"افتقدك كثيرآ "
يحيي: حيث كده يبقى كويس...انا كنت عايز اكلمك فحاجة خاصة بيا انا وشهد ممكن؟ مريم:(تردد بمخيلتها) ملاقتش غيرى الى تحكيله!! (ثم تعاود الانتباه له وتجيب) اتفضل يايحيي سمعاك... يحيي: اممممم بصى يامريم، انا طبعآ خاطب شهد عن حب وانتى عارفة كده صح؟ مريم:(تتألم من داخلها) اه طبعآ، المشكله فين بقى يحيي: المشكله مش كده...المشكلة انى بحس انها كتيييييييير اوقات مش بتفهمنى...يعنى بمعنى ادق انا دماغى فحته وهى فحته تانيه مريم: ازاى يعنى؟ يحيي: حفهمك...انتى عارفة انى مرتبطش خالص فحياتى بسبب انى اديت الشغل مساحة اكبر فحياتى تمام مريم: تمام يحيي: جه الوقت بقى انى اسمع كلمة حلوة...كلمة حبيبى حاجة تحسس قلبى انه لسه موجود مريم:(تندهش من حديثه) بس غريبة يايحيي ميبانش عليك انك رومانسى كده يحيي: اهو الى حصل ياستى...شهد بقى مش كده خالص طول الوقت بتفكر فالشقة والعفش هنجيبه منين ولازم يكونو غاليين وقيمين ، وفستان الفرح محدش شافه قبلها لو طلبت تشتريه من برة...طب فين انا!! مريم:(تتنهد) يعنى قصدك ان حتة المشاعر عندها واقفة، صح؟ يحيي:بالظبط كده...انا كبرت وعايز افرح يامريم، عايز اسمع كلمة حلوة حاجة تحسسنى انها عايزانى انا مش الفرح والشقة والمعازيم مريم: طب انا عندى فكرة ليك يحيي: ايه هى قولى ابوس ايدك؟ مريم:(تبتسم) اعملها مفجأة وفرحها بيها، اخرجو يوم اجازتكو وروحو سينما، هاتلها ورد!! يحيي: ورد!! حلو بردو ، وتفتكرى هيجيب نتيجة؟ مريم: صدقنى لو حركتها هتلاقو صيغة احلى بس انت حاول...هاتلها ورد وحطو ع مكتبها قبل م تيجى الصبح واكتبلها كلمتين حلوين كده وشوف بقى يحيي: مش عارف اشكرك ازاى...انتى طيبة اوى ربنا يخليكى يارب مريم: "تبتسم"...ع ايه احنا اخوات يحيي: تسلميلى يارب ياحلاله المشاكل...دوشتك انهاردة..يلا تصبحى ع خير مريم:وانت من اهله تضع مريم الهاتف جانبها وتنام ع سريرها فتسقط دمعة من عينها ع وسادتها وتتنهد وتغمض عيناها... ********************* كريم بالمطار... ينتظر هنا، حاملا باقة ورود لها ...واذ من بعيد فتاه جميله ترتدى نظارة للنظر تلوح له ممسكة بطفل صغير...هى هنا!! كريم: هنااااااااااااا...وحشتينى (ثم يحمل كريم الصغير) ياروح قلبى ده حتة منى يابت هنا: هههههههههههههه يسمعك حسن تجبلى مصيبة عامل ايه ياواد شوفت كريم حلو زى خاله ازاى ...لاء ونفس العيون كريم: ههههههههه جبتيها العيون دى ازاى لا انتى ولا ابوه عنيكو ملونة هنا: الحمدلله خدها من جدو بقى عشان يبقى شبهك شوفت الصدف كريم: ههههههههههه حسن فين صحيح هنا: حسن بيخلص باقى الاوراق ورا وبيشوف الشنط وجى...وحشتنى من هنا للسنة الجايه والله كريم: انتى اكتر يانونو والله..حمدلله عالسلامة يأتى حسن ويسلم عليهم ويركبو سيارة كريم بينما يضعو الحقائب بسيارة اجرة تتبعهم... بعدها بيومان ، يأخذ كريم ميعاد من هنا لمقابلتها بعد استئذان زوجها وتذهب له لتقابله باحد المطاعم الفاخرة... كريم: وحشتينى اوى ...من ساعة م جيتى مستنيكى تاخدى نفسك وتسلمى عالحبايب وترجعيلى لان بصراحة اخوكى محتاجك اووووووووووووى هنا: ياااااه ياكوكو...السنين عدو بسرعة والله...بس الحمدلله مهما عدت انا وانت عمرنا م نتفرق...مالك حاسة ان فيك حاجة كريم: اقول ايه ولا ايه...انتى انهاردة تفضيلى لانى تعبت اشيل مشاكلى وحدى ومستنيكى تشاركينى زى عادتك، وبصراحة جيتى فوقتك يحكى كريم مامر به طوال ال4 اشهر الماضية، فتتفاجأ هنا لمعرفتها بوجود سالى عنده...وانها السبب الرئيسى فى ترك عمله وفسخ عقده مع منتجه الفنى فتنهره بشده وتنصحة بأن يخرجها من بيته ع الفور قبل ان يقعا بشئ غير مستحب ان يحدث لهم. يجيبها كريم بانه سيحاول...ولكن هنا تتابع حديثها بانها ستحاول ان تجد حل لمساعدته بمشكلته المادية وبالقضية المرفوعة عليه.. ******************** يعود كريم الى بيته فيجد سالى تجهز طعام العشاء له وتسأله عن غيبته واين كان.. كريم: كنت مع هنا...لسه جايه من فرنسا اول امبارح سالى: الندله...مقالتش لحد يعنى، طيب انت مش هتتعشى انا حضرتلك الاكل بنفسى كريم: لا كلت...كلى انتى(ثم يدخل الى غرفته فيجد حقيبه كبيرة مغلقة) سالى ....ايه دى؟؟؟؟؟؟؟! سالى : دى شنطتى كريم: ايوة فيها ايه يعنى...هدوم داليا المرة دى سالى:(تضحك باستهزاء) لا ياسيدى مش هدوم داليا...دى فلوسى كريم:(بدهشة) فلوس ايه سالى : انا كسرت الوديعة الى بابا كان محوشهالى طول عمره انهاردة...انت لازم تسد الشرط الجزائى الى عليك كريم: بس ده مبلغ كبير...لا طبعآ انسى انى اخد حاجة منك سالى: لا هتاخد لانى السبب فمشكلتك دى...وبعدين انا مش مهم عندى الفلوس المهم عندى انت...انت ياكريم انا ابيع الدنيا كلها وارميها تحت رجليك....ولو طلت امشى اشحت عشانك، اصلك متعرفش انت عندى ايه!! كريم ينظر لها بدهشة وع وجهه شبح ابتسامة غريبة...
ع الطاولة، الشوق والحنين...الطبق الرئيسى!! " سالى تلح ع كريم يومآ بعد يوم بأن ياخذ المال لكى يسدد ماعليه حتى يتنازل المخرج عن القضية ولكن كريم يرفض تمامآ. من جهة اخرى هنا تحاول باقصى جهدها ان تجد حلا لكريم وتجمع له المبلغ ولكن المبلغ المطلوب اكبر مما استطاعت جمعه. أتى موعد الجلسة ، كريم وسيفا وهنا والدكتور حسن زوجها معه. بعد عناء من اقناع حسن لكريم بان ياخذ المبلغ من سالى ع سبيل السلف وان يرده لها حينما يكون معه المال الكاف لسداده، ولكن لتخطى مشكله المحاكمات والقضايا. بالفعل يدفع كريم المبلغ للمخرج واخيه امام المحامى بعد ذهاب سيفا الى المنتج بان يتنازل عن القضية مقابل المبلغ..ولكنها عملت ذلك من دون علم كريم ويتم التنازل.. ************************ بعد انتهاء يوم طويل من التعب ليحيي وشهد بعملهم، يجرى بينهم المحادثة الاتيه... يحيي: بقولك ايه ياشهد، الساعة 5 دلوقت تعالى نشرب حاجة فاى حتة وندخل سينما حفلة 6؟ شهد: ايه حكايتك يايحيي، يعنى مرة تفاجئنى بورد ع مكتبى ومرة تتصل بيا تسمعنى اغنيه باعتهالى ودلوقتى عايز نروح سينما يحيي: طب وفيها ايه؟ شهد: ده بدل م تقولى تعالى نبص ع التحف الى هنحطها فشقتنا ولا نجيب سوا احدث الديكورات، واه صحيح فكرتنى انت لازم تغير عربيتك المهكعة دى وتجيب عربية مودرن احلى منها موديل السنة دى يحيي: انت عارفة عربية موديل السنة دى تتكلف كام!! انتى بتتكلمى كده وخلاص ياشهد شهد: يووووووووه هو انا كل م اقولك حاجة تعملى قصة منها، خلاص ياسيدى خلينا فالعربية المكسحة دى لغاية ماتقطع نفسنا، بس ع فكرة مش علشان انا وافقت نتجوز فالشقة بتاعتكم انت وباباك يبقى مش معناها انك تجددها ونفرشها ع ذوقنا حاجات كلها ستيل انت فاهم يحيي: والله!! كل ده عشان قولتلك تعالى نروح سينما؟! تصدقى كنت غلطان وانتى معاكى حق..(بضيق) يلا عشان اوصلك *********************** عالصعيد الاخر.. ندى بمنزلها امام المرأة ترتدى ملابس انيقة وتضع بعض اللمسات الجماليه امام المرآه.. ندى:(تتحدث الى على ) بردو مش هتيجى معايا عزومة هنا؟ على : لا روحى انتى...هى عازماكى انتى ومريم؟ ندى: اه قالتلى كده انها عايزة تشوفنى انا وانت ومريم خالص...ده حتى مريم هتعدى علينا ونروح ع طول على: طيب ياستى سهرة سعيدة ...انا هطلع عالمكتب اشوف الاعلان الاخير بعتوه للمطبعة ولالاء وبعدها هعدى عليكى اخدك اوك ندى: اوك ياحبيبى...اه صحيح ابقى اتعشى انت لاننا هنتعشى معاها. على : اوك ياقمر(ثم ينظر اليها بحب) ايه بس القمر ده تبتسم بخجل ندى بينما تطرق الباب مريم وتدخل لتخرج هى وندى بعد ان تسألت حول عدم مجئ على واقتنعت بالرد.. ********************** ندى ومريم متألقتان بملابسهم واذ يصلا الى المطعم ، فيلتفتون هنا وهناك بحثآ عن هنا ليجدوها...تجلس برفقة سالى وكريم!! ندى تندهش لرؤية كريم فتتوتر وتقع حقيبة يدها منها فتنزل لتجلبها وتلاحظ مريم توترها من وجود كريم ورؤيته بعد 5 سنوات، فتقوم بمضاهاة الموقف بانها قد تعرقلت بندى من دون قصد وهذا م اوقع حقيبتها... كريم ينظرنظرة شوق الى ندى ولا يحول عينه من عليها وهى قادمة ، فيقف وع وجهه ابتسامة رقيقة ويمد يده بحنين عميق لها...
#أيام_الضحك_والدموع_ج2
بقلم_نور اسماعيل
ليست هناك تعليقات:
إرسال تعليق