"ياعيال عايزة اجيب هدية حلوة ومش عارفه "
دى كانت الجمله الى كسرت صمت الشغل ف مكتب مى خلتهم ينتبهو ليها كلهم .
امنية : عايزة تجيبى هدية لوسام ؟
مى: لا اجيب لعم سليمان !
غادة: ممممم استنى نفكرلك ، عشان الواد وسام ده جنتل وابن ناس ولازم هدية تليق بيه يعنى
منة: انتى جبتى هدية ايه للممدوح بعد الخطوبة؟
غادة: ياختى بلا نيلة اجيبله! مش لما هو يجيبلى الاول
امنية: انا جبت لشريف اول م اتخطبنا برفيوم بس كان ماركة فرنسية خطييير
منة: صحيح يا امنية مين البنت الى كان لازقلها امبارح دى ؟
امنية: معرفهاش بس بيقول زميلته فالشغل ، بس والله م هعديها.. انا بس مهدية الحوار بمزاجى
لكن لو عايزة اقلبها هقلبها
غادة: بصراحة متزعليش منى ..لازقته للبت البلاستك دى غريبة شويه ، ده مكانش واخد باله منك ع اد م كان عنيه مش متشاله من عليها
منة: ااه .. شريف لازق لبت بلاستك، ووسام عندهم ليلى فالبيت عادى (بتتكلم بخبث)
مى: ايه يعنى قصدك ايه يا منة ؟
منة: عادى يعنى .. بس غريبة ، تعرفى ايه الى بيحصل بينهم انتى وهما فشقه واحدة كده
غادة: منة تطعيمات ! مش عارفه ايه كمية الشر الى بقت فيكى دى ، ابوه وامه قاعدين معاهم ، وبعدين البنت من تعاملاتنا امبارح كيوت خالص وحبوبة كده
ووسام بيتعامل معاها اخته فعلا
مى بعد م دايقها كلام منة هداها كلام غادة ..
مى : سيبكم من ليلى وبتاع دلوقت ؟.. اجيب ايييييه !
=========•••===
عالناحية التانية كان وسام بيكلم ليلى عالفون !
وسام: ايوة .. ماهو انا عايز اجيب الهدية وانا مروح واحطهالها قدام شقتها اول م تيجى تشوفها ، بس مش عارف اجيب ايه ؟
ليلى : ممممم مش عارفه يا وسام ؟ هات مثلا
وسام: اه
ليلى : هاتلها .. بمناسبه انها لبست الطرحة جديد ..طرحة كده بنت ناس وشيك
وسام: مممم طب شوفى غيرها
=========•••=======
امنية: هاتى يله قميص جديد من النوع الى بيلبسه ولون مش عنده
مى: بقول عايزة هدية غريبة تقولى قميص!
غادة: طب انتى متعرفيش بيحب ايه وقالك عليه قبل كده تجيبيه؟
مى: كل الكلام طار من دماغى مرة واحدة! مش فاكرة خالص
وهما بيتكلمو سامح دخل عليهم ..
سامح: هنطلب اكل .. هتتغدوا ايه ؟
مى : سامح!
سامح: نعم!!
مى: انا وقعت من السما وانت اتلقتنى !
سامح: خيييييييييير
=====•••========
ليلى: ماهو اصل واحدة زى مى دى ، عايزة حاجة غريبة زيها ..
وسام: ايوة يعنى .. جبتك ياعبدالمعين
ليلى : هههههه.. طب فكر بطريقتها مش بطريفتك يعنى سيبك من الى بتحبه كل البنات
البنات كوم .. ومى كوم تانى
وسام: اول مرة احتار كده .. مكانتش هدية دى
ليلى: هههههه معلش ياعريس .. انت ارتبط بأكثر البنات الغريبة فالكرة الارضية .. استحمل
وسام: هههههههه ماشى يا استاذة ليلى.. ها؟ اجيب ايه ؟
======•••======
سامح: ساعه!
مى: واااااااااااااو ساعة !
امنية: ساعة ؟! بس يعنى عادية الهدية دى اوى
سامح: لا مش عادية بالعكس .. هدية شيك كده فحدود 700 ،750 جنية وعلبه شيك كده
من احلى الهدايا الى بتتقدم للشباب
منة: طب وهو وسام اصلا بيلبس ساعات؟!
غادة: اومال عميتى يا منة ! ايش حال ماهو لابس منبة مش ساعه
مى: طب انا بعد الشغل هاخدك ياض ياسامح معايا تختار انت الى ممكن تعجب وسام اوك
سامح: ماشى يابت يا مى
ها ... هتاكلو ايه ؟
========•••=====
وسام: دبدوب!! ايه التفاهه دى !
ليلى: لا خااااااالص دبدوب بالنسبة ليك انت يااستاذ وسام عاصم المفكر القارئ العبقرى تافه!
لكن بالنسبة لميوش البنت المطرقعه المجنونة حاجة كيوت جدآ
وسام: بس دى هدية تقليدية اوى ، انا كنت عايز اجيب حاجة تانية
ليلى: لا والله اسمع كلامى..مش انت اتصلت بيا تستشيرنى ..
وسام: ولاخاب من استشار
ليلى: تمام.. دبدوب كبييييييير بطولها كده واكتبلها كلمتين حلوين
وسام: احم.. لا الكلمتين دول .. انا من زمان مبعتلهاش جواب هكتب جواب دلوقتى واجهزة وابقى اديهولها مع الدبدوب
ليلى: لا حطه جواه وابقى قولها انت بطريقتك تفتش عن حاجة جوه الدبدوب..بس اصل دى ممكن تقطعه عشان تدور ههههههه
وسام: جرى ايه ياليلى هكون واخد واحدة من السرايا الصفرا رايحة منها للدرجة دى
ليلى: مش قصدى والله .. طب تمام عايزنى معاك ولا
وسام: لا انا هروح بعد الشغل ع طول .. ثانكس لولا
ليلى: u are welcome
بعد م قفل وسام مع ليلى كمل شغله وعينه لامحه شريف رايح ناحية مكتب شيرين ..
شريف: ازيك ياشيرين
شرين: اهلا ياشريف
شريف: ايه رائيك نتغدى انهاردة فالبريك سوا
شيرين: وسام هيجى معانا ؟
شيريف: مش عارف ..بس انا حابب اكون انا وانتى يعنى بس المرة دى
شيرين: ليه يعنى
شريف: عايز احكى مع حد فحاجة كده ..
شرين: طب وسام صاحبك يعنى .. متحكى معاه هو
شريف: اه مانا عارف ..بس دى حاجة كنت عايز اخد رائيك انتى فيها
شيرين: اوك مافيش مشكلة
شريف: تمام فالبريك هستناكى
وجه البريك...
وسام قايم يطلب اكل وهو فالمكتب عشان هيكتب الجواب لقى شريف رايح لشرين ياخدها ... راح اصطاده !
وسام: تعالى هنا ياض!
شريف: نعم ياقلبى (بيسبل بعنيه )
وسام: جاتك وجع قلبك يابعيد .. رايح فين انت والحيزبونة دى!
شريف: رايحين نتغدى .. ان مكانش عند حضرتك مانع
وسام: وحياة امك! الموضوع كده بدأ يسخف وخلى عندك شوية من الاحمر
شريف: فيه ايه يا وسام .. بقولك رايحين نتغدى والله مش شادد بيها عالمقطم
وبعدين م احنا كنا بنتغدى زمان مع منى زعبولا .. ولا دى كوخه!
وسام: منى اختنا ومحترمة
شريف: يعنى دى الى رقاصة
وسام: انا مش برتاح لها البنى ادمه دى ..طريقة لبسها وحركاتها كده..
شريف: ياعم انا برتاح انت شريكى
وسام: وامنية بقى ان شاء الله
جات قاطعتهم شيرين ..
شرين: يلا يا شريف.ازيك يا وسام
وسام: اه ازيك
شرين: تعالى نتغدى كلنا سوا
وسام: لا اتغدوا انتو ، انا هاكل هنا معايا حاجة مهمة هعملها
شيرين: اوك ..
شريف: سلام يا يا ويس
وسام باصص وهو متدايق لشرين ورجع مكتبه تانى ..
======•••======
شريف وشرين راحو لمطعم جمب الشغل ..
شيرين: واحد سكالوب وبوم فريت لو سمحت
الجرسون: اوك يافندم
شريف: قوليلى بقى ياستى .. انتى ايه اخبارك
شيرين: تماام
شريف: ممم الحمدلله
شيرين: المفروض اننا جايين هنا عشان انت تتكلم
شريف: اه .. مانا نسيت
شيرين: ههههه دى كانت حجة بقى
شريف: لا عادى ، قوليلى انتى حلوة كده فعلا
شيرين: وكمان بتعاكس.. انت غير وسام خاااالص
ازاى اصحاب معرفش
شريف: وفيها ايه .. انا حاجة وهو حاجة مش لازم نشبة بعض
شرين: بس وسام كده .. غريب.مبقاش ف منه كتير الزمن ده
شريف: ويعنى انا الى الموديل بتاعى مرطرط فالسوق!
شرين: موديل! هههههههههههههههه (ضحكت بصوت عالى ) انت عربية ولا ايه
شريف: اصل يعنى وسام غريب.. وسام مريب.. وسام عندليب.. ومافيش كلمة للغلبان الى قاعد ده
شيرين: خلى امنية تقولك!
شريف: (اتكسف ) احم.. ايه المفجأة دى
شرين: الاكل جه.. يلا عشان ناكل ونمشى بقا
شيريف: اه ماشى
=========•••=====
وسام بيكتب بقى فالجواب وهيماااااااان ..
وقرب يخلصه .. جات له مسج من مى بتقول فيها .
" لو حد قالك فالهوا راحة ،يبقى ياقلبى بيكدب عليك
كل الى حبو قالو بصراحة ..ان الهوا صعب يريح عنيك "
وسام قراها وابتسم وكان مبسوط اوى .. راح رد عالمسج بتاعتها جوه الجواب وكتب..
الحب عامة مش بيريح .. ماهو المرض اللذيذ الى الناس كلها بتتمنى تعيا بيه
زى مانا عيان بيكى كده .
وبعد م خلص الجواب.. ورجع للشغل من تانى .
كانت ميوش بتنقى الساعه مع سامح فالمحل ..
مى: حلوة دى !
سامح: هو ذوقه ايه ؟
مى: اومال انا جبتك ليه عشان تقولى ايه احلى حاجة فدول
سامح: طيب استنى .. هو مغرم انه يلبس زى الممثلين اوكده
مى: لالالالا وسام مبيحبش الافورة والتقليد .. اصله مش عيل كوكو
ده راجل يابنى
سامح: لا مانا عارف ماشاء الله عليه .. هنلاقى الى يليق ليه متقلقيش
مى: اهيييييييييييه!!
سامح: صح كده .. دى تحفففه!
مى: لو سمحت
صاحب المحل: ايوة يافندم
مى: لف الساعه دى فعلبتها وووو علبه شيك كده ولو ف ورق سوليفان ياريت
صاحب: حاضر تحت امرك.. اتفضلى حضرتك استريحى
مى: هييييييه جبت هدية حلوة ، جبت هدية حلوة .. جايالك يا ويسوووو
======•••======
وسام خارج من شغله ..
شريف: هتروح ع طول ولا نلفلف شويه نروح نلعب جيم
وسام: لا رايح مشوار الاول وبعدين اروح
شريف: ماشى يا برنس خد بالك من نفسك
وسام: خد انت بالك من نفسك .. سلام
ركب عربيته وسام ..وطلع ع اول محل لعب وهدايا فطريقه ..
دخل وكان مكسوف اووى .. لقى ابهات بتجيب هدايا لاولادها ، وامهات
وبنات فسن مى واصغر .. وهو بس عامل زى التايه وسطهم
اتفرج ع الدباديب كلها وفاكر ليلى قالت ايه بالظبط .. " دبدوب طولها تقريبآ"
شاف كذا واحد بس معجبهوش .. وبعدين لقى واحد كبيييييييير وضخم اول م مسكه غطاه كله !
ابتسم وقال فسره : الله يسامحك ياليلى اشيل ده كله ازاى بس !"
خده وراح يدفع عند الكاشير .. ودخله العربية جمبه وطلع ع شقته .
اول م وصل خبط وبعد وحط الدبدوب فالوش ..
ليلى : ايوة مييييييين ... ها! دبدوب! هههههههههه
وسام: (ظهر مرة واحدة ) ايه رائيك حلو كده
ليلى: عز الطلب .. دى هتفرح بيه اوى
الله .. ياخلاااااااااسى (ماسكة الدبدوب )
الام: انت جيت يا وسام
وسام: اه ياماما
الام: طب تعالى عشان بابا بيسأل عليك من الصبح ، أتأخرت كده ليه
وسام: كنت بجيب هدية لمى
الام: ربنا يخليكم لبعض يابنى ويتم فرحتك ويهنيك ، (بتبص ع الدبدوب ماسكاه ليلى ) هو ده !
وسام: ههه اه شوفتى
الام: بس ده كبير عليها اوى .. مش كنت تجيبلها حاجة صغننه كده
ليلى: يا طنط البنات بيعشقو الحجم ده .. عشان تحضنه وهى نايمة وهى قاعده وفكل وقت
الام: والله يابنتى مانا عارفه .. عالعموم مبروك عليها
وسام دخل لباباه يتطمن عليه ويشوف امتى هيروح المستشفى يستعد للعمليه ..
كانت مى جابت الساعه وراحت تجيب اكل ليها وحجات وراجعه عالبيت ..
اتصل بيها وسام وعرف انها فالطريق ..فقرر يجهز الدبدوب ويحط الجواب جواه ويحطه قدام البا عشان لما تيجى تشوفه ع طوووول
مى راجعه فعربيتها مزقططه وشغالة تغنى مع الاغانى الى مشغلاها .. بصوت عالى ومندمجه عالاخر ..
مى : شو هو الى خلانى ليلى اتلاقى فيك ... انسى الكل وتنسانى واقعد حاكيك
يااليسا جلجلى الله
يمكن مش ذنبك ولا ذنبى يمكن احلوت لنا اللعبة ااااه
شغاله تغنى مع اليسا وتخبط عالدريكسيون وهى معدية كان ف ست عجوزة بس مش اوى فالخمسينات كده واقفه وماسكة كلب فايدها بسلسلة كده وجمبها شاب واقف مستنين تعدى العربية عشان يعدو الشارع .. ومرة واحدة الكلب جرى وشد الست وراه !
كانت مى وقع منها ريموت ال mb3
وبتميل تجيبه من تحت الكرسى وبتطلع لقت دول فوشها !!
مى :(ارتبكت وهتدوس واحد من ال 2 خلاص ) الكلب ولا الست ، الكلب ولا الست اااااااااااااااااااااااااا
الست قدامها : اااااااااااااااااااااااااا
=========•••======
وسام: البت دى اتأخرت كده ليه ؟
ليلى: ياعم استنى تلاقيها بتجيب حاجة يعنى ايه يا ويسو وحشتك
وسام: لا والله مش كده هى بجد اتأخرت ، دى مكلمانى من نص ساعه بتقول انها خلاص قربت توصل
الاب: طب قوم كلمها شوفها فين
وسام قام اتصل بمى وبعد الرنه التانية ..
وسام: مى انتى فين ؟1
مى: اااااااااااعااااااااااااا انا فالقسم يا وساااااام!!
وسام: القسم !! ليه
مى: خبطت ست مش عارفه ولا كلب ... مش عارفه حاجة فيها روح وخلاص
ومعاها شاب ضخم وجته كده لفحنى من قفايا وشدنى عالقسم اعععااااااااااااااا الحقنى
وسام: طب خلاص اهدى انا جاى .. اهدى
طلع وسام لبس فدقيقة لبسه تانى وهو بيلبس الشوز واحدة لبسها والتانية وهو ماشى بسرعه وبيفتح باب الشقه
الام: ايه يابنى ف ايه (بخضة)
وسام: مراتى فالقسم !!
كلهم مع بعض: القسم!!!!
ليست هناك تعليقات:
إرسال تعليق