☻☻☻أمــل بــكــرة☻☻☻ الحــلــقة ال 12

===•••===•••===•••===

 فات 3 شهور ع وفاة عبدالله وامل لسه عند ابراهيم... الوضع صعب، امل مش عارفه ترجع بيت جوزها ولا تروح بيت باباها مع ان وجود امجد بيخنقها وفنفس الوقت حاسه نفسها متقله ع اخوها ابراهيم خصوصآ ان مراته حامل ..

 بس هى بتساعدها فشغل البيت ومهتمة بامل الصغيرة وبسيف ومستنيه ربنا يفرجها . ياسمين ع طول عند امل ومش بتسيبها...ياسمين كل يوم بتفتكر علاء وبتندم بس مش عارفه تعمل ايه..خصوصآ بعد م عرفت انه بقى صاحب الصيدليه ودكتور شرعى فمعمل جنائى مشهور وربنا رزقه جامد..

 ياسمين كتير بتحس انها اتسرعت ، بس هى عارفه ان علاء كرامته عزيزة عنده جدآ .

.يعنى حتى هى لو اتطلقت مش هيرجعلها..يكفى ان كل مرة كانت بتتلكك وتروح الصيدليه بيعاملها عادى وكأنها حد عااااااادى جدآ ... انهاردة ياسمين عند امل ، وبيحكو سوا ..

 ياسمين: متشليش هم امجد وقعاده فمصر..انا هكلم سارة ع عقد فالشركة الى هى ومامتها بيشتغلو فيها خليه ينزاح ويروح من هنا

امل: اه والنبى عشان عايزة اروح البيت عند بابا ومش عارفه ياسمين: خليكى بس انتى معايا وسيبيها ع الله ..امل كنت عايزة اقولك حاجة بس ممكن تسمعينى امل: قولى ياياسمين

 ياسمين: عايزة اترمى فحضنك واعيط امل: مالك ياحبيبتى ...ف ايه

ياسمين: انا ندمانة ع جوازى من يونس...انا لسه بحب علاء!!

امل: انا مش هلومك..ومش هقولك حاجة لان انتى مش ناقصه ، بس انا كنت عامله حساب يوم زى ده من ساعه جوازك..ياسمين مينفعش تمسكى العصايه من النص ..تحبى علاء وتتجوزى يونس وفالحالتين هتخسرى ياسمين: انا مخنوقه ومش عارفه اعمل ايه ..حاسه ان لو رجع بيا الزمن مكنتش هعمل كده..انا خسرته بجد..الفلوس معملتليش حاجة ولا اللبس ولا السفر ..فعلا كل يوم بنتعلم طول م احنا عايشين

امل: انتى بتشوفيه ياياسمين!! شوفتى علاء؟

ياسمين: خدينى فحضنك ياامل اوى..حاسه انى مكسوره ياسمين مش مرتاحه... وامل كمان . وعلاء ومصطفى ويونس وسارة...محدش عارف عايز ايه فالدنيا دى ..بس احنا عايشين وراضييين ..

 ============================

 ياسمين قاعده قدام التلفزيون لحد الفجر ...متدايقه ومخنوقه وحاسه لو شافت يونس هتنفجر ف.. واهو جه من بره وداخل ع طول ع اودة النوم ينام وملاحظش انها فالرسبشان اصلا ياسمين: ايه داخل ع طول مافيش صباح الخير

 يونس: انتى صاحيه؟ مساء الخ

ير ياسمين: قول صباح الخير احنا بقينا الفجر..كل ده شغل؟ وانا فين من وقتك وحياتك يايونس

 يونس: ياحبيبتى اول ويك اند هناخده ونسافر سوا...بس اعذرينى الايام دى معنديش وقت خالص

 ياسمين: وكان عندك زمان لما كنت عايز توقعنى فيك ..وكان عندك زمان لما كنت بتيجى توصل سارة كل يوم بحجة انك تشوفنى ..ولا انت خلاص اتجوزتنى وعملت الى انت عايزه ورمتنى فالبيت زى حته الفازة

 يونس: بقولك ايه..انا راجع تعبان وهلكان ومش ناقص..لو سمحتى ناجل الخناقه دى لبكرة..تصبحى ع خير

 ياسمين قعدت وحدها تفكر ..هتعمل ايه الحب اهتمام مش كلام وبس...وهى مفتقده ده جدآآ ، ده الى خلى حب علاء جوه قلبها يتضاعف عن الاول ،،،بعد م عرفت قيمته!!

 سيف عيان.. الجو برد والدنيا بتمطر برة، وابراهيم مسافر بيجيب شحنة عربيات ..وهبه حامل وتعبانة ومش هتقدر تنزل تجيبله دوا. امل بتلبس عشان تنزل تجيبله دوا بسرعة..رغم ان اغلب الصيدليات هتكون قافله عشان المطر بس هى هتنزل..ده ابنها! هبه: اسمعى الكلام واديله من دوا امل وهو هيبقى كويس متنزليش فالجو ده يابنتى ل تتعبى انتى كمان امل: انا مش هستنى لما ابنى يحصله حاجة..انا اديتله دوا امل بتاع السخونة والحرارة منزلتش وده غلط ع مخه .

امل:.انا هنزل والى يحصل يحصل

 هبه: طب استنى اخوكى جاى الصبح وروحى معاه عند الدكتور..انا مش قادرة اقوم من مكانى من الحمل

امل: خليكى انتى ..انا هلبس بالطو طويل ومتخافيش..اهم حاجة سيف دلوقت

امل نزلت فالمطر وبتجرى برة عالشارع تشوف صيدليه فاتحه ومش لاقيه وبتجرى زى المجنونة..بالصدفه مصطفى كان بيقفل المحل عشان المطر ولقى امل كده فالشارع وجرى ناحيتها مصطفى: ف حاجة ياام سيف

 امل: انا كنت رايحة صيدليه عشان سيف تعبان ومش لاقيه ، هاخد تاكس لاى صيدليه وخلاص

مصطفى: طب اطلعى انتى م المطر بس امل: توشكر كتر خيرك..انا هروح معلش

 مصطفى: امل!! معلش اسمعى الكلام واطلعى وانا هجيب الدوا ليه

 امل: والله م هينفع معلش بس مصطفى:(بيحاول يرجع ايدها عشان تمشى ومسكها من غير قصد وسرحو فبعض من غير م يحسو لثوان معدودة) والله لا تطلعى بالله عليكى وحياة سيف

 امل:(تاهت فمسكه ايده) حاضر..اتفضل الفلوس والروشته

مصطفى: عيب الكلام ده ..هو انا مش زى ابراهيم ولا ايه ..يلا بس عشان انتى كمان متتعبيش وانا 10 دقايق وهجبهولك الدوا

امل طلعت وقالت لهبه ان مصطفى الى هيجيبه..نص ساعة والباب خبط ومصطفى جاب الدوا ولبسه كله مبلول وبردان.

. امل: تعبتك معايا انا اسفه

 مصطفى: متقوليش كده..ده ابنى الف سلامة عليه...تصبحو ع خير امل سمعت كلمه " ده ابنى" منه وفرحت وحست ببشرة خير..ومسكت

الدوا ودخلت وادته لسيف. امل عمرها م هتنسى اليوم ده ولا نظره مصطفى ولمسته لايدها ، ولا كلمه " ابنى " منه!

 ياسمين من فترة للتانيه بتتصل بعلاء تسمع صوته وتقفل. هى طبعا مغيره رقمها وهو مش عارفه..بس هو عمره م احساسه يكدب..هو حاسس انها ياسمين وكل م يحن يفتكر انها متجوزة وانه مينفعش يخرب بيت واحدة متجوزة فيطرد الفكرة من دماغه

.. بعد ربنا م فتح ع علاء ..وبقت الصيدليه تكسب الضعف فالسنة الاخيرة دى الى هو بقى صاحبها فيها..والحمدلله شغله فالمعمل ماشى تمام ...اخد يوم اجازة وراح يزور رامى صاحبه.

. رامى: والله ووحشتنا ياشهر الصيام

علاء: انا عمرى م انساك ياض ، انت اخويا رامى: وايه الحركات دى ..ونظرات وبدل ودقن..يخربيت كده ياجدع

علاء: جرالك ايه ياض انا طول عمرى شيك هههههههه ولا ناسى

 رامى: لا بصراحة ناسى بتدخل والدة رامى تسلم عليه وبتحكى معاه..الى فهمه من كلامها انها متدايقه ع رحاب بنتها عشان فسخت خطوبتها من غير سبب وميعرفوش ليه مع ان خطيبها انسان كويس وفمركز اجتماعى مرموق..وكان الجواز خلاص هيبقى السنة دى..

رامى: والله م نعرف..مرة واحدة قالت انا هفسخ نسالها مالك تقولك مش مرتاحه نقولها ماله وحش معاكى تقول لا انا الى مش مرتاحه معاه..وربنا يرزقه بالاحسن منى

 علاء:سكت علاء وفكر دقيقتين وطلب يتكلم معاها لو ميدايقهمش وفعلا جت وسلمت عليه واتكلمت معاه شويه وبعدين قامت. كل مرة رحاب بتتكلم مع علاء بيتسحر فطريقه كلامها وردودها وادبها وخجلها الزايد .

. رامى: شفت محدش عارف ياخد منها عقاد نافع

 علاء:(فكر وسرح وقرر فخمس دقايق) رامى...انا طالب ايد رحاب!! رامى: ايه؟؟؟ مسمعتش

========•••====•••====•••=====

 علاء: عايز اخطب رحاب..ايه مش مفهومة

؟ رامى: هو انا ياض بشتكيلك عشان نعرف حالتها النفسيه وحشه ليه وفسخة خطوبتها تقولى عايز اختك ..عبيط ياض

 علاء: لا عاقل جدآآ ، وع فكرة عمرى م هلاقى احسن من رحاب والموضوع ده انا حاطة فدماغى من فترة بس عرفت انها اتخطبت وقلت مافيش نصيبـ لكن دلوقت النصيب جه

 رامى: (سرح شويه) وهو الى بيطلب حد بتبقى هجم كده

 علاء: لا..انا عارف ان دخلتى غلط بس انا عايز اخطبها بجد..شوف رائيها وانا هستأذن دلوقت..ورد عليا لو بالموافقه اجيب اهلى ولو لاء..يبقى هى مش من نصيبى فعلا

 رامى: علاء انت مخلينى ادوش بسبب طلبك ده..بس هقولها

علاء: هو ف اعتراض عليا كشخص يا رامى من ناحيتك؟

رامى: لا بس انا متفاجئ وانت تشرف اى بيت يا علاء ..عالعموم ربنا يقد م الى ف الخير ..انا هقولها وارد عليك

 علاء: اوك هستنى تليفونك...سلام عليكو علاء نزل ورامى قاعد بيضرب اخماس فاسداس ..دخلت عليه والدته لاقته قاعد وسرحان

. الام: ف ايه يا رامى مالك؟

 رامى: مافيش ياام رامى..بس محتار فحاجة كده

 الام: ف ايه رامى: علاء عايز يخطب رحاب!! وبالصدفه رحاب كانت معديه وسمعت! فرحت اوى وكأنها كانت مستنياه وابتسمت خالص ونزلت منها دمعه فرح بس كتمت انها عرفت لحد م يفاتحها اخوها فالموضوع..

. ========================

 امجد سافر الكويت.. سارة الى جابتله الشغل ، واهو اموره بدأت تتظبط هناك الى حدما. امجد عرف القصة الحقيقيه للست الى كان بيحبها وضرب نفسه ميت قلم ع غباؤه واد ايه ذنب ناس بتخلصه ناس..وصعب عليه موت عبدالله الى راح فالرجلين بس ده قضا ربنا

. امل رجعت لبيت باباها .وقفلت الشقه بتاعتها لسيف لما يكبر تبقى بتاعته لكن هى مش هترجع تانى عندهم بعد م اطردت وخلاص مبقالهاش حاجة هناك.وهى مستقرة اكتر عند بيت اهلها ومع اخوها ايمن الصغير الى دخل كليه حقوق فعلا زييها اما مصطفى.. بقى اكثر اشراق وتفاؤل للحياة..مبسوط وسعيد بمجرد التفكير فامل وفان ممكن النصيب يخليها ليه بس ياترى ؟

 هل كل م يتمناه المرء...يدركه؟!

 علاء لما اتقدم لرحاب.. كان لازم يعمل كده لان البنت عجبته شخصيتها وادبها من الاول وشداه بحسن اخلاقها ودينها..واخد القرار فالوقت الصح عشان ياسمين بدأت تحوم حواليه من تانى .

..وهو عارف ازاى ياسمين بتفكر وهو عزة نفسه هتمنعه يكون استبن لحد ولازم يفوق لنفسه حتى لو ع حساب قلبه ، راح هو سد عليها وع نفسه التفكير فالرجوع ليها وخطب البنت الى تكون جديرة تكون مراته وقال فنسفه مع الايام هيقدر يحبها اكتر من ياسمين . رحاب وافقت وكانت طايرة م الفرحة ..

.رامى اخوها حس انها كان عاجبها علاء م الاول بس طبعا لتدينها هى مبتديش لنفسها مجال فكده ولا الكلام ف. جم اهل علاء معاه عشان يقرو الفاتحة ، دخلت عليهم رحاب شايله النقاب وتبارك الخلاق!! زى القمر...طبعا فالشرع العريس من حقه يشوف وش العروسه اول مرة..ولانها متدينة وعلاء عارف ده قررو يعملو كتب كتاب لحد السنة الى باقيلها فالجامعة م تخلص وعشان يقدر يشوفها علاء براحته من غير نقاب ويزورها فالبيت ..ويكون كمان علاء جهز عالاخر . اتعمل كتب الكتاب

.. وكان فنادى..بس رحاب عملت حاجة غريبه جدآ، لبست فستان واتمكيجت وكل حاجة لكن لبست من فوق نقاب مطرز عشان الشباب الى فالفرح.. علاء عجبته الفكرة ووافقها جدآآ وكان مبسوط وحس انه نفسيا مرتاح جدآ لاختياره وبدأت الدنيا تضحكله تانى . الحفله خلصت وبدأو فتجهيز الفرح ...عالناحيه التانيه ،،، محدش عرف بخبر خطوبه علاء غير مصطفى الى راحله الخطوبة . ومصطفى مرضيش يقول لياسمين عشان هى دلوقت متجوزة ومالهاش دعوة بيه.. .............

............. عدت سنة

 وجه معاد الفرح ، علاء بقى اكثر تدين عن الاول من احتكاكه برحاب..والحمدلله خلص الشقه والعفش ع مستوى كويس وفمنطقه كويسه وهو بقى ليه مركز حلو فالمجتمع زى م كان نفسه يبقى...الدكتور علاء

! لكن الدنيا بتلف وتدور والقدر مش بيوقف عند حد، فمرة امل كانت عند هبه مرات اخوها بتشوف امل والبنوتة التانيه ريم الصغنونة ومرة واحدة حصل بينهم الحوار ده...

 هبة: اول مرة فحياتى اشوف عروسه منقبه!!

 امل: مين دى

 هبة: واحدة تبقى بنت عم جارتى ام شروق..بتعزمنى ع فرحها اخر الاسبوع..وبتورينى ياختى الصورة بتاعتهم عالموبايل بسم الله الله اكبر هو زى القمر وهى مش باين منها حاجة ..لاببسه نقاب كده مطرز فوق الفستان قال ايه متدينة ومش حابه يبان وشها

.. امل: اوك ماشى بس مش لدرجه الفرح هى لو منقبه تلبس حجاب عادى ..دى افورة بصراحة

 هبة: استنى دى صورتها انا خدتها عالفون عندى عشان اوريها لابراهيم اخوكى يشوف العجايب

 قامت

 جابت الموبايل هبة وفوجئت امل بالصورة!!

 امل: اسمه ايه العريس ياهبه؟

هبة: مش فاكرة بس هى اسمها رحاب..هى دكتورة وهو دكتور ماشاء الله

امل: اسمه علاء!! كان زميلى فالجامعه

 هبة: اومال بتسألينى ليه ع اسمه مدام عارفاه؟

 امل: ابدآ فالاول معرفتوش ..الدقن والنضارة النظر مغيرينه.. هبة: خلاص يبقى تيجى معايا نروح سوا مدام طلع معرفه

 امل:(اتنهدت جامد وكأنها حزينة ع ياسمين وهى الى عملته فنفسها ومصبرتش) ربنا يسهل!! ياااااااه اد ايه الدنيا صغيرة اوى..وكل واحد بياخد نصيبه ، والى مقسومله حاجة بيشوفها .

.بس السؤال امل هتقول لياسمين وهتروح الفرح ولالاء؟؟ تابعونا

 =============================

#أمل_بكرة

#نوراسماعيل