عدى اسبوع .. ومى فشغلها زى كل يوم مع اصحابها .. بيتفقو الجمعة دى هيقضوها عند مين فيهم وهيعملو ايه .. مى هى القائد فكل حاجة وهما بيسمعو كلامها ..مش عشان معندهمش شخصية!! بس عشان هما اصحاب اوى وبيحبو بعض اووووووووى ... غادة : احلى حاجة انك جبتى عربيتك من التوكيل ...عشان نلفلف براحتنا بقى ..متعرفوش يابنات بستنى الويك اند اد ايه منة : كلنا والله مش انتى بس ، احنا الحمدلله عشان شغلنا كويس ..المكتب مش بيهدى من الشغل ممدوح اتدخل بالكلام معاهم .. ممدوح: لا والاحسن يا مى انك جبتى عربيتك ، عشان متعمليش فيا فصل بايخ زى المرة الى فاتت كده!! فاكرة؟ مى : فصل ايه ؟ (بتستهبل) ممدوح: والله!! ع اساس مين الى قال للشباب انى بعاكس وبمشى وراهم كل يوم وببص عليها لاقيتها فص ملح وداب .. دانا شايلهالك من ساعتها ياشيخة ! مى : اوووووووه هى جت فيك ..وحياتك يا ممدوح عندى كنت بشاور ع واحد تانى ، تلاقيهم غلطو معلش (بتضحك وبتغمز لغادة ) غادة : م خلاص يا ممدوح انت هتعملنا فيها المتدايق م قالتلك مكانتش قاصدة .. الله!! سامح: ياعم بعد كده ابقى تعالى اوصلك بالموتوسكل وسيبك من البنات ومى بالذات ومقالبها مى : حراااام عليك ياسامح ...انا بعمل فيكو مقالب؟ سامح: لا ياشيخة ..لا دى منة بس احنا بنلزقها فيكى امنية : طب خلاص بقى بلاش مناقرة منك ليها وخليكو فشغلكو ...هو ورق شركة كمبيوتك فين ؟ مى : اوبس!! ده عندى فالبيت سامح: يا نهااااااااااااااار اسووووووووووح عليكى ...طب اخطفى رجلك ياختى بسرعة هاتيه ...لازم نسلم الشغل قبل نهاية الاسبوع مى : طيب خلاص انا هاخد عربيتى واجيبو هوا .. ^^^^^^^^^^^^^^^^^^^^ عن الناحية التانية ....... وسام بقاله اسبوع مبيروحش الشغل ، زمايله قلقوا عليه واتصلوا.. لكن شريف هو الوحيد الى زاره فالبيت .. شريف : السلام عليكم يا طنط الام: اهلا ياشريف يابنى ازيك ازى مامتك شريف : بخير يا طنط بتسلم عليكى ... وسام عامل ايه ؟ الام: ادخلله يابنى جوه ... شريف دخل لوسام الاودة لقاه مقفل الشبابيك والستاير ومافيش نور غير ضوء اللاب مفتوح قدامه .. شريف : ايه ده ايه ده ايه ده ياعم الاكتئاب انت ...افتح وهوى كده ..يخربيت شكلك وسام: سيب الشبابيك يا شريف شريف: (بتريقه) سيب الشبابيك ياشريف !! لا مش هسيب ايه المقبرة دى ..ماتقوم تضرب نفسك طلقة وترتاح .. ليه ده كله .. عشان دنيا .. ياعم فكك وسام: عارف لو كنت واحد زيك كان زمانى مقضيها ومش شايلها هم ، بس بعد م يروح منى الاحساس زيك كده .. لكن انا مش شريف شريف: وفيها ايه لما تبقى ضاربها طناش وعاااااايش ومتكيف كده ..مش احسن م ابقى عامل زيك ، وبعدين بركة ان دنيا طلبت تنساها وتشوف حياتك انت عارف انت مش عايز واحدة زى دنيا .. انت واحد عامل زى القناة السابعة قبل م تقفل وهى دراما اوى ..حاجة كده عاملة زى الخضار الى مالوش طعم وسام: والله!! فصيح انت كده ...اوام عرفت مين يناسبنى ومين لاء.. طاب م تحل مشكلتك وشوف واحدة تناسبلك وتحل عنى شريف: اولا انا مش بتاع جواز زيك ..ثانيآ احلى م فى الدنيا تاخد حلوها وتبعد عن مرها صدقنى انت عايز واحدة مجنونة ..مرووشه تجننك وتجنن اهلك وتخليك تدور حوالين نفسك كده وتصنع منك واحد جديد لكن دنيا بصراحة ..بتفكرنى بفاتن حمامة وانت عماد حمدى فالافلام القديمة ..حاجة كده تموع النفس وسام:(مسك مخدة صغيرة وحدفها عليه) طب غور شريف: ههههههههههههههه طب قوم حلق دقنك دى والبس عشان عندنا مشوار وسام: فين شريف: طبعآ.. مانت مش من سكان الارضـ ، هى مش منى كلمتك وعزمتك ع خطوبتها انهاردة ياض؟ وسام: اااااااااه ، بس انا والله م فى المود شريف: قوم يازفت هو انا هتحايل عليك (شاله ورفعه) وسام: ههههه الله يخربيتك ايه ده ياض شريف: طب روح عالحمام من سكات وظبط نفسك بدل م افضل شايلك كده وامك تدخل تفتكر ظن سوء ولا حاجة ههههههههههههه وسام راح فعلآ يحلق وظبط نفسه ولبس واتشيك ولمع أزاز نضراته وطالعين من الشقه ... لقو مى قدامهم .. مستنيه الاسانسير!! شريف بص عليها كده وكان هيعاكسها راح وسام غمزهـ ، كانت هى بتبص لهم بصه وحشه كده من اخر موقف حصل بينها وبين وسام .. ووسام برضه بيبادلها البصات الرخمة ويبص عالاسانسير شريف: هو بيطول كده ليه يا وسام عايزين ننجز ؟! مى :(قعدت تضحك) ههههههههههه ايه ده اسمك وسام ؟! وسام: مالو وسام انشاءاالله مى : اصله اسم بنات يعنى ههههههههههههههههه وسام: وانتى اسمك ايه بقى ..عصام؟! مى : انا برنسس مى (بغرور) وسام:(كتم الضحكة) مى !! وهو يعنى ايه مى ..ده حتى وسام اسم له معنى مى اتغاظت خاااااااااااااالص وقررت ترد له الغيظة.. مى : انت انت .. وسام: ايه انت انت دى مى : متركبش معايا الاسانسير ... استنى انزل وتعالى ورايا وسام: ده ايه المعيله دى !! ده ع اساس انى سواق حضرتك ولا ايه مى : هو انت تطول تبقى السواق بتاعى الاسانسير جه ......... وسام: طيب طالما طلبت معاكى حركات عيال (زقها زقه خفيفة وقع منها كل الورق عالارض والملفات) ع بال م تلمى بقى اكون نزلت انا وابقى اركبى المراجيح لوحدك شريف مش ماسك نفسه من الضحك ، مى : انت قليل الذوق ع فكرة(وهى بتلم الورق) وهما فالاسانسير ... شريف: مين الوتكه دى ؟؟ وسام: وتكه ايه ؟!! دى كنكة مصدية كمان ... بت غلسه سكنت جمبنا انما عليها كمية غرور ابن لذين وانا مش ناقص تنطيط البنات كمان شريف: ايه ده ساكنه لوحدها؟! وسام: معرفش .. بس تقريبآ اه ... فكك ياعم شريف: بس ايييييييييييييييه صااااروخ .. انا هكون عندك كل يوم ياض وسام(بصله بصة غريبة ع كلامه) طب يلا وصلنا بدل م اكلك نص دلوقت بلا صاروخ نزلو وركبو عربية وسام .. وطلعو ع خطوبة منى .. وهما فالخطوبة .. منى فرحانة بس عريسها شكله كبير حبتين عليها .. وسام طلع بارك هو وشريف وبعدين رجع تانى مكانه وباصص ناحية منى مستغرب . هو ليه ف بنات كتير زى منى كده بيتظلمو بجوازات هما مش عايزينها بس عشان يرضو مجتمع غريب وميتقالش عليها " عانس" ورجع بص لنفسه كده انه مش عايز يتأخر عن كده فالجواز عشان ميجيش عليه يوم ويبقى زى عريس منى كده سنه كبير وعروسته متجوزاه جوازة والسلام !! اما مى .. فوسام كترهم معاها اوى لحد دلوقت كل م تنوى تعمله مقلب يطلع من عنيها هى .. الموضوع ده بقى شاغلها اوى ، اصل محدش قدر ع مى خاااااااااالص قبل كده وياما طفشت ناس هى انهاردة بعد الشغل عدت ع اختها سهر تقعد معاها شوية .. وبتحكيلها عن جارها الى هى شايفاه رخم وع عمايله معاها ونفسه ترد له القلم الا ان دخل واحد مع جوز اختها وسيييييييييم جدآ وسلم عليها وعرفها .. زياد: ازيك يامى ؟ مى : اهلا مين انت تعرفنى (مرتبكة) زياد: انا اخو ايهاب جوز سهر اختك ..الى كنت بدرس برة ولسه راجع .. مى :(فنفسها)
اووووووووووووووووووووو اهلاآآآآآآآآآآآآآ
اووووووووووووووووووووو اهلاآآآآآآآآآآآآآ
ليست هناك تعليقات:
إرسال تعليق