"شئ
انكسر .."
سالى
: فعلا لان احساس الابوية والامومة ده ميتعوضش
كريم:(ممسك بكوب ماء) اخرته ايه برنامج ماما
كريمة الى اتفتح ده
سالى : اصل بمهدلك انى اقولك خبر
كريم: خير(يشرب الماء) سالى : انت هتبقى بابا!
انا حامل ياكريم
كريم:(
المياة تسقط ع صدره وملابسه من هول المفاجآة) انتى ايه ياختى !!
سالى:ايه
مسمعنتيش؟!
كريم: لا سمعتك كويس..(يهز رأسه باستهزاء) بقى
حضرتك حامل صح،هى دى اللعبة ياست سيفا صح .الاول تيجى تقعدى معايا بحجة انى مريض
بعدها تنوى الاقامة فبيتى ومترجعيش شقتك تانى والمخطط ماشى زى الفل لحد ماعملت الى
انتى عايزاه وبقى ف بينا علاقة ودلوقتى حضرتك بتقوليلى انى هبقى اب مش كده
سالى:(بخوف) انا كنت فاكراك هتفرح
كريم: افرح ليه؟! ها ..ردى عليا افرح ليه،مراتى
مثلا انتى صدقتى اللعبه ياحلوة ولا ايه احنا بنكدب عالناس انا يستحيل اتجوز حد زيك
عارفة ليه ؟عشان انا صعيدى والصعيدى ده ميربطش نفسه وباقى عمره بواحدة زيك رخيصة
عملت كل حاجة من غير م حتى م اطلب وياعالم كنتى بتعملى ايه مع مين..انتى ايه
الحكاية عجبتك قولتى تقلبيها جد صح
سالى:(عيناها
تدمع) انا رخيصة!! والست ندى هانم غاليه..لو كان الى بينا ده حصل مع ندى كان زمانك
بتبوس ايدها عشان تخلى البيبى مش كده ياكريم يابن الاصول
كريم:(يمسكها
بقوة من احد ذراعيها) اوعى تقارنى بينك وبينها مرة تانيه ،تدى ستك وتاج راسك ندى
الى انتى بتشبهيها بيكى دلوقتى دى حاولت زمان ابوسها من خدها كانت هتضربنى بالقلم
وخاصمتنى ماكنتش بتخلينى امسك ايدها مش خلتنى اعمل معاها كل الى عملته معاكى
سالى:(ازاحت
يده عنها وهى تبكى اثناء الكلام) اوعى كده سيبنى ندى مش كانت هتديك بالقلم ندى
فعلا ادتك بالقلم لما خرجتك من حياتها وفضلت عليك على عارف ليه عشان على راجل لكن
انت عيل عمرك م هتتحمل مسئوليه حد حتى لو كان ابنك..ارجوك كفاية بقى..
كريم:
صوتك يوطى احسنلك..الناس هنا كلها عارفانى
سالى:
وان موطتش صوتى ياكريم ياعثمان هتعمل ايه
كريم: مش هيطلع عليكى صبح ياسالى
سالى:(تبكى
بشدة) بتهددنى...وبتعايرنى ،بتعايرنى بحبى ليك واهتمامى فوقت كل الناس سابتك ف
...بتذلنى وبتوجعنى عشان حبيتك اكتر من نفسى الى هنتها معاك..حرام عليك يااخى..انا
استحملتك كتير ماتفوق انا من غيرك مش واقفة حياتى انا كنت نجمة والناس بتشاور عليا
فوقت انت كنت ف ولا حاجة سامعنى ياكريم ولا حاجة ،انت بيا اتعملت كريم عثمان وع
فكرة بقى المخرج الى احنا معاه فالفيلم ده انا الى كلمته عشانك هو كان مختارنى مع
حد تانى ومشكلتك زمان مع ممدوح السعيد انا الى حلتها وخليته يتنازل عن القضية..يلا
بقى اتفاجئ مدام هى بقت كده..خلاص ياكريم انا همشى وابعد من نفسى ومعلش يعنى لو
كنت قليت راحتك او فرضت عليك روحى
كريم: (يجلس بهدوء عالمقعد ويصفق بيديه) خلص
كلامك ..انتى بقى دلوقت ولا حاجة من غيرى روحى شوفى هتتصرفى ازاى انا ماليش ابن
منك وندالة بندالة بقى سالى: ماهى دى اخلاقك..اخلاق الناس الى انت منهم كريم:
الناس دى رجالة غصب عنك وكلمة تانيه مش هيحصلك كويس
سالى: انا مش عايزة منك حاجة يابن الناس (تدخل
الغرفة وهى تبكى ودموعها لا ترى منها) من اللحظة دى انا برة حياتك تبدل ملابسها
وتجهز حقيبتها وتخرج ثم تقف ع باب الشقة.
.
سالى: ع فكرة..انا هخلى الولد وبالقانون هعرف انسبه ليك...بس مش هخليه عشان
ابنك،هخليه عشان ده الحاجة الوحيدة الى منى مش هتغدر بيا زى كل الناس الى
حواليا...(تمشى ثم تعود لتقول كلمة اخرى) اه صحيح نسيت اقولك انى فكل يوم لما ابص
فوشه وافتكرك هقول حسبى الله ونعم الوكيل فيك تنزل وهى تبكى حاملة حقيبتها وتركب
سيارتها وتقود بأقصى سرعة حتى تصل الى شقة داليا..تفتح لها داليا فتفاجأ بدموعها
وحقيبتها. تروى لها ماحدث تنهار صريخآ داليا بوجهها لانها كانت تتوقع رده فعله.
داليا:
قولتلك م الاول ده ابن كلب ومش هيعملك الى انتى فاكراه ده ،فاكرة ايه هيقولك
ياحبيبتى ياسالى وياخدك بالحضن ويقولك تعالى نختار اسم لابننا ولا اقولك كان
هيقولك تعالى نروح نختار اودة الاطفال وبالمرة نعدى عالمأذون
سالى: بس بقى كفايه..انا مش ناقصة سيبينى فحالى
داليا: بقولك ايه احنا هنعمل حاجة م ال2 ياتعملى
عمليه يالو عايزة تخلى الولد هنجرجره فالمحاكم ونفضحة فالمجلات والجرايد وننسب
الواد ليه سالى تتركها وهى تتحدث وتدخل الى غرفتها فتجلب زجاجة بها خمر مخبأة
وتفتحها وتشرب منها .
داليا:
انتى بتشربى الهباب ده من امتى؟ ردى عليا هنا وكلمينى
سالى تقوم بطرد داليا من غرفتها وتغلق الباب
لتغرق بدموعها وتنحبس وراء الباب فتبكى بصوت عال
.
**************************
ندى تتحدث هاتفيآ مع مريم حول مايدور معها هى
ويحيي وتفاجئ مريم بسماع زيارة سالى الغريبة اليها وحديثها الى ندى الذى فجأها
ايضآ بسماعها عن شخص غريب غير الذى رافقوه اربعة اعوام وقام معهم بالكثير من
الاشياء والمواقف الجميلة. ندى تخبر مريم بأنها استغربت كثيرآ حديث سالى..فالبداية
شعرت بالغيرة ولكنها سرعان م استكملت الرؤية بأن الشخص الذى تتحدث عنه سالى ليس هو
الشخص الذى احبته قديمآ..بل هوشخص جديد انانى محطم.. وهذا ماحطم بقايا صورة كريم
الحلوة بداخل ندى وايضآ بداخل مريم...
**************************
ت
سرع
سالى ع صورهم بالمعهد وصورها هى وكريم بالمجلات معآ والفيديوهات المحتفظة بها منذ
مسابقاتهم بالمعهد حتى الاغانى التى قامو بتصويرها . تشاهد الصور وتشاهد افيديوهات
وهى ليست بوعيها،تشعل السجائر وتشرب من الزجاجة وكلمات كريم الموجعة مازالت
بأذنيها . تتمنى ان ماحدث يصبح كابوسآ وتفيق منه،تتذكر سهرها عليه بمرضه وبكائها
عليه عندما ترك عمله..وبكاؤها عليه عندما خذلته ندى بينهم قديمآ. تتذكر كل شئ
قدمته له ومع ذلك قابلها هو بالاساءة والتجريح والاهانة. تغيب تماما عن الوعى
فتنظر ناحية شرفتها المصنوعة ابوابها من الزجاج كاملا والستائر تغطيها..تتخايل
بطيف كريم جاء ليصلحها ويفتح لها ذراعيه فتهرول ناحية الشرفة مسرعة لتقفز..فتسقط
بالشارع!!
"من الجانى ؟! "
تسقط
سالى من الطابق الثالث ع سيارة تقف تحت المبنى،يراها الحارس فيصرخ بحراس المبانى
التى حوله كى يساعدوه بأنقاذها بينما هو يسرع الى الشقة ليطرق الباب وهو مذعور جدآ
من منظر سالى ودمائها الذى غرق السيارة التى وقعت عليها . تفتح الباب داليا وهى
غير مستيقظة تمام لانها كانت نائمة فيخبرها بما رآه فتهلع وتنزل للشارع بملابس
النوم..حافية الاقدام. يطلبو الاسعاف ويحملوها وداليا تحتضنها وتبكى مرددة"
متسبنيش ياحبيبتى..انا هجيبلك حقك" تصل سيفا الى المشفى.
..ولم
يمكثو الكثير ادخلوها ع غرفة العمليات بعد الكشف السريع عليها، ومرت ساعة ليمتلئ
المشفى بالصحفيون بينما كانو الصحفيون يريدون اخذ كلمة من داليا ولكنها لا تجيب ع
احد .
الكثير من المحطات اتت لتقوم ببث الخبر ويكون لها
السبق فى بث الخبر اولا.
مريم بأول ساعات عملها بالاستديو بالصباح منهمكة
بأعداد حلقة من حلقات البرنامج التى تعمل به ،فيسرع لها احد زملاؤها ليخبرها بأن
صديقتها سيفا التى حدثتهم عنها من قبل قد تعرضت لحادث واقرب للموت. تهلع من خوفها
مريم كثيرآ فتتصل بسرعة بندى التى لم تصدق ماسمعته من مريم فتسرع بأخبار على
بماحدث ليأتى معها هى ومريم الى المشفى. بينما هنا ..تتناول طعام الافطار مع طفلها
بمنزل عائلتها وتشاهد التلفاز لتسمع الخبر الذى جعلها تصرخ صرخة استنكار وهرولت
تبدل ملابسها وتذهب للمشفى.
اما كريم...
فهو منذ خلافه مع سالى ليلة البارحة..ولم يترك
المنزل بل كان جالسآ بين الصمت والتفكير بماحدث ونشأ بينهما بعدما عثر ع مذاكراتها
التى سقطت منها دون وعى وهى تأخذ ملابسها وحقيبتها من الغرفة . يقرأها ويملاه
كلامها بتأنيب الضمير ع ما فعله،واذ هو يقرأ مذكرات سالى يطرق الباب وليد رفيقة
فيفتح الباب ليخبره...بأن سالى قد انتحرت!
الجميع وصلو الى المشفى واحدآ تلو الاخر،ندى
وعلى ومريم وبعدهم هنا ليسألو عن حالة سالى فتنظر اليهم داليا لتهرول ناحيتهم بغضب
..
داليا: عايزين تعرفو حصل لسيفا ايه،صاحبكو قتلها اسألوه الحيوان الى اسمه كريم
هنا: ارجوكى من غير شتيمة ف ايه احنا مش ماسكين نفسنا من ساعة م سمعنا الخبر
ندى: لو سمحت حضرتك مين ،وايه الى حصل خلاها
تنتحر بس
داليا: اسألو سى كريم بيه،ورحمة امى لالبسو قضية
واجرجره فالمحاكم
على: يا انسة لو سمحتى الكلام بهدوء شوية لو تكرمتى...
داليا: هدوء ايه سيبونى فحالى ..صاحبتى بتموت هى
وابنها وعايزينى اهدا
جميعهم
بصوت واحد :ابنها!!
داليا:(بصوت عال ) ايوة سالى حامل من كريم وبدل
الباشا ميوقف جنبها بيتهرب منها واهانها وبهدلها فبيته وطردها
مريم: لو سمحتى اهدى احنا مقدرين موقفك...ممكن تحكيلنا
الى حصل،هى صاحبتنا بردو وقلقانين عليها زيك بالظبط اثناء محادثتهم يدخل كريم مسرع
هو ووليد فتراه داليا لتجرى نحوه بشدة و تمسكه من قميصة تحاول ضربة فيمنعها وليد
وعلى.
.
داليا: انت شرفت يابيه،ورحمة امى لاجرجرك فالمحاكم وحياة دم البنت الى جوة دى
وابنك الى اكيد راح لطلع عين اهلك ياكريم الكلب
كريم:
دالياااااااااااااااا..والمصحف ماناقصك متتجننيش عليا
داليا: انت لسه شوفت جنان،دانا هخليك تقول الله
حق دلوقتى اصبر علي
ا
كريم: انتى بنت وانا لحد دلوقت ماسك نفسى
داليا:
ايه هتضربنى !! تعملها مانت ندل
كريم: ياناس ابعدوها عن وش امى
يسرع الصحفيون بعدما سمعو تهديد داليا لكريم
..فيهرولو ناحية كريم ويسألوه
صحفى 1:الفنان كريم عثمان ليه علاقة بأنتحار
الفنانة سيفا؟
صحفى2: فعلا كلام صديقة سيفا بأنك ليك دخل
فالموضوع
صحفى
3: حضرتك علاقتك بسيفا علاقة صداقة ولا اكبر من كده
كريم:(يصرخ
بوجههم) ابعدو عنــــــــــــــــى يقوم وليد وعلى بتفريقهم فيهرولو ناحيه داليا
ليسألوها فتتهم كريم بمقتل صديقتها سيفا...
بعد 4 ساعات بالعمليات يخرج الطبيب ليشرح لهم ان
حالتها خطيرة للغاية وانها تحتاج للكثير من نقل الدماء فالمتوفر بالمشفى غير كاف
لانها نزفت كثيرآ. وتابع حديثه بطلبه منهم ان يتبرعو بالدماء لمن فصيلته من
فصيلتها وان حالتها خطيرة لان بها كسور بالحوض والرقبة والايدى والارجل اى انها
حالة كسر عام وفقدانها للجنين قد افقدها الكثير من الدماء.. وضعوها تحت الملاحظة
24 ساعة واخبرهم بان لابد نقلها للخارج لعمليه بعمودها الفقرى خوفا من حدوث لها
شلل..
داليا تستمع لحديث الطبيب فتنهار وتبكى وتجرى
نحو كريم مرة اخرى.
داليا: اقسم بالله هوريك النجوم فعز الضهر...
كريم:(ينظر اليها بشئ من الحزن) حرام عليكى
ياداليا مش كفاية اتهمتينى بأنى انا الى قتلتها سيبنى انا مش ناقص
داليا: ورحمة امى كمان مرة وحياة كل دمعة نزلتها
عليك لاعرفك قيمتها ياحيوان وليد: ياانسة داليا مافيش داعى للى بتعمليه ده هنا:
انسة داليا ممكن 10 دقايق
داليا:
حضرتك عايزة ايه...انتى هنا انا شوفت صورك مع سالى
هنا:
ايوة انا
داليا: اه وطبعآ حبيبة واخت الباشا مش كده
وعايزة تخلينى اسكت ومرفعش عليه قضية عشان كدة عايزانى
هنا: لا مش كدة انا عايزة اعرف ايه الى حصل
بالظبط ممكن داليا: اسألى اخوكى عمل فيها ايه واستندل معاها ازاى ،بس انا مش هقول
غير حسبى الله ونعم الوكيل
ندى تنظر لمريم بأنها كانت متوقعة ماحدث..
هنا
بعدما تسمع من داليا كل ماحدث هى وندى ومريم وعلى تنزعج كثيرآ لما فعله كريم بسالى
،فيستأذن على ليذهب الى مكتبه ضروريآ بعدما اجرو بأكملهم فحص عينة الدم لتطلع
نتيجتها بأن على هو من نفس الفصيلة فيتبرع ويهم بالرحيل ويطلب من ندى ان تتبعه لاحقآ..
هنا
تذهب لكريم مذعورة: ليه كده يااخى..ليه ،بهدلتها وسكتت تعبتها واستحملت بتحبك من
زمان وقولتلك وانت منفض وبعد م حملت فابنك اتنكرت واستندلت ..مش هو ده كريم مش هو
ده اخويا،انت مكنتش كده ايه الى غيرك
كريم: (ينظر اليها) هنا انا تعباااان قدرى الى
انا ف
هنا: وانت مقدرتش الى هى ف ليه،اهى حتموت ورينى
بقى هتكفر عن الى عملته معاها ازاى..لسه بتحب فندى ولسه مستنى ندى فوق يااخى فوق
ندى تستمع لها وتنظر اليهم.
.
كريم:(بصوت عال) انا مش مستنى حد،مش وقت الكلام ده ياهنا ارجوكى
هنا:
لا وقته انت ايه ،عايز كل حاجة..فنان وبقيت ،ومعاك واحدة بتعشق النفس الى بتتنفسه
فتحس انك ملك زمانك وتفرض سيطرتك عليها لحد م انتحرت ذنبها فرقبتك يااخى ومش بس هى
..هى وابنك الى انت قتلته بندالتك خليك كده حمار تجرى ورا سراب لحد م ضيعت كل
حاجة..انا همشى ومش عايزة اعرفك تانى لحد مانت عارف ممكن تعمل ايه عشان اعرف ابص
فوشك تانى. ترحل هنا بينما ندى تخبر مريم بأن عليهم الرحيل ولكنها تريد ان تخبر
كريم كلمة اخيرة..
ندى: كريم
كريم:(يرفع
رأسة من بين يديه) ايوة ياندى،عايزة تقولى حاجة انتى كمان
ندى: لا انا هقولك كلمتين يمكن يفوقوك،سالى حبتك
اكتر منى وعملت عشانك الى ميتعملش..ارجوك خليك مرة صح واقف جمب حد واتحمل مسئوليته
مرة واحدة...ارجوك بلاش ع طول تهرب بدل م تخسرها زى م خسرت نااااس كتير ، الناس دى
انت كنت كل الدنيا ليهم ،بعد موضوعك ده انهاردة انت_ لاتشكل_ اى حاجة بالنسبة ليهم
اصلك كنت وهم عاااااااالى اوى وخلاص وقعت ارجع كريم ..هتلاقى ناس كتير سامحتك بس
ده زى ماقالت هنا مش كريم ياخسارة!!...عن اذنك
تذهب ندى ومريم من طرقة المشفى فينظر لها كريم
وهو دامع الاعين من كلامها القاسى،فيفاجأ بوالدته امامه واخيه..
كريم: امى!!
" وانقلبت الاحوال..رأسآ ع عقب.."
يفاجأ كريم بوجود امه واخيه امامه بالمشفى فيقوم
لهم هو ووليد ليرحب بهم وهو يخبئ ارتباكه من وجودهم الان وخائف من سؤالهم عن
سالى.. داليا تجلس من بعيد مترقبة تواجد هذة السيدة وابنها الذى يشبه كثيرآ لكريم
فتوقعت انها امه،فاصطنتت لكلامهم .
كريم: امى!!
الام:(بخوف)
صحيح الى سمعناه فالتليفزيون ده ياكريم،مراتك انتحرت
وليد: طب بس اقعدى ياحجة خدى نفسك انتى ونادر
الام: انا مش جاية اتضايف يابنى انا قلقانة ع
مرات ابنى
داليا..تستعد لتفجير القنبله لوالدة كريم،.وتذهب
نحوهم
داليا: تسمحيلى ياطنط انى اقولك ان ابنك كان
منيمكو فالعسل طول المدة دى
كريم: داليا مش وقتك لو سمحتى
داليا:
استنى ياكريم مش لما اعرف طنط سالى تبقالك ايه؟
الام: ف ايه يابنتى ..انتى مين الاول وايه الى
مخبيه عليا كريم
وليد:(يقاطعهم) مافيش ياطنط هى بس كانت حامل
والبيبى نزل..محصلش نصيب يعنى مش هو ده الى عايزة تقوليه ياداليا(يشير لها بعيناه
ان تسكت)
داليا: لا مش ده يا اخ وليد..انا ياطنط صاحبة
سيفا الوحيدة
الام: سيفا مين؟،وازاى كانت حامل وسقطت؟ م تتكلم
يابنى
داليا: قصدى سالى ياطنط..بقالى 3 سنين معاها
كريم: طيب تشرفنا ياستى..ارحمينى وامشى ممكن
داليا: لا مش همشى قبل م اعرفها ان سالى مش
مراتك وانك كدبت عليهم وانها كمان كانت حامل فابنك وانت اتنكرت ليه ودخلتها بيتكو
وخليت امك تثق فيك الام ونادر يفاجئو مماسمعوه فتتحول عيناها الى كتلة شرار.
.
الام: صحيح يابنى الى قالته ده كريم: ينظر للارض ويملاه الخجل
الام: رد عليا وكلمنى ..صحيح مش مراتك وانك كمان
اتنكرت لابنك منها..يعنى كنتو عايشين فالحرام
نادر: (بأستحياء)رد ياكريم وكدب كلامها ورحمة
ابوك ياشيخ
داليا:
مش هيقدر يكدبنى عشان دى الحقيقة كريم ناظر للارض ولا يجد رد عليهم،فتشتاط غضبآ
والدته لتصفعه ع وجهه ضربة قوية بينهم.
الام:
قلبى وربى غضبانين عليك انت لا ابنى ولا اعرفك..مدام اخترت الحرام وعشت ف وكدبت
علينا وفهمتنا انها مرتك لا وكمان اتنكرت لولدك الى من صلبك(تبكى) لا يابنى انا
مربتكش كده ولا ابوك رباك ع كده روح الله يسامحك
كريم: (يبكى ويضع يده ع خده)امى اسمعينى الام:
اسمعك ايه..البنت الغلبانة الى بين الحياة والموت دى ذنبها ايه وولدك الى راح ذنبه
ايه ،من يوم م شوفتها دخلت قلبى حسيت انها بنت ناس وبنت اصول مش من الشارع..ليه
يابنى ليه تتبهدل وتبهدلنا معاك..روح منك لله
نادر: انت ياكريم !!
ياقدوتى..انا
معنديش كلام اقوله غير انى افضل ساكت لانى مش حسك اخويا..اخويا الى علمنى الصح
والغلط.اخويا الى علمنى الصلاة وازاى ابقى كويس مع ربنا ،مش عايز اقتنع ان مثلى
الاعلى خلاص انهار
الام:(تمسك بيد نادر) يلا يانادر مالكش اخوات
بعد كده...(تتوجه لكريم)خايفة عليك يابنى من عقاب ربك المنتقم تذهب والدة كريم
غاضبة ،تبكى بشدة ونادر يغلب عليه الدهشة والصمت..فيلتفت كريم لداليا فيصرخ بوجهها
.
كريم: مبسوطة..مبسوطة ياختى،اديكى خسرتينى امى واخويا واصحابى ..حتى البنت الى
مكنتش عايزاها تشوفنى بصورة وحشة راحت زييهم
داليا: انا مخسرتكش حد ياكريم/انت الى خسرتهم
بانانيتك ،انت فاكر ان ذنب سالى ربنا مش هيرده فيك ولا ايه..يااااااااااه يااخى ده
ربنا عدل
كريم: حرام عليكى ،انا والله مش وحش كده صحبتك
الى ورطتنى فكل ده
داليا: وانت سكتت وكمان كملت معاها اللعبة الى
كانت عاجبك ..لعبة العشيقة يااستاذ صح، واحدة تحت امرك فاى وقت وفنفس الوقت
تمرمطها وتذلها ع كيفك وتحب بقى ف الى عايز تحبه براحتك مش كده
كريم:
صدقينى بعد مامشيت من عندى امبارح..انا قعدت اعيد فكلامى تانى اللى قولتهولها
وضميرى معذبنى..لاقيت مذكرة بتاعتها وقعت منها كملت عليا
داليا: مذكرة!!
كريم: ايوة المذكرة بتاعتها..انا شوفتها امبارح
وطول الليل بقرا فيها لحد م وقفت عند حاجة كتبتها مش قادر انساها
داليا: كانت كاتبه ايه
كريم: كتبت " جربت تعمل كل حاجة لواحد حتى
الاحساس مش حاسس بيك واحد كل ماتديله مشاعرك يدوسها واحد كل م تبصله بتحس انك معاك
العالم كله وهو فنفس الوقت لو شافك يدور وشه الناحية التانيه نفسى مرة ياكريم تجرب
الآآ مى وتقولى ساعتها هتحس بأيه " داليا: انت لسه واخد بالك انها بتحبك اوى
كده وضحت عشانك كتير
كريم: وليه متقوليش انى حسيت بذنبى فحقها..وجيت
اكفره انتى عمتيها ياهانم
داليا: هتكفره بعد ايه ..بعد ماراحت
يقاطعهم شخص غريب يرتدى بدله ومعه شخص أخر
.
الضابط: مقدم شريف الحسينى
كريم:
اهلا وسهلا
الضابط: احنا عرفنا بأنتحار الفنانة سيفا من
شقتها الى فالزمالك ده صحيح
داليا: ايوة يافندم...بس هى دلوقت فاقدة الوعى
تمامآ مش هينفع تستجوبوها
الضابط: انا عارف كده،انا بس حابب اخد منك ومن
الاستاذ كريم كلمتين ممكن؟
كريم: اه طبعآ تحت امرك
الضابط: يا انسة داليا..حضرتك مقيمة معاها فنفس
الشقة مش كدة
داليا: بالظبط
الضابط:
تقدرى تقوليلى ايه الى حصل معاكى انتى وهى فاليوم ده
داليا:
ابدآ..هى كانت برة ف اوردر مع كريم للفيلم بتاعهم وبعد كده رجعت ع حوالى الساعة
واحده كدة متدايقة وبتعيط،سألفتها مالك قالتلى انها متخانقة هى وكريم ودخلت
اوضتها..بعد كدة انا دخلت نمت ومصحتش غير ع خبط الباب لما البواب قالى ع الخبر
انها وقعت من البلكونة
الضابط:اها..مظبوط بس حضرتك شبه اتهمتى الاستاذ
كريم بقتلها فجرايد انهاردة الصبح
داليا: اممممممم انا عملت كده عشان كنت متغاظة
منه..هو بصراحة كان متخانق معاها فحبيت افش غلبى ف
الضابط:
بس انك متغاظة من واحد مش باتهام للقتل
كريم: يافندم..حضرتك انا كنت فبيتى وسيفا وقعت
من شقتها الى فالزمالك هكون رميتها من فوق امتى يعنى الضابط: طب ممكن تحكيلى
الخلاف الى كان بينكو بسبب ايه؟
كريم:(ينظر لداليا ووليد ويعاود النظر للضابط
مرة اخرى) مافيش خلاف اهبل ..اصلها صديقتى من زمان وشغلنا كمان سوا كانت خناقة
بسبب الشغل الضابط: اقدر اعرفها؟
كريم: ا..ا..اه هى كانت تعبانة وكانت بتغيب كتير
عن الاوردر والاوردو كان اوريدى بيتلغى ف عطلتنا فكنت بزعق معاها عشان تلتزم..بس
كده
الضابط: امممممممم..طيب انا هبقى اتبع مع
الدكتور بتاعها لما حالتها تتحسن انى اجى واخد افادتها
كريم: بس هى هتسافر برة ياحضرة الظابط عشان تعمل
عمليه الضابط :مافيش مشكله..لما تتحسن وتقدر تتكلم هبقى اجى..مع السلامة
داليا:
انت ليه مقولتش الحقيقة؟؟ ولا خايف ع نفسك
كريم:
لا ياستى مخوفتش انا ف الاول والاخر راجل..لكن هى الكلام هيكتر عنها وبذات انها
نجمة مجتمع وهى بنت ودى هتبقى ضربة فسمعتها فهمتى؟
داليا:(بسخرية) ياسلاااااااام اد كده بتهمك
سمعتها؟
كريم: اه ياستى بتهمنى...المهم دلوقت انا هروح
اسحب مبلغ من البنك عشان تسافر ف اسرع وقت داليا: خلى فلوسك معاك..انا هدبر المبلغ
كريم: انتى هتبقششى عليا...سالى ليها جميل
فرقبتى،وجه الوقت انى ارده!!
#ايام_الضحك_والدموع_ج2
#نوراسماعيل
جااااااااااااااامدة وكريم ده واطى وداليا عجبتنى اووووووووى
ردحذفسالى رحصت نفسها من الاول لما فرضت عليه تعيش معه ولما قال هطيرى معايا وافقت واحد بترخص فتفسها متستناش حد يغليها
ردحذف