الثلاثاء، 9 سبتمبر 2014

لــســة اجــمــل يــوم مجــاش ▬♫ ♫ الحلقة السابعة والعشرون


وسام:تسمحيلى (رجع بايده شعرها لورا ) ده يتلم كده والميكاب الاوفر ده ميتخرجش معايا بيه والبس يتغير مى: انا محبش حد يعدل عليا وسام: (سابها وداس ع زرار الاسانسير ) غيرى الطقم وبلاش تشميرة الكم دى ومستنيكى تحت فالعربيه (الاسانسير جه)10 دقايق لو مجتيش همشى لوحدى دخل الاسانسير وعملها باى ونزل مى وقفت فالاول اتدايقت وبعدين ابتسمت وهى واقفة مكانها وراحت .. تعمل الى هو قال عليه كانت فرحانه لما لمس شعرها وقعدت تمسك نفس مسكته كده ووقفت قدام المرايه تشوف راحت افتكرت انه قالها 10 دقايق ! جريت بسرعة ع اودتها وغيرت لبسها ولبست جاكيت مقفول وبنطلون اسود وبلوزة من تحت فيروزى ولمت شعرها بسرعة وخففت الميكاب ونزلت جرى وراحتله كان بيشغل العربية وسام .. مى: ياندل ! هتمشى وتسيبنى وسام: والله كنت هطلع عشان مبحبش اكرر كلامى مى: طيب ياعم المهم ، حلو كده وسام: (ادالها بصة ) تمام طلعو بالعربية .. مى: احنا هنروح فين بقى ؟ وسام: انهاردة مش يومى ؟ يبقى متسأليش بقى مى: طيب طيب وسام طلع ع معرض الكتاب ! وقف العربية ونزلها .. وسام: تعالى يلا مى: ايه ده !! معرض الكتاب وسام: انا كنت مستنيه يفتح وبصراحة ف كام كتاب بدور عليهم مى: انت قفيل ع فكرة وسام: هتيجى ولا اروح لوحدى وتستنى هنا لوحدك مى: خلاص هنزل نزلو ودخلو المعرض .. لان وسام مشترك ف دخلت معاه مى كده وكانت اول مرة تدخله ! هدوووووء قاتل وناس كتير من كل الاعمار وسام ماشى يتصفح ومبسووووووط فقمة سعادته وهو بيقرا عناوين الكتب وبيختار منها الى هيشتريه .. مى ماشية قالبه خلقتها ومتدايقه ميلت ع ودن وسام وهى ماشية وراه : ايه ياعم الجو ده وسام بصلها ورجع بص قدامه للكتب تانى ولا عبرها ، وفجأة لقى كتاب كان بيدور عليه وفرح راح طلعه. بعدين قعد يتجول فالمكان . هى زهقت .. راحت لاقت اتنين عواجيز راجل وست قاعدين بيقرو وكل واحد حاطط جمبه حبه كتب فوق بعض . راحت من غير م يحسو بدلت الكتب ويا بعض وهما طبعآ مندمجين خالص ولا هنا بعد كده الراجل بياخد كتبه لقاهم مش بتوعه! فنفس الوقت الى الست اكتشفت ده .. راحت بصت عالراجل لاقته واخد كتبها وراحتله تزعق وهو يزعق ومى انسحبت من بينهم زى العفريته وكاتمه الضحكة وسام سمع الزعيق والسيكيورتى جم لقى مى جايه من هناك .. وسام: انتى كنتى هناك بتعملى ايه مى: ياعم لاقت الجو ساكت فقلت افرفش شويه ، ايه؟ وسام: جاكى اوا .. قدامى (زقها وطالعين) طلعو وركبو العربية.. مى: ايه يام الكتب دى كلها ؟ هو انت هتلم الكتب وتقعد بيهم عند سور الازبكيه ولا ايه؟ وسام: هيهيهيهي(ضحكة سخرية) ده اسمه ثقافه يا جاهله ، ابقى ملم بكل الثقافات الى اقدر اتصفحها الحياة ايه غير اننا نتعلم مى:طب بس بس .. جبت كتبك وسام: اه مى: هنروح فين بقى وسام: ششششششششششش مى: ايه المعاملة دى ياض انت وسام معبرهاش .. راح طلع بالعربية وطول الطريق ساكت وهى بتقلب فالاغانى تشوف ف ايه تسمعه .. مى: بقولك ايه هو احنا رايحين لواحد مسجون! وسام:ايه!! (انفجر فالضحك) ههههههههههههههههه ليه يعنى مى: اصل كاتم وقافل ، فك واحكى وروشن وسام: هقول ايه طيب مى: ولا حاجة .. هو يوم وسام فعلا وصلو عند محل كبير للانتيكات والتحف القديمة والقيمة وقف وقالها تنزل .. مى: ايه ده كمان (طالعه مخنوقه) وسام: تعالى بس .. مى: حاضر اما نشوف اخرتها وسام خدها من ايدها وكان اول مرة يعملها ودخلو جوه المكان فخم جدآآآآآآآ تحف جميلة وقيمة جدآآ ومن كتر جمالها تحس انك عايز تقعد سنين تتفرج فيها وسام اول م دخل ابتسم وانبسط والابتسامة اترسمت ع وشه لكن مى قعدت تبص حواليها وهى متدايقه وماده شفتها كانها بتقول :ايه ده) وسام: اتفرجى مى: اتفرج ع ايه . ياعم ايه الاماكن دى ؟ حد قالك انى عايزة اردم نفسى بالتراب وسام:(باستغراب) المكان ده مش عاجبك! مى: لا وسام: عشان مش بتفهمى اولا بصى ع التحف دى والانتيكات دى (راح مسك تابلوه ) اهو ده مثلا شبهه كان فقصر الخديوى اسماعيل (ومسك انتيكه تانيه) دى تشبه بالظبط علبه الدهب لاحد اميرات عهد محمد على (وغيرها) وده نسخه من جرامافون الملك فؤاد مى: هيييييييييه انت ياعمنا .. احنا ف 2014 يعنى والنبى اقفل الفيلم ده وافتحلى اخر اصدار وسام: عارفه يامى ، الحجات دى بتحسسنى بالرقى .. اد ايه احنا كنا مجتمع راقى اوى بس مقدرناش نحافظ عالرقى ده مى: بس انا مش مبسوطة! انا خارجه انبسط انهاردة وسام: وانا لما خرجت وياكى وخلتينى اعمل حجات معرفهاش سيبتك للاخر ، وانهاردة يومى يبقى كل واحد يعرف التانى يومه بقى ماشى شكله ازاى وكل واحد فينا .. يومه هيعكسه هو نفسه وشخصيته مى:بس انت غريب اوى ، حياتك كئيبه وممله الى زيك خلص يا وسام .. محدش دلوقت عايش كده وسام: عارفه يا مى ؟ انا كان نفسى اتولد زمان مى: ممممم طيب وقدرك خلاك تتولد دلوقت .. مش هنمشى بقى وسام: ههههههه حاضر هنمشى ، بس اجيب حاجة من هنا مى: طب سيبنى اختارلك مى اخترتله مكحله ! شكلها شيك اشتراها وسام وخرجو .. طلع بيها ع محل شيك اووووى .. راقى ومشهور ف ناس بتلعب عالبيانو وبياكلو وهما بيسمعو مزيكا وسام: اتفضلى مى: (دخلت بصت ع كل حته ف المكان بعنيها.. اللون البنى الى فالاثاثات مع الاضاءة الهادية والمزيكا حاجة تتحف ) حلو ده وسام عمل الكرسى عشان تقعد من باب الاتيكيت وقعدها وقعد قصادها.. وسام: المكان ده انا مجتهوش من اكتر من سنتين مى: كانت معاك موزة طبعآ وسام: اه مى: ميييييييين؟ وسام: خطيبتى السابقة مى: انت كنت خاطب وسام: اه..بس محصلش نصيب مى:(بتسال وهى متدايقه وغيرانه) حبتها؟ وسام: وهى معايا كنت اسعد الناس ولما سابتنى اصبحت اتعسهم ، بس دلوقتى مش فحياتى ولو حتى بالذكر مى:(ابتسمت) معلش اى حد ف فحياته علاقات فاشله وسام: وانتى بقى كانت عندك علاقات فاشله ؟ مى: لالالالا انا لا بحب الارتباط ولا عايزة ارتبط وسام: ليه بقى ؟ ف بنت مش حابه ترتبط مى: ايوة انا وسام:(بصلها ومستغرب) مش فاهمك مى: هتعرف بعدين جه الجرسون وطلبو الاكل .. وع بال الاكل م يجهز.. اتعزفت مقطوعه موسيقية جميلة اوى وسام: بتعرفى ترقصى تانجو مى: تانجو! لا وسام: المقطوعة دى اسمها تانجو .. من ارقى الموسيقات ، بيسموها فبلادها معزوفه الملوك الموسيقى دى بتحسى انها بتكلم روحك مش جسدك بس مى: فعلا هى هادية : هو انت فكل حاجة قرير كده وسام:(ابتسم) مش كل حاجة ! بس مبحبش ابقى مغفل المهم ترقصى معايا مى:(كانت بتشرب عصير وشرقت) انا!! مبعرفهاش وسام: سيبيها تكلم روحك .. تعالى خد ايدها وقامو وهى لاول مرة فالتاريخ تتكسف ووشها يحمر زى اى بنت وسام مسك ايدها وحط ايده التانية ورا ضهرها مى مسكت ايده وايدها التانية ملفوفة حوالين رقبته .. خدت نفس عميق وابتدو رقص! مى فضلت مركزة فعيون وسام، ووسام بردو والميوزك شغاله مى فالاول اتلخبطت بس بعد كده عرفت لما قلدت حركات وسام مى رااااااحت فعيون وسام خااالص .. هو بقى كان يرقص وهو مبسوط من اخر مرة رقص فيها مع دنيا محسش الاحساس ده وسام وهو بيرقص مع مى اتأكد من شعوره ناحيتها عايزة اقولكم ان الرقصة دى اختصرت كلام كتيييييييير بينهم كل م تغلط وتدوس ع رجله ، يبتسم ويحركها بمرونة عشان متبانش غلطاتها مى عمرها م رقصت مع حد عشان كده ارتباكها باين عليها فالرقصه ، خصوصآ ان ف ناس بتتفرج عليهم الرقصه خلصت .. والاكل جهز ورجعو لمكانهم وقعدوا.. مى: انا عمرى م تخيلت انى ارقص ابدآ مع شاب وسام: وانا مكانش فبالى انى هرقص تانى مع حد بعد دنيا مى: دنيا دى خطيبتك وسام: اها.. كانت مى: ممممم .. طب يلا ناكل كلو وهما بياكلو .. مى: (بصاله جامد وهو بياكل) ع فكرة وسام: ايه مى: انت عيونك حلوة اوووووى وسام:(وسام اتكسف وساب الشوكة وجاب ميه وشرب) يابنتى انتى بنت المفروض ان انا الى ابدى اعجابى بيكى مش انتى مى: مافيش فرق .. فيك حاجة عجبتنى وقلتلك مش لازم نحبكها ياشيخ وسام كملو اكل وخلصو .. وجم طالعين خلاص من المطعم ..رايحين يركبو مى: لالا تعالى نتمشى فالشارع الهادى ده وبعدين نرجعلها وسام: اوك مى: بس ايه ياعم الناس الى فالمطعم دى . اراهنك ان اصغر حد فيهم عنده 130 سنه! وسام: هههههههههه هم ناس كبار فعلا ، بس بيفهمو فالذوق مى: بس تعرف انا انبسطت ناو من شوية لا وسام: ههههههههههه اوك مى: تعرف انى كان نفسى احس الاحساس ده من زمان وسام: احساس ايه مى: ارقص.. رقصه غريبة عاملة بجد زى الملوك فيها (بصتله) واد ياوسام وسام: واد ياوسام!! نعم مى: انت برنس ياض وسام: انت برنس!! بتكلم مع سواق لورى !! مى: ياض بقصد مش برنس وكبير ومعلم وكده ، لالا بقصد ان انت جواك برنس بجد امير كده وسام: ياستى ربنا يكرمك عدت بنوتة امورة ولابسه شيك.. بصت مى عليها مى:(ناحية البنت) ياجماله ايه القمر ده وسام: ايه ده !! بتعاكسى انتى ايه بالعة راجل طب والله لا انا راجع ، الله يحرقك ياشيخة (مشى وهو متنرفز) مى: استنى ياويسو .. انت ياض .. ويسوووو لحقتله وركبت معاه وقعدت تهزر عشان يضحك وميتدايقش.. مى: خلاص بقى ، داانت زعلك وحش اوى وسام: مش فكرة زعلى وحش .. الفكرة فكرة انك بنت ميصحش تعملى كده يبقى كان عندى حق لما قولت انك مش انثى مى: لا والله انا بنت حتى بص (لمت شعرها ع وشها واحولت ) وسام: هههههههههه ده كده قرد مش بنت ، انتى والله ماهتموتى موتة طبيعية وابقى شوفى .. روحو البيت وطلعو .. وهما تحت العمارة قبل م يطلعو مى: ع فكرة انا انبسطت زيك بس كنت بغلس عليك وبكدب وسام: كنت عارف مى: ههههههه ع اد م كان يوم فصيل بس فالاخر انبسطت اوى (بصت فالعربية) اه صحيح جبت كتبك وسام: اوبا ! فكرتينى ثوانى هجبهم مى: هساعدك فيهم .. مى شالت مع وسام كام كتاب لانه اشترى كتيييييير .. طلعو لفوق وخدهم منها عند باب شقته .. وسام: ميرسى يا قمر مى: عرفت بقى انى قمر هههههه وسام: مش اوى يعنى مى : ع فكرة ميرسى ليك بجد عشان بقالك فترة مفرحنى ، انا محدش فرحنى خالص كده غير ماما زمان يعنى (عينها دمعت) وسام: طب ليه العياط .. لالا انا عايز مى الشيطانة المهفوفه ، ع فكرة بقى انا كمان ببقى مبسوط وانا معاكى مى: (ابتسمت) طيب تصبح ع خير.. جريت فتحت شقتها وقالتله ربنا ميحرمكش من هبلى (ورزعت الباب ههههههه) وسام: ربنا م يقطعلك عادة دخل وسام كان مامته وباباه نايمين .. دخل براحة وحط كتبه جوه عالمكتب لحد م يرصهم . غير وقعد خد نفسه صلى العشا وفتح الاب .. يقعد عالفيس ويكتب استاتيس فامان الله لقى دول فوشه مسجين من دنيا ومنة .. دنيا: انا مش بخبط ع باب الزكريات .. بس بسألك نسيتنى ازاى عشان اعرف انساك واعيش! ومنة:.. خطر ع بالى سؤال ليك محيرنى .. شايفنى ازاى يا وسام ؟ شافهم وسام واخد نفس عميييييييق و......

ليست هناك تعليقات:

إرسال تعليق