======•••========
مى: (بتضحك) انا بجد بحلم ايه الجمال ده
مين عملى كده
طلع وسام مرة واحدة من جوه العربية الخشب وقالها !
وسام: انا!
انا يامشمش
يااحلى مشمش... كل سنة وانتى طيبة
عمرى م انساكى يا هبله ... ده اول عيد ميلاد ليكى معايا
وان شاء الله كل سنة هعملك عيد ميلاد محصلش
يا اجمل مجنوووونة فالدنيا
مى : (صوتت بصوت عالى وف ناس كانت بتصورهم من الشباب والبنات الى بيتفرجو وليلى واقفه بتضحك)
اااااااااااااااااااااااااا
خرج وحضنته جاااااااااامد ولف بيها والناس سقفت وصفرت والبنات هيصو ليهم اووووووى
وبعد م لف بيها اوى ويسو
وسام: كل سنة وانتى حبيبتى
(بيبوسها فجبينها)
مى: انا بحـــــــــــــــــــــبك
الشباب واصحاب مى : ايووووووووووووووة بقى
غادة: الناس هتنزلهم فيس ياجدعان بكرة الكلام ده
امنية: ويوتيوب وحياتك هههههههههه
ليلى : ( من بعيد) ربنا يسعدكم ... ويسعدنى )
مى : (عيونها كلها فرحه ) انا بجد مش مصدقه ! انت بقيت نسخه منى فالجنان
ده انا كنت خلاص قربت اطق منك
وسام: عشان بس تعرفى انك ظلمانى ع طول ، اذا مكنتش افتكر يوم ميلاد حتة البونبونى الى فحياتى واهم يوم عرفته البشريه
هفتكر ايه يعنى
غادة: طب والنبى يا جدعان عايزين نلم الليله لان كل ده هينزل يوتيوب وممكن تطلبو لبطولة فيلم لخالد يوسف ولا حاجة
امنية: هههههههههههه
منة: (واقفه عيونها فيها دموع بس ابتسمت زى الكل .. غصب عنها لازم يكون ف حتة صغنونة محبة للغير
مع شويه حقد )
مى : انت جبت الفكرة الوااااو دى منين يابنى ؟
وسام: من لولا (شاور عليها) هى الى رتبت لكل ده
مى جريت ع ليلى وحضنتها اوووووووووى
مى: انا بحبيكى اوى بئى
ليلى : (مبتسمة) كل سنة وانتى طيبه يا مى
مى: ان شاء الله اردهالك مع الواد ..!! احم خليها بعدين
ليلى : هههههههههههههه
وبعد الاحتفال الممتاز ده .. اخد وسام ميوش يحتفلو ع طرقتهم فمكان لوحدهم
بعد م روحت ليلى والبنات .. وخلاص خلص الشووو
================
بكره ...
اول يوم لشريف بعد الخصم والجزا ..
لكن بقى مبدهاش ، شري مقبلش ابدآ فكرة انه يتقابل تانى يوم مع وسام فشغلهم
وهما متخاصمين
خد بعضه وطلع ع ويسو بعد معاد رجوعه من الشغل ع طوووووووول..
شريف : (بيرن جرس الباب )
وسام: ايوة .. (فتح)
شريف: (مكسوف شويه) طب انت عيل ندل ومجتش حتى تسأل عنى
كأننا صحاب ع عربية كشرى مش صحوبيه سنين يعنى
وقلنا ماشى
نيجى احنا ع نفسنا ونشوف وش اهلك عامل ايه
وسام: ده الى هو انا ( ع وشه ابتسامة )
شريف: اصل بينى وبينك يا ويس انت الغلطان ، عارف ان اخوك منيل واهبل وعامل زى الى الحمار الى مالوش غير سكه واحدة حافظها لو وديته كده ولا كده يعطل
وانت موجهتنيش بما انك صاحبى العاقل المثقف
وسام: ياد انا مش حذرتك ولا انت عندك زهايمر
شريف: طب م نبات ع عتبه بيتكم احسن ... وآدى قاعده يا وسام ياسنكرى مدام مش عايز تدخلنا بيتكم
وسام: (ابتسم) لا ادخل ياخويا
شريف: ايوة كده انا جيت افدى الندم وابوس القدم .. لالا ابوس قدم مين
ده انا اقلع الشوز واديك بالشراب لو مصلحتنيش
وسام: كتر كلامك ده الى بيوديك فداهيه ، تعالى ادخل
دخل شريف وقعدو واتعاتبو واتصالحو والحمدلله رجعت المية لمجاريها
ومحدش ابدآ يغير بين 2 صحاب بجد .. ممكن شويه زعل ع سوء تفاهم
لكن البعُد.. مش ليهم
ده لناس تانيين
مش بتقدر العيش والملح بجد
====•••===========••
غادة: خدى يا عروسه (بتدى لمى ) عدلى دول
مى: حاضر
امنية: انتى ابت اعروسه .. شوفى شغلك مش ناقصين لكاعه
مى: اومال ايه حكايتكم عروسه عروسة .. ماليش اسم ولا ايه
غادة: ايه مش خلاص هتبقى عرورة هههه قصدى عروسه كلها ايام وتبقى مودام ويسو
يبقى لازم نديكى وضعك
منة : (بتسمع وساكته)
سامح: منة !
منة: نعم
سامح: بصى انا نازل اجيب شوية حجات مطلوبه مننا من شركة كامبا تيجى معايا
عشان ممدوح تعبان شوية
منة : طبعآ
مى : (بتبص لسامح) ازيك ياسامح
سامح: جرى ايه يامى انهاردة عاشر مرة تقوليلى ازيك. اهلا ياستى
مى: (بتبص بصة خبث) اصلك واحشنى اوى ياخويا
سامح: ياختى خليكى فنفسك وففرحك ..
مى: هييييييييح (بصاله بغيظ)
غادة: مالها دى .. انتى يا بت يا عروسة خلصى شغلك
امنية: ايوة مش كفايه حضرتك هتغيبى شهر بحاله من الاسبوع الجاى .. اخلصى واعملى بمرتبك الى بتقبضيه ع قلبك
مى: جاتك ضربة منك ليها .. بيحسدونى عالمرتب مانتو بتاخدو زيي يا كلاب
غادة: هاهاهاها لا ياموزة احنا بنحسدك ع الجواز مش اكتر
سامح: يلا يامنة
نزلو سامح ومنه وسابو القر الى شغال فوق ع مى ، وصلو للشركة سوا وجابو مستلزماتهم
وهما راجعين ..
كانت نزلت منه تعدى الشارع تروح المكتب بتاعهم ، وسامح بيركن الموتوسيكل
بس كانت ف عربية تلاجه الكبيرة بتاعه الهيبرات جايه من بعيد...
سامح: (بيركن وبيبص ناحية منة ) منة !! انتى يابت ..
==========•••=============
مى: ع فكرة ياعيال انتو من بكرة معايا فالفرش ولما مشاوير الفستان والاكسسزوريز وكده، يعنى تفضو فسكم اجباااااارى
غادة: خلاص حفظناهم البوقين دول كل يوم تسمعيهم لنا
امنية: يا حييييييياتى (قامت ع مى تحضنها) ميوشه اخيرآ عرووسة وهتلبس فستان ابيض بقى
مى: انا حبيكى اوى يامونى عشان فرحانالى كدهون (بتحضنها اووووى)
غادة: قامت من مكانها ) حبونى معاكم
مى: يلا كلنا صورة سيلفى للحظة دى عشان لما اشوفها فالهونى مون اضحك ع مناظركم دى
غادة: يلا مد بوز البطة
امنية: 1
2
3
مى: هوبااااااااااا
=============•••=========
كلاكساااااااااات ودى مش سامعه !
منة كانت فالوقت ده شغاله تكلم نفسها وتقول "
خلاص هيتجوزو ، ومافيش حاجة نافعه معاهم عشان يسيبو بعض
وهى فرحانه وهو فرحان
وكل البنات بيتجوزو والى بتتحب وانا لا
طب اشمعنا انا؟
وانا هقعد لامتى كده
انا حاسة ان يوم فرح مى ده هيجرالى حاجة .."
بتفوجئ من بعيد بصووووووت مع زقة قوية !
سامح : (سحبها ف آخر لحظة ) انتى ايه !!
طرشتى
يخربيتك كنتى هتموتى
منة : (اتخضت من المفجأة ولسه واخدة بالها ان ف عربية معدية كانت هتخبطها)
يالهوى!
سامح: يالهوى ايه بس يا شيخة حرام عليكى نشفتى الدم فعروقى
منة: (بتبص لسامح وبتقول فبالها) انا الاول كنت بحاول احبب نفسي فيه
بس دلوقت .. انا بجد بحبه!
منة شايفه اللهفه فعيون سامح وفرحت اوى
منة: اسفه والله مكنتش سامعه
سامح: ليه ده كلكسه سمع العمارات الى حوالينا
منة: كنت سرحانة و...
سامح: خلاص حصل خير.. انتى كويسة؟!
منة: ايوة الحمدلله .. شكرآ ياسامح ع انك انقذتنى
سامح: اومال يعنى كنت سبت العربية داستك لا قدر الله
حمدلله ع سلامتك
يلا نطلع بقى
=========•••========
"لولولولولولى ........ لولولولولولولى
زغارييييد ف زغاريييييد ف اغانى بصوت عالى طالعه من شقه العرسان
وسام ومى
معلش اخدتكم فالكلام.. ده فاضل يدوب 4 او 5 ايام ع فرح وسام ومى
الى كل الناس مستنياه
ودلوقت الهيصة شغاله فالشقه .. البنات قرايب مى واصحابها بيفرشو ع ذوق وسام ومى
وليلى كومان معاهم
ووسام وشريف وكام شاب من قرايبه بيساعدوهم
امنية : تعالى يا غادة اوضه الاطفال محتاجة توضيب كتير وسيبي ليلى مع سهر هنا
غادة: ماشى يا مونى
----
شريف: واد يا وسام ! احط دى فين (ماسك اباجورة غاليه )
وسام: وانت مالك ب دى هات كده ، وديها لسهر جوه
انت علق البورتريه مع الشباب
شريف: ماشى اتحكم اتحكم مش عريس
وسام: طب يلا ياخويا
مى : وسااااااااااااااااااام! الحقنى
وسام: حاضر
راح لمى وكانت بتعلق اللمبات ال سبوت فالسقف فالمطبخ ..
وسام: انزلى تعالى كده .. (طلع هو وعملهم وهى سندتله السلم )
مى: انور النور؟
وسام: نور يا سكر
مى: الله ! الكيتشن كده وااااااااااااو، بقولك يا ويسو تعالى كده
وسام: ايه
خدته وراحت اوضه النوم بتاعتهم الى بترتب فيها سهر وليلى وكام بنوته قريبة مى
مى: اطلعو شويه ياعيال عايزة الواد فكلمتين
شريف : (من برة وهو بيعلق ) م تصطبري ياعمتى كلها يومين وقولى احلى كلام
مى: ملكش دعوة يابارد يا نطع (طلعلته لسانها وقفلت فوشه الباب)
شريف: (علق ونزل من عالسلم كانت امنية طالعه من الاوضه وبتجيب حجات من الكراتين ورايحة تانى وعدت قدامه)
قال ماليش دعوة قال ؟
امنية: (بصتله من فوق لتحت ومشيت ع طول )
شريف: ماااااااااااشى ماااااااااااشى (بيبص للشباب ) يلا ياعم نعلق دول
ده احنا لو ف استديو مش هيبقى كده
جوة بقى عند مى ووسام ..
مى : (طلعت مبلغ من شنطتها ) خد دول
وسام: ايه دول ؟
مى: احنا بيت واحد .. يعنى عربية واحدة
انا بعت عربيتى بسعر زى الفل وضحكت عالراجل خالص مالص
وسام: وليه عملتى كده ؟
مى : عشان اولا خلاص هنتجوز يعنى هركب معاك .. مش انا عربية وانت عربية
وثانيآ انا عارفه ان ف مصاريف كتير عليك
ده غير اتفاق الفرح مع مريم والقاعه بالشئ الفلانى
وسام: (بيبصلها بابتسامه) خدى فلوسك يامى
مى: اووووووووه ! ايه فلوسك دى
احنا هنبقى خلاص متجوزين بعض خالص وكده
حاجتنا واحد ياعم انت .. ومتخافش هقيدهم عليك وابقى هات مبلغ من عالنوته كل شهر (غمزتله)
وسام: (اخد الفلوس) طب اقولك ع حاجة
مى: (بحنيه) قول
وسام: عاوز فرحنا ييجى دلوقتى حالا
مى: (غمضت عنيها وقربت عليه) وبعدييييييين
وسام: هقولك ... (بيقرب ناحيتها وفتحو كل البنات الباب)
البنات سوا : بخ!!
مى: (قلعت شوزتها ) يا كلاااااااااااااب ضيعتو لحظة بنت لذين
جريو البنات ووراهم مى وهما بيضحكو وبيتريقو عليهم ..
وبعد سعات من الشغل المكثف والفرش ..
بقالهم يومين فيه ، خلصت الشقه وبقت جااااااامدة
راحت امنية شغلت اغنية رغم انها قديمة شويه لكن وسام بيحبها.
الى هى ايه ؟
اللليلادى عمرو دياب..
شغلتها ومسك وسام مى ورقصو عليها وكل الى فالشقه فرحانين بيهم اوى، وليلى مبسوطة خالص عشان بجد وسام مبسوط وخلاص هيتجوز
والبنات بيهيصو بردو شريف بيغلس ع امنية ويرمى كلام وييجى جمبها لحد م وقعت شاكوش كان ع جنب كده ع رجله !
ووسط الرقصة والهيااااام.. صرخة شريف
شريف: اااااااااااااااه
وسام : ف ايه ؟
شريف: (بيبص لامنية) مافيش .. لورى عدى ع رجلى بس
كمل انت وارقص ياخويا
وانا امشى بعكاكيز بسببك
البنات: طب خلاص بقى الشقه خلصت ياعرسان عايزين حاجة مننا
وسام: تعبناكم وعقبال فرح كل واحدة فيكم
مى: ربنا يخليكو ليا حبيباتى بقى .. يلا كلنا ويسو عازمنا عالعشا
امنية: (ميلت ع ودن مى) لو الزفت ده جاى مش هاجى
مى: شريف طير انت كلنا هناكل ما عدا انت
شريف: ده ليه يانجفه ده انا قبلكم
وسام: خلاص خلاص.. انا هاخد الشباب وناكل فحتة والبنات معاكى يا مى (لع فلوس اداها لمى)
غادة: طب ماهى عربية واحدة ياجدعان بتاعة وسام
واحد من الشباب: انا معايا عربية مافيش مشكلة
وسام: طيب اهى اتحلت
امنية : طب يلا كلنا صورة قبل م نقفل الشقه ويجيوها العرسان يوم الفرح
بتصور امنية راح لزق فيها شريف ، الى حاسس بالذنب انه ضيعها من ايده
امنية: التاتش باظ ياعيال مافيش صورة
وسام ومى : ههههههههههههههه
وسام: طب يلا بينا
اتقفلت الشقه ، ومستنيه يوم مجى العرسان عشان ينوروها
عقبال عندكم بقى
========•••==========
اخر يوم ينزل العريس الشغل ..
وهيبتدى بقى اجازته للفرح والهونى مونى
وشريف جايب عصير وجاى يشرب معاه ..
شريف: ياعريس.. ياعريس
امك حوله
وسام: ولا !
شريف: جوزهالى
وسام: احترم نفسك ياض لا ترسي المرة دى ع رفدك
شريف: بس سيبك انت ، هتبقى عريس قال وزوج واب
اموت واشوفك وانت بتشترى بامبظ
وسام: بامبظ!! ربنا مايحرمك من العبط
شريف: بامبظ .. وسكتات وولاعات
وكيلو طماطم وجرير
وسام: خلاص خلاص هتكرهنى فالجواز
شريف: ههههههههه
وسام: بس تعرف احلى حاجة فالدنيا احساسك بالامان، يكون معاك بيت وزوجه بتحبها
واولاد حتة منك يقولو يابابا
شريف : (بيمثل العياط) كفايه عشان هعيط
وسام: دى احلى حاجة فالدنيا .. ربنا يديك وتشوف
شريف: بس شفت امنية كانت بتعاملنى كما لو انى كلب اجرب شوية وتهشه بطوبة
وسام: عايز الحق ؟! حقها
واحدة وحبتك بجد وفجأة انت خنتها وشافتك كمان وسبتها ولا سألت
بسبب واحدة الله يصلح لها حالها
شريف: عارف انا كلمت شرين وهزقتها وسمعتها كلام من الى قلبك يحبه
وسام: يلا اهى راحت الله يصلح حالها وحالنا وتبعد عننا بشرها (فونه رن)
ثوانى ارد ع مى
شريف: رد ياحب
وسام: ايوة يا بيبى
مى: بيبى انا ف 4 محل فساتين افراح ولاقيت واحد تحفففه ومونى كمان وسهر
مش عارفه اختار انهى
وسام: الى يعجبك يا حبيبى
مى: طيب هبعتلك صورهم واتس واختار معايا ماشى
وسام: اوك يا بيبى
عند مى ...
سهر: ها يابنتى دوختينا معاكى ، ولادى فالبيت زمانهم بهدلو الدنيا
هتختارى انهى
مى: مممممممم محتارة بقى بصراحة ، انا هصورهم وابعت لويسو يختار معايا
غادة: طيب بصى ، تعالى نشوف الى هناك ده آخر محل لو ملاقتيش مواصفات فستان الاحلام الى حضرتك عايزاه يبقى نرجع هنا تانى
مى: اوكشنااااااات
راحو هناك وكانت بتتفرج مى ، ولما عرفت صاحبة المحل بطلب مى حاجة سبيشيال وجديدة ومنزلتش قبل كده
كانت المفجأة !
========̉•••====
نرجع لويسو تانى بقى ..
شاف الصور الى بعتتها مى كلها ورد عليها بأحسن واحد فيهم .. وبعدين رجع لشغله تانى يكمله
اليوم العمل ع وشك الانتهاء ...
ولسه مى مش اختارت فستان ,, ده ع حد علم ويسو
مستنيها ترد انه عجبها وهتاخده واذا كان ذوقه عجبها ولالا
ومرة واحدة ...سمع صوت بيمووووت فيه بيقول ويسو حبيبى !!
بيرفع عينه كده
لقى مى جت قدامه فالشغل ولابسه فستان الفرح وع سنجه 10 ومظبطة الدنيا والبنات وراها..
مش هوصفلكم الفرحة عالاستغراب الى فعيون وسام لما شافها ..
عيونه دمعت وكان هيموت وياخدها فحضنه .. بس رجع افتكر انه فالشغل فوقف مكانه
جه ناحيته السوبر فايزر ..: ولا يهمك ياعريس
جرى وسام ناحيتها كانت اختارت الفستان الاروع الى مافيش بجد زيه وكانت زى القمر فيه وشكلها متغير كتير
مى: انا قلت تشوفه بنفسك عليا ، احسن من الصور
واحدة من الموظفات من غير قصد زغردت !!
وبعدين سكتت خافت من لفت النظر راحت لقت الديركتورز بيضحكو لان وسام ليه معزة خاصه .. راحت كملت زغاريد
وهيصة مع البنات صحاب مى
ووسط تسقيف واحتفال بالعروسة المجنونة الى مستنتش لحد مايشوفها عريسها بالفستان فالفرح وجاتله الشغل
بتميل واحدة من المواظفات ع التانيه وبتقول:
مش لو العريس شاف العروسة بالفستان قبل الفرح .. فال وحش بردو !
=========•••=========
وفنهاية يوم قبل الحنة
ليلى بتتكلم فون مع الى بالى بالكم ، وبتطمن ع خالها بعد م اخد الدوا
وبتبص بصة عالعريس من فتحة بابه الصغيرة
ومع صوت فيروز الساحر ، وفنجان لاتيه
واباجورة واحدة منورة .
كان وسام بيتكلم فالفون مع عروسته ... آخر فون قبل الحنه والفرح
مى: انا رحت شقه بابا وسيت خلاص الشقه الى قدامك عشان اطلع من عند بابا
واعمل الحنه هناك كمان .. مش كده احسن
وسام: احسن ياعمرى
مى: فرحانة اوى يا ويسو .. يالهووووووى يومين وابقى معاك للابد
وسام: والله ما مصدق انك خلاص هتكونى معايا
مى: ايوة
وسام: فيتى
مى: ايوة
وسام: معايا
مى: ايوة
وسام: نفسى اغمض عينى وافتحها
مى: تلاقى ايه ؟
============•••=========
ليست هناك تعليقات:
إرسال تعليق