هويدا : اه ، ده حتى كان مغير ستايله خالص لو شوفتيه متعرفيش ان ده وسام وكان ايه مهيبر عالاخر دنيا: مهيبر يعنى ايه ؟ هويدا: ابدآ احتفل بعيد ميلاده بس انا كنت مشغولة مع اصحابى معرفتش اروح اكلمه دنيا: وبعدين(غارت) هويدا: وبس وهاتك يارقص مع بنت موزة كده وشكلها بيبى فيس كده دنيا: بيرقص مع بنت!! وسام مش بتاع رقص وكده ، انتى متأكده انه وسام يابت انتى ؟! هويدا: ايوة هو هو انا هتوه عن وسام يعنى ! دنيا:(دنيا بان ع وشها الزعل وهويدا شافتها ولاحظت فالكاميرا) مممممم طب تمام هويدا: انتى زعلتى ولا ايه ؟ دنيا: انا، انا مزعلتش هو لازم يشوف حاله برضو .. انا الى طلبت منه كده هويدا: بس متنكريش انك اتغيرتى دنيا: كلام واتقال ا هويدا ......... مهما كان كونى انى لسه بحبه وانا عارفه ان عمرى مهطلعه من قلبى لحظة بس ده مش ذنبه هويدا : دنيا انتى غريبة اوى دنيا: ليه غريبة ؟ هويدا : يعنى انتى بتحبيه لسه ! اومال سبتيه ليه يابنت الحلال دنيا: بقى انتى مش عارفه ليه ياهويدا هويدا: انا عارفه لكن هو ميعرفش يا دنيا ، حرام عليكى تعملى كده فنفسك وف انتو بقالكم سنة ونص سايبين بعض ولسه بتحبو بعض .. ليه بتعذبيه وتعذبى نفسك معاه دنيا: عشان مينفعش يتجوز واحدة مش ست اصلا .. واحدة حتة من جسمها متشاله عشان تعبانة اكتر جزء فجسم المرأة بيعنى الانوثه ... معنديش!! (بتعيط) هويدا: ده قدر ربنا .. اصابتك بالسرطان فالثدى واستئصالك للجزء ده .. كل ده وانتى مخطوباله وهو ميعرفش حاجة ومخبيه وبعدين تفسخى وفاضل ع فرحكم شهر ده اسمه حرام يادنيا دنيا: ومش حرام لما اخدعه! واكون له نص ست هويدا: ياحمارة لو كنتى عرفتيه من البدايه كل حاجة وهو قرر يفضل ويسيب كنتى ارتحتى عن كده لكن دلوقت هو شايفك بصورة وحشة ويمكن يكون نسيكى مع البنت دى الى كان بيرقص معاها وانتى دافنه نفسك فبلد غريبة ، وقال ايه هتتفرغى للشغل وبس ،، طب ده كلام ناس عاقلين؟! دنيا: ايوة كلام ناس عاقلين.. لان كان من الطبيعى رد وسام انه يفضل معايا .. انا مكنتش هستحمل نظرة العطف منه مش نظره حب او يخاف ان المرض تورثه اولادى منه كده احسن ، سبته وانا فعينه زى مانا هويدا: والله ده تفكير مجانين .. وارد يابنتى اى حد يتعرض لمحنة زى محنتك .. لو اى حد عمل زيك يبقى يلا السلامة بقى دنيا: خلاص ياهويدا!! احنا بنتكلم فموضوع منتهى من سنة ونص وكمان الشخص بقت فباله واحده تانيه خلاص ونسينى هويدا :دنيا!! انتى بتعيطى ؟ دنيا: معلش ياهويدا هقفل واكلمك تانى ...... دنيا قفلت مع هويدا لانها اتألمت من جواها فكرة ان وسام نسيها مهما كان اى علاقة بيبقى فيها احتمال الانفصال .. بيفضلو الاتنين يتألمو من بعيد لبعيد لكن الاصعب ، لو واحد فيهم نسى التانى وبدأ حياته من جديد .. مع حد جديد ^^^^^^^^^^^^^^^^^^^^^^^ مى والشله فالمكتب فشغلهم ...... امنية بتكلم شريف فيس بوك اثناء الشغل منة سرحانة ومشغله اصاله ع مكتبها وجايبه صورة وسام عالفيس وهيمااااااانة غادة كانت عند ممدوح وسامح فمكتبهم ودخلت قعدت ع مكتبها اما مى .. فهى فمود رخم كده مش مفهوم من ايه ولا عارفه ايه السبب ومنكدة ع نفسها و ع الى حواليها .. غادة : مى .. يامى مى : ششششششش عايزة ايه ياغادة غادة: كنت عايزة اقولك ع حاجة مى: لا معلش وقت تانى ، مودى رخم اوى انهاردة ومش عايزة اتكلم مع حد ولا حد يكلمنى غادة: اوك يامى (بزعل وبتبص ع امنية) بتعملى ايه امنية: بكلم شريف.. واد حتة عسل مش مبطلنى ضحك من الصبح غادة : طيب (قامت تشرب مية وهى راجعة بصت ع منة) ايه يا حجة الى بتعمليه ده منة:(قفلت الاب بسرعة) ايه؟ ف ايه؟ غادة: ههههههههه ومالك اتخضيتى كده ليه منة: لا عادى ، ف حاجة ياغادة غادة : لا ياستى .. انا هروح اقعد مع الشباب بدل قعدتكو الى تسد النفس دى منة: اوك روحى خلص وقت الشغل .. وروحو برضو مى وهى مروحة كانت متدايقه بس متعرفش ليه ؟! وصلت للبيت وركنت عربيتها .. كان وسام بيركن ونازل وداخل العمارة ، راحت هى جريت بسرعة ودخلت الاسانسير قبله وعملتله حركات بايدها كده يعنى بتغيظه راح هو اول مرة يتجنن وجرى وباب الاسانسير بيقفل وحط شنطة الاب راح فتح تانى ودخل . وسام:شوفتى لحقت المراجيح (ميل ع ودنها) شفتى مسبتكيش تركبى لوحدك برضو مى : لو سمحت اتكلم من بعيد وسام: ده ليه ان شاءالله مى: عشان مهما كان الاسانسير مكان مغلق والشيطان شاطر وكده وسام: ايوة الشيطان شاطر بس ده لما اكون معايا انثى مثلا ! مى: اية!! ليه انا ايه يابتاع انت وسام:(مسكها لتانى مرة من شعرها لفوق وبصصها فالمراية بتاعت الاسانسير) طب انا هذممك ده منظر بنت ، ايه الليفه دى ! الليفه دى للاستحمام مش بتتحط عالراس ياماما مى: (نزلت ايده جامد وعضتها ) وسام: ااااااه سعرانه وكمان كلبه مش كفايه شبه الشحاتين وساكتينلك ومستحملينك مى: انا كلبه ياحتة حيوان لا بتفهم فالذوق ولا الاتيكيت الاسانسير وصل .... وسام:(زقها لقدام) اطلعى ياختى جتك خوت مى: (ضربته عكتفه) طب غور طلعو وكل واحد بيفتح باب شقته ... مى: يارب تموت يارب يارب ياجزمة يالى معندكش دم (طلعتله لسانها) وسام: ماهو انا اكيد بعد عضتك دى هتسمم واموت .. الا بقى لو خدت 21 حقنه مى: اهو انت اهو انت اهو انت ياوقح (رزعت الباب) وسام: غورى وانت شبة ام سيد الى بتبيع عيش كده بشعرك ده مى دخلت جوه راحت تبص ع شكلها فالمرايا الى ورا الباب ورفعت شعرها لفوق .. وبعدين لمته وبعدين ابتسمت ورمت المفاتيح والشنطة ونطت عالسرير جوه نامت ع ضهرها باصه للسقف وهى مبتسمة .. ^^^^^^^^^^^^^^^^^^^^^^^^^^^^ عدى اسبوع كده ...... ووسام وشريف فالبلياردو سوا بيلعبو ، ع فكرة وسام مغيرش ستايله من يوم الكريسماس لدرجة ان الكل مستغربه خااااااالص .. وسام: شفت ياعينى البت منى واحنا بنحكيلها عالحفلة بتاعت الكريسماس لما قالت ياريتنى كنت معاكو شريف: وانت كت عايز منى تكون معانا !! دى كانت قلبتها من كريسماس لهالوين ياراجل وسام: ههههههههه ياض بطل تريقه ع الناس شريف: طب بذمتك شفت مناخيرها .. مترين ولا عنيها الحوله .. طب والله جدى كان فيه انوثه عنها وسام: عيب تتكلم ع واحدة زى اختنا كده يازفت الطين شريف: يعنى هى لو مش اختنا كان عادى ! وسام: هههههههه اخلص والعب .. ولا عايز البسك بيست انهاردة كمان (بياخد بق عصير) البتاع ده طعمه مش حلو .. شكل الفاكهه مش طازة شريف: خلاص متشربوش وسام: بعد م خلصته .. العب العب شريف: طب خد يامعلم ايييييييييييه كسبتك وسام: قفلت الجيم يابن الفقرية!! (مسك بطنه) شريف: مالك وسام : بطنى وجعانى كده فيها الم خفيف شريف: مالك ياض؟ طب اروح اجيبلك حاجة من الصيدليه ؟ وسام: لالالالا هو المغص من بدرى اصلا بس خفيف ، وابتدا يزيد شربف: ليكون العصير مسموم ولا حاجة!! وسام: لا المغص من قبل العصير (مسك بطنه بزيادة وايده تلجت) الحقنى ياشريف ااااااااااااه شريف: وساااااااااااام .. حد يشوف اسعاف ياجدعان
ليست هناك تعليقات:
إرسال تعليق