"ضاقت
ولما استحكمت حلقاتها...فرجت "
يحيي بقمة سعادته ويذهب هو ومريم نحو سرير ندى
ليخبروها بالخبر المفرح..
.
يحيي: قومى يابت ياندى ماتسلبطيش بقى ...قومى عشان الواد يحيي جوة بيخبط
ندى:(تنظر ليحيي)مين يحيي الى بيخبط ده؟
يحيي:
ابن اخويا على ...قومى يابت هتبقى ماما...وانا لما اشوف على ازاى يزعلك وانتى
جواكى ابنه الامور
ندى:(تبتسم بشدة) انا حامل...والله العظيم انتو
بتتكلمو جد
مريم:
هههههههه اومال هنكدب فحاجة زى كده،ايوة يااحلى نودة هتبقى ام وحامل فشهر ونص
يحيي: يلا اتحركى بالراحة واسندى عليا وهوصلك
بالعربية،ومتخافيش انا هروح اشوف حكاية سى على الى هيعملى فيها كبير ده
يقوم بتوصيل ندى الى منزلها ،التى شرحت طوال
الطريق الخلاف الناشئ بينها وبين على وقد تفهمت مريم الوضع فطلبت ان تذهب عند يحيي
وعلى لتوضح الامر وترحل
ولكن
ندى مايشغل بالها سوى، كيف ستعيد لحظة سماعها بأول حمل لها.. وعلى ليس معها :/
فرحة
طال انتظارها وعندما جاءت ....
.
*************************
مريم بمنزل يحيي ووالده وتجلس منتظرة على فاذ
يخرج لها من غرفته عابس الوجه...
على : اهلا يامريم ازيك
مريم: ياساتر عليك...ايه التكشيرة دى
على
: مريم انا مش ناقص...ف ايه يحيي قالى انك عايزانى
مريم:
طب براحة ياعم على ،بص ياسيدى الى عايزة افهمهولك ان ندى مالهاش ذنب فوجود كريم
امبارح معانا فعزومة هنا
على : مريم...خلاص الموضوع اتقفل مريم:لا متقفلش
واسمعنى ارجوك...والله لا انا ولا هى نعرف انه هناك واول م وصلنا وشوفناه هى حبت
تمشى وانا الى قعدتها...وع فكرة بقى موجهتلوش اى كلمة طول القعدة
على
: وهى حفظتك تقوليلى كده بقى يتدخل يحيي بالحوار..
.
يحيي: ماتفهم يازفت انت ،ندى متعرفش ان كريم ده هناك والى حصل حصل...حافظ ع واحدة
بتحبك بدل ماتضيع من ايدك مش احسن من الى خاطب واحدة محسساه انه ورقة ب 200 جنيه
ماشية عالارض
مريم
تنظر نظرة غريبة له وتقطع حديثه: وبعدين انت كده كده هتصالحها عشان ف بيبى بينكو
دلوقت
على
: بيبى ايه يامريم انتى كمان ندى مش حامل
يحيي:
لا حامل ياخروف،تعبت بعد مامشيت وروحنالها انا ومريم وودناها المستشفى طلعت حامل
فيحيي الصغير
على:(يضحك بشدة)قول ورحمة امك؟!
يحيي:
ورحمة امك وابوك...صدقت
على
: طب عن اذنكو...لازم اروح لحبيبة قلبى
مريم: طيب مدام حبيبة قلبك متزعلهاش تانى سهل
تلاقى حد بيحبك لكن صعب تلاقى واحدة فاهماك بس ندى ياعلى ال2
على
: طبعآ يامريم طبعآ...عن اذنك البس والحق اروحلها يحيي ينظر لمريم نظرة اعجاب
شديدة ويتحدث اليها...
يحيي: ايه الحلاوة دى يامريوم شاعرة
مريم: ع ايه يعنى عادى(وتبتسم بخجل) الى بيحب
لازم يسامح وعمره مايكره يايحيي
يحيي: عندك حق
*********************************
سيفا
بشقة داليا وتروى لها ما حدث الليلة الماضية بينها وبين كريم،فتنهلع داليا مما
تسمعه...
داليا:
انتى اتجننتى يابت انتى ولا ايه الله يخربيتك...هو انتى سلمتيه هدية ولا ايه ده
انتى سلمتيه اغلى حاجة عندك
سالى
: عارفة ع فكرة ،انا بحكيلك مش عشان تكلمينى عن عادات وتقاليد وابيض واسود انا
بقولك انى مبسوطة انه عمل كده عشان بالشكل ده هو هيحبنى خلاص
داليا: يحبك ده ايه؟! ايه الكلام العبيط
ده...انتى مجنونة ولا مافكيش عقل ،انتى مش عارفة ايه الى هيجرالك بعد كده،انتى
لازم تسيبى شقة كريم فورآ وترجعى هنا انتى سامعة
سالى
: لا مش سامعة انا عمرى مااخدت اوامر من حد..وع فكرة بقى انا ماشية
داليا:
ياسيفا اسمعينى انا خايفة عليكى سالى:تفتح الباب) سلاااااااااااااام
داليا تتحدث الى نفسها بعد خروج سيفا..: البت دى
اتجننت والله اكيد مجنونة.
.
**********************************
سالى تذهب لمنزل كريم فتجده بالجراج فتحضر
الشموع والموسيقى الهادئة وترتدى ملابس انيقة وتشترى العشاء وتحضره له وتنتظره ع
السفرا...واذ يدخل كريم فيجد هذا الجو الرومانسى بانتظاره...
كريم: ايه ده تصوير كليب جديد ولا ايه؟
سالى : ايوة بالظبط كده ،بس المرة دى مافيش
جمهور...لانه مش هيتعرض هيتصور بس..هههههههه
تمضى الليلة وفى الصباح الباكر يسمعا طرقآ ع باب
الشقة فيفزعو من نومهم ،فيقوم كريم بفتح الباب..
كريم:
ايوة ...حاضر ياللى عالباب:(يفتح الباب) نادر اخويا!!
نادر: كان لازم اجيلك دلوقت...عمك بيموت!
!!
:o
كريم: طب ادخل ادخل(يحتضنه بشده) وحشتنى يانادر
اوى
نادر:(يدخل بخجل )وانت كمان ياكريم
كريم:(ينظر اليه بحب) كبرت يانادر ماشاء الله
عليك
نادر:(يبتسم) ماهو الاسكايب الى بتكلمنا عليه
مهما كان مش بيبن الحقيقة مش كده
كريم:
وماما عاملة ايه
نادر: ماما كويسة وبتسلم عليك ومستنياك تيجى
معايا..
كريم : اجى معاك ازاى بس!!
فى هذة الاثناء تخرج سالى من غرفة نومه متسآلة
عن من الطارق؟!
سالى : مين ياكريم؟!
كريم:(ينظر
اليها ويخبئ وجهه بيده من خجله من اخيه)ادخلى جوة ياسالى ده اخويا
سالى
" ايه ده ماشاء الله مش ده الى شوفناه زمان وكان لسه فثانوى..(تمد يدها اليه)
عامل ايه نادر"(يستغرب وجود امرأة ببيت اخيه)
كويس
ازيك سالى : طب عن اذنك هدخل اخد شاور واجى اقعد معاك
نادر:(يلتفت الى اخيه) ايه ده ؟
انت اتجوزت !! كريم:(لم يجد اجابة ليقولها لاخيه
لا توبخ صورته امامه ، وبعد تفكير لثوان) اه اتجوزت
نادر: بجد!! الف مبروك،مش دى الموديل الى كانت
معاك فالكليب ..امتى ياكريم اتجوزتو ماحنا لسه مكلمينك الاسبوع الى فات مقولتش
يعنى؟!
كريم: يانادر سيبك منها وقولى ماله عمك؟!
نادر: بص لازم تيجى معايا البلد،هو ميعرفش انى
هجيلك..انا جبت عنوانك من وليد صاحبك فالاستديو وعملت نفسى رايح الجامعة وجيت ع
هنا
كريم:
ليه كل ده بس قلقتنى
نادر: مافيش وقت فالطريق احكيلك
كريم: طيب اقعد انت هنا وانا ربع ساعة اجهز واجى
معاك
سالى تخرج من الحمام اليهم مسرعة... " رايح
فين ياكريم،انا جايه معاك!!
كريم ينظر اليها ويعض ع شفتيه من الغيظ: هتيجى
معايا فين انتى هى رحلة.؟
سالى : هاجى معاك مطرح م رايح...عربيتى تحت يلا
نشوف اخوك عايز ايه بس
نادر ينظر اليهم وهو صامت ويستغرب حركات اخيه من
زوجته!!
***************************
على ذهب بليلة البارحة فوجد ندى نائمة فلم
يوقظها،بل نزل ليشترى بعض ملابس الاطفال وقد ملئ بها غرفة الطفل بمنزلهم وعندما
عاد نام بها دون ان يشعر ندى بأنه موجود ...وعندما استيقظت ندى وجدت على نائم
بغرفة الاطفال فدخلت عليه..
.
ندى: انت هنا من امتى؟
على :(استيقظ من نومه فامسك بيدها) وحشتنى وحقك
عليا وبحبك وسامحينى
ندى: لا والله م كنا هنتطلق امبارح؟
على : خلاص بقى وحياة كامل متقلبيها ادينى
بصالحك اهو
ندى: كامل مين؟؟باباك؟
على: لا ابننا
ندى: لا مش هسمى كامل اسم قديم موت...وبعدين قول
كده بقى انت جاى عشان البيبى مش عشانى
على : يووووه والله عشان ال2 انا ماليش غيركو
خلاص ،(يمسك باحد الملابس التى اشتراها) ايه رائيك ف دى لكمولة؟!
ندى:
قولتلك مش هسميه الاسم القديم ده ، حلوة اوى جبتهم امتى؟
على : امبارح ومرضتش اصحيكى نمت هنا ندى:
اممممم...طيب هروح احضرلك الفطار
على : لا تعالى تعالى هقولك كلمة سر قبل الفطار
ندى : ايه ياعلى عايز ايه على :(يحملها بين
ذراعيه) كل خير ان شاءالله(ثم يدخل بها الى غرفتهم)
ندى: والله ماطبيعى ههههههههههه
عالصعيد الاخر تصر سالى بالذهاب مع كريم الى عمه
بقنا بسيارتها ولن يستطيع كريم الرفض لعدم اشعار اخيه بأى شئ غريب بينهم...
وبالطريق
اخبره اخيه بأن عمه قد اصيب بطلقة ناريه اثناء الفترة الانتخابيه له الاخيرة من
احد رجال المرشحين جعلته بالمشفى لاسابيع بغيبوبة وايضآ لمعاناته من مرض القلب فهو
بحالة خطيرة. وقد اخبرهم الطبيب المعاج بانه باسوء حالاته وانه يجب ملازمتة فراشه
بمنزله لاحتمال حدوث الوفاة مابين لحظة واخرى. فقد احس هو ووالدته انه قد يفارق
الحياة بلحظة او بأخرى فاقترحت والدته بأن يذهب ليجلب اخيه لعل عمه يصحو ضميره
ويرجع له حقه.. يصلو الى المنزل بالفعل ،وقد لاحظ بعض اهالى البلد سيارة فارهه
يقودها كريم وبجانبه فتاة شقراء يروها بالتليفزيون وايضآ نادر يجلس ورائهم.
يدخل كريم وسالى من باب المنزل فتهرول والدته
مسرعة اليه وتحتضنه وهى تبكى حتى توقعة عالارض..
الام: ابنى حبيبى...حمدلله عالسلامة يابنى
كريم:(يبكى)امى حبيبتى (يقبل يداها ورأسها)
وحشتينى اوى ياغالية
الام: اللهم صل ع النبى زى البدر المنور
يابنى(ثم ترى سالى فتنظر باستغراب) ازيك ياقمر ..هو انا شوفتك فبل كده
نادر: ايوة جت معاه زمان فرحلة المعهد بتاعتة
وكمان عملت معاه الاغنية الى ورتهالك
الام: ماشاء الله الله اكبر ازيك ياحبيبتى
سالى : اهلا ياماما حمدلله ع سلامة كريم ليكم
الام: تسلمى يابنتى من كل شر
نادر: رحبى بيها جامد ياما عشان بقت مرت ولدك
الام:
مرته!!
#ايام_الضحك_والدموع_ج2
#بقلم_نوراسماعيل
الى اول
مرة يقراها يقول الى متوقع من الجاى ، كومنتاتكم بتسعدنى جدآآ
ليست هناك تعليقات:
إرسال تعليق