...
=====•••====•••====•••=====
مصطفى بطل روايتنا.. بقاله فترة اموره ع ما
يرام..الشغل ماشى تمام وفتح معرض تانى غير بتاع باباه، واخواته كويسين فالدراسه
والحمدلله. والبيت هو بناه وبنى ف شقة ليه كمان وبيوضب فيها، مصطفى حس انه كمل
رسالته ناحية اخواتة ووالدته..عايز يكمل الحلم الى حلمه زمان ويقدم ع كليه بقى
ويبقى معاه شهادة. الموضوع ده شاغله بقاله فترة فقرر يحكى مع والدتة فيه..
.
الام: تعليم ايه يامصطفى..يابنى انت دلوقت راجل كسيب وبسم الله الله اكبر معاك الى
يكفيك ويفيض ويخلى اى واحدة تتمناك ومتتعيبش ادب وذوق واخلاق، يبقى هنعوز التعليم
ف ايه بقى؟؟؟
مصطفى: ياامى كل ده كوم وتعليمى كوم تانى..لازم
يبقالى كيان
الام: وهو انت كده فيك ايه يابنى وحش
مصطفى: ياامى افرض عجبتنى واحدة مثلا يعنى واخدة
مؤهل عالى وانا بثانوية عامة يبقى ايه الحل دلوقت
الام: ولا حاجة يعنى هى هتاخد واحد وحش..وبعدين
بياخدو الكليات ويقعدو فالبيت
مصطفى:
ماشى بس ف حاجة اسمها تكافؤ اجتماعى
الام: بص يابنى..الدراسه يعنى عطله ولازم تتفرغ
لها بالكامل والورشه والمعرض محتاجينك..متنساش اخواتك صغيرين ومش هيسدو مكانك
مصطفى: طيب لو كملت وشفت شغلى بردو
الام: صاحب بالين كداب يابنى..واحدة فيهم لازم
تيجى ع حق التانيه، خدها منى كلمة نصيحة يابنى شغلك واخلاقك وذوقك الحلو هو الى
يعملك قيمة وسط الناس..لا عمر الشهادات عملت ناس ولا حاجة، ياما ناس واخدة شهادات
عاليه وطبعهم حلو الناس تحتقر التعامل معاهم
مصطفى:
امى انتى خلتينى اشيل الهم تانى واعرف ان مافيش امل
الام: يابنى كلامى ميزعلش، انا عايزة مصلحتك
مصطفى اتدايق من رأى والدته، خاف يكمل عادى وميسمعش نصيحتها يهمل الشغل غصب عنه
ويتقال عنه انانى ومش شايف مصلحتهم وبيبدى نفسه عنهم. فقرر اخوه يبتدى يكبر كده
ويدخل ثانوى وهيعرفه كل حاجة عشان يشيل معاه وهو يكمل طريق ابتداه زمان.
.
========================
ياسمين .. بقالها 4 شهور متجوزة ..بس مش سعيدة!!
طول يومها قدام التليفزيون او الفون بتتكلم مع امل او سارة بالساعات..ولو حبت تخرج
، بتخرج وحدها وبترجع وحدها . يونس ع طول فشغله وصفقات واتفاقات طول الوقت..ي اما
مسافر وكل ده وسايب ياسمين وحدها معظم الوقت. وفيوم يونس بيتحضر عشان ينزل للشغل..
.
ياسمين: ايه هتنزل زى كل يوم وتسيبنى لوحدى طبعآ
يونس: ف ايه ياياسمين
ياسمين: مافيش..زهقانة وطقهقانة وملانة ومخنوقه
وعايزة اطفش
يونس: ههههههه تطفشى!! طب م تخرجى السواق تحت
امرك
ياسمين: بطل تتعامل مع مشاكلى ببرود كدهـ ، انا
انسانة مش حتة ديكور فبيتك، اخرج وحدى وارجع وحدى ومنتهى الملل والخنقه وحياتى
مافيهاش جديد خالص
يونس:
طب اعمل ايه، م هو قدامك كل حاجة الشغل واخد كل وقتى والسفر اخدك معايا يعنى
ياسمين: طب مانا خريجة تجارة ممكن اساعدك وشوفلى
وظيفة عندك اشغل بيها وقتى
يونس: لا شغل لا!!
ياسمين: ليه بقى انشاءالله
يونس:
ياسمين بصى نتكلم بعدين..كده هيفوتنى اجتماعى الاولانى..اوك ياقمر.
.
ياسمين: اووووووووووووووف خلاص يايونس خلاص
ياسمين قاعده وحدها ومخنوقه..بتتصل بامل تقترح
عليها تعدى عليها تاخدها يتفسحو شويه، وبعد محايله طويييييييلة بتوافق وبيخرجو سوا
ومعاهم سيف الامور .
بتخلى ياسمين السواق يعدى من ناحيه بياع حمص
الشام الى كانت بتشرب من عنده زمان مع علاء وبتنزل تشرب هى وامل وتدمع وهى باصة
للمكان..
امل/ ف حاجة يابت؟
ياسمين: لا
امل:
طب يلا عشان المكان ساقع ع سيف
ياسمين: يلا بينا ..
==========================
عالجانب الاخر.. امجد معاه مشكلة مع الست الى هو
بيعملها الفيلا بتاعتها دى..اتعلق بيها وحبها، وهى اقنعته انها بتحبه .. وبقت
تاخده معاها كل حتة تروحها؛ البنت دى حكايتها حكايه..هى كانت بتحب واحد وكانت
عايزة تتجوزه ، اهلها مرضيوش عشان هو مصرى وكمان مستواه مش اد مستواهم
المادى..مكتفوش بكده وبس ..قتلوه!! عن طريق حادث عربيه عالطريق وكأنة قضاء وقدر،
البنت دى عندها عقده من يومها ..وعايزة تنتقم من اهلها باى طريقة...كل م تشوف شاب
مصرى ووسيم جه الشركة دى تحاول تعمل عليه لعبة الحب دى ، وفيه الى بيرفضها وف الى
بيستجيب زى امجد! اهلها عرفو بالى بينهم وهددو امجد اكتر من مرة انه يبعد
عنها..لكن هو مقدرش وفلاخر توصلو لاصحاب الشركة الى هو وعبدالله شغالين فيها.
ولانهم ناس واصلة فبلدهم وع ثراء واسع..اصحاب الشركة استجابو لطلبهم بأن الاتنين
يترفدو من الشركة وينتهى عقد عملهم وان حاولو النقاش...ممكن يبلغو عنهم ويرحلوهم!!
طب ياترى ايه ذنب عبدالله فده كله...ربنا يستر
======••••••============••••======
عبدالله
بقاله اسبوع بيحاول يرجع ملفه وورقه.، ده بقاله 12 سنة معاهم..ازاى يمشى كده وهو
مالوش ذنب. عبدالله من يوم م سافر عالسعودية وجاله العقد فالشركة دى وهو امين
وكويس وبيجرى ع اكل عيشه..مكانش يعرف مكان او حد تانى يجيبله عقد عمل فحته تانيه،
عشان كده لما اتوسط لامجد فالعقد عرف يجيبه من مهارته وخبرته معاهم وكفاءته. بس هو
مكانش يعرف ان كل ده هيحصله من ورا امجد وعناده وكبريائه، واخرة محاولاته باءت
بالفشل انه يرجع لشغله تانى ومشوهم هو وامجد برة الشركة.. عبدالله مش طايق امجد
فوشه..ودارت بينهم المناقشه دى.
عبدالله:حرام عليك يااخى..بقالى 12 سنة شغال
معاهم بسببك اتقطع عيشى وقعدت اقولك ابعد عنها بلاش الست دى
امجد:وانا
كنت اعرف منين انهم هيرفدوك معايا..وبعدين هنشوف شغل فمكان تانى وربك هيسهلها
عبدالله:
اشوف فين..انا كنت شغال كاشير فالهايبر الى تابع للشركة يدوب مؤهلى خدمة
اجتماعيه..فين هلاقى شغل غير مرمطة وذل وانا عندى بيت وولد
امجد: ليه مرمطة ياعم انت معاك مؤهل
عبدالله:
بس حاله مش ماشى هنا المؤهل ده..هشتغل بقى مرمطون ولا مبيض و لا نقاش ولا اى نيله،
طبعآ انت ولا همك معاك بكالوريوس هندسه تشتغل فالمكان الى يعجبك..روح ياشيخ منك
لله قطعت عيشى يعنى انا كنت السبب ففتح ليك باب رزق وانت قفلت باب رزقى
امجد:
انا ماليش دعوة ياعبدالله ومكنتش اعرف انهم هياخدوك فالرجلين..بس انا هشوفلك وربنا
يسهل وبعدين عنود اكيد مش هتسيبنا
عبدالله:
تانى عنود!! مش مكفيك الى حصل عايزنا نترحل ع مصر
امجد: م قولتلك هحاول اشوف حل...انت هتقعد تندب
زى الستات احنا الاتنين فمركب واحدة
عبدالله: طول عمرك انانى..انت مش حاسس بالنار
الى جوايا، مش كفايه فمصر مش لاقيين شغل كمان هنا ،روح منك لله...منك لله
مشى عبدالله وهو مهموم وحزين...بيفكر فالى حصل ،
هيعمل ايه دلوقت! شغله واترفد ومحدش بيلاقى شغل بسهوله هناك مش كفايه انها مش
بلده...ومعاه زوجه وطفل ميعرفوش حاجة م الى حاصله معاه ولازم يبعتلهم ويبعت لابوه
كل اول شهر.. عبدالله دور فالعشر ايام دول ع شغل ومش لاقى...لدرجة انه مكانش معاه
حق الاكل مع ان امجد ساكن معاه ، بس امجد بيدور ع شغل بردو وطول اليوم مع عنود
السعودية وناسى عبدالله خالص...اصل محدش يستنى حاجة من حد انانى؛ ومبيفكرش غير
فنفسه!! ياترى الايام مخبيه ايه؟؟؟
========================
أمل
قاعده مع حماتها والدة عبدالله بتلاعب سيف..ومرة واحدة قلب الست اتقبض !! خير ان
شاءالله..
الام:
معرفش ليه قلبى مقبوض من ناحيه عبدالله ياامل
امل: هو بقاله اسبوع ماتصلش..مع انه متعود يتكلم
كل يومين يسمع صوت سيف
الام:
وانا كمان مكلمنيش من اسبوع وشويه..ياترى ف ايه معاك يابنى طب بيكلمك امجد؟
امل:
امجد اخويا بلاسم يامرات عمى...قاعد معاه فالسكن ولما بيكلمنى عبدالله مبيفكرش
ياخد منه السماعة يسلم عليا ولا يسمع صوت ابن اخته
الام: نفسى اعرف الواد ده طالع براوى لمين؟
امل: يلا ربنا يستر..انا هنزل انيم سيف يا مرات
عمى عازوة منى حاجة
الام: لا يابنتى..بس لو طلبك عبدالله ابقى
قوليلى عشان قلبى مشغول عليه اوى
امل:
طب بصى انا هشحن كارت واتصلك بيه
الام: لا خلى فلوسك معاكى..مين عارف بكرة وبعده
ف ايه..هو هيتكلم من النت زى عوايده ..جيب العواقب سليمة يارب نزلت امل لشقتها
ومعاها سيف..هى كمان قلبها اتوغوش شويه..ماهو مهما كان جوزها وابو ابنها بردو..
واثناء م كانت بتنيم سيف رن تليفونها برقم غريب..
امل:
الو..
عبدالله: ايوة ياام سيف (بصوت مخنوق)
امل: ايوة ياعبدالله...عامل ايه
عبدالله:
انتى كويسه والواد بخير
امل:
الحمدلله احنا كويسين..امك كانت عايزة تكلمك استنى اطلعلها
عبدالله:
لا... مش هينفع..اصلى المكالمة قليله وهتقطع معاكى دلوقت انابس كنت عايز اسمع صوت
سيف(ماسك نفسه من العياط)
امل: ف ايه ياعبدالله..مالك ياخويا
عبدالله:
ماليش ياام سيف..تعبان شويه قلت اسمع صوت الواد
امل: بس هو نام والله
عبدالله:
خلاص ماليش نصيب...خدى بالك من نفسك ياام سيف ومن سيف بالله عليكى
امل: حاضر ..بس انت فيك حاجة..مالك ياعبدالله
اتكلم ياخويا
عبدالله: مافيش سلامتك يا ام سيف...ادعيلى انتى
بس ومتنسنيش
امل:(عيونها دمعت من صوته وطريقه كلامه) حاضر
ياعبدالله..ربنا يسترها معاك دنيا واخره يارب
امل
قفلت وهى قلقانة.. ، كانت حاسه انها اخر مرة تسمع صوت عبدالله..الاحساس ده سيطر
عليها خلاها تحط ايدها ع قلبها وخبت الدموع وحضنت سيف اوى،،، ربنا يستر.
..
============================
تانى
يوم امجد بيصحى عبدالله عشان دبر مبلغ وجاب فطار..بيصحيه لقاه مش حاطط منطق!!
امجد
اتخض لقى عبدالله بينزف من ورا ودنه!! يانهار ابيض.. بسرعة جاب اسعاف ونقله. دخلو
للاستقبال وامجد مش معاه الى يكفى ..الدكاترة بيكشفو عليه وبلغو امجد ان عبدالله
متعرض لجلطة نتيجة لارتفاع فضغط الدم المفاجئ.
.
عبدالله نام يومين فالمستشفى من غير ولا حركة والاجهزة حواليه... امجد بيحاول
يستلفله مبلغ عشان يغطى التكاليف ، وهو جاى فنهايه اليوم التانى وهيدفع المبلغ
ويتطمن عليه .. الدكاترة بلغوه.. انه توفى!!
عبدالله نام كل يوم مهموم وفاخر ليله ليه
فالدنيا ..فكر فان خلاص هيعمل ايه وهو مرفوض فبلده وفالبلاد الغريبه؟ هيعمل ايه
وهو مالوش مستقبل يتسند عليه عشان ابنه ومراته وابوه وامه؟ نام زعلان ومهموم
...قلبه ودماغه مستحملوش ومات!! ربنا يكفينا شر الحزن وشر الغفله
===========================
معلش.. بس هى دى الدنيا ومنقدرش ننكر ان كل ده
بيحصل فيها..وناس بتروح ع اهون سبب!!
#أمل_بكرة
#نوراسماعيل
==•••===•••===•••====
امجد محتاس!! اول مرة يحصل معاه كده، هيعمل ايه
دلوقت.. امجد مش متدايق ع عبدالله ع اد ماهو متدايق ع نفسه وع انه مش معاه الفلوس
الى يقدر ينزل بيها مصر امجد اخد الجثه بعد م طلع تصريح الدفن من المستشفى، واتصل
بيهم فمصر وكانت المفجأة!!
بالصدفة كانت امل عند ابوها وامها ...وسمعت
الاتصال ومسكت سيف وقعدت تعيط جامد
..
سيف اتيتم وهو صغير ..ولسه ماشافش ابوه حتى يعنى هيكبر وهو محروم حنان الاب.. وامل
اترملت وهى مكلمتش ال 25 !!
مامت امل قعدت تصوت وابو امل قعد عالكرسى محطش
منطق مش عارف يقول حاجة وامجد عالسماعة ، حتى سيف حس ان باباه مات وقعد يصرخ جامد
كانه حس انه بقى يتيم خلاص فالدنيا دى وعمره م هيشوف ابوه تانى
..
والد امل قال لامجد انه هيبعتله فلوس النزول لمصر ومعاه نعش عبدالله الناس كلها
عرفت ان عبدالله اتوفى فالخارج...وابوه وامه هيموتو وراه ..امجد وصل ومعاه نعش
عبدالله راحو ابوه وعمه ياخدوه م المطار.
..
حالة حزن عامة..
الكل لابس اسود والكل بيعيط...ابراهيم شال
الخشبه مع ابوه واخواته ونصبو العزا بعد م كفنوه ودفنوه فالمقابر بتاعتهم ...
العزا مافضيش من الناس...عشان هو غال عالكل وفنفس الوقت شاب..الله يرحمه!!
امل
قاعده فشقتها مش عارفه ايه مصيرها؟! هتفضل قاعده هنا ولا هتروح ع بيت باباها
تانى؟! ووسط لحظات م التفكير فحالها والى وصلت ليه ، بتنزل حماتها لشقتها وهى
متدايقه ومش فوعيها من ساعة وفاة ابنها الوحيد .
. ام
عبدالله: انتى فين؟ انتى فين يابومة؟
امل: ايه يامرات عمى
ام
عبدالله: لا مرات عمك ولا زفت..انتى تغورى من هنا يابومة يلا قصفتى عمر ابنى
امل: وانا مالى يامرات عمى ..هو انا الى موتته
ام عبدالله: ايوة انتى بقدمك النحس الشوم علينا
..الواد مات مجلوط من ايه ياختى منك ومن عمايلك وكلامك
امل: انا!! ده انا طول عمرى كويسه معاه وهو عمره
م اشتكى منى...ليه كده يامرات عمى الله يسامحك
ام
عبدالله: ياريته م اتجوزك ولا خدك يافقر ..غورى من شقه ابنى انتى وابنك الشوم ده
..مش عايزين حاجة منكو..سيبونى لوحدى ..سيبونى احصل عبدالله (بتعيط اوى )
امل: انا مش هرد عليكى يامرات عمى، بس انا همشى
انا وابنى حاضر
امل مشيت.. ابراهيم خدها لبيته لانها مش هتستحمل
الجو مع امجد تانى وخصوصأ فالظروف الى هما الاتنين فيها.. هما عارفين ان الست الى
هى فيه ده حالة وهتعدى، ولحد م تهدى هتفضل عند ابراهيم ومراته ..
ابراهيم: منورة بيت اخوكى ياامل
امل: تسلم ياخويا
هبه: قلبى عندك...ادخلى ياحبيبتى هاتى الواد
(بسم الله الرحمن الرحيم)
امل: انا عارفه انى هبقى ضيفه رخمة بس استحملونى
..مش هقدر اقعد فوش امجد هناك فبيت بابا
ابراهيم: نستحملك!! يابت انا اخوكى الكبير وده
بيتك ومش هقولك ان مشالتكيش الارض تشيلك عيونا..لا انتى صاحبة البيت واحنا ضيوفك
امل: ربنا يخليك ياابراهيم يارب
مصطفى عرف ان جوز امل مات، فقرر يروح يعزى
ابراهيم لان هو اقرب حد ليه فالعيله...بس مكانش يعرف ان امل هناك!!
مصطفى : البقاء لله..ربنا يجعلها اخر الاحزان
ابراهيم: سبحان من له الدوام يامصطفى...منجلكش
فحاجة وحشه
مصطفى:
اكيد امل حالتها النفسيه تعبانة مش كده..خصوصآ ان ابنها لسه صغير
ابراهيم: اه والله ربنا يصبرهم..استنى هى جوه
هناديهالك تعزيها بنفسك.
.لحظة
واحدة مصطفى سمع ان امل موجودة وهيشوفها!!
وقلبه قعد يرقص بس اتحكم فنفسه...اصل ده عزا مش
لعب وقلة قيمة .. دخلت امل بلبسها الاسود وعيونها المكسورة..وع كتفها سيف الى حته
منها والى كان اول مرة يشوفه مصطفى.
مصطفى: البقاء لله ياام سيف
امل: سبحان من له الدوام (بتسلم وهى باصه فالارض
وايدها متلجه وبترتعش...اول مرة يمسك ايدها!! فحالة وفاه )
مصطفى: ربنا يباركلك فالولد ويكون سندك يارب
امل:
يارب (بصتله من تحت لتحت وكأن مصطفى الايد الطيبه الى بتطبطب عليها كل م الدنيا
تقسى عليها )
مصطفى
نزل من عند ابراهيم...وهو مش عارف فرحان ليه..بس بيقول لنفسه لاشماته فالموت ومش
عارف ايه الزمن مخبى تانى ليهم.. =============================
ياسمين
ماسبتش لحظة امل من ساعة وفاة جوزها لحد الاربعين.
.
طبعآ لسه يونس معودها عالاهمال والغياب، الحاجة الى خلت حنينها لعلاء يرجع لها
تانى وتفكر فيه وف انها عايزة تشوفه. فقررت فيوم تنزل وتروح الصيدليه لعل وعسى
يكون لسه فيها بيشتغل وتشوفه!!
ياسمين
وصلت بعربيتها عند الصيدليه ولاحظت ان اسمها اتغير واسم علاء اتحط جمبها .
.
السائق:انزل انا يامدام اجيبلك الدوا الى عايزاه؟
ياسمين: لا انا هجيبه ..خليك انت هنا
نزلت ياسمين ودخلت لاقت واحدة بنوتة قاعده
بتشتغل ومش موجود علاء!!
ياسمين:
لو سمحتى الانسه: ايوة اى خدمة
ياسمين: هو فين دكتور علاء؟
علاء كان جوه فالمعمل وسمع صوتها ..صوتها الى
عمره م يتوه عنه ، مرة واحده قلبه دق وارتعش وخرج لبرة.
.
الانسه: حضرتك عايزاه
علاء: ف ايه يابسمة؟
الانسه:
المدام بتسأل ع حضرتك يادكتور
علاء
شاف ياسمين!! اتغيرت واحلوت كتيييييير ..ونسى لثوانى انها متجوزة ورجع افتكر، لكن
ياسمين ابتسمت ابتسامة مقدرتش تخبيها لما شافته..
علاء: ايوة يافندم اؤمرى
؟
ياسمين: (ياسمين واقفه بتبص لعلاء وع شكله الى اتغير شويه ومستغربه انه بقى صاحب
الصيدليه ومتعرفش ازاى) لو سمحت كنت عايزة دوا منع حمل
علاء:(استغرب علاء انها مش عايزة تخلف بس طرد
الافكار من دماغه عشان ميستسلمش) نوع ايه حضرتك؟
ياسمين: معرفش اى نوع علاء: لا حضرتك لازم نشوف
روشته الاول عشان اعرف اديكى حاجة حسب حالتك
ياسمين:
طيب اوك...ابقى اعدى وقت تانى ومعايا الروشته عشان نسيتها
ياسمين خرجت وهى مبسوطة انها شافته..وعلاء بص من
ورا الازاز ع عربيتها الشيك والسواق ورجع دخل المعمل ومسك قلبه الى وجعه لما شافها
وافتكر كل حاجة ودمع . اصلها مش زارير هندوس عليها وننسى بسهوله ونحب جديد...علاء
عارف ان ياسمين مش هتحب غيره، وياسمين عارفه ان علاء لسه فاكرها ..زى م هى فاكراه
!! ======================
استنزنا
بليل J
كومنتاتكم
وارائكم وتوقعات الى جاى يهمنى ^_^
#امل_بكرة
#بقلمى_نوراسماعيل
ليست هناك تعليقات:
إرسال تعليق