"
هذه الدنيا..مابين بدايه ونهاية !! "
الام: تتطرق الباب بشدة" الحقنى ياكريم!!
كريم
يصحو وينتابه الهلع هو وسالى ،فيقوم برتداء ملابسه والخروج لوالدته...
كريم:
ف ايه ياامى؟!
الام: عمك يابنى بديله الدوا مش ناطق عليا ولا
حتى فاتح عينه
كريم: ازاى الكلام ده انا جاى معاكى
يغلق
الباب ع سالى وهى نائمة ويهبط الى الاسفل عالفور الى غرفة عمه فيجده لاحراك له
وجسده بارد جدآ. يحرك ف كريم يمينآويسارآ وينادى عليه وهو لايجيب ثم يجس نبضه فلا
يجد له نبض!! سرعان م يتصلو بالطبيب ويأتى حتى يتم الكشف عليه فيخبرهم بانه قد
فارق الحياة منذ 5 ساعات تقريبآ. تفاجئ والدة كريم فيتعالى صريخها فيصحو نادر
وسالى ليهبطا لاسفل فيجدو والدة كريم تصرخ والحج فاروق قد توفى! يقام العزاء له ع
اوسع نطاق..ويقوم كريم بنشر خبر وفاته بالصحف نظرآ لانة كان شخصية من الشخصيات
البارزة بالمجتمع ولتواجدة بمقعد بمجلس الشعب م يقرب ال6 سنوات .
كل
شخص ع صلة به او لا من كل حدب وصوب قد اتو ليعزوا به وقد وقف كريم واخيه يتلقون
عزائه.. اما بالداخل فقد كانت سالى يدها بيد والدة كريم بشغل المنزل و خدمة
المعزيات النساء وكانت تعمل بحب لهم كأنها واحدة منهم ،وكانت تنام ليلا جثة هامدة
من كثرة تعبها اليوم بأكمله. تتصل هنا فور رؤيتها الخبر بالصحف بكريم وتعزيه وتعرف
منه انه هناك منذ اسبوعان وانه سيشرح لها الموقف عندما يعود للقاهرة. ينتهى ايام
العزاء بسرايا الحج فاروق، فيعزم كريم وسالى ان يعودا الى القاهرة بعدما اخبرته
سالى بأن احد المخرجين السينما اتصل بها هاتفيآ و يريد مقابلتهما معآ للتعاقد ع
سيناريو فيلم يريد اخراجه وهذه كانت بشرى لكريم لطالما فات الكثير عليه من الوقت
من دون عمل. والدة كريم تودعه وتأخذ منه وعد ع انه سيأتى اليهم حتمآ ولا ينساهم
وتوصيه ع سالى لانها لمست بها طيبة القلب وحبها لابنها بالفعل.
**************************
يحيي ومريم... قصة حب جديدة،فقد اصبحا بعد يوم
عمل شاق لهما يتحدثا سويآ بالهاتف...يروون لبعضهما هواياتهم والاشياء التى يحبونها
والتى يكرهونها فقد اقتربا لبعضهما فى فترة وجيزة. وذات يوم تزور والدة ندى ومريم
بيوم اجازة لمريم من عملها منزل ندى ليطمئنو عليها وع جنينها.
الام:
حبيبة قلبى متقوميش كده مرة واحدة وتقعدى مرة واحدة...انتى بقيتى 2 دلوقت حافظى ع
نفسك ياحبيبة ماما
ندى:
والله ياماما واخدة بالى ع الاخر...انتى متعرفيش على عاملى زى العسكرى ع البيبى ده
ازاى هههههه
الام:
طبعآ ياحبيبتى مش فرحة استنتوها 5 سنين...ربنا يتملك ع خير يارب وتقومى بالسلامة
ندى: انا هقوم ادوقكم البسبوسة الى انا عاملاها
الام: لا متتعبيش نفسك،انا هقوم اجيب كل
حاجة..دردشو انتو سوا تتركهم الام بمفردهم ندى ومريم معآ...
ندى: ايه يابت يامريوم ...شكلك كده عايزة
تقوليلى حاجة مريم:(مبتسمة) اموت فيك يافهمانى انتى،هو بصراحة اه
ندى: ف ايه بقى؟
مريم: بصى مش عارفة ابتدى منين...بس انا ويحيي
بقالنا فترة كدة مقربين لبعض خالص وحاجات كتير كده بنقولها لبعض مشتركة وعارفة
ياندى اول م يصحى يكلمنى وقبل م ينام يكلمنى وبيودينى للشغل وساعات بيجيبنى
يالهووووووووووى عارفة دقات قلبى بتدق بسرعة اوى لما احكى عنه ندى: اه ياجزمة كل
ده من ورايا،ياحبيبتى يامريوم الف مبروك يارب بقى يفوق من خطبة الزفته الاستغلاليه
الى اسمها شهد دى ويخطبك انتى ياااارب
مريم: يااااااارب يانودى ادعيلى بقى،بس عارفة كل
مانا اجيب سيرة شهد هو يقفل عالسيرة وبيتريق عليها كمان تصورى!
ندى: اتصور طبعآ...هو بيشتكى منها لعلى انها
مادية اوى واهم حاجة عندها المادة والمظاهر ومش مهم هو،بس متقوليش الكلام ده ليه
مريم: لاطبعآ مش هقول...انا مبسوطة اوى ياندى
ندى: ربنا يبسطك ياحبيبتى يارب،بس ايه احنا مش
هنقعد كده كتير لازم خطوة ايجابيه ولا ايه انتى مش استبن يحب فيكى ويتجوز التانيه
مريم: يوووه ياندى بقى هو انا كنت اطول الى انا ف دلوقتى ده
ندى: وليه يعنى ناقصك ايه بنوتة حلوة ومتدينه
وطيبة ومؤدبة ومش هيلاقى زيك
مريم: اصل انا مينفعش اطلب منه حاجة دلوقت ندى :
مش انتى...خليكى انتى ف الى انتى ف وسيبى الخطوة دى عليا
كريم وسالى قد ذهبا الى الميعاد الذى اعطوه
للمخرج وقد عرض عليهم السيناريو لفيلم من بطولتهما يتطلب وجوه شابة جديدة فيقرؤه
وبعد اسبوع يعطو الموافقة. سالى تقترح ع كريم بأن يترك شقته هذه ويشترى فيلا تليق
به كفنان . تعجبه الفكرة بالبدايه ولكنه سيشترى شقه ببرج عالنيل بأحد المناطق
الراقيه كان يود ان يسكن به عندما يتزوج ندى...وبالفعل يشتريها من رصيدة بالبنك من
ثروتة التى تركها عمه والتى تركها والده . يقوم بنقل اثاثة واغراضة المهمة مع سالى
وترك الشقة القديمة،واثناء نقل سالى لاشياء كريم بالحقائب تجد تحفه قيمتها عاليه
جميله المظهر لتمثالين عروس وعريس فتخمن انها من ندى فتقوم بكسرها من غيظها فيأتى
كريم ع صوت الكسر فزعآ..
كريم:
ايه ف ايه الى اتكسر ده ،حصلك حاجة
سالى : مافيش دى وقعت منى واتكسرت كريم:(ينظر
اليها فيجدها هدية ندى له) وقعت ولا انتى وقعتيها..انا مش قولتلك 100 مرة مالكيش
دعوة بحاجة لندى عندى حصل ولا محصلش
سالى : اولا انا موقعتهاش ثانيآ ايه يعنى حته
هدية هايفة واتكسرت وبعدين انت كنت بتعامل ندى كده شخط ونتر وزعيق زى م عامل معايا
ومكبر المواضيع كريم:(يمسكها من احد ذراعيها مسكة قوية بضيق) اوعى مرة تانيه
تقارنى بينك وبينها انتى سامعة...هى حاجة وانتى حاجة تانيه خالص..مفهوم!!
سالى تنظر
اليه بعيون دامعة وتهز رأسها بالموافقة..
****************************
ندى لديها وليمة اليوم.. فقد قامت بدعوة هنا
وزوجها وطفلها الى الغداء عندها بالمنزل وكان على بأستقبالهم. يتناول الجميع
الغداء ويتسامرون معآ بجو عائلى ظريف،واثناء تناولهم الطعام تفاجئ هنا بحمل ندى
التى لم تكن تعرف بأنها حملت فتفرح لها كثيرآ وتهنئها. بعد الغداء
..يحتسون
الجميع شراب الفواكة التى صنعته ندى ومن ثم تأخذ هنا ندى الى الغرفة بالداخل بعيدآ
عن على وحسن ليتحدثو ع انفراد...
هنا:
والله فرحتلك اوى،بس يابنتى مش كنتى تقولى عشان متتعبيش نفسك فكل الى انتى عاملاه
ده
ندى: مانا عارفة انك لو قولتلك ع خبر حملى ده مش
كنتى هتيجى
هنا: بس بصراحة تسلم ايديك الاكل جميل...وانتى
فالكام بقى ياستاذة؟
ندى: انا كده فبداية الرابع
هنا: متابعة عند دكتور
؟
ندى: لا بحسب كده..بصراحة مش حابة اروح لدكاترة
اول حمل ده عايززة اتفاجئ بالمولو
د
هنا: ايه العبط ده لازم تروحى ياخد باله منك ومن الجنين وحركته ولو ع النوع ياستى
قوليلو متقوليش بس متسبيش نفسك كده
ندى: والله انا سايباها ع الله،انا الحمدلله لحد
دلوقت حملى ماشى تمام ومش تعبانة ولا حاجة .يعنى لو تعبت ولا حاجة هروح لدكتور
هنا: عالعموم فكرى عشان راحتك بردو،بس بطنك
عالية عن اربع شهور ياندى
ندى: لا انا حاسبة صح من ساعة م عرفت وبعدين
ماما قالتلى عشان اول حمل
هنا: لالالالالا مع احترامى لطنط كريم مكانتش
بطنى عاملة كده ابدآ
ندى: هههههههههه ياستى عادى يمكن تؤأم وربنا
كرمنا بزيادة بعد صبر
هنا: هههههههه يارب ياندى يكونو تؤام ويطلعو
عينك واشوفك محتاسة والبنت الحلوة ندى بتاعت زمان ام الشياكة والاناقة تبقى كوكا
الشغالة
ندى:
هههههههههههه بس هما ييجو وابقى شبه الى شبهه بقى
****************************
بعد
هذه الوليمة بأسبوع تذهب هنا الى مكان عمل كريم وسالى للفيلم الجديد عندما علمت
منه انه سيقوم بتصوير اول فيلم له وبطولة ايضآ. تلتقى مع مساعد المصور فيدخلها
غرفة تبديل الملابس الخاصة بكريم بموقع التصوير (اللوكيشن) فتنتظره حتى يدخل
فيفاجئ بها فيرحب بها بشدة ويجلس معها 10 دقائق يتحدثو سويآ.
هنا:الف مبروك ياكريم يارب يبقى وش الخير عليك
يارب
كريم:
تعرفى ان البت سالى دى بنت حلال وشها حلو عليا فعلا
هنا: يلا ربنا يوفقكو سوا
كريم:
سوا!! سوا ايه، انتى عارفة الى جوايا
هنا: ايه الى جواك ياكريم..لسه بتفكر فندى بعد م
اتجوزت وهتخلف كمان
كريم:
ايه؟!هتخلف
هنا: ايوة ندى حامل كنت عندها من اسبوع،وع فكرة
بقى كل الى هممها هو بيتها وعلى والبيبى الى جاى
كريم:(يشرد)
اكيد زى القمر وهى حامل مش كده..وهتبقى احلى لما تبقى ام
هنا:
هتبقى حلوة لجوزها واولادها...سيبك منها انت وفكر فنفسك وفالبت الغالبانة معاك دى
مش هغنيهالك كل م اشوفك بقى
كريم:(ينظر
اليها ويهز رأسة) حاضر ربنا يسهل
****************************
يحيي بمكتبه يعمل وهو منشرح الصدر وسعيد للغاية
ومقبل ومتحمس لعمله حتى وان كان صعبآ فتتطرق الباب شهد وتدخل مبتسمة ع غير العادة.
شهد:ازيك يايحيي عامل ايه يحيي: انا
تماااااااااااااااام وعمرى م كنت تمام قد الايام دى شهد: طب كويس انك فالمود عشان
عايزاك فموضوع مهم
يحيي: خير ياشهد انتى ومواضيعك يافتاح ياعليم
يارزاق ياكريم
شهد: ايه ده ف ايه!! محسسنى انى جايبالك خبر
مصيبة
يحيي: ياستى لا بس اول م بتبدأى جملتك بعايزاك
فحاجة مهمة انا بحط ايدى ع قلبى
شهد: لا ياعم متخافش بابا عايزك بعد الشغل تيجى
عندنا تقعد معاه شوية عايز يتكلم معاك فحاجة
يحيي: ف ايه ان شاءالله
شهد: معرفش اعرف منه هو
يحيي: ياسلااااااااام يعنى انتى مش عارفة؟
شهد: بص هو قالى انه عايز يكلمك فحكاية المؤخر
يحيي: ماله المؤخر؟وبعدين احنا لسه كتبنا الكتاب
شهد:ماهو
عايز يحدد معاد لكتب الكتاب ويتفق معاك يحيي: احنا اتكلمنا فالتفاصيل من يوم
ماطلبت ايدك وكل حاجة اتفقنا فيها
شهد: بس هو كان عايز يزود المؤخر حبتين
يحي: ايه؟! ليه يزود المؤخر احنا متفقين
شهد:
ايه مستخسر فيا كلام ع ورق وبعدين انا عايزة اضمن حقى
يحيي: تضمنى حقك ف ايه بقى فهمينى
شهد:يعنى تغير رائيك نتطلق امر كده امر كده يبقى
معايا ضمان
يحيي: آآآآآآآآآآآآه قولى بقى انها صفقة مش
جوازة شهد: صفقة ايه ؟ايه الى بتقولة ده بطل هبل يحيي: هبل هبل انا قرفت وتعبت منك
ومن اسلوبك ومن طمعك ومن جفاء مشاعرك ناحيتى بتعاملينى وكأنى حته ديكور ولا حتة
بروش بتزيينى بيه هدومك مش واحد هيبقى جوزك ...متأسف اوى ياهانم مش هينفع اكون
بروش لانى راجل (يخلع الدبلة من يديه ويضعها بيدها) متشكر ليكى اوى انك انتى الى
حطيتى آخرها
شهد:(تنظر بدهشة للدبلة) انت بتفسخ الخطوبة
يايحيي يحيي: عن اذنك انا خلصت شغلى ومش عايز اقعد دقيقة واحدة وانتى قدامى والى
بينى وبينك انتهى يابنت الناس(يرحل من مكتبه وهى ناظرة له نظرة غدر وتتمتم بصوت
منخفض) "هدفعك التمن غالى يايحيي
"
#ايام_الضحك_والدموع_ج2
#نور_اسماعيل
قصه جميله ياريت تنزلي باقي الجزء ٢
ردحذفاوك يوميآ بينزل حلقتين :)
ردحذف