وسام فشغله زى العادى بس مخنوووووق ... شريف : هو انت هتقعد شايل طاجن ستك كده كتير ؟ الوتكة لبستك ف 15 الف !! احسن عشان متخبطش عربيتها تانى وسام: انا مش عالفلوس .. البت معجونة بمية عفاريت ، مستحيل دى تكون بنت ... تحس كده انها مسكونة واد مشيطن دى عليها حركات تشيب الطفل شريف: هههههههههه بس والنبى عثل وسام: عارف ياشريف شريف: نعم ياقلبى (بيغيظه) وسام: نفسى اغمض عينى وافتحها الاقينى ارتاحت منكو الجوز كده شريف: طب والله لولا انى مش فاضيلها اليومين دول .. كنت فضتهالك من الساحة خاااالص كنت دوبتهالك فيا يامعلم وضمتها للكتيبة وريحتك منها ههههههه وسام: طاب ياخويا فالح اوى شريف: طب بس عشان منى خميرة العكننة جاية منى : وسام وشريف ، انا كتب كتابى بكرة هتيجو وسام: طبعآ... الف مبروك يا منى ويتملك ع خير شريف: لولولولولولوللووللوولى هجيب امى واجى متقلقيش منى : خلاص فرحى كمان 10 ايام ... هتجووووووز شريف: الحمدلله ، اخيرآ هنرتاح من زنك وقرفك وعايزة اتجوز وعايزة اتهبب ... كده بقى هتبقى مودام ونخلص منك دى انتى من كتر قعدتك معانا افتكروكى صحبتى منى : امشى قطع لسانك صحبتك ده ايه (بهزار) شريف: انتى تطولى يا معفنه وسام: بقولك يامنى منى : نعم وسام عملتى الى قولنالك عليه منى : هه.... لا وسام: ليه بس (اتدايق) منى : بصراحة كده خفت .. لافسخ او يزعل وهو يسيبنى وسام: طب روحى يامنى .. روحى الله يرضى عنك انا والله مناقص شلل مشيت منى وكملو شغل عادى زى كل يوم اما بقى عند مى ... ممدوح قاعد مع سامح بيطلب ينسحب من المكتب وياخد نسبته ، عشان ميبقاش فوش مى تانى .. سامح: انت فكرتنى بالى ولع فبيته عشان صرصار ، الشغل مالوش دعوة بمى ، احنا كلنا هنا مشتركين فالشغل ده وكل واحد هنا له لزمة ... مش كلنا نولع بجاز ومى بس هى البطله يعنى كلنا واحد وكلنا زى بعض.. انت تشتغل عادى ولا كان ف حاجة وهى كأنها مش موجودة اصلا ممدوح: بس انا مش طايق اشوفها فوشى سامح: بالعكس دا انت تقعد وانت ليك الحق تالت ومتلت هنا ممدوح: طيب اوك .. بس انا مش هحتك باى بنت من البنات خالص لان كلهم شكلها كده وبيقعدوا يتريقو وانا ببقى فاهم ومطنش والله من ادبى سامح: لا دول معندهمش لا ادب ولا تعليم ، احنا لينا يابن الحلال الشغل وبس نخلص نجرى ع مصالحنا بعدين ولا كانى ولا مانى لحد م نعمل احنا كيان لوحدنا بعدها ننفصل عن المكتب ونبقى خاص فهمت ممدوح : انشاءالله غادة دخلت عليهم بطلو كلام .. وركزو فاللى قدامهم .. غادة : احنا هنتغدى .. نجيبلكم معانا سامح: لا شكرآ .. مش عايز ياغادة غادة : وانت يا ممدوح ؟(مهتمة) ممدوح: لا شكرأ(باصص للجهاز) غادة : طيب ..(مشيت ورجعت) ممدوح حابة اتكلم معاك .. ممكن بعد الشغل نشرب اى حاجة فاى مطعم ممدوح: ليه يعنى ؟ غادة : عادى مش قصدى حاجة ... براحتك لو مش عايز ممدوح: لا اوك .. نخلص واشوف غادة : اوك(مبتسمه) مشيت غادة وهى بجد عايزة تتكلم مع ممدوح ، لا تريقة ولا مقلب ..هى اصل اليومين دول بتعانى من خنقتها من بعد مى عنها وعايزة تحكى مع حد شوية ^^^^^^^^^^^^^^^^^^^ خرجو غادة وممدوح سوا حكو شوية وعرفت غادة عن ممدوح حاجات معرفتهاش قبل كده .. ممدوح كمان فك معاها وحكى ، اصله غلبان اوى ومش بياخد حرصه من حد الوقت عدى وروحو سوا ، وبدل تريقه غادة ع ممدوح بقت ضحك واتصالات يطمئنو ع بعض انهم روحو وحاجات بمبى بمبى كدهون ^^^^^^^^^^^^^^^^^^^^ جه يوم كتب كتاب منى منى مراحتش الشغل مقدمة ع اجازة ، وسام وشريف خلصو شغل وطلعو عالبيت اتظبطو واتهيأو وراحو كتب الكتاب .. طبل وزغاريد وهيصة والعروسة من الصبح فالكوافير ... هى م راحش معاها حد.. اخواتها واقفين مع الناس المعزومة واكتفو ان عريسها هيروح يجيبها بليل ... جه الوقت الى هيروح العريس ف يجيب العروسة والمأذون مستعد .. عدت ساعة ونص ومحدش وصل !! الناس بدأت تقلق وهتمشى ... اخوات العروسة كلموها عالموبايل مقفول ... كلمو العريس .. رد بزعيق : العروسة مش لاقينها فص ملح ودااب !! اخوات العروسة اتخضو ووقف الدى جى !! حصل ايه ، مامت وسام قلقت وقام وسام وشريف يفهمو ف ايه .. العريس رجع وقال انها مشيت من الكوافير من قبل العصر من غير م تخلص شغل ومرجعتش وقالت انها رايحة تجيب حاجة مهمة وجاية .. طلعو وسام وشريف واجواز اخواتها يدورو عليها ... راحت فين ؟ وليه عملت كده ؟ العريس زعق وقال انه مش هيتم الجوازة ايه منظره قدام الناس ؟! عروسته هربت منه ؟ المأذون مشى والفرح انفض دورو فكل حته وعند كل حد وملاقوهاش .. فص ملح وداب ولا فقسم شرطة ولا مستشفى ؟ ولما زهقو روحو ع انهم هيكملو بكرة ... وسام ومامته راجعين متدايقين ومشغولين .. ياترى منى فين وليه عملت كده يوم كتب كتابها ؟! هى عايزة تفضح نفسها ولا حصل ايه ؟ دى كانت لحد امبارح كويسه وفرحانة عشان هتتجوز !! طالعين العمارة وقف سليمان وقال لوسام: ف واحدة ست سألت ع حضرتك لما تيجى اقولها وسام: مين ياسليمان ؟ سليمان: قاعدة جوه فاودتى .. دخل وسام ومامته .... لقوها منى !! متبهدله ومكياجها سايح ومعيطة واول م شافتهم جريت ع مامة وسام وحضنتها وبكت .. وسام مذهول ومستغرب وحاجات كتير جوه بعض ... ياترى ف ايه معاكى يامنى ؟؟؟!!
ليست هناك تعليقات:
إرسال تعليق