"سميتك حياتى..فلا تغيبى!! "
المشفى
قد ملئ بالمصورين والمخرجين التى تعاملت معهم سيفا والذين اتو لزيارتها فور سماعهم
الخبر. وقد اتت بعض عارضات الازياء التى ايضآ كانت زميلتهم بعمل بعض العروض،ولكن
لا احد استطاع رؤيتها لانها تحت الملاحظة المشددة. الطبيب المعالج يخبر داليا
وكريم بأن يجب عدم التأخير بالسفر لاجراء العمليه لسيفا لان كل تأخير وبه خطورة ع
حياتها.
كريم
يحاول جمع المبلغ الازم للسفر وللعمليه ،فهو باع قطعة ارض من ارضة التى ببلدة حتى
يغطى التكلفة لان كل سيولة كانت معه اشترى بها شقته الحالية. داليا تعترض ع تحمل
كريم لنفقات السفر بالكالمل فيخبرها انها لن تتحمل كل المبلغ لانه كبير وايضآ يجب
ان يقف بجانبهم فلابد من تعاونها معه ونسيانها الخلاف الذى بينهم لاحتياج سالى
لهما معآ. بعد جلب كريم للمبلغ المطلوب،يذهب لمنتج فيلمه ليوقف التصوير حتى رجوع سيفا
بالسلامة،واثناء تواجده هناك يقابل وليد..فيخرجا سويآ ليتحدث معه
.
وليد: المبلغ الى انت جايبه ده كبير اوى
كريم: ماهو عشان يغطى تكاليف السفر والعمليه
وكده ياوليد.محدش ضامن الظروف
وليد: واتصرفت منين بقى؟
كريم: السيولة الى معايا مكفتش،بعت حتة ارض
صغنونة فالبلد
وليد: بعت الارض!! انت اتجننت ياكريم ك
ريم:
المحامى بعهالى بسرعة عشان سيفا لازم تسافر بأقصى سرعة وبعتلى الفلوس لانى مقدرتش
انزل
وليد: طب وهى عاملة ايه دلوقت؟
كريم: مش عارف اقولك ايه ياوليد..كلها مربوطة
بشاش كأنها متكفنه صعبانة عليا اوى
وليد: قول كده بقى انها صعبانة عليك..وانا الى
افتكرتك حبتها ياشيخ
كريم:
لا حب ايه،يااااااااااه فكرتنى بالحب ياراجل..اهو عارف البنت الوحيدة الى حبيتها
جت المستشفى وقالتلى كلمتين زى السم مانت شوفتها وليد: ماخدتش بالى والله،قالتلك
ايه؟
كريم: قالتلى..مرة واحدة متخسرش حد محتاجك مرة
واحدة اتحمل مسئولية ومتهربش..رجعتنى 7 سنين لورا لما سبتها مرة واحدة ولا قولتلها
انا رايح فين ولا حاجة وهربت فعلا ع رائيها..بس كله بسبب عمى الله يرحمه بقى خسرنى
اغلى حد فحياتى
وليد: يلا الله يرحمه،عشان كده انت واقف جمب
سيفا ؟
كريم:
مقدرش اقولك كلامها وجعنى اد ايه كأنها حطتنى قدام مرايه ووريتنى فيها شكلى وانا
حمار وغبى ومش بقف جمب حد ،انت عارف لما قالتلى الكلمتين ووجعونى قدرت ساعتها لما
وجعت سالى بالكلام وانا مش حاسس وهى اكيد قطعها كلامى عشان بتحبنى
بجد..(يتنهد)يارب تقوم بالسلامة وتسامحنى
وليد: انشاءالله ياصاحبى..تفاءل خير
****************************
مريم
ويحيي عند ندى وعلى بمنزلهم يحتسون الشاى ويتسامرون حول الكثير من المواضيع.. ندى:
متعرفيش حاجة عن سالى بما انك فالاعلام؟ مريم: بيقولو هتسافر تعمل عملية برة
ندى: ربنا ياخد بيدها يارب
يحيي: مش دى البت الحلوة الشقرا الى عملت كليب
مع الواد الصايص ابوعيون زرقة صاحبكو ده الى كان غريم على اخويا هههههههههه
مريم:
نعم نعم يااستاذ يحيي مين دى الى حلوة
يحيي:
بتغيييييييير عليا وبتغير عليا
مريم:
متغيرش الموضوع لو سمحت..ايه عجباك يابشمهندس ولا ايه
يحيي: ورالله ابدآ ابدآ ده انا بغيظك
ياجميييييييييييل مريم: ايوة كده اتعدل
يحيي: طيب ماتريحى امى بقى ويلا نحدد معاد
الشبكة
مريم: ياندى احضرينا..عايز نعمل شبكة كبيرة
ويجيبلى فستان ومعازيم وهو لسه خارج من شبكة سودة طلعت عينه وبيعته الى وراه والى
قدامه مش نسنتى لما يقف ع رجليه من تانى!
يحيي:
ياست هو انا قولتلك انا مش لاقى اكل وبعدين والله مستورة والشقة تقريبآ خلصت مش
فاضل غير العفش الى ع ذوقك والعروسة الى هى سيادتك
ندى:
يحيي بيتكلم صح انبسطو دلوقتى وعيشو ايامكو ،وهو مدام اقترح الخطوبة تبقى دلوقتى
يبقى عارف ظروفه ياستى مريم: كده ياندى وانا الى فاكرة هتيجى فصفى عالواد ده يدخل
على من باب الشقة يحمل دمية كبيرة ع هيئة دبدوب..
على:
مين الواد ده الى مزعلك يامريوم
يحيي:
انا يابو حمدى انا على: حمدى مين ياض؟ يحيي: انا فاكر انتو عايزين تسموه حمدى ولا
شوقى
على:
لا ظريف يابن الظريفة
يحيي: ولد...عيييييييييب اخوك الكبير ياولد يضحك
الجميع واثناء ضحكهم..تصرخ ندى مرة واحدة
ندى: الحقنى ياعلى!!
يحيي: ايه ف ايه بتولدى ولا ايه؟
مريم:بتولد ايه..دى فالسادس
على:
مالك ياحبيبتى سلامتك...مريم لبسيها بسرعة ع بال مااحضر العربية نروح لدكتور
مريم: حاضر..سلامتك ياندى ياحبيبتى
**************************
يذهبو الى الطبيب فيكشف ع ندى ويلومهما.
.
الطبيب: ازاى وصلت للشهر السادس ومكشفتش ولا مرة
على: هى يادكتور كانت رافضة الطبيب: حضرتك
متعلمة مش كدة
ندى:
ايوة
الطبيب: طيب متعرفيش ان المتابعة لازمة
فالحمل..خصوصآ اول حمل ده
ندى: دكتور انا كنت كويسة ومكنتش تعبانة عشان
اكشف هو ف حاجة ولا ايه..البيبى كويس؟
الطبيب: طيب ياستى مافيش حاجة..ابنك كبير حبتين
عشان كده حركته تعبتك..هتاخدى الفيتامينات دى وتجيلى كل اسبوع اتفقنا
ندى: اوك حاضر يهمو بالخروج،فينادى الطبيب ع
على.
الطبيب: استاذ على..لحظة من فضلك على ينظر اليهم
فيخرج يحيي ومريم وندى ,,وهم قلقين حتى يخرج على فيسألوه.
الطبيب: مخبيش عليك..حالة مدام ندى حرجة ونادرة،
انا مرضتش اقولها الكلام ده عشان متقلقش لان واضح انها قلوقة جدآ
على:(يضطرب
على ) خير يادكتور...قلقتنى
الطبيب: انشاءالله خير...الجنين برة الرحم!!
على: نعم
الطبيب: دى حالة نادرة من الحالات الى بنقابلها
كل فترة..وضع الجنين مش خطير ممكن يعيش لحد التاسع بخير المشكله مش هنا
على: اومال ف ايه
الطبيب:
المشكله ف الولادة...ف خطر كبير ع حياة الام..فارجوك اول يوم هتتم ف التاسع حضرتك
تجيلى وتجيبها نعمل عمليه قيصيرية فورآآ
يخرج على وهو يمسح دموعة ويتماثل انه بخير
فيسألوه عن سبب مناداة الطبيب له فيخبرهم بأنه اخبره بأن يجب ع ندى ان تستريح هذه
الفترة لانها حملت بعد فترة من الزواج..وقد اخفى الحقيقة. بالمساء.
.
بعد تناول ندى العشاء برفقة على بمنزلهم...يجلسا ليشاهدا التليفزيون سويآ. كلما
تعالت ضحكات ندى وهى تشاهد..كلما نظر اليها على بعين حزينة تخفى هم كبير فيقوم
بأحتضانها بشدة وهى مستغربة احواله
"مردد بداخله ..متسبنيش انتى حياتى!! "
"بداية
ونهاية.."
داليا وكريم..لم يبرحا المشفى من تواجدهم بجانب
سالى طيلة الوقت حتى يتم سفرهم بالخارج. سالى تبدأ ان تفيق وتتمتم ببعض الكلمات ك
" عايزة اشرب_ انا فين_ دماغى وجعانى اوى_مش حاسة بجسمى "
داليا تفرح بشدة عندما تراها وهى تتحدث بعدما
نقلوها بغرفة عادية وكانت هى برفقتها..
داليا:حبيبتى انتى فوقتى؟
سالى: داليا!! تعبانة ياداليا اوى..انا مش فاكرة
حاجة خالص
داليا:
معلش متجهديش نفسك دلوقت يدخل كريم عليهم الغرفة..حمدلله ع سلامتك ياسالى
سالى: تنظر الى كريم فتتذكر كل ماحدث لها معه
قبل الحادثة للحظات فتغضب بشدة وتطلب من داليا ان تقوم بطرده خارج الغرفة..
يخرج كريم وهو حزين جدآ ولكنه يعذرها ع ردة
فعلها فهو كان متوقع. تتحسن صحتها بعد يومان فيأتى المقدم من هيئة المباحث ليكمل
استجوابه معها .
الضابط: انسة سالى حضرتك ممكن نعرف سبب انتحارك
فتمام الساعة 3:45 دقيقة صباحآ تقريبآمن يوم الثلاثاء الموافق .....؟
سالى : انا منتحرتش!! انا كنت واخدة دوا مهدئ
بنسبة كبيرة وكنت واقفة ع سور البلكونة وتقريبآ اختل توازنى بس كده
الضابط: يعنى انتى منتحرتيش؟
سالى: لا ..هنتحر ليه يعنى
الضابط: احنا استجوبنا الاستاذ كريم عثمان
وقالنا انكو كان ف بينكو خلاف ع الشغل قبل الحادثة مباشرة..ده صحيح؟
تقاطعهم
داليا..ايوة ياحضرة الظابط م احنا قولنالك انهم اتخانقو ع الشغل (تشير لسالى
بعيناها)
الضابظ: لو سمحت ياانسة داليا ..سيبينى اسمعها
هى،انتى قولتى افادتك قبل كده
سالى : ايوة ده الى حصل ياحضرة الظابط..كانت
مشكلة عالشغل مافيش حد عمللى حاجة
الظابط:اوك
ربنا يقومك بالسلامة...عن اذنك
داليا تقترب منها: احنا هنسافر انهاردة بليل
عشان تعملى العمليه انشاءالله وترجعى زى الفل
سالى:
اوك ياداليا بس كريم ميجيش معانا .مش عايزة اشوفة خالص
داليا:(تضطرب
داليا) طيب الى تشوفيه
سالى: وانا انشاء الله لما ارجع ابقى احاول
اردلك الفلوس الى هتتكلفيها كلها
داليا: (تتوتر)بس انتى قومى بالسلامة بس وملكيش
دعوة بأى حاجة..
***********************************
مريم وندى يتسوقا ليشتروا فستان خطوبة مريم
والشبكة برفقة يحيي ووالدة ندى.
مريم: انا بجد ده اسعد يوم فحياتى ،كان نفسى
ماما تبقى معايا
ندى: ماهى ماما فعلا معاكى واحنا كلنا جمبك..الف
مبروك ياقمر هتبقى احلى عروسة
مريم:
تسلميلى يارب
يحيي: ها...استقريتو عالفستان ده...عشان اروح
ادفع
ندى: اه ده يحيي: طيب كويس انكو اختارتو ده لانى
بحب اللون الموف ده
الام:
يلا بينا بقى ع محلات الدهب قبل ما تقفل...هنجيب من عند المحل الى جبتى منه ياندى
انتى وعلى
ندى: اه ياماما كنت هقولك يذهبو لمحل الذهب
ويختارو الشبكة سويآ ومريم باقصى مراحل السعادة لديها وهى تختار دبلتها
بنفسها..وتختار دبلة يحيي وتضعها بيده . يفرغا من شراء الذهب..ليذهبو الى القاعة
التى حجزوها واختارتها مريم قليلة التكاليف واشارت مريم الى الاشياء التى ترغب بها
ان تكون بالحفل وع مكان الكوشة وغيرها... يمشى يحيي ممسكآ بيدها ومن حين لاخر يحمل
يد مريم ليقبلها وهى تخجل منه فهو يشعر بأن الله قد عوض صبره بمكافأتة لمريم،
بينما ندى ووالدتها يراقبانهما ويضحكا من الخلف. يكمل يومهم بالنزهة النيليه بأحد
القوارب بناء ع رغبة ندى التى كانت تريد هذة النزهة ويتصورو معآ بالهاتف الخلوى
لتصبح لهم ذكرى جميلة لن ينسوها ابدآ..
**********************************
عالصعيد
الاخر.. داليا وسالى سافرا الى لندن..بينما جلس كريم بآخر الطائرة يراقبهم من بعيد
بناء ع طلب سالى واتفاقآ مع داليا بأنه سيرافقهم هذة الرحلة حتى رجوعهم دون علم
سالى. بالفعل لم تلاحظ سالى وجوده تماما,,التى نقلت ع كرسى متحرك من القاهرة الى
لندن ومن المطار الى المشفى عالفور. اجريت لها عمليه دقيقة للعمود الفقرى ع يد
اكبر الاطباء هناك ..داليا وكريم بأنتظارها بالخارج ع احر من الجمر ،داليا ممسكة
بالقرآن الكريم تقرأ وتدعى لها وهى ترغم نفسها ع عدم البكاء.
كريم لاول مرة قلبة غير مطمئن ومشغول عليها،ففى
فترة اجراء العمليه تذكر كل مافعلته معه وكل مواقفها الجميلة.. يتذكر ضحكاتها
وابتسامتها وصمتها وتقليدها له ببعض كلماته وتقليد مشيته وانها السبب الاكبر بما
فتح الله عليه الان من رزق واسع وشهرة لن يحلم بها.يتذكر وجودها بجانبه بمنزله
وانه بعد فراقها احس بالوحدة كثيرآ. تدمع عيناه ويمسك بمذكرتها التى لم تفارقه منذ
هذا اليوم . يقرأ بها تارة.
..ويتذكر
تارة فيضع يده ع قلبه ليشعر اخيرآ انها من تستحقه اكثر من التى تمسك بها وتخلت عنه
والان لا يعنى لها شئ. ينظر الى داليا فيحتضنها وعيناهم كلها دموع..فيخرج الطبيب
بعد ساعات من دخول سالى بوجه عبوس بعض الشئ ليخبرهم: بأنهم قد فعلو م استطاعو عليه
ولكن... العملية قد فشلت...وقد اصبحت سالى
مشلولة
:o
#ايام_الضحك_والدموع_ج2
#بقلم_نوراسماعيل
"وقد اصبح عالمى...كرسى! "
عادت سالى وداليا الى مصر ومعهم ايضآ كريم بعدما
حطمهم جميعآ خبر عجز سالى الذى سيلازمها طيلة حياتها. تنتظر سالى بالمطار العديد
من المصورين والصحفيون الذين عاملتهم سالى بأزدراء نظرآ لحالتها النفسية السيئة
التى تعيشها بسبب ماحدث لها. هنا وزوجها بانتظارها بالمطار بعدما تابعت حالتها
تيلفونيآ مع داليا وقد اصابها الحزن الشديد لما فقدته صديقتها.
واثناء وجودهم بالمطار وابتعاد سالى عن كاميرا
المصورين تفاجأ بهبوط كريم من نفس رحلتهم فتغضب بشدة وتقوم بنهر داليا.
.
سالى : انتى ازاى تخلى الحيوان ده ييجى معانا...وانا معرفش ياداليا
داليا:(بخجل) كان لازم ييجى ياسالى ..هو الى قام
بكل مصاريف الرحلة والعملية
سالى: ايه!!
داليا: متتخضيش كده..كان لازم يدفعهم انتى ناسية
انك ليكى مبلغ كبير عنده وغير كده لا انا ولا انتى معانا السيولة الكافيه (ثم تقوم
بالهائها) بصى هنا صاحبتك واقفة مستنياكى
تلوح
لهم هنا وتقوم بعناقها بشدة ودموعها تسيل ع شعر سالى ويقوم زوج هنا بحملها الى
سيارتهم لتوصيلهم الى المنزل. كريم يقف من بعيد ويشاهد الموقف وهو يخبئ دموعه عن
الصحفيين وبعد رحيلهم يهرول الى خارج المطار كى يتفادى اسئلة الصحفيون له. هنا
تجلس بالخلف بجانب سالى ممسكة بيدها اما داليا فهى بالامام مع حسن.
سالى:
شفتى ياهنا! رجعنى كريم بكرسى شفتى وصلنى لايه كريم
هنا:(دموعها تغرق وجهها) متزعليش ياسالى هنحاول
تانى وتالت وهتقومى ع رجلك متخافيش
سالى:
اقوم ايه م خلاص...مش كفاية انه حطم حياتى وخلانى افقد ابنى الى كنت بترجاه من
الدنيا يكون لى عيلة وناس لا وكمان حطم مستقبلى انا خلاص لا هعرف اشتغل تانى ولا
ابقى حاجة..(تنظر ناحية نافذة السيارة) حسبى الله ونعم الوكيل فيك ياكريم تحتضنها
هنا بشدة وتمسح لها دموعها بيدها..
*********************************
اليوم
حفل خطوبة يحيي ومريم.. على قد استيقظ مبكر عن ندى ولم يذهب الى مكتبه فهو استيقظ
ينظر الى ملامح ندى وهى نائمة ويتحسسه بأصابعة فيوقظها..
ندى:
على...ايه الى مقعدك كده
على:
كنت بتأمل جمالك ياروحى
ندى: جمالى!! هههه كده عالصبح ..ربنا يخليك
ياعلى هقوم احضرلك الفطار
على : لا خليكى انا الى هعمل كل حاجة متتعبيش
نفسك
ندى: ع ايه تعبك راحة...عشان بس نلحق نجهز واروح
لمريم الكوافير وانت تبقى مع اخوك
على
: طب خلينى ابص فوشك شوية
ندى: ليه؟ هو انا هسافر ولا حاجة ههههههه
على:(يحتضنها
ع غفلة) متقوليش كده انتى هتفضلى تنورى حياتى طول عمرك
ندى:(تندهش من فعل على الغريب وحديثه) ف ايه
ياعلى قالبها تراجيدى كده ليه...اوعى ياعم انا مش فاضيالك انا خت العروسة انهاردة
على:(ينظر
لها بأبتسام) مهما جه اى حد العيلة دى هتفضلى احلاهم حتى لو كانت مريم العروسة
انتى بردو احلى منها
ندى: ايه البكش الى عالصبح ده..(تخرج خارج
الغرفة وهى تتحدث) هتخلينى اتغر واتعود ع الكلام ده منك بقى
على:(يتمتم)
طول عمرى هفضل احبك..يارب مد فعمرها عشانى يارب.. الساعة ال 7 ندى ومريم بالكوافير
ومريم ف منتهى تألقها اليوم وينتظرو يحيي ليقبل لها ويأخذها ودقات قلبها تسرع..
بينما ارتدت ندى فستان بنفس لون مريم حتى يعلم المدعوين انها اخت العروس ،وتقوم
برش الورد ع مريم بعدما انهت اللمسات الجماليه لها وقد اصبحت جاهزة للذهاب الى حفل
خطوبتها. يأتى يحيي وهو متضطرب تماما ع عكس احساسه بخطوبته الاولى.
.فهذة
المرة قد احب بصدق..والده ووالدة ندى بأنتظارهم بالخارج ومريم تهبط عالدرج وهى
خائفة فتمد يدها الى يحيي فيمسكها ويقبلها ويحملها الى السيارة فيفرح الجميع
وتتعالى الزغاريد وترش الورود ندى وعلى يقوم بالغناء هو ورفاق يحيي حتى يلتقط لهم
الصور التى تجعل من هذا اليوم علامة جميلة بحياتهم.. الجميع بالقاعة يرقصون
العروسان والاهل والرفاق حتى نصف الليل فينتهى حفلهم بنفس البسمة المرسومة ع كل
وجه قد حضره.
*******************************
داليا
بمنزلها قد فاتت عليها الكثير من الليالى الصعبة منذ رجوعها ،وهى حبيسة مقعد
بعجلات،فقد فقدت حركاتها وشقاوتها حتى فنها وعملها قد فقدتهم..داليا اصبحت معظم
وقتها تخصصه لها بالمنزل وتذهب محلها فترة بسيطة باليوم.. سالى مشغولة بما وصلت
اليه...فهى لاتقبل العجز فتطلب من داليا ان تستأجر محلا بجانب المنزل لتجعله محل
للعب الاطفال موضحة لها انها كلما رأت طفلا يشترى منها لعبة ستسعد بقدر سعادته وهو
ماسيجعلها تجتاز محنتها هذه ،وتوافقها داليا. وبينما هما يتحدثان فأذ يطرق الباب
فيدخل..
.كريم.
سالى: اهلا...اهلا بالباشا الى خرب بيتى وشغلى
وخلانى افقد ابنى واخرة المتمة شلنى والحمدلله...جاى ليه ياكريم تشمت؟
كريم: عندك حق تكرهينى وتقوليلى الكلام ده بس
انا جايلك انهاردة عشان..
.
سالى : عشان ايه؟!
عشان
تذلنى تانى
كريم: لا والله جاى اكفر عن ذنبى معاكى واقولك
سامحنى وارجعى معايا
سالى: ارجع معاك فين...بيتك! معلش مش هقدر..اصل
مبقتش اعرف اديك الى اديتهوك زمان..فاكره؟
كريم: سالى ارجوكى متبقيش قاسية كده قولتلك انى
غلطان وندمان ع الى عملته معاكى وانا اسف
سالى: اسف!! لا حلوة اسف دى اسف دى هترجع رجلى
؟هترجع ابنى ؟ هترجع حياتى ومستقبلى الى ضاعو بسببك ...وع ايه اكتم جوايا واعيش
مهمومة ماكفايه حاجات كتير عديتهالك وانا بلعب دور المظلومة انا من انهاردة بقى
هبقى الظالمة والحاكمة عارف ليه،اصلى فقت ايوة فقت فاقت خلاص الى كانت بتجامل بقت
تعرف تأسى خلاص يعنى من الاخر بقيت زيك ماليش احساس والطيبة ملغية والعشرة تهون
عارف يااخى ع قد م حبيتك ع قد م تعلمت اكرهك/طبعآ حضرتك مستغربنى ومستغرب كلامى
ليك مع انى بفضلك بقيت صورة منك والبركة فيك يارب اكون نلت اعجابك
كريم:
سالى اسمعينى؟تعالى ننسى الى فات انا مقدر الى انتى بتقوليه ده وعاذرك وعارف شعورك
دلوقتى ناحيتى..انا عايزك تبصى لكريم حبيبك مش كريم الى مكانش قاصد يأذيكى
سالى: خلصت كلامك؟! اطـــلع بــرة !!! فاكر
الجملة دى؟
كريم: فاكرها سالى : يبقى يلا بقى وحافظ عالشوية
الى باقيين فكرامتك ....غور من وشى ينظر اليها كريم ويمسح عيناه ويخرج ويغلق الباب
#ايام_الضحك_والدموع_ج2
#بقلم_نوراسماعيل
جميلة جدا
ردحذف