☻☻☻أمـــل بــكــرة ☻☻☻ الحــلــقة الثـالثة....

 كرستين: ايه ده؟ مالك؟!

 أمل: مافيش انا وقعت ع وشى وانا بكنس السلم

 كرستين: سلامتك احنا قولنا عشان كده انتى مش بتيجى...انا جبتلك المحاضرات وخلى بالك لازم الحضور الفترة الجاية ماشى

 أمل: حاضر ..

 كرستين: همشى انا بقى

مل: لا استنى ....لازم تشربى حاجة ميصحش.. كرستين: خليها وقت تانى عشان اتأخرت ..هبقى اجيلك تانى

 أمل: شكرا خالص ياكرستين...تعبتك معايا

 كرستين: ولا يهمك بتمشى كرستين ...فبيخرج امجد من اودته وامل بتوصل كرستين عالباب.

. امجد: مين دى

 امل: دى زميلتى فالدفعة

امجد: ااااااااااه زميلتى...طب ادخلى ياختى

 امل:حاضر

========================

امل بقالها اسبوعين فالبيت ..ولما جت تروح الجامعة امجد منعها وعمل مشكلة ،ولما اشتكت لباباها قالها ان اخوها بيتصرف صح لانه كان فجامعة وعارف وان لازم تتعاقب ومتروحش الترم ده كله غير الامتحانات.. امل مش بتروح الجامعة وزميلاتها بتقلق عليها وياسمين يوم والتانى عندها تطمن عليها وتقعد معاها شوية. امل جوه نفسها بتتكلم..

.اشمعنا هى الى بيحصل معاها كده رغم انها مبتغلطش وماشية عالصراط المستقيم، مهما كانت ياسمين صاحبتها أمل بردو عندها غيرة منها بتعمل كل حاجة نفسها فيها وبتحب ومحدش بيعملها حاجة وواخدة حريتها باعتدال...لكن بترجع وتسكت وتحمد ربنا ع الى هى فيه مستنيه اليوم الاحسن الى جاى فعمرها.

 الترم عدى وكانت بتروح امل كل يوم الامتحان ومعاها امجد يوديها ويجيبها ع معاد خروجها زى العسكرى عليها ..

 كتير كانت ياسمين بتحاول تتناقش معاه فانه ميتعاملش معاها كده لكن طبعا امجد مكانش بيسمح لحد يتكلم معاه فحاجة تربس فيها دماغه.. عدى الترم والاجازة كمان ...وامل فحبس انفرادى لما نفسيتها تعبت فبتقرر فيوم هبة مرات اخوها ابراهيم تاخدها يومين عندهم يتسلو سوا وتفك عن نفسها شوية.

بعد مناهدة طويلة مع والد امل من ابراهيم ع انها معاقبة وابراهيم شايف ان الى بيعملوه عليها ده كتير وممكن يخليها تتصرف العكس..كلامه ده اثر فوالده ووافق ع انها تروح يومين عند اخوها . وفيوم كده امل كانت واقفة فالبلكونة وبتشرب عصير مع هبة ،بالصدفة اول مرة تاخد بالها امل ان معرض النجارة بتاع مصطفى قدام بيت اخوها ابراهيم وان ابراهيم صاحبه.

 وهى واقفة كده بيطلع مصطفى قدام المحل وبيشرب كوبايه شاى بيبص لفوق وبيلمح امل..

.بيبتسم ابتسامة حلوة وبيسرح اوى لدرجة ان امل مقدرتش تدخل من كتر من نظرته اخدتها. واحد من الصبيان بتوع المحل بيكلمه فحاجة ومصطفى مش معاه خالص ومتنح لفوق، وبردو امل مش عارفة تدخل ...حاسة انها متلخبطة ومبسوطة وقلبها بيدق اوى ونفسها تعيط وتضحك فنفس الوقت...وكأنها علامة من ربنا انها تفرح فعز الحزن..

. ==================

 اكيد امل فرحانة وكل يوم تطلع تعمل نفسها بتسقى الزرع ع امل انها تشوفه واول م تشوفه تروح ترمى الابريق وتدخل وهى فرحانة . كل مرة تكلم ياسمين متجبلهاش سيرة عن انها بتشوف مصطفى ،مع انها عمرها ما خبت عن ياسمين حاجة بس هى مكانتش عارفة هى بتعمل كده ليه.

. خلصت الاجازة ورجعت امل للسجن من تانى وطبعآ سجانها امجد والترم بدء وعليها الغفير رايح جاى معاها..اصله فاضى مهندس مع ايقاف التنفيذ!!

 علاء وياسمين... قصة غرام بتكبر يوم عن يوم...علاء كلم اخوه الكبير ع انه معجب ببنت زميلته فالجامعة. بس اخوه قاله ان مش دلوقتى الكلام ده لازم بعد م يتخرج ويكون نفسه ويقدر يفتح بيت.

 .."ســارة"..

. بنوتة جديدة زميلة ياسمين فالدفعة ..وبنت ناس واصلة خالص اتصاحبت ع ياسمين اوووووى وعرفتها كمان ع امل . كل يوم ييجى اخو سارة يعدى عليها بعربيته الشيك احدث موديل يروح سارة للبيت. وفمرة من المرات بتعرف سارة اخوها ع اصحابها امل وياسمين.

. سارة: اخويا يونس يابنات صاحب شركة استيراد وتصدير كبيرة وكمان بيساعد بابا فشغله ...ودول صحباتى امل وياسمين

 يونس: اهلا وسهلا

 ياسمين: اهلا بيك...(بتميل ع امل وتوشوشها فودنها) اومل ام سارة قعدت 30 سنة ع بال ماجابت سارة بعد الاخ ده هههههههههه

 امل: بس عيب عليكى...طب هروح انا سلام ياجماعة عشان اخويا زمانه جاى برة

 يونس: سلام ابقى خلينا نشوفك

 ======================

☻☻☻ كل يوم فالجامعة وبين المحاضرات بالتحديد...

امل وسارة وياسمين مع بعض بيحكو سوا ..بيتكلمو سوا ..وبقو قريبين لبعض اكتر واكتر..

 سارة: انتى مرتبطة بعلاء من زمان يعنى ياسمين...اصله شكله بيحبك اوى

 ياسمين: يعنى من 4 سنين

 سارة: وانتى ياامل معندكيش قصة حلوة زى ياسمين كده

امل: لا انا موكوسة ماليش ههههه

سارة: اقولكو ع مفجأة..

 ياسمين: اها قولى

 سارة: انا محدش قالى فحياتى انه بيحبنى...عمرى م سمعتها ..الا واحد بس هو بيحبنى

 ياسمين: مين ده؟

سارة: ده جارنا ...ع طول لما ابقى خارجة يستنى لحد م اعدى...وكمان لما ببقى ماشية واقولة مساء الخير يقولى مساء النور...ومرة كنت واقفة فالشباك سمعته مشغل اغنيه لوائل جسار ..وانا بحب وائل جسار اوى

 ياسمين: اها كملى...عمل ايه تانى؟

 سارة: لا معملش حاجة تانى...هو كده وبس

 امل: وهو ده يبقى حب!!

سارة: ايوة...اومال تسمو الحركات دى اي

ه ياسمين: سارة ياحبيبتى الحب مش كده

 سارة: لا كده...وانا عارفة انه بيحبنى كويس اوى كمان

 ياسمين:: طب خلاص خلاص...(بتميل ع ودن امل) يالهوى دى سارة طلعت ترلالى

 امل: تصدقى صعبت عليا...انا خايفة اوصل للمرحلة دى من كتر من ان مافيش حد معبرنى لا ياشيخة انتى غيرها...علاقل انتى حلوة

امل: يعنى عملت ايه بحلاوتى...مانا متلقحة اهو

 سارة: انتو عارفين يابنات...لما بيكلمنى فالتليفون

 ياسمين: هو بيكلمك؟

 سارة: لا!!

 اه ياسمين: لا ولا اه

 سارة: لا هو هيكلمنى...بس انا بقى محضرة كلام كتير هقولهوله

 امل: سارة تعالى نغير الموضوع..

. سارة: ماشى

 =================

 سارة طلعت من ضمن بنات كتييييير حظهم قليل فالدنيا ...ومن كتر م هما تعيسين بيتخيلو حاجات تفرحهم...لدرجة انهم بيصدقوها.. المهم الترم عدى ...وبدأت سنة تانيه..

. فيوم راجعة امل من الجامعة لقت حد غريب عندهم فالصالون وامجد وباباها واخوها قاعدين معاه...مامتها بتقولها تدخل تسلم عليه...فبتدخل امل

الاب: تعالى ياامل سلمى ع عبدالله بن عمك

 امل: اهلا ياعبدالله حمدلله ع سلامتك ...جيت امتى من السعودية

عبدالله: لسه جاى...ياااه كبرتى ياامل..انا سبت مصر وانتى فابتدائى

امجد: مافيش حاجة بتفضل ع حالها ياعم عبدالله اهى كبرت وبقت شحطة اهيه

امل : طب عن اذنكو بتدخل امل وبتغير هدومها ...وبعدين بتعمل شاى وبتدخله بتسمع امجد اخوها وهو بيكلم عبدالله ع عقد فشركة كويسة ليه فالسعودية لا وكمان ع غير العادة مبسوط من قعدته اوى...ربنا يستر.

 ================

بتعدى الايام .. وفنهاية يوم دراسى ...يونس بيستنى سارة عشان يوصلها وجايب معاه علبه شيكولا جميله.

. يونس: انسه امل ...مبروك النجاح

امل: شكرا.. يونس: اتفضلى دى هدية نجاحك منى

 امل: شكرآ بس انا مش باخد هدايا من حد ...عن اذنكو

ياسمين: ع فكرة كلنا نجحنا مش امل بس...انا هاخدها عشان متدايقش مهما كان انت اخو صاحبتنا عن اذنك هههههه يونس بيبص لامل بصة غريبة وبياخد سارة ويمشى.، اما امل بقالها فترة كل م تروح تلاقى ابن عمها فالبيت...لا والغريب امجد بيخليها تدخل تسلم عليه وتقعد معاهم كمان...حاجة غريبة فعلا بس ايه الحكاية؟! لحد م جه يوم وامجد سأل امل عن رائيها فعبدالله..وقبل م تقول انها متعرفوش اساآ بيصدمها بمفجأة عمرها....!! o: