وسام امبارح لما غير جو وعمل حجات متخيلش انه يعملها ! ده خلى الاينرجى تتجدد عنده ويبقى احسن فكل حاجة فشغله مع اصحابة مع مامته وباباه وسام طول الوقت كويس .. بس بردو اى حد فينا لما بغير المعتاد بتاعه بيبقى حد تانى .. وبيقابل يومه بابتسامه ومى بقى مبسوطة فرحانه منكوشه منامتش كويس شغاله تفكير .. تتنطط ، وتروح وتيجى فالشقه ! تكلم نفسها فالمراية ! انتو عارفين ان مى محبتش ابدآآآآآ قبل كده .. يبقى كتر خيرها بصراحه المهم انهاردة فالشغل عند مى .. مى شغاله تهزر وتضحك وتلاعب فده وتنكش فدى والمزاج عال العال .. مى: بت يا مونى امنية: نحم مى: عايزة خدمة فالسكرته امنية: عويناتى مى: هاتيلى من شريف رقم ويسو امنية: العبى يالعااااااااب (بتسقف ع ايدها) هو حصل ولا ايه ؟ مى: ايه هو الى حصل يا بت انتى ؟ اخلصى هتجيبى الفون ولا اجيبه انا بمعرفتى ؟ امنية: طويب هقوله ناو اهو بس قوليلى والنبى مى: بس فالسكرته وحياة ابوكى، اقولك ايه امنية: متخافييش وبراحتك بردو هستناكى تقوليلى زى الجزمة مى راحت عند مكتب منة لاقتها بتتشات عالفيس .. مى: بتعمل ايه ياصغنن ؟ منة: بكلم ويسو مى:(اتدايقت بس خبت) اوووووووووه وبتقولو ايه بقى ؟ منة: مافيش عادى ..(لفتتلها اللاب) اقرى اهو مى: قوليلو مى بتمسى عليك منة:(كتبت لوسام كلام مى راح رد وقال ايه مى بتمسى دى بتكلم واحد صاحب غرزة! ) ضحكو هما الاتنين راحت امنية نادت ع مى .. امنية: ميوش ! تعالى مى: ايه امنية: جبتهولك ..خدى اكتبى مى كتبته واتصلت بيه .. عالناحية التانية .. وسام وسط م بيكلم منة فونه رن نمبر غريب راح رد : الو مى: الو .. الو .. الووووووووو الو وسام:(استغرب) مين معايا مى: الو .. الو .. الو ...(سمعاه بس بتستهبل) وسام:(مييييييين معااايااا) مى: (مسكت بوقها من الضحكة وكتمتها) اللهو الخفى ياخويا وسام:(ضحك) هو انتى يا مرووشه مى: الو .. الو .. الو وسام: هههههه الهى تتروشى اكتر مانتى مرووشه يابعيده مى: الو .. الووووو وسام: ايوووووووة مى: ايوة ولا الو وسام: هههههههه عايزة ايه يامجنونة مى: ولا حاجة بشوف ده رقمك ولا رقم الاسعاف وسام: طيب واتاكدتى مى: اه عرفت انه رقم الاسعاف وسام: طب انا هسيبك عشان ورايا شغل يا مناخوليا مى: ههههههههههه بطل كلام مع البت منة لاغزك وسام: مالكيش دعوة مى: طب هبعتلك ادد عشان ترغى معايا انا وسام: وانا مش هعمل كونفيرم مى: طيب متعملش كده وانا هكهربك فقلب بيتكم وسام: هههههههههههههههه طب غورى الله يهديكى روحى .. منى جت وهو بيتكلم وبيضحك كده ومبسوط فقعدت قدامه وابتسمت ع ضحكته منى: ده ايه الروقان ده كله وسام: (قفل وهو بيضحك) ازيك يا منى عاملة ايه منى: انا بخير طول مانت بخير يا وسام .. المهم ايه سبب الضحك ده م تضحكنا معاك وسام: لا دى البلوة جارتى كانت بتتجنن عليا شوية ، المهم انتى شكلك مبسوط وعايزة تقولى حاجة منى: اه بصراحة وسام: وانا كلى آذان صاغية ياست الكل منى:(ابتسمت) بص انا المرة دى مش هقولك ف حد معجب وكده ولا متقدم .. هو ف واحد جارنا يعنى فالشارع .. اسلوبه معايا كويس اوى هو فاتح سوبر ماركت كبير فالشارع يعنى .. ومش متجوز وسام: اها منى: وبقاله فتره بيلمح انه معجب وعايز يتقدم وسام: وبعدين منى: انا بصراحة خايفه المرة دى .. ده غير ان ف حاجة وسام: ايه هى ؟ منى: هو معاه دبلوم يعنى مش زيي مؤهل عالى .. والشغل بتاعى انا مش هسيبه لو اتجوزنا يعنى عشان مكونش اعلى منه بس انا مرتحاله .. اهو ده اعرفه من يوم م اتولدت واهلى يعرفوه بردو وسام: امممممممم .. طيب صلى استخاره واسألو مرة و2 و3 و 10 واتكلمى معاه قبل اى حاجة روحو مكان عام ياستى واتكلمو فاموركم كلها ع بلاطة قوليلو انتى ايه وظروفك ايه وانشالله انا حاسس ان المرة دى خير منى:بجد وسام: انشالله بس اعملى الى بقوله ده عشان متكرريش غلطة زمان منى: لا خلاص توبه وسام: اوك .. بس تعرفى انا انبسطت منى: طيب قصه الفرق الى بينا ؟ وسام: انتى هتتكلمى معاه وتشوفى .. وبعدين اجمل حاجة لما ترتبطى بحد عكسك تماما ، عشان تكملو بعض لكن الى شبهك ده .بتبقى اشبه حياتكم بالملل منى: كلامك يا وسام خلانى انبسطت خالص والله ، خلاص انا هشوف واقولك الاخبار اول باول وسام: وانا مستنى جه شريف وهما بيحكو .. شريف: وسعى يامنى الله يرضى عنك منى: منى ماشية وسايبالك المكان كله شريف: يارب ع طول اصحى الصبح مالكيش هنا منى: انا وانت يا خويا يسمع منك وسام:(مش ماسك نفسه من الضحك) هههههههه خلاص يامنى روحى شريف: امشى ربنا يرزقك بكمسارى مترو وسام: يا واد اسكت ههههه شريف: ازيك يابوالويييييس وسام: تمام يا جميييل ، انت عامل ايه ؟ شريف: ياعم فكك من اخبارى .. ايه بقى مالك ؟ متغير ومبسوط وال 88 رايحة من وشك وسام: تكره يعنى شريف: بالعكس .. بس شكل الصنارة غمزت وهنشوف سمك كتير بعد كده وسام: صنارة ايه يا واد انت شريف: بقى ف فونات ومكالمات وهئ ومئ وشخاليل وسام: لا لسه لا ف هئ ولا مئ ولا شخاليل شريف: هيبقى متخافش ، اهم حاجة انك سمعت كلامى وسام: ف ايه ؟ شريف: لما قولتلك انك عايز واحدة مجنونة تجننك وتقلبلك حياتك فوقانى تحتانى .. لكن دنيا عاملة زى الفيلم القديم المتعاد حاجة كده تغم النفس، وانت لا عايز تنساها وواقف تبكى عالاطلال وسام: والله انت هتروح جهنم من تريقتك عالناس دى، بس انت عرفت منين حكاية الفون شريف: ههههههه مانا الى ادتهولهم وسام: ههههههههه ربنا مايحرمك من الهبل شريف: الخطوة الجاية يامعلمى بقى تثبت البت وتخرج ع طول ع طول ماتخليهاش تاخد نفسها وتهريها مكالمات ومسجات وعزومات وحفلات وسام: اييييييييييييه حيلك يابنى .. لا طبعآ ولا حاجة من دى هتحصل شريف: اومال هتقعد تسمعها فيروز وايها الراقدون وتبعت فجوابات .. البت دى مش سكتها كده وسام: ومين قالك انى عايز سكتها شريف: اومال انا تبت وانت هتكمل مسيرتى فاللعب بالبنات ولا ايه ؟ وسام: الله يخربيت عقلك ياشيخ ، ولا كده طبعآ.. بس الحكاية انى بفكر واعمل افكر واتكلم مش زيك زى الاهبل راشق فاى حاجة شريف: طيب ياعم .. اهم حاجة انك تفرح .. تفرح وبس (قايم وراجع مكتبه) ع فكرة يا وييس وسام: نعم شريف: انت بدات تحبها .. اهلا بك فالسرايا الصفرا وسام ضحك ولف بكرسيه ع مكتبه وكمل شغل .. وهو راجع كانت مى بترنله وتقفل ، ترنله ويفتح تقفل يرنلها تفتح وتقفل تانى لما روشته .. هو مش بيمسك نفسه من الضحك عليها وبعدين قعد يرن فتحت مى: ايوة ياعم صدعتنى ف ايه ؟ وسام: انا بردو الى صدعتك ؟ عايزة ايه شغال رن رن رن مى: مافيش عايزين نتفق عاليوم الوسامى ولا نسيت وسام: ومين قالك انى هخرج معاكى اصلا يا ام سيد مى: اولا مش بمزاجك بمزاجى انا ، ثانيآ بقى انا قررت يبقى انت تنفذ وسام: اجرى يابت روحى العبى فالطينة الى قدام بيتكو مى: ليه عم سليمان راشش انهاردة هههههه وسام: هههههههههه عايزة ايه ؟ مى: م تخلص وتقول ياعم ننزل امتى ؟ وسام: بعد بكرة بعد الشغل زى المرة الى فاتت مى: اوك موافقه وسام قفل ودخل اوضته شغل الاب ع اغنية مشاعر شيرين .. ووقف شوية فالبلكونة مى بقى كانت مشغله نفس الاغنية بالصدفة وشبكة العشره الكرام كانت بتروق شقتها وسمعته فتح البلكونه جريت فتحت البلكونة ووقفت بردو مى: لو سمحت ياانت (بتبصله) وسام: نعم مى: متقلدنيش وسام: انا الى طالع الاول مى: ومشغل السونج زيي ليه وسام: معلش بغير منك (عمل بوشه ايموشن بيتريق عليها) مى: طب امشى عشان بحب اقعد اللحظة دى فصفاء نفسى وسام: طب ماتمشى انتى احسن ياصفاء؟ مى: نو وسام: نو يعنى (جاب رشاش الزرع وقعد يبخ فوشها) امشى... امشى الهى ربنا يهدك مى: (جريت لما رش فوشها وقعدت تضحك ودخلت جابت تلج من الفريزر ورمته بيه ) وسام: هو دخل اتناول كريم الحلاقة بتاعه وبهدلها واشتغله كده مع بعض لحد م تعبو ودخلو المهم بقى يوم خروجة اليوم الوسامى .. مى خرجت وخبطت ع شقه وسام .. طلع وسام لقاها فوشه بنكشتها القديمة وحاطة ميكاب اوفر شويه فاتدايق وسام: لا كده لا مى: لا ايه وسام:تسمحيلى (رجع بايده شعرها لورا ) ده يتلم كده والميكاب الاوفر ده ميتخرجش معايا بيه والبس يتغير مى: انا محبش حد يعدل عليا وسام: (سابها وداس ع زرار الاسانسير ) غيرى الطقم وبلاش تشميرة الكم دى ومستنيكى تحت فالعربيه (الاسانسير جه)10 دقايق لو مجتيش همشى لوحدى دخل الاسانسير وعملها باى ونزل مى وقفت فالاول اتدايقت وبعدين ابتسمت وهى واقفة مكانها وراحت .. تعمل الى هو قال عليه كانت فرحانه لما لمس شعرها و..........
ليست هناك تعليقات:
إرسال تعليق