وسام راح لاهل منى .. بدآ الاول يشرح الموقف انها ليه هربت . من غير م يرسيهم انها عنده ، بس قالهم انه عارف مكانها يعنى وانها بخير وان عرف ده كله منها شخصيآ الى حسبته لاقته منى ، ان اهلها كانو هيصرو انها تتمم الجوازة ولا انها تفضحهم كده . بس الحمدلله انها هربت .. اهو قضا اخف من قضا .. كان زمانها متجوزة الراجل المجنون ده وبقت فخبر كان . المهم وسام ادى مهمته ع اكمل وجه .. واخد عهد منهم ان محدش يتعرضلها ويبطلو زن عليها بقى لان الجواز ده بتاع ربنا والى مقسوملها هتشوفه حتى لو هما اصرو انها تتجوز حد وربنا مش كاتبه .. هتيجى ع اهون سبب زى م حصل وتتفركش !! اما بقا الست مى .. فدى مفضية نفسها من الصبح بدرى .. بتدور ع مقلب جديد تعمله ف وسام! ونوت والنية لله انها متحرموش من حاجة ابدآ فقررت تجيبله حيوان يسليه وهى دلوقت فمحل بيع الحيوانات .. ومعاها الفريق كله . منة : طب فهمينا بتدورى ع ايه بالظبط واحنا نساعدك مى : مش هتفهموا انا عايزه ايه منة: لا قولى بس غادة : لا ازاى خلاص مى بقى سرها نفسها ومش مهم اى حد عندها مى : ايوة بالظبط يا دودا .. اهم حاجة نفسى وانى اضحك اضحك وبس!! غادة : مممممممم طيب انا هروح المكتب عشان سايبين الشباب لوحدهم امنية: خدينى معاكى .. تشاو مى : اوك تشاو (بتدور لمنة) هتروحى معاهم ؟ منة : لا انا قاعده معاكى اشوفك هتجيبى ايه وليه مى : مممممم(بصت ع صندوق سحالى ) ايوة لاقتها هجيب سحليه!! ممنة: سحلية!! اتجننتى يامى مى: لا بالعكس منة: وهتجيبها ليه ان شاءالله مى : عشان اطفش وسام فعيشته منة : حرام عليكى ... سيبيه فحاله يامى مى : جرى ايه يانحنوحة !! انا محدش بيدينى اوردارات وبعدين خلاص انا قررت .. هجيب سحليه .. وفعلا اشترت سحليه جبليه .. واخدتها وراحت المكتب وكلهم استغربو ع افعالها ، الى ضحك والى قال عليها مجنونة .. وبعد م روحو .. هى عرفت ان وسام كان فالبيت من عم سليمان البواب .. طلعت ودخلت البلكونة .. ورمت السحلية ع بلكونة وسام ووقعت فيها ودخلت ع طوول .. وسام طبعآ قاعد فالليفنج روم ، بيقرا ومنى فاوضته بتتحضر انها هتروح بكرة مع وسام لاهلها زى م وعدهم ... سمعت خشخشة غريبة فالبلكونة كده .. فتحت النور .. وبصت لاقت سحليه .! صرخت ونادت ع وسام بسرعة ، وسام جه جررررررررى وسام: ف ايه يامنى ؟ مالك منى : ف حاجة غريبة فالبلكونة وسام: حاجة ايه ؟ دخل لاقاها السحليه !! مسكها لانة راجل ومش بيخاف طبعآ منى خافت جدآآ وسألته: دى جاتلكو منين دى ؟ وسام: من الحيزبونة الى ساكنة جمبى منى : هههههههههههههههههه البت جارتك برضو ؟ وسام: ف غيرها منى : وهى ليه مستقصداك كده ع طول؟ وسام: والله م اعرف (طالع برة) منى : هتعمل ايه ؟ وسام: هتعرفى .. خبط واول م فتحت الباب رمى السحلية فوشها اتخضت وبعدين مسكت نفسها قدامه .. مى : ايه ده !! كوكى انتى لاقتوها فين (بتستعبط) وسام: حمدلله ع سلامتها ياختى (قرب ناحيتها تقريبآ دخل لعتبة الباب) عارفة يابت انتى .. م اديكى بضهر ايدى فوشك وبعدين اناولك مقص اوقعك ع صف سنانك القدامانى اخليكى بعد كده تقولى " مشششاء الخير يابنى " زى ستى الحجة ، بس ارجع واقول م هعمل عقلى بعقل عيلة زيك .. يابت اكبرى شوية مى : يااااااااااااااه يا ويسووو كل ده حب فقلبك ليا(بتستفزه) وسام: اه تصدقى .. لو فتحتى قلبى دلوقتى هتلاقيه بيدلدق عليكى حب كده .. ده انا بحبك حب استغفر الله العظيم لا يتحمله بشر مى :(بصت فعينه اوى) تعرف وليام شكسبير قال اذا احببتنى او كرهتنى الاثنان مفضلين عندى فان احببتنى امتكلكت قلبك .. وان كرهتنى امتكلت عقلك !! وسام وقف باصص فوشها وهى كمان بعد الكلمة دى لمدة 30 ثانية تقريبآ. كل ده ومنى واقفه ورا الباب وشايفة ده كله وغيرانة حبتين ونفسها يخلص ويدخل جوه بقى .. وسام: طب غورى .. غورى خشى جوه وعيب الى بتعمليه بجد .. انا بكلمك جد بقى كفايا لعب عيال عشان والله انا م فاضيلك مى : مش هتقفل قبلى المرة دى (قفلت هى فوشه المرة دى) وقف وسام وضحك وقفل الباب وقال وهو بيبرطم بصوت واطى : عيله مجنونة اقسم بالله لف لقى منى قدامه: ف ايه يامنى ؟ منى : لا مافيش ... حليت المشكلة وسام: عالله تكون خلصت عشان انا زهقت منها البت دى قالها تصبحى ع خير ودخل اوضته .. ومنى واقفه كده وبعدين دخلت ، اصل مالهاش حق تحاكمه ولا تحاكمها دى مجرد ضيفه وهتمشى .. ^^^^^^^^^^^^^^^^^^^^^^ تانى يوم ..منى روحت لبيت اهلها.. والامور اتظبطت .. وقالتلهم انها كانت عند واحدة صاحبتها متجوزة . اما مى بقى .. كانت عند اختها سهر ومعاها منة وزياد موجود والجمع مجتمع والحمد لله زياد قال لمنة كلمتين حلوين من باب المجاملة .. بس منة مسكت فيهم زى الهبلة وطول الطريق تقولهم لمى .. " قالى بتحلوى فكل مرة بشوفك فيها " الله !! المهم يعنى منطولش عليكو .. مى باتت عند اختها اليوم ده من باب التغيير .. وصباحآ بقى والناس بتقول جود مورنينج لبعض زياد بيتكلم مكالمة دولى ,, معرفتش تنام مى من صوته وطلعت تكلمة .. وقفت عند كام كلمة كان بيقولهم زياد .. زياد: i love u baby give me kiss where,s mom? مى : فين ماما ؟ وبحبك ياابنى ؟ ايه ده (فنفسها) خلص زياد المكالمة ع انه زى م فهمت مى بيوصى ست ع ابنه وانها تراعيه وتاخد بالها من نفسها .. مى : انت متجوز؟ زياد: مين قال انى متجوز ؟ مى : انا سمعتك ماما وادينى بوسة حبيبى .. ووحشت بابا ولا سمعت غلط ؟ زياد: لا .. ههههههه ده ابنى من صاحبتى ... مى : ايه!! ههههههههههههههههههههههههههههههههههههههههههههههههههههههههههههههههههههه (وغرقت فكريزة ضحك كالعادة )
ليست هناك تعليقات:
إرسال تعليق