========•••••========
امل: فيكى ايه...متعيطيش عشان انا مش مسامحة
نفسى عشانك
ياسمين: بس انا مسمحاكى..وبحبك ومقدرش استغنى
عنك
امل:طيب اهدى بالله عليكى معلش..انا معاكى اهو
فيه ايه بس
ياسمين:تعبانة
وطهقانة واستحملت عشان اختيارى الزفت ودلوقت بعمل اختبار لقتنى زفت حامل ..انا مش
عايزاه والله مش عايزاه
امل:
طب كويس..يمكن علامة خير تتصلح بعدها اموركم ياحبيبتى..انا مكنتش عايزة سيف واهو
كل دنيتى اهو وهو الى ليا
ياسمين: انا مش من النوع الى زيك ياامل انا مش
برضى بقليلى واقول ماشى ..انا تعبانة ومخنوقه ، كان وجود علاء بس لو عدى فخيالى
بيبسطنى ع امل نتجوز واصلح غلطى القديم ..لكن كنت غبيه لما افتكرت انه لسه بيحبنى
وراح واتجوز اهو وعايش حياته، انا مبقتش فحياة حد عشان اخلى حد فيها
امل: طب استغفرى ربنا..انا معاكى ومامتك وباباكى
وولاء وجوزك
ياسمين: متقوليش جوزى ياامل..انا بكرهه ومش
طايقاه وهتطلق حتى لو مش هتجوز علاء او اتجوز طول عمرى..كفايه انى اتعلمت من درسى
كويس اوى
امل:
بس متقتليش ابنك..حرام عليكى تاخدى ذنبه ياسمين: مش احسن م ييجى بين ام واب مش
عارفين حتى يحبو بعض امل: فكرى ياياسمين قبل م تتسرعى وتاخدى خطوة تندمى عليها.
.
ياسمين: لا انا واخده قرارى من ساعه م عرفت
امل: وكنتى اتجوزتيه ليه م الاول لما انتى ولا
يوم شوفتك ف مبسوطة..طب اقولك خليه البيبى واتطلقى واهو يبقى معاكى ويونسك
ياسمين: لا انا مش هغلط غلطتك..معاكى عيل وارملة
ومحدش هيقدر يتجوزك بسبب ابنك..انا كده فاضيه ومرتاحه واعيش حياتى براحتى من غير م
اتقيد محدش مرتاح يا امل..لا انتى الى اجبروكى ـ ولا انا الى اخترت ، ولا حتى علاء
الى فاكر نفسه مبسوط
امل بصت بعيد وعينها دمعت كأن ياسمين بتعايرها
بحالها دلوقت .
.
ياسمين: انا مقصدش اعيرك بالى انتى ف والله ..بالله عليكى انا مش ناقصة تزعلى منى
تانى يكفى انك الى باقيالى
امل: حاضر مش هزعل بس استهدى بالله وكل حاجة
هتتحل انشاءالله وشيلى الى فدماغك ده خالص
ياسمين: ع رأى مصطفى..الى عايزة ربنا بيكون
امل رجعت البيت وقعدت فاوضتها تفكر فحالها وحال
ياسمين فبيدخل عليها ايمن اخوها.. ايمن: عايز الاب بتاعك يا امل لو سمحتى
امل: مش عليه العاب والله يا ايمن
ايمن: لا انا مش هلعب انا كبرت انتى مش شايفه
الشنب ولا ايه ههههههههههههه
امل: هههههههه اومال عايزه ليه ياحبيبى..من ساعة
م جابه عبدالله وانا مش بستعمله
ايمن:
هاتيه بس وهقولك عايزة ليه اخد ايمن الاب وحط الفلاشه بتاعت النت ودخل الفيس بوك
الخاص بيه..
.
امل: ايه ده؟
ايمن: ده فيس...فيس بوك امل: يعنى ايه ؟
بيعمل ايه يعنى
ايمن: حرام عليكى ياامل! ف 2012 ومتعرفيش الفيس
بوك ؟ اومال خريجة جامعه ازاى
امل: اخلص يا واد وبلاش تريقه وقولى ايه ده
ايمن: ده ياستى شباك مفتوح عالعالم تقدرى تتواصلى بيه مع اصحابك واهلك فاى مكان
وفاى وقت ، وتقدرى تكتبى حاجات عنك كمان زى شعر او نكته الى تحبيه وتختارى اسمك
وتكتبى بياناتك عشان لو ليكى صديقه قديييييييمة وشافت اسمك تعرفك وتبعتلك ادد
وتتواصلو
امل: لالالالالالا انا هعمل شاى وتحكيلى ايه ده
واحدة واحدة وبراحة..طلعت مش سهل ياايمن ههههههههه
ايمن شرح لامل تكنولوجيا الفيس بوك..وعجبها اوى
فعملها اكونت وعلمها عليه شويه بشويه لحد م بقت كويسه ف. وبقى بيسليها بدل الوحدة
الى هى فيها ، وكمان
دورت
ع بعض اصدقائها ولاقتهم..واول صديقه كانت عندها طبعآ ....ياسمين! وسمت نفسها
...."زهرة الامل"...
.
===========================
عالناحية
التانيه .. ياسمين بعد تفكير كتير..قررت تنزل البيبى وتروح تعمل عمليه من ورا
امل..ومن ورا جوزها الى ميعرفش اصلا انها حامل .. وهى رايحة عدت ع صيدليه علاء
وشافته من بعيد! خافت تحصلها حاجة حبت تشوف وشه اخر حاجة قبل العمليه.. علاء قاعد
بيرتب الادويه ورايح جاى...شاف ياسمين وقلبه اتخطف زى زمان وكل مرة كان بيشوفها
فيها!!
ايه ده! علاء منسيش ولسه بيحبها رغم جوازه من
رحاب!
علاء وقف وتنح وبعد كده استغفر ربنا ومشى خالص
ودخل جوه حفاظآ ع غياب رحاب مراته...بس متدايق وبيسأل نفسه سؤال واحد:...... هو
انا لسه بحبها؟!
==========================
ياسمين
عملت العمليه وطلعت من العيادة تعبانة ودايخة ومافيش حد معاها،مش عارفه تتحرك ولا
تروح ولا تيجى ..اتصلت بمصطفى ييجى ياخدها من عند الشارع الى قدام العيادة ومرضيتش
تقول هى كانت فين ولا عملت ايه. جه مصطفى وهو الى ساق العربيه .
.بس
كان باين ع وشها انها مجهدة وتعبانة خالص.. عدت الايااام..
وياسمين بقت احسن..كانت قايله ليونس انها هتقعد
كام يوم فبيت خالتها ام مصطفى لحد م هو يرجع من لبنان ويونس وافق. بالصدفه فاتحه
الاب بتاعها وبتكلم امل فيس وبتقولها عالى عملته،، امل مسكتتش وبهدلتها لانها موتت
ابنها بايدها ...بس بعد ايه
مصطفى:
ايه مالك مكشرة ليه؟
ياسمين: مافيش كنت بكلم امل وزعقتلى ع حاجة كده
مصطفى: بتكلميها فين؟
ياسمين: عالفيس
مصطفى: هى امل ليها اكونت!!
ياسمين: اه...عايزه
مصطفى: لا عادى بسأل
ياسمين: بقولك ايه..متضيعهاش من ايدك مرة تانيه
ومتخبش خيبتى...جايز القدر عايز يجمعكو سوا بعد موت جوزها انا رائيي تتكلم وياها
ونخلى الفيس اول تكه للتعارف اخلص وانت بقيت اد جدى وعجزت وداخل ع 30 وانت سنجل
الله يحرقك ..ها ايه رائيك؟
مصطفى:(فكر
وعجبته الفكرة..هو هيموت ويقربلها..اصلها حب عمره مافيش كلام ) اسمها ايه عالفيس؟
ياسمين: زهرة الامل...ابعتهالك؟
مصطفى:
لا ...انا هدور عليها وهلاقيها لوحدى
ياسمين:
وانت هتعرفها منين، ف مليون زهرة الامل عالفيس مصطفى: هدور بقلبى يا حمارة فهمتى
ياسمين: بركاتك ياعم ايوة بقى مصطفى: ههههههههه انتى مشكله، فعلا يابت لازم اتجنن
واعمل حاجة...انا مش هسيبها من ايدى المرة دى مهما حصل
!! =========================
ياسمين
رجعت بيتها.. ويونس لحد دلوقت ميعرفش انها نزلت ابنه وانها كانت حامل اصلا!
انهاردة يونس مزاجه عال العال، بنت عمه اتطلقت بعد 5 سنين جواز وعاملة حفله عشان
انفصالها..
ياسمين
مستغربه يعنى ايه واحدة تطلق وتعمل حفله!
!
يونس بقى واخد اليوم كله اجازة وقام بليل اتشيك وجهز نفسه لمرواح الحفله وجاب
لياسمين فستان يليق محجبات وخدها معاه.. وهما فالطريق جوة العربيه...
ياسمين: مش فاهمة حفلة عشان طلاق ازاى؟
انا اسمع عن حفله جواز حفله عيد ميلاد لكن حفله
طلاق دى جديدة بصراحة
يونس:
ياستى واحنا مالنا اهم حاجة انها اتطلقت
ياسمين: اهم حاجة انها اتطلقت!! ازاى يعنى ؟ انت
كنت عاوزها تطلق ولا ايه؟
يونس:
لالالا انا بقصد اهم حاجة انها اتطلقت وهتعمل حفله وادينا خارجين سوا...اضحك بقى
ياقمر
ياسمين ضحكتله ضحكة من غير نفس. وصلو الفيلا الى
فيها الحفله، بنت عم يونس اول م شافته جريت وخضته بالاحضان قدام مراته.
.مع
ان الست دى زمان لما كانت بتقابلهم كانت بتتعامل معاه عادى قدام جوزها..اول مرة
ياسمين تشوف الفرحة دى بس ياسمين عدتها. الحفله شغاله وبنت عم يونس مش بتفارقه هو
وياسمين وسايبه معازيمها ..
ياسمين
اتخنقت م الجو قامت للتواليت تصلح مكياجها وهى راجعه لقت يونس واقف هو وبنت عمه
لوحدهم فالهول برة! اتسحبت تسمعهم وتتصنت عليهم.
.
يونس: انا بجد مش مصدق.
.يعنى
اخيرا يا
امير
ة
اميرة: ياااااااااه كان كابوس يايونس
والله..الحمدلله انى خلصت منه
يونس: خلصنا منه كلنا وانتى الصادقه هههههههههه
ياسمين دخلت ومتعرفش هما بيتكلمو ع ايه ولا
فاهمة .
.:
هو انا قاطعتكو ولا حاجة؟ كملو كلامكو عادى انا ممكن اخرج
اميرة: ها(ارتبكت) لا طبعا منورة...انا هروح
اجيب حاجة ناكلها م البوفيه خفيفة..عن اذنكو
ياسمين:(بتكلم يونس بعد م اميرة مشيت) ايه الى
انا سمعته ده؟
يونس: ايه الى سمعتيه (بيتكلم ببرود)
ياسمين: والله! مالك فرحان ليه بطلاق الهانم؟
يونس: عادى...فرحان لبنت عمى عشان كانت جوازة
سودا وخلصنا منها..فيها حاجة دى؟
ياسمين: لا والنبى؟! طيب ياسيدى
يونس: ابتسمى عشان شكلك بايخ اوى وانتى
مكشرة..يلا نطلع للناس...بقولك يلا! خرجت ياسمين معاه..ياسمين مش غيرانه عليه ، بس
حاسه
ان كرامتها بتتهان وخايفه تكون الى شاكة فيه صحيح! ساعتها مش هتعرف هتعمل ايه!!
===========================
علاء
ورحاب بيفطرو الصبح قبل م ينزل علاء ع شغله.
..
رحاب: اشرب الشاى قبل م تنزل وافطر كويس ليغمى عليك بسبب حاله تشوفها ولا حاجة
هههه
علاء: ههههه بالعكس انا ببقى مستمتع جدآ وانا
معايا حاله بثبت تحقيق فيها
رحاب:
ياقلبك ياعلاء! مقدرش اشوف الحاجات دى..ازاى بتشوفها وبتتعامل عادى..لا وكمان
بترجع تاكل وتشرب عادى
ازاى
؟
علاء: ياحبيبتى انتى كائن رقيق ميستحملش الحاجات دى..لكن انا واحد شاف م الدنيا
بلاوى، مش هتيجى ع جثه ولا جثتين ههههههه
رحاب:
هما 2 كيلو موز جثة ولا اتنين ههههه مش كده ياعلاء
علاء: انا بهزر معاكى بس يا حبيبتى مش اكتر
رحاب:طب بس بقى كفايه واقفل عالسيرة دى عشان
جسمى بيتلبش لما بسمعها
علاء:
حاضر سكت اهو مش هتكلم تانى
رحاب: لا اتكلم ..انا مش بستغنى عن صوتك
ابدآ..ربنا ميحرمنيش منك يارب
علاء: ولا منك يا حبيبتى يارب(بيبوس كف ايدها)
انا هنزل بقى
رحاب: طب خد بالك من نفسك
علاء:
هاخد بالى من نفسى عشانك انتى بس سلام عليكم
رحاب:
وعليكم السلام...ربنا يحفظك يارب
======================
امجد.. بعد تواجده مع سارة اكتر من مرة ع انفراد
ف اماكن عامة، اتعلقت بيه سارة جدآ وبقوة شخصيته..ولما قربتله حست انه شخصيه كويسه
وممكن تتصلح كتير ، واحسن حاجة ف ..ممكن يسمع النصيحة. انهاردة هما سوا فالويك اند
راحو يصطادو فحته متعودة سارة تروحها ع طول...م هى بقالها كام سنة هناك وعرفت امجد
عليها كمان.
امجد: اوووووووووف انا مليت
سارة: الصيد عايز صبر..ع فكرة انا كنت زيك كده
فالاول بس متعرفش الصيد هذب فيا حاجات كتير اوى وخلانى مبقاش متسرعة زى الاول
واهدا قبل م احكم ع اى حاجة من وجهه نظرى
امجد: ممممم وايه الى حكمتى عليه قبل كده وكان
غلط؟
سارة:قبل كده كنت معجبه بواحد وفاكرة انه بيحبنى
من شويه حركات كده هى بتدل عالذوق بس انا فهمتها حاجة تانيه
امجد: ممم ومطلعش بيحبك يعنى
؟
سارة: لا ..كلها خيالات فدماغى انا بس...زيك كده بتحكم ع الحاجة قبل م
تعرفها..حكمت عليا انى مش ملتزمة دينيآ عشان مش محجبه رغم انى محافظة ع صلاتى
وصيامى وحجيت كذا مرة مع مامتى
امجد: مش كده بس اى حد هيشوفك هيغير عشان هو
مسلم زيك
سارة: انا هلبسه ...بس مش دلوقت لما اكون قادرة
مقلعهوش تانى..او ممكن البسه لما حد يشجعنى عليه
امجد: مين الحد ده؟
سارة: لسه مجاش!! وانا مستنيه اهو
امجد: ههههههه ربنا يبعت
مصطفى
بقاله كام يوم بيدور ع امل مش لاقيها!
هو مش راضى يروح ياخدها من عند ياسمين كفريند
عشان عايز يعرفها بقلبه زى م قال..
وبعد
معاناة من البحث...لقى زهرة الامل وحاطة صورة سيف ابنها ..
بعتلها طلب صداقه ومستنى امل توافق عليه..
امل بتفتح الاكونت كل يوم زى العاده..هى مش
ادمنته بس اهو بيعديلها الوقت والوحدة وهى بتتكلم مع اصحابها بتوع زمان.
.
لقت طلب من مصطفى!!
هى عرفته عشان هو حاطت صورته واسمه كمان عارفاه!
امل
ضحكت واتنطتت زى العيال الصغيرة زى م تكون كانت مستنياه..
أمل:(بتكلم نفسها) ياللهووووووى ياقلبى .. مصطفى
باعتلى ادد!
طب
هعمل ايه اقبل ولا ايه؟
انا مش هقبل (ورايحة تلغى الطلب سمعت اغنيه
شغاله برة عالتليفزيون خدت منها فالها بتتكلم عن الفرصه! امل سمعتها وقررت
العكس...وقبلته!!)
مصطفى: السلام عليكم
امل:
وعليكم السلام
مصطفى: شكرا انك قبلتينى
امل:(مش
عارفه تكتب حاجة) العفو ع ايه
مصطفى: امل.
امل: نعم.
.
مصطفى: انتى بتفتحى ع طول
امل: لا مش ع طول..لما بفضى انت عارف سيف واخد
وقتى وشغل البيت مع ماما
مصطفى:
اوك..بس عايز اقولك ع حاجة
امل:
ايه هى؟
مصطفى:..انك وقت م تكونى موجودة....انا هبقى
مستنيكى
امل فرحت وحضنت الاب توب عشان بس الكلمة دى..حست
ان
ربنا بدأ يعوضها وبدأت الدنيا تحلو من تانى...ورجعت 9 سنين لورا...لاول مرة شافته
فيهاـــــــــ وقلبها دق ===========
#امل_بكرة
#نوراسماعيل
ليه مش كملتي القصه
ردحذف