ايـــــام الضـحك والـدمـوع الحلقة الثانية

رجع على من الاسكندرية بشوق شديد الى ندى وقد اخبرها اثر محادثتهم التيلفونيه عن ماحدث له مع اللصوص وذلك الشاب الشهم الذى وقف بجانبة رغم عدم معرفته به . مرت الايام حتى جاء ميعاد ظهور نتيجة التنسيق بقبولهم بالمعهد العالى للفنون المسرحية وكانت هذه رغبة ندى لانها ترى نفسها بموهبة التمثيل وكانت مغرمة بالمسرح منذ الصغر ،وقد جاء لعلى نفس القبول بالمعهد ع الرغم عدم وجود اى موهبة يمتلكها على ولكنه اراد ان يظل مع ندى باى مكان ان كانت.. بدا العام الدراسى الجديد وذهبت ندى بصحبة على الى المعهد وهى فشدة الفرح والسعادة اخيرا سيتحقق حلمها التى طالما حلمت به طويلا. يذهبا فتقترح ندى ع على ان يذهب يتفقد اماكن وقاعات المحاضرات اذ هى تذهب لنقل جدول محاضراتهم، بالفعل يذهب على يتفقد المعهد وقاعاته اذ بشخص يضع يده ع كتفه فينظر على ليجده كريم!!!

على: ايه ده!!! ازيك ياراجل ايه الصدف الى مش مقصودة دى (ويحتضنه بشدة)

كريم: انا شفتك من بعيد افتكرت معاك مشكلة تانى هنا ههههههه على : لا ابدا انا اتقبلت هنا فالمعهد ، وانت ليك حد هنا فالقاهرة جاى له ولا ايه؟ كريم:لا ده انا معاك هنا يامعلم على :معايا!!!! انت يابنى مش فتجارة!!! كريم: فعلا بس انا قولتلك ماليش فجو الحسابات والشركات والقرف ده انا بحب المزيكا والعزف والغنى والتمثيل وبصراحة بقى سحبت ورقى وكنت ماشى فموضوع التحويل ده بقالى فترة وانشالله خلاص هتقبل معاكو هناد على : ده خبر حلو اوى ...طيب مدام كدا اعرفك بقى ع اختى ندى كريم: ايه ده اختك هنا معاك؟ على: لا مش اختى بالظبط بس متربيين سوا وهى اتقبلت معايا هنا

فظل هذة المحادثة كانت ندى تحاول ان تجد الجدول وسط زحام الطلاب فتضغط من دون قصد ع قدم احدى الفتيات

الفتاه:مش تفتحى يابنتى انتى ندى اسفه مقصدش كنت عايزة اجيب الجدول بتاعى الفتاه : انتى فسنة كام ندى فسنة اولى الفتاه : اشطا انا كمان فاولى(تمد يدها الى ندى) انا هنا ندى : اهلا بيكى ياهنا انا ندى هنا: ندى انا تقريبا جبت الجدول خديه ندى: شكرا اوى هنا: ع ايه....انتى هتعملى ايه نا و ندى: ابدا هروح انا وعلى هنا: مين على ده؟...صاحبك؟ ندى: لا ده حد زى اخويا وجارى وكدا...هو تلاقيه هناك عند القاعات يلا نروح له

تذهبا ناحية على اذا يراها على فيجرنحوهاا ليقول لها...

على: ندى فاكرة الشاب الى حكيتلك عليه بتاع خناقه الاسكندرية؟ ندى: اه فاكرة على : اهو...كريم معانا هنا فالمعهد

كريم:(يمد يده الى ندى وهو ينظر اليها بنظرة عميقة مبتسما) اهلا ندى ندى: اهلا كريم....ودى هنا اتعرفت عليها عند الجدول هنا: هاى شباب على وكريم: هاى هنا كريم: ماتيجو شباب نشرب حاجة فالكافيتيريا كلنا على : مرة تانية يا كريم لازم نروح دلوقت هنا: هتيجو امتى ندى: اول الاسبوع الجاى انشالله يذهبا على وندى بينما يسرح كريم بندى ناظرا ناحيتها وهى ذاهبة فتقاطع نظرتة هنا قائلة....:..

هنا: انت يا اخ تعالى نشرب حاجة احنا ونشوف هنعمل ايه سوا وكدا يعنى كريم: وكدا يعنى....طيب ياختى اتفضلى

تمر الايام والعام الدراسى فبدايته ونزداد علاقة ال4 شباب تواطدا ببعضهم لبعض،الضحك وخفة الدم والتعاون هو السائد فبداية اى علاقه ، ثم تظهر المفاجئات..

اذ تلاحظ هنا احدى الطالبات بسكونها الدائم وعدم اختلاطها باحد وتذهب بعد المحاضرة مباشرة هنا قائلة لندى ناظرة ناحية الفتاه

: هنا: ندى البنت دى دايما قاعدة وحدها ومش بتكلم حد بتيجى وحدها وبتمشى بعد المحاضرة ع طول ماتيجى نشوفها ملها دى

ندى: مالناش دعوة ياهنا....بطلى حشرية

هنا: لا هعرفها تعالى تتجها نحو الفتاة فتبدا هنا بالكلام هنا: هاى...انتى ليه قاعدة لوحدك كدا الفتاه: لا عادى انا معرفش حد هنا هنا: عادى ما انا كنت مش اعرف حد وصاحبت العيال دى، انا هنا ودى ندى وانتى؟

الفتاة:اهلا وسهلا...اسمى مريم عن اذنكم فتقوم مريم لتذهب خارج قاعه المحضرات حاملة كتبها..

ندى: عاجبك الكسفة دى هنا: ولا كسفة ولا حاجة: هفضل وراها مش هسيبها عيييييب دا انا هنا....البت دى وراها مصيبة!

بعد مرور شهر ونصف من العام الدراسى ويظهر عالطلاب النشاط والاجتهاد بالاخص كريم وندى لانهم اكثر هم حبآ لدراسة هذة المواد

،هنا لديها مخطط اخر وهو محاولة ضم مريم اليهم وجعلها صديقة لها وما السر وراء جلوسها وذهابها وحيدة وعدم اختلاطها باحد

. تذهب الي مريم هنا لتتحدث اليها بينما مريم فكل مرة تبتعد ولا تنوى الاقتراب من احد حتى تنجح فذات مرة هنا فتقريبها منهم وجعلها من ضمنهم.وتنجح فمحاولتها بتكبير فريقهم **********

ذات مرة بعد حضورهم محاضرة من المحاضرات بينما الشباب ال5 جالسون سويا اذ يستمعو لصوت طالب من زملائهم بالفرقة يغنى بصوت عذب فيلفت الانظار اليه لينزل كريم الى حيث المكان الجالس فيه هذا الشاب هو واصدقاءه ليسمعه بوضوح ولما فرغ من غناؤه بصفق له كريم مبديا اعجابه بصوته. كريم: ايه الجمال ده يانجم صوتك رائع الشاب: من بعض ماعندكم ياكبير انت كمان عزفك هايل وصوتك اروع احمد: دانت عارفنى بقى!! الشاب: ايوة طبعا وهل يخفى القمر دانت اشهر من النار ع علم دا انت من كتر تنطيطك مع الدكاترة سميناك انا واصحابى فرقع لوز هههههه كريم: فرقع لوز!!!!لا حلوة اسمك ايه بقى ياظريف الشاب: بص ياسيدى محسوبك عمرو وده طارق ومحمود اصحابى من زمااااااااااااااان وجيران كمان

كريم: والهى...طب تمام اتشرفت بمعرفتكم ،تعالو بقى اعرفكم ع اصحابى عمرو:ايه ده!!!انت كمان عندك شله؟ احمد: تخيل!!شكلك هتعمر معايا ياعمر بدمك الخفيف ده يلا تعالو

يتعرف الجميع ببعضهم البعض ليصبحو مع مرور الايام فريقا واحد فكل شئ ومتعاونون جميعا ..

*************

يقترب امتحان نصف العام بينما الجميع يجلسون بالكافيتيريا يستذكرون ويحاصرون محاضرتهم وفجاة تدخل عليهم فتاة جميلة ترتدى ملابس انيقة ولكنها غريبة بعض الشئ مسرعة تلتقط انفاسها بصعوبة لتتحدث اليهم

الفتاة: هاى شباب..لو سمحتو انا جديدة هنا ولسه جاية محضرتش من اول السنة كانت عندى ظروف وكنت عايزة حد من سنة اولى يقولى فاتنى ايه وكدا معلش انا اسفة

على: طب براحة ع فكرة متخافيش احنا سنة اولى بردو ومعانا كل المحاضرات ولسه عندك وقت تذاكرى متخافيش

طارق: وانتى ليه اتاخرتى ده كله يابنتى؟ الفتاة: ابدا كانت عندى ظروف ،تيتة كانت تعبانة واضطريت اكون جنبها

هنا: طب هى كويسة ناو؟

الفتاة:(باسى) هى اتوفت وانا جيت عشان اشوف الى فاتنى كريم: البقاء لله.....طب اقعدى خدى نفسك نتعرف كلنا عليكى كدا وبعد شوفى ايه الدنيا..اشطا؟

الفتاة:(مبتسمة) اشطا....انا سالى وانت؟

كريم: انا كريم ودى (بيتجه بيده نحوهم ليعرفها عليهم ) ندى وهنا ومريم ومحمود وعمرو وعلى وطارق

سالى : اهلا بيكم....ممكن بقا المحاضرات وكدا وحد يورينى الدنيا هنا شكلها ايه معلش هتعبكو معايا

كريم: ولا تعب ولا حاجة اوك البنات هيدوكى المحاضرات وانا هاجى معاك نصورها واديكى جدول الامتحان وكــــــــــــل حاجة اتطمنى....

************

يبدأون امتحان نصف العام ثم تمضى الاجازة ويعودو لنصف العام الدراسى الثانى وقد نحجو بالامتحان جميعهم بلا استثناء . تزداد صداقة هنا مع كريم جدآ الى حد الاخوة بينما تكون ندى ع وفاق شديد مع مريم لانها تشبهها بالطباع، وايضا تشتد صداقه على وكريم بعدما قام كريم بتاجير شقة بالقرب من المعهد بدلا من ان يذهب ويعود من الاسكندرية كل يوم

اما عالصعيد الاخر تتعمق سالى وسط فريق عمرو وطارق ومحمود او كما يطلقو ع انفسهم M T A يقترب عيد الحب،

بينما هم جالسون سويا بالمعهد ينادى كريم ع هنا بعيدا عن الجميع ليتحدث اليها

كريم: بت ياهنا كنت عايز اقولك ع حاجة وكمان عايزمنك خدمة ممكن؟

هنا: مش لما اعرف ايه الحاجة دى..يمكن مقدرش اخدمك

كريم: لا تقدرى ، بصى انا عايز اعمل حفلة يوم عيد الحب تمام هنا: تمام كريم: هعملها فشقتى وعايزكم كلكم تيجو تمام

هنا: لا مش تمام ...لان الشباب هيقدرو ييجو عادى لكن احنا نووووو

كريم: ماهى دى الخدمة الى عايزك تعمليهالى ، عايز كل البنات تحضر

هنا: يابنى انا مضمنش ظروف حد ، لو عندى انا بابا رضى ممكن مريم لا او ندى فهمت

كريم: لا عشان خاطرى كلكو...بلا استثناء حد

هنا: هو ايه الموضوع يامعلم...ليه الاصرار العجيب ف ان البنات تحضر؟

كريم: هو كدا انتى مالك هنا: كدا !! طب مش هقول لحد

كريم: خلاص دانتى ياساتر عليكى ....بصى انا عايز فالحفلة دى اقول لبنت منكم حاجة كدا خاصة بيا ومتسالنيش ايه هى عشان مش هقول

هنا: امممممممم....اوعى تكون معجب بيا ومكسوف...قول ههههههه

كريم: اعجب بيكى ايه ياهبلة..هو انتى حد يبصلك...اخلصى بس حاولى مع البنات عشان خاطرى

هنا: هحاول بس ماوعدكش.....اموت واعرف ف ايه ياكابو بس

تذهب هنا لاقناع الفتيات بالحفلة وبين الرفض والقبول والاقناع الشديد بشتى الطرق اوافق ندى اذا والدتها وافقت لان على معها ،ومريم ستستشير والدها بينما توافق سالى عالفور ومن دون تردد

#بقلم_نور اسماعيل