العرسان روحو الشقة بعد م الفرح خلص... امل
خايفة ومرتبكة خالص...عبدالله الى حد ما ملاحظ توترها بس بيقول لنفسه ان ده بيحصل
لكل البنات عشان فكرة دخول دنيا جديدة ده مش سهل. وهو كان واخد قرار مع نفسه انه
هيعودها بالوقت اثناء الفترة الموجود فيها هنا معاها.. الليلة عدت ..لكن معدتش
بسهولة ع امل ..الى كانت بتفكر فالانتحار وخزت الشيطان واتوضت وصلت عشان مترجعش
للفكرة دى تانى.. طول الليل مافيش فبالها غير صورة مصطفى وهو باصصلها وعنيهم بتحكى
كلام مش عارفين يقولوه ولا قادرين يعرفوه لبعض.. وتانى يوم... المهنيين جم من اهل
العروسين...ابراهيم ومراته ومامتها الى كانو حاسين بيها ، اما الباقى خلاص كل واحد
مش بيهمه غير نفسه ومصلحته وهى امل تهمهم ف ايه؟! مش خلاص اتجوزت وبقت فحمى راجل
زى م بيقولو..وامجد ارتاح من مراقبتها باستمرار وخنقتها، وباباها ارتاح من فكرة
خوفه لانها بنت وحيدة وسط 3 ولاد.. لكن محدش فكر امل مرتاحة ولالاء؟! مافيش غير
ابراهيم الى قعدت معاه هبة مراته تفهمه انها انشاءالله هتتعود عليه وهتبقى مبسوطة
وفرحانة قريب..
.
============================
عدى شهرين م الاجازة... النتيجة طلعت وكلهم نجحو
والحمدلله . علاء عنده طموح حلوة ومبيحبش يقف مكانه يعنى مش مكتفى بوظيفته لما
هيتخرج..لاء بيبحث ويدور عشان هو كتلة نشاط، بقى يبحث فالنت عن طريقة المعالجة
بالاعشاب الطبية ويركب الدوا بنفسه ع حبة خبرة من دراستة.وبيسأل زمايلى الى فقسم
النبات كمان
.
وبقى يجرب الدوا ع نفسه الاول..لانها اعشاب مافيهاش خطورة بس لازم يبقالها نتايج.
.
والحمدلله فكرته نحجت وعرضها ع " الدكتور صالح" صاحب الصيدليه الى شغال
فيها لاء وكمان بقى يحضر الادوية دى فمعمل الصيدليه بمساعدة الدكتور صالح الى
بيحبه جدآ وبيشهدله بمستقبل ناجح قريبآ... واثناء م علاء فالشيفت بتاعه فالصيدليه
، قاعد بينظم شعر فياسمين! كام بيت كده وسماهم
" الى زهرة الياسمين"
...
الدكتور صالح:ايه الاخبار يادكتور علاء؟
علاء: يسمع من بوقك ربنا يادكتور ..الحمدلله
الصيدليه ماشية تمام..وحكاية تحضير الدوا الى من الاعشاب ده فكرة ممتازة وعليها
اقبال رهيب!
الدكتور: الفضل يرجع لربنا ثم لذكائك انت ولد
طيب وناجح كمان...ورينى ايه الى بتكتبه ده علاء بيديله الورق وهو مكسوف ...
الدكتور
صالح: الله الله وكمان بتألف شعر !! شاعر كمان ..ومين بقى سعيدة الحظ الى كاتب
فيها الكلام الجميل ده؟
علاء: دى اجمل وارق بنوتة شافتها عنيا..وملهمتى
بمعنى اصح انى اكون حاجة واحط هدف قدامى واحققه.
.
الدكتور صالح: ان شاءالله هتحققه ..وقريب اوى هسمع عنك كلام حلو وهفكرك بيه كمان
الكلام بتاع الدكتور صالح ادى دفعة لعلاء خلاه عنده امل وثقة فربنا اكتر وخلاه
بيحب بكرة اكتر م الاول ...
======================
عدت
شهور الاجازة...وده اول اسبوع فالدراسه.. امل كده بقالها 3 شهور متجوزة..عبدالله
لسه ممشيش ،وطبعآ مدام لسه ممشيش يبقى مينفعش هى تروح الكليه لحد م يسافر..
عبدالله: تسلم ايدك علاكل
امل: الله يسلمك
عبدالله: ايه مش هتاكلى؟
امل:
لا ماليش نفس
عبدالله:
ايه ف حاجة ولا ايه..شكلك كده هتفرحينى قبل م اسافر
امل: لا مافيش ..هو ايه ياعبدالله خطبتنى بسرعة
واتجوزتنى بسرعة حتى الخلفه عايزها بسرعة ! ده احنا مكملناش 4 شهور
عبدالله: ايه ياامل انتى تكرهى تكونى ام؟
امل: لا طبعآ...بس متنساش انى لسه فتالته ولازم
اخد بالى من مذاكرتى..وبعدين افكر فالموضوع ده
عبدالله اقتنع بوجهه نظرها..مش بيتكلم معاها
كتير يقرب منها يمكن كانت حبته وقدر ينسيها مصطفى :(، اهم حاجة حاجته مظبطة وبيته
كويس وهو مرتاح فشغله...لكن امل دى اخر حاجة..
===========================
ياسمين
مخلصة مكالمة مع علاء كلها رومانسية.. ورايحة تنام لاقت رقم غريب بيرن عليها!!
ياسمين:
الو...مين
يونس:
الو ياياسمين...ايه مش عارفة صوتى
ياسمين: لا بصراحة معرفكش اعرفك منين
بونس: انا يونس...اخدت نمرتك من سارة.. لاقيتك
مبتسأليش عليها ولا جيتى مرة حتى تزروينا مرة ياشيخة ده انتى ندلة و لا كأنها
صاحبتك من ساعة الاجازة واهى الدراسة بدأت كل م باجى اوصلها مش بلاقيكى معاها زى
زمان
ياسمين:(مستغربة بس مكمله كلام) ابدآ اصلى بعدى
ع امل بعد المحاضرات اشوفها
يونس: وهى ايه اخبارها
ياسمين: كويسة الحمدلله
يونس: الجواز حلو؟؟
ياسمين: اهى كويسة شوية ربنا معاها
يونس:
ربنا يكرمها بيدها ويديها الذرية الصالحة
يونس: انتى عارفة ياياسمين...امل صاحبتك فالاول
كده تعجب اى حد.هدوئها وكده..لكن لما الواحد بيقربلك انتى حركاتك وشقاوتك وخفة
دمك.. تخلى اى حد يحب كل حاجة فيكى
ياسمين:(سكتت وسهمت واستغربت..ف ايه يايونس ايه
اللهجة الغريبة دى؟ م تعدى ليلتك ع خييييييييييييييير!!!)
==============
☻☻☻.
كرستين زميلة امل فالدفعة عرفت من سارة وياسمين
ان امل اتجوزت عشان كده مش بتيجى الكليه.
اتفقو كلهم
يوم يروحو
لامل البيت كرستين تباركلها عالجواز ويقعدو شوية
ويمشو. عبدالله خلاص قرب يسافر ..بيحضر نفسه ع انه هيسافر اخر الاسبوع ومعاه امجد
كمان مسافر...اخيرآ. البنات عند امل...وامجد بيرن جرس الباب وبتفتحله
..
امجد: ازيك يابطة
امل:
اهلا ياسيدى...مستنيك جوه عبدالله
امجد: اومال مين الى ف الصالون..صوت الضحك جايب
اخر الشارع ا
مل:
دول اصحابى...ف مشكلة ولا حاجة؟! امشيهملك
امجد:
بتتريقى..دمك سم.،اوعى اشوف جوزك
امل: ادخل ياخويا لحبيبك
بتدخل امل للبنات..
.
ياسمين: ابوسريع ده صح؟! هههههه
ه
سارة: مين ابوسريع ده
امل:
بس يابت انتى
كرستين..: بيتك حلو اوى وعفشك كمان..بس انتى
متغيرتيش خالص
ياسمين:
هتتغير منين ياحسرة م السعادة الى خنقاها ،دى كل يوم بتدبل عن اليوم الى قبله
سارة: مالها حرام عليكى ما هى زى القمر اهى
امل:
تسلمولى يابنات ربنا يخليكو...متتصوروش مبسوطة ازاى عشان انتو عندى.
.
كرستين: المهم جوزك يسافر وتعالى لان الدنيا شدت علاخر والسنة دى صعبه اوى جنائى و
مواريث وقرف
امل: ربنا يسهل
=====================
عبدالله سافر هو وامجد من شهرين..وامل بدأت
تتظبط فمحاضراتها ومذاكرتها.. اينعم حماتها متعبة حبتين..بس عشان هى مرات الحيلة
ابنها الوحيد شديدة عليها حبتين، بس امل بهدوئها وطيبتها مسايساها . واهو العيد
الكبير جه... امل صلت العيد ووقفت مع عمها وهو بيدبح.. ده تانى عيد ليها وهى
متجوزة ، بس المرة دى من غير عبدالله.. الدبح خلص وتقطيع اللحمة وتوزيعها، وطبخت
امل لبيت عمها الاكل والفته ..واتغدت كمان معاهم.
امل:
انا خلصت كل حاجة يامرات عمى وشطبت المطبخ..عايزة منى حاجة؟
ام عبدالله: هتروحى فين..خليكى قاعدة بدل م
تقعدى وحدك تحت انهاردة عيد
امل:
لا انا هروح اعيد ع ماما وبابا وايمن..وبالمرة اعدى ع ابراهيم ومراته
ام عبدالله: طيب..مش الاصول تقضى اول يوم مع اهل
جوزك ..وتانى يوم تروحى لاهلك، وبعدين ابراهيم ماهو كان عندك امبارح ومراته
وجايبينلك حاجة العيد بتاعتك
امل: مانتو الاتنين اهلى يامرات عمى..وبعدين انا
م شوفتهمش من اسبوع ..وعايزة اروح لابراهيم عشان ادى عدية لامل بنته فايدها مش
معقول كنت هديها وامها شايلاها وهما عندى يعنى
الام: معلش انهاردة خديه معانا ..بيقولو جاى
فيلم فالسهرة حلو جديد تعالى نشوفه وبكرة روحيلهم اقضى عندهم النهار وبالمرة اروح
معاكى اعيد عليهم..
امل: الى تشوفيه يامرات عمى
:/
اليوم خلص وجه تانى يوم العيد.. علاء اخد اليوم
ده اجازة من عند الدكتور صالح ،وكمان اداله عدية جامدة. علاء محوش العدية زى كل
مرة ع فلوسه..لتأجير عربية واتفق مع ياسمين ..ان هيفسحها بيها واهو مستنيها قبل
شارعها بشارع..
علاء:
ساعة ياياسمين...اركبى
ياسمين:
ازيك يالولو...الله ايه العربية الحلوة دى
علاء: اجرتها انهاردة بالعدية الى ادهالى
الدكتور صالح..عشان افسح فيها ست البنات
ياسمين: عقبال عربيتنا يارب
علاء:
يارب ياحبيبتى...ايه ده!!
ياسمين: ف ايه علاء: ايه اللبس الزفت ده
ياسمين:ماله اللبس..لسه شارياه اعيد بيه
علاء: ضيق ومحزق..وايه الاوصة الى طالعة
دى..انتى مخرجه نص شعرك برة ياياسمين
ياسمين: يوووووه متعملهاش خناقه بقى..انهاردة
عيد هنعيد ولا نتخانق!!
علاء: متغيريش الموضوع..وبلاش تقلدى طريقة لبس
سارة..متعجبنيش اولا ،مش كفايه انها مسلمة ومش لابسه الحجاب!!
ياسمين: خلاص بقى ياعلااااااااااااااء العيد
فرحة متكبرش الموضوع
علاء: بلا العيد فرحة بلا العيد فرحات..الطقم ده
ميتلبسش تانى..وطريقة الحجاب النص كم دى اخر مرة تتعمل ..مراتى متلبسش كده انتى
سامعة
ياسمين:
عارف انا مبحبش الاوامر..بس احلى كلمة قولتها هى مراتى عشان كده هسكت...يلا بينا
بقى فسحنى
علاء: حاضر ياختى ..ثبتينى (بيبص عليها) خارج مع
رقاصه ياربى هههه
ياسمين: رقاصه فعينك..هههههه يلا يا يااااااااض
بدل م اغوزك خرجو وفسحها فسحة جميلة اووووى
،
راحو لبتاع حمص الشام الى عالكورنيش الى دايمآ بيجيبو منه والى تقريبآ
حفظهم...واشترالها بلالين وغزل بنات، ولف بيها مصر كلها ماسك ايدها طول الطريق
ومشغلين الاغانى الى بيحبو يسمعوها سوا ...وكان ده من احلى ايام حياتهم سوا..واحلى
عيد عدى عليهم هما الاتنين
.
=========================
امل
عند ابراهيم.. خدت قعدتها وضحكها وهزارها معاهم...وقعدت تلاعب امل الصغيرة واداتها
العدية. ابراهيم اصلا كان رايح يعيد عليها ويوديلها نصيبها فاللحمة..بس هى سبقت،
اصل امل بتتلكك تشوف مصطفى..من ساعة فرحها م شفتهوش ودعت انهاردة فصلاتها قبل م
تنزل تشوفه حتى لو صدفه! بس طبعآ الدنيا عيد وامل نسيت انه هيكون قافل محله بس هى
لسه عندها امل تشوفه..وتفرح العيد ده. وهى نازله ورايحة ع بيت باباها
..بعد م سبقتها حماتها ع هناك، ابراهيم نزل
معاها يجيبلها تاكس .
.
الدنيا زحمة ومافيش ولا تاكس فاضى عشان الاعياد..بس اديهم مستنين. واخيرآ تاكس جه،
بس مركب حد جواه .
.مين.
.مصطفى!!
مصطفى رايح يعيد ع خالته ام ياسمين..وبالصدفه
ابراهيم شاور للتاكس،وبما ان طريقهم واحد امل ركبت ورا ومصطفى قدام جمب
السواق..ابراهيم اطمن ان ف حد معاها لحد البيت وطلع فوق لشقته. امل فرحانة
اوى..ربنا حقق دعوتها وشافت مصطفى..كانت حاسة بحنين فظيع ليه ونفسها تشوفه
.
وهو كمان مكنش مصدق نفسه، الى يبعده عن امل شبر.قلبه بيدق اوى ونفسه الطريق يطول
عشان يشوفها وقت اطول. كانت اغنيه قمرين شغالة فالتاكس..وكل شوية امل تبص لمصطفى
فالمرايا ،وكل م تبص تلاقى مصطفى باصصلها ومبتسم.. كلمو بعض بعنيهم كالعادة وكأنهم
بيطمنو ع احوال بعض من بعيد لبعيد واول م جت حته
..."
والله م كان ع بالى ياهوا... وبعدها حته قمرين دول ولا عنيك"...
مصطفى
يبتسم ويهز راسه ويبص من الشباك..وامل كمان كاتمة الضحكة وفرحاااااااااااااانة...يمكن
دلوقت امل حست انه عيد؛ ونسيت كل القيود الى عليها ومش بتفكر غير ففرحتها وبس!!! ،،،،،،،،،،،،،،،،،،،،،،،،،،،،،،،،،،،
^_^ ,3
#امل_بكرة
#بقلمى_نوراسماعيل
ليست هناك تعليقات:
إرسال تعليق