أمــل بــكــرة☻☻☻ الحــلقـة ال 13

 =====••••====•••===

 أمل بتكلم ياسمين فالفون ومش عارفه تقولها تيجى الفرح معاها ولالاء؟

 امل عايزة ياسمين تعرف انها سابت كنز من ايدها وانها خسرت لما مسمعتش الكلام..لكن ايه النتيجة ؟

 علاء خلاص اختار حياته وهى حياتها باظت ومش مشيت زى م كانت مخططة..

 امل: طب هو كل يوم سهر برة وكده ناسيكى؟

 ياسمين: انا زهقت من حياتى والله..ده غير انه خد باله من برشام منع الحمل وخباه منى

 امل: طب وبتاخدى منع حمل ليه بس..خليكى جيبى بيبى كده يملى حياتك بدل الزهق ده

 ياسمين: لا مش عايزة اخلف

 امل: ليه

ياسمين: وانتى لما زعلتى لما خلفتى من عبدالله كنت قولتلك ليه ولا كنت فاهماكى ومقدراكى

 امل: انتى غيرى ياياسمين انت اختارتى لكن انا اجبرت

 ياسمين: وادينى بدفع التمن ياختى اهو..زهق وقرف ونكد ليل ونهار ووشى فوش الحيطان

 امل: طب انا معزومة ع فرح ناس معرفة هبة مرات ابراهيم بكرة ..ماتيجى معايا

 ياسمين: وانا هروح بصفه ايه

 امل: ياستى نخرج شويه تهوى عن نفسك

 ياسمين: اوك ..هعدى عليكو بالعربيه نروح كلنا سوا

جه يوم الفرح...

 وياسمين لبست احلى م عندها وعدت عليهم كانت امل وهبة وولادهم جاهزين ومشيو كلهم وصلو النادى قبل العروسين.

.ولما جم وبدأت الزفه.

.امل مهتمتش تقوم تشوف، لكن هبه قامت تصور عشان تشوف العروسه المتداريه!! دخلو والناس بتزغرد حواليهم وبتزفهم الفرقه وياسمين بتفوجأ!! ده علاء!!

 ياسمين شافته والدموع نزلت ورا بعضها، بالصدفه كان مصطفى هناك معزوم وشافهم وكان رايح ناحيتهم يسلم عليهم

.. مصطفى:(مبتسم) ازيك ياام امل وازيك ياياسمين انتى عرفتى ازاى ان ده فرح علاء؟

 انتو جيتو هنا ازاى

هبة: ماهى بنت عم العروسه جارتى فالعمارة وهى الى عزمتنا

 مصطفى:(مبتسم) اه ..ازيك يا ام سيف

 امل لسه هترد السلام كانت الدنيا دارت ولفت بياسمين وداخت ووقعت عالارض..اغمى عليها!!

 الناس اتلمو والعرسان اتخضو..لسه علاء ماكتشفش وجود ياسمين م الزحمة..بس شافها ومصطفى شايلها وواخدها ع برة ومعاها امل وست كمان.. علاء غصب عنه تجاهل الموقف مع ان قلبه اتحرك من مكانه لما شافها ، بس هيعمل ايه انهاردة فرحة! وجمبه مراته

=================

 مصطفى فوق ياسمين وقامت ياسمين طايحة ف امل ..

. ياسمين: انتى كنتى عارفه ان انهاردة فرح علاء..كنتى عارفه وخدتينى معاكى عشان تتعبينى صح ..انتى صاحبه انتى

امل: ياسمين متظلمنيش..انا والله مش ده قصدى كنت عارفه اه انه فرح علاء ..بس اخدتك عشان

 ياسمين: (بتقاطعها) عشان تغيظينى وتحسرينى ع الباشا الى رميته بطول دراعى وانهاردة بيتجوز سنيورة زيه مش كده ياصاحبه عمرى مصطفى: بس بقى احنا فالشارع...كفايه كلام الناس بتبص عليكو

 امل: شكرآ ياياسمين ع كلامك ..وانا اسفه بجد..يلا ياهبة

 مصطفى: امل استنى هى معلش متدايقه وغبيه وبتقول اى كلام

 ياسمين: هى خلصت ع كده يا مصطفى مشيت امل وهى بتعيط ان ممكن تكون عملت حاجة عشان تفوق صاحبتها لكن مكانتش تقصد انها تخسر صحوبيتها للابد.. ياترى ياسمين هتسامح؟

 ============================

 الفرح خلص.. والعريس اخد عروسته.. علاء مبسوط ونسى ياسمين خااااااالص الليله دى.. صلو وبعد م صلو رحاب اعترفت لعلاء ع حاجة.

. رحاب: ااااااااااااانا مبسوطة اوى انهاردة

 علاء: مش اكتر منى

 رحاب: اصل دى دعوة دعيتها يوم مطرة انى افسخ خطوبتى ويبقالى فيك نصيب من قريب او من بعيد

 علاء: انتى...انتى كنتى بتحبينى يارحاب؟

 رحاب: ايوة...بس مقدرش اقولك (مكسوفه)

 علاء: بس احنا اتخطبنا سنة..مقدرتيش تقوليلى الكلام ده

رحاب: فالسنة دى العلم كان عند الله نفضل سوا ولالاء..خفت اقولك واعلقك بيا ومنكونش لبعض فالاخ

ر علاء: بس بقينا لبعض اهو ..ومعايا احلى ملاك فالدنيا

رحاب: ربنا يقدرنى...واسعدك يارب

 علاء: انا الى ربنا يقدرنى واخليكى اسعد بنات الكون...بحبك

 رحاب اتكسقت وقامت.. علاء انبسط لما عرف انها بتحبه من زمان...صحيح هو لسه محبهاش حبه لياسمين ! بس هى هتقدر تحببه فيها اكتر من ياسمين

 =======================

 من ساعة فرح علاء..

. وياسمين مش بتكلم امل ، بس امل مبتعرفش تقعد ساعات من غيرها فما بالك شهر! امل مش قادرة تحاول تصالحها خايفه من رفضها ليها..وكمان ياسمين ليل ونهار بتفكر ففراقها لامل الى مفرقتهاش من كام سنة!! بس كرامتها وجعاها ومتدايقه م الفصل الى عملته فيها ..

هبة عند بيت بابا امل ومعاها البنات وقاعدين كلهم سوا بيحكو..

 هبة: البت ريم مطلعه عينى ..شبه عمها امجد لكن امل زى اموله هدوء وعقل ورزانة

الام: ياست ربنا يباركلك فيهم ..انا هعملك حاجة تشربيها

 امل: لا انا هعمل ياماما هبة: لا انا عاوزاكى..انا مش غريبة يا خالتى متعمليش حاجة لو عزت اشرب هقوم اعمل لوحدى

الام: طب يابنتى ع راحتك... هبة: لسه مكلمتيش

 ياسمين؟ امل: لا...بس مش بتسيب بالى خالص والله

 هبة: طب لما انتى عارفه انه كان حبيبها ليه عملتى كده بس

امل: انا مقصدش انا حبيت افوقها، هى كانت بتفكر فالطلاق وهترجعله بس حبيت اقولها انه هو اختار حياته خلاص وهى خليها فحياتها الى اختارتها بقى

هبة: كنتى قولتيلها عالاقل قبل م تروح..دى صاحبتك برد

و امل: ماهو لو كنت قلت..مكانتش هتصدق انا كنت عايزة تشوف بعينها انه هو مبقتش تفرق معاه ياسمين خلاص

 هبة:البت ياسمين دى مش سهل يعنى بتحبه واتجوزت غيره ! وقصة وحكايه بس البت مراته زى القمر احلى من ياسمين الف مرة ..

امل:مش شرط الجمال ياهبة..اهم حاجة الحب قلبك مين سكنة لوحده فاهمة؟

هبة: والنبى انتى غلبانة..وياما هنشوف ونسمع انا ياختى من صغرى بحب اخوكى وكنت بحب العب معاه عن امجد ههههههههه

امل: انا بقى لا حبيت ولا جربت ..حتى جوازتى راحت فطيس وبقيت ارملة والى فسنى لسه متجوزوش لاء وكمان ع كتفى عيل

 هبة: ان شاءالله ربنا يعدلهالك قريب انتى قمورة ياامل وكفايه اخلاقك وربنا هيعوضك خير والله

امل: منين ياهبة؟ انا لا بطلع ولا بدخل ومين هياخد واحدة ارمله ومعاها عيل ..محدش ناقص بلاوى ياختى بلا جواز بلا نيله انا خلاص رضيت بنصيبى كده

هبة: بس ميمنعش انك تتفائلى ان ربنا شايلك خير

 امل:(سرحت فكلام هبة واتنهدت) يارب

 ============================

 مصطفى راح يبارك لعلاء عالجواز..

. علاء: اقسم بالله ما فى فجدعنتك..يعنى مش كفايه تعبك معايا وجيت الفرح كمان جايب هدية معاك غاليه كده والله م ينفع

 مصطفى: يا علاء احنا اخوات..وبعدين انت هترده ان شاءالله انهاردة عندك بكرة عندى ههههههههه

علاء: دى امها داعيالها الى هتتجوزك دى..صحيح زمان قولتلى انك بتحب ، هو انتو ليه متجوزتوش؟

 مصطفى:(مصطفى كان بيشرب العصير ارتبك وحط الكوبايه) عشان النصيب

 علاء: ان شاءالله نصيبك حلو وهتاخدها باذن الله مهما حصل

 مصطفى: الى ربنا عايزة بيكون ياعلاء..المهم الجواز حلو؟

 علاء: اقولك ايه بس..لو صليت لربنا شكر ع الهدية الى ادهالى طول عمرى مش هوفى ..والله يامصطفى كأن ملاك معايا فالبيت..لا ووشها حلو كمان ...انت عارف انا بقيت ماسك شغل فكذا تحقيق وكمان القسم بتاع منطقه المعمل بتاعى بيرشحنى اول اسم فالتحقيقات ..الحمدلله

مصطفى: انت تستاهل يا علاء..انت كويس وربنا بيكافئك ع صبرك سبحانه وتعالى

 علاء: مصطفى عايز اعرف انت ليه قولت لياسمين عالفرح؟

 مصطفى: لا انا مقولتش دى عرفت من امل

 علاء: امل!!

 مصطفى: ايوة مرات اخو امل جارتها بنت عم المدام..وهى الى عزمتهم عالفرح وجت بالصدفه..دى حتى مكانتش تعرف انه فرحك

 علاء: عشان كده اغمى عليها

 مصطفى: لا هى تقريبا تعبت فجأة ..متاخدش فبالك ..بس انت خدت بالك ازاى م الزحمة؟

 علاء: لا عادى اصل الناس اتلمو حواليكو واخواتى طلعو قالولى مافيش حاجة وهدونى ببص كده لاقيتك شايلها وطالع

 مصطفى: ااااه المهم متفكرش انت بس غير فحياتك الجديدة ومبروك كمان مرة

 علاء: عقبالك يارب..

 =========================

 امجد .. امتيازه فمهنته خلته فمركز مرموق فالشركة ..وقدر يعمل مبلغ كويس وحطة فالبنك.. امجد الى حد ما مالوش علاقه بحد من ساعة م راح الكويت واتعلم من غلطه القديم. يمكن علاقته بسارة ووالدتها بس الى ليهم الفضل بعد ربنا فانه يلاقى شغل تانى .

.بس بردو العلاقه سطحيه الى حد ما. وفالبريك .

.امجد عدى ع سارة يخلص منها حاجة تابعه للشركة..ودار بينهم الدردشة دى

 امجد: اوك..هخلصهم وابعتهملك

 سارة: اوك..معرفش ليه الدنيا برد انهاردة..مش كده

 امجد: مانتى لو لابسه الحجاب ..مكنتيش بردتى الجو كويس

 سارة: ع فكرة بقى مش شرط الحجاب يدفينى م ياما ناس مش ملتزمة بالحجاب و قريبه من ربنا اكتر م الملتزمين ، وبعدين انت مش شايف انك بتتكلم فحاجة خاصه بيا ؟

 امجد: انا حبيت انصحك..انتى زى امل اختى

 سارة: امل اه..امل الى انت كنت تاعبها طول الوقت بسبب فرض رائيك ومعاملتك الوحشه

 امجد: امل قالتلك كده؟

سارة: انا ماليش دعوة..واسفه انى بتدخل بينكم وفخصوصياتكم

 امجد:لا بالعكس...ممكن بعد الشغل نتعشى برة..عايز اتكلم معاكى واعرف منك الى معرفوش عن امل

 سارة: بس الموضوع مش مستاهل

امجد: لا مستاهل عندى...ها تقبلى العزومة ولا

 سارة: طب هشوف ماما وارد عليك

 امجد: اوك

كلمة سارة فودان امجد...معقول هو كان آذى امل لدرجة ان اصحابها كانو ملاحظين؟ ومعقول الناس واخده فكرة وحشه عنه كده ! اصل اى حد مش بيشوف نفسه غلطان..كله شايف نفسه صح مهما حصل ..

. ===================

 امل فكرت فياسمين وكل حاجة حلوة كانت مابينهم وانها صاحبتها الوحيدة، وعتاب هبة عليها فوقها انها غلطت فقرر ت تزورها فالبيت تصالحها! امل راحت لفيلا ياسمين ودخلت استنت فالرسبشان..نزلت ياسمين ووشها زعلان..بس من جواها فرحان..اصلها كانت محتجاها اوى فالوقت ده ..بعد م جد عليها جديد!!

امل: وحشتينى

 ياسمين:(حضنتها جامد) مبعرفش فحياتى ازعل منك ...(بتعيط) وحشتينى يا امل ومحتجاكى

=========================

#امل_بكرة

#نوراسماعيل