خلصو اكل وقايمين ... وسام عدى ع مكانها من غير م يبص لها وقفته هى ببصة ليه وقالتله : ازيك يا وسام!!! وسام استغرب ووقف مكانه واتخشب .. ازيك يا دنيا دنيا: مش هاخد من وقتك غير دقايق ممكن ؟ وسام استأذن من صحابه ..وراح قعد معاها عالتربيزة دنياجواها كلام كتير وحاسة انها آخر مرة هتشوف فيها وسام فعايزة تقول كل الى عندها بقى والى منعها تقولوه ساعة م سابته. دنيا: ازيك يا وسام ..عامل ايه ؟ وسام: انا تمام ..(قلبه بيقوله اسألها مالها وشكلها تعبان ومجهد كده ليه وعقله بيقوله اتقل ) انتى كويسه؟! دنيا: ادعيلى اكون كويسه ، ع فكرة يا وسام ..انا جيت انهاردة مش صدفه ولا حاجة . جيت قصده انى آجى اشوفك قبل م اسافر وكان نفسى اوى وانا جاية الاقيك فالمطعم ...والحمدلله لاقيتك وسام: طب كويس!! (جواه بيسأل ايه الى خلاكى تيجى تشوفينى يعنى ...م احنا مشينا من حياة بعض من زمان ) دنيا: انت طبعآ بتسأل ليه بقولك الكلام ده ...وسام ! انا اذا كنت انفصلت عنك فده لسبب هتعرفه انت بعدين وهتعرف انى كنت عايزة مصلحتك ف وسام: دنيا انا مش حابب اتكلم فالى فات بس كونك تيجى انهاردة وعايزة تشوفينى عشان هتسافرى ده ميديش غير معنى واحد دنيا: وهو انى لسه بحبك!! وسام: انتى بتعذبينى ليه يابنت الناس معاكى طيب (حس ان قلبه اتنفض من مكانه لما عرف انها لسه بتحبه زى ماهى ) دنيا: ياوسام والله مبعذبك ..انا فضلت عذابى ع انك تتعذب جمبى وسام نسى نفسه ومسك ابدها المحطوطة عالترابيزة من غير قصد وبعد كده رجع شالهم تانى كل ده فأقل من دقيقة! الارتباك يعمل اكتر من كده وسام: انا مش فاهم حاجة ...يعنى خلاص كنا هنتجوز وبنحضر لبيتنا وبعدتى عنى وقولتى انك مبقتيش تحبينى ومع ذلك استحملت لغاية م انتى الى فركشتى حكايتنا ..ودلوقت جاية عايزة تشوفينى عشان مش هترجعى مصر تانى متريحينى فارق معاكى انا ولا مش فارق ... دنيا:(بتحاول تدارى دموعها وبتبص بعيد) انت ارتبطت بمنى زميلتك؟ (بتغير الموضوع) وسام: لا م ارتبطش لا بمنى ولا بغيرها .. منى اختى وانتى عارفة ده كويس دنيا: بالعكس انا نفسى ترتبط يا وسام ..متحسسنيش بالذنب اكتر من كده بقى وسام: ذنب ايه ؟ انتى كلامك مش مفهوم كده ليه ؟ انتى عايزة ايه يادنيا من الاخر عشان عندى شغل (قام وقف) دنيا: عايزة اقولك ابتدى حياتك بقى ومتوقفهاش عليا ...انا كده كده ماشية من البلد كلها وهبتدى حياتى .. ع فكرة نسيت اقولك حاجة !! ساعات بيبقى احسن علاج لحنين مش موصول " البتر " (هى كمان وقفت ومسكت شنطتها ) بس ابقى افتكرنى بالخير يا وسام ...(مشيت وسابته واقف) وسام فحيرة بجد!! طب هو مفهمش حاجة يعنى مقابله قلبت كيانه وخلاص ...بس الى فهمه انها بجد مش عايزاه فحياتها تانى حتى لو لسه بتحبه وهى عندها حق. ميوقفش حياته عليها ...هو بيكبر ولازم يفرح بشبابه زى اى شاب فسنه معاه بيت واولاد ... بس ياترى ؟! المقابله دى هتاخد فحياة وسام كتير زى عادته ...و هتنهى كل حاجة ؟ ^^^^^^^^^^^^^^^^^^^^^^^^^^^^^^^^ مى فشغلها فالمكتب بتاعها هى واصحابها .. بتحكى هى وغادة ومنة سوا ع موضوع خاص بمنة ، اصل جالها عريس وهى مش عايزة توافق عشان ف حجات كتير مش مناسبة مى : احسن يابت بلا جواز بلا زفت ...الحرية مافيش احسن منها منة: بس برضو اكيد مش هقعد كده كتير يامى .. مى : والله انا بالنسبة لى فرى احسن م ييجى واحد متخلف يفرض شروطه وشروط اهله عليا ...واااااااااااااااااو انا كده ملكة منة سمعت مى للأخر وطلعت تروح التواليت ... فأشتغلت غادة ومى عليها نم غادة : ياختى احنا هنفضل لامتى سنجل .؟! انا قربت صلاحيتى تنتهى ههههههههه مى : ههههههههه يابت ركبى دماغك زيي كده وخليكى زيي هترتاحى بلا قرف بلا وجع دماغ . ادينا بنسهر براحتنا وبناكل الى عاوزينه وبننام فالوقت الى نحبه ونصحى فأى وقت ومافيش حد ينكد علينا العيشة ولا يخنقنا ولا روحتى فين وجيتى منين غادة : ايوة ...بس انتى حلوة فالمعجبين بتوعك عاملينلك زقططة ياختى فالجو ..انما الى زى حلااتى دى تعمل ايه مى : هههههههههههههه ليه م قدامك ممدوح! جه دور نعرف ممدوح ... ممدوح ده كان زميلهم فالجامعه بس كليه تجارة قسم ادارة اعمال وحاليآ بيشتغل معاهم حاجة كده لخمة او عبيط متفهموش بس جواه طيب اوى وبيموت فشغله وبيتقنه ع اكمل وجه .. هو مش حلو بس البنت الى فيهم تطلب منه حاجة بيديها عنيه وبيموووووووووووووووووووووووووووت ف مى لشوشته !! وهى عارفه ومطنشه ومبهدلاه تريقه بس ع قلبه زى العسل ممدوح دخل وهو بيسمعهم وبيتكلمه عنه وبيضحكو ... ممدوح: ف ايه حد ف عايزنى غادة : (فسرها وباصه لمى ) ييييييييييى جه القط هههههههه ممدوح: ع فكرة يابنات نسيت اقولكم خبر حلو غادة : قول ياخويا ممدوح: اختى ولدت امبارح وربنا ادالها فرح غادة : طب الف مبروك ابقى هاتلنا السبوع هههههههه مى : عايزنا نروح يعنى نعملها ايه ...حتى لو بقيت خالو هتفضل عبيط هههههههههههههه ممدوح: طيب يامى براحتك اتريقى براحتك دخلت منة من برة .. ممدوح: انا بقيت خالو يامنة منة : الف مبروك يتربى فعزكو يارب ... سميتو البيبى ايه ممدوح: بنت سموها فرح منة : الله اسم جميل اوى .. سامح دخل زميلهم السادس فالمكتب والاخير عليهم ... سامح ده بقى الدمااااااااغ معاهم والعبقرى كل البنات بالنسبة له اخواته الى فالمكتب ...عايز يكون نفسه ويبقى حاجة كده عشان يتجوز جوازة متيسر حالها مبيعجبوش تصرفات مى وغادة ...بس هو مالوش غير الشغل بس وهما كلهم مشتركين بالنسب فالمكتب ده يعنى الى بينهم شغل وبس.. سامح: يلا ياجماعة ...مواعيد المكتب خلاص مى : اووووووووووف متفكرنيش عربيتى فالتوكيل ..وكده هاخد تاكس طبعآ غادة : خلاص يلا بينا عشان نلحق نلاقى تاكسيات مى : ابقو كلمو البت امنية العيانة دى سامح ركب الموتوسيكل بتاعه ومشى .. وممدوح ماشي جمب ال 3 بنات هيوصلوهم يركبهم التاكسى عشان وبعدها هيمشى هو .. وهو بيوصلهم ...مى غمزت لغادة انها هتعمل ف مقلب مى : بقولك يا ممدوح ممكن تجيب لى ازازة مية من السوبر ماركت الى هناك ده ممدوح: حاضر كان ف 2 شباب ماشيين وجايين عليهم جريت بصت مى عليهم .. مى: بصو هعمل ايه ف هههههه منة : حرام عليكى يامى ...انا ماشية (سابتهم منة وهى زعلانة) مى ناحية الشباب : لو سمحت شايف الشاب الى واقف هناك ده عند السوبر ماركت وبيبص ناحيتنا ؟ الشباب: ايوة ماله؟ مى : كل يوم بيستنانى انا وصحبتى ويقعد يعاكسنا ويقولنا كلام وحش اوى الشباب : طب اتفضلى حضرتك واحنا رايحين له ..متخافيش مع السلامة مى :(بتمثل انها بتعيط) ميرسى اوى يلا بينا غادة : يابنت اللذين ههههههه مى : يلا بينا نلحق نهرب ...تاكســــــــــى الشباب راحو عند ممدوح وقعدو يزعقوله ...ممدوح بيحاول يفهم انه معاهم وانه زميلهم بس مااافيش الصوت على والشتايم ف والناس اتلمت وبص لبعيد ممدوح لقاهم مشيو وركبو تاكس ... قال فنفسه : ماشى يامى ماااااااااشى .. ^^^^^^^^^^^^^^^^^^^^^^^^^^^^ ام وسام بعد م رجع من الشغل .... طلع البوم صور خطوبته وقعد يقلب ف وهو متدايق اوى فدخلت عليه مامته .. الام: هو لسه قاعد الالبوم ده ؟ وسام: لا خلاص يا امى مش هيقعد بعد انهاردة الام: يابنى ارمية بقى ...الى بقى فعمرى ولا عمر ابوك مش اد الى راح ، نفسى اشوف عيالك واشيلهم وافرح بيك . طول م الصور دى قدامك انت حياتك لا هتتقدم ولا تتأخر وسام: لا ياامى خلاص ...الصفحة دى هتطوى دلوقت وكل حاجة انتهت ...رغم انه صعب عليا بس خلاص انا تعبت بقى لا زم ابتدى حياتى وموقفهاش عليها ... الام: عارف يابنى ؟ انت الى زيك وفتربيتك وفطيبة قلبك دول مش موجودين دلوقت الى هتكون انت من نصيبها ربنا راضى عليها يابنى ...لانك والله جوهرة ..ربنا يكملك بعقلك يابنى روح صل وادعى ربنا انك تنساها بقى وربنا يديك الاحسن منها .. وسام باس ايد مامته ومسك الصور وولع فيهم ...وشاف كل صورة وهى بتقيد فيها النار بتطفى ذكرى جواه وينتهى صفحة مش عايزة تتنسى وجه الوقت انها تتحرق بقى ........... ^^^^^^^^^^^^^^^^^^^^^^^^^^^^
ليست هناك تعليقات:
إرسال تعليق