..
علاء فالجامعة الصبح بين المحاضرات ..راح يشترى سندوتش من الكافيتيريا بسرعة قبل م
يطلع عالسكشن الاخير بتاعه . لا وكمان عنده شغل بعد الضهر ولازم يلحق يذاكر شوية
الامتحانات قربت..
علاء: واحد رومى يارمضان...واحد ها رمضان مافيش
غير واحد والاستاذ اخده
رامى: خلاص اتفضل ممكن اخد حاجة تانيه
علاء: لا خلاص..يعنى هو مافيش سندوتش غيره
يسد..بالهنا والشفا ليك
رامى
: لا والله خلاص خده ..انا كده كده شبعت
علاء: شكرآ ليك اووووى هو بصراحة جاى فمعاده انا
كنت جعان اوى رامى: بالف هنا.. علاء:(بيمد ايده لرامى) انا علاء تانيه علوم
رامى:
اهلا ياعلاء...انا رامى
علاء:
كليه ايه
رامى: كليه زراعة قسم محشى ورق عنب!
علاء:
ههههههههههههههههه....لا بجد
رامى:
والله فكليه زراعة..بس انا بحب االش كده كل شوية علاء: اها...(بياكل جامد خلى رامى
يبص عليه باستغراب)
رامى:
يابنى بالراحة
علاء: عايز الحق السكشن
رامى: يعنى هيطير
علاء: اه هيطير ...لازم احافظ ع مستوايا كده
عشان أدخل قسم انا عايزه هو اعلى قسم فالاقسام بيقبل درجات
رامى:
طب تعالى نقعد واحكيلى..
.
========================= أ
براهيم
عند امل فالبيت ...بعد م خلاص قررو الخطوبة تكون اخر الشهر وهى داخلة ع امتحانات.
والد امل وامجد مش بيسمعو ابراهيم فكل مرة ييجى فيها يشرحلهم انهم بييجو ع حقها،
الحاجة دى خلت امل تمر بحالة نفسية وحشة اوى..حتى الجامعة مش بتروحها... ابراهيم:
لاخر مرة يابابا بقولك ذنب البت دى فرقبتك
امجد: انت مبتتعبش من المواعظ ياسى ابراهيم انت
ابراهيم: اسكت انا مش بكلمك انت
الاب: اومال هتتخانقو قصادى ولا ايه
ابراهيم: يابابا اسمعنى...مش من اول عريس كده
نلزقها ف..امل لسه صغيرة وحلوة والف يتمنوها
امجد: طب نعمل ايه اذا كان اختك مش بيجيلها حد
وقاعدة فرقبتنا زى الهم..وابن عمك ده بس الى اتكلم عليها
الاب: امجد!! عيب تتكلم كده عن اختك...ابراهيم
ابن عمك ميتعيبش
ابراهيم: عارف انه ميتعيبش...بس مش لاختى لو
عاوز عروسة عبدالله انا اجيبله
امجد:
هتجبله مين ياسعادته الخاطبة!
!
الاب: امجد:!! لاخر مرة هقولك اخرس فوجودى امجد: حاضر يابابا
الاب: بس هو عايز اختك...يعنى مش بيدور وخلاص
ابراهيم: وهو عرف اختى امتى
الاب:
ابراهيم...انا لما بقول كلمة مافيش كلمة بتتقال بعدى، دى بنتى ومحدش يعرف مصلحتها
قدى وانا مش هرميها ده انا هخطبها لحد عايزها وهيقدرها..خطوبة امل اخر الشهر وهنقرا
الفاتحة بكرة..لو هتحضر
ابراهيم: كده!! طب سلامو عليكو وذنبها فرقبتكو
أمل واقفة برة بتسمعهم وبتعيط جامد..واخوها خارج بتمسك ايده..
أمل:
هتسيبنى اتجوزه ياابراهيم؟
ابراهيم
معرفش يقول حاجة ومشى وساب امل لوحدها..زى م طول عمرها لوحدها.
.
=====================
رامى وعلاء اتصاحبو فوقت قصير اوى..ورامى عرف
ظروف علاء فعرض عليه ييجى يذاكر الفترة بتاعت الضهر دى عنده بما ان بيته قريب م
الجامعة..وكمان عشان يطلع ع شغله ع طول. رامى شغال كلام فالفون ومش بيذاكر..علاء
بيبص عليه بضحك وبيكمل مذاكرة
.
علاء: يابنى نزل الفون من ع ودنك وارحمنى وتعالى ذاكر
رامى: هو انا مقولتلكش؟؟انى الشهير بروميو
علاء: والله!! وسى روميو ده معندوش مذاكرة ولا
امتحانات
رامى:
ومين يلاحق عالبنات...دول يبوظو من غيرى
علاء: بنات!! هى مش واحدة وخلاص
رامى: واحدة ايه..انا معرفش اعيش من غير م اصاحب
5 /6 مع بعض فنفس الوقت وولاواحدة بتشك لحظة انى بعرف واحدة عليها..ولما بحب اغير
الصنف ..بلح
علاء:
تغير الصنف..هههههه الله يهديك
رامى: اومال البرنس مالوش فيها ولا ايه؟
علاء:
لا ياسيدى هى واحدة ومبلحقش اكلمها اصلا ههههه بتخبط الباب اخت رامى
.."رحاب"...
جايبة شاى وبتناول رامى من ورا الباب . بيلمح علاء ان اخت رامى ملتزمة
ومنقبة...بيستغرب.
رامى: اتفضل ياسيدى الحجة رحاب عملاه بنفسها
علاء: اختك؟!
رامى:
اه
علاء: غريبة
رامى: ليه
علاء:
يعنى شكلها ملتزمة وكده...وانت !
!
رامى: يابنى دى اختى مش انا هى عايزة تبقى شيخة..وانا عايز ابقى كده..جينات
علاء:
خاف عليها علاقل ..دى بنت ..والى بتعمله فبنات الناس ده مش كويس
رامى: يامعلم...اختى عمرها م كلمت ولد ومتربية
كويس اوى وملتزمة..حتى المدرسة مش بتروح غير عالامتحانات ..ده انا نسيت شكلها ياعم
انت،،، اشرب الشاى
علاء بيبتسم ...وبيرجع يذاكر تانى عشان يلحق شغل
ه
===================
الامتحانات خلصت وامل اتخطبت خلاص
لعبدالله...وبعدها سافر ع طول عالسعودية ... امل واحدة م البنات التعيسة المغلوب ع
امرها فالدنيا دى ورضيت بامرها الواقع.. وفيوم فالترم التانى ليهم وبعد نهاية اخر
يوم دراسى .. سارة قاعدة فاوضتها بتبص من شباك اوضتها ع جارهم ده وقاعدة بالساعات
سرحانة وبتكلم نفسها..فبيدخل عليها يونس اخوها.
.
يونس: صاحية؟
سارة: اه تعالى
يونس:
ايه اخبارك واخبار البنات صحابك فالكلي
ه
سارة: كويسة...وامل اتخطبت صحيح
يونس: اتخطبت!!
سارة: اه
يونس: امممممم...بتحبه
سارة:
معرفش..بس هى مش مبسوطة
يونس: طيب حلو اوى ده...بكرة انا هاجى بعد اخر
محاضرة ليكى اخدك واخدهم وافسحكم فسحة متنسوهاش ...بمناسبة الخطوبة طبعآ
سارة:
الله!! ماشى... بس عالله يوافقو يونس: لا هيوافقو متخافيش
سارة:
طيب...تصبح ع خير
يونس:(بيضحك ضحكة غريبة كده) وانتى من اهلة
==========================
☻☻☻ تانى يوم.. وفمعاد
م مستنى يونس سارة اخته تطلع م الجامعة هى واصحابها عشان يخرجهم زى م قال .
سارة: يابنات يونس هيفسحنا انهاردة
ياسمين:
واااااااااااو...بس لازم اخد اذنهم فالبيت الاول أمل: بمناسبة ايه نتفسح يعنى
يونس: بمناسبة خطوبتك الى معزمتيش حد
عليها..واضح انك بخيلة وكنتى مش عايزة حد يشرب الشربات بتاعك
أمل:لا والله مش موضوع بخل بس هو الموضوع جه كده
يونس: طب ياستى مبروك...اركبو يلا
أمل: انا متضرة ارفض العزومة دى لانى مش بخرج مع
حد معرفوش
سارة:
ايه يا امل عيب عليكى ده اخويا يعنى اخونا كلنا امل: بس انا حقيقى مينفعش اجى
معاكم..زمان ايمن مستنى برة..
ياسمين: ايه ياامل مجاتش من خروجة!!
امل: اخرجى انتى ياياسمين...انتى معندكيش الى
عندى ياستى سلام ياجماعة..
.
يونس: بردو كده...طب وانتى ياياسمين
ياسمين: لا هكلمهم وارد عليكو دقيقة واحدة...
اتصلت ياسمين بباباها وخدت اذنه ع انهاخارجة مع
سارة صاحبتها بس مجابتش سيرة بونس فالموضوع ،وباباها وافق ع انها متتأخرش وبعد م
قفلت ع طول لاقت علاء بيرن..
ياسمين: ثوانى ياجماعة ..ارد عالفون ايوة ياعلاء
علاء: روحتى ولا لسه...ف صوت عربيات حواليكى
انتى فين؟
ياسمين: انا خارجة مع سارة ...ليه ف حاجة
علاء:
دلوقت!! الساعة 7 هترجعى امتى
ياسمين: عادى ياعلاء هرجع ع9 كده...انا قولتلهم
فالبيت ووافقو
علاء: طيب خدى بالك من نفسك..ولما تروحى كلمينى
ياسمين: اوك...باى
ركبت
العربية وخرجو كلهم...مع ان الخروجة كانت معمولة لامل بس امل مخرجتش معاهم عشان
ظروفها طبعآ.. راحو الاول الملاهى لعبو وفرحو وضحكو وياسمين كانت مبسوطة اوووى
ويونس كمان ..واكيد سارة الى ملهاش اخوات بنات واعتبرت ياسمين وامل اخواتها. بعد
الملاهى راحو كافيه يشربو حاجة وطبعآ كل ده ويونس بيحكى مع ياسمين وبيعرف حاجات
كتير عنها وهى كمان بتتكلم معاه وسارة بتسمعلهم .
.
يونس: ياستى فرق السن بينى وبين سارة مش كبير ...يدوب 15 سنة
ياسمين: 15 سنة!!...بس ده كتير اوى فرق سن . هى
والدتك كانت نسيت تخلف واكتفت بيك وبعدين جت سارة غلطه ههههههه سورى ياسارة
يونس:
ههههههههه لا ياستى ماما خلفت بعدى مرتين بس اتوفو عند سنة او حاجة زى كده تقريبا
وبعدين جت سارة الدلوعة بتاعتنا
ياسمين:
طب متجوزتش ليه لحد دلوقت اظن ان عندك 33 او34 سنة المفروض تكون خطبت عالاقل
يونس:
عشان اتلهيت فالبزنس بتاعنا وكبرته وبقالى البزنس بتاعى الخاص بيا
باسمين: اها (فونها بيرن بتطلعه من الشنطة لاقته
علاء) اوووووووف بقى سارة: ف ايه؟
ياسمين: لا ابدآ ...عن اذنكو ،ايه ياعلاء؟
علاء: ايه ياعلاء!! بالراحة بشوفك وصلتى ولا لسه
ياسمين:
لا انا لسه برة
علاء: الساعة 9 ونص ياياسمين...مينفعش تفضلو
لبعد كده وانتو بنات برة
ياسمين: حاضر حاضر اهو هقوم اروح لما اوصل هكلمك
..باى
يونس: ف حاجة؟
ياسمين: لا بس بيستعجلونى فالبيت...مش يلا بينا
سارة: فعلا الوقت الحلو بيسرق ...يلا بينا
========================
فاليوم
التانى وياسمين فالكلية مع امل وبتحكيلها عالخروجة .. تليفون امل بيرن ..مرات
اخوها هبة! هبة: امل الحقينى امل: مالك...ف ايه ياهبه هبة: بولد...واخوكى فبورسعيد
بيخلص شحنة عربيات جاياله من الجمرك وامى مش بترد عالموبايل امل: طب انا جاية حاضر
... امل بتاخد تاكسى ومعاها ياسمين وبتوصل لبيت هبة بتلاقى هبة تعبانة خالص فبتتصل
ع مامتها تقولها وع امجد عشان ييجى يساعدهم تروح المستشفى
امل: اوك يا ماما تعالى ع هناك...هاتى خالتو
عشان مش بترد عالموبايل يمكن نايمة قوليلها وتعالى ..هكلم امجد انا دلوقت ييجى..
بتتصل ع امجد.. امل: الو ياامجد تعالى حالا ع بيت ابراهيم هبة بتولد
امجد: انا بخلص ورق مش فاضى
امل: يعنى مينفعش تسيب الى فايدك وتيجى
امجد:
والله م فاضى ..بخلص ورق لجواز سفرى...شوفى ماما
امل: خلاص سلام ياامجد بتقفل امل وهى بتقول مع
نفسها..امجد ده ممنوش رجا ابدآ ..اعمل ايه ياربى لازم راجل معانا
ياسمين: انزلى هاتى تاكسى وانا وانتى نسندها لحد
تحت يلاااا مافيش وقت هى تعبانة اوى
امل: حاضر
امل نزلت ..واول م نزلت تجيب تاكس وهى مخضوضة
مصطفى بيشوفها فبييجى ناحيتها وبيسألها مالها؟ ولو يقدر يقوم بخدمة..
امل جاتها فكرة مجنونة...ماهى مش عارفة تعمل ايه
،بتبص لمصطفى وبتقرر تنفذ فكرتها!!..
امل: مصطفى انا اسفة انى هطلب منك طلب زى كده بس
انا مش عارفة اعمل ايه
مصطفى:
انا تحت امرك...ف ايه
امل: مرات اخويا بتولد وابراهيم مش هنا وامجد
كمان وانا لوحدى ولسه ع بال م ماما م تيجى هتكون تعبت هبة اوى ف لو ممكن...
مصطفى:
متكملبش...(بينادى ع واد من صبيان المحل) ولا لو حد اتصل وعازنى قول وصل مشوار
ومتسلمش طلبات انهاردة لحد م اجى ...يلا جدع
الصبى: حاضر يااسطى
مصطفى وقف تاكسى وطلع جاب هبة وسندها مع البنات
لحد التاكس وطلعو عالمستشفى .... فالمستشفى اول م دخلو وقفو مصطفى عشان البيانات
وحاجة تحت الحساب طبعآ...اصلها مستشفى استثمارى.. طلعو هبة وجهزوا اودة العمليات
بعد م كشف الدكتور ولاقاها فعلا هتولد دلوقت.. امل واقفة قلقانة ع هبة وياسمين
كمان...مصطفى بيخطف نظرة لامل من تحت لتحت من غير م تاخد بالها ويرجع يبص فالارض
تانى مامت امل وصلت وخالتها والدة هبة وقاعدين مستنين برة..
مصطفى بيبص لامل وعايز يحكى معاها..اى حاجة مش
عارف يتلكك بأيه راح ناحيتها هى وياسمين.. مصطفى متقلقيش خير انشاءالله(بعد كده
بيبص ناحية مامتها) متخافيش ياطنط
الام: يابنى اصل ده اول مرة اتحط فموقف زى كده
ربنا يقومها بالسلامة..تعبناك يابنى
مصطفى: لا ازاى ده ابراهيم اخويا ومراته اختى
أمل: بتبصله وتبص لدبلتها وعنيها كلها
دموع...ياريتها كانت دبلته هو بدل عبدالله..
بتسأل
نفسها يارب ليه حبه كل يوم عن يوم بيكبر جوايا وانا مقسومة لغيره..اكيد دى حكمتك
يارب ولا اعتراض...واكيد زى م حبه بيكبر جوايا رغم ان لواحد تانى وكل يوم حاجة
اكتر بتحصل تقربه ليا وبحسها اشارة من الله سبحانه وتعالى.. يبقى ف لسه حاجات
مكتوبالى معاه والا كان اختفى من حياتى بمجرد خطوبتى ومتعلقتش بيه كده !!
===================
#أمل_بكرة
#بقلم_نوراسماعيل
ليست هناك تعليقات:
إرسال تعليق