
اتطمنى
مى: طب بحبك بئى
وسام: وانا بموت فيكى ياعمرى بئى
مى ملاحظة ان وسام سارح شويتين، لكن مسألتش!
===========
"فيها ايه لو تجربى ؟ "
ده شريف كان بيحاول مع شيرين محاولة جديدة.. بس ياترى هتصيب؟
شيرين: (بتضحك) معرفش انت عايز منى ايه ياشريف؟
شريف: كل خير والله ، ياشيرين انا بجد عايز اى حاجة
تتغير بينى وبينك
شيرين: بس مليون مرة اقولك انت مرتبط عايز منى ايه ؟
شريف: وانا هرد عليكى مليون وواحد مافيش مشكله،سيبك من حكاية الارتباط دى دلوقت
شيرين: ازاى يعنى وخطيبتك؟
شريف: ياستى انا عايز اتأكد من حاجة معينه ووقت م اتأكد ... كـــــل اسئلتك دى هتكون ليها حلول
شيرين : (سرحت 5 ثوانى وخدت نفس ) انا هقبل المرة دى بس عشان اشوف وراك ايه يا شريف
شريف: النبي عسل وسكر وزبيب ومكسرات
شيرين: هههههههه (بتضحك بصوت عالى )
شريف: لا احنا كده هنترفد ،يلا عالشغل ونأجل الضحكة دى بعدين
شرين: (ماشيه ع مكتبها ) انت مصيبه ع فكرة
========
امنية: عامل ايه عمو عاصم يابت يا مى ؟
مى: والله بدآ يتابع جلسات الكيماوى ربنا معاه ، بيتعب شوية وبيتأثر وسام لما بيكون معاه وبيشوفه كده
غادة: مممم فترة وتعدى وربنا يشفيه
منة : ها ؟ اخدتو شقه ولا لسه ؟
مى: احنا شوفنا شقه العروسة باربى دى شراايين افندى
غادة: ههههههه شرايين!
مى: ومعجبتنيش نهااااااائى
امنية: طب ليه؟
مى: هو كده مرتاحتش.. وهندور ع واحدة جديدة ان شاء الله
منة: متتجوزى فشقته القديمة عادى يعنى
مى : (بصت لمنة بصة رخمة كده وهى متغاظة منها ) لا مش عادى يعنى ، انا مش اتجوز ف مكان اختارته غيرى وبنت احلامها عليه
امنية: فعلا عندك حق، كفايه انها هتفكره بيها(بتتكلم بسرحان شوية وخنقه)
غادة: خلاص قفلو عالسيرة قبل م مى تتحول
مى: نو نو نو مش اتحول انا ، ويسو حبيبى انا واثقه انه بيموت ف مى
مش مهم عندى سيرة اى حد تانى (فونها رن )
ويسووووووو حبيبى
(خرجت ترد عليه برة )
غادة: بقولك ايه يابت يا مونى
امنية: نحم
غادة: احنا عايزين نشوف حد مُز كده للبت منة عشان تخف هرية ونكته من جواها وبوتوجاز كده من ناحية البت مى
منة : ايه!! انا مش بغير من حد ايه الى بتقوليه ده يا غادة
امنية: طب والله عندك حق ، مين مين ؟
منة: مين فعينك انتى وهى
وهما بيتككلمو بيدخل سامح..
سامح: الورق اهو .. خلصو بقى
غادة وامنية بصو له مع بعض بصه واحدة..
غادة: وصلك الى وصلى ؟
امنية: ايون يا موزتى عييييييييب
======
وسام فالشغل وشيرين رايحة ناحية مكتبه .....
شيرين: ازيك ياوسام انهاردة واخبار عمو ايه؟
وسام: (ابتسم ) اهلا ياشيرين كويس بفضل الله
شيرين: ممكن اقعد
وسام: اتفضلى طبعآ، انا كنت عايزك
شيرين : (ابتسمت )
وسام: اخبارك ايه انتى ودنيتك عاملة ايه؟
شيرين: (فرحت اوى لانه اول مرة يسألها عن احوالها) انا تمام جدآ
وسام: يارب دايمآ
شيرين: ربنا يخليك يا وسام، ها عجبتك الشقه ... انت ومى؟
وسام: والله انا كنت عايزك عشان كده .. هى مى مش مبسوطة بيها
شيرين: انا كنت حاسة (عوجت بوقها)
وسام: بس انا لسه بصلى استخارة وبشوف
شيرين: عالعموم خد وقتك خالص انا مش مستعجلة .. انا هقوم اشوف الشغل وبعدين نكمل كلامنا فالبريك (قايمة وماشية )
وسام: (مرة واحدة وهى مدياه ضهرها)
ليه مقولتيش انك كنتى متجوزة فالشقه دى ياشيرين!!
شيرين وقفت مرة واحدة وكأن اتدلق عليها مية ساقعه ؟!
________________
ليست هناك تعليقات:
إرسال تعليق