==••===•••===••==
سارة
فالبيت عند امل ، زارتها بعد خطوبة ياسمين لاخوها..امل بقالها كتير مش بتكلم
ياسمين وسارة جت تصلحهم ع بعض،ده غير انها مش بتروح الجامعة بسبب فترة الحمل
الاولى.
سارة: امل هو انتى مش بتكلمى ياسمين عشان اخويا
خطبها؟
امل: لا طبعآ مش كده (ارتبكت اوى) دى شوية حاجات
كده دايقتنى منها الفترة الاخيرة
سارة: انا عارفة انك مش بتستلطفى يونس بس والله
هو بيحب ياسمين اوى..اخويا اول مرة يحب انا عارفة ..ده من كتر حبه ليها عايز يتجوز
فاجازة نص السنة
امل:
نص السنة!! وياسمين موافقه؟
سارة:
اه موافقه جدآ، بس انا الى متدايقه
امل:
ليه
سارة: انتى عارفة ان بابا متجوز غير ماما وانا
مش هعرف اعيش معاه بعد جواز يونس..ده غير ان ماما عايشة فالكويت ومبتنزلش خالص
امل: طب م تقولى ليونس يأجلها لحد اخر السنة
سارة:
مانا قولتله ان مش هينفع اقعد معاك انت وياسمين الترم ده ولا هعرف اروح فين لو
اتجوزتو ..انا كنت هسافر لماما بعد البكالوريوس هى هتجيبلى وظيفة فالشركة الى
شغالة فيها، لكن دلوقت مش هتنفع
امل:
امممم مشكله فعلا..خلاص انا هكلم ياسمين واقولها تقوله يأجل المعاد لاخر السنة
سارة: بجد هتكلمى ياسمين!! طب هى معايا تحت
وخايفه تطلع تكسفيها
امل: ازاى كده ياسارة لا طبعآ تطلع خليها تيجى
اوااااااام مهما كان الى بينى وبين ياسمين ميروحش بخلاف اهبل طلعت ياسمين وسارة
قدرت تصالحهم ع بعض..امل اقنعت ياسمين بتأجيل الفرح لاخر السنة عشان سارة وياسمين
وافقت وبقو تمام كلهم مع بعض.. ========================
علاء.. مبقاش يضحك، مبقاش يفرح ولا يبتسم ..بقى
بيطلع الصبح عالجامعة ومنها عالمذاكرة عند رامى وبعد كده ينطحن فالشغل لحد 2 بليل
ويروح ينام زى القتيل! هما خلاص فامتحانات نص السنة وهو بيذاكر عند رامى كالعادة،
الى قالقه حال صاحبه وسرحانه ع طول كده وبيحاول يفرفشه ..بس علاء!!
رامى: ايه يابنى السرحان ده كله...ايييييييه يا
جدع
علاء: بتكلمنى؟
رامى:
لا بكلم امى...فينك وايه السرحان ده كله
علاء: مافيش سرحت فحاجة تبع الكتاب
رامى: كتاب برضه!! مش ع بابا ، انت مش عاجبنى
ياعلاء ع طول سرحان ومكشر وعيونك كلها دموع محبوسة..متفضفض لاخوك ياراجل.
علاء: بجد مافيش حاجة..انا تماااااام كل الحكايه
انى خايف..خلاص قربت عالتخرج ومن ثم الجيش وبعدها ياترى هلاقى شغل ولالاء ولا هفضل
طول عمرى عامل فالصيدليه ودكتور مع ايقاف التنفيذ
رامى:
(بيتنهد جامد) يااااااااه لو ع بكره سيبه لربك، لا انا ولا انت عارفين ف ايه
مكتوبلنا بعد كده..انت طبعآ هتستغرب ع كلامى ده بس انا من كتر قعدتى مع الدكتورة
رحاب بقيت شبهها خلااااااااااااص ضاع مستقبلى الكوميدى هههههههههه
ه
علاء: هههههههههههههه رامى: ايوة كده اضحك..انت هتبقى احسن دكتور ياض وابقى شوف
وهتقول روميو قالهالى
علاء: يارب
علاء مش عارف دلوقت ايه الهدف الى بيسعى عشانه
عشان يبقى حاجة...زمان كان بيعمل كده عشان ياسمين لكن دلوقت!! بيعمل وخلاص من غير
هدف قدامه..مجرد آله متظبطة ع اداء شئ معين فبتقوم به
==========================
ابراهيم ومراته عند امل فالبيت.. الايام عدت
بسرعة ودلوقت هى فامتحانات اخر السنة...لاء وكمان فاضل ايام ع معاد ولادتها، ربنا
يستر ..
هبة:
بس خدى بالك يوم م تحسى بحاجة اتصلى بيا حتى لو جوة الامتحان..يغور فداهيه
الامتحان اهم حاجة انتى
امل: حتى البت ياسمين قالتلى كده، اصل جدولنا جى
مع بعض بس ف ايام مختلفة وكمان لجانا جمب بعض، قالتلى لو حسيتى فمرة انك هتولدى
خرجينى برة الامتحان واللجنة ومالكيش دعوة
هبة:
ههههههه اكيد طبعآ يعنى المادة والاستاذ بن عبد الله؟!
ابراهيم: يعنى تروح عليها اخر ترم...هى تبقى
تمسك نفسها واول م تحس ان خلاص البيبى قرب ييجى تقوله عييييييييييب ماما بتحل
دلوقت بعد الامتحان يابا هههههههههههه كلهم ضحكو ومبسوطين عند امل ...عبدالله بقى
شغال اتصالات بيها كل يوم..ف حاجة معطلاه فالنزول بس هينزلها انشاءالله عشان يحضر
الولادة..عبدالله بقى حنين ورومانسى معاها خالص ومهتم بيها كتيروفرق عن الاول
بكتير ..يعنى ابتدت الدنيا تضحكلها شوية! الايام عدت ودلوقتى امل وسارة وياسمين
فآخر يوم امتحانات..
ياسمين: الحمدلله الواد بن الجزمة ده محترم نفسه
ومجاش لحد اخر يوم سارة: هو لسه اخر يوم عدى..وبعدين متشتميش امه هههههه
امل: ربنا يعدى انهاردة بس ع خير وبعدين يبقى
ييجى براحته..الحمدلله مادة انهاردة ساهلة ختامها مسك عشان اخلص واطلع بسرعة
ياسمين:
الحمدلله
دخلو اللجنة وعدى نص الوقت وفاضل نصه، امل
لجنتها جوه وياسمين لجنتها قدامها .. امل حست بحاجة غريبة ، تعبت مرة واحدة وهى
بتراجع الحل وهتسلم الورقه..فجأ بتصرخ !! امل بتولد
المرااقب 1: اتصل بلاسعاف بسرعة
مراقب2: انا قلت لمراقب اللجان ان ف طالبه
تعبانة هنا
امل:
انا بولد الحقووووووووووووووووونى
مراقب: طب خلصتى اجابه؟
امل: انا لا ف الاجابه ولا زفت...اهيه الورقه
ااااااااااااااااه بسرعة
الاسعاف جت وف حركة غريبة فلجنة امل، ياسمين
قلبها حس..وهما مطلعين امل عالترولى ياسمين شافتها وصرخت وسابت الورقه وحاجاتها
وطلعت وراها جرى
مراقب: انتى يابنتى خليكى فامتحانك ياسمين: ياعم
فستين داهيه اسقط اسقط دى امل...يالهوووووووى امـــــــــــــــل
!! =========•••••===============
.الاسعاف جت وخدت امل وياسمين ركبت معاها، امل شغالة
تصرخ الجامعة كلها سمعت صوتها وياسمين متشتته مش عارفة تعمل ايه تطبطب عليها شوية
وتمسك ايدها شويه وتصرخ معاها شوية لحد المستشفى! وصلو المستشفى ..كانت ياسمين
اتصلت بابراهيم اخو امل ومراته ييجو عالمستشفى ،وابراهيم عدى اخد والدته وراحو
كلهم لامل . امل بقالها ساعتين جوه ولسه الدكتور مطلعش.
.الجماعة
قلقانين وبيدعولها. وبعد كده طلع الدكتور وبلغهم ان ربنا ادالهم ولد زى العسل
وصحته تمام وهى بردو كويسه ودخلولها.
ياسمين:
مقدرش يصبر بن امل لحد اخر اللجنة..خلاص ياخويا مستعجل ع نزولك للدنيا اوى
هههههههه
ابراهيم:حمدله ع سلامتك يااحلى اموله..ياناس ف
ام احلى من دى فالدنيا
هبة:(شايله البيبى) الله اكبر الله اكبر نسخه
منك ياامل الحمدلله مش شبه عبدالله فحاجة هههه
ياسمين: ورينى كده!! الحمدلله مخدش الشنب الى
مكرهنى فشكل ابوه ههههههه
ايمن:
هتسميه ياامل ولا هتستنى عبدالله؟
امل: (بصوت تعبان اوى) لا هستنى عبدالله ييجى
ويسميه
الام: ييجى بالسلامة يارب..يتربى فعزكو
ابراهيم:
حلو كده ضمنا عريس للبت امل الصغيرة هههههه
هبة:
مستعجل ياخويا ع ايه بتخطبهولها فاللفة
ياسمين: هههههه بيضمن حقه ياهبةـ وانت عامل ايه
ياايمن بقالى كتير م شوفتكش
ايمن: اهو تمام ،ماشى الحال ياسمين: عايز تدخل
كليه ايه بقى
ايمن:
حقوق زى امل، امل كانت بتورينى موادها وحببتنى فيها اوى
ياسمين:
ياخويا بلا نيله خدنا ايه م الكليات (بتبص لامل) انتى عارفة انى هسقط انهاردة بسبب
ابن عبدالله ده! بس مش مهم اهم حاجة انك قمتى بالسلامة
==========================
بعد اسبوع م الولادة بالظبط... عبدالله جه م
السعودية، وجايب لعب وشنط كتيييييييير لامل وللبيبى؛ امل كانت فرحانة اوى لما
شافته وهو اول م شافها فرح اوى وباسها من راسها ومسك ابنه وخاف يبوسه ليجرح خدوده
الناعمين بس كان فرحان اوى انه بقى اب.
امل: مرضتش اسميه ولا اعمل سبوع غير لما تيجى
عبدالله:
تسلميلى يا ام سيف
امل: هتسميه سيف
عبدالله: اه سيف الدين عبدالله..انا جبتلكو
حاجات كتير اوى عشانك وعشان سيف
امل:
يجيبلك الرزق كله، بس شكلك تعبان عن رجعة كل مرة ياعبدالله
عبدالله: مافيش ده من السفر ، المهم هحضر انا كل
حاجة والعقيقة الى هنعملها وانا الى هعزم الناس انتى متقوميش من مكانك ده سيف مش
اى حد
امل مبسوطة اوى ان عبدالله اتغير وحياتها
استقرت، العقيقة اتعملت والكل انبسط وفرح .
وبعد العقيقة بكام يوم وامل وعبدالله بيتغدو
سوا، امل كانت بتسأله عن شغله واحواله فالسعودة.
عبدالله:
والله مخبيش عليكى، الشغل متعب ومقرف ع اد مانا خريج مؤهل عالى بس اصحاب الشغل
هناك مبيرحموش الشغل عندهم مقدس امل: وامجد اخويا عامل ايه؟ ليه منزلش معاك
عبدالله:(سرح عبدالله وكأنه مخبى حاجة) امجد
مشغول دايمآ
امل: هو ف حاجة انت مخبيها ياعبدالله
عبدالله:
لا مافيش امل: اومال ساكت ليه عبدالله: بصراحة بقى امجد مش عاجبنى..هو تبع المكتب
الهندسى للشركة وشايف شغله تمام
امل:
اومال ف ايه خضتنى
عبدالله:
بصى هو ف واحدة هو بيخلصلها فيلا هناك بنت ناس سعودية وجميلة اوى..الست دى ف ناس
شافو معاها ف اكتر من مكان عام ولما جيت واجهته قالى ظروف الشغل بتحكم اقابلها
كتير ، واوقات كتير كان بيتهرب منى
امل: اممممم(سرحت وقلقت) تفتكر يعنى ايه طيب انا
مش فاهمه عبدالله: معرفش...ربنا يصلح له حاله
امل:
امين يارب.
..
===========================
ياسمين بتحضر لفرحها..بعد م امل شدت حيلها وسيف
بقى عنده شهرين، ياسمين مش مبسوطة اوى . بتمثل عالناس الضحك والفرحة لكن هى جواها
مش مبسوط، حتى لما لبست فستان فرحها كانت متدايقه زى امل مع انها هى الى اختارت
المرة دى..بس مش كل حد بيبين الى جواه بصدق
.
فرحها كان جميل وع اعلى مستوى والكل ف كان مبسوط وسعيد ويونس بعد الزفاف خدها
وسافرو ع باريس ، هى طبعآ عمرها م خرجت برة مصر يعنى كانت اكيد فرحانة من قلبها بس
كانت بتتمناها ..
.مع
حد تانى!
سارة
سافرت لمامتها الكويت بعد جواز اخوها وع اتصال بأمل دايمآ
.
اما علاء... فهو ميعرفش حاجة عنهم خالص من مدة واتصال مصطفى بيه مش كتير عشان ظروف
شغله. وفيوم قرر مصطفى يزوره فالصيدليه ويسأل عن احواله...
علاء: حبيبى يادرش واحشنى وعرف انى مقصر معاك (
وهو حاضنه)
مصطفى:
اناعارف ظروفك ياعلاء متقولش كده احنا اخوات ايه الاخبار
علاء: ماشية بفضل الله..ادينى مستنى جواب
التعيين...الحمدلله م لبستش فالجيش انا م الدفعة الى خدت اعفا
مصطفى: ايوة كده ياراجل هو ده الكلام مبروك ع
الاعفا..طب حاجة ساقعة بقى عشان الاعفا
علاء:
اوووووووووووووام اهو عيونى بيشربو الحاجة الساقعة
وهما بيدردشو سوا جت سيرة ياسمين...
مصطفى: اتجوزت
علاء:(كان بيحط ادويه عالرف ارتبك وارتعش ووقعت
منه علبه علارض) الف مبروك ربنا يتمملها ع خير
مصطفى: عارف ياعلاء...انا مش عايزك تزعل البت
ياسمين لو من نصيبك تتجوزو غصب عن عين اى حد..ولو لا والله مهتبقى من نصيبك لو
جمبك عالكوشة..انا عايزك تفكر فمستقبلك واسمع عنك خبر حلو..ومااشوفكش كده
علاء: هيحصل ان شاءالله ادعيلى
مصطفى: تعرف يا علاء احلى حاجة عملتها ياسمين
انها عرفتنى بيك..والله لولا ان رشا اختى صغيرة كنت لزقتهالك ههههه
علاء:
احنا نطول...ربنا يعزك يارب
مصطفى: تعيش يا علاء خبر جواز ياسمين مكانش
سهل...بس الضربة الى متقتلش تقوى،
علاء
قرر انه يبقى حد تانى عشان نفسه...
علاء.. بقى
يومه كله عبارة عن شغل شغل، الصبح تدريب فالمستشفيات وهو الى بيتطوع عشان يلاقى
شغل فمستشفى كويسه او فى معمل جنائى مثلا. وبليل شيفت الصيدليه، الدكتور صالح بقى
بيعتمد عليه اوى دلوقت لدرجة انه سايب الصيدليه عليه هو فكل حاجة والناس بدأت تحس
ان هو المسئول والمدير ويوم الاجازة بياخده مع رامى الى بيشوف شغل ارضهم ومناحل
العسل بتاعتهم بس منطقه ارضهم فحتة ارياف وبعيدة ساعات علاء بيروحله هناك وساعات
بيخرجو فالقاهرة عادى. وفيوم وهما سوا كان رامى بقاله اسبوع مشغول عن علاء وحتى
المكالمات قليله فحدد معاه معاد علاء عشان يشوفه...
علاء: يابنى لازم كل التأكيد ده عشان معادنا سوا
ميتأجلش!! ايه مصاحب واحد فالمخابرات انا ههههههه
رامى: ياعم انا مبفضاش من ام الارض دى وكأن
اتخرجت م الكليه عشان ابقى فلاح
علاء:
انت مش فلاح انت مهندس زراعى فيها فرق، وبعدين يااخى ايه فيها لما تتعب فملكك وحش
يعنى..مش احسن من الشغل عند الغريب
رامى: فعلا عندك حق..عقبال م الصيدليه دى تبقى
بتاعتك يارب
علاء: ربنا يدينى خيرها انا والدكتور صالح سوا
مش لوحدى لانه هو السبب بعد ربنا ف الى انا ف دلوقت، ده غير انه عرف دكاترة كتير
عليا واحتمال اشتغل فمعمل قريب انشاءالله لانى اتدربت كويس الى فاتت
رامى: يع!! جثث ومحروقين ومقتولين
ياساااااااااتر
علاء: ياصديقى نحن نكشف الحقيقة هههههههه
رامى: الحقيقة! اه صح البت رحاب اختى اتخطبت
علاء:
بتتكلم جد ! الف مبروك وامتى ده حصل مقولتليش ياض اجى ليه
رامى:
هى اصرت تلبس الشبكة من غير اغانى ولا حتى تلبس فستان وحاجة عالضيق كأن عندنا ميت
واسألها ليه تقولى حرام..الله يكون فعون خطيبها
علاء: هو الالتزام وحش يعنى!! واحدة وفرحتها كده
ايه يعنى عمومآ الف مبروك ومين سعيد الحظ
رامى: انا شايف انه تعيس الحظ الى ياخد بت معقده
زى اختى ، ياسيدى ده واحد معيد عندها فالكليه
علاء: اااااه ربنا يتمملها ع خير يارب..عقبالك
ربنا يهديك وتتجوز واحدة م الى انت هريهم حب فالفونات
رامى: لا يابابا الى بحب فيهم دول مينفعوش
زوجات..دول لب لزوم القعدة..الى هتجوزها دى سندريلا معرفتش حد قبلى
علاء:
ع فكرة بنات كتير بتتظلم بسبب تفكيرك ده ، مش معنى ان البنت كلمت شاب تبقى مش
محترمة م يمكن عشان وثقت فيك ياجحش انت كلمتك وجديرة تكون مراتك كمان...يعنى انا
مثلا كنت..
.
رامى: كمل...كنت ايه
علاء: لا مافيش بقول لو كنت مكانك وعندى امكانيه
اتجوز بنت حبتها اوى وكنت بحبها من فترة وبتكلمنى وواثق فتربيتها هتجوزها فورآ
طبعآ
رامى:
طيب (مش عاجبه الكلام) ربنا يخليك لامك ياغلبان بالاوى ياخويا
علاء:
هيهيهيهيهيهي
ياسمين رجعت من الهونى مون بقالها شهر ـوجت تزو
امل وتشوف سيف وتحكيلها عن كل تفصيله حصلت معاها..
ياسمين: محدش فيهم لابس الحجاب يابت..كل ستات
عيلته بشعرهم
امل: ربنا يهدى...مالكيش دعوة بيهم واوعى
تقلديهم
ياسمين: وانا مالى ياختى..انا حلوة كده يكفى انى
بختلف عنهم ههه امل: وايه اخباره معاكى ـ كويس كده ومعدول ولالا
ء
ياسمين: هو كويس اتفسحنا وانبسطنا وشفت حتت واماكن عمرى م تخيلت اشوفها وهو بصراحة
كريم اوى يعنى بيجيبلى لبس كتير وحاجات
امل: طيب ياستى ربنا يخليكو لبعض
ياسمين: عارفة يابت كان نفسى اخد ناس كتير معايا
من الى بحبهم عشان اعيش اللحظات دى معاهم
امل:
زى مين مثلا ياسمين: انتى والواد سيف ابنك وماما وبابا وولاء وع....
امل: ومين؟؟ انسى مينفعش مش كده
ياسمين: انسى مين...انا قصدى ع عمر ابن اختى
انتى فهمتى ايه
امل: اممممممم لا ولا حاجة...تشربى نسكافيه
معايا
ياسمين: اوك بس مج كبير عشان مصدعة
لا ياسمين نسيت علاء ولا علاء نسى ياسمين، ولا
امل بتنسى لحظة مصطفى رغم اعتدال عبدالله معاها_ ولا قدر مصطفى يشيلها لحظة طول
المدة دى من باله. بس هى دى الحياة، يوم ليك ويوم عليك...مش كل يوم معاك!
==========================
الدكتور
صالح عند علاء بيعملو جرد للصيدليه.. علاء اشتغل فمعمل تحت التدريب بناء ع تو صيه
الدكتور صالح عليه لاحد الدكاترة المشهورين..وهو ماشاءالله عليه مشرف الدكتور صالح
فاجتهاده وصبره.
الدكتور صالح: علاء...انت عارف انى حهاجر وماش
راجع هنا تانى
علاء:
ايه يادكتور!! هتسيب مصر؟
الدكتور صالح: ايوا ياعلاء للاسف..مقدرش اقعد
فيها بعد عدم الامان الى بقى فيها ده ، مقدرش اشوف عيالها بيموتو كل يوم واطفال
بتتيتم وافضل فيها
علاء:
طب هتروح فين يادكتور؟ والصيدليه هتسيبها لمين؟
الدكتور
صالح: هو ده الى انا حابب اتكلم معاك ف انهاردة..انت عارف انى مخلفتش اولاد بس
الحمدلله ربنا عوضنى بولد جدع وطيب وامين ع حاجتى ومالى..انت معايا ياعلاء بقالك 5
سنين وامانتك كل يوم بتزيد وكأن الصيدليه ملكك
علاء: يادكتور انا تحت امرك..حضرتك الى ليك
الفضل عليا بعد الله
الدكتور
صالح: سيبنى اكمل كلامى...اكتشافك للعلاج بالاعشاب وخدمتك عليه كان ممكن تاخده
وتاجر صيدليه لحسابك وتسيبنى..خصوصآ انه كسب الصيدليه مكاسب هائله من الاقبال
الجماهيرى الشديد عليه، المكاسب دى انت السبب فيها واظن عليا انى ارد جميلك الى
اديتهولى لغايه م خليت الصيدليه احسن صيدليه فالقاهرة بمجهودك وذكائك
علاء: دكتور انا ماليش فضل عليك؟؟
الدكتور: علااااااااء!! اسمعنى..المحامى بتاعى
عمل عقد يشركك فيه معايا فالصيدليه ويكونلك فيها نصيب النص فكل حاجة بيع وشرا، انا
مش بتفضل عليك ده حقك وانت الى تعبت ف وجه الوقت الى ارجعهولك ...ولو كان عندى ابن
كنت هديله كل حاجة برضه
علاء:
ايه؟؟ انا شريكك
الدكتور صالح: انا هسافر كندا..مانت عارف مراتى
من هناك وان الاوان ارجع انا وهى هناك..ملناش حاجة هنا، بالنسبة للصيدليه فهتبقى
مسؤليتك من هنا ورايح والربح السنوى..هتبعتهولى ع هناك بالنص بينى وبينك الربح كله
حتى اليافطة جهزتها وحطيت اسمك جمبى ".وبكرة العامل هييجى يحطها ..ها ايه
رائيك
علاء:(دمع
م الفرحة ونزل سجد علارض ورجع للدكتور تانى) انا مش عارف اقول ايه لحضرتك...محدش
بيعمل كده الزمن ده..انا بقيت شريكك فيها يعنى بشتغل فصيدليتى لو فضلت عمرى كله مش
هوفى جميلك ده فوق راسى
الدكتور صالح: متقولش حاجة...مبروك يادكتور علاء
يلا بقى ورينا همتك فصيدليتك يادكتور علاء
حضن الدكتور من الفرحة وجسمه كله
بيرتعش...بيتهيأله انه عايز يطييييييير او يمسك الناس فالشارع يحضنهم..بس مكانش
عنده غير انه يفرح اخواته ووالده ووالدته بالخبر ده...ومستنى نصه التانى يكمل عشان
يشاركه بقى
^_^ ☺
========•••••========••••••==========
#بقلمى_نوراسماعيل
#امل_بكرة
ليست هناك تعليقات:
إرسال تعليق