"عيد
الزواج الخامس "
اليوم ندى وعلى يحتفلا بعيد زواجهما
الخامس....البيت ممتلئ بالحاضرين ، فقد حضرت والدتها ومريم ويحيي ووالد على
والجميع سعداء لاجتماعهم معآ بمناسبه سعيدة مثل هذه مع ندى وعلى. والدة ندى تدخل المطبخ
الى ندى للتحدث معها ع انفراد...
الام: ايه الاخبار ياندى ياحبيبتى مبسوطة؟
ندى: مش قادرة اوصفلك اد ايه
انا مبسوطة ياماما ...على مش مخلينى نفسى فحاجة وبيعمل كل الى يرضينى وبجد احلى
ايام حياتى هما ال5 سنين الى عدو من غير م احس بيهم دول
الام: يارب دايمآ مبسوطين ياحبيبتى المهم بقى ان
ييجى البيبى الى هيكمل الفرحة دى عليكو
ندى:(تنظر نظرة لوالدتها بها حزن دفين) ماما
سيبيها ع الله احنا رحنا لكل الدكاترة وكلهم قالو ان احنا كويسين والمساله مساله
وقت وربنا يريد...وبعدين احنا لسه صغيرين
الام: الصغير بيكبر ياندى وبعدين بقالكو 5 سنين
يعنى بصراحة انا قلقانه ونفسى اطمن عليكى واشوف ابنك ياندى قبل مااموت
ندى: بعد الشر عنك ياماما متقوليش كدا ...سيبيها
عالله وربنا يريد الخير انشاءالله تحمل اطباق الكيك والمشروبات ندى ووالدتها
ويذهبون اليهم بالخارج... بينما يمزح يحيي مع اخيه ومريم ووالدهم يضحك عليهم.
.. يحيي: انت ياعم انت والله
عيب فحقى انى افضل سنجل كده واخويا الصغير بيحتفل بعيد جوازه الخامس ده كتير عليا
والله
على : طب نعملك ايه اذا كنت
انت فقرى كل ماتجبلك ماما زينب او بابا عروسة متعجبكش
يحيي: ياعم على هما البنات الى كنتو بتجيبوهالى
دى بنات ، ده عم فتحى البواب ف انوثة عنهم..(ثم ينظر باتجاه ندى وهى قادمة)
احضرينا ياندى
ندى: خير ف ايه يحيي: عايز اتجوز...زهقت من
السنجلة ياجدعان ندى: يابنى ادم احنا شوفنالك كذا حد وانت الى مرضتش مريم: ايوة
فعلا ملكش حجة عايز ايه بقى
يحيي: بصوو ياجدعان...بصراحة كده انتو لو
ملحقتونيش انا هتصرف
على : ازاى تتصرف يعنى يحيي: بصراحة كدا ف بنت
زميلتى فالشركة مهندسة بردو...عجبانى بقالها فترة لافته انتباهى يعنى ومش مخطوبة
ولا مرتبطة ع فكر
ة مريم يتغير لون وجهها...ثم
تسترد الحديث " طيب ماتفاتحها انك معجب بيها واطلب ايدها
" يحيي: ماهو انا بصراحة
خايف تكون شايفانى اخ والبس بقى
على : بقولك ايه مش انت كنت
دايما تقولى ادخل فالموضوع، اقطع عرق وسيح دمه...يلا ياخويا اديك اتحطيت فالموقف
ورينا هتتصرف ازاى
يحيي: بتدبسنى يعنى؟؟!
! على : بالظبط كده...عشان
تعرف الى كنت ف
يحيي: لا بقى انا مش هبقى زيك
وييجى واحد يقولها قبل منى واحط ايدى ع خدى انا واستناه لما يختفى من حياتها عشان
اقولها ههههههه
الجميع يصمت وعلى ينظر بعيدآ
بضيق ....ثم تتحدث والدة ندى للفت انتباههم عن كلمة يحيي التى اغضبتهم من دون قصد
وتبارك له وتشجعه ع الحديث مع زميلته هذه
ف اليوم التالى مريم كانت بالاستديو مع مخرج
البرنامج التى تعده بالمحطة الفضائية التى تعمل بها . وعندما فرغت من عملها وهمت
بالذهاب فاذ بصوت ينادى عليها من داخل الاستديو..
"مارسيل!! ..مارسيل استنى "
تسمع
مريم احدآ يناديها بأسمها القديم...الرعب يدب بصدرها ودقات قلبها تعلو دون ان
تستدير لترى من صاحب هذا الصوت ولكنها بالنهاية تقرر المواجهه... تدور مريم لترى
"عم وهيب " !!.
كان جارآ لعائلتها باسيوط ، وكانت ابنته جوثيانا
تدرس معها ورفيقتها بالدراسه والحياة عمومآ...وهم ايضآ من العائلات المتبقية من
اليهود بمصر، ولكن ماذا اتى به الى الاستديو فهو يعمل نجارآ وليس له علاقة ابدآ
بالاعلام. تذهب مريم لتسلم عليه وهى خائفة فهى ليس امامها ان تنكر نفسها فقد تعرف
عليها حقآ...
مريم: عم وهيب!! ازيك انا مبسوطة انا شايفاك هنا
وهيب: انا الى مش مصدق انك قدامى دلوقت، انتى
عايشة يابنتى نشكر الرب ومموتيش
مريم:(تنظر حولها وهى مرتبكة) عمو تعالى نشرب
حاجة فاى كافيه وانا افهمك ع كل حاجة..
. ******************
يذهبا معآ فتسأله هى اولا ما الذى اتى به اليوم
بالمحطة الفضائية ؟.
فيخبرها بأن احد مذيعى برنامج هذه المحطة استدعاه
للتسجيل معه ازاء موقف شجاع هو قام به وهو انه قام بالموافقة من زواج ابنته لشخص
مسلم وهذا مااحدث ضجة ببلدتهم وبلاعلام لانها حالة نادرة الحدوث لذلك طلبو التسجيل
معه.. تتشجع مريم لسماعها قصة عم وهيب فلا تتردد فى اخباره بما فعلت هى وابيها وما
اوصلها الى هنا اليوم بعد غياب 9 سنوات عن عائلتها ع انها متوفية! عم وهيب اثر
استماعه لقصتها ولما فعلوه يندهش ويخبرها بأن والدتها واخواتها شديدو الحزن
لفراقهم منذ هذا اليوم ، ولكنها تخبره ان قد توفى والدها الان وهى تعمل بهذه
المحطة كمعدة برامج بعد تخرجها من المعهد
. عم وهيب: طب وعايشة مع مين
يابنتى
مريم: عايشة مع ست زى ماما بالظبط، هى ام صاحبتى
وكنت عايشة عندهم من ساعة وفاة بابا وبنتها اتجوزت من 5 سنين ودلوقت مالهاش غيرى
وبتعتبرنى بنتها ال2 بالظبط
عم وهيب: انا اطمنت عليكى
يامارسيل يابنتى دلوقت...ولا اقول يامريم، بصى يابنتى القرار اللى انتى اخدتيه
انتى وابوكى ده يخصكو لوحدكو ومحدش له دعوه بيه انا رئيي ترجعى لوالدتك واخواتك
وتفهميهم وضعك وليه عملتى كده واكيد هيقدروكى
مريم: عم وهيب ارجوك متقولهمش
انك شفتنى ولا عرفت حاجة لانى مش هرجع ...انا خلاص اخترت حياتى دى واتعودت عليها
ومبسوطة كده
عم وهيب:ينظر الى الارض لان محاولته لترجيعيها
باءت بالفشل ثم يسترد قوله " طب يابنتى ع راحتك انا هسيبك دلوقت عشان الحق
القطر وانتى مش عايزة حاجة منى
مريم: لا ياعمو شكرآ...كان نفسى اقولك سلملى ع
اخواتى وماما بس مش هينفع هكتفى ان قلبى بيسلم..
يرحل عم وهيب تاركآ اثر جميل بمريم لانها اطمئنت
ع عائلتها برؤيتها له اليوم..
***************************
ندى ببيتها تقضى النهار بأكمله تقوم بوظائف
المنزل، واما تشاهد التلفاز او تتحدث بالهاتف لامها او مريم..
. يرن هاتفها الخلوى برقم
غريب دولى.
..تجيب ندى ندى: الو...مين
معايا
هنا: الو يابت ازيك...حذرى فزرى انا مييييين؟؟؟
ندى:(ترتسم الابتسامة ع شفاهها) يخربيت عقلك
امجنونة هنا
هنا:(تضحك) ايوة عاملة ايه وحشانى...اضطرتينى
اكلم مامتك واصدعها بكلامى عشان اخد نمرتك....عاملة ايه يابنتى وحشانى
ندى: لسه فاكرانى ياندله...انتى سافرتى من هنا
وقلتى عدولى...اخبارك ايه واخبار حسن
هنا: كله تمام...وع فكرة ف كريم كمان بيسلم
عليكى
ندى: كريم!! (بدهشة) هنا: كريم ابنى يابنتى مالك
...انا ربنا ادانى كريم بس ايه شبه كريم الكبير نفس العيون الزرق وانجليزى لانه
اتولد ففرنسا طبعآ
ندى: ندى تشرد ثم تسترد الحديث.." اها ربنا
يخليهولك
هنا: وانتى مش عندك بيبى ولا ايه؟
ندى: تصمت وتتنهد " لا لسه"
هنا: معلش لسه العمر قدامك...انا بتصل اقولك ع
خبر حلو
ندى: ايه
(وتشغل التلفاز) وتسير الى
غرفتها بالداخل فتستمع لصوت اغنيه مطربها صوتة ليس بغريب فتلتفت تجد كريم!! يعرض له
اول كليب بالتلفزيون وما هى الاغنيه ياترى؟! الاغنية التى غناها لها بالرحلة عندما
توجها بتاج الورود ندى يسقط من عيونها الدموع وع اذنها الهاتف وهنا تخبرها بانها
ستأتى الى مصر أخر الشه
ر فى هذه اللحظة على يدخل من
باب الشقة فيرى ندى واقفة لاحراك لها امام التلفزيون والدموع تغرق وجهها...واغنيه
كريم مذاعة امامها!!
:o
#ايام_الضحك_والدموع_ج2
#بقلم_نوراسماعيل
ياخبر يانونو حته موقف انما ايه زفت خااااااااااااااااااااااااااااالص مااااااااااااااااااالص باااااااااااااااالص
ردحذفبس الحلقه جامده اخر تلت اربع حاجاات