....
أمل وصلت عند البيت ..طبعآ شارعها ورا شارع ياسمين.يعنى مصطفى نزل قبلها وهى كملت.
امل طالعة عالسلم هيمانة؛ فدماغها نظرات مصطفى وضحكته وعنيه الى فضحته انه هو كمان
كان نفسه يشوفها..وحست ان ربنا حقق دعوتها. بس رجعت افتكرت انها متجوزة، وانه
ميصحش تحس الاحساس ده حتى ولو كان جوزها مش حاسس بيها وهى مش بتحبه! فاقت م الحلم
ودخلت لاهلها تعيد عليهم.
.وفرحو
اوى لما شافوها وكانت حماتها طبعآ مستنياها هناك!!
اما مصطفى..
.
طالع عالسلم بيغنى وبيدندن لعمرودياب الى بيحبه وشغال يقول
"
وحلفت انى هفارق واعيش من غير عنيك مش بس لاقتنى عاشق انا روحى لاقتها فييييك
"
طلع
لخالته فوق وسلم ع جوز خالته وخالته...بس ملاقاش ياسمين؟!
مصطفى: اومال ياسمين فين ياخالتى؟
الخالة: عند امل بتعيد عليها..مانت عارف انهم من
زمان ماسبوش بعض ، قالت هتقضى اول يوم معانا وتانى يوم مع امل
مصطفى:
امل!!
:/
الخالة: ايه ف ايه
مصطفى:
لا ولا حاجة...بس اتاخرت كده(مصطفى مش مطمن وقلقان )
الخالة: دلوقتى تلاقيها داخله هى نازلة من
بدرى..هعملك كوباية شاى واقعد مع عمك تكون هى جت والد
ياسمين: عامل ايه يامصطفى يابنى فشغلك
مصطفى:(بيتكلم بنص دماغ) اه تمام ماشى الحال
والد
ياسمين: روحنا عيدنا ع ولاء امبارح هى وجوزها
وابنها
مصطفى: وامى كمان راحت لها امبارح بس انا كنت
بفسح اخواتى مانت عارف ياعمى مالهمش غيرى والد
ياسمين: فيك البركة يابنى ياسمين داخله معاها
دبدوب كبييييييييييير ومبسوطة وبتغنى لاقت مصطفى قدامها
.
ياسمين: سلامو عليكوووووووووووووو
مصطفى: اهلا اهلا اهلا..(مدايق وكاتم غيظه)
ياسمين:
امل بتسلم عليكو كلكو وبتقولكو معلش اخرتنى لحد دلوقت عشان كنت وحشاها وعايزة تقعد
معايا
مصطفى:(باصص لياسمين مش مصدقها !! بس ساكت)
ومبتسلمش عليا انا كمان؟
ياسمين: لالالالالا ههههههههه وهى تعرفك منين
يلا ياض
مصطفى:
وهى الى جايبالك الدبدوب ده (بيدخل وراها الاودة بتاعتها وهى بتحط الدبدوب)
ياسمين:(اتوترت بس ماسكة نفسها) الدبدوب!! لا ده
ده عجبنى اشتريته وانا جايه
مصطفى:
طب انا عاوز اقابله!
ياسمين: مين ده..الدبدوب ماهو قدامك ههههههههه
مصطفى:(بصوت
واطى محدش سامعه برة) الى انتى كنتى معاه
ياسمين:(بتحاول تتوهه فالكلام) واحد !! واحد مين
الى كنت معاه؟
مصطفى:
متستعبطيش ياياسمين انا مش عيل معاكى ..الحركات دى مش عليا ..انا بكلمك بهدوء منى
ليكى وهسمعك بالراحة ومش همعل دوشة ولا عمايل ناس مجانين
ياسمين: طب وانت ايه الى خلاك فاكر انى مكنتش
عند امل وبتكدبنى كده يامصطفى..الله؟
مصطفى: امل جاية معايا فالتاكس..ازاى كنتى عندها
يعنى..!
!
ياسمين تنحت وهى بتفك طرحتها وسهمت قدام المرايا ومش عارفة ترد ...ومش لاقيه تخطيط
من مخططاتها تضحك عليه بيه..ده بيقول امل جت معاه فالتاكس يعنى مفقوسة !
!
ياسمين:(بصوت واطى) انت قولتلهم برة انك جيت مع امل وجت معاك ازاى صحيح؟!
مصطفى: لا مقولتش ومش وقته الكلام ده متغيريش
الموضوع خلينا فيكى عشان انا دماغى بتغلى اصل دبدوب ومتشيكة وكمان راجعة مبسوطة
وقال كنتى عند امل !! هو انا لو مكنتش جيت مع امل مكنتش هعرف ياياسمين..ايه
مستغفلانا؟! .
..اقعدى
كده واحكى الحكاية كلها من طق طق لسلام عليكم يابنت خالتى ومتكدبيش انتى عارفة ان
عقلى كبير وحفهمك.. ياسمين بتبص
جامد
فعيون مصطفى وهى خايفة..هى هتقولة بس خايفة من رد فعله مع علاء؛ ياترى هيعمل ايه؟؟
========================
بعدها
باسبوع.. الدراسة رجعت وكل حاجة ..وكل حاجة رجعت كما كانت. امل قاعدة فشقتها
بتذاكر عشان الامتحانات قربت ...بتخبط عليها حماتها الباب.
. ام
عبدالله: بتذاكرى ياامل
امل: اه ..مانت عارفة يامرات عمى الامتحانات
خلاص
ام
عبدالله: (ماسكة بطنها وبتتألم حبتين) اه مش عارفة حل لوجع معدتى ده امل: ايه بردو
العلاج مجابش نتيجة!!
ام
عبدالله: والله يابنتى بطنى بتوجعنى اكتر لما باخده..ده ولا دكتور روحتله وعرف
يوصفلى دوا يريحنى لما تعبونى بزيادة
امل:
طب اعملك كوباية ينسون تهدى معاكى شوية
ام
عبدالله: لا ..تعبت من شرب الحاجات السخنة مبقتش تجيب نتيجة
امل:
طيب نعمل ايه..مش هسيبك كده تتألمى يامرات عمى وافضل ساكته
ام عبدالله: تسلمى يامرات ابنى تسلمى..بصى فيه
صيدليه هى بعيدة شوية قالتلى عليها الست جارتنا ام هدى..هدى بنتها ياحبه عينى كان
عندها صداع هيفرتك دماغها الناس دلوها عالصيدليه دى بيقولو بتبيع ادوية من الاعشاب
ومفعولها حلو عن الادوية العادية
امل: اسمها ايه الصيدليه دى..
ام عبدالله: هطلع اكلمها واقولك اسمها ايه
وفانهى شارع بالظبط..معلش يامرات الغالى هتعبك معايا
امل: ازاى دى انتى امى...سلامتك؛ بصى ع بال م
تطلعى تجيبى العنوان انا هلبس واطلع اخده منك وانزلك هوا
ام
عبددالله: تسلمى وتعيشى يابنتى امل اخدت العنوان وراحت للصيدليه..بتفوجأ انها
صيدليه الدكتور صالح الى بيشتغل فيها علاء!!
امل:
ايه ده ياعلاء انت بتشتغل هنا؟
علاء: اه ياستى بقالى 3 سنين هنا امل: ربنا
يوفقك يارب
علاء:
ربنا يخليكى يا امل...ها ف حاجة فالطريق؟
امل: لا ..اصل جوزى مسافر
علاء:
اها ربنا يكرمك قريب
امل:
طيب بقى كويس انى لاقيتك انت الى هنا
علاء: خير اؤمرى امل بتشرح لعلاء الحالة وعايزة
ايه بالظبط.
..بيدخل
مصطفى! مصطفى استنى ليوم فاضى ف بليل يروح ف لعلاء وقال لياسمين متقولوش انه رايح
له لحاجة فدماغه من مقابلته دى.وكمان متعرفوش ان ف حد عرف من اهلها بموضوعهم ودخل
هناك لقى امل قصاده!!.
..يامحاسن
الصدف
☺
علاء: الف سلامة عليها ..خليها تاخده زى م
قولتلك ولو ف حاجة كلمينى عالرقم ده وانا تحت امرك فاى وقت
امل:
تسلم ياعلاء..بص انا هرنلك اهو ...هو ده رقمى الى ظهر عندك لما هيبقى ف حاجة هتصل
بيك..اصل مشواركو بعيد اوى هههه
علاء:
تحت امرك يا امل ده انتى اختى اجيبه واجى لحد عندك(بيبص علاء ع مصطفى) اؤمر يا
استاذ اى خدمة
امل
بتتفاجئ ان مصطفى جمبها!! قلبها طار م الفرحة..بس لازم تمشى عشان حماتها مستنياها
ضرورى ..
.
خرجت امل ،مصطفى مستغرب من كلام امل وعلاء سوا / بس خمن عشان هى صاحبة ياسمين اكيد
عارفها..بس غار اوى انه اخد رقمها وممكن يسمع صوتها فاى وقت لو عازت دوا ولا حاجة.
كان بيتمنى يكون مكان علاء..بس بيفوق من سرحانة
وبينتبه ان دلوقت مش وقت هزار..هو جاى يعرف مين علاء!
مصطفى:
انا مصطفى ابن خالة ياسمين
علاء:
اهلا بيك( علاء مرتبكش ولا اى حاجة اصله عايزها فالنور وده شئ مش يعيبه ..بس هو
هايب الموقف حبتين بس احلى حاجة فيه عقله ورصانته متهزش للحظه!)
مصطفى: انا عايز اتكلم معاك فحاجة شخصية..تحب
نتكلم هنا ولا استناك تخلص شغلك ونروح اى حتة نتكلم ع رواقه
علاء: لا نتكلم هنا مافيش مشكلة..ثانيه اجيب
كرسى..حضرتك بتشرب ايه؟
مصطفى:
لا ولا حاجة
علاء: لا ازاى..ده انت حتى اول مرة تشرفنى واقعد
معاك
مصطفى: الجايات اكتر ياعلاء...تعالى بس عشان
نتكلم سوا
علاء
دخل يجيب الكرسى...متوتر شوية بس عنده الحاجة القوية الى تخليه يعرف مصطفى انه مش
بيلعب بياسمين ، وكان مستنى وقت مناسب يتكلم ف مع اهلها..بس بيحكى جوه نفسه..:
ازاى ياسمين تحطنى فالموقف ده ومتقوليش قبلها ان ف حد عرف من اهلها..بس انا قد
الموقف لانى ببساطة...عايز الحلال!:..
. واول م قعد مع مصطفى ..مصطفى سكت كتير وبعد كده
بصله وقاله: مجتش من الباب ليه ياعلاء؟!
☻☻☻ =•••====•••====•••=
علاء: مش معنى انى مجتش لياسمين م الباب هبقى
انسان وحش وعايز ياسمين العب بيها
مصطفى:
اومال..انا عايز اسمعك من اخ لاخوه وكأن حكاية ياسمين دى ع جنب نخليها
علاء:بص يامصطفى...انا اتولدت فعيلة بسيطة
..حالنا بسيط بس الحمدلله عايشين وراضيين، انا بقى ليا طموح ابقى حاجة فيوم م
الايام ..ابقى دكتور اشرف ابويا وامى عندى اخوات فرقبة ابويا لسه ، انا بقى معتمد
ع نفسى من اول م دخلت الكليه بشتغل وبقطع نفسى عشان اوصل لحلمى ..بس كان الهدف
الوحيد الى مخلينى قادر اعدى ده كله هى ياسمين..هتستغرب كلامى عشان انا جرئ وبقولك
بصراحة انا بحب ياسمين من 6 سنين ..من اول م كان اسمها شخبطة ع مذكرات الكيميا
عندى لحد دلوقت وانا قاعد وقدامى واحد من اهلها وبقوله انى بحبه؛ ع فكرة ..انا قلت
لاخويا عليها وقالى بعد التخرج ان شاءالله والجيش هقدر اتقدملها
..
مصطفى: كلامك كويس كله كويس ..بس ده معناه ان لسه ياسمين هتستنى معاك سنتين كمان
عشان يبقى ف ارتباط رسمى صح؟
علاء:
ايوة
مصطفى: اذآ ميرضكش تفضلو سنتين مقضينها خروجات
وتليفونات ومقابلات..دى بنت ناس برضو واذا كانت هى صغيرة وطايشة وبتعمل ده من غير
عقل يبقى عليك انت انك تتقى الله فيها وتحفظها من السنة الناس لحد م تبقى مراتك
علاء ارتبك اوووووى مهما كان مصطفى بيتكلم
صح..بس هو مش هيقدر ينفذ الى عارف مصطفى انه هيطلبه منه..بس ع كل حال كويس ان
مصطفى اتكلم معاه كده احسن م كان بقى رد فعله حاجة تانيه مش متوقعة!!
علاء: بس انا مش هقدر مكلمهاش...علاقل اطمن
عليها كل يوم ..انت متعرفش ياسمين عندى ايه
مصطفى: طيب بص..الخروجات والمقابلات
ممنوع..الفون ممكن تتفقو ع يوم واحد تكلمها فالاسبوع كزميل عادى تتطمن عليها
وتقفل؛ انا شاب زيك وعارف شعورك..اصل انا كمان بحب بس عارف بعمل ايه
علاء: لا
مصطفى:
بدعيلها وانا ساجد واتمنالها الخير وادعى انها تكون حلالى وممليتش لحظة من دعائى
ده وعندى امل ويقين بالله ،حتى لو مش معايا...لكن عمرى م قربت ناحيتها..ويوم م
هقرب هتبقى مراتى ياعلاء! فاهم قصدى
علاء:
حاضر
مصطفى: هسيبك عشان تكمل شغلك..وانا مستنى اليوم
الى هشوفك ف فالبيت عند ياسمين وبشرب الشربات بتاعكو ان شاءالله لانك راجل بجد
وانا احترمتك وهسيب جواك عيونى الى مش معاكو..وانت هتعرف تتعامل بقى
علاء: وتكون انت قبلى اتجوزت حبيبتك دى ونحتفل
كلنا سوا عشان ربنا يكون حقق امانينا مع بعض
مصطفى:(عنيه دمعت) الى عايزه ربنا هيكون
مصطفى خرج من الصيدليه وعلاء واقف كلام مصطفى
فدماغه لسه بيدور/ ايه العقليه الجميلة دى !! بس هو هيسمع كلامه...يكفى انه وثق ف
فبنت خالته معاه
============================
علاء عمل الاتفاق الى اتفق عليه مع ياسمين..
ودلوقت هو بيذاكر كالعادة عند رامى..امتحانات نص السنة عالابواب خلاص
.
رامى: بص يامعلم خد راحتك..رحاب وماما مش قاعدين.انا هنزل اجيب سجاير عشان اعرف
اركز وانت ده بيتك ومطرحك
علاء:
لا خلينى مستنيك عالسلم لحد م ترجع
رامى: ياجدع ادخل بيت اخوك..عيب ياعلاء عليك
مافيش حد بقولك..بص 10 دقايق هجيب السجاير وكم حاجة كده ناكلها واحنا بنذاكر اوك
علاء:
اوك متتأخرش.
.
علاء قاعد بيذاكر ومتعمق اوى فالمذاكرة، لدرجة انه مسمعش الباب لما اتفتح ودخلت
رحاب ومامتها البيت. رحاب قلعت النقاب ورايحة تفتح باب اوضه اخوها المقفول فاكراه
نزل وسابه مقفول ..
راحت
تهوى الاوضه شوية..وبتفتح بتفوجأ بعلاء فوشها!!
رحاب:
يانهارى !! انا اسفه (مخضوضة اوى وخرجت برة الباب عشان وشها مكشوف)
علاء: انا الى اسف (باصص فالارض بكسوف بسرعة)
رامى
طلع لقى رحاب اخته فوشه بتهزقه ع انه مقالش ان علاء عندهم...وفتحت من غير م تقصد
الاوضه.بس طبعآ رامى حس انها اوفر وطنش ودخل الاوضه بتاعتهم ..كانت هى لبست النقاب
وجايه تعتذر لعلاء عن الى حصل..
رحاب:
انا اسفة بجد والله مكنتش اعرف انك جوه
علاء:
لا انا الى اسف والله قولتله خلينى بره هو الى مرضيش
رامى: برة ايه ياعم انت..وبعدين انتى هتقلبى
دماغنا ليه ياحجة رحاب خلاص محصلش حاجة (بيحط سى دى اغانى وبيشغله) اما حماقى عامل
البوم جديد اسمه حاجة مش طبيعيه انما اييييييه هشغله نسمعه واحنا بنذاكر
رحاب: حرام عليك...الا بذكر الله تطمئن القلوب
..اذكروا لا اله الا الله ربنا هيفتح عليك
رامى: والنبى ياشيخة رحاب اطلعى برة عشان انا
مخنوق م المواد لوحدى مش هيبقى الامتحانات وانتى
رحاب: ماشى ماشى ..انا كمان هروح اذاكر ربنا
يهديك
علاء:
ربنا معاكى...طب صعبة
رحاب: لا بالعكس ان انا فبيطرى الموضوع سهل اوى
والمواد حلوة
علاء:
ربنا يوفقك يارب
رحاب: واياكم(بتديله كتاب اذكار) اتفضل اقرا ف
قبل كل امتحان وبعد كل مذاكرة بأذن الله ربنا هيفتح عليك علاء: ربنا يخليكى (خده
منها)
رامى: طب الباب فايدك يادكتورة الحمير
رحاب: الله يسامحك...عن اذنكو رحاب خرجت..واول
مرة علاء يسرح فيها كده من غير م يقصد..جمالها تبارك الخلاق الى شافه من غير قصد
واخلاقها ..بس رجع وافتكر انه وفى لياسمين واستعاذ بالله م الشيطان وبدأ يذاكر.
..
======================
الامتحانات خلصت،انهاردة اخر يوم فامتحانات
الترم... سارة وياسمين طالعين مع بعض بيتكلمو.
سارة:
انا مش زعلانة عشان محلتش فالمادة...انا زعلانة عشان هو اتجوز بعد م كان بيحبنى
ياسمين: ياسارة اتنيلى هو كان عارفك من اساسه
!بلاش فيلم اسف عالازعاج الى انتى عايشة فيه وفوقى الله يخليكى
سارة: هههههه قصدك انى مجنونة...ماشى
ياجزمة(بتبص بعيد) اهو يونس مستنينا اهو يونس: ها عملتو ايه سارة يعنى..بس ياسمين
تمام
يونس:
يلا كل سنة وانتو طيبين..يلا اركبو
ياسمين: لا مانا هاخد تاكس
يونس: يابنتى اوصلك مافيهاش حاجة...احنا مش
اتفقنا فاخر مكالمة ان نبقى اصحاب ومافيش تكليف ي
اسمين:
اه بس انا...
علاء بالصدفه كانت ايام امتحاناته مع ياسمين
وخارج م لجنته لقى ياسمين واقفه عند باب الجامعه مع سارة/ وواحد غريب!
علاء:
ياسمين!!
ياسمين: (مرتبكة) اهلا ياعلاء..ايه ده انت جدولك
معايا ؟مكنتش اعرف
علاء: م احنا عشان مش بتنكلم(بيبص ع يونس
وعربيته)
يونس:
يلا ياياسمين
علاء: يلا فين؟ انت مين؟
ياسمين: ده يونس اخو سارة..وده علاء يايونس
يونس: اه اهلا وسهلا ..ها هاتركبى؟
علاء: لا منعطلكش يا اخ يونس اتفضل انت اشارتك
حمرا..هى هتروح معايا
يونس: اوك...سلام ياجماعة
يونس مشى ومعاه سارة وعلاء التفت لياسمين..
علاء:
كنتى هتركبى معاه فين ياياسمين؟
ياسمين: كان هيوصلنى..ايه عادى مكانش هياكلنى
يعنى اخته معانا
علاء:
والله!! ودى اول مرة ولا كان ف قبل كده
ياسمين:
لا ممكن مرة قبل كده وبس..ف ايه ياعلاء هو تحقيق
علاء: لا مش تحقيق..اتفضلى عشان اركبك تاكسى
علاء متدايق من ياسمين وحاسس بحاجة غريبة من
ناحية الشخص ده، اما يونس فهو استلم سارة اخته اسئله..
سارة:
ده واحد هى مرتبطة بيه من ايام الثانوية وبيحبو بعض خالص
يونس: اممممم وهى بتحبه ؟
سارة: ايوة خالص يونس: بس مش مخطوبين مش كده؟
سارة: لا لسه
يونس:(بيضحك ضحكته الغريبة) حلو اوى الكلام
ده..اوى
============================
امل رجعت بيتها لاقت عبدالله نايم جوه ..اتخضت!!
وبعدين صحته من النوم
امل: انت جيبت امتى؟
عبدالله: جيت فطيارة 11 الصبح
امل:
ومقولتش ليه من امبارح
عبدالله: يعنى كنتى هتعملى ايه..كده احسن ياشيخة
تيجى تلاقينى موجود ع فجأة اشوف كده مفجأة حلوة ولا وحشة واشوف اثارها ع وشك امل:
وانت شايف ايه
عبدالله: انا شايف نفس البصة هى هى كأنى
مسافرتش..انتى عارفة الستات بتعمل ايه وبتقابل اجوازها ازاى ..بيبقو عايزين يفرشو
الارض رود
امل: ده لما بتكون الست مرتاحة فجوازتها دى
ياعبدالله ومبسوطة مع جوزها ، عايزنى اقابلك ازاى يعنى؟
عبدالله: تتططى م الفرحة تجرى عليا وتحضنينى
امل: يعنى انت الى قمت وحضنتنى قال يعنى وحشاك
وعملتها من ورا قلبك..ده انت غايب بقالك 4 شهور كانك ماشى امبارح
عبدالله:
مش فاهم الجمله دى ده مدح ولا ذم
امل:
لا ابدا مدح فينا احنا الاتنين عشان مافيش زيينا عشاق
عبدالله:بتتريقى!! ليه واحنا ايه؟
امل: احنا ايه!! انت بتسأل؟ حمدلله عالسلامة
ياعبدالله
امل خرجت م الاوضه وهى متدايقه..بس عشان عبدالله
عمره م حس بيها اخد كلامها بلا مبالاه.. و طفى النور..ونام!! i
==•••====••===••====••===••===••===•••==
#أمل_بكرة
#بقلمى_نوراسماعيل
استنوحلقه
بليل
ليست هناك تعليقات:
إرسال تعليق