...
هبة ولدت.. ماشاء الله بنوتة زى القمر ..بس تعبانة شوية فحطوها فالحضانة ،اما هبة
فهى كويسة الى حد ما ..مهم كان مستنيه وجود جوزها حبيبها جمبها يفرحو باول مولود
ليهم سوا. دخلو مامت ابراهيم وامل وياسمين جوا عندها ..مصطفى كان مكسوف يدخل جوة
لامل وكان هيستأذن يمشى . امل جت وهى مكسوفه تقوله ميمشيش زمان ابراهيم جاى هى
كلمته وهو فالطريق. ومابين امل وهى بتقول لمامتها تمسك فمصطفى يروحو كلهم سوا
،ابراهيم بيدخل عليهم المستشفى..
.
ابراهيم: السلام عليكم...فين هبة ياامل
امل: الف مبروك ياابراهيم...هبة جوه ومعاها ماما
وخالتو
ابراهيم : تعبناك يامصطفى معلش مصطفى: ياراجل
متقولش كده احنا اخوات ياابراهيم ..حمدلله ع سلامة المولودة والمدام ابراهيم: الله
يخليك يا درش عقبالك منفرح بيك قريب كده
امل:طب
تعالى سلم ع هبة وبعد كده تعالى نشوف النونة مصطفى: طب همشى انا بقى امل بتميل ع
ودن ابراهيم وبتقوله ان مصطفى الى دفع حساب المستشفى...لا وكمان جاب غدا ليهم .
.
ابراهيم: استنى يادرش مش هتمشى دلوقت.. مصطفى: اصل سايب المحل وحده والله
ابراهيم : تعالى بس شوف البت..مش جايز تطلع وحشة
الزقهالك ههههههههه
مصطفى:(بيبص ع امل وهو بيتكلم) ياعم واحنا نطول
شرف نسبكو
ابراهيم: الله يعزك يارب بيطمن ابراهيم ع هبة
وبعدين بيروح للحضانة يطلع البنت وبيجيبها لهبة وكلهم مجموعين فالاودة..
الام:
هتسميها ايه يا حبيبى
ابراهيم: هسميها امل ..
امل: ايه ده !! ع اسمى
ابراهيم: اه يا امول عشان تطلع زيك كده
امل: بس ربنا يجعل حظها احسن من حظى
ابراهيم: لا مانا مش هخلفلها امجد ههههههههههه
مصطفى
: الف مبروك (وبيحط 50 جنيه فايد البنت الصغيرة)
ابراهيم: عيب عليك ده واجب علينا داانت تعبان
معاهم م الصبح
مصطفى: متعملش فرق بقى (بيبص لامل) ربنا يعلم
غلاوتكم ازاى عندى وحاسس انى واحد منكو خلاص
الام:
ربنا يديم المعروف يابنى يارب
كلهم مبسوطين واتولدت امل جديدة فالعيلة ..بس
ياريت تكون امل جديد فعلا ليهم ويبقى وشها حلو عليهم
================================
علاء عند رامى فالبيت بيذاكر كالعادة..اصل
الامتحانات قربت والسنة قربت ع نهايتها .
.
رامى:بقولك ياعلاء..ليك فالفيزيا صح
علاء: اه انا كنت علمى ..ليه عندك حاجة فالفيزيا
واقفه معاك
رامى: لا مش انا،دى رحاب اختى مش بتاخد دروس
وكانت واقفة معاها حاجة كده قولتلها اشوفلك علاء يشرحهالك
علاء: معنديش مانع...خليها تجيب المسئلة
اشوفهالها
رامى:
هى بتحضر درس دينى فالجامع بعد صلاة العصر هتخلص وتيجى
..
علاء: اوك..وانت مش بتصلى ليه زييها طيب
رامى: هههه انا بصلى عالنبى
علاء:
عليه الصلاة والسلام ياخويا رحاب جت من الدرس الدينى وخرج لها رامى وقالها ان علاء
هيشرحلها الحتة الصعبة . بتجيب الكتاب وجت. قاعدة باستحياء شديد وقاعدة قدام علاء
عالكرسى واخوها جمبه،و طول م علاء بيشرح رحاب طبعآ منتقبة وغير كده باصة فالارض
مبترفعش عينها خالص لغاية م علاء خلص شرح،حتى صوتها مكانش مسموع ليه غير بالعافيه
. حاجة عجبت علاء اوى فاخلاقها واستغرب عالاختلاف الفظيع بينها وبين رامى
اخوها..بس صوابعك مش زى بعضها واهم فايد واحدة !!
========================
علاء خلص مذاكرة واخد اذن ساعتين قبل م يروح
الصيدليه من الدكتور صاحبها انه خارج لامر ضرورى...الامر ده هو انه هيفسح ياسمين
عالكورنيش. فعلا خرجو سوا وجابو حمص الشام وكانو مبسوطين اوى..اصل دى اول مرة
يخرجو سوا من ساعة ارتباطهم ببعض. علاء: ايه رائيك فالخروجة دى اهو مزوغ من الشغل
وجايبلك حمص شام وبمشيكى عالنيل واخر زقططه ،عشان مش كل يوم تقعدى تقوليلى خارجة
مع سارة وخروجاتك مع سارة كترت اوى
ياسمين: ماهى صاحبتى ياعلاء وبعدين مالهاش اخوات
بنات وبتحبنا انا وامل اوى
علاء: اممممممم..انتى عارفة بردو رامى صاحبى الى
شوفتينى معايا قبل كده
ياسمين: بشوفه ع طول تقريبآ انتو الاتنين تؤام
ملتصق
علاء:
ايوة هو ده ياخفة...صاحبى الوحيد بقى دلوقت مبقاش عندى وقت لصحابى بتوع
زمان...انتى عارفة الواد ده مش شبهى خالص لا بيصلى ولا بيذاكر وليل نهار كلام
فالفون مع بنات..ع عكس اخته
ياسمين: اخته!!
علاء: اه عنده اخت اصغر منه تقريبآ ب 3 سنين بس
ايه ياياسمين اخلاق ايه وادب وتدين ايه البت لابسه النقاب وهاديه اوى وبتحضر دروس
دين..بجد بسم الله ماشاء الله عليها
ياسمين: اسمها ايه؟
علاء:
رحاب
ياسمين:وهى ازاى متدينة اوى كده وعرفت كل ده
عنها انت بتحكى معاها ولا ايه
علاء:
انتى بتغيرى ولا ايه؟ ع فكرة انهاردة اول مرة احكى معاها كنت بشرحلها حاجة
فالفيزياء وبعدين عرفت ده عنها من اخوها
ياسمين: ومالها عجباك اوى كده ليه؟
علاء: لا والله مش عجبانى دى زى اختى..بس
استغربت اوى عالتناقض بينها وبين اخوها ..انشاءالله لما ربنا يدينا بنت لازم
نربيها زييها كده عشان تطلع زييها بالظبط
ياسمين: مش بالتربية ع فكرة دى بتبقى حاجة نابعة
من الشخصية..مانت قولت اخوها مش اوى يعنى فالتدين مع انهم اكيد نفس التربية علاء:
ايوة صح عندك حق...ايه رائيك لما نتجوز اخدلك شقه فالبرج ده
ياسمين: اممممم اوك
علاء: ههههههههه واقولك عايزة حاجة من تحت قبل م
اطلع تقوليلى ايوة هات جبنة بيضا معاك وانت جاى هههه
ياسمين:
وليه ياخويا اقولك انا
علاء: اومال مين الى هيقولى
ياسمين:
الست الشيخة رحاب
علاء: ههههههههههه بتغيرى اوى كده..ع فكرة بقى
محدش هيقولى غيرك ياياسمين انا عمرى م هحب حد زيك وابدآ م حد هيخش قلبى زيك
يابت..انتى ليكى فيا اكتر ماليا انا فنفسى اومال انا مقطوع نفسى ليه مش عشان
اتجوزك بقى اخدك ع حصانى الابيض ونطييييييييير
ياسمين:
طب المفروض انى مكسوفة بئى من الكلام الحلو ده وهشرب الحمص وانا ساكته عشان انا
بحمر بسرعة من كلامك ده
علاء:
هههههههههه طب اشربى
===========================
الامتحانات ابتدت وخلاص ع وشك انها تخلص..وفمرة
من مجية امل للبيت لقت عبدالله عندهم فالصالون!! ايه ده محدش قال انه نازل اليومين
دول لسه معادة فالنزول سنتين كمان، وحتى هو اخر اتصال بيها كان من يومين مقالش
فيها حاجة عن نزوله المفاجئ ده...ربنا يستر امل: عبدالله! حمدلله عالسلامة جيت
امتى عبدالله: الله يسلمك حبيت اعملهالك مفجأة امل: اه...طيب
عبدالله:
شكلها مفجأة مش حلوة
امل: لا بالعكس بس انا جاية تعبانة من الامتحان
عبدالله
: طب غيرى وتعالى...عايزك فموضوع مهم
أمل: خير ؟! (بينها وبين نفسها حاسه انه مش خير )
========================
☻☻☻ أمل دخلت تقعد مع
عبدالله..الى حساه من ساعة م اتخطبتله غريب عنها مع انه ابن عمها.
ولو ع مكالمة مرة او مرتين وهو مسافر بس
فالاسبوع يسألها عن احوالها ولا اكتر ولا اقل ويقفل، حتى الكلمة الحلوة مافيش!
قعدت معاه فالصالون ومعاها مامتها لحد م باباها ييجى وامجد من برة .
عبدالله: ايه الاخبار ..واخبار الامتحانات ايه ؟
امل:
الحمدلله ماشى الحال
عبدالله:
طيب ربنا معاكى يارب
امل: كله ع الله( بينها وبين نفسها ادخل بقى
فالموضوع )
عبدالله:
ممكن كوبايه شاى كمان يامرات عمى
الام: حاضر يابنى بتخرج الام وبتسيبهم وحدهم
شوية ، امل مخنوقة وابتدت تتوتر
عبدالله:
بصى ياستى..المفجأة الى انا عاملهالك هقولهالك عشان شكلك قلقانة
امل:
(بينها وبين نفسها طب الحمدلله انك بتحس) اه والله كفايه قلق الامتحانات
عبدالله: طبعآ انتى عارفة انى ببعت الفلوس اول
باول لابويا عشان تشطيبات الشقة والسيراميك وكده...واهو الحمدلله خلصت الشقة فوقت
قياسى ..وبما ان الشقة خلصت والفلوس متوفرة معايا والحمدلله عشان العفش ولوازم
الفرح والذى منه والعروسة موجودة ..اذآ مافيش مانع فرحنا يبقى فالاجازة دى
أمل:(امل اتنفضت من مكانها) ايه!! لا مستحيل
عبدالله: ليه بس بيقاطعهم فالكلام امجد وبابا
وهما داخلين من بابا الشقة ولقو عبدالله وفرحو بشوفته ...بس امل متدايقة وتكة كمان
وهتعيط..
امجد: هلا هلا هلا ياعبدالله...هههههههه مش
بيقولو كده هناك فالسعودية
عبدالله:
ايوة ..ههه اتعود بقى عشان جبتلك العقد وخلصتلك ورقك هناك كمان يعنى حضر نفسك
معايا عشان نسافر سوا
امجد: لاقيت شركة كويسة يعنى!! حبيبى ياعوبد انت
راجع امتى بقى
عبدالله: ماهو هو ده الموضوع الى جاى عشانه
انهاردة...(بيبص ناحيه عمه) عمى ايه رائيك نعجل بالفرح انا جهزت والشقة جاهزة وكده
كده انا بسافر والعروسة تكمل دراستها براحتها
الاب: امممم يعنى عايز تتجوز امتى
امل: بابا انت موافق ؟
الاب:
ثوانى ياامل ده كلام رجاله روحى شوفى امك بتعمل ايه
امل: لا مش موضوع رجاله ده مستقبلى انا وفرحى
انا يعنى انا ليا رأى
الاب:
انتى بتردى عليا (بيضربها بالقلم) طب ادخلى وحسابك معايا بعدين
امجد: خلاص يابابا هدى نفسك دى بت عايزة تربية
من اول وجديد
عبدالله: ايه ياجماعة مش مستاهلة ...مكنتش
ضربتها ياعمى هى تلاقيها خايفة ولا حاجة
الاب:(بيبص ناحية امل وهى خارجة بتعيط ومتدايق
وعفاريته بتتنطط) خليك معايا ياعبدالله...يعنى انت حاجتك جهزت خلاص والشقة..ابوك
لسه قايلى امبارح ان فعلا شقتك خلصت كلها تقريبآ
عبدالله: ايوة...وانا معايا الحمدلله الى يكفى
الفرح والعفش الى هتختاره امل ع ذوقها وكمان لشهرين بعد الفرح.
الاب: طيب ع خيرة الله...الفرح اول الشهر الجاى
عبدالله:
ياحبيبى ياعمى ...متخافش من ناحية دراستها كده كده انا قاعد فالاجازة وهمشى
فالدراسة تبقى تذاكر براحتها مافيش حاجة هتعطلعها كأنها عندكو بالظبط..بس عشان
اخدت اجازة طويلة وهترفع فشغلى لو اتجوزت السنة دى
امجد:
اذا كان كده ننزل من بكرة نجيب حاجتها وتنقى العفش مبروووووك ياعوبد ..ولو عليها
ميهمكش هى تلاقيها زى البنات بتعمل نفسها تقيلة قال يعنى مش عايزة تتجوز
عبدالله:لا عادى وهو كذلك
============================
امل
اتصلت بابراهيم وجه...طبعآ ابراهيم اعترض ع معاد الفرح الى قدموه ده ...بس طبعآ مين
يسمع باباه دايمآ شايف ان هو بس الى ادرى بمصلحتهم.. وبعد مماطلة طويلة ومافيش حل
معاهم جاى ابدآ ...
خلاص
بيستسلم ابراهيم للامر الواقع..وبيقترح امجد ان يجيبو العفش من عند مصطفى الى قدام
بيت ابراهيم...عشان ايده حلوة وعارفينه من زمان وخدو منه عفش ابراهيم قبل كده..
فعلا نزلو كلهم عند محل مصطفى...
امل وباباها وامجد وعبدالله ، استغرب مصطفى ورحب
بيهم..بيبص لامل عيونها مكسورة ومبتترفعش م الارض اما الباقيين مبسوطين اوى
وشغالين بيتفرجو ع الموبليا..
مصطفى عرف انهم بيجيبو عفش امل وانها خلاص
هتتجوز!! طب ليه بسرعة كده الحلم الجميل هيخلص؟! مصطفى لازم يشوف شغله ويوريهم
الموبليا .
.
مصطفى:(باصص ناحية امل وبيقول فنفسه) ياترى فرحانة عشان هتبقى عروسة خلاص زى اى
بنت ولا لا ياامل
أمل:
(امل كمان بصاله وبتقول جواها) متظلمنيش انا مش فرحانة وبص عليا مكانش ده هيبقى
حالى لو بتحس بيا
مصطفى: بيتكلم جوه نفسه برده وهو باصصلها قال
وعامل نفسه بيوريهم العفش) وكمان بتجيبى حاجتك من عندى ...ياربى مش قادر اتحمل الى
انا ف
أمل:(بتتكلم مع نفسها من جوه لسه وهى ساكته من
برة وبصاله اوى وقاعده عالكرسى) كان نفسى اختار معاك انت حاجتنا من هنا ..بس منهم
لله ..يمكن هين علي تبقى ف حاجة منك فبيتى ومتفارقنيش
اشتروا العفش واتفقو ع يوم نقله للشقة وعرف
مصطفى معاد الفرح لما عزمة الحج عبدالباقى والد امل ...وحس انه هيكون اصعب يوم
بالنسبة له وتاريخ مش ممكن ينساه ..طب ياترى هيقدر يروح ويشوف امل عروسة غيره؟!
خلاص فاضل اسبوع عالفرح وامل حابسة نفسها لا اكل
ولا شرب لما خست النص ..ووشها باظ من كتر العياط . هما خلاص اشتروا كل حاجة وعملو
الى عايزينه ومش مهم هى..والاستاذ امجد هو الى جرى فموضوع الفرح والحاجة بتاعتها
طبعآ...عشان عبدالله بقى حبيبه مش جابله شغل فالسعودية بمرتب اضعاف الى كان ممكن
ياخده فمصر كمهندس بسيط! ياسمين كل يوم بتكلم امل.
..زعلانة
عشان امل وحاسة بيها..وفيوم راحتلها البيت لما مامتها كلمتها وقالتلها تيجى تشوف
معاها حل عشان ابوها بيزعق ع حالها ده وفرحها قرب خلاص..
ياسمين: ازاى مش حاسيين بيكى وانتى كل يوم
تتبدلى اكتر م الى قبله
امل: نفسى اموت...هما عايزين منى ايه...للدرجة
دى مش مستحملنى وعايزين يزيحونى ويرمونى بسهوله كده..ده ماخدوش حتى وقت يفكرو
وافقو ع طول وكأنهم مستنين ياياسمين
ياسمين:
انا بجد مش عارفة اقولك ايه...مافيش اهل بيذلو بناتهم كده زى م هما عاملين
معاكى...احنا فين هنا دى كانت موضه وبطلت حكاية غصبانيه الجواز دى
امل:
اعمل ايه ياياسمين فاضل اسبوع خلاص ع معاد نهايتى وموتى مش فرحى
ياسمين: هنعمل ايه ياامل...مش يمكن عبدالله يكون
كويس وحياتك تبقى احسن معاه احسن من عيشتك دى!!
أمل: مهما قولتلك مش هتفهمى ان خلاص اتقضى عليا
اى ان كان حياتى فالناحيتين جحيم الله يسامحهم ..عايزة اقولك ع حاجة ياسمين: ايه
ياحبيبتى؟
امل: اوعى تنسى علاء ولا تسيبيه خليكى معاه
واتمسكى بيه وبحبكو انتى احسن منى ياياسمين..متتضعيش نعمة من ايدك (وبتعيط بعد
الكلمتين دول جامد) بتحضن ياسمين امل جامد وبيعيطو الاتنين فحضن بعض وبتبص عليها
مامت امل بهدوء م الباب لاقت بدل م ياسمين تسكتها بتعيط معاها ...هى حاسة ببنتها
لكن هتعمل ايه م باليد حيلة!!
الفرح انهاردة...
لكوشة
وصوان كبيــــــــــــــر اتنصبوا فالشارع من اوله لاخره..اصل الحج عبدالباقى راجل
بن بلد وميحبش جو النوادى ده وعايز يفرح وسط اهل شارعه وناسه.. امل طول ما هى
فالكوافير بتعيط..ومش عارفين يظبطو وشها الى شغالين ع مكياجها.
ياسمين ماسبتهاش هى وسارة وماسكين ايدها
ومتدايقين عشانها اوى..بس ميلكوش حاجة يعملوها ليها...الله يكون فعونها حتى فستان
الفرح الى بتحلم بيه اى بنت!! امل لبسته وهى حزينة وحاسة انها بتتكفن مش بتدخل
دنيا العريس جاب العروسة م الكوافير والكل شغال يهيص ..م عدا والدتها وابراهيم
وياسمين.
.واكيد
العروسة اولهم حتى ايمن اخوها الصغير مرضيش ينزل من البيت وعمل نفسه تعبان زعلان ع
اخته امل ومش عايز يشوفها كده الفرح ابتدا والناس كتير جت تهنى... حتى مصطفى
جه..وبيسلم ع اخوات العروسة وباباها ...امل شافته من فوق وهى قاعدة مش بتتحرك
والتكشيرة مش مفارقاها. امل كأنها كانت ع تكه..شافت مصطفى من هنا والدموع اشتغلت ع
آخرها لغايه م ابوها لاحظ وقال لمامتها تطلع تشوفها مالها مينفعش تعمل كده قدام
الناس..
مصطفى قاعد وعنيه مبتتحولش عن امل وكلها دموع،
وامل بردو عنيها واقفة عليه هو وبس..احساس بشع وفظيع عليهم هما الاتنين والدة امل
طلعت وسكتتهاعشان ابوها بيزعق ومسحتلها دموعها بنفسها ..مصطفى م استحملش وقام يمشى
ياسمين جت وراه.. ياسمين: جيت ليه لما مكنتش هتقدر تشوفها كده؟ مصطفى: اول مرة اقف
عاجز قدام حد
...مش
عارف اعملها حاجة..ياشيخة يلعن ابو الظروف الى تخلى الواحد حتى حلمه
الوحيد...ميحققوش ويقف مشلول قصاده!!
L L L
#أمل_بكرة
#بقلمى_نوراسماعيل
ليست هناك تعليقات:
إرسال تعليق